Saturday, May 17, 2008

ليه مش بنحب ربنا

مستغربين العنوان. العنوان مش غريب ولا حاجه ايوة فعلا احنا مش بنحب ربنا لكل شئ دليل وايه دليلنا على حبنا لربنا مع ان ربنا بيحبنا ورحيم علينا جدا لما انظر الى الفروض والاوامر اللى طلبها مننا ربنا اجدها ليست شديدة ولا صعبه طب ليه تقيله علينا ليه بنعملها بصعوبه ونمن على الله اننا فعلنها
وايضا انظر الى تركه حريه الاختيار لنا فمن شاء فليؤمن ومن شاء فليكفر لم يجعلنا نتعبده قهرا لو اراد ان نعبده قهرا كان ظهر لنا وجعل جنودة من الملائكه تقهرنا على العبادة ولكنه غيب فاراد ان نعبده على حب وبارادتنا الحره دون قهر فلننظر الى الفروض التى فرضها الله علينا وننظر هل هى فعلا ثقيله كما نعتقد امام كل النعم الكثيره التى انعمها علينا


الصلاه

خمس صلوات فى اليوم لو صلتها من غير سنن لن تستغرق منك خمس دقائق على الاكثر واذا صلتها بالسنن تستغرق 10 الى 15 دقيقه يعنى حوالى ساعه واحدة فى اليوم لله وبقيه اليوم متروك لك تفعل فيه ما يحلو لك طالما حلال ومش بس كدة الله اسقطها عن النائم والمجنون وخففها على المسافر ان تكون قصرا وعلى المريض انه ممكن يصلى جالسا او نائما او حتى بعينيه واذا لم يجد ماء فليتيمم هذه هى الصلاه التى تكون ثقيله وكثيرا منا مقصر فيها ولا يؤديها واذا اداها لا يؤديها على الوجه الاكمل مواظباتنا على الصلاه من احد علامات حبنا الله


الصوم


لم يفرضها الله علينا ليعذبنا ولكنه فرضه ليهذبنا ويجعل نفسنا الاماره طوعا لنا استحلفكم بالله اكتر شهر بتكون فيه فى قمه روحانياتك وراحتك النفسيه اظن انه شهر رمضان جعل الله شهرا واحد فى السنه لتهذيب سلوكنا والارتقاء من درجه الماديه طوال 11 شهر الى درجه الروحانيه والسمو النفسى وارتقائها وايضا اسقط الصيام عن الغير مستطيع او المريض او الشيخ الكبير فهل تعتقد ان ربنا قهرنا علشان امرنا بشهر واحد فى السنه نصومه انظروا الى رحمته بنا لو ادينا الصيام على الوجه الاكمل هذا ايضا من علامات حبنا لله

الحج

الحج اكبر دليل على حب الله لنا وانه لم يرهقنا بعبادات ثقيله على النفس جعل الحج مرة واحدة فى العمرولمن ؟ للمستطيع فقط ماديا وبدانيا واسقطها عن غير المستطيع وانظر الى من يذهبون الى الحج ومدى سعادتهم بهذه الرحله الروحانيه الرائعه التى تجدد انسانيتهم بداخلهم والذى يذهب مرة يتمنى يذهب عشرات المرات

الزكاه

هل الزكاه مفروضه على كل الناس ابدا مفروضه على الغنى ويجب ان تبلغ نصابا معينا ويا لرحمه الله بنا
نسبه الزكاه 2.5% يعنى فاضلك من مال الله الذى وهبه لك 97.5 % لك لوحدك وضع نفسك مكان الفقير المحتاج الذى لا حيله له مريض او جاهل ولا يستطيع ان يكفى قوت يومه و هايكون سبب دخولك الجنه بمساعدتك له مش نحمد ربنا انه جعلنا من دافعى الزكاه بدل ما كنا نحن من اخذيها اليست هذه نعمه كبيره نشكر عليها الله سبحانه وتعالى ونزيد على هذه الزكاه بالصدقات المسلمين كلهم اخوه وكمان هانحمى انفسنا من حقد وحسد الاخرين وهايدعو لك اكثر بالزياده وبالبركه علشان تظل تعطيهم كل ما ربنا هايزيدك هو يعلم انك سوف تزيده فاهيتمنى لك المزيد ولن يتمنى زوال النعمه منك

