Friday, January 26, 2007

اسرى المسلمين





ايه رايكم فى الصور دى حزنتم لما شوفتوها ولا لم تتاثروا بيها هؤلاء هم اسرى المسلمين فى بلاد الظالمين الفاسقين كل ذنبهم انهم بيدافعوا عن حقهم المسلوب واراضيهم المغتصبه ونحن فى لهو ونسيناهم تماما وانا ايضا كنت نسياهم لولا قدرا دخلت موقع اسلام واى ووجدت ملف عن اسرى المسلمين ونحن الحكومات عندنا تشغلنا بتغير الدستور والديمقراطيه اللى على مزاجهم هما لان لما جاءت حماس بديمقراطيتهم قاطعها العالم وايضا الاخوان المسلمين يحاربون الديمقراطيه انك ترضى برأى الناس ومن يختارون لكن هما عندهم ديمقراطيه خاصه بيهم هما كل دة علشان يلهونا عن القضيه الاساسيه وهى الحرب على المسلمين والهجوم على بلاد المسلمين ومحدش عارف الدور على مين ومن منا سوف يلقى مصير هؤلاء المنسين حاولت انصرهم حتى ولو مجرد بالتذكير بهم ياريت كلنا نتكاتف ونسمع صوتنا علا وعسى يصل ونجد من يسمعنا ويفك اسر المسلمين المثل بيقول الكترة تغلب الشجاعه طالما انه ليس هناك المعتصم الذى قام بفتح عاموريه لمجرد انهم اسروا امرأة مسلمه وليس هناك محمد الفاتح ذى ال18 عام وقام بفتح القسطنطنيه ليس لدينا غير صوتنا ودعائنا لهم ليفك الله اسرهم ويعودوا لاهلهم وديارهم ويعود النصر للمسلمين امين يارب العالمين
لمعرفه المزيد

Thursday, January 25, 2007

حقيقه الموت2

لايمكن كشف الغطاء عن حقيقه الموت اذ لايعرف الموت من لا يعرف الحياة ومعرفه الحياة معرفه حقيقه الروح فى نفسه وادراك ماهيه ذاتها ولم يؤذن لرسول الله صلى الله عليه وسلم ان يتكلم فيها ولا ان يزيد على ان يقول (الروح من امر ربى) فليس لاحد من علماء الدين ان يكشف عن سر الروح وان اطلع عليه وانما المؤذون فيه ذكر حال الروح بعد الموت ويدل على ان الموت ليس عبارة عن انعدام الروح وانعدام ادركها واخبار كثيرة اما الايات فما ورد فى الشهداء اذ قال تعالى ( ولا تحسبن الذين قتلوا فى سبيل الله اموات بل احياء عند ربهم يرزقون ) ولما قتل صناديد قريش يوم بدر ناداهم رسول الله صلى الله عليه وسلم فقال (يافلان ويا فلان قدوجدت ما وعدنى ربى حقا فهل وجدتم ما وعدكم ربكم حقا) فقيل يارسول الله اتناديهم وهم اموات فقال صلى الله عليه وسلم (والذى نفسى بيدة انهم لاسمع منكم الا انهم لا يقدرون على الجواب ) فهذا نص فى روح الشقى وبقاء ادراكها ومعرفتها والايه نص عن ارواح الشهداء ولايخلو ميت عن سعادة او شقاوة وقال صلى الله عليه وسلم ( القبر اما حفرة من حفر النار او روضه من رياض الجنه)وهذا نص صريح على ان الموت تغير حاله فقط وليس عدم كما يقولون الملحدين قال الرسول الكريم ( الموت قيامه فمن مات فقد قامت قيامته ) سئل ابى الدرداء ماتحب لمن تحب قال الموت فسئل فان لم يمت قال يقل ماله وولده وانما احب قله المال والولد لانه فتنه وسبب للانس بالدنيا والانس بما لابد من فراقه غايه الشقاء فكل ماسوى الله وذكره والانس به فلابد من فراقه عند الموت لا محاله
القبر
قال رسول الله صلى الله عليه وسلم ( يقول القبر للميت حين يوضع فيه ويحك يا ابن ادم ماغرك بى الم تعلم انى بيت الفتنه وبيت الظلمه وبيت الوحدة وبيت الدود ماغرك بى اذ كنت تمر بى فذاذا؟ فان كان صالحا اجاب عنه مجيب القبر فيقول ارايت ان كان يأمر بالمعروف وينهى عن المنكر فيقول القبر انى اتحول عليه خضرا ويعود جسدة نورا وتصعد روحه الى الله تعالى والفذاذ هو الذىيقدم رجلا ويؤخر اخرى وتناديه بقاع الارض ايها المغتر بظاهر الدنيا هلا اعتبرت بمن غيب من اهلك فى بطن الارض ممن غرته الدنيا قبلك ثم سبق به اجله الى القبوروانت تراه محمولا تهاداه احبته الى المنزل الذى لابد منه
قيل اذا وضع العبد الصالح فى القبر احتوشته اعماله الصالحه والصلاة والصيام والحج والجهاد والصدقه فتجئ ملائكه العذاب من قبل رجليه فتقول الصلاة اليكم عنه فلا سيبل لكم عليه فقد طال بى القيام لله تعالى عليهما فيأتونه من قبل رأسه فيقول الصيام لاسبيل لكم عليه فقد اطال ظمأة لله فى دار الدنيا فلا سبيل لكم عليه فيأتونه من قبل جسدة فيقول الجهاد والحج اليكم عنه فقد انصب نفسه واتعب بدنه وحج وجاهد فلا سبيل لكم عليه قال فيأتونه من قبل يديه فتقول الصدقه كفوا عن صاحبى فكم من صدقه خرجت من هاتين اليدين حتى وقعت فى يد الله تعالى ابتغاء وجهه فلا سبيل لكم عليه فيقال له هنيئا طبت حيا وطبت ميتا وتأتيه ملائكه الرحمه فتفرش له فراشا من الجنه ودثارا من الجنه ويفسح له فى قبرة ويؤتى بقنديل من الجنه فيستضئ بنورة الى يوم يبعثه الله من قبرة
دةنبذة مختصرة عن حقيقه الموت والقبر واكيد فى كلام عن الموضوع دة اكتر من كدة بس انا حبيت افكر نفسى اولا وافكركم بهذه اللحظه اللى مافيش احد منا هايفر منها (انك ميت وانهم ميتون)ولا واسطه ولا ى حاجه هاتتنجينا من هذا المصير ولانى احبكم فى الله حبيت اخبركم كما قرأت لم احب انى استفيد لو حدى من معرفه هذا الامر لا اقول لكم اتركوا الحياة وازهدوا فيها بالعكس بس قول ياريت يكون لربنا مساحه اكتر فى حياتنا ياريت كل واحد منا يقعد مع نفسه ويشوف طاعتنا لربنا وعبادتنا ماذا تحتل فى حياتنا وهل نقوم باعمالنا الدنيويه بما يرضى الله وهل نحفظ الستنا من الكلام الغلط سواء الغيبه او النميمه او قول الزور او الالفاظ البذيئه هل نحفظ القلب من الحقد والحسد وتعلقه بالدنيا هل نحفظ اعضائنا من ارتكاب المعاصى انا بكلم نفسى على فكرة قبل ما اوجه الكلام لاى حد لانى مش عارفه متى تأتى ساعتى انا اسمع عن الموت كل يوم وفى شباب لسه فهل نحن مستعدون لهذا اليوم مجرد سؤال فهل احد لديه الاجابه؟؟؟؟؟؟؟؟

