Sunday, March 02, 2008

اسلام مكه واسلام المدينه

طبعا انتم عارفين حال المسلمين فى بدايه الدعوة فى مكه كان ازاى ومين اللى دخل الاسلام كانوا معظمهم من العبيد والاماء والفقراء الضعفاء وقله قليله جدا من صفوة المجتمع المكى القوى فطبعا مع ضعفهم كان الكفار يعلنون كفرهم بكل تبجح ولا ييكتفون انهم كفار بل كانوا مضطهدين المسلمين وكانوا بيعذبوهم وبيسخروا منهم ولم يسلم نبينا محمد صلى الله عليه وسلم من السخريه والايذاء اما ايذاء بدنى او معنوى اتذكرون وهو يصلى عند الكعبه ورمى الكفار عليه بقايا شاه مذبوح اتذكرون قولهم له انه شاعر او مجنون وانه ابتر لا يعيش له اولاد ذكور
وانه ساحر لقد تعرض الرسول صلى الله عليه وسلم من الايذاء مالم يتحمله احد وكل دة لان المسلمين كانوا ضعاف جدا معظمهم رقيق لا يملك من امره شيئا وكان ممكن رب العزة سبحانه وتعالى ان ينجيهم من اذاهم ولكن الرسول صلوات الله عليه وسلم كان يرفض الدعاء عليهم اوان ينزل الله عليهم غضب من عنده كان رحيما بهم مع كل هذا الايذاء حتى استفحل الايذاء الى حصار المسلمين فى شعب ابى طالب لمدة 3 سنين هما اللى كانوا رافضين اى تعامل مع المسلمين ورافضين اى تجاره بينهم يعنى الرسول لم يمتنع عن تبادل التجارة معهم بل بالعكس هم اللى امتنعوا عن ذلك وظل المسلمين يتعرضون لايذاء شديد داخل مكه حتى جاء نصر الله وتمت الهجره الى المدينه نرى تغير تام دخول مجموعه من كبراء مكه الى الاسلام طبعا اسلام الاوس والخزرج وهما اكبر قبيليتين فى المدينه بدا يقوى المسلمين بدا يبقى ليهم صوت ومكانه فى المجتمع العربى بدأ يسمع بهم فى كل مكان على وجه الارض فى المدينه لم يكن هناك كافر واحد طيب غريبه ليه مش فيه كافر واحد ايه السبب ان مافيش حد بيعلن كفره السبب قوة المسلمين فى المدينه وظهور كافر واحد فى مجتمع كله مؤمنين اكيد هايكون نهايه لحياته دايما الشخص القوى لا يكون له اعداء ظاهرين ولكن هناك منافقين خوفا منه كان فى المدينه منافقين وليس كفار واكيد كلنا نذكر عبدالله بن ابى سلول راس النفاق فى المدينه لم يجرؤ احد على اهانه مسلم لم يجرؤ احد على اذى او اهانه الرسول صلى الله عليه وسلم حتى تم فتح مكه وكفار مكه اللى كانوا بيسخروا من الرسول جاءوا ليطلبوا منه العفو عنهم جاءوا اذلاء له فعفا عنهم الرسول عن قوة واصبح الاسلام قوى يحكم العالم
لاكتر من 500سنه لم نسمع شكوى من يهودى او مسيحى لاضطهاد المسلمين لهم ولم يكن يجرؤ احد على اهانه المسلمين ولا اهانه نبيا محمد صلى الله عليه وسلم حتى فرطنا فى دينا وفى سنه نبينا محمد صلى الله عليه وسلم فماذا حدث
نظرت لحالنا الان وجدته يشبه حال المسلمين فى مكه لم يعد هناك منافقين يتملقونا لخوفهم منا ولكن اعلنوا صراحه عدائهم لنا كما فعل كفار مكه مع المسلمين الضعفاء لانهم كانوا عبيد واحنا للاسف دلوقتى عبيد بس عبيد بارداتنا كل واحد منا عبدا لفكرة لا تمت للاسلام بصله او عبد للمال و عبد للشهوات او عبد للسلطه فاصابنا الضعف فظهر من يبادرونا بالعداء والاهانه لنا باهانه نبيا لانهم يعلمون انه لا حيله لنا فنحن عبيد ضعفاء لا نستطيع فعل شئ الاقوياء لا يجرؤ احد على اهانتهم خوفا منهم
اسلامنا قوى ونبينا لا تعيبه اى اهانه من هؤلاء الحاقدين هم يعلمون قدر نبيا محمد صلى الله عليه وسلم
ولكنهم يسخرون منا من حالنا الذى اصبحنا عليه من الضعف والذل والهوان
فلذلك لم يعد هناك منافقين متملقين اصبح هناك كفر عداء ظاهر لا يخفون كرهههم لنا لا تقولوا لماذا يكرهونا وتتدوروا على اسباب ممكن حد يقولى ليه ابليس كره سيدنا ادم الكره ليس له اسباب
هما بيكرهونا وخلاص من قديم الاذل ولكنهم كانوا منتظرين الفرصه ليظهروا هذا الكرهه وطبعا لازم يظهر مع ضعف الاخر
احنا ولا حاجه ولا ملتزمين بدينا ولا متقدمين صناعين ولا حضاريا ولا اى شئ تفتكروا هايحترمونا ليه ونحن ملهين بملذات الدنيا
حتى كل رجل اعمال عايز يستثمر امواله يعمل قناه فضائيه فاضحه دة اقسى نجاح يحققه
انا لا الوم على الاخر اللوم كله علينا نحن ونحن مشتركين معهم فى اهانه رسولنا صلى الله عليه وسلم
الا تعلموا حديث الحوض وانا الله يقول للرسول صلى الله عليه وسلم انهم ليسوا من قومك انك لا تعلم ما احدثو بعدك
قال رسول الله صلى الله عليه وسلم(سيعود الاسلام غريبا كما بدا غريبا فطوبى للغرباء) صدق الرسول الكريم
احنا للاسف مسلمين كا مسلمين مكه بدايه الاسلام لا حول لنا ولاقوه
اسال الله ان يرجع الاسلام كما كان فى المدينه ويرجع له عزته وقوته
وان يرد المسلمين الى دينهم ردا جميلا
اامين
وقتها عمر ما اى حد مهما بلغت قوته انه يقدر يهين نبينا محمد صلى الله عليه وسلم او يهنا

