Saturday, June 30, 2007

مدونه الدكتور للحديث


افتتح الدكتور المحارب مدونه جديدة للحديث للتعريف بالحديث الشريف وبجد دراسه مصطلح الحديث من اروع الدراسات ارجو من كل من يحب ان يتعلم دينه صح ويفهم ويكون مسلما يعلم دينه جيدا ان يهتم بهذه المدونه وارجو ان ننتفع بها جميعا وجعلها الله فى ميزان حسنات الدكتور المحارب ودة لينك المدونه

Thursday, June 28, 2007

اما. واما. واما


حد فاهم حاجه من العنوان طبعا العنوان شكله غريب بس شويه كدة وهاتعرفوا انه مش غريب ولا حاجه وكلنا عارفينه اتذكرون حكايه سيدنا الخضر مع سيدنا موسى عليه السلام فى سورة الكهف سيدنا الخضر كان رجل صالح عابد لله لكن الله اعطاه علم اكثر من سيدنا موسى عليه السلام يعنى مش لازم الانسان يكون نبى علشان ربنا يمن عليه بنعمه الفهم عن الله والعلم اللدنى هو الالهام من الله
انا مش غرضى من البوست انى اتكلم عن سيدنا الخضر لانه لا توجد معلومات كتير عنه ولكن غرضى من البوست الحكايه نفسها
نبدأ بالقصه الاولى
طلب سيدنا موسى ان يعلمه سيدنا الخضر من علمه فقال له لازم تصبر على العلم فوعده سيدنا موسى انه يصبر ولا يساله عن اى شئ يفعله
المهم انطلقا الاثنين وركبوا سفينه فثقبها سيدنا الخضر فاستنكر سيدنا موسى عليه السلام الامر وقال له ثقبت السفينه لتغرق اهلها رد سيدنا الخضر عليه السلام الم اقل لك انك لن ثصبر فاعتذر سيدنا موسى له وكملوا طريقهم
القصه الثانيه
انطلقوا مرة اخرى وهما فى طريقهم وجدوا غلام فقتله سيدنا الخضر فاستنكر االامر سيدنا موسى وقال له كيف تقتل نفسا لم تؤذى احد فرد عليه سيدنا الخضروقال له مرة اخرى لست صابرا على العلم فاعتذر له سيدنا موسى عليه السلام واخذ وعد على سيدنا موسى عليه السلام نفسه انه لو ساله مرة اخرى فلا يصاحبه ولا يعلمه شئ وانطلقوا مرة اخرى فى طريقهم
القصه الثالثه
مروا بقريه رفض اهلها استضافتهم او مساعدتهم فوجد سيدنا الخضر جدار متهالك يوشك ان يقع فاصلحه واعاد بنائه مرة اخرى
فاستنكر سيدنا موسى عليه السلام الامر مرة اخرى وقال له كيف تصلح الجدار واهل القريه رفضوا استضافتنا قال له خلاص انتهى الامر وانت قلت لو سالتنى مرة اخرى نفترق وحان وقت الفراق وسوف اخبرك عن كل تساؤلاتك
اما السفينه فاصحابها فقراء وكان هناك ملك ظالم ياخذ كل سفينه تقابله بالغصب فثقبتها حتى يكون بها عيب حتى لا يطمع الملك فيها
واما الغلام فان ابواها صالحين وهو كان هايكون عاقا لهما فاردت ان يبدلهما الله بابن خيرا منه بصبرهم على موت ابنهم
واما الجدار فكان لغلمين يتيمين وكان تحت الجدار كنز لهماوكان ابوهما صالحا فاردا ربك ان يحافظ لهما على الكنز حتى يكبروا واننى لم افعل كل هذه الامور الا بامر من ربى ورحمه منه
وهذه هى الايات قال الله تعالى(فَوَجَدَا عَبْداً مِّنْ عِبَادِنَا آتَيْنَاهُ رَحْمَةً مِنْ عِندِنَا وَعَلَّمْنَاهُ مِن لَّدُنَّا عِلْماً (65) قَالَ لَهُ مُوسَى هَلْ أَتَّبِعُكَ عَلَى أَن تُعَلِّمَنِ مِمَّا عُلِّمْتَ رُشْداً (66) قَالَ إِنَّكَ لَن تَسْتَطِيعَ مَعِيَ صَبْراً (67) وَكَيْفَ تَصْبِرُ عَلَى مَا لَمْ تُحِطْ بِهِ خُبْراً (68) قَالَ سَتَجِدُنِي إِن شَاء اللَّهُ صَابِراً وَلَا أَعْصِي لَكَ أَمْراً (69) قَالَ فَإِنِ اتَّبَعْتَنِي فَلَا تَسْأَلْنِي عَن شَيْءٍ حَتَّى أُحْدِثَ لَكَ مِنْهُ ذِكْراً (70) فَانطَلَقَا حَتَّى إِذَا رَكِبَا فِي السَّفِينَةِ خَرَقَهَا قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئاً إِمْراً (71) قَالَ أَلَمْ أَقُلْ إِنَّكَ لَن تَسْتَطِيعَ مَعِيَ صَبْراً (72) قَالَ لَا تُؤَاخِذْنِي بِمَا نَسِيتُ وَلَا تُرْهِقْنِي مِنْ أَمْرِي عُسْراً (73) فَانطَلَقَا حَتَّى إِذَا لَقِيَا غُلَاماً فَقَتَلَهُ قَالَ أَقَتَلْتَ نَفْساً زَكِيَّةً بِغَيْرِ نَفْسٍ لَّقَدْ جِئْتَ شَيْئاً نُّكْراً (74) قَالَ أَلَمْ أَقُل لَّكَ إِنَّكَ لَن تَسْتَطِيعَ مَعِي صَبْراً (75) قَالَ إِن سَأَلْتُكَ عَن شَيْءٍ بَعْدَهَا فَلَا تُصَاحِبْنِي قَدْ بَلَغْتَ مِن لَّدُنِّي عُذْراً (76) فَانطَلَقَا حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا فَوَجَدَا فِيهَا جِدَاراً يُرِيدُ أَنْ يَنقَضَّ فَأَقَامَهُ قَالَ لَوْ شِئْتَ لَاتَّخَذْتَ عَلَيْهِ أَجْراً (77) قَالَ هَذَا فِرَاقُ بَيْنِي وَبَيْنِكَ سَأُنَبِّئُكَ بِتَأْوِيلِ مَا لَمْ تَسْتَطِع عَّلَيْهِ صَبْراً (78) أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدتُّ أَنْ أَعِيبَهَا وَكَانَ وَرَاءهُم مَّلِكٌ يَأْخُذُ كُلَّ سَفِينَةٍ غَصْباً (79) وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَن يُرْهِقَهُمَا طُغْيَاناً وَكُفْراً (80) فَأَرَدْنَا أَن يُبْدِلَهُمَا رَبُّهُمَا خَيْراً مِّنْهُ زَكَاةً وَأَقْرَبَ رُحْماً (81) وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنزٌ لَّهُمَا وَكَانَ أَبُوهُمَا صَالِحاً فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنزَهُمَا رَحْمَةً مِّن رَّبِّكَ وَمَا فَعَلْتُهُ عَنْ أَمْرِي ذَلِكَ تَأْوِيلُ مَا لَمْ تَسْطِع عَّلَيْهِ صَبْراً (82)صدق الله العظيم
الشاهد من قصه سيدنا الخضر مع سيدنا موسى عليه السلام اننا لا نسال على افعال الله لان فى اقدار الله كلها خيرا لنا حتى ولو فى ظاهرها انها فيها الم لنا او من وجه نظرنا انها شر وعلى العكس تماما انها فى باطنها خير على المدى الطويل
مثلا رجل فقد عمله لايحزن لانه اكيد ربنا هايعوضه خيرا منه او ام فقدت جنينها لاتحزنى سيعوضك الله و يكون هذا الطفل لكى رحمه يوم القيامه يامن تركك خطيبك قهرا عنكى وغدرا منه لاتحزنى فهو اكيد مش خير لكى وسيعوضك الله