Wednesday, January 24, 2007

حقيقه الموت1


احب اولا فى البدايه اشكر كل من واسانى وقدم التعزيه فى اختى وربنا يتقبل منكم دعائكم لاختى ولاموات المسلمين ويجازيكم عنى كل خيرسامحونى لانى لسه متأثرة بوفاة اختى المفاجئ وبحثت فى الكتب عن حقيقه الموت والاحتضار وحبيت اكتب فى هذا الامر وارجو الايسبب لكم ازعاج بس لازم نتعرف على الحقيقه الوحيدة فى الدنيا ولن يفلت احد من هذا المصير من نعم ربنا علينا اننا غافلين عن الموت لانى عندما قرأت عن الموت فزعت مما قرأت ودعوت الله يهون علينا هذه الساعه ويخفف عنا سكرات الموت ويثبتنا ويجعل اخر كلامنا
لا اله الا الله
الاحتضار
شئ صعب جدا لان الروح تخرج من كل عرق من عروق الجسد ومن كل عضو فيكون خروجها شديد الالم ولذلك من شدة الالم ينقطع صياح الميت لان الكرب قد بالغ فيه وتصاعد على قلبه وبلغ كل موضع منه فهد كل قوة فلم يترك له قوة الاستغاثه اما العقل فقد غشيه وشوشه واما اللسان فقد ابكمه واما الاطراف فقد ضعفها فالالم منتشر داخله وخارجه حتى ترتفع الحدقاتان الى اعالى الجفن وتتقلص الشفتان ويتقلص اللسان الى اصله ثم يموت كل عضو من اعضائه تدريجيا فتبرد اولا قدماة ثم ساقاة ثم فخذاه ولكل عضو سكرة بعد سكرة وكربه بعد كربه حتى يبلغ الحلقوم فعند ذلك ينقطع نظرة عن الدنيا واهلها ويغلق دونه باب التوبه قال رسول الله (تقبل توبه العبد مالم يغرغر) وفى قوله تعالى (وليست التوبه للذين يعملون السيئات حتى اذا حضر احدهم الموت قال انى تبت الان)وكان الرسول صلى الله عليه وسلم يقول ( اللهم هون على محمد سكرات الموت قال شداد بن اوس الموت افظع هول فى الدنيا واللاخرة على المؤمن وهو اشد من نشر المناشير وقرض المقاريض وغلى القدور)وقال الرسول صلى الله عليه وسلم( موت الفجأة راحه للمؤمن واسف للفاجر) روى عن الرسوا صلى الله عليه وسلم انه كان عندة قدح من ماء عند الموت فجعل يدخل يدة فى الماء ثم يمسح بها وجهه ويقول( اللهم هون علينا سكرات الموت ) وفاطمه رضى الله عنها تقول واكرباة لكربك يا ابتاة وهو يقول صلى الله عليه وسلم( لاكرب على ابيك بعد اليوم) فهذه سكرات الموت على نبيه صلى الله عليه وسلم فما حالنا ونحن المنهمكون فى المعاصى وليس هذا فقط من دواهى الموت ولكن هناك داهتين اخرتين وهما مشاهدة ملك الموت ودخول الروع والخوف منه على القلب ياتى للعصاة بشكل مفزع وياتى للمطعين بصورة طيبه وفى احسن صورة وايضا رؤيه الملكان الحافظين ملك الشمال وملك اليمين فيذكروة باعماله سواء كانت اعمال خير او اعمال سؤ ام الداهيه الثالثه للموت وهى مشاهدة الميت مقعدة فى الجنه او مقعدة فى النار
فيلم عن الموت


انا اسفه الموضوع قاتم ومش مريح للنفس بس هو دة الحقيقه ولامفر منها ( قال تعالى انما يدرككم الموت ولو كنتم فى بروج مشيدة ) سامحونى بس لازم اذكر نفسى قبل ان اذكركم حتى نستعد لهذا اليوم وعلى فكرة انا اختصرت كلام كتير وكلام شديد علة النفس لا يتحمله احد واللى عايز يعرف اكتر يقرأ كتاب احياء علوم الدين الجزء الرابع وانا ضايفه لينك خاص بالكتاب على شما المدونه الموت ياتى بغته اختى كانت لسه بتتكلم معنا وكانت كويسه جاء المرض فجأة لم يستمر اسبوع توفاها الله قبل احراء العمليه اللى المفروض كانت هاتنقذها رحمه الله عليها يعنى مافيش حد عارف متى تكون ساعته بس على الاقل نعرف ايه اللى بيحصل وان شاء الله مازال للحديث بقيه اذا سمحتم لى واذا قدر الله لى الحياة

