Saturday, July 05, 2008

بيل جيتس مسلم

سمعت خبر فى التلفزيون بجد حاسيته انه خيال علمى ولم اصدقه ولكنه حقيقه الخبر يقول بيل جيتس
الذى يمتلك فوق ال60 مليار دولار يتبرع بكل امواله للجمعيات الخيريه ويترك لاولادة 500 مليون دولا ر فقط تمنيت وقتها
ان يكون بيل جيتس مسلم لما اعلمه عنه من تواضعه الجم وطبعا غير اجتهادة فى عمله وبالاضافه تبرعه بكل امواله للجمعيات الخيريه تذكرت على النقيض برجل الاعمال الذى فاقت شهرته الافاق فى الاحتكار واكل اموال الناس بالباطل وطبعا هو مش محتاج
تعريف احمد عز بلغت به نهب اموال الناس انه يشترى الغاز الطبيعى من الدوله ب75 قرش للمتر والسعر العالمى لمتر
الغز الطبيعى 127 جنيه مصرى يعنى بيكسب فيه 126.25وبيكسب فى طن الحديد 4000 جنيه قارنت بين بيل جيتس وبين احمد عز وتملكتنى الحسره على حالنا وحال اغنياءنا انظروا الى هذا الخبر الذى ذهلنى
أحياءعمرو دياب وهيفاء ونظيرها اللبناني المطرب راغب علامة حفل الزفاف الذي يخص أحد أصهار المشير عبد الحليم أبو غزالة وزير الدفاع المصري الأسبق، والذي أقيم على شاطئ البحر الأحمر، وقد تكلف الحفل أكثر من 7 ملايين دولار.حضر الحفل كبار نجوم الفن والسياسة، أبرزهم الممثل الأمريكي الشهير روبرت دي نيرو وعارضة الأزياء العالمية نعومي كامبل، والنجمة المصرية يسرا، والفنان السوري جمال سليمان، ومن السياسيين عمرو موسى الأمين العام للجامعة العربية، وسيف الإسلام القذافي نجل الزعيم الليبي معمر القذافي، ومحمد دحلان القيادي في حركة فتح الفلسطينية

حفل زفاف يتكلف 7 مليون دولار يعنى حوالى 36 مليون جنيه مصرى حفل لم يستمر سوى ساعات قليله ويتكلف كل هذا المبلغ المهول وهناك من ينام فى الشارع كما ذكر الراقص مع الذئاب قصه دنيا التى ابكتنا وهناك دنيا كثير هناك من لا يستطيع العلاج وهناك من لا يستطيع الزواج لقله ذات اليد وهناك الكثير والكثير التى تسبب كل يوم كوارث نتيجه لشح المعيشه وقسوتها بينما هناك اخرون يصرفون بالملايين على حفلات تافهه او اخر ينفق الملايين لشراء رقم مميز لسيارته ما هذا السفهه والتفاهه

قارنت بينهم وبين بيل جيتس وبين موقف بيل جيتس هذا وموقف الخلفاء الراشدون وجدت ان بيل جيتس يستحق ان يكون من المسلمين وياليته يكون
اتذكرون تجهيز جيش العسره فى غزوة تبوك تبرع سيدنا عمر بنصف ماله وتبرع سيدنا ابى بكر بماله كله
اما سيدنا عثمان رضى الله عنه فكان من الاثرياء ماذا قدم لجيش العسره
جهَّز عثمان ـ رضي اللَّه عنه ـ ثلث الجيش جهزهم بتسعمائة وخمسين بعيرًا وبخمسين فرسًا‏.‏ قال ابن إسحاق‏:‏ أنفق عثمان ـ رضي اللَّه عنه ـ في ذلك الجيش نفقة عظيمة لم ينفق أحد مثلها‏.‏ وقيل‏:‏ جاء عثمان ـ رضي اللَّه عنه ـ بألف دينار في كمه حين جهز جيش العُسرة فنثرها في حجر رسول اللَّه فقبلها في حجر وهو يقول‏:‏ ‏‏ما ضرَّ عثمان ما عمل بعد اليوم‏‏‏.‏ وقال رسول اللَّه‏:‏ ‏‏من جهز جيش العُسرة فله الجنة

واشترى بئر رومة من اليهود بعشرين ألف درهم، وسبلها للمسلمين‏.‏ كان رسول اللَّه قد قال‏:‏ ‏‏من حفر بئر رومة فله الجنة
غير انه تبرع بقافله تجاريه كامله للمسلمين وساومه اليهود عليها ولكنه جتءنى من يشتريها بعشر اضاعفها فقالوا له لم نشهد احد يشترى بعشرة اضعاف فرد عليهم رضى الله عنه وقال ان الحسنه عندى ربى بعشره اضعاف لقد تركت القافله للمسلمين وكان وقتها المسلمين يمرون بشدة
من من اثرياء المسلمين يفعل ذلك ولو تبرع منهم يتبرع بفتات ماله ويجاهر بها ويذل من تبرع لهم لا يعلم ان هناك زكاه المال وهى حق للفقراء واذ سلبه منهم فهو مالا حرام الا يكفيه المال الحرام الذى اكتسبه من المعاملا ت الربويه وبيع السلعه باكثر من تمنها والغش بل يزيدون المال الحرام فى اموالهم بالامتناع عن دفع زكاه المال التى هى حق للفقراء كما قال الله تعالى

