Monday, May 05, 2008

فلما الحزن اذن

الحياه التى نحياها ليست كلها فرح وليست كلها حزن تمر بنا طوال حياتنا ظروف صعبه وشديدة على النفس نقف امامها عاجزين نشعر بالاسى على انفسنا وممكن ندخل فى اكتئاب من كثره تراكم الهموم علينا وتسود الدنيا فى اعيننا لماذا نصل لهذه الدرجه من الحزن
لماذا نعيش حياتنا فى هموم وخوف دائم من المستقبل اقصى عمر ممكن نحياه قد ايه 60. 70 .80 قول 90 برضه عمرا قصير


ليه لما يشتدد علينا الحزن وتتراكم علينا الهموم ليه مش بنتذكر ان حياتنا قصيره جداااااا مهما طالت وان الحقيقه الوحيدة والاكيدة والتى لا مفر منها هو الموت وطبعا الموت اساسا راحه للمؤمن لما ذا لا تفكر ان كل حزنك والمك وهمومك ستنتهى كلها بالموت طالما انك ترضى الله ومسلما حقا او لديك حل اخر انتظار الفرج الرسول صلى الله عليه وسلم قال انتظار الفرج عباده

فايما الاجلين انتظر اما راحه من الامك واحزانك بالموت او بالفرج من الله اليس الله هو القائل ان مع العسر يسرا ان مع العسريسرا

اليس هو القائل سبحانه وتعالى انما يوفى الصابرون اجرهم بغير حساب احزان الدنيا كثيرة يامن فقدت انسان غالى او قريب ورحل عن دنياك يامن غدر بك الحبيب وخانك وتركك فى منتصف الطريق وحيد يامن اصيب بمرض شديد واحتار فيه الطبيب يامن كان رزقه قليل فى هذه الدنيا تذكروا جميعا متى يبدا سن الهموم اليس يبدا من سن 20او 21 وقبل كدة كان لعب ومرح
يبقى لو نفرض انك ستعيش 60 او 70 سنه ولو نفرض ان حياتك تعيسه ليس فيها اى سعادة يبقى باقى لك فى الدنيا 40 او 50 سنه هل هذه فتره طويله انك تتحملها بكل ما فيها انها ليست طويله ويمكن لا يمهلك العمر لتصل الى هذا السن ان تذكرك ان ممكن كل الامك تنتهى بالموت سيرتاح بالك وتهنئك نفسك لماذا نحزن على الدنيا اذن ونحن الموت ينتظرنا اتشك فى وعد الله بحياه اخره ليس فيها نصب ولا نصب ولا الم بل حياه كلها سعادة عند احتضار والدى رحمه الله عليه وقفت انظر اليه وشريط حياتى معه يمر امامى هذا والدى اللى مرت عليه ظروف كتييير منها الحلو والكثير منها كان سئ هذا والدى اللى تعب كتير فى الدنيا الان ياوالدى ترتاح من هموم الدنيا وغدر الاصحاب وتخلى الاحباب وتنكرهم لك الان فقط تتحقق لك السعادة الحقيقيه الان فقط تكون مع خير خلق الله او عندما امر على بيت اختى رحمه الله عليها هى وزوجها رحمه الله عليه اجد البيت خاوى على عرشه هذا البيت الذى كان يمتلاء باحداث كثيرة الان يملؤه الصمت الرهيب ذهب ايضا اصحابه لمنزل خير منه ولكن دون احزان ولا هموم ولا فراق عندما تشتد على نفسى الهموم واتالم من غدر الاخرين اناجى الله واقول اننى فى انتظار فرج قريب او موت مريح وقتها تنزل على قلبى السكينه لانى اوعد النفس بانتهاء عذابها واحزانها قريبا بس يانفسى محتاجين شويه صبر وتحمل ورضا الوقت لم يعد طويل الوقت يمر بسرعه وتقتربين يانفسى من السعادة التى تامليها اما فرجا قريب او موت مريح