Sunday, January 21, 2007

وداعا اختى


طوال حياتى وانا اكره الفراق اى كان هذا الفراق لانه اصعب شئ فى الدنيا انك ممكن ياتى يوم لاترى فيه من تحبهم سواء اقارب اصدقاء جيران وانا ممكن اتحمل اى شئ فى الدنيا واى الام الافراق من احب هذا بالنسبه لفراق الدنيا وانا اعلم انه حى بس مجرد عدم رؤيه من احبهم يحزنى مابالكم بفراق الموت احساس صعب انك تفقد اقرب الناس اليك لقد فقدت اختى الكبيرة يوم الاثنين الماضى 15/1 بعد فترة قصيرة من اصابتها بجلطه دخلت على اثرها المستشفى واخبرنا الاطباء انها تحتاج الى عمليه ويجب ان نعجل بها فعلا كلمنا مدير المستشفى وهو قريب لنا وطبعا قام بتوصيه كل اطباء المستشفى وطقم التمريض عليها وكانت رعايه 7 نجوم وايضا قام اهل زوجها بابلاغ المحافظ لانه قريب لهم حتى يقوم هو ايضا بتوصيه الاطباءعليها والاهتمام بها واحنا طبعا كنا مطمنين بكل هذا الاهتمام ونحن فى غفله ان كل دة لايجدى بشئ طالما ان الله لايريد لها الحياة وانها خلاص فى ايامها الاخيرة ونحن لانعلم والاطباء حولها ونحن قريبين منها ولا ندرى انها ساعاتها الاخيرة كنا مغيبين تماما مطمنين انها تلقى رعايه فوق العادة ونحن بجهلنا اعتقدنا ان الاطباء هما اللى بايديهم حياتها ونسينا الله فى غفله منا وقف الاطباء بكل الاجهزة والادويه حتى يقوموا باحياء القلب بعد ان توقف لكنهم عجزوا وفاضت روحها الطاهرة رحمه الله عليه تذكرت قوله تعالى (فلو لا اذا بلغت الحلقوم, وانتم حينيذ تنظرون, ونحن اقرب اليه منكم ولكن لا تبصرون , فلولا ان كنتم غير مدنين, ترجعونها ان كنتم صادقين)صدق الله العظيم لم يفيد اى شئ ولا اى رعايه زيادة ولا اى واسطه ولا توصيه لها لما امر الله نفذ لم يجدى اى شئ وقف الطب والاطباء عاجزين عن فعل شئ يارب لك الحمد على كل شئ ولكنه الام الفراق

وقفت اتامل كثيرا لما حدث لانه كان مفاجأة لينا وجدت ان الموت هو الحقيقه الوحيدة فى هذه الدنيا وانه لامفر منه وانه ياتى بغته سالت نفسى ليه الناس بتتعدى على غيرها ليه الحروب والدمار وهم اموات لايعلمون متى تأتى ساعاتهم الناس اللى عايشه حياتها بالطول والعرض وتفعل كل شئ يغضب الله لماذا ينسون الموت هل هم مش مؤمنين انه بعد الموت فيه حياة اخرى اما جنه او نار هل الامر هين عندهم قوى كدة لانى انا اول مرة اشوف انسان متوفى امامى وكانت اختى رحمه الله عليها فجأة بعد ماكانت لسه بتكلمنا فجأة انادى عليها لاترد احركها لاتتحرك اصبحت لا حول لها ولاقوة لانى اول مرة ايضا احضر غسل وتكفين ميت اكتشفت ان المرأة لازم ترتدى الحجاب عند تكفينها يعنى الكفن بالاضافه الى الحجاب يعنى يامن ترفضون الحجاب هاتلبسيه هاتلبسيه شئتى ام ابيت يبقى تلبسيه باردتك احسن حتى تقابلى ربك وهو راض عنك لانك هاتلبسيه يوم موتك وتكفينك فعلا كما قال الرسول الكريم( كفا بالموت واعظا) صدق الرسول الكريم حبيت اكتب هذا البوست لارثى فيه اختى الحبيبه التى عملت لنا مفاجأة لم تكن فى حسبنا

وجدت هذه الكلمات فى مدونه هبه المنشاوى وعجبتنى واثرت فيا لم يكن فى بالى انى ممكن استخدمها فى رثاء اختى رحمه الله عليها