52 comments:

د/اجدع بنوته said...

اول كومينت هييييييه

ربنا يجازيكى يارب خير

بوست مفيد وهايل جدا

تحياتى بجد

شريف طلال said...

فعلاً لو كل واحد تمسك بدينه و رجع يمشى على كتاب الله و سنه رسوله هنرجع زى الاول اسياد مش مجرد عبيد
ربنا يهدينا كلنا
شكراً ليكى على العرض الممتاز ده
و أحييكى على الموضوع
تحياتى

الباحث عن الحقيقة said...

الحمد لله نلت شرف التعليق التالت على الموضوع
هييييييه
ههههه
الاخت الفاضلة والغالية رفقة عمر
السلام عليكم ورحمة الله وبركاته
موضوع طيب جدا وملاحظة جميلة وربط بين دروس وعبر الماضي وبين الواقع الحالى
بالفعل يا اختى احنا كدول اسلامية اصبح وضعنا مهين
احنا مفرقين وهم اتحدوا حتى عملوا عمله واحده
احنا بنكره بعض ونتآمر على بعض وهم اتحدوا علشان يتآمروا علينا
هم المصلحة وحب الدنيا جمعهم
واحنا قران واحد ونبي واحد ..واصبحنا مفرقين
طبعا العيب مش فى القران او النبي .. لان ضعفنا ليس ناتج عن تمسكنا بالكتاب والسنه وانما نتيجة تركنا للكتاب والسنة
يا ريت نفهم

فرنسا هانم said...

دى حرب مدبره ومخططه ومداره ببراعه
حرب امريكا ضد الاسلام جعلت كل شىء يمت للاسلام بصله فى المواجهه
ابتداء من الحجاب ومحاربه الدعاه الى المساس بالرسول الكريم عليه الصلاه والسلام
لقد ضاعت هيبتنا
وصدقينى
لا المقاطعه
ولا المظاهرات
ولا المناشدات
ولا اى حاجه هتنفع
دول خلاص
خلاص
بيحاربوا الاسلام فى كل صوره
ولكن الشىء الوحيد الباقى
هو الاتحاد
لو اتحدت كلمه المسلمين
لكان لنا شأن اخر
وتحياتى العطره
لحبيبتى رفقه عمر
اللى غيرت صوره البروفيل
اللى كنت بحبها

دكتور حر said...

ربنا يركمك يا رفقه

اصبت كبد الحقيقه

ما يحدث حقا للنبي الكريم سببه الاساسي

هو نتيجة سوؤ المعبرين عن دين الاسلام الذين هم نحن

العالم لا يحترم الا القوي
ونحن في المؤخره

لكن اختلافي مع خالتي فرنسا
ان المقاطعه فقط هي اضعف الايمان
وهي الوحيده المؤثره نوعا ما

جزيتي خيرا على العرض الطيب

محمد عبد الرحمن said...

