Saturday, September 17, 2011

خالد على قناة النايل تى فى

اكيد عارفين خالد هو ابن اخى واتكلمت عنه قبل كدة هو بطل سباحة وحطم الرقم القياسى فى كل بطولة يشترك فيها اخر بطولة كانت بطولة الجيزة الصيفية للسباحة علق فيها اربع ميداليات دهب هو عنده 11 سنه برنامج 3*1 اللى بيذاع على قناة النايل تى فى الانجليزية استضافته انا حبيت اعرف الناس اللى بتقول ان الالتزام والاسلام هيأخرنا لورا هاقولهم ان خالد مامته منتقبة ومعلمة قرءان فى معهد مشهور فى الجيزة وكمان حاصلة على الايجازة فى راوية حفص يعنى الملتزمين عايشين الدنيا ولكن بما يوافق الدين قال سيدنا عمر بن الخطاب رضى الله عنه علموا اولادكم السباحة والرماية وركوب الخيل على فكرة خالد بيلعب كمان رماية وسلاح شيش والفروسيه ( لعبة اسمها الخماسى الحديث ) احمد اخوه ايضا فى نفس اللعبه لكن خالد ماشاء الله متفوق عنه وفيه معاذ كمان لسه منضم لفريق 2005 من يومين






خالد اللى معلق الميداليات مع الكابتن والفريق





5 comments:

MR.PRESIDENT said...

اول حاجة ربنا يبارك لكم فيهم
معلش هصلح حاجة علموا أولادكم مش حديث نبوي إنما هو مقولة لسيدنا عمر بن الخطاب رضي الله عنه

وبجد شكرا لان فيه ناس بدأت تتجني علي الإسلام وتلزق أي فعل مش مرغوب في حملة الإسلام ولازم نفرق بين الإسلام والمسملين مع أن الاولي اننا منفرقش مش معني اني مسلم اني أي فعل بعمله الاسلام هوا اللي بيكون بيحركني

كمان الاسلام دين حياة زي ما حضرتك وضحتي في البوست ، يعني ربنا نزل الدين لتنظيم شئون الحياة لحين مقابلته ان شاء الله، ولا رهبانيه في الاسلام، ربما يكون زهد بما لا يمنع متع الحياة والدليل


4776 حدثنا سعيد بن أبي مريم أخبرنا محمد بن جعفر أخبرنا حميد بن أبي حميد الطويل أنه سمع أنس بن مالك رضي الله عنه يقول جاء ثلاثة رهط إلى بيوت أزواج النبي صلى الله عليه وسلم يسألون عن عبادة النبي صلى الله عليه وسلم فلما أخبروا كأنهم تقالوها فقالوا وأين نحن من النبي صلى الله عليه وسلم قد غفر له ما تقدم من ذنبه وما تأخر قال أحدهم أما أنا فإني أصلي الليل أبدا وقال آخر أنا أصوم الدهر ولا أفطر وقال آخر أنا أعتزل النساء فلا أتزوج أبدا فجاء رسول الله صلى الله عليه وسلم إليهم فقال أنتم الذين قلتم كذا وكذا أما والله إني لأخشاكم لله وأتقاكم له لكني أصوم وأفطر وأصلي وأرقد وأتزوج النساء فمن رغب عن سنتي فليس مني

الطائر الحزين said...

ربنا يحمية

موناليزا said...

ربنا يبارك فيه يا حبيبتى

رفقة عمر said...

MR.PRESIDENT

اهلا بحضرتك وربنا يبارك فيك ربنا يرزقك ذرية صالحة تسعد بها وتفتخر

ماهو انا تعبت بالهجوم الغير مبرر على الملتزمين لان للاسف الناس اللى بتهاجم الملتزمين لم يتعلموا دينهم علشان كدة مش فاهمين على فكرة انا كمان قبل ما التزم كان الشيطان مصورلى ان الملتزمين دول هم الاشرار ولكن بعد التزامى وتعلمى دينى وتقربى منهم اكتشفت انى كنت مخطئة فى حقهم ولكن لا انكر ان فيه بعض الملتزمين منفرين والرسول كان يقول لسيدنا اسامة لا تكن منفرا واعتقد برضة ان الملتزمين اللى بيسيئوا للالتزامهم بسبب انهم فاهمين الدين غلط او برضه التزموا من غير علم لان العلم ودارسة الدين جيد وفقه الاولويات اكيد هايتعاملوا احسن من كدة وهايقدروا يكسبوا ثقه الناس دة الاسلام انتشر اساسا بسبب التجار المسلمين بسبب امانتهم وحسن خلقهم فلو احنا حسن من اخلقنا وتخلقنا بخلق الاسلام الصحيح سنسد الابواق التى تهاجم الاسلام وعندنا نموذج الدكتور حازم صلاح مرشح الرئاسة خلق رفيع وادب حوار جعل منتقدية ومعارضيه يحترموه والان الذين يهاجموه هم ابناء المخلوع لان طبعا اخلاقهم معروفة ومش عاوزين يشوفوا اصلاح فى مصر علشان عاوزنا نترحم على ايام المخلوع
ربنا يجعل لما امر رشد انا بحاول من خلال مدونتى اعرف الناس بدينا وانه لم يعوقنى عن ممارسة حياتى بطريقة طبيعيه وبحرية
اشكر مرور حضرتك الكريم

**********************

الطائر الحزين

اهلا بحضرتك

انا بحاول اظهر للناس ان االالتزام مش معناه انى لا اعيش حياتى واستمتع بها ولكن بعيد عما حرمه الله اتمنى ان الناس تفهم دينها صح وتتعلمه دينا كله سلوكيات رائعه ورقى فى التعامل حتى الاتيكيت اللى كنت بتعلمه من الغرب وجدته كله فى هدى رسول الله وسنته وكتبت قبل كدة موضوع عن الاتيكيت الاسلامى
ربنا يرد المسلمين الى دينهم ردا جميلا ويجعل لهم امر رشدا اللهم امين

اسعدنى مرور حضرتك جدا جزاك الله خيرا

**************

موناليزا

وحشتينى ياقمرى النور زاد بطلتك الجميلة
ربنا يسعدك ويحقق لك كل احلامك ويرزقك بذرية افضل من خالد ويجعلهم بارين لك اللهم امين

رفقة عمر said...

MR.PRESIDENT

انا اسفة كنت اعتقد ان هذا الكلام من حديث رسول الله اول مرة اعرف انه مقولة لسيدنا عمر بن الخطاب