وفي أموالهم حق معلوم للسائل والمحروم

الحق المعلوم هو الزكاه وربنا سماها حق بمعنى انها ليست ملكنا هى ملك الفقير لان المال فى الاول والاخر مال الله

وللاسف دول الخليج ومصر من الدول الغنيه بدليل اللى عاوز يبيع اى شئ غالى وتافه ياتى الى الخليج ليبيعه لانه يعلم عنهم السفه

ويتم تصنيع سيارات مرصعه بالماس والالماظ و الاحجار الكريمه مخصوص لا ثرياء العرب

فيه ناس ممكن تقول لو انتى مكانهم هاتتبرعى باموالك هاقولهم ايوة وانا مش باقول حاجه على مدونتى الا وكنت افعلها بفضل الله
بالنسبه لى مع مواردى القليله واننى لا اعمل يمكن انا مش هاقول علشان ارائى بعملى ولكن عندما يقل الخير يجب على من يعمل خير ان يجاهر به لعله ان يذكر احد من فى قلبه خير دلتنى صديقه ليا على جمعيه لرعايه الايتام ولكن الايتام فى بيوتهم يعنى مش ملجأ وعلمت انى ممكن اكفل طفل او طفله واخترت انى اكفل طفله كان كل اللى على اعمله انى اختار الطفله التى اريدها واكتب استماره واتعرف على البنت وعلى بيتها وفعلا الحمدلله ربنا من عليا بها وكانت طفله عمرها خمس سنوات تعيش مع جدتها وكانوا فقراء جدا كنت اعطى للجمعيه مبلغ شهرى لها هو مبلغ بسيط ولكن هذا اللى طلبته الجمعيه والجمعيه بتتكفل معى برعايتها كنت فى الاعياد احضر لها ملابس العيد ولعب وكانت تنادينى ماما وكنت فى منتهى السعادة بها الحمد لله هى عندها الان 12 سنه ربنا يحميها ويحفظها
وبفضل الله شاركنى هذا الخير الكثيرات من المعارف وصديقاتى لان الفكرة كانت جميله وموثوق فيها

غير ان صديقاتى كونوا فيما بينهم جروب لاطعام المحتاجين هناك داعيه فاضله عرفتهم ببعض المحتاجين وعنواينهم فكانوا بجانب الاطعام ياتون بالادويه او يذهبون بهم الى الاطباء او يدخلوهم المسشتفيات اذا احتجوا لهذا الامر ولم يكتفوا بهذا بل كانوا يساعدوهم لايجاد ماوى مناسب لهم بنوا حجره تبرع احد اصحاب العمارات بالموافقه ببنائها فوق عمارته لاحد الفقراء كان رجل عجوز كفيف كان يعيش فى حجره اشبه بجحر الفئران لا يدخله شمس ولا هواء واخرى لم يكن لها مسكن حيث امتلئت حجرتها بالمياه الجوفيه فتبرع احدهم بجراج لتسكن فيه هى واولادها وكثير وكثير مع مواردنا القليله فلسنا من اصحاب الملايين ولكننا نفعل ما نقدر عليه مع امكانيتنا القليله
واتذكر موقف ربنا سبحانه وتعالى قال الحسنه بعشره امثالها كان معى مبلغ من المال ورايت احد الاشخاص يحتاجه اكتر منى تردت قليلا لانه كل ما معى ولكنى قاومت نفسى واعطيته كل ما معى وفى نفس الاسبوع كان يوم ميلادى واول مرة فى هذا اليوم ياتنى مبلغ عشره اضعاف المبلغ الذى بالظبط اخرجته لله سبحان الله بجد غير ان الله قال انفق انفق عليك وغير ان ثواب الانفاق عظيم ولكن الانفاق يعطى شعور بالسعادة لا مثيل لها احساس انك ادخلت السرور على احد او هناك من يحتاج اليك وتستطيع مساعدته احساس بيزيل اى كابه وحزن واى هم

تفتكروا لو كل واحد اخرج ما عليه من زكاه وصدقات تفتكروا هانشوف ناس نايمه فى الشارع هانشوف ناس مريضه مش لاقيه العلاج هايكون هناك قتل من اجل عشره جنيهات هايكون هناك اغتصاب
قال الله تعالى
و الذين يكنزون الذهب و الفضة ولا ينفقونها في سبيل الله فبشرهم بعذاب اليم
**
يوم يحمى عليها في نار جهنم فتكوى بها جباههم و جنوبهم وظهورهم هذا ما كنزتم لانفسكم
فذوقوا ما كنتم تكنزون
قال رسول الله صلى الله عليه وسلم (كل مال تؤدي زكاته فليس بكنز وان كان تحت سبع أرضين ، وكل مال لاتؤدي زكاته فهو كنز وان كان فوق الارض) صدق رسول الله صلى الله عليه وسلم
**
وَإِذَآ أَرَدْنَآ أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا
****
وكم أهلكنا من قرية بطرت معيشتها فتلك مساكنهم لم تسكن من بعدهم إلا قليلا وكنا نحن الوارثين





هذه صور لقريه قوم سيدنا صالح لقد اهلكهم الله لانهم امتنعوا عن سقايه الناقه واخذوا حقها مابالنا نحن ونحن ناخذ حق الفقير ونمنع عنه الزكاه انظروا ماذا اصبحوا وماذا كانوا كانت بيتوهم قصور منحوته فى الجبال

39 comments:

المستنصر بالله said...