هذه هى الفروض اللى مفروضه علينا هل دة فيه شئ صعب اظن ان ممكن مديرك او رئيسك يطلبك بامور فوق احتمالك ولا يراعى مرض ولا سفر ولا انشغال المهم تقضى اللى طلبه منك وياريت المقابل مجزى ولكنه مقابل هزيل
اعطانا الله من النعم الكثير ولا يطلب منا الا الشئ القليل ويطلب منا ان نحبه ونحب رسوله صلى الله عليه وسلم
قل ان كنتم تحبون الله فاتبعونى يحببكم الله
هل نحن نتبع الرسول هل نحن نستن بسنته على الوجه الاكمل هل نحن نراعى الجار كما امرنا الرسول هل نصل رحمنا هل نراعى الامانه والصدق اللى امرنا وحثنا عليها هل نراعى حرمه المسلم ولا نؤذيه هل نلتزم بالحجاب الشرعى الذى امرنا به الله وروسوله هل نحمى وننصر المسلمين المستضعفين فى كل مكان
فلننظر لانفسنا ونرى نعم الله علينا هذا الجسد الذى يحملنا الى كل مكان هذا العقل الذى جعلك متقدم فى عملك من الذى وهبه لك انظر الى من سلب منه نعمه العقل لم يسلبه الله منه مهانه له حاشا لله ولكنه جعله حكمه لنا حتى لا نغتر بعقلنا ونتعالى به على واهب هذه النعم
كل انسان يحب شخصا ما بحاول بشتى الطرق رضى هذا الحبييب مع انه عبدا ضعيفا مثلك
فلماذا لا نحب الله اكثر ونتودد اليه ااكثر الله يتودد لنا هل تجد ملك يفعل ذلك مع عبيده سوى الله
لانه يحبنا ويريد منا فقط ان نحبه
ولاتحزن او تسئ الظن بربك اذا اصابك ابتلاء
قال صلى الله عليه وسلم ( اذا احب الله عبدا ابتلاه فاذا احبه الحب البالغ اقتناه)
قال احد العلماء اذا رايتك تحبه ورايته يبتليك فاعلم انه يريد ان يصافيك
قال احد الصالحين لاستاذه اننى احب الله فقال يابنى هل ابتلاك بمحبوب سواه فاثرت عليه اياه قال لا قال فلا تطمع فى المحبه فانه لا يعيطيها عبدا حتى يبتليه

انظرو ا الى هذه الاحاديث القدسيه فيه ملك من الملوك ولا رئيس يتودد على عبيده كما يتودد الله الينا

قال تعالى: " إذ تستغيثون ربكم فاستجاب لكم" يقول الله عز وجل ما غضبت على أحد كغضبى على عبد أتى معصية فتعاظمت عليه في جنب عفوي

أوحى الله لداود " يا داود لو يعلم المدبرون عنى شوقي لعودتهم ورغبتي في توبتهم لذابوا شوقا إلي يا داود هذه رغبتي في المدبرين عنى فكيف محبتي في المقبلين على


يقول الله عز وجل "إني لأجدنى أستحي من عبدي يرفع إلى يديه يقول يأرب فأردهما فتقول الملائكة إلى هنا إنه ليس أهلا لتغفر له فأقول ولكني أهل التقوى وأهل المغفرة أشهدكم إني قد غفرت لعبدي