لا إسلام مكة ولا إسلام المدينة
أمتنا تمر بمرحلة ليست كما سبقها
أمة ضعيفة ممزقة ومتآكلة حضاريا وقيميا منهارة أخلاقيا

أرى نفسى مقصرا مسوفا متخاذلا ومتعلقا بالدنيا والماديات
ولذا ليس من حقى أن أكتب تعليقا على وضع الأمة

أوافقك والفضلاء قبلى أن النصرة لابد أن تأخذ منحى عمليا ومستمرا وله صفة التصاعد والشمولية

المهـ إلي الله ـاجر said...

أظن أننا في وقت إن انتظرنا فيه ردة فعل من حكوماتنا فسنموت قبل أن نري ذلك

كل ما علينا هو نصرة هذا الدين في داخل كل منا .. والأمر سهل . فقط لنكون خير صورة لخير دين وليصلح كل واحد وواحدة فينا من شان نفسا حتي يتفشي هذا بيننا

جزاك الله خيرا

الربان said...

تحياتي

الموضوع شغل تفكيري ... و في رأيي ان افضل شيء هو :

نتجاهل الاساءات و بذاءة اصحابها..بعد فترة سيشعروا بالامبالاة...و سنفضوا، لكن اهتمامنا و المظاهرات و خلافة، ربما تشجعهم و تستثيرهم أكثر.

الشيء الاخر هو ان ننصر الرسول صلي الله عليه و سلم في أنفسنا...فنتبع سنته
و ننتهج نهجه.... حينها سنكون اقوياء
بعقيدتنا...و سيهابنا الاخرون.


تحياتي و أشكرك علي الموضوع.

دمت بالف خير.

ahmed mefrh said...

كلما ازدادت الامه تمسكا بخالقها ارتفع شأنها و على مرامها و زاد قدرها و العكس صحيح
تحياتى ابو مفراح

الفارس الملثم said...

ربما كان حديث رسول الله صلي الله عليه وسلم" ستتكالب عليكم الامم كما تتكالب الاكلة على قصعتها...

فقال له الصحابة أمن قلة نحن يومئذ يارسول الله؟...

فقال لهم كلا ولكنكم غثاء كغثاء السيل .. يصيبكم الوهن.. وهو حب الدنيا وكراهية الموت...
"
يلخص كل شئ فالضعف نابع من وهن عزيمتنا وقلوبنا

موضوع قيم للغاية رفقة عمر جزاكي الله كل خير

تقبلي مروري

العراق صوت الحق said...

اسلامنا قوى ونبينا لا تعيبه اى اهانه من هؤلاء الحاقدين هم يعلمون قدر نبيا محمد صلى الله عليه وسلم
ولكنهم يسخرون منا من حالنا الذى اصبحنا عليه من الضعف والذل والهوان

>>>>>>>>>>>>>>>>>>>>>>>>>>>>>>
صدقت يارفقة هى هي الحقيقة السخرية ليست منه ولكن من ضعفنا وذلنا...عفية على القراءة الصحيحة للموضوع

abdallah mortada said...

موضوع رائع وفكرة هايلة

بس للاسف بقراه وانا بنام

ليا عودة ان شاء الله
سلام

الطائر الحزين said...

لما نعرف نسوى الصفوف وننقى قلوبنا ونصلح ذات بيننا

ستكون البداية

لن ينصلح الحال الا بما صلح به الاولون
تحياتى

مجداوية said...

رفقة
صدقت فى كل كلمة كتبتيها فنحن فى مصر مثلا نبكى على أطلال مجد الفراعنة الوثنيين ونطلق على أنفسنا أبناء الفراعنة فخرا وزهوا ونحن الآن لا نمت لقوتهم ولا ابداعاتهم الا بالكتابة على الحوائط والكتابة على كل شىء حتى الأوراق الماليه لم تسلم من هذا الموروث الفرعونى الوحيد ولا نبكى على حالنا كمسلمين ولكن تصديقا لكلام الله سبحانه وتعالى فسوف يتغير هذا الوضع وسنحارب اليهود وسننتصر عليهم وأول الاصلاح معرفة الخلل والعودة لدين الله هى البداية والله المستعان ,,رائع ما كتبتيه سلمت يداك

محمد said...

لا أدري لم أشعر أننا نعيش في العصر "المكدني" .. فأنا أرى في مجتمعنا عيوب المجتمع المكي وعيوب المجتمع المدني

الضرب والسجن والذل والإهانة .. هذه من مكة
والنفاق والميوعة والجدال .. من المدينة

ma 3lina said...

صدقتي يا رفقة وصدق الفارس الملثم وصدق رسول الله صلى الله عليه وسلم
والحديث اللي ذكره الفارس فيه قول النبي صلى الله عليه وسلم ..

و لينزعن الله من صدور عدوكم المهابة منكم ، و ليقذفن الله في قلوبكم الوهن

تخيلي العدو لا يهابنا وإحنا بنهاب العدو ... حتكون النتيجة الطبيعية طبعا إن التلطيش في اتجاه واحد فقط كله موجه لينا ولعقيدتنا

وربنا سبحانه وتعالى بيقول عنهم :
كيف وإن يظهروا عليكم لا يرقبوا فيكم إلا ولا ذمة

كرياكو said...