ياكل فتاه لم تتزوج بعد وترى فى نفسها انه لا يعيبها شئ ولا تعلمين الحكمه انك لم تتزوجى بعد لاتحزنى وتذكرى انه هناك حكمه الهيه لانعلمها الله وحدة هو الذى يعلمها
يامن انتهى عقد عملك فى الخارج وحزين لعودتك لبلدك وعدت ومازلت تبحث عن عمل لاتحزن افعا ل الله كلها خيرا لك

يامن فاتك القطار او الطائرة قل قدر الله وماشاء فعل مش يمكن هذا القطاراو الطائرة اتصدم ومات كل من فيهم الا ترى كيف انجاك الله من هذا المصير يامن احببت بنت واوهمتك انها تحبك وعندما وجدت امكانياتك محدودة تخلت عنك لاتحزن سيرزقك الله ويعوضك ببنت خيرا منها ومين بقى على حاله الله فى يوم وليله يبدل الله من حال لحال واللى فوق بينزل واللى تحت بيطلع يامن اصابك مرض او ازمه عائليه منعتك من دخول الامتحان لاتحزن يمكن لو كنت دخلت الامتحان كنت لم تحصل على الدرجه التى تتمنها و لم تحصل على التقدير الذى تتمناه ويكون حزنك مضاعف
يامن بدات مشروع ولم يكتب له النجاح حاول مرة اخرى ولا تحزن ولا تيأس وكرر المحاوله حتى يكتب الله لك النجاح
يامن خانك صديقك وتخل عنك سيعوضك الله اكيد
يا كل اصحاب الابتلائات يا كل من يحدث له امور غير مفهومه ولا يعلم الحكمه من وراءها سلم امرك لربك وتذكر
اما .واما. واما