جاء في الحديث: إنه إذا رفع العبد يديه للسماء وهو عاصي فيقول يارب فتحجب الملائكة صوته فيكررها يا رب فتحجب الملائكة صوته فيكررها يأرب فتحجب الملائكة صوته فيكررها في الرابعة فيقول الله عز وجل إلى متى تحجبون صوت عبدي عنى؟؟؟ لبيك عبدي لبيك عبدي لبيك عبدي لبيك عبدي


ابن آدم خلقتك بيدي وربيتك بنعمتي وأنت تخالفني وتعصاني فإذا رجعت إلى تبت عليك فمن أين تجد إلها مثلي وأنا الغفورالرحيم "


عبدي أخرجتك من العدم إلى الوجود وجعلت لك السمع والبصر والعقل عبدي أسترك ولا تخشاني، أذكرك وأنت تنساني، أستحي منك وأنت لا تستحي منى. من أعظم منى جودا ومن ذا الذي يقرع بابي فلم أفتح له ومن ذا الذي يسألني ولم أعطيه. أبخيل أنا فيبخل على عبدي؟



جاء أعرابي إلى رسول الله صلى الله عليه وعلى آله وصحبه وسلم فقال له يا رسول الله "من يحاسب الخلق يوم القيامة؟ " فقال رسول الله صلى الله عليه وعلى آله وصحبه وسلم "الله "فقال الأعرابي : بنفسه؟؟ فقال النبي: صلى الله عليه وعلى آله وصحبه وسلم بنفسه فضحك الأعرابي وقال: اللهم لك الحمد. فقال النبي صلى الله عليه وعلى آله وصحبه وسلم : لما الابتسام يا أعرابي؟ فقال: يا رسول الله إن الكريم إذا قدر عفا إذا حاسب سامح قال النبي: صلى الله عليه وعلى آله وصحبه وسلم فقه الأعرابي".



جاء في الحديث إنه عند معصية آدم في الجنة ناداه الله "ي آدم لا تجزع من قولي لك "أخرج منها" فلك خلقتها ولكن انزل إلى الأرض وذل نفسك من أجلى وانكسر في حبي حتى إذازاد شوقك إلى واليها تعال لأدخلك إليها مرة أخرى يا آدم كنت تتمنى إن أعصمك؟ قال آدم نعم فقال: "يا آدم إذا عصمتك وعصمت بنيك فعلى من أجود برحمتي وعلى من أتفضل بكرمي،وعلى من أتودد، وعلى من أغفر يا آدم ذنب تذل به إلينا أحب إلينا من طاعة تراءى بها علينا يا آدم أنين المذنبين أحب إلينا من تسبيح المرائيين
-------------------

إني و الإنس و الجن في نبأ عظيم , أخلق و يعبد غيري . أرزق و يشكر سواي . خيري إلى العباد نازل و شرهم إلى صاعد . أتودد إليهم برحمتي و أنا الغني عنهم . و يتبغضون إلى بالمعاصي و هم أفقر مايكونون إلى . أهل ذكري أهل مجالستي .فمن أراد أن يجالسني فليذكرني . أهل طاعتي أهل محبتي , أهل معصيتي لا أقنطهم من رحمتي . إن تابوا إلى فأنا حبيبهم . و إن أبوا فأنا طبيبهم أبتليهم بالمصائب لأطهرهم من المعايب . من أتاني منهم تائبا تلقيتة من بعيد , و من أعرض عني ناديته من قريب . قائلا : عبدي .... أين تذهب ؟ ألك رب سواي ؟ الحسنة عندي بعشر أمثالها و أزيد . و السيئه عندي بمثلها و أعفو . و عزتي وجلالي لو استغفروني منها لغفرتها لهم .

---------------------------


هل فعلا نحب الله ونعبدة حق العبادة


تعصى الاله وانت تظهر حبه.........هذا لعمرى فى الفعال بديع
لوكان حبك صادقا لأطعته..........ان المحب لمن يحب مطيع


اللهم اسالك الاخلاص فى عملى هذا واسالك ان تغفر لى تقصيرى عما كان منى


46 comments:

المستنصر بالله said...