طبعا موضوع نحتاجه كلنا
ومهم جدا لان اعتقد كل اسباب الجرائم التى نراها هذه الايام من التفاوت الرهيب فى الطبقات اصبح فقر شديد او غنى فاحش
والطبقى الوسطى بدات تتلاشى او اصبح ليس لها هويه وهى كانت صمام الاخلاق
ولواحنا نظرنا لحالنا هانلاقى كل واحد منا محتاج عربيه واحده يركبها ولما يلبس لو عنده ميه بدله هايلبس بدله واحدة ومهما كان جعان اى لقمه هاتشبعه فعلا مش قادر افهم هايعملوا ايه بتكنيز كل هذه الاموال
انا كمان كنت اتمنى اى يكون بيل جيتس مسلم
ماشاءالله موضوع جميل ست رفقه هانم
جعله الله فى ميزان حسناتك

مع تحياتى

منى said...

تعرفى برضه انى نفسى يبقى مسلم هو والناس الخيرين اللى زيه
حكايه الحسنه بعشره امثالها شفتها بنفسى كتير معايا ومع غيرى

تعرفى اى مبلغ حتى لو صغير طالما الغرض من وراه الخير بيبقى فيه بركه

اما حكايه اللى بيصرف ملايين وغيره محتاج ملاليم هو الفرق مش غنى وفقر الفرق قلب بيحس بغيره وقلب لاء

تعرفى كنا محتاجين نشوف البوست ده
والامثله الجميله
فى وسط الحاجات اللى تخنق بنتمنى نتنفس هوا نضيف فى النماذج الحلوه
تحياتى ليك يا قمر

مشروع انسان said...

سبحان الله
يعنى ناس عرفت قدر الدنيا وان مهما كترت الفلوس
هتبقى ايه النهاية
محدش هياكل عشر مرات فى اليوم
ولا يتفسح ويخرج
وتمتع بفلوسه
الا بقدر معين

وكل نعيم فى الدنيا يعقبه الم وتعب
فراوا ان سعادتهم تكمن فى سعادة من حولهم

نسال الله له الهداية


وبالنسبة لقرية سدوم كان فيه فيلم جميل جدا فى موقع هارون يحيى بيحكى عن القصة وجايب مشاهد من اللى حضرتك جبتيها وجايب صور تانية
سبحان الله ويظهر ان الموت جاءهم بغتة حقا

نسال الله السلامة

الزواج.....روضة الحب said...

فيه مؤسسة إسمها مصر الخير عجبتني جدا وفرحت بيها أوي
الناس دي بتجمع تبرعات علي حساب 100100
في كل بنوك مصر

وإيه بقي ،مابيدوش للناس فلوس
لأ
بيدوهم نواة مشروع يقدروا يعيشوا منه زي مكنة خياطة أو جاموسة أو كشك
دة كان بارقة أمل
يارب مصر كلها تتحول لكدة ومايبقاش في حد محتاج
ربنا يباركلك علي موضوعك
فعلا جميل جدا

kochia said...

موضوع مفيد كالعادة
بس اعتقد ان هناك اناسا لا يتعظون بسهولة
لا يتعظون الا بالزلزلة

تحياتي

المهـ إلي الله ـاجر said...

جزاك الله خيرا

فعلاً . تلك التناقضات العجيبة في تصرفات بعض المسلمين هي ما دفعت الكثيرين من عدم اعتناق الإسلام .. نسأل الله أن يجعلنا خير دعاية لدينه وان يرزقنا من لدنه رزقا حسنا وأن يرزقنا معه حب الخير

جزيت الجنة

abdo said...

ما شاء الله وجزاكم الله خيرا على الموضوع الجميل
واحنا فعلا محتاجين نقف مع نفسنا وقفة ونشوف احنا علينا زكاة أد إيه ونخرجها ونتصدق قدر المستطاع
ونتذكر أنه ما نقص مال من صدقة

وان الفقراء لهم حق فى مال الأغنياء وكل من تجب عليه زكاه
وانه لايمن على الفقراء باخراج الزكاة أوالصدقات

جمعاوى said...

الراجل خلاص

وصل لقمة الإشباع

سواء ف الجانب المادى أو الإجتماعى أو الإدارى

المادى ....يتربع على قائمة أغنى أغنياء العالم

الإجتماعى ..صاحب اكبر شركة كمبيوتر

الإدارى ....مدير متميز جدا لشركته


و مع ذلك لكه لا يجد السعادة

قرر إنه يسافر للقارة السوداء علشان يساعد الناس



هداه الله للإسلام

مع إنى لا استبعد إسلامه قريبا

Anonymous said...

مثل هذا الكلام مشبع بالنيات السليمه ..ولكن كان الافضل أن تتمنى ان يكون بيل جيتس أو غيره رجل أعمال مصرى .. فما دخل الدين فيما يقوم به هذا الرجل من فضل.. وهل ميزه هذا الرجل تعد إضافه ودليل على صلاح دينه وهل فساد أحمد عز يقدح فى الدين المنتسب إليه
................
الغاليه رفقه .. مقالك جميل لكننا أهل عزه .. وديننا دين عزيز.. من يتدثر به فقد أعتز وليس العكس.. بيل جيتس أو غيره بحق كنت أتمنى أن يكونوا من رجال الاعمال المصريين ايا كان دينهم.. فهذا شىء ..والاسلام شىء أخر..
...............
اسف للإطاله لكن أمنيتك بأن يكون مثله مسلما لفضله وليس لهدايته قد اثارت حفيظتى.. فأنا اتمنى أن يكون كل الناس مسلمين ..فقط لأحقيته ولانه دين العزه

رفقة عمر said...