Monday, June 25, 2007

التطاول على السنه يبدأ من البخارى

كنت اريد التوقف قليلا عن التدوين بسبب اننى وجدتنى احاول ترتيب الامور من حولى ونظرت الى نفسى وجدتنى بداخلى كراكيب سبحان العالم بها لولا ان الله بيستر العيوب وبيستر خبايا النفس عن الاخرين يانهار ابيض كل دى فوضى بداخلى حاولت التخلص من هذه الكراكيب واعادة تنظيم الصالح منها والتخلص من الغير صالح ووجدت من الخطأ ان نصلح من حولنا ونترك نفوسنا خربه فارغه ثم وجدت بطاريتى الايمانيه اوشكت على النفاذ فبحاول اعادة شحنها مرة اخرى والان هى على الشاحن لعلا وعسى ترد فيها الروح مرة اخرى ادعو الله ان يعيننى ويثبتنى ويردنى الى دينه ردا جميلا المهم فى موضوع اثارنى جدا حبيت اتكلم عنه ودة سبب كتابه هذا البوست لان الامر زاد عن الحد لدرجه لا تطاق لقد بدات حمله التشكيك فى صحيح البخارى اللى المفروض انه اصح كتاب بعد كتاب الله وليه هو اصح كتاب بعد كتاب الله طبيعى لانه يشمل على احاديث الرسول صلى الله عليه وسلم وطبيعى ان احاديث الرسول اصح كلام بعد كلام الله سبحانه وتعالى واللى يغيظ ان التشكيك جاء على لسان رجال دين من الطابور الخامس اللى بتعانى منه الامه الاسلاميه الان علماء الفتنه اعوان اعداء الاسلام وحجتهم كل شخص ياخذ منه ويرد الا رسول الله صلى الله عليه وسلم طيب ما البخارى كل اللى عمله انه جمع الاحاديث اللى تاكد من صحتها فى كتاب فين الخطأ اللى عمله وطبعا الامر دة هايسبب لخبطه عند الناس ولما كان اى حد يسمع ان الحديث اخرجه البخارى كان يعمل به بكل ثقه لعلمه بصحه احاديث البخارى الان بالله عليكم الناس هاتعمل ايه لما تسمع التشكيك فى صحه كتاب البخارى انا مش هاتكلم هنا عن البخارى شخصيا انا هاتكلم ليه حديث البخارى اصح الاحاديث واللى عايز يعرف بجد عن البخارى ويعرف الحقيقه يقرا حياه البخارى