ماشاء الله سرد جميل لاركان الاسلام واستشهاد فى محله الاجمل انا كل يوم باتعلم منك حاجه جديده ست رفقه هانم جزاكى الله خيرا وجعله فى ميزان حسناتك

monaliza said...

ربنا يبارك فيكى ماشاء الله عليكى بجد تعرفى انا كاتبة موضوع وده برضه الهدف منه ولكنى لم انشره بعد وبعد قرائتى لما تكتبين شعرت انه لم يقول كل ماقلتى فجزاكم الله خيرا
وحقا حبيبتى نحن فى حاجة الى تذكر كل هذه الاحاديث القدسية الجميلة
ربنا يكرمك يارب
.......
لكى منى خالص الشكر على تعليقك عندى وجعله الله فى ميزان حسناتك

.:.-=- ELGaZaLy-=-.:. said...

تعصى الاله وانت تظهر حبه.........هذا لعمرى فى الفعال بديع
لوكان حبك صادقا لأطعته..........ان المحب لمن يحب مطيع

---------------------------
بسم الله ما شاء الله عليكى بجد جميل اوى,,,بس الامام زين العابدين كان قال مقولة جميلة اوى
سأل شخص الإمام زين العابدين فقال له: كيف أصبحت يا ابن رسول الله (صلى الله عليه وسلم ): أصبحت مطلوباً بثمان : الله يطالبني بالفرائض ، والنبي بالسُنّة ، والعيال بالقوت ، والنفس بالشهوة ، والشيطان باتّباعه ، والحافظان بصدق العمل ، وملك الموت بالروح ، والقبر بالجسد.. فأنا بين هذه الخصال مطلوب... » لقد نظر الإمام إلى أبعاد الحياة الدنيا فرآها محاطة بهذه الأمور الثمانية فصمم على الزهد فيها، وعدم الاحتفاء بأي شيء من زينتها ومباهجها

فهمتى قصدى اكيد ..على فكرة انا كاتب عن الامام زين العابدين فى المدونة التانية المضووع طويل اوى بس هايعجبك..يب فى مصر ياما..

بس صدقى او لا تصدقى ان موضوعك جعلنى اعيد ترتيب اوراق ..قديمة...

ربنا يتقبل منك ويجعلة فى ميزان حسناتك

مجداوية said...

السلام عليكم

الله يا رفقة

موضوع جميل
وعرض بديع

وتذكرة رائعة
تغزلين بالاحاديث وبكلامك غزلا رائعا لثوب طاعة من يرتديه يكفيه
شتاءا او صيفا

اسال الله ان يكسوك فى الدنيا ثوب الفرح والطاعة وفى الآخرة ثوب الحرير الاخضر السندس والاستبرق فى جنة الفردوس
وتحلى فيها اساور من فضة
وتشربين فيها شرابا زنجبيلا
اللهم آمين

الفاتح الجعفري said...

تفرد عبد اسلمته ذنوبه..الي قسوة سدت وجوه نجاته
ففر الي المولي واسلم نفسه..والقي الي التقوي عنان حياته
ينادي اذا ما الليل اسبل ستره..وظل غريق الطرف في عبراته
وهاج لهيب الشوق بين ضلوعه..فبات حريق الجسم من زفراته
عسي الملك المولي يمن بعفوه..علي مذنب قد تاب قبل مماته
-----
ما شاء الله موضوع رائع جدا عله ينتشل القلوب من الغرق في الماديات والحياة الدنيا ويعيد احياء قلوب قد ماتت وعلاها التراب
ربنا يبارك في حضرتك ويحفظك
جزاكم الله كل خير

الفاتح الجعفري said...