ربنا يجزيكى خيرا

ويهدى الجميع

فعلا كلامك سليم دلوقتى اصبح الاسلام ضعيف بسبب بعدنا عنة احنا دلوقتى مسلمين بس بلكلمة

abdallah mortada said...

عدنا

بصي يا رفقة الموضوع ده نسبي
يعني هما مقهورين من الاسلام اللى كل يوم بيزيد في اوروبا ومش عارفين ليه ... يعني هما منطبع في دماغهم اننا متخلفين جدا واغبياء ومن رايهم ملناش حق في الحياة

وناس منهم فاكرين لحد دلوقتى اننا عندنا جواري وعبيد وبنضربهم بالكرابيج وبنركب جمال كمان :))

الحكاية ان اللى بيسب الرسول ده واحد ناقص وسفيه كان من الممكن جدا انه يكون واحد من العرب لان العته ملهوش ملة ولا دين ولا جنسية الحكومة الدنماركية مش ساكتة عليه عشان حرية الرأي زي ما بيقولوا

لكن سياستهم طلاما واحد بيسب في عالم متخلفة مش هيقدروا يضرونا يبقى نوقف المعتوه اللى بيسبهم ليه

ناس منهم بتقول انهم مش لازم يعتذروا عشان ميبانوش انهم انهزموا من رعاع متخلفين ... هما بيوصفونا كدة

من رايي التصرف السليم مع العالم دول هوا اللى الرسول صلى الله عليه وسلم كان بيعملوا مع الاهانة .. كان بيصبر ويقول اللهم اهد قومى فانهم لا يعلمون

دورنا بقى في عزة النفس اننا نعاملهم بعد كدة معاملة خاصة من حيث العلاقات الدبلوماسية والاقتصادية .. ومش قصدي المقاطعة
مثلا نخلى البضايع الدنماركية والاستثمارات الدنماركية عليها قيود كبيرة جدا
وزي ما قلت قبل كدة في مدونتى لازم دور الكتاب والصحافيين يزيد شوية ...ز ده وقت الجهاز الاعلامى ودي فايدته في الاساس
انما مقاطعة ونقعد ندعى عليهم من غير ما نعمل حاجة ايجابية يبقى منستكترش يوم يسبنا ابناء جلدتنا

معلش طولت

سلام

رفقة عمر said...

د/ اجدع بنوته

اهلا بيك اول مرة تزورنى سعيدة بزيارتك جدا ومبسوطه ان اول زياره تكونى اول تعليق
شكرا ليك على رايك فى البوست ربنا ينفع به اللهم امين
شرفتينى


*****************

استاذ شريف طلال

اهلا بحضرتك
اكيد لان احنا اساسا عزتنا فى ديننا وان ابتغينا العزة فى غيره اذلنا الله
جزاك الله خيرا على رايك فى البوست

**************

الباحث عن الحقيقه

واهلا بحضرتك
وانا مبسوطه ان حضرتك تالت تعليق
بجد مش عارفه احنا امتى هانفوق ونحاول نصحح مسارنا عرفنا ان العلمنه والعولمه لما تاتى الا بالخراب ليبلاد المسلمين
ربنا يرجعنا تانى ويارب ننفوق بقى من اللى احنا فيه دة
شرفتنى


************

فرنستى الجميله

منورانى ياحبيبتى
اؤيد كل كلامك طبعا
مش عارفه هانفوق امتى بقى من الغيبوبه اللى احنا عايشنها دى
ربنا يرحمنا من عنده
علشان خاطرك رجعت الصورة تانى
مش ااقدر على زعلك
:)

*******************

دكتور/حر


اهلا بحضرتك
جزاك الله خيرا
اكيد طبعا العالم لا يخاف الا من القوى لو احنا لنا صوت عند العالم لما كنا فى كل هذا الهوان والابادة الجماعيه لنا وحكمنا فى صمتا تام ولا حس ولاخبر
لاحول ولا قوة الا بالله العلى العظيم
كانوا بيقولوا بعد ضرب العراق هايضربوا كوريا
ليه بقى مش ضروبها علشان هى قويه
ربنا يصبرنا على اللى بنشوفه
وعايشينه كويس اننا لسه بعقلنا
حضرتك شرفتنى بجد

***************

دكتور/ طال الليل

اهلا بحضرتك
كلنا مقصرين وكلنا مشتركين باللى بيحصل
لاننا ساكتين مستسلمين كاتمين همنا جوانا وراضينا بالوضع القائم
ليه مش بنشوف تاريخنا كنا بنحارب الفرس والروم بسيوف وكما كان عندهم احدث الاسلحه زى امريكا كدة دلوقتى
بس قدرنا نقضى عليهم
ليه مش واثقين فى نصر ربنا لنا
احنا ايمانا ويقينا ضعيف
ربنا يعفوا عنا على تقصيرنا