ليـــــه يــا زمـــان بتـاخــد منا اعـــز النــــاس

وتسيــبنــا بعــدهــــا نعـــانـــي الـــويـــل والآه

دة مش اعتراض على القضا وعايشه والله على الرضا

بس كل خوفى من الجفا قلبى يتعود على كدا

خدت منا اغلى الناس وسيبتنا كدا من غير كلام

نعيش مع صدمه الايام نرجع نقول خلاص دى اخر الاحزان

ونغرق تانى فى الاحلام ونعرف ناس ونتعلق بناس ونحب ناس

ترجع تفوقنا على فراق امر من اللى فات

وينزل علينا الخبر ولا على البال والدور هايجى علينا فى يوم من الايام

ونبقى ذكرى عدت على بال ناس

ناس تعدى على ناس وناس تسيب ناس

واهى دايرة تنزل ناس وتطلع ناس الله يرحمكم يا اعز الناس

دامهما طال الزمان وطول مالعمر فيه ايام

هاتبقوا دايما فى البال ولا ممكن تكونوا فى النسيان

ارجو من يقرأ هذا البوست ان يدعو لاختى ولكافه اموات المسلمين بالرحمه والمغفرة

Sunday, January 14, 2007

كا ت ستيفنز

كات ستيفنز كان من اشهر مطربين الروك فى انجلترا فى فترة الستينات وبدايه السبيعينات كان من اسرة الاب فيها يونانى ارثوذكسى والام سويديه كاثوليكيه وفى قمه شهرته اصيب بمرض السل الذى اقعدة فى الفراش معزولا عن الناس لمدة عام تقريبا بدأ فى هذه الفترة يتأمل ماهى حقيقه الحياة اعتنق البوذيه وامن بالنجوم وقراءة الطالع ثم انتقل الى الشيوعيه ظنا منه ان الشيوعيه هى الملاذ الوحيد للبشر ولكن مازال داخله نفس الحيرة ونساؤلات لا تنتهى تعاطى الخمور والمخدرات ليقطع هذه السلسله الصعبه من التساؤلات ثم عاد الى تعاليم الكنيسه التى اخبرته ان الله موجود ولكن يجب ان تصل له عبر وسيط ثم حدث له حادث فى سن 28 سنه كان يسبح فى البحر وتظهر فجأة دوامه شديدة فيشعر بضعف حتى اوشك على الغرق صرخ باعلى صوته يارب واخذ عهد على نفسه لئن انقذتنى فلسوف اعمل من اجلك شيئا وبعد ان انقذه الله من الغرق تصادف قدوم اخيه من القدس واهداه نسخه من القران الكريم مترجما واخيه كان قد اسلم يحكى كات ستيفنز يقول( امسكت بالمصحف فوجدته يبدأ بأسم الله فنظرت للغلاف فلم اجد اسم مؤلف حاولت ان ابحث عن ثغرة أو خطأ فلم أجد انما وجدته منسجما مع الوحدانيه الخالصه فعرفت الاسلام) ثم بعدها سافر الى المسجد الاقصى وبعد عودته لندن اشهر اسلامه ونطق الشهادتين عارفين طبعا دى قصه مين المنشد الاسلامى يوسف اسلام اعتزل موسيقى الروك الصاخبه واستغل موهبته بالدعوة الى الله بالانشاد الدينى ثم اصبح رئيس وقف المدارس الاسلاميه ببريطانيا عمل كثير للاسلام حتى انه ممنوع من دخول اسرائيل لانه يدعم اليتامى المسلمين فى فلسطين وفى كل مكان يضطهد فيه المسلمين ....نقلا عن اسلام اون لاين
وقفت كثيرا امام قصه يوسف اسلام ووجدت انسان كان لديه كل شئ ولكنه لم تمنع عنه الحيرة والبحث عن ماهى حقيقه هذه الحياة بحث حتى وصل للحقيقه لان الاسلام هو الدين الخاتم وهو الدين الحق وجدته تبدل حاله ارتدى العمامه هذب لحيته وابقاها لانها سنه عن الرسول صلى الله عليه وسلم لبس الجلباب ولم يستهزئ به كما يستهزئ به مدعى الثقافه اعلم انا الجلباب ليس فرض على الرجال ولكن هى حاجه غلط لما المسلم من كتر حبه للرسول صلى الله عليه وسلم يتشبه به عارفين لو عمرو دياب او تامر حسنى او حتى توم كروز ارتدوا الجلباب لن يعترض عليهم احد وبالعكس كل الشباب هايقلدوهم طيب ليه لا نتشبه بالرسول الكريم حتى نحشر معه لان الرسول قال (من تشبه بقوم فهو منهم) وايضا قال (من احب قوما حشرا معهم) وجدت حاجه غريبه ان الغربين عندما يعتنقو االاسلام يلتزموا بكل شئ فيه حتى المظهر الخارجى تجد المرأة اول دخولها للاسلام اول شئ تفعله ارتداء الحجاب لانها تعلم انه فرض على المرأة المسلمه واذا احبت ان تدخل فى مقام الاحسان ارتدت النقاب للتقرب لله اكثر وتتشبه بامهات المؤمنين اللى المفروض يكونوا قدوة لكل بنت قلت ليه احنا دايما بنجادل فى اوامر ربنا مع اننا مسلمين بالوراثه اما المسلمين الذين اسلموا بالبحث والجهد متمسكين بتعاليم الدين اكتر مننا شبهت الحالتين بحاله الذى يرث تركه من المال بدون تعب فيضيعها هباء لانه لم يشعر بالتعب فى الحصول عليها اما الذى يحصل على الثروة من مشقه ومجهود تجدة يخاف على كل قرش معه ولا يصرفه الا فى الاشياء التى تستحق احنا علشان مسلمين بالوراثه مش قادرين نحافظ على النعمه العظيمه التى هى من افضل نعم الله علينا وهى الاسلام فرطنا فى كل شئ فيه هان علينا فهنا على الناس لان عزتنا فى الاسلام بالله عليكم احنا كنا ايه قبل الاسلام كنا نرعى الغنم ونسكن الخيام اصبح هؤلاء هم قادة العالم بعد عدة سنوات من ظهور الاسلام واصبحوا لقرون محتفظين بهذه المكانه حتى فرطنا فى اسلمنا فانفرط منا كل شئ وبدأ يضيع منا كل شئ بالتدريج اصبحنا نختار من الاسلام مايوافق هوانا ونترك مالا يوافقها وربنا قال (خذ الكتاب بقوة) وقال ايضا( افتؤمنون ببعض الكتاب وتكفرون ببعض فما جزاء من يفعل ذلك منكم الاخزى فى الحياة الدنيا ويوم القيامه يردون الى اشد العذاب ومالله بغافل عما تعملون) اظن مافيش خزى اكتر من اللى احنا عايشينه دلوقتى لاننا عمالينا نعدل فى اوامر ربنا ونأخذ منها اللى يفيد مصلحتنا وبس اصبحنا تابعين بعد ان كنا متبوعين اصبحنا مضطهدين بعد انا كنا نغوث المضطهدين فى كل مكان نفسى مدعى الثقافه وحريه الفكر ينظروا ويعتبروا بقصه كات ستيفنز واحد غربى اعتنق الاسلام نحسبه على خير وانظروا كيف يعتز بالاسلام ويعمل لاعلاء شأنه قدر استطاعته دة مجرد مثل بس اكيد فيه مثله كثير
مع البوست صور ليوسف اسلام قبل الاسلام وبعد الاسلام وياريت انتوا تقرورا وتقولوا ايه رايكم فى ملامح وجهه قبل وبعد الاسلام هل هى نفس الملامح اظن الملامح تغيرت الى السماحه والطيبه والسكينه