المستنصر بالله

بيسعدنى دايما مرورك وتعليقاتك ربنا يكرمك يارب
فعلا عندك حق
التفاوت الفظيع دة هو سبب كل المصايب لان للاسف الاغنيه يزدادون غنى وبخل والفقراء يزدادون فقرا وحقد وضغينه
كان الرسول صلى الله عليه وسلم يستعيذ من الكفر والفقر
لان الفقر ممكن يؤدى للكفر والعياذ بالله
وكان سيدنا على يقول لو كان الفقر رجلا لقتلته
ربنا يسترها معنا دنيا واخرة الله امين

جزاك الله خيرا على كل شئ
:)


******************


منى الجميله

ازيك ياحبيبتى

فعلا سبحان الله احنا بعدنا عن اخلاق الدين مع اننا مسلمين وهما عندهم تفوق وبعض اخلاق المسلمين ولكنهم ليس مسلمين
ربنا يهدينا جميعا لما يحبه ويرضاه
بتسعدينى دايما بوجودك منى
ربنا يكرمك يارب


******************

استاذ امام الجيل

شكرا جدا لمرورك الكريم جزاك الله خيرا
واشكرك جدا على موقع هارون يحى
لان بجد استفدت منه جدا
ربنا يكرمك يارب ويسعدك دنيا واخرة اللهم امين


****************

الزواج روضه الحب

اهلا بحضرتك اسعدنى مرورك جدا وزيارتك الاولى ارجو ان تتكرر

جميل قوى الفكره دى وياريت تعمم فى كل مصر ومش نشوف محتاج فى مصر ولا فى اى دوله فى العالم
شرفتينى
جزاك الله خيرا


*******************

كوشيا الجميله

اهلا بيكى منورانى دايما
ماهو وقت الزلزله مافيش اتعاظ بقى هايكون خلاص انتهى وقت التوبه ولا رجعه
ربنا يهدينا ويهديهم ويرحمنا من عنده اللهم امين يارب العالمين
على فكرة اخبار نتاوى ايه
عايزين نشوف بقيه المغامرات

رفقة عمر said...

المهاجر الى الله

اهلا بحضرتك
للاسف احنا اخدنا عادات وتقاليد الغرب السيئه والحريه البذيئه ولم ناخد منهم جديتهم فى العمل تواضعهم صدقهم التزامهم بالمواعيد
علشان كدة احنا فى انحدار ومش هاتقوم لنا قومه تانى الا بالعودة لدينا واخلاقنا
جزاك الله خيرا على مرورك الكريم


*****************

استاذ عبده

اهلا بحضرتك وشكرا على زيارتك الاولى لمدونتى

من اسباب ازدياد الفقر فى العالم وجود رجال اعمال محتكرين وكل همهم ازياد خزائنهم وبس حتى انهم يلقون بالمواد الغذائيه فى المحيط لو انخفض سعرها حتى ترجع ترتفع سعرها مره اخرى
حسبى الله ونعم الوكيل
الفقراء لهم الله هو القادر ان يرجع لهم حقهم

******************

جمعاوى روش طحن

اهلا بحضرتك
فعلا حقق كل الذى نعتقده انها من اسباب السعاده واكتشف انها ليست فيها اى سعاده ولم يصل الى السعاده اكتشف انه علشان يكون سعيد لازم يسعد من حوله حتى تنعكس السعاده عليه
كانت طلعت اشاعه انه اسلم ولكن عندما هاجمه الناس وخرج واعلن انه لم يسلم ولكنه يحترم الاسلام
اسال الله ان يمن عليه بالاسلام

شكرا لحضرتك على مرورك الكريم


*******************

استاذ حامد

اهلا بحضرتك حمدالله على سلامتك

اننى لم اقصد ابدا ان دينا لايستحق انا اقول ان بيل جيتس متخلق بخلاق الاسلام وهو ليس مسلم
بينما من ينتسب للاسلام اسما لم يتخلق باخلاق الاسلام الساميه
فتمنيته ان يكون مسلما لما به من صفات المسلمين
اللى وصانا بها الاسلام
ارجو استاذى ان تكون وجهه نظرى وضحت
جزاك الله خيرا على مرورك الكريم

abdo said...

السلام عليكم
على فكرة دى مش أول مرة أجى المدونة بس ممكن تكون أول مرة أعلق على موضوع لأنه فعلا يستخق وانا متابع المدونة بشكل منتظم من خلال الجوجل ريدر
بس انا مش من هواه التعليقات
والسلام عليكم

مجداوية said...