*******************

المهاجر الى الله


اهلا بحضرتك

انا نفسى نقاطع حكومتنا ونعمل اعتصام علشان يتحركوا يعملوا حاجه
لما يكون هناك ضغط داخلى يغلب ضغط العالم الخارجى يمكن وقتها يتحركوا يمكن يعملوا حاجه
حسبى الله ونعم الوكيل فى كل حاكم ساكت على اللى بيحصل لمسلمين فى كل مكان
اسعدنى مرور حضرتك الكريم


******************

الربان

اهلا بحضرتك
انا فعلا مع حضرتك فى موضع التجاهل دة لان ربنا قال للرسول صلى الله عليه وسلم
واعرض عن الجاهلين
هما اصلا فرحانين باستفزازهم لينا
وعارفين اننا حناجر على الفاضى
وبيضحكوا علينا
جزاك الله كل خير


*******************

استاذ ابو مفراح

اهلا بحضرتك
ياريتهم يفهموا كدة المسلمين الاوئل سادوا العالم بكل بساطه هو ايمانهم ويقنهم فى نصر الله لهم
احنا فين بقى من الايمان واليقين دة
نفسى يشوفوا تجربه مجاهدين الشيشان
وازاى سحقوا الروس بايمانهم وعقيدتهم
جزاك الله كل خيرا


****************

الفارس الملثم

اهلا بحضرتك
صدق رسول الله وصدقتك
الحديث دة يكفى اثبات نبوه الرسول الكريم حديث من 1400 سنه ونراه باعيننا الان ونتعايشه
صلى الله عليه وسلم
حبيبى يارسول الله
عذرا لتفرطنا فى شريعتك وسنتك
اخى الفرس الملثم جزاك الله كل خيرا


*********************

جنـه said...

اولا وحشتيني جداااااا
ثانيا انا شايفه ان النفطه الحقيقيه في هذا الموضوع ليس الضعف لكن هما تفكيرهم غير تفكيرنا هما لا يعترفوا بشئ اسمه المقدسات او حدود لاي حريه وعشان كده هما كرروا ده تاني عشان يثبتوا فكرتهم عن الحريه والذي في رايهم لا حدود لها فبصراحه شديده انا شايفه ان تجاهل هؤلاء هو افضل رد ونعمل بقول الله عز وجل واذا خاطبهم الجاهلون قالوا سلاما هما مش فاهمين قدسية الموضوع ومش عايزين يفهموا

walaa said...

ما امين اللهم ما عز الاسلام وعز المسلمين
يارب يرجع قوة الاسلام كما كان اول ما كان فى المدينه
وده مش هيحصل لما المسلمين يرجعوا لدين الله ويرجعوا لسنته
تحياتى لك على البوست الجامد ده
ولاء

مجداوية said...

رفقة اشكرك جدا انك اوحيتى ليا بفكرة البوست الجديد اللى كتبته بعد زيارتك ليا ابقى اقريه وقوليلى رأيك نورت المدونة

ا بـن عــمــر said...

عندك حق فى كل كلمة قولتيها
لم نقدر سنة نبينا فأهنا

Monzer said...

الضرب على الحديد يزيده قوة


لعل البعض يستغرب .. ولكنى مع تلك الهجمات أرى أن الشباب ينفعل بها ويتأثر بها ويتمسك بالاسلام ويحاول الالتزام بتعاليمه والسير على خطى الحبيب (ص)

أما سياسيا فلا وزن لنا .. ولهم منطقهم كل انسان حر فى رسم او كتابة اي شيئ او الاعتقاد فى أي شيئ هذه هي ثقافتهم حتى وان تجاوزت حدودهم

نشروها بين شعوب الأرض بقوتهم الاقتصادية والعسكرية

اي هي ثقافتك التى تنشرها حتى بالقوة الناعمة التى ينظر لها هيكل وغيره

واخيرا وما تخفى صدورهم اكبر

تحياتى أخى الغالية

No Fear said...

السلام عليكم
بوست بيوجع بجد
بس للأسف تقريبا إحنا خلاص جدتنا تلمت و مبقيناش نحس

Unknown said...

الحاجة الوحيده اللي بتخلي لسه عندي أمل
هيه اللي كان بيحصل في مكة
بس الفرق ان الاسلام كان غريب في مكة بين الكفار
وهوه دلوقتي غريب بين المسلمين
على فكرة الاسلام حكم 1300 سنه
مش 500

Unknown said...

وهنرجعه ان شاء الله








بدمائنا

belal said...