Friday, January 12, 2007

الامتحانات

كل البيوت فى الوقت دة دلوقتى رفعت حاله الاستعداد القصوى واعلنت حاله الطوارئ بسبب بدء امتحانات التيرم الثانى البيت عندنا الحمد لله اترحم من الامتحانات وسنينها لانى كنت انا اخر واحدة عندهم والحمد لله خلصت دراستى فكرتنى هذه الايام بايام الدراسه وقلق الامتحانات وقد ايه كنت اواصل الليل بالنهار علشان اذاكر وكنت اتفزع لو تخيلت نفسى نجحت بملحق او رسبت دة ايام المدرسه اما ايام الجامعه كنت اخاف انجح بمادة او مادتين او لا احصل على تقدير مع انى يعنى مكنتش فى كليه قمه ولا حاجه هى كليه تجارةمع كل السهر والقلق والطوارئ فى البيت ودعوات ماما وبابا فى كل صلاة وحاله التدليل اللى بيعاملونى بيها وقت الامتحانات علشان اعرف اركز زى ما اكون لما اتخرج هاتعين وزيرة ولا سفيرة المهم طبعا كان مصير الشهادة انها موجودة بدرج فى المكتب معززة مكرمه مافيش ايد بتمسها المهم وانا قاعدة بفتكر هذه الايام وقد ايه كنت بتعذب خوفا من الامتحان والنوم لا يزورنى طوال فترة الامتحانات تذكرت امتحان الاخرة اللى انا نسايه تماما هاعمل ايه لما اقف امام ربى ايه العمل اللى اقابل ربى به انا انام قريرة العين ولا على بالى الامتحان الذى لا مفر منه لاما نار لاما جنه والرسول صلى الله عليه وسلم يقول من نوقش الحساب فقد عذب يعنى مجرد وقفه السؤال عذاب لما كل حاجه عملتها فى الدنيا اجدها امامى كأنها على شريط فيديو كله مسجل صوت وصورة وتذكرت حديث الرسول صلى الله عليه وسلم (لا تزولا قدم عبدا مؤمنا حتى يسال عن خمس خصال عن عمرة فيما ابلاة وعن شبابه فيما افناة وعن ماله من اين اكتسبه وفيما انفقه وماذا عمل فى علم)صدق رسول الله صلى الله عليه وسلم قلت لنفسى هل انا مستعدة للاجابه على هذه الاسئله وهاقول ايه قلت ليه كنت مش بنام الليل ايام امتحان الدنيا ليه انا عندى برود ولا مبالاة فى الامتحان الاصعب امام رب العالمين والموت ياتى فجأة وكثر هذه الايام موت الفجأة وخصوصا بين الشباب هل لو جاءنى الموت هل هاكون مستعدة له هل هاقبض على طاعه او والعياذ بالله على معصيه وااتى يوم القيامه اقول (ماذا قدمت لحياتى) هل اكون من الناجحين واخذ كتابى بيمينى واقول كما فى قوله تعالى(فأما من اوتى كتابه بيمينه فيقول هاؤم اقرءوا كتابيه ,انى ظننت أنى ملاق حسابيه فهو فى عيشه راضيه, فى جنه عاليه قطوفها دانيه كلوا واشربوا هنيئا بما اسلفتم فى الايام الخاليه) او اكون من الراسبين والعياذ بالله فأقول كما قال تعالى(واما من اوتى كتابه بشماله فيقول ياليتنى لم اوتى كتابيه,ولم ادر ما حسابيه, ياليتها كانت القاضيه, ماغنى عنى ماليه , هلك عنى سلطانيه, خذوة فغلوةثم الجحيم صلوة , ثم فى سلسله ذرعها سبعون ذراعا فاسلكوة ) سورة الحاقه قلت قدايه ربى كريم لا يرد ان يفاجأنا بالعذاب يوم القيامه كل القران الكريم تحذير لانه لايريد عذابنا بس زى اللى بيرتكب جرم ما فى الدنيا الحكومه تعاقبه على فعله ربنا يعاقب المسئ بس من رحمته بيحذرنا حتى لا نخطأ واذا اخطأنا تتداركنا الخطأ بالتوبه وطبعا غير رحمه ربنا وشفاعه نبينا بس هل نبينا راضا عنا ولا اذا جأنا على الحوض ليسقينا بيدة الشريفه قال له الله انهم ليسوا من قومك لا تعلم ماذا احدثوا بعدك يعنى كمان هايكون ليا وش اطلب من الرسول انى اشرب من يديه الشريفه من حوض الكوثر وانا مقصرة وغيرى من يتعدون عليه وعلى سنته نفسى اروض نفسى المسيئه واستأنسها حتى تطيعنى وتساعدنى على الاستعداد للامتحان الاخير (اللهم الهم نفسى تقواها وزكها انت خير من زكهاانت وليها ومولها)وندعو الله ان نكون جميعا من الناجحين الفائزين امين يارب العالمين