بجد ياريت تقراوا عن البخارى
انا كلامى هنا عن شئ تانى خالص لازم تعرفوا يعنى ايه حديث ويعنى ايه سند ويعنى ايه متن ويعنى ايه حديث صحيح وليه صحيح البخارى اصح كتاب من كتب الاحاديث علشان لا تنخدعوا بكلام اعداء الاسلام اللى عايزين يشككوا فى السنه باى شكل وبعد كدة يشككوا فى القران الكريم والغريبه انه مش فيه حد يجرؤ يشكك فى كتابات ارسطو وسقراط لكن احنا المسلمين بقينا اى حد ممكن يتطاول علينا
المهم اعذرونى لو الموضوع طول شويه بس انا هاراعى الاختصار بقدر الامكان
لازم اولا نعرف بعض المصطلحات التى تخص علم الحديث
اولا الحديث: هو ما اضيف للرسول صلى الله عليه وسلم من قول او فعل او تقرير او صفه والتقرير هو عبارة عن قيام احد الصحابه بفعل شئ ووافق الرسول عليه ولم يعترض
الاسناد: احنا دايما نسمع صحيح الاسناد بس حد عارف يعنى ايه اسناد .هوسلسله الرجال الموصله للمتن يعنى ايه بمعنى فلان اخذ عن فلان اخذ عن فلان حتى يصل الى المتن
المتن:ماينتهى اليه السند من الكلام وهو طبعا كلام رسول الله صلى الله عليه وسلم اوكلام الصحابى وهو اصل الحديث
واصح الاحاديث الاحاديث المتواترة يعنى ايه متواتر
المتواتر : ما رواه عدد كثير تحيل العادة تواطؤهم على الكذب بمعنى فى كل طبقه من طبقات سنده رواه عدد كبير اشتهروا بالصدق ولم يختلفوا فى روايه الخبر
والخبر المتواتر يفيدالعلم الضرورى اى اليقينى كمن شاهد الامر بنفسه كيف لا يتردد فى تصديقه فكذلك الخبر المتواتر لذلك المتواتر كله مقبول
طبعا فى انواع كتير جدا للاحاديث الصحيحه منها خبر الاحاد الذى ينقسم الى المشهوروالغريب والعزيز
الحديث الصحيح
هو ما اتصل سندة( رواة الحديث)بنقل العدل الضابط عن مثله الى منتهاه من غير شذوذ ولا عله (حد فاهم حاجه) براحه كدة وان شاء الله ربنا يرزقنا الفهم ناخد جزء جزء من التعريف
اولا اتصال السند: واحنا عرفنا يعنى ايه السند معنى اتصال السند ان كل راو من رواته قد اخذ مباشرة عمن فوقه حتى يصل الى الرسول صلى الله عليه وسلم مش ينفع حد يقول سمعت عن فلان وهو لم يتقابل معه هنا هايكون فى قطع فى السند ويفقد الصحيح جزء من شروطه يعنى لازم كل روا للحديث راى من روى الحديث قبله بمعنى انا سمعت من امى وامى سمعت من جدتى وجدتى سمعت من امها وهكذا حتى نتاكد من صحه الحديث
عداله الرواه: اى كل راو من رواه الحديث اتصف بكونه مسلما بالغا عاقلا غير فاسق وليس عديم المرؤة ولم يؤخذ عليه انه كذب ولو مرة واحده
ضبط الرواه: اى ان كل راو من رواه الحديث كان تم الضبط بمعنى ان يكون قوى الذاكرة وبحث كثيرا فى صحه الحديث حتى تاكد من صحته ويكون على قدرة كبيره من الحفظ ويكون غير مخالف للثقات ولا فاحش الغلط ولا مغفلا ولا كثير الاوهام
عدم الشذوذ: بمعنى ان لا يكون الحديث شاذا والشذوذ هو مخالفه الثقه لمن هو اوثق منه بتوضيح اكثر مثلا السيدة عائشه روت حديث عن الرسول وطبعا روايه السيدة عائشه هاتكون ثقه وجاءت مثلا الرميساء وهى صحابيه ولكنها ليست من بيت النبوة يعنى ليست قريبه من الرسول وروت الحديث بشكل مختلف يبقى كدة حدث اختلاف بين الثقه اللى هى الرميساء رضى الله عنه وبين الاوثق منها وهى السيدة عائشه رضى الله عنه فيكون الحديث به شذوذ
عدم العله: اى الحديث غير معلول بمعنى انه ليس به سبب خفى يقدح فى صحته
فلو اختل شرط من هذه الشروط فلايسمى حديث صحيح
حكم الحديث الصحيح: وجوب العمل به باجماع اهل الحديث ومن يعتد به من الاصوليين والفقهاء فهو حجه من حجج الشرع لا يسع المسلم ترك العمل به
وهذه الشروط الخمسه هى الشروط التى جمع بها البخارى احاديثه وايضا مسلم فى صحيحه
وقد اجمعت الامه على تلقى كتابيهما بالقبول والبخارى يعتبر اصح من مسلم وذلك لان احاديث البخارى اشد اتصالا واوثق رجالا
وينقسم الحديث الصحيح الى سبع مراتب
اولا ما اتفق عليه الشيخان (البخارى ومسلم) وهو اعلى المراتب فى الصحه
ثانيا ما انفرد به البخارى
ثالثا ما انفرد به مسلم
رابعا ما كان على شرطهما ولم يخرجاه
خامسا ما كان على شرط البخارى ولم يخرجه
سادسا ما كان على شرط مسلم ولم يخرجه
طبعا اللى يريد ان يعرف اكتر فى علم مصطلح الحديث انصحه بقراءه كتاب تيسر مصطلح الحديث للدكتور محمود الطحان بجد من امتع الدراسه الى درستها فى المعهد لانى عرفت يعنى ايه حديث صحيح وموضوع ومرفوع وحسن وعندما اقرا اى كتاب دلوقتى وفيه حديث باكون نوعا ما فاهمه انواع الاحاديث ومدى صحته وضعفها
بجد لازم نتعلم العلم الشرعى علشان نقدر نواجه من يشككون فى دينا وتقدر ترد وتجاوب ولا تتذبذب وسوف تسال يوم القيامه طالما ان العلم كان ميسر ليه لم تتعلم وليس لك عذرا امام الله يوم القيامه زى ما انت حريص على تعلم الكمبيوتر وتعلم اللغات وتعلم كل ماهو جديد ياريت نهتم بدراسه دينا بجد العبادة عن علم لها طعم تانى خالص وربنا بيفهمك عنه جايين بعد حوالى 1200 سنه يقولوا ان صحيح البخارى مشكوك فيه وهما طبعا لا يقصدون البخارى هما عايزين يشككوا فى السنه وحسبى الله ونعم الوكيل
هذا ما قيل فى مدح صحيح البخارى
صحــيح البخــاري لـو أنصفـــــوه ـــــــــــ ما خــط إلا بمــاء الــذهــــــــب
هــو الفـرق بيـن الهـدى والعمـى ــــــــــ هــو السـد بيـن الفتـى والعطـب
أســانيد مثــل نجــوم السـمــــــاء ــــــــــــ أمــام متــون كمثـــــل الشــهب
بهــا قـام مـيزان ديـن الرســــول ـــــــــــــ ودان بــه العجــم بعــد العـــرب
فيــا عالمــا أجــمع العـالمـــــون ــــــــــــــ عــلى فضـل رتبتـه فـي الــرتب
اسفه للتطويل وبجد انا اختصرت كتير جدا وياريت بجد تقرأوا اكتر فى الامر لان بجد احنا بنتهاجم من كل مكان مش كفايه احتلال الارض لا وكمان عايزين احتلال العقيدة والعقول
ربنا يجنينا الفتن ما ظهر منها وما بطن ويرزقنا الفهم عنه اللهم امين يارب العالمين
انا عارفه ان فيه ناس اكثر علما منى فى هذا الامر وانا كتبت البوست على قدر فهمى فاعذرونىلو كنت اخطأت فى شئ وياريت لو فيه تعديل اسالكم ان ترشدونى اليه
اسالكم الدعاء لا ستاذ محمد عبدالغفار اعادة الله لنا سالما معافا اللهم امين يارب العالمين