السلام عليكم

غاليتى
لا تفترضى أبدا فى يوم ما وحتى يقبضنى الله اليه أن أزعل منك
اتفقنا ؟

لأنك ابنتى واختى وصديقتى الرائعة والتى أفخر بها وبصلاحها وأخسبك دائما على خير ولا أزكيك على الله


أنا فقط مشغولة جدا جدا
واتمنى أن يكون اليوم 48 ساعة كى أستطيع انجاز واجبات اليوم الواحد

وأنا اطمننت عليك لأن اللبيب من الاشارة يفهم وأنا أعتبر نفسى لبيبة ,,أحيانا ,,

وآثرت أن ابتعد قليلا حتى تستقر أمورك ولقد استقرت على ما يبدو ولله الحمد
أدام الله الحال يا رب


بخصوص موضوعك الرائع ففعلا نماذج السفه والأنانينة فى مجتمعنا الاسلامى تفزع وتحزن ولكن تبقى أمثلة مشرقة دائما فأنت وأمثالك كثيرين وان شاء الله سنوات قليلة وتجدى الأغلبية ينفضون عنهم الأثرة ويفكرون فى غيرهم

ونموذج سيدنا عبد الرحمن بن عوف لا مثيل له وهو المبشر بالجنة فكان يبكى بكاءا مرا عندما يقدكون له طعاما فاخرا ويحسب أن هذا هو كل نصيبه من النعيم وكان يقول رحم الله مصعب ابن عمير فانه أفضل منى فقد كفن فة ثوبه الوحيد اذا غطوا به وجهه ظهرت قدماه واذا غطوا قدماه ظهر وجهه الشريف

وتدوينة الحياء هى الأخرى رائعة وأتمنى ان تكونى انضميت الى جروب عودة الحياء على الفيس بوك وأيضا لحملة حبا فى رسول الله عند الأخت لعلها خير وعلى الأقل اعلنى عنهما عندك على مدونتك كنوع من المساهمة الايجابية مع ايجابياتك الكثيرة بارك الله لك وأكثر من أمثالك

أرجوكى غاليتى ادعى بى بظهر الغيب أن ييسر الله لى الحفظ والدراسة
فدعوتك ان شاء الله ستكون مستجابة

خواطر رئيس شاب said...

جميل اوى شعورك واحساسك وغيرتك على دينك

الله يفتح عليكى

انتى عارفة ان الغرب يسعى جاهدا لتقليل اموال الزكاة والصدقات

وبيدور على الحجج اللى يقولها واخرها تمويل الارهاب من اموال الزكاة

Moustafa` said...

برتاح ف الجو الإيماني ده اوي
ربنا يجازيكي كل خير

Anonymous said...

فعلا والله كم اتمنى ان يكون مسلم
كلامك فى محله
فالمتابع لتاريخ بلجيتس يجد انه دائما متواضع ومهتم بالجمعيات الخيريه

وهناك نقطه فى غايه الاهميه
ان سمحت لى
لدينا فى وطننا للاسف مسلمين يملكون المال لكنهم لم يستخدموه على الاقل ليفعلوا شيئا يخلده التاريخ

انسان مثل الامير وليد بن طلال يملك الثروه وينفقها على القصور والسيارات ومتع الحياه ( هيافه ) اما انسان مثل بلجيتس فهو عقليه اداريه فذه غير مسار الكمبيوتر واثر بحق فى تاريخ الاداره والتكنولوجيا تاثيرا ايجابيا يحسب له
****************
موضوع رائع
تحياتى لك

kochia said...

بما انك سالتي علي نتاوي بقي اقوللك اني مجهزة الحلقة الجديدة
وهي هتبقي الحلقة الاخيرة قبل الدخول في الشات واللي بيجي من وراه
بس عاوزة اخلص موضوع الخيانة الاول
وان شاء الله البوست الجاي واللي بعده كمان هيبقي خيانة

سلام

سبهللة said...

من فضلك ياريت تكتبى عنوا الجمعية بتاعة كفالة الايتام يمكن حد يكون عايز يكفل يتيم ومش لاقى السكة
تحياتى ليكى على الموضوع الراااائع
وربنا يحنن قلوب الاغنياء على الفقرا لان الواحد بيشوف وبيسمع حكاوى فظيعة عن الفقر
اللهم احفظنا واللهم اغننا بفضلك عن من سواء

Unknown said...

اه
لاحول ولا قوة الا بالله العلى العظيم
انتى نسيتى ان الشرق مسلمين بلا اسلام والغرب اسلام بلا مسلمين ؟
احنا نسينا كل شئ عن دينا الا اسمة ولا حول ولا قوة الا بالله
كمان انت تطلبى الرحمة ممن يفهمها ويفهم معانيها اما اللى يكلف الفرح مش عارفة كام دا كمان شغل مصالح وسياسة وادفع تدفع وحاجات كتير كلها مش صح من منظور الناس اللى عندها احساس بالمسئولية واحساس بالغير
ابسط شئ هل تتواقعى ان المشير دا دافع منتظم للضرائب ؟؟
تلاقى مليون حجة للتهرب
والله اعلم بالذكاة
لكن ساعة الفرفشة والاستعراض متتعوضش ابدا
اقول اية بس
بوست حلو جدااا
ومؤلم للغاية
كل الاحترام

Unknown said...

جزاك الله كل خير على الموضوع الجميل المفيد

واحنا عندنا ثقافة الإشتراك فى الجمعيات ضعيفة نوعا ما

ومحتاجه حد يبسط الموضوع أكثر بارك الله فيكى
استمرى فيما بدأتى

مصطفى

روح said...