Tuesday, January 09, 2007

ايها الرجال رفقا بالقوارير



حبيت اكمل البوست اللى فات بهذا البوست لانه مرتبط بنفس الموضوع تقريبا واقصد بالقوارير طبعا البنات طبعا الرجال هاتضحك لانهم انا عارفه ممكن يكون بعضهم بيعانى من بعضهن بس مش انا اللى بقول كدة دة كلام الرسول صلى الله عليه وسلم لما قال للجمال الذى يقود الجمال التى تحمل زوجاته وكان يغنى بعذوبه صوت فقال له الرسول صلى الله عليه وسلم رفقا بالقوارير لان النساء تتأثر بالكلمه الحلوة والحنان وايضا قال الرسول صلى الله عليه وسلم استوصوا بالنساء خيرا وايضا قال ما اكرمهن الا كريم وما اهنهن الا لئيم فارجو من السادة الرجال التعامل مع النساء كأن كل واحدة منهن اخته, امه, بنته بس انا بتكلم لانى بنت واعرف مشاعر البنت وقد ايه هى بتتاثر بالكلمه الحلوة وقد ايه قلبها بينكسر لو اتخدعت فيمن تحب ممكن يقول الرجال بس النساء قال عنهم الله تعالى ان كيدهن عظيم ايوة كيدهن عظيم لما تنجرح بتتحول من الوداعه الى قمه الشراسه يعنى انتم ايها الرجال اللى بتجعلوها تتحول الى شرسه لانها بتصدق كل كلمه تقال لها وتحسن الظن بكم ثم تتفاجأ انه كله كلام وخداع وانا طبعا بتكلم على البنات السويه التى مازالت تحتفظ بالمعنى الحقيقى لكلمه انثى لا اقصد التى غيرت خلق الله وتشبهت بالرجال فى جرائتها وتفعل مايحلو لها مثل الرجل بدعوة ان البنت ذى الولد لا البنت مش ذى الولد ابدا ربنا خلقنا مختلفين وميز كل واحد عن الاخر ووهب كلا منهما نعم تميز كلا منهما عن الاخر انا سعيدة انى بنت ومش عايزة اكون ذى الولد ولا عايزة اقلدة فى اى شئ يعمله افعل الامور التى تناسبنى كبنت حتى لا اغير خلق الله مجرد ان البنت تحاول تقليد الرجل فى تصرفاته هى تغيرخلق الله ربنا خلق المرأة كأن رقيق حنون هادئ الحياء صفتها الاساسيه هى دى اللى بقول للرجال رفقا بها

Monday, January 08, 2007

الحب فى قفص الاتهام


انا عارفه ان الناس اتكلمت كتير عن الحب بس ليه لم يتكلموا فيه بمفهومه الاسلامى الدين الاسلامى لم يحجر على المشاعر لان الميل القلبى ليس بيد الانسان هو بيد الخالق سبحانه وتعالى ممكن تجد شخص من اول مرة تشعر معه بالارتياح وشخص اخر تحس بعدم الراحه ربنا لا يحاسبنا على هذه المشا عر لانها ليست بايدينا ولكن يحاسبنا على الافعال اذا احببت شخصا ما هل افعل اشياء تغضب ربى لا رضاء هذا الشخص او اذا كرهت انسان اؤذيه دة ايضا يسبب غضب الله يعنى الانسان لا لوم عليه اذا احب او اذا كره ولكن يلام اذا ترجم هذه المشاعر الى افعال تغضب الله الرسول صلى الله عليه وسلم كان يحب زوجته السيدة عائشه اكثر من زوجاته الاخريات ولكنه كان يعدل بينهم فى الافعال لكن فى المشاعر كانت السيدة عائشه رضى الله عنها كانت هى الافضل عندة كان يقول (اللهم هذا قسمى فما املك( اى فى المساوة بينهم فى الافعال) فلا تلومنى فلا املك (اى فى مشاعرة لان دة مش بايدينا يعنى الاسلام لم يحرم الحب ولكن حرم كيفيه ممارسه الحب هناك حكايه حدثت فى عهد سيدنا عمر رضى الله عنه كانت لديه جاريه تخرج كل يوم للتسوق وكان هناك شاب يتابعها ويغازلها يقول لها كلامات الحب فاشتكت ذلك الى سيدنا عمر بن الخطاب رضى الله عنه فقال لها قولى له وانا ايضا اشعر مثل ماتشعر وفعلا قامت الجاريه بفعل ما امرها به سيدنا عمر وقالت للشاب وانا ايضا اشعر بما تشعر يعنى انا كمان ابادلك نفس الشعور فقال لها الحمد لله اذن اصبرى الى ان يأذن الله ويجمع بيننا فى الحلال فذهبت الى سيدنا عمر رضى الله عنه وحكت له ماحدث فقال لها ااتى بهذا الشاب الى فاتى الشاب الى سيدنا عمر فاعتق الجاريه وزوج الشاب من الجاريه لانه علم انه يتقى الله الحب شئ جميل جدا والدنيا تكون وحشه جدا من غير الحب بس لازم نراعى الله الحب الموجود هذه الايام لا اعتقد انه حب نهائى لا اعتقد الشاب اللى يطلب من البنت انها تخرج معه بدون اذن اهلها ويفعلوا افعال المتزوجين ويلمسها بغير وجه حق اويصل بهم الامر الى الزواج العرفى ثم يتنكر لها بعد كدة ان دة اسمه حب دة شئ اخر ليه لا توجد قصه حب ناجحه حتى لو تزوجوا عن حب لازم يكون فيه مشاكل فظيعه او يحدث طلاق ليه علشان مارسوا الحب خطأ عصوا الله فى النعمه التى اعطاها الله لهم الحب دة نعمه كبيرة جدا ليه تفقدوها بمعصيه الله وياريت البنت تحافظ على حيائها وعفتها الحياء شعبه من شعب الايمان الرسول كان اشد حياء من العذراء فى خدرها يعنى بيشبهوا حياء الرسول بحياء البنت العذراء اين هذا الحياء الان اللى كان افضل شئ تتحلى بيه البنت زيفوا معنى الحب اعلم اتنين من صديقاتى عاشوا الحب قبل الزواج واحدة اتطلقت وواحدة كانت على وشك الطلاق لان مابنى على باطل فهو باطل والغريب ان البنت تكون فى اول الامر ترفض تلبيه رغبه حبيبها بس هو بخبث يقول لها انتى لا تحبينى وتظل تتنازل علشان تثبت له انها بتحبه حتى تسقط تماما وتفقد كرامتها وعفتها وكل دة تحت مسمى الحب و الحب منهم برئ وفى الاخر كتير قوى يتخلى عن حبيبته ويختلق الاعذار لانه خلاص مل ممارسه الحب معها وعايز يبحث عن غيرها وتبقى هى وحيدها تتحمل الام فراق الحبيب وتخليه عنها وغدرة بها المهم انه لا يقبل من اخته ان تفعل مثله ويغار عليها حكت لى صديقه لى التى تزوجت عن قصه حب من زميل لنا بالجامعه كانوا يتركوا المحاضرات ويخرجوا مع بعض حتى تمت خطبتهم المهم اخته احبت زميلها بالجامعه لما علم ذلك تعتقدوا عمل ايه ضربها ضربا شديدا لغايه لما وشها ورم ونهاها ان تقابل زميلها دة مرة اخرى فقالت له انا فعلت مثلك حبيت زميلى مثل ما انت حبيت زميلتك قال لها انا رجل طيب واليس البنت اللى بتمارس معاها الحب بنت ولها اهل يغارون عليها مثلك شوفتوا التناقض لم يرتضى لاخته فعل شئ هو مش مقتنع بيه وعارف انه غلط الحب دة تضحيه خلق الاعذار للطرف الاخر يخاف عليه زى مابيخاف على نفسه ولازم الصدق بين الطرفين وكل واحد يظهر للطرف الاخر صورته الحقيقيه ويقبل كل واحد الاخر بعيوبه ومميزاته بالعكس العيوب فى نظر المحب بتكون مميزات والحب دة شخصين اتحدوا واصبحوا كيان واحد لازم يحمد الله انه وجد الحب ويطيع الله فيه ويشكر الله لان المعاصى من اسباب زوال النعم عارفه فيه ناس هاتقول بس لازم نعرف بعض قبل الزواج ايوة صح بس يكون فعلا نيته انه يتزوج البنت اللى بيحبها ويراعى الله فيها يكون الحوار بينهم لمعرفه طريقه تفكير كل واحد فى حدود لا يتعدى الحدود ولا يكون بينهم مثل اللى بين المتزوجين بجد معنى الحب الحقيقى ضاع انا اللى باشوفه فى الشوارع هل دة حب حد يقولى انا عارفه ان فيه ناس مش هايعجبها كلامى بس نشوف زمان نسبه الطلاق قد ايه ودلوقتى نسبه الطلاق قد ايه مع ان ممكن يكون نصفهم متزوج عن حب حد يقولى راح فين الحب علشان لم يكن حب فى الاول كان مجرد شهوة وغريزة نحو الطرف الاخر وبعد الزواج يكتشفوا انه لم يكن حب نفسى يرجع الحب تانى بمعناه الحقيقى اللى بنسمع عنه زمان فى قصص الحب العفيف انا عندى كلام كتير قوى فى الموضوع دة لان الحب دة من اجمل نعم ربنا ربنا قال فى حديثه القدسى ان هناك ناس هايكونوا على منابر من نور وهؤلاء هم المتحابين فى الله اجتمعوا عليه وتفرقوا عليه يعنى شوفتوا قيمه الحب عند الله قال الله تعال قل ان كنتم تحبون الله فاتبعونى يحببكم الله)اسمى حب حب الله ورسوله ربنا ذكر الحب فى مواضع كتيره فى القران ربنا يريد منا ان نطيعه عن حب مش عن خوف ارجوكم لا تشوهوا المعنى الحقيق للحب واذا رزقكم الله الحب حافظوا عليه بتقوى الله فيه اسال الله لى ولكم انا نجد الحب الحقيقى الذى يعنا على طاعه الله وعلى تحمل هذه الحياة ولا نقوم باتهام الحب... الحب ليس متهم نحن المتهمين فى طريقه ممارستنا للحب قال الله تعالى (ومن يتق الله يجعل له مخرجا) .(ومن يتق الله يجعل له من امرة يسرا) .(وليستعفف الذين لا يجدون نكاحا حتى يغنيهم الله من فضله) صدق الله لعظيم