Thursday, June 14, 2007

عبدالله الثانى


معلش انا اسفه انا عارفه انى بقيت ممله قوى وبقالى كدة بكتب كذا بوست شخصى بس بجد انا حسيت انى عايزة ااقرب منكم اكتر وتعرفونى اكتر فبجد باعتذر على كميه البوستات الشخصيه دى بس البوست دة كنت لازم اكتبه لانى فرحانه قوى الحمد لله وانتم شاركتونى احزانى وكنت كئيبه قوى الفترة الماضيه فطبعا زى ما شاركتونى احزانى من حقكم تشاركونى افراحى
الحمد لله رزق اخى اليوم بولد جميل ماشاء الله عليه طبعا مش والد احمد وخالد لا اخى اللى اصغر منه وطبعا كان لازم نسميه على اسم والدى رحمه الله عليه فبقى عندنا عبدالله الثانى لان والدى اسمه عبدالله رحمه الله عليه وغفرله واسكنه الفردوس الاعلى ولاتتخيلوا مدى سعادتى بهذا الكائن الصغير الجميل وخصوصا انه اسمه عبدالله سعادتى لا توصف هو الحمد لله جاء الى الدنيا اليوم الخميس بفضل الله تعالى وانا بقى قعدت جنبه ومش قمت خالص بتامله لانه حديث عهد بربى مازال لم تلوثه الدنيا مازال رقيق ماشاء الله عليه لاتتخيلوا مدى رعبنا عندما شرق واحنا نسقيه بالمعلقه جلوكوز لانه لاتنفع الرضاعه حاليا وطبعا هو كائن رقيق واحنا طبعا لم نكن رقيقين معه فشرق مننا لا تتخيلوا قلبنا المستشفى عندنا من خضتنا بس الحمد لله ربنا ستر
عبدالله انا بحبك قوى ياريت تاخذ طيبه وكرم جدك رحمه الله عليه وايمانه وتحمله بس لا تاخذ عصبيته كفايه انا قوى اخذت عصبيته
قد ايه ربنا كريم وقد ايه عوضنا بيك وادخلت السرور الى قلوبنا شكرا ليك عبدالله على هذه البهجه التى ادخلتها على قلبى
ربنا يحميك ويبارك فيك اخى وهبك لله ارجو ان يحقق الله فيك ما يتمناه اخى لك وان تكون والدا صالحا بار
ويستخدمك يارب لنصره هذا الدين اللهم امين يارب العالمين
بجد انا هنا عندى فى البيت بيقولولى انتى بقى ليكى اسرة تانيه غيرنا قلتلهم بصراحه ايوة انا بحبهم كلهم وبجد بحس ان ليا ناس تسال عنى
من غير ما يعرفونى ولا اعرفهم وهما على فكرة غيرانين جدا ان فيه ناس تانيه اخدتنى منهم
طبعا الاسرة التانيه هى انتم مجتمع المدونيين بجد انا باعتز بيكم كلكم وقلت لازم تشاركونى فرحتى زى ما شاركتونى احزانى
جزاكم الله عنى خير الجزاء

Wednesday, June 13, 2007

محتاجه ليكم


السلام عليكم ورحمه الله وبركاته

بجد مفتقداكم كتير جدا بس غصب عنى انا مسافره وهارجع قريبا الى بيتى ان شاء الله وارجع لمدونتى الغاليه تانى وليكم انتم عليتى الثانيه التى اعتز بها كثيرا