اللهم انا نحبك ,اللهم ما عصيناك اجتراء عليك وعلي ذاتك معاذ الله
ولكننا عباد ضعفاء غلبتنا الدنيا وغلبتنا الشهوات ,نلجأ اليك ونستعين بك
كان احد الصالحين يقول
يارب انك قلت
"واقسموا بالله جهد ايمانهم لايبعث الله من يموت"
ونحن نقسم بالله جهد ايماننا لتبعثن من يموت ,افتراك تجمع بين اهل القسمين في دار واحدة

drpharma said...

من يرد الله به خير يفقه في الدين ربنا يحميك

امام الجيل said...

ومن اقرب الينا من الله
ومن اجزل عطاء لنا من الله
ومن يحبنا اكثر من انفسنا غير الله
ومن يشتاق الينا والى توبتنا ورجوعنا الا الله

عجبا لامرنا
يتقرب الله لنا وهو اغنى ما يكون عنا
ونتبغض نحن اليه ونحن افقر ما نكون اليه

ووالله وان لم تكن هناك جنة ونار فهو مستحق للعبادة والانابة والخشوع والذل له

نسال الله ان يذكرنا به ويبصرنا دائما بانفسنا

اللهم امين

kochia said...

عزيزتي رفقة عمر
انا من المتابعين لك منذ فترةولكن النهاردة اول يوم اكتب عندك تعليق
اولا اشكرك جدا علي تلك المدونة الجميلة
وان الايمان مثل درجات الحرارة ساعات تبرد وساعات ترتفع اعتقد ده مع كل الناس
والحمد لله لما قريت مدونتك النهاردة حسيت ان حرارة ايماني زادت
ومن وجهة نظري اعتقد انه مش الفروض فقط وتاديتها هي المؤشر علي حب العبد لله
هناك الكثير ممن يؤدون الفروض والسنن ...والنوافل كمان لكن في الحقيقة منافق
ينافق نفسه وينافق الاخرين
لان _في رايي_الفروض واضحة ومباشرة لكن هناك صفات وتصرفات اخري تعبر عن حب العبد لله
مثل
تمني لقاءه
الكاظمين الغيظ والعافين عن الناس عند المقدرة
التبسم في وجه اخيك
تحري الحلال في الرزق في السر والعلن
وحاجات تانية كتير بسيطة لكن معناها وتاثيرها كبير
وفي رايي كمان
الدين المعاملة كلمة حقيقية وذات معني عميق جدا لا يستهان به
ملحوظة : انا لا اقلل من شأن تأدية الفروض _حاشا لله_ لكن رايت من يؤديها بكل الحرص وتصرفاته لا ينظر بها الي الله نظرةولا يرجو بها لقائه
هقوللك حكاية حقيقية طبعا ::
واحد كان بيشتغل في الجمرك قابل عميل مستورد في الج بالصدفة وكان فيه صفقة المفروض تدخل البلاد
واتفقوا علي مقدار الرشوة اللي هياخدها الموظف اثناء الحج
بس قاله خليها بقي لما نرجع عشان تتكتب في الصفحة الجديدة (يقصد طبعا بعد ان يغفر له الله سبحانه وتعالي )
الامر لله من قبل من بعد
شكرا لك
وعذرا علي التطويل

صاحب المضيفة said...

ومش بس في العبدات بيعبر لنا عن حبه

بل في كل جزئية في ديننا يعبر عن ذلك بوضوح

لكن أيضا نقابل الاحسان بالحجود



متى ياربي نحسن معاملتك كما تحسن الينا



يارب ألق في روعنا حبك والقرب منك لننعم ببرد الوصل والحب


تحياتي

هوندا said...

جزاكى الله كل خير
اللهم إنا نسألك حبك وحب من أحبك وحب عمل يقربنا إلى حبك
ربنا يهدينا جميعا

رفقة عمر said...