Saturday, January 06, 2007

حلمى احس بطعم الحياة



عتقد مش انا لو حدى اللى نفسى احس بطعم الحياة دة ظاهرة واتجاة عام اسالوا اى شخص هايقول انا مش عارف احس بسعادة او بفرحه كل الناس تنظر فى وجها تلاقيها مهمومه ومكتئبه كل حاجه موجودة عندى بفضل الله مش حاسه انه ناقصنى حاجه يجيى العيد مش بحس بفرحته زى زمان يجى رمضان برضه نفس الحكايه كان زمان نشعر برمضان من اول دخول رجب المهم وجدت كل حد اعرفه يعانى من نفس المشكله وبرضه اللى يعرفوهم بيعانوا من نفس المشكله ااقول لما اشترى حاجه جديدة يمكن احس بسعادة برضه مافيش نذهب انا وصديقاتى ونجلس معا فى النادى يمكن لما نكون مع بعض ننسى شويه همومنا تلاقى كل واحدة على وحهه البؤس والكأبه برضه ينضحك اة بس ضحك مهموم كنت كدة فى يوم قلت اقرأ شويه وانا بقرأ وجدت حديث للرسول صلى الله عليه وسلم( مثل المؤمنين والمؤمنات فى توادهم وتراحمهم كمثل الجسد الواحد اذا اشتكى منه عضو تداعى له سائر الجسد بالسهر والحمى ) صدق رسول الله صلى اله عليه وسلم وقفت امام الحديث وقلت مش يمكن موجه الاحباط العامه والاكتئاب تكون بسبب المسلمين اللى بيبادوا فى كل مكان فى الدنيا اى مكان فيه مسلمين تلاقى مذابح فلسطين اللى احنا فى ظل الاحداث المتلاحقه للمسلمين نسينها تماما اصبح سماع اخبار مذابح اليهود للفلسطنين شئ عادى بنتفرج عليها فى الفضائيات واحنا بنشرب النسكافيه او بناكل الهامبورجروالبيتزا كأننا بنتفرج على كارتون توم وجيرى هو مات داخلنا الانسان ولا ايه منظر القتل والدم لم يعد يجزعنا اكيد وفقا لحديث الرسول الكريم اننا مش قادرين نحس بمتعه الحياة بسبب بقيه جسد الامه يتالم أزاى نشعر بالسعادة وغيرنا يتألم كلنا مسئولون امام الله يوم القيامه عن كل المسلمين فى كل مكان العراق وفلسطين وافغانستان والشيشان وكشمير والسودان ولبنان وكمان الصومال ممكن حد يقولى ايه موضوع الصومال دة بالظبط هيه كانت ناقصه كمان غير كدة احنا تعاملتنا مع بعض سيئه كلها بغرض المصلحه الجار لا يسأل عن جارة مافيش صله الرحم نهائى يعنى الاكئئاب وعدم الاحساس بطعم اى حاجه علشان مافيش بينا تواد ولا تراحم انا خايفه ننسى فلسطين الغلبانه وصعبان عليا اسماعيل هنيه وهو يعنى بيقف على باب الدول العربيه ليطلب منهم المساعدة وللاسف معظهم بيرفوضوا يقابلوة ايه الذل دة كل دة علشان امريكا مش راضيه عنهم حاجه تغم مافيش حاجه بجد تفرح غمتكم اسفه بس استفزنى اللى حصل فى رام الله من يومين واللى حاصل فى الصومال غير الهديه العظيمه اللى كانت اول يوم العيد