اسالكم الدعاء ان يفرج الله كربى زى ما كنتم جنبى اوقات كتير محتاجه ليكم قوى الفترة دى



كفى يانفس ماكانا ...........كفاك هوى وعصيانا

كفاك ففي الحشى صوت.....من الاشفاق نادان

ااما آن المآب ؟بلى............بلى يانفس قد آنا

خطوت خطاك مخطئة.......فسرت الدرب حيرانا

فؤادي يشتكي ذنبي.........ويشكو منك ماكانـا

اعيدي للحمى قلبي .......وعودي ..عودي الانا

تجاذبني هوى وهدى.....وقلبي بعد مالانــا

كأني ماسمعت وما......رأيت الهدى اذ بانـا

كأني صخرة فمتى.......يلين الصخر ايمانا

ارى آلام امتنـا.......كسقف الليل يغشانـا

وامضي مغضيا طرفي....وراء النفس هيمانا

نسيت همومهافمتى........اعيش الهم انسانا؟

ايانفسي خبانفسي.......بضيق الصدر احزانا

ظننت سعادتي لهوا......يزيح الهم سلوانــا

فلم ازدد سوى هم.......ولو اضحكت احيانـا

يسافر بالهوى قلبي......لدور اللهو نشوانــا

فتوقفه محطـات......تهز عراه ايمانـــا

الا فارجع وارجع ما....مضى بالقرب ازمانا

سياط التوب تزجرني...فأحني الراس اذعانا

واطرق والحشا يغلي....بمااسرفت نيرانـا

اصيح بتوبتي ندما......(كفى يانفس ماكانا)

Saturday, June 09, 2007

نفسيه المدون

انا بكتب البوست دة لانى بجد مش عارفه ليه فيه ناس زعلت لما قفلت التعليقات عندى المدون دة مش جماد او الظروف اللى حواليه ورديه المدون دة بشر بيحزن شويه بيفرح شويه احيان ظروفه متعسرة احيانا متيسره احيانا سليم احيانا مريض احيانا يحس بالملل