يظن الناس بى خيرا وانى لاشر الناس ان لم تعفو عنى
انا اشكركم جميعا على حسن ظنكم بى بس انا اى موضوع باكتبه بخاطب به نفسى الامارة بالسؤ لاهذبها يعنى باكتب الموضوع لاجبرها على التعلم والاتباع باوعظ نفسى قبل الاخرين
لو كانت للذنوب رائحه لما خالطنى احد
اللهم انى استغفرك من كل عمل اردته به وجهك فخالطنى به غيرك
اللهم انى اعوذ بك ان اشرك بك وانا اعلم واستغفرك لما لا اعلم

ياأبت...إني رأيت said...

موضوع جرئ منك
انت جيتي ع الجرح

رفقة عمر said...

المستنصر بالله

اهلا بيكى اسعدنى مرورك جدا
دة انا اللى باتعلم منك ومن مواضعك الجميله
جزاك الله خيرا
ربنا يكرمك يارب ويزيدك من فضله اللهم امين


******************


موناليزا

فرج الله كربك وازال همك
وابدل حزنك فرحا الله امين
اتمنى اسمع اخبار حلوة عنك قريبا
اسعدنى مرورك حببيبتى
وليه تشكرنى احنا اخوات فى الله واللى يزعلك يزعلنى جدا

*********************

استاذى غزالى

اهلا بحضرتك
فعلا موضوع زين العابدين جميل قوى وانا باحاول اخلصه لانه طويل شويه
جزااك الله خيرا لتذكرنا بسيره ال البيت العطرة
اسال الله لك كل خير وسعادة
وان يحقق لك كل ما تتمناه اللهم امين


*****************

رفقة عمر said...

استاذتى مجداويه

الله على كلامك حضرتك باستمتع بكل حرف فيه
بجد حضرتك رائعه
ربنا يكرم حضرتك ويزيدك من فضله الله امين
انتظر تعليق حضرتك كانتظار العيد
جزاك الله خيرا

********************


الفاتح الجعفرى

اهلا بحضرتك
حضرتك اضفت بكلامك للموضوع الكثير بجد اول مرة اسمع هذا الكلام الجميل
جزاك الله خيرا
وجعل كل اعمالك فى ميزان حسناتك
واحبك الله بلا ابتلاء اللهم امين


******************

د/ فارم

اهلا بحضرتك
اسعدنى مرورحضرتك الكريم


******************


امام الجيل

اهلا بحضرتك
معك حتى ولو لم يكن هناك جنه ولا نار لكن هو سبحانه احق بالعباده من لنا سواه فى شدتنا وضيقنا
الذى يطعمنى ويسقنى واذا مرضت فهو يشفين وهو الذى يميتنى ثم يحين
سبحانه وتعالى
جزاك الله خيرا على مرورك الكريم


****************

kochia

اهلا
بيكى سعيدة جدا بزيارتك الا ولى وسعيدة اكتر انك بتابعى مدونتى وارجو ان تظهر مدونتك للنور قريبا
عندما ذكرت الفروض هنا لم اقصد ابدا ان اعرف الناس بالفروض كل المسلمين يعلمونها جيدا
اردت فقط ان اذكرهم انها ليست صعبه ولا مرهقه لنا فلماذا نصتصعبها ولا نؤديها على اكمل وجهه والفروض هى اساس البناء الايمانى ويبنى فوق هذا الاساس بقيه الاوامر والنواهى والمعاملات كما قلتى
اتفق معكى اننا نرى من يصلى ويرتشى ومن يحج ويسرق
كان هناك رجل يصلى مع الرسول فى جماعه وكان يعلم الصحابه انه يسرق
وكانوا يذكرون ذلك للرسول صلى الله عليه وسلم انه سارق
فماذا رد الرسول قال صلى الله عليه وسلم ستنهييه صلاته
ان الصلاه تنهى عن الفحشاء والمنكر
لقد فرضت الصلاه اولا
وكان مازال الصحابه يشربون الخمرولم كن حرمت الخمر بعد
الصلاه تقوى الصله بين العبد وربه دون ان يشعر وبيكون بعد كدة سهل عليه ترك اى معصيه كان بيعملها
ويرتقى ايمانيا
اللى اقصده من البوست عزيزتى ان الله رحيم بنا لم يطلب منا الكثير ليه مش بنحبه
اللى يحب حد ينفذ اوامره دون جدال او تفكير
هناك الكثير الذى يجادل فى اوامر الله زى الحجاب مثلا
اعتقد لو احبوه ما جادلوه
ارجو ان تكون فكرتى وصلت

بجد اسعدنى الحوار معك
وارجو ان نتواصل دائما
ربنا يكرمك وييسر لك كل امورك اللهم امين


*****************

صاحب المضيفه

اهلا بحضرتك
كل شئ حوالينا يؤكد ان الله يحبنا كل اوامره لنا حبا لنا
ولكن امهاله لنا هو الذى جعل هناك من يتجرا عليه
ويجادل فى اوامره وكمان عاوز يناقشها
ربنا يهدينا جميعا لما يحبه ويرضاه
اسعدنى مرور حضرتك


******************

هوندا

اهلا بيك

اول زياره اسعدتنى
ارجو ان تتكرر
جزاك الله خيرا

**********************

يابتى.. انى رايت

اهلا بحضرتك
اسعدنى زياره حضرتك الاولى
وارجو ان تتكرر

منى said...

الله عليكى يا رفقه
والله احساس غريب وجميل وانا بقرا
تعرفى ان بحب الاحاديث القدسيه اوى
وشفت عندك احاديث جميله منها اللى اول مره اشوفه
ربنا يجعلك دايما سبب للفرحه والخير للجميع
ويهديك ربك لما يحب ويرضى
تحياتى وحبى

Salwa said...

جميله تأملاتك هذه

ما شاء الله

اللهم أرزقنا حبك .. وحب من يحبك .. وحب عمل يقربنا إلى حبك

دمتى عزيزتي بكل الخير

كوارث said...

السلام عليكم
سلمت يداكِ
فعلاً
مهما ادعينا من حب لله فالحب الحقيقي هو اتباع ما أمر به و الحمد لله لم يأمر ديننا بشيء من الشر !
كنت فاكر في خطبة سمعتها للشيخ محمد حسين يعقوب بيقول لو بتحب ربنا ..
بتحس بلهفة لقاه وانتا بتلاقي حبيبك ؟ بتحاول ترضيه زي ما بتحاول ترضي حبيبك الدنيوي ؟
مع ان مفيش وجه للمقارنة بأي حال
اسألة مهمة فعلا

شـمو نشـادر said...

الموضوع جميل فعلا ..
بس انا شايف ان العنوان قاسى شويه ..
لانه بيقر اننا مش بنحب ربنا وكأنها بقت حقيقة مسلم بيها ..
اعتقد ان مفيش انسان مهما بلغ درجة معصيته مش بيحب ربنا ..
لان الروح التى بين جنبيه فى الاول والاخر هى من روح الله ..
وحب الله من الفطره النقيه السليمه اللى بيفطر عليها الانسان ..
اه كلنا بنعصى ربنا ..
اه كلنا بنبعد عن اللى بيرضيه ..
لكن كلنا ندعى حب الله ..
وربنا يثبتنا جميعا ويهدينا ..
مدونتك جميله .. اول زياره ليا هنا وان شاء الله مش هتكون الاخيره ..
وعازمك على كوباية شاى فى مدونتى المتواضعه ..
تحياتى ..
أسامة أمين

Sally said...

استغفر الله الذى لا إله إلا هو الحى القيوم وأتوب إليه

أحب الله لكننى فعلا مقصرة تقصيرا شديدا
اللهم اغفر لى وارحمنى
وتجاوز عنى
وعن المسلمين

رائعة أختى كعادتك
دمتى لنا بخير

" على فكرة أنا جاوبت التاج تعالى شوفيه بقا وجزاك