عندما تغلق الدنيا ابوابها فى وجهك وتشتد عليك الخطوب ويتنكر لك الاحباب او تنصدم فى اقرب الناس يامن تاخر عليكى الانجاب يامن تاخرتى فى الزواج يامن اصيب بمرض عضال يامن ظلم واخذ منه حقه يامن ضيق عليه فى الرزق ياكل اصحاب البلايا والهموم انتظروا اما فرج قريب كما وعدكم الله او موت مريح ودة شئ اكيد ايما الاجلين قضيتم وقتها هاتتعامل مع احزانك وهاتتعايش معها وتهنئ بحياتك

لما الصراعات والنزاعات والغدر والغش والخيانه طالما اننا نعرف النهايه وان حياتنا فى الدنيا مهما طالت قصيره نذهب بعدها عند ربا رحيما لا يظلم عنده احد ويقتص من الظالمين ويرحم المظلومين

واخيرا

اجعل زمان رخائك عدة لزمن بلائك واجعل مالك صيانه لحالك واجعل عمرك طاعه لربك

النعم اذا شكرت قرت واذا كفرت فرت والدنيا اذا سرت مرت واذا برت غرت

دقيقه الالم يوم ويوم اللذه دقيقه وليله السرور قصييره وييوم الهم طوييل ثقيل

من تانى حصل ما تمنى ومن للخير تعنى فبالفوز تهنا والعجله عقم والامانى افلاس

ارض عن الله فيما فعله بك ولا تتمن زوال حاله اقامك فيها فهو ادرى بك منك وارحم بك من امك

القضاء نافذ والاجل محتوم والرزق مقدر فلماذا الحزن والمرض والفقر والمصيبه باجرها فلما الهم
امسح دموعك بحسن الظن بربك واطرد همومك بتذكر نعم الله عليك

33 comments:

دكتور حر said...

أرجعتي على مرآي كثير ن الذكريات

عند موت ابي
وعمي
وجدي
وجدتي
وكثير من الناس حضرت احتضارهم

كنت دوما أتخيل ان كل مواقفهم ستصبح ذكرياتهم
وسينتهون الى انهم
فلان الله يرحمه

..
الصعب والمؤلم هو الفراق
وليس إلا

حقا

فلم الحزن إذاً ؟؟

جمعاوى روش طحن said...

من تانى حصل ما تمنى

ومن للخير تعنى فبالفوز تهنا

والعجله عقم والامانى افلاس


آلمتنى حد البكاء

جزيتم خيرا

عاشقه الفردوس said...

يااااااااااااااارفقه

يااااااااااااااه وجعتي قلبي

انا بطلع بالنت

بس جبتيلي اللي بطلع منه


احيانا بيبقي لهموم او الابتلاءات دي علقم

او تحسي بالغصه وانتي في الابتلاء ده


طبعا جانب الرضا موجود ولكن النفس احيانا تضعف وتتعب وتبكي



فيارب فرج عن كل مكروب

واكشف هم كل مهموم

واصلح حال المسلمين جميعا


ربنا يباركلك يارفقه ويصلح حالك

la3lahakhier said...

السلام عليكم
عارفة انى احيان بحس انها نعمة من ربنا لاننا من غير احزان والام مابنعرفش طعم السعادة
طبيعة الحياة نفسها شروق وغروب لكل منهما جماله الخاص
المؤمن بس هو اللى بيرى الجمال فيهما زى ماقال النبى صلى الله عليه وسلم فيما معناه
عجبت لامر المؤمن كل امره خير ان اصابته سراء شكر فكان خيرا له وان اصابته ضراء صبر فكان خيرا وفى كل خير

أمــانــى said...

رفقتى
ازيك عاملة ايه يا حبى
ايه دا كله
عارف يا رفقتى سبحان الله كل حاجة فى الحزن بيولد كبير وبعد كده بيصغير سبحان الله
ربنا كريم وهو اللى قادر ويخفف علينا وعلى كل المكروبين ياااااارب آمـــــــين

ro7 said...

نسأل الله الهداية
والثبات علي الحق
والاعانة علي الصبر علي الطاعات
وفي الضراء
لا راحة في الدنيا
فالفوز في دار القرار
ادميتي قلبي

..........

واسمحيلي عندنا كشفت عن صحة
حديث انتظار الفرج عبادة وجدتة ضعيف
المعذرة هذا تخريجة

ضعيف الجامع الصغير
--------
1330 ( ضعيف )
انتظار الفرج عبادة

وفي انتظار جديدك دائما
تقبلي خالص التحية غاليتي

mohand said...

المشكلة ان وقت الحزن الانسان مبيفكرش


كل اللي في دماغه المشكلة اللي هو فيها

ربنا يجعلنا من الصابرين اللهم امين

الطائر الحزين said...

لقد خلقنا الانسان فى كبد

جميل ما كتبت
صعب التنفيذ

الله المستعان

والحمد لله على نعمة النسيان

(لم الحزن اذن)

اظن هكذا الصح

بارك الله فيك
دعوة طيبة

امام الجيل said...

سبحان الله كنت لسه بتفكر من شوية فى هذا الامر

ان الانسان اد ايه ضعيف جدا
ومهما طول عمره وزاد شانه وعظم امره فنهايته واحدة

وهذا عزاؤنا فى فراق احبائنا ان هذه هى طبيعة الدنيا وطبيعة الحياة

ولكن يبقى لهم اخرتهم واخرتنا
وهذا ما يشغلنا
حتى لا تكون تعبا ونصبا وهما وحزنا دنيا واخرة
اللهم سلم

اللهم لا تجعلنا ممن خسر الدنيا والاخرة
اللهم امين

ويبقى ان نعرف ونستيقن ان هذا هو حال الدنيا وان الموت كاس وكل الناس شاربه

ma_3alina said...

أما الفرج القريب فهو ما ننتظره جميعا ونأمله
وأما الموت فإني أخشاه ولو اعلم انه يختم لي بخاتمة السعادة لارتاح قلبي ولفضلته على فرج قريب في الدنيا

ولكن ونفسي بين فرج مأمول ومآل غير معلوم ومن هنا يأتي الحزن

لكني اصبر نفسي أن أرحم الرحماء عالم الغيب والشهادة برحمته اختار الأصلح لي .. فلمذا الحزن إذا؟

صاحب المضيفة said...

وهكذا الدنيا دوما سعادة وبؤس

نعيم وشقاء

وماذاك كله الا وجهان لعملة واحده

فما فائدة الخلق بدون نية تحميه ان كان خير

وصبر يزكيه ان كان شرا

ولكن هيهات أن نعي كلنا ما يدور حولنا فتلك والله عظيمة كبيرة ما يلقاها الا الذين صبروا وما يلقاها الا ذو حظ عظيم


بوركتي على ما كتبيتي

دمت بخير

.:.-=- ELGaZaLy-=-.:. said...

مع العسر يسرا ان مع العسريسرا

تعرفى ان دايما الاية دى بتتردد فى دماخى

لما الدنيا بتقف...


بارك الله فى قلمك وفيما سطرت يداكى...

وجزاكى عنة كل الخير...


وواضح ان قدامى تدوينات كتيرة هقراها ...

منى said...

الله المانح
الله المانع
فمن انت حتى تغضب؟
دايما بصبر نفسى واقول كده

عندك حق يارفقه مهما العمر طال
مش يجى حاجه جنب عمر الاخره
بس ربنا يصبرنا ويقوينا
وان شاء الله تبقى الجنه اجمل جايزه
ربنا يجمعنا كلنا هناك فى الفردوس الاعلى مع اجمل صحبه
بالله عليكى يا رفقه ادعيلى

No Fear said...

السلام عليكم
أنا حاسس إني البوست ده لي في وقته
جزاكي الله كل خير
بس المشكلة إننا بننسي كل ده بالرغم من يقينا بيه

فرنسا هانم said...

رفقه الحبيبه
رجعتينى لسنوات عديده للوراء
فتذكرت يوم وفاه والدى
عليه وعلى اموات المسلمين رحمه الله جميعا

الربان said...

تحياتي

اولا تصحيح بسيط للاية لو سمحت:

إنما يوفي الصابرون أجرهم بغير حساب


ثانيا موضوع جميل...حتي لا نستسلم للحزن
يجب ان نقول للحزن وداعا...و كأني سمعت
من الشيخ الشعراوي ما معناه ان الحزن يولد أحزانا....

علي الانسان منا ان يسعي...و يترك امره
كله الي الله....

أسأل الله العظيم رب العرش العظيم لي و لك و للجميع السعادة في الدنيا و الاخرة...و أن يرضينا بما قسم لنا و يطهر قلوبنا..

تحياتي و تقديري

BinO said...

جزاكم الله خيراً

allah-slave said...

السلام عليكم ورحمة الله وبركاته

لما نزلت اية ان مع العسر يسرا ان مع العسر يسرا

رسول الله قال ( ابشروا اتاكم اليسر من ربكم لن يغلب عسرا يسرين ) وعشان كدة لو تتأملى العسر او الضيق مش بيجيلك الا لما يجي بعده فرج معرفش انتى مريتي بكدة ولا لا بس ان ا عن نفسي مجربها ... ساعات ببقى مضايق وعايز الارض تنشق وتبلعنى بس يتغير الحال في لحظة
وانا عن نفسي لما بيحصلى حاجة تزعلنى بفتكر اية الافك ... من رايي ابتلاء الافك ده اعظم ابتلاء ممكن يمر بيه بشر يعني واحدة متهمة في شرفها والوحي اتـاخر على الرسول
ولكن لما ربنا عز وجل نزل الاية قال ( إِنَّ الَّذِينَ جَاؤُوا بِالْإِفْكِ عُصْبَةٌ مِّنكُمْ لَا تَحْسَبُوهُ شَرًّا لَّكُم بَلْ هُوَ خَيْرٌ لَّكُ ) الى اخر الاية

ربنا ارفق ابتلاء الافك بنتيجة مهمة جدا انا بطبقها في حياتى الىل هوا ان ربنا عارفلنا الخير اكتر مننا ولكن من قصر نظرنا بنشوف الخير ده شر
كام مرة كنا فاهمين موقف بطريقة غلط وفي الاخر قلنا سبحان الله لو كنا عملنا كدة كنا خسرنا او كنا هنتصرف غلط


اسف على الاطالة

وادعيلي

سلام

nonoymm said...

السلام عليكم
انا بعد العسر يسرا ولن يغلب عسرا يسرين
سلمت يمناك
دمتي بود
تحياتي

رفقة عمر said...

دكتور حر

انهم موجودون بينا بنصائحهم بسيرتهم العطرة بتوجهاتهم لنا فى الرؤيه رحمه الله عليهم اجمعين
اسعدنى مرورك الكريم

*******************

جمعاوى روش طحن

اعتذر بشدة اننى الامت حضرتك لم اقصد فعلا دة
زادك الله سكينه واطمئنان اللهم امين
شكرا مرورك الكريم

****************

عاشقه الفردوس

اسفه حبيبتى انى اوجعت لم اقصد فعلا
اكيد انا معاكى اننا لا نحل الابتلاء ولكن اذا وقع علينا بتهدا النفس على قدر الامكان حتى تسير الحياه الى بر الامانى
نورتينى ياقمر
جزاك الله خيرا


****************

لعله خير

اهلا بحضرتك
فعلا ازاى نحس بطعم السعادة الا اذا ذقنا طعم التعاسه
من الجمال الا ختلاف
وتلك الا يام نداولها بين الناس
سعدت بمرور حضرتك جدا
جزاك الله خيرا

**************


امانى حبيبتى

حمدا لله على سلامتك المدونه نورت بيكى ياجميله


****************

روح

اهلا بيك حبيبتى
اسفه بجد انى زعلتك بس هو دة حال الدنيا النهايه معروفه ومحسومه
رزقنا الله حسن الخاتمه اللهم امين

جزاك الله خيرا لتنبهى للاحاديث الضعيفه
ربنا يزيدك من فضله اللهم امين


*************

استاذ مهند

اهلا بحضرتك
كلنا فعلا كدة وقت الحزن بنكون فى حاله صعبه
ولكن الرسول صلى الله عليه وسلم قال الصبر عند الصدمه الاولى
يعنى نحاول نروض نفسنا على دة
نسال الله العفو العافيه من كل بلاء
اللهم امين
نورتنى استاذ مهند


***************

استاذنا الطائر الحزين

اهلا بحضرتك
ولقد خلقنا الانسان فى كبد
صدق الله العظيم
كبد واى كبد ما كادت الدنيا تعطينا الا وتاخد امامه الكثير
نسال الله ان يخرجنا منها على خير ويحسنا خاتمتنا جميعا اللهم امين
نورتنى استاذنا الكريم


**************

امام الجيل

اهلا بحضرتك
ربنا يجمعنا باحبتنا على خير اللهم امين
اسعدنى مرورك الكريم
جزاك الله خيرا


******************

Miss. Sosa said...

الله كلماتك فيها بشري وتصبر علي الهم وتفرج عن الروح

مجداوية said...

السلام عليكم

يا رفقة العمر الجميلة

موضوع رائع ولكن بداية سقط سهوا منك حرف الياء فى قوله تعالى انما يوفى الصابرون أجرهم
فبرجاء تصحيح الكلمة

لا يملأ عين ابن آدم الا التراب هكذا وصف رسول الله الانسان

لهذا فلانسان دائما متطلع لما ينقصه ومتطلع لما مع الآخرين

من فهم الدنيا على حقيقتها كما شرحتيها غاليتى فسيقنع بكل ما عنده وسيحمد الله فى كل الأحوال

بارك الله لك وجزاك خير الجزاء فى الدنيا والآخرة

نسر الشرق said...

السلام عليكم ورحمة الله وبركاته
دى اول زيارة لية
هذة المدونة جميلة جدا
ارجو لك التوفيق

أحمد كمال said...

جزاك الله خيرا كثيرا على طيب كلماتك و على صدق مشاعرك .

مصر تاني said...

الحزن هو مترادفة الحياة الدنيا لا يزول عنا ما دمنا احياء نحزن لاشياء عدة ونموت الاف المرات الي أن يأتي اليوم الذي يحزن فيه الاخرون من اجلنا
ولو علمنا الحقيقة لحزنا علي انفسنا لا علي من رحلوا
تحياتي لكي يا اختي الغالية

مصر تاني said...

نسيت اقولك يا رفقة بجد دلوقتي حسيت انك رفقة بتاعة زمااااااااااان الي كنت مفتقدها يا رب اقدر انا كمان ارجع زي زمان

انا مسلمه said...

ياة يا رفقة الواحد من كتر الحزن بقى دايما قلبة مكسور تعرفى يارفقة انا دايما سبحان الله كل ما ادخل عندك كل فترة الاقى ربنا بعتلى رسالة جوا كلامك بتبقى منطبقة بلظبط على اللى بيحصل
انا امبارح كت خلاص من كتر الهم والحزن هطق بتقلب فى السرير ودموعى نازلة على مخدتى
الحمد الله الذى لا يحمد على مكروة سواة
معلشى قلبتهالك نكد
جزيتى الجنة حبيبتى

محمد شعير said...

اسمحي لي ان اضيف ان الخروج من الحزن ليس بانتظار الموت فقط ولكن بالرضا بقضاء الله والنظر ان في البلاء والهم والحزن خير لان فيه تكفير للذنوب وان ما اصابك هو من عند الله الرحيم اي ان ما جائك من حزن ما هو الا رحمة بك من رؤوف رحيم وانه فيه خيرا لك ولكن لا تعلمه الان وبذلك تزول الهموم لان في الرضا السعادة 000 ادام الله عليك السعادة وابعدك ونحن عن الهموم والحزن

.:.-=- ELGaZaLy-=-.:. said...

هو انتى بقيتى بتغيبى كل الفترة دى علشان تنزلى بوست جديد!!

ايوة اينعم حد غيرى يتكلم لانى بغيب بال5 اشهر بس كلامك المتفائل بينزل على القلوب كالماء البارد فى يوم حار يقظ

فلا تحرمينا منة

جنـه said...

العمر لحظه فالعاقل من يستغلها لعيش حياه ابديه سعيده
جميل الموضوه يارفقة بس احنا كبني ادمين مش عاقلين بالقدر الكافي احنا لحظتها مابنشوفش غير الحزن واللحظه ممكن بعد فتره نفكر ونهدي لكن الحزن ليس للموت بيكون اكتر للفراق للبعد والحمد لله علي اي حال لكن تذكر حكمة ربنا في وقت الحزن ده صعب وعلشان كده جزاؤه كبير عند رب العالمين ان تتذكري وتذكري ربك في هذا الوقت

ma_3alina said...

السلام عليكم ورحمة الله وبركاته

أنا آسف جدا يا رفقة .. أنا بعترف أهو إني غلطان

وليكي حق توقعي عليا العقوبة اللي انتي تشوفيها

بس أنا مش عايزك تقفلي المدونة وبزعل لما الاقيكي قفلتيها .. ومهما كان الإنسان مننا بيزعل أو بيمر بظروف وحشة فعلى الأقل يدي الناس اللي حواليه الفرصة إنهم يقفوا جنبه ويقولوا له كلمة يمكن تحفف عنه .. لكن مش يبعد عن الناس كده ويقفل بابه في وشهم

معلش حقك عليا .. انا غلطان ياريت تعذريني

ويارب الظروف تكون اتغيرت للاحسن وياريت تطمنينا عليكي

أنا بكرر أسفي تاني وحفضل اكرره لغاية ما تقولي خلاص عفوت عنك

:)

رفقة عمر said...

ماعلينا

كلنا نخاف الموت ولكن احيانا يكون راحه من فتن الدنيا
اللم ان اردت بقوما فتنه فاقبضنى اليك غير مفتون

**************

صاحب المضيفه

كلام حضرتك اضاف للموضوع الكثير
جزاك الله خيرا


****************

استاذ غزالى

اهلا بحضرتك
كلنا نتعلق بهذه الايه لثقتنا فى عطاء الله وحكمته


*****************

منى

ربنا يوفقك وييسر لك كل امورك ويريح قلبك ويرزقك من حيث لا تحتسبى ولا تعلمى اللهم امين

*************

no fear

اكيد التدوينه دى ليا وليك ولينا جميعا لاننا محتاجين صبرا كتير ورضا لتحمل هذه الحياه
الذى اصبح القابض فيها على دينه كالقابض على الجمر

*******************

خالتنا فرنسا

بيسعدنى تواجدك دائما
رحمه الله على امواتنا جميعا

*****************

الربان

اهلا بحضرتك انا صححت الخطا
جزاك الله خيرا لتنبهى


***************

بينو

اهلا بيك والف مبروك على الزواج
اسعدنى تواجدك مرة اخرى جزاك الله خيرا

رفقة عمر said...

عبدالله

ماشاء الله علييك
دايما بجد باستفيد من تعليقك جدا بتضفلى كتير جدا
ربنا يوفقك وينجحك اللهم امين


****************


عاشقه النقاب

اهلا بحضرتك
جزاك الله خيرا
على تشرفيك لمدونتى

*****************

مس سوسه

اهلا بيكى فى زيارتك الاولى التى اسعدتنى جدا
ربنا يكرمك ويسعدك اللهم امين


*******************

استاذتى الغاليه مجداويه

اهلا بحضرتك بتنورينى دايما
تم تصحيح الخطا الحمد لله
وجزاك الله كل خير على كل ما تفعليه من اجلى ربنا يبارك فى حضرتك


******************

نسر الشرق

وانا سعيدة بزيارتك الاولى ارجو ان تتكرر الزياره
بالتوفيق ان شاء الله


*****************

استاذ احمد كمال

اهلا بحضرتك
اسعدنى زياره حضرتك الاولى
جزاك الله خيرا


***************


مصر تانى

اهلا بيك
وانا مبسوطه ان دة رايك فى طريقتى فى التدوين اتمنى ان اكون عند حسن ظنكم دائما


***************

انا مسلمه

فرج الله كربك وازال همك وابدل حزنك فرحا اللهم امين يارب العالمين


****************

استاذ محمد شعير

اهلا بحضرتك

فعلا عندك حق واشكرك على هذه الاضافه الجميله جزاك الله عنى خير الجزاء


**************

جنه

وحشاااااااااانى كتير
بتغيب كتير قوى عننا
ربنا ييسر لك امورك اللهم امين

******************

استاذ غزالى

شكرا لسؤال حضرتك جدا


**************

ماعلينا

خلاص والله انا مش زعلت اصلا
بس فعلا نفسى تقدروا ظروفى لو صدر منى اى شئ فى لحظه غضب و حزن شديدة
وجزاك الله خيرا لاهتمامك بعدم غلق المدونه
وانا اللى اعتذر على غلقها