Wednesday, May 28, 2008

ويشهد الله على ما فى قلبه وهو الد الخصام

قال الله تعالى( ومن الناس من يعجبك قوله فى الحياه الدنيا ويشهد الله على ما فى قلبه وهو الد الخصام واذا تولى سعى فى الارض ليفسد فيها ويهلك الحرث والنسل والله لا يحب الفساد واذا قيل له اتق الله اخذته العزة بالاثم فحسبه جهنم ولبئس المهاد) صدق الله العظيم

الايه بتتكلم عن الناس اللى كلامهم حلو قوى بيخدعوا غيرهم بكلامهم وهم نفسهم خبيثه والامثله كتير جدا

كل انسا ن مخادع يستغل قدرته على الخداع ليخدع غيره

مثلا الرئيس اللى يوعد شعبه بكلام معسول لينتخبوه واول ما يصل الى ما يتمناه بدل ان يكون راعيا لهم وحاميهم يكون جلادهم وسجانهم

واذا ذكره احد بالله كان مصيره السلخ والسحل

كل نائب يكذب على مؤيديه ويستغل منصبه ليحصل على صفقات فاسدة تتدمر اقتصاد البلد وتفسد طعام الناس او تفسد معيشتهم او يروج للفاحشه

كل تاجر يغش فى تجارته وهو يعلم انها فاسدة وخصوصا الادويه والمواد الغذائيه او خاصه بالبناء

كل من يعشم الشباب بالسفر للخارج ويعرضهم للهلاك من اجل ورقات ليستمتع على حساب حياه الاخرين

مدعى الصداقه هو اول خائن لصديقه

الزوج الذى يوعد اب البنت انه سيعاملها معامله الاسلام ثم يكون كملك الموت بالنسبه لها

وناس كتير كد ه تجدهم فى حياتك اعطاهم الله حلاوة اللسان فاستغلوه استغلال سئ وغشوا بيه غيرهم

كل الحروب وكل الفساد فى هذه الدنيا بسبب هذه الفئه من الناس

التى لا تخشى الله وتسعى فى الارض فسادا وللاسف يحلفون بالله انهم يريدون الصالح وهم كاذبون

ويشهد الله على ما فى قلبه وهو الد الخصام

يبقوا يستحقون وبجدارة

فحسبهم جهنم ولبئس المهاد

عافانا الله من هؤلاء وحفظنا منهم

وادعو الله الا نكون منهم
اللهم امين يارب العالمين

ياريت الذى يشعر انه تنطبق عليه هذه الايه
ان يراجع نفسه ويتوب الى الله قبل ان ياتى يوما لا ينفع فيه مالا ولا بنون

الا من اتى الله بقلبا سليم

41 comments:

آلام وآمال said...

جزاك الله خيرا يا رفقة على التذكرة دي

وترجعيلنا بألف سلامة بإذن الله
:)

صاحب المضيفة said...

هكذا أيات القران تحكي عن مسيرة البشرية بوضوح بين



ومن الحكمة أن نفهم ما يريد الله أن نفهمه



تحياتي وشكر الله لك على تذكرتك الجميلة

حنين said...

جزاكم الله خير على مواضيعك وكتاباتك. وعلى المدونه الجميله دى, انا صحيح مليش خبره فى المدونات اوى لانى لسه من شهر بس عامله مدونه, بس بجد فرحت اوى اوى لما لقيت مدونتك يا جميل, فرحت والله, وجزاكم الله خيرا , وانا هتابعك علطول بعد كدا , وضيفت المدونه عندى فى المفضله

.:.-=- ELGaZaLy-=-.:. said...

ويشهد الله على ما فى قلبه وهو الد الخصام
يبقوا يستحقون وبجدارة
فحسبهم جهنم ولبئس المهاد
عافانا الله من هؤلاء وحفظنا منهم
وادعو الله الا نكون منهم
اللهم امين يارب العالمين
--------------------------------
جزيتى خيرا يا اخيتى .,,,وربنا يرجعك بالسلامة يا رب,,,,
السرد رائع...
ولتسلسل اروع

سلمت يمانك,,,

جمعاوى روش طحن said...

ليهلك الحرث و النسل

عافانا الله و إياكم

kochia said...

عندك حق
منتشرين جدا .. وللاسف الكلام الحلو والمنمق مقنع للشعب وللناس

واجازة سعيدة

مصر تاني said...

مش هعلق بس بثبت حالة

الطائر الحزين said...