بس على الأقل أبوجهل ماكنش عنده شيخ أزهر يكفر الرسول
..

محمد مارو said...

الاسلام
ظهر و انتشر وذاد قوته يوم بعد يوم


و احنا الان فى وقت

للاسف الضعف


ربنا يكون معانا

مدحت محمد said...

بوش قال حرب صليبية
بس الحرب زمان كانت بالسيوف
دلوقتى الحرب اتطورت
بقى فى وسائل اعلام متطورة
وادوات تانية
تأجج الفتن
انت تقدر تقتل امة
من غير ماتنزل نقطة دم واحدة
لما تقدر تحسسها باليأس
هتبقى نجحت انك تقتل امة
لما تقدر تقسمها
يبقى انت نجحت تقتل امة
لما تسفهها
يبقى انت قدرت تقتل امة
الحرب صليبية
ولكنها تختلف كل الاختلاف عن الحروب الصليبية القديمة
تحياتى

منى said...

العالم لا يحترم الا الاقوياء
عندك حق
مهما كان نوع القوه
حتى لو قوه ظالمه
واحنا عندنا مصدر قوه عادله
بس ربنا يهدينا ويرزقنا الصلاح
تحياتى

رفقة عمر said...

العراق صوت الحق

كيفك عمر
عفية على القراءة الصحيحة للموضوع
انا مافهمتش الجمله دى ممكن توضحها ليا من فضلك


******************

عبدالله

شكرا عبدالله على رايك فى البوست
طبعا دايما تعليقك بيضفلى وبيزيد من قيمه البوست
بس احنا بنزيد بس كغثاء السيل
وبينا فرقه وتشيع وتعصب
متهيالى محتاجين وقتت لما نعرف نتحد اساسا

ربنا ينجحك عبدالله وكل من يهمك امرهم اللهم امين يارب العالمين


****************


استاذنا الطائر الحزين

اهلا بحضرتك اكيدكلام حضرتك صحيح
ربنا ينصرنا من عنده اللهم امين يارب العالمين

************

مجداويه

اهلا بيك
انت اللى رائعه ومدونتك جميله جدا ومواضيعك كلها مميزة سعدت بمعرفتى بيها

********************

استاذ وضاح

اهلا بحضرتك
بس منافقين هذا الزمان ينافقون الظلمه واصحاب السلطه والفاسدين
لان هؤلاء هم القوة فى ايديهم
لكن منافقين المدينه كانوا بينافقوا الاسلام
لانه كان رجاله اقوياء وخوفا من قوة رجاله
تحياتى

*************

ماعلينا

تعليقك اسعدنى بجد
ربنا يكرمك يارب ويقدر لك الخير وييسر لك كل امورك اللهم امين


***************

كرياكو

اهلا بحضرتك
دائما يسعدنى مرور حضرتك
جزاك الله خيرا


***************

جنه

انتى اللى وحشانى جدااااااا حمد ا لله على سلامتك
انا كمان شايفه ان تجاهلم هو احسن حل
قل موتوا بغيظكم


***************


ولاء

اهلا بيك
اامن على دعاء
وجزاك لله خيرا على كلامك الجميل
ربنا يكرمك يارب



**************

ابن عمر

اهلا بحضرتك
اسعدنى مرور حضرتك الكريم
جزاك الله خيرا


************

Anonymous said...

حاليا الاسائة تاتى من داخلنا
وعزيمتنا تجاه الاسائة تقل تدريجيا حتى انها لم تعد تؤ ثر
والاهم جهلنا بديننا هى دى الاساءة الفعلية وكثرة اهوائنا وتقويلنا للاحاديث على غير معناها هى دى اكبر اساءة لنبينا وديننا

Unknown said...

رفقة ازيك؟؟

عايزة اعتذرلك بجد على تقصيرى فى الزيارة وفى دخول النت وفى اى حاجة كنت بعملها وبطلتها

حقك عليا وبالله عليكى ماتزعلى منى .. وإدعيلي بالله عليكى محتاجة الدعاء اوى

على فكرة انا كتبت بوست جديد النهاردة مخصوص عشان مكالمتك ليا وقلقك عليا وعشان قولتلى انك بتزعلي اوى لما تدخلى المدونة ومتلاقيش جديد

حبيت بس اطمنك انى كويسة وموجودة والله .. بس بجد الزهق تحسى انه اتملك مني ومش قادرة لا اقرا ولا اكتب ولا اعمل اى حاجة .. الحمد لله على كل حال

مش عارفة اشكرك ازاى على اهتمامك وسؤالك عليا .. ربنا يكرمك ويباركلك يا اجمل اخت

سلام ياحبيبتى

العراق صوت الحق said...

يعني برافو عليك فهمتي المسألة صح
أو فهمتي الموضوع كويس فهم يريدوا الاستهزاء مننا نحن ومن ضعفنا وليس من الرسول الكريم
هذا ما أقصده

Osama Sherif said...