سامحونى على الصور المرفقه مع البوست بس علشان لا ننسى اخوانا المسلمين فى كل مكان حتى ولو بالدعاء لهم دى صورة اجمل بنت شوفتها فى حياتى ايمان حجو وهى بتمثلى رمز لكل الفلسطنين وايضا المسلمين فى كل مكان اعتقد دلوقتى ان ممكن يكون عدم احساسنا بمتعه الحياة بسبب انه فى عضو من الجسد الامه يتالم فبالتالىنحن نتألم معهم شئنا ام ابينا يعنى مش بايدنا اكتئابنا اللهم فرج كرب المسلمين وارحم شهدائهم يارب العالمين

Friday, January 05, 2007

احلام...اهرام...جمهوريه


احلام......احلام.......احلام

حياة كلها احلام من اولها مافيها دليل افكار كلها اوهام اقصد اقصد احلام

هى حياتنا لما تكون نسرح حبه فى حضن الكون

نحب مرة نكرة مرة نعشق من غير خوفنا مايكسرنا

جوة احلامنا مافى شئ مسجون ولا شئ مش ممكن يتحقق

ان حتى كان فيها جنون خيالتنا مش فيها حدودولا فيها افكار وسدود

قلبها دافى حضنها صافى مفيهاش مسكات وجمود

كل مافيها همس سكوت نسرح وياها الوقت يفوت

اجمل اوقا تنا الاحلام فيها بننسى كل الام فيها بنسرح لحظه ونفرح

نحلم لما نكون قدااام شايفين روحنا رغم جروحنا احسن من احسن انسان

وهم وعشناة بامعان اصله الحلم فى كيانه ان كان موجود من غيرة نموت

يتحول خوفنا جوانا لجبروت يصبح بركان يزلزل جوانا ومشعرنا الانسان

يخلى عيون دايما صاحيه بتفكر فى منين وازاى وساعات يمكن بكام

شوفتو حياتنا بدون احلام غابه ووحوشها الايام

يوم ها يعدى وبعده يعدى وحلمنا لسه زى زمان

حلمنا كان احساس بامان وحنان.... حبه حب بدون حرمان

بس الظاهر كدة انها مش قد الامكان مش لقيانا ولا لقينها ومش عارفين لطريقنا مكان

شوفتوا حياتنا بدون احلام

احلام...احلام...احلام

بس الظاهر كدة انها مش قد الامكان

احلام...احلام....احلام

هيه حياتنا وبنعيش فيها يمكن تتحقق فى زمن احلام

حلم حياتى لحد مماتى فى يوم اصحى من النوم وانادى

احلام....اهرام....جمهوريه

كفايه تعبت من الاخبار خلينى اعيش واقدر اكمل خلينى ااقوم من نومى تمام

احلام..احلام..احلام مين عايز احلام

اقرا اخر الاحلام

اقرا اخر الاحلام

اقرا اخر الاحلام
هذه الكلامات
بقلم د/فارس الراوى

Thursday, January 04, 2007

اول الغبث اليسون




سمعت خبر اسعدنى اليوم ومش عارفه يستحق السعادة وسط كل الاخبار السيئه فى كل الفضيئات وكلها من حظ المسلمين فقط حرب ابادة جماعيه لهم من كل الجهات ومازال امه الاسلام فى العنايه المركزة تحت جهاز التنفس لعلها تسنيقظ فى يوم من الايام من الغيبوبه والجهود كبيرة لمحاوله احيياء الامه ا


اما عن الخبر الذى اسعدنى هو وصول النائب المسلم (كيت اليسون) الى الكونجرس الامريكى عن ولايه مينسوتا الامريكيه وطبعا دة اول مرة يحدث واول مرة عضو بالكونجرس الامريكى يقسم القسم الخاص بالكونجرس وهو واضع يدة على القرأن انا عايزة اعرف افرح بدة ولا دة برضه خدع من خدع امريكا اللى بتضحك علينا بيها يعنى دة شئ كويس ولا لا ممكن حد يقولى بس برضه انا مش هافقد الامل


دوله الباطل ساعه ودوله الحق الى قيام الساعه والاسلام حق وانشاء الله ربنا هاينصر الحق فى النهايه

بيقولوا اول الغيث قطرة اتمنى ان يكون دة اول بدايه لافاقه المسلمين من الغيبوبه اللى مستغرقين فيها من قرون

Tuesday, January 02, 2007

هل تساء الشاة بسلخها بعد ذبحها




لامجال للكلام خلاص الكلام خلص ولا جدوى منه بس يجب انا نعرف مالصدام وما عليه ولقد وجدت موقع محايد تماما اسمه مفكرة الاسلام يتحدث بامانه وشهادة حق عنه وهذا هو اللينك الخاص بالموضوع وبعدين احكموا عليه
ودة لينك اخر يحكى كل شئ عن صدام علشان بس لا تاخذوا المعلومات من امريكا والفرس فقط
احكموا بنظرة محايدة وعلى اساس انه بشر له اخطائه وايضا له حسناته