حاضر

نراجع انفسنا

ترجعى بالسلامة ان شاء الله

monaliza said...

جزاكم الله خير
فما اكثر هؤلاء فى حياتنا ولانشعر بهم الا بعد فوات الاوان ولكن الله يمهل ولايهمل فصبر جميل والله المستعان

دكتور حر said...

ربنا يسامحنا ويعافينا

ro7 said...

ربنا يستر يارفقة
ولو كنا منهم ربنا
يعافينا ويتوب علينا
ولو مش منهم يبقي الحمد لله
الذي عافانا
وترجعي بالف سلامة
وخلي بالك من نفسك ياغالية
بحبك في الله

ma_3alina said...

جزاكي الله خيرا أختنا رفقة على التذكرة .. وجزاكي الله خيرا على السؤال ..
وإن شاء الله تعودي بالسلامة

ونسألك الدعاء

allah-slave said...

1-
يرجى مراجعة اديني عقلك ومتمشيش حافى


2- كمان هوا المسئول ده مين ما هو عمى وعمك وخالى وخالك احنا اللى مبنؤمرش بالمعروف ولا ننهاش عن المنكر

3- قالوا في الامثال يا فرعون ايه فرعنك قالك ملقتش حد يلمني
والمثل ده مصداقا لقوله تعالى ( فاستخف قومه فأطاعوه ) يبقى العيب كله مش على المسئولين العيب على اللى موافقينه او اللى ناكرين عمايله بس بينافقوه

كفاية عشان اقدر اكمل امتحانات

دعواتكو يا جماعة
يا كل اللى في المدونة دي

وصاحبة المدونة طبعا

سلام

منى said...

اللهم عافنا واعفو عنا
الصوره كمان مخيفه اوى
يعنى اللى قلبه مش نضيف من جوه يعرف ان وجهه الحقيقى كده
والعياذ بالله
ربنا يغفر لنا ويتوب علينا
ويهدينا لما يحب ويرضى
نشوفك على خير ان شاء الله

No Fear said...

السلام عليكم
ربنا يعافينا و منكش منهم
و يجنبنا شرهم علشان شرهم مؤلم جدا
خصوصا الأمثلة اللي بتكون قريبة من الواحد زي اللي أنت ذكرتيهم

تــــــــــ(حـنة)ـــــــر said...

اللهم امين يارب العالمين
و جزاك الله خيرا
تحياتى ليكى وحفظك الله وعاف امة محمد اجمعين

ادم المصرى said...

جزاك الله خيرا وخيرا بجد بوست هائل تقب الله منك وتعودى فى امان الله وياريت اتشرف بيك فى مدونتى قريبا

ana ga3an said...

الخوف لا يكون فينا العيب دة
واحنا مش واخدين بالنا

افتقدناكي

ammola said...

السلام عليكم
عايزة اسالك سؤال
طيب واللى يكون كلامه حلو اوى ونيته مش وحشة
بس بيكرر نفسه وكلامه مع كل حد
بحيث ماتبقيش عارفة فين الكلام الخاص بيكى انتى لوحدك وفين الكلام بتاع عامة الشعب...ما هو كله شبه بعضه
ده يبقى كويس واللا وحش؟
لو ما فهمتيش كلامى عذراكى لان انا نفسى ملخبطة ومش فاهماه اوى
سؤالى ده بجد وياريت تجاوبى عليه لانى حاثق فى اجابتك
سلام

BinO said...

حسبنا الله ونعم الوكيل
ربنا يهدي عباده

كيف حالك يا رفقة
عساك تكوني بخير

فرنسا هانم said...

تسجيل حضور وسلام

شباب روش طحن said...

أعتذر لغيابي الطويل في الحقيقة هذه من أكثر المواعظ التي أثرت في مؤخرا فعلا أمر مقلق نعوذ بالله أن نكون من هؤلاء

مجداوية said...

السلام عليكم

يا رفقة العمر الجميلة أقول لك نصيحة قالها الأخ الكريم أحمد المسلم لى اعتراضا على عدم وجود التشكيل فى الآيات القرآنية التى استعين بها رغم صحة الحروف وهو أن استعين ببرنامج لتنزيل هذه الآيات
فما بالك بالأخطاء فى الحروف الآية الكريمة
وأنا اعلم حرصك على ارضاء الله
الا من أتى الله بقلب وليس بقلبا لأن الباء حرف جر
هكذا
إِلَّا مَنْ أَتَى اللَّهَ بِقَلْبٍ سَلِيمٍ (89)


فأرجو أن لا تكتبى الايةدون مراجعتها فلانسان ابن الخطأ وانزلى الآيات من برنامج أفضل
أنا جئت للسلام فقط ولكن وجدت هذا الخطأ وقد تكرر أيضا فى التدوينة السابقة فى الآية الكريمة بأى ذنب قتلت فلزم التنويه فاعذرينى


أراك على خير

والسلام عليكم

الباحث عن الحقيقة said...