ما شاء الله
مقال جيد جدا
وتحليل دقيق لحالنا
ومقارنة جيدة

سؤال صغير: اشمعنى 500 سنة بس؟

إيمان الحسيني said...

حتى إسلام مكة يا رفقة عُمر كان فيه عِزة وكرامة
واحد من الصحابة - أعتقد عبد الله بن مسعود - قال : كنا اذلة حتى أعزنا الله بعُمر
يوم إسلام عُمر بن الخطاب ويوم إسلام حمزة بن عبد المطلب كانوا يومين عزة للمسلمين في مكة
دلوقتي مش لاقيين أي حد يقف معانا
بالعكس
ده احنا بناكل في بعض بدل ما نقف مع بعض
الله المستعان

الجواز و سنينه said...

احنا للاسف دلوقتى عبيد بس عبيد بارداتنا كل واحد منا عبدا لفكرة لا تمت للاسلام بصله او عبد للمال و عبد للشهوات او عبد للسلطه فاصابنا الضعف


كلام صحيح مليون الميه و لا تعليق بعدها

Anonymous said...

السلام عليكم

مررت على مدونتك كثيرا ولم انل شرف التعليق لديك
بجد موضوع جميل
احسنت التشبيه
كمااحسنت ربط الماضى بالحضر

ولكن هل لنا نحن قوة مسلمى مكه فى قوة العقيده
ان الرجل كان يكوى بالنار ويجلد ويلقى عاريا فى الصحراء يموت ظمان
ويمكنه ان ينجو بنفسه لو قال كلمه واحده
لقد اجاز الله والرسول الكريم الحق للمعذب ان ينطق كلمه الكفر
طالما ان قلبه مؤمن ولكن من شده الايمان لم يرد احد ان ينطقها

بجد مدونتك من اجمل المدونات التى قرات
ذات طابع مميز
مدونه تحمل بداخلها هدف تسعى الى
ايصاله لمن يقرئها

جزاك الله خيرا عنا

الى لقاء... ان كان فى العمر بقاء

موناليزا said...

إن مما يضاعف آلام المصائب ان تكون من صنع أيدينا وده فعلا حالنا واللى بيوجع اكتر ان فيه ناس كتير بتعصى وهى مش واخدة بالها وبرضه بتستنكر اللى بيحصل الموضوع محتاج صحوة إيمانية
بوست جميل ربنا يكرمك
اللهم أعز الاسلام والمسلمين
اللهم لاتؤاخذنا بمافعل السفهاء منا
بالتوفيق دائما

أحمد سعيد بسيوني said...

بسم الله
اللهم اجعلنا مسلمين حقا

رفقة عمر said...

استاذ منذر

اهلا بحضرتك
فعلا فى حديث للرسول صلى الله عليه وسلم يذكر فيه ان هذا الدين بنتشر بقول الرجل الفاجر
وسبحان الله المسلمين فى ازداياد فى دول اوروبا
نسال الله ان ينصر المسلمين ويعزهم الله امين يارب العالمين


*****************

no fear

فعلا لو كنا بنحس تفتكر بعد اللى حاصل فى غزة نقدر نعيش ولا ناكل ولا نضضحك حتى بالعكس بناكل وبنضحك ولا كان فيه حاجه اساسا
ربنا يرحمنا من عنده وتجاوز عن اخطانا اللهم امين


*****************

انا انسان

اهلا بحضرتك
ايوة الاسلام حكم فوق الالف سنه ولكن كان هناك تقسيم وغزو تتارى وغزو صليبى
لكن مدة 500 الاولى كان قوى جدا وتحت رايه خليفه واحد هو الخليفه العباسى بعد كدة تفكك العالم الاسلامى الى دويلات

*****************

other_things

اهلا بحضرتك
هو شيخ الازهر بيكفر الرسول ولا ايه
دى تبقى مصيبه سودا


*****************

استاذمحمد مارو

اهلا بحضرتك
اسعدننى مرور حضرتك الكريم


***********
استاذ مدحت محمد

اهلا بحضرتك
هو اعلانها اساسا انها حرب صليبيه ولكن احنا للاسف خايفين نصدق لاحسن ندخل فى حرب معاهم وبنقول دة مجرد اختلاف فى وجهات النظر وتركنهم يهعملوا فينا كل اللى هما عايزينه من غير اى اعتراض
لا حول ولا قوة الا بالله العلى العظيم


***************

منى

اهلا بحضرتك
منورانى وبيسعدنى وجودك دائما
شكرا على مشاركتك الجميله

***************

رفقة عمر said...