الله يارفقة تسلم ايدك والله
وان شاء الله هيكون في
استجابة من كل اللي قرأوا البوست
ربنا يعزك بالطاعة
وسلمت يمناكي ياغالية
بحبك في الله

ammola said...

ماشاء الله عليكى يا رفقة
بجد انتى جميلة اوى..وعمالة احب فيكى حنسيب للناس التانية ايه بس
:)
عارفة الحديث"لاتحقرن من المعروف شيئا ولو ان تهدى احداكن الى جارتها فرسن شاه"
كل ماآجى اعمل خير واستقله.أفتكر الحديث ده وافتكر أن الله تعالى يربى الصدقات الاقى نفسى مقبلة على الخير اكتر لان الصدقة لاتقع فى يد الفقير..ولكن تقع فى يد الله الغنى الكريم
بس الصورة الاخيرة دى مرعبة اوى اوى
ربنا يارب لايجعلنا من القوم الظالمين ويحسن ختامنا
بحبك فى الله والله يارفقة بجد

abdallah mortada said...

بسم الله الرحمن الرحيم

انتى بتتكلمى بحرقة اوي الموضوع ده
بس فعلا موضوع مهم

Ma 3lina said...

و الله يا بنتى حال المسلمين باه مؤسف جدا

مفروض اسلامنا يحدد هويتنا و اخلاقنا بس للاسف باه العكس

هما باه متحضرين و مهتمين بالنظافة و التعاون و الاعمال الخيرية و احنا بنسرق و نسيب الاطفال فى الشوارع

Unknown said...

تحيتي
أعجبني تفكيرك جدا..سعدت والله يعلم بتلك الكلمات سعدت بأن أجد فتاة تشعر بالحال ولا تبحث خلف الملهيات..لا أستطيع أن أصف ما أنا فيه من سرور بقراءة هذا البوست
الإنياء يا سيدتي هذه الأيام إلا من رحم الله يبخلون بأموالهم حتى عن ذويهم أفلا يبخلون بها عن المحتاجين..وأمثال أحمد عز والناس دي لغوا من حياتهم الزكاة وميهمهومش مين ينام جهان ولا مين ميلاقيش حاجة تسترو ..كلهم بيجرو ويجروا عاوزين يزودو الفلوس بس يا حرام مش عارفين انهم في يوم هيموتو وه كله هيروح لا وايه مش هيروح بالساهل ده هيتكووا بيه في جهنم..مش ربنا بيقول يوم يحمى بها في نار جهنم فتكوى بها ظهورهم وجنوبهم هذا ما كنزتم لأنفسكم..تقريبا الآية كده..
معلش لو طولت بس بجد بجد عجبني البوست قوي
ربنايزيدك عقل وإحساس بالناس..
تحيتي ولا تنسي مدونتي المتواضعة

أمــانــى said...

رفقتى الغالية
حقاَ اننى استغرب من حالنا
منعة الزكاة وعم الربا
وعم معه الفقر والجوع
ندعو الله جميعا ان يرفع عناالبلاء ويعم الرخاء فى سائر بلاد المسلمين

Anonymous said...

بقول ايه فى لحضرتك واجب عندى فى المدونه ممكن حضرتك تيجى عشان تحليه بعد اذنك طبعا

محبط افندى said...

السلام عليكم

مدونة محبط أفندى

مدونة ..بس للمحبطين ..
ومين فينا مش محبط من حاجة ؟؟

بس يلا بينا ..نحاول اننا نخرج من الاحباط دة

ونشوف اخرتها ايه!!

ونعيش مع الامل ..وياااارب
:)

نتمنى من الجميع المتابعه .. والمشاركة ..والمساعده


الميل ..
amohbat@yaho.com

مؤمنه said...

السلام عليكم ورحمة الله وبركاته هيا بنا ندعو ان يمن الله علينا بالهدايه ويمن على هؤلاء العباد ايضا بالهدايه
بارك الله فيكى يا رفقه واكثر من امثالك وجعل هذه الاعمال فى ميزان حسناتك
وجعلنا من امثالك واعاننا على انفسنا
ومن يوق شح نفسه فؤلائك هم الفائزون
جزاكى الله كل خير على هذه اللفته الطيبه
وفى انتظار المزيد
دومتى بخير
والسلام عليكم ورحمة الله وبركاته

رفقة عمر said...

استاذ عبده

جزاك الله خيرا
اسعدنى ان حضرتك متابع لمدونتى ودة شئ يشرفنى اكيد
ربنا يكرمك اللهم امين


********************

استاذتى الغاليه مجداويه

اخيرا نورت المدونه بوجودك افتقدك اشرقتك جدا وافتقدك كلامك الجميل الحمدلله كل تمام بفضل الله دعواتك لنا بالهدايه والاستقرار
ربنا ييسرلك الفهم وييسر لك الحفظ ربنا ينجحك اللهم امين وجعل كل خطوه تخططيها لطلب العلم فى ميزان حسناتك اللهم امين
انا مجربه امتحانات المعهد صديقنى ربنا بيفتح بالاجابه وبييسر الحال
جزاك الله خيرا على وجودك جنبى دائما
احبك جداااااااااا فى الله
ربنا يخليلك نسمه ويباركلك فيها يارب امين