لو كل انسان يحط في دماغه ويفهم ويعقل انه ان قدر يخدع الناس كلها فمش هيقدر يخدع الله
واللى فاكر نفسه بيخدع ربنا ده بيخدع نفسه
يا ريت نفوق ونصحى ونخلص لربنا بجد
.......
إلا من اتى الله بقلب سليم

الباء حرف جر تبقى بقلب سليم
مش بقلبا سليم
ابقى صححي الاية في اخر البوست
وربنا يتقبل منا ومنكم صالح الاعمال

la3lahakhier said...

الله الله يا رفقة يا جميلة
لكن لاحياة لمن تنادى يا حبيبتى
اشتقت لك كثيرا

nonoymm said...

السلام عليكم حبيبتي
ربنا يعافينا من الناس دي
موجودين للاسف ربنا يبصرنا بيهم
تحياتي للطرح الرائع
ودي وحبي

قلب أبيــض said...

السلام عليكم


اولا
جزاكم الله خيرا اختنا الفاضلة

عل التذكرة الطيبة

جعلها الله فى ميزان الحسنات

ونسال الله ان يعافينا

ولنتذكر دائما

ما يلفظ من قول الا لدية رقيب عتيد



جزاكم الله خيرا

دمتم سالمين

أحمد كمال said...

جزاك الله خيرا على التذكرة ، و بارك الله فيك

لورنس العرب said...

هذا أسلوب المخادعين
واسلوب أصحاب الفهلوه والنصاحه

سالى said...

السلام عليكم ورحمة الله وبركاته

كيف حالك اختى الحبيبة

بارك الله فيك على هذا الموضوع المميز .. فللأسف فى زمننا هذا نجد هذه الفئات منتشرة بكثرة عافانا الله من أن نكون منهم ونجانا من شرهم

دمتى بخير حبيبتى

منى said...

ربنا يرجعك بالسلامه يا رفقه
وحشتينى

mo'men mohamed said...

استشعار جميل لمعنى الآيات
جزام الله كل خير
السلام عليكم

Sharm said...

صيف سعيد لك وللجميع

جزاكي الله خيرا

لحظة said...

جزاك الله خيرا على التذكرة

نعم

وهل يكب الناس في النار على وجوههم الا حصائد السنتهم

حاجات جوايا said...

حمدا لله على سلامتك يا قمر
الحمد لله انى اطمنت عليكى
يارب دايما تكونى فى خير وصحة وسعادة
وياريت تعرفينا كان فيه ايه لو مفيش عندك مانع

حمدا للع على سلامتك مرة تانية
واتمنى دايما أشوفك بكل خير

أحتك سالى

احمد اشرف said...

جزاك الله كل خير
http://anawesa7by.blogspot.com/

(احمد سكر ) said...

نستغفر الله العظيم ونتوب اليه

الف حمد الله ع سلامتك

بس عاوزين نطمئن عليكى اكثر

انتى وعدتينا ببوست تشرحى فيه

ارجوكى طمنينا

احمد

ftataljanna said...

ازيك يا رفقتي واحشاني يارب تكوني لسه فاكرانى اخدت الاجازة اهو ويارب الاقي شوية وقت

اتمنى ماتكونيش زعلانه من تقصيري في حقك بجد

والموضوع ده سبحان الله شبهه اوي عندى بس انا بقى كاتبه شعور الطرف التانى اللى اتاذى من الناس دي

حسبنا الله ونعم الوكيل وربنا يعفينا يارب من اننا نكون كده يا رب يا رب

Hisham Sadek said...

تاج تدويني

http://egy-youth.blogspot.com/2008/06/top-6-secrets-tag.html

كاتب مصري said...

>>هل يمكنني دعوتك لزبارة مدونتي المتواضعة جدا والمشاركة غيها بتعليقاتك ولمساتك
أتمنى تليبة الدعوة
في انتظارك
مدونتي هنا
http://kanyatklam.blogspot.com/

رئـــــيسـة حزب الأحلام said...

جزاكى الله خيرا
على هذةالتذكرة
تحياتى