هند

اهلا بحضرتك منورانى وسعيدة بمشاركتك الاولى على مدونتى


***********

انسانه

الحمد لله انك بخير
ومبسوطه قوى بعودتك تانى لمدونتك
ربنا مش يحرمنا منك يارب


****************

العراق صوت الحق

السلام عليكم عمر
شكرا على التوضيح اصل انا مش باعرف اللهجه العراقيه
فكان عندى فضول اعرف معنى الكلمه


***************

استاذ ابو خالد

اهلا بحضرتك شكرا لحضرتك على رايك فى الموضوع
لا ن بعد 500 سنه ونهايه الدوله العباسيه بدا المسلمين فى التفكك وبدا الغزو التتارى والصليبى على بلاد المسلمين
وبدا لاستعمار يدخل بلاد المسلمين


******************


اختنا الحبيبه طعمه

اهلا بحضرتك
بيسعدنى وجودك جدا جزاك الله كل خير
وفعلا عندك حق كان المسلمين الاوائل عندهم عقيدة الواحد منهم بمليون مننا دلوقتى
ربنا يردنا الى دينه ردا جميلا اللهم امين يارب العالمين


********************


انت مش لوحدك

اهلا بحضرتك
اسعدنى مرور حضرتك الكريم


*******************

قمر الشتا


اهلا بحضرتك
انا عارفه حضرتك من تعليقاتك عند ساعد نسرين الايمن
شكرا على راى حضرتك فى المدونه
ويسعدنى مرور حضرتك دائما على مدونتى
جزاك الله كل خير

*************


موناليزا

اهلا بحضرتك
شكرا على مشاركتك الجميله
ارجو ان تسعدينى بمشاركتك دائما


***************
استاذ احمد سعيد

اهلا بحضرتك
حمدا لله على سلامتك

Anonymous said...

السلام عليكم ورحمة الله وبركاته

اختى فى الله رفقه

جزيتى خيرا وسلمت يمينك
واسال الله العلى القدير ان يفرج علينا الكرب ويبعث لنا بصلاح الدين مرة اخرى ليصلح ما افسدته نفوس الضعفاء
بارك الله فيكى ورضى عليكى وجزاكى الجنه

أحمد سعيد بسيوني said...

بسم الله
معذرة على التحليق خارج السرب
ولكن
ثورة طنطا في صور - جديد مدونة البحر
مع خالص تحياتي

أحمد سعيد بسيوني said...

بسم الله
معذرة على التحليق خارج السرب
ولكن
ثورة طنطا في صور - جديد مدونة البحر
مع خالص تحياتي

رينـــــــــــا said...

السلام عليكم
ازيك يا رفقه
والله يابنتى انا تعبت منكتر ما الواحد بيفكر فى الموضوع دا
بس الحاجة الوحيدة اللى بفكر فيها اوى
انى لو انا صلحت نفسى واخويا وامى وابويا وكل حد حواليا فكر يصلح فى نفسه وكذلك كل المسلمين
الاسلام هيرجع تانى
مشكلتنا يا رفقه ان مش اصبح عندنا القدوة المتمسكه بدينها حق التمسك فنسير وراه
ولو فى حد موجود الف حد بيحاربه ويهزك من ناحيته متبقيش عارفه فين الصح والغلط
فهمانى

ربنا يعفو عنا بجد لان انا شايفه اننا خلاص كمان كام سنه صغيرين اوى هنرجع لايام الجاهليه الاولى
ربنا يعفو عنا
بوست جميل يارفقتى بجد

مروة الزارع said...

بوست جميل جدااااااااااااوفادنى بجد

جزاكى الله خيراااااا

Unknown said...

رفقة عمر
العزيزة الغالية
كل الشكر لك على ما قدمت فى هذا البوست وجعله الله فى ميزان حسناتك
سعيد بزيارتى الاولى لمدونتك وان شاء الله لن تكون الاخيرة
اختى ادعوك لزيارة مدونة
اتحاد المدونيين المصريين
لتتعرفى على ما ننوى القيام به من اجل المدونيين ولسهولة الوصول يمكنك ذلك من رابط الاتحاد بمدونتى ولك كل الشكر ..فى انتظار اراؤكم لتطوير العمل ونسعد بطلب العضوية

(( قيثارة الأحلام )) said...

بوستك جميل ومدونتك اجمل وكل حرف كتبتيه ربنا ان شاء الله يجازيكى عليه خير اتمنى اننا نتقارب وانتظر منك زيارة قريبه لمدونتى

Malk Almasria said...

اللهم عز الاسلام والمسلمين واقتل طغاه الاسلام

ملك المصرية

رفقة عمر said...

اختنا الفاضله ام الابناء

رينا الجميله

العزيزة مروة الزارع

استاذ حسن توفيق

ملك المصريه

اسعدنى مروركم الكريم
وجزاكم الله خيرا على اضافاتكم الجميله