****************

خواطر شاب مصرى

اهلا بحضرتك اسعدنى زيارتك الاولى
فعلا ايام حرب العراق قفلوا كل الجمعيات بحجه انها تمول تمويل خارجى
بس الحمدلله كل انفتحت تانى

يريدون ليطفئوا نور الله بافواههم والله متم نوره ولو كره الكافرون


****************


استاذ ساجى

اهلا بحضرتك
ربنا يكرمك يارب وييسر لك امورك
جزاك الله خيرا


********************


انا وصاحبى

اهلا بحضرتك اولا شكرا على التاج جدا ان شاء الله هاجاوبه فى ااقرب فرصه
بخصوص موضوع بيلجيتس والوليد بن طلال بجد حالنا يحزن ويكسف
ربنا يرحمنا من عنده ويعفو عنا
اللهم لا تؤخذنا بما فعل السفهاء منا
ربنا يهديهم ويهدينا لما يحبه ويرضاه
جزاك الله خيرا

***************

عزيزتى كوشيا
ربنا يوفقك يارب
ومنتظرين الجديد دايما


**********************


استاذه سبهلله


اهلا بحضرتك
الجمعيات كتير منها ج الجمعيه الشرعيه ودى ليها فروع فى كل مكان فى مصر وفيه جميعيه انصار السنه المحمديه وفيه جمعيه جامع الشيخ الحصرى
بس اكثرهم الجمعيه الشرعيه
ربنا يكرمك يارب على حرصك على فعل الخير جعله الله فى ميزان حسناتك اللهم امين

******************


نهر الحب

اهلا بحضرتك اسعدنى مرورك وسعيده بزيارتك الاولى
فعلا هما فى الدفع على السفه تلاقيهم يدفعوا من غير حدود لكن لو لاقو محتاج تلاقيى البخل وقتها ويقول اجيب منين انا فلوسى كلها بره
ربنا يصلح اغنيائنا ويهديهم للخير اللهم امين
جزاك الله خيرا على مرورك الكريم


******************


egyboy

اهلا بحضرك وشكرا على تشجعيك
ربنا يكرمك يارب وييسر لك الامور
جزاك الله خيرا


******************

رفقة عمر said...

روح

وحشااانى انتى فين مختفيه ليه يارب خير
ربنا يكرمك حبيبتى ويزيدك من فضله اللهم امين
احبك من احببتنى فيه
وانا كمان احبك فى الله


****************

اموله الرائعه

بجد انت رائعه كلماتك بتبهرى وهاسالك نفس السؤال بتجيبى الكلام دة منين مش انتى عندك نفس الدماغ بتاعنا برضه ولا ايه
:)
وانا كمان باحبك وبجد حبك دة كتير عليا قوى وانا سعيده بيه جدا
تفتكرى هانسيب للناس التانيه ايه
عارفه اموله انا لما اكون مكتئبه احب اساعد اى حد بجد دة احسن علاج للاكتئاب يعنى بجانب الثواب الا انه علاج نفسى ناجح جدا

ربنا يكرمك يارب ويفرح قلبك ويقر عينك باحبابك وجمعكى بهم على خير اللهم امين يارب العالمين
هاستناكى مش تغيبى عنى


***************

عبدالله

اهلا بيكى
اصل عبدالله باستغرب هايعملوا ايه بالملايين اللى عندهم
ومش مكتفين لا بيزودوها بالحرام
ربنا ينجحك عبدالله انتى وكل من يهمك امرهم اللهم امين


***************

د/ماعلينا

اهلا بيكى دايما بيسعدنى مرورك
عندك حق هما عارفين يوظفوا فلوسهم صح واحنا بقى بنستخدمها فى كل حاجه تغضب ربنا لما اشوف فرح يتكلف ب7 مليون دولار
مش يستحق الفقرا يزدادوا حقدا وحسدا احنا على قنبله موقوته هاتنفجر فى اى وقت وهاتكون ثورة الفقرا لانهم مش هايصبروا على الوضع دة كتير لكل شئ نهايه
شرفتينى جدا


********************

كاتب مصرى

اهلا بحضرتك
وشكرا لحضرتك على كلامك الذى لا استحقه جزاك الله خيرا
للاسف انهم ناسين ان فيه موت وحساب وجنه ونار
ربنا يهدينا ويهديهم
اللهم امين


******************

امانى الطيبه

ازيك حبيبتى منوره دايما
ربنا يستجب منك اللهم امين
بنا يهدينا ويهديهم امين


*******************

محبط افندى

اهلا بحضرتك ومبروك المدونه ربنا يوفقك اللهم امين
ويتبدل الحال من الاحباط الى التفاؤل
شرفتنى

******************

مؤمنه

بتوحيشينى انتى فين وليه غايبه كدة
ربنا يصلح لك الاحوال وييسر لك الامور اللهم امين يارب العالمين

Anonymous said...

السلام عليكم ورحمة الله وبركاته
ألم يقولها الإمام : محمد عبده رحمه الله تعالى
عندما زار الغرب ..قال : لقد رأيت هناك إسلام بلا مسلمين
وعندما عدت لأرض الشرق وجدت مسلمين بلا إسلام

أختى : لو عاد المسلمون للإسلامهم لتغير وجه الأرض والحياة وإلى الأفضل بالتأكيد
ولكن متى ؟؟؟؟
هذا هو السؤال
والذى لاأجد له إجابة

بارك الله فيك أختى الفاصلة طرح طيب وقيم وجهد رائع

بارك الله فيك وأعزك
واسمحى لى أن اضمه إلى مختارات
قرأت لك من مدونات العرب

أخوك
محمد

موناليزا said...

ما اجملها من تدوينة لما فيها من تذكرة غالية
وصدقتى غاليتى ان للعطاء للذة لايساويها اى لذة اخرى ولا يشعر بها حقا الا من جربها
جعلنا الله من المنفقين دائما فى الخير

ma 3lina said...

السلام عليكم
ما شاء الله أختنا رفقة ..
ولا اقول ماما رفقة
:)
بجد موقفك مع البنت اللي بترعيها أسعدني جدا جدا .. ربنا يبارك لك في عملك ويصاعف لك الاجر فيه ويرزقك جوار النبي صلى الله عليه وسلم اللي بشر كافل اليتيم بمجاورته

فين أختنا الست مجداوية تيجي تشوف عمل من الاعمال البمبي اللي تبشر بالخير

جزاكي الله خيرا على الموضوع الجميل وبفكرك بس إن حتى لو بيل جيتس مات على غير الاسلام مع كل أعمال الخير اللي عملها .. فهو يبقى أخد برضه حقه كامل ونصيبه وجزاءه في الدنيا

وإحنا بقا اللي المفروض نتعلم .. ونقول ياريب يكون أغنياء مصر هما كمان مسلمين

الميكروباص said...

هو نصراني لكنه يفعل الخير
ومن يفعل الحسنه من النصارى يأخذ أجرها في الدنيا
كما يوجد منهم أيضا ملاعين وما أكثرهم
فيهم كده وفيهم كده

Ghofran said...

ازيك يارفقتي كويسة؟

بيل جيتس ربنا يديله قد نيته
والمسلمين الي عندهم زيه ربنا يوعيهم

الاسراف الي بيتعمل اكيد يقهر
كان اولى لناس تانية

بس برضو يعني مش هنعمم في ناس بتعمل لربها
والله اعلم بالنيات

انا عجبتني من فتره فكرة الأعمال الخيرية بين البنات
بحاول ابدأ واحد بس لسه بستشير كم بنت معايا والمراكز

واكيد في كتير زي كده
ولسه في امل الحمد لله في الشباب..
:)

أمـ الله ـة said...

السلام عليكم ورحمة الله وبركاته
ما شرعت الزكاه والصدقه الا للتراحم والتكافل حتي ينطبق علينا حديث الرسول صلي الله عليه وسلم مثل المسلمين في توادهم وتراحمهم كمثل الجسد الواحد اذا اشتكي منه عضو تداعت له سائر الاعضاء بالسهر والحمي ولكن فزمننا هذا أصبح الاخ لا يأبه أأخوه جاع أو عاري لا يجد ما يستره وهناك اشخاص من كثرة ملابسهم والترف الذي يعيشون فيه يلبسون الثياب مرة واحده فقط والله أسال أن يرحمنا ويهدينا الي الطريق المستقيم

أنسانة-شوية وشوية said...

لسه كنت بقرأ للاستاذ فهمى هويدى عن حكاية قالها سائق تاكسي انه في يوم هيغزو فقراء هذا البلد الفيلات والقصور وياخذوا حقوقهم باديهم واليوم ده قرب، رفقة اول مرة اسمع عن حفل الزواج اللي اتكلف 7 ملايين دولار ليه يعنى عملوا فيه ايه بجد الكلام ده بجد
حسبنا الله ونعم الوكيل وربنا يشرح صدره للاسلام حتى لا تكون اعماله هباءاً منثورا

رفقة عمر said...

استاذ محمد الجراحى

اسعدنى مرور حضرتك الكريم
وجزاك الله خيرا لاختيارك الموضوع ونشره على مدونه حضرتك دة شرف ليا كبير
ربنا يكرمك يارب امين


******************

موناليزا الجميله

اهلا بيكى حبيبتى
ربنا يكرمك يارب ويسعدك ويسسر لك كل امورك اللهم امين يارب العالمين

*****************

باشمهندس ماعلينا

اهلا بيكى
الحمدلله كل دة بفضل الله فان احسنت فمن الله واسات فمن نفسى والشيطان
جزاك الله خيرا
ربنا يكرمك اللهم امين


*****************


لورنس العرب

اهلا بحضرتك
هما اكيد فيهم ناس وحشين كتير بس فى تعاملاتهم مع بعض اظن انهم جادين جدا وبيلتزموا بكلمتهم ومجتهدين فى عملهم
ربنا يهدينا جميعا لما يحبه ويرضاه اللهم امين يارب العالمين


**********************

ربيع حبيبتى

ازيك انت عامله ايه عاوزين نطمن على النتيجه يارب خير
ربنا ينجحك يارب ويوفقك لما يحبه ويرضاه امين


*******************

امه الله

اهلا بحضرتك اسعدنى زيارتك الاولى
جزاك الله خيرا على مرورك الكريم


*********************

انسانه شويه


اهلا بحضرتك دايما بيسعدنى وجودك
ايوة الخبر كان موجود فى المصرى اليوم تقريبا
انا كمان نفسى اعرف الفرح كان فيه ايه علشان يتكلف 7 مليون دولار
ربنا يرحمنا من عنده ويعفو عنا جميعا