يعنى لازم نتحمل بعض فى جميع الظروف ونقدر ظروف بعض يعنى واحد عايز يقفل مدونته لظروف خاصه بيه هو حر ليه نحاكمه واحد عايز يقفل التعليقات اكيد عنده ظروفه اللى اخذ بسببه القرار دة اللى زعلوا انى قفلت التعليقات حد يعرف ظروفى ايه وايه كانت نفسيتى وقتها مش يمكن فيه تعليق نرفزنى او ضايقنى مش يمكن حسيت انى بكتب حاجه مش تستحق التعليق او تستحق كلمات المدح مش يمكن خفت على نفسى ان يدخل عليها العجب فعاقبتها بحرمنها من التعليقات مش يمكن اعتقدت ان دة الصالح ليا الى ان استقر نفسيا حد يعرف ظروفى ايه او نفسيتى شكلها ايه
ياجماعه ياريت تحترموا رغبات الاخرين مش تعينوا نفسكم جلادين من غير ما تقدروا ظروف الاخرين بجد استغربت من زعل بعض المدونين وانهم اخدوا موقف منى مش عارفه ليه من فضلكم تعاملوا مع المدون انه بشر مش جهاز كمبيوتر او اله مع ان الاجهزة بتحس واحيانا بتتعب وتحتاج الصيانه والرعايه خلف كل مدونه انسان له ظروف واحتياجات لا تحملوه فوق طاقته وتقبلوا منه هفواته وقرارته مش تكونوا جلادين لسنا ملائكه وكل واحد فينا بيتعامل بالاسلوب اللى بيشعر فيه انه فيه راحته كلنا مش نفسيه واحدة والظروف كمان مختلفه ولازم نحترم رغبات الا خرين وقرارتهم كل هذه العوامل مجتمعه كانت داخلى عند قرارى بغلق التعليق وكنت مخنوقه جدا وفى ضيق شديد وحاله نفسيه كنت ناويه اترك فيها التدوين لانى اصلا طبيعتى ملوله وبزهق بسرعه غير الحاله النفسيه اللى كنت فيها و بصراحه اكتر انا اخذت قرار غلق التعليقات بعد تدوينه الدكتور المحارب وحزنه من قله التعليقات عنده اضايقت علشانه جدا وفكرت انى ممكن يجيى عليا يوم برضه اكتب ولا اجد من يعلق عندى ولاقيت نفسى انا مقصره مع ناس كتير قوى لا يدخل عندهم اى حد للتعليق تذكرت حديث الرسول ان الكلمه الطيبه صدقه ليه مش ادخل واقول كلمه طيبه على تدوينه تستحق التعليق واشجع صاحبها وادخل على قلبه السرور وكمان هاخذ صدقه على هذه الكلمه
اغلقت التعليق لاعود نفسى انى ممكن اكتب ولا اجد تعليقات ولا حظت ان فيه فعلا مدونات اصحابها يكتبون كلام طيب ولا يجدون من حتى يفكر يقولهم شكرا على مجهودك ممكن كل واحد يقعد مع نفسه بجد ويسال نفسه انا ليه بعلق على مدونه ولا اعلق على مدونه اخرى لو وجدت انك تعلق لان المدونه تستحق فعلا التعليق وتستحق التشجيع فانت فعلا
على حق ولكن اذا وجدت نفسك تعلق لانى بعلق عندك او غيرى بيعلق عندك يبقى فقد التعليق اهميته والهدف منه انا لا انكر ان فيه ناس معينه لازم ادخل اعلق عندها بس لو لم اجد شئ ااقدر اعلق عليه او لا يهمنى ممكن ادخل للسلام وخلاص لانى يهمنى انهم يعرفوا انى دخلت ومتابعه مدونتهم انا لا انكر هذا... بس دة كان هدفى من غلقى التعليقات انى اتعود انى ممكن لا ياتينى تعليق انى اكتب ولا يحبطنى عدم وجود تعليقات انى اعاقب نفسى بحرمانها من التعليق حتى لا ياخذها الفرح بجد ياجماعه من فضلكم فيه ناس محبطه فعلا من عدم الاهتمام بترك تعليق وبجد بيكتبوا حلو قوى حاولوا تساعدوهم وتشجعوهم
كلمه ورجاء الى استاذى الدكتور المحارب من فضلك استاذى حجم البوست بيكون كبير والكلام بيكون كبير على امثالى من فضلك استاذىتقلل من حجم البوست وتبسط المعلومه لينا شويه انا بجد عنيا بتتعب من القراءه كتير من على الكمبيوتر وكمان لازم الف على كذا مدونه انا احيانا اقرأ البوست عندك على يومين ولما اجى اخلصه الاقى بوست جديد وطويل برضه رجاء استاذى من فضلك رفقا بامثالى ممن لا يستوعبون هذا الكلام الكبير
ياريت بجد نحب بعض اكتر ومش نكون قاسين على بعض ونتحمل بعض ونتحمل ظروف بعض
انا احب اشكر الانسان الوحيد اللى ناقشنى فى الامر وتفهم وجهه نظرى مع انه لم يعرف مدونتى الا من مدة قصير جدا ولكنه احترم قرارى
اشكرك جدا باشمهندس عصفور المدينه جزاك الله كل خير وطبعا اخى فى الله ماعلينا جزاة الله خيرا اهتم برضه يعرف اسبابى لغلق التعليق شكرا لاهتماامك اخى ما علينا
واشكر ايضا الطائر الحزين كنت لطيف فى تعليقك وقلت وجهه نظرك بطريقه مهذبه جزاك الله خيرا
بجد لم اقصد ابدا بغلقى التعليق انى اضايق حد ولم اتوقع ان ممكن حد يضايق بغلقى للتعليق
عذرا

Friday, June 08, 2007

شراسه الاطفال فى عينيه


ناس كتير بتعانى من نفس المشكله اللى هاعرضها عليكم اولا احب اعرفكم على اولاد اخى الكبير احمد وخالد ربنا يبارك فيهم ويحميهم المشكله بقى فى قنوات الاطفال الفضائيه اللى بتعرض كارتون وافلام عنيفه للاطفال وخصوصا قناه ام بى سى 3 القناه دى فعلا مدمرة لعقليه وسلوك الاطفال لاحظت على اولاد اخى ازدياد العنف عندهم بشكل فظيع الاربعه وعشرين ساعه حلبه المصارعه شغاله بين الاتنين وبيضربوا بعض ضرب عنيف جدا ونحاول منعهم من الصراع الدائر بينهم وكل المحاولات فشلت الترغيب والترهيب وكل شئ بصراحه ماعدا الضرب لاننا لا نتبع سياسه الضرب كنت اشوفهم واستغرب من العنف اللى هما فيه حتى كنت اتفرج معهم على قناه ام بى سى 3 انا من النوع اللى بحب الكارتون البسيط ذى توم وجيرى اليس فى بلاد العجائب النمر الوردى والحاجات الخفيفه دى هما بقى بيتابعوا مسلسل اسمه باور رينجرز المسلسل دة كله عنف وضرب عرفت بقى سبب عنفهم وحلبه الصراع الدائرة طوال اليوم وطبعا لا تخلو المصارعه من اصابات يوميه لكلا الطرفين المتصارعين خالد مثلا يحب فيلم ما فيا جدا وتخيلوا مين الشخصيه اللى بيحبها فى الفيلم شخصيه الجزار سالته ليه يا خالد بتحبه مع انه شرير قال علشان هو قوى مع العلم ان ما متهم ماشاء الله منتقبه حافظه للقران كله والحمد لله ختمته ووالدهم اللى هو اخى ماشاء الله برضه مصلى وفى الجامع وهما بيحفظوا قران على يد شيخ احسبه على خير هاتقولوا عندهم طاقه زياده بالعكس بيلعبوا سباحه وبيجوا من التدريب المفروض يكونوا تعبانين ويناموا طبعا لا لازم العنف يشتغل بجد مش عارفين نوصل لاى حل معاهم نهائى ليس لدينا الا الدعاء لهم بالهدايه
واكتشفت مش احنا اللى بناعنى لوحدنا معظم صديقاتى كدة برضه بسبب قنوات الاطفال الفضائيه بجد عقلهم سايق سنهم لم تعد مقوله برائه الاطفال فى عينيه لها معنى الان يعنى مثلا هاقولكم بعض مواقف من حياتهم


مثلا احمد عنده ماشاء الله 9 سنين دة بقى لازم يحط جل على شعره

ويلبس زى الكبار بس يقى ايه اللى هما روشين

خالد دة بقى لما بابا توفى رحمه الله عليه قال لمامته انا هانزل الجامع مع بابا وهو نازل يصلى صلاه الجمعه علشان ادعى لجدو طيب ياخالد جميل منك المهم بعد خمس دقايق طلع وكانت لسه الصلاه ولا الخطبه خلصت طلعت



ليه ياخالد رد خالد خلاص دعيت لجدو طب ليه مش كملت لغايه لما الصلاه تخلص رد خالد انا قلت هانزل علشان ادعىلجدو يدخل الجنه وبس انا عندى 6سنين لما يبقى عندى 7 سنين ابقى اصلى ...ليهم اخ بقى اسمه معاذ عنده سنتين دة بقى بيعرف ازاى ينفذ اللى فى دماغه ماشاء الله عليه غصب عننا بجد انا بحس انى مش عارفه اتعامل معاهم خالص لدرجه انى عندى العاب على الكمبيوتر مش بعرف اشغلها هما ماشاء الله بيشغلوها وبيوصلوا لمراحل متقدمه

كمان انا باكون مكسوفه منهم بس طبعا مش بحاول ابين انى حتى جربت العب اللعب دى علشان لا اظهر جهلى قدامهم
ليا بقى ابن اختى اسمه عمر عنده 5 سنين عمر دة بقى عايش فى فيلم كارتون على طول لازم يبقى اى مكان يروح ليه لازم يكون فيه كارتون لاما يومنا مش يعدى وخياله واسع بشكل فظيع راجع من المدرسه مامته بتساله اخدت ايه ياعمر النهاردة رد عمر مش اخدت حاجه ليه ياعمر اصل المس مش موجودة ليه ياعمر رد عمر اصلها راحت الغابه تلعب مع الاسد وحكايات بقى كتير جدا بهذا الشكل

بجد اللى لسه عنده اطفال صغيرين امنعوهم من هذه القنوات اختاروا لهم الكارتون المناسب ليهم بجد القنوات دى خربت عقول الاطفال واصبحوا الاطفال اكثر شراسه وعنف يعنى مش كفايه الاطفال المشوهين من اليورانيوم لا وكمان تخريب عقول الاطفال بجد الامهات بتشتكى من عنف الاطفال وقد هما مش قادرين يسيطروا عليهم يعنى مثلا اولاد اخى رافعين الالقاب بيندهونى باسمى كدة عادى جدا حتى ولو احنا فى مكان عام انا طبعا باعمل نفسى مش واخدة بالى انا بحبهم جدا وهما عارفين كدة كويس بس هانعمل ايه حد عنده حل لمشكله عنف الاطفال دة وانهم مش عايشين سنهم خالص مش ينفع نقول تانى برائه الاطفال فى عينيه الجديد دلوقتى شراسه الاطفال فى عينيه




الصور الاولى بالترتيب احمد وخالد ومعاذ


الصورة الثانيه خالد وهو ظاهر قد ايه هو برئ طبعا دة العادى بتاعه حتى ولو عندنا ضيوف

الصورة الثالثه خالد فى حفله التخرج طبعا من كى جى 2

الصورة الرابعه طبعا احمد وخالد

الصورة الاخيرة دة عمر اللى فاكر نفسه شخصيه كا رتونيه
ربنا يحميهم يارب ويبارك فيهم ويستخدمهم لنصره الاسلام اللهم امين يارب العالمين

Sunday, June 03, 2007

تضرع


لبست ثوب الرجا والناس قد رقدوا وقمت اشكو إلى مولاى ما أجد

وقلت يا أملى فى كل نائبة ومن عليه لكشف الضر أعتمد

أشكو أليك اموراً أنتَ تعلمها مالى على حملها صبر ولا جلد
وقد مددت يدى بالذل مبتهلاً اليك

يا خير من مدت اليه يد فلا تردها يارب خائبة
فبحر جودك يروى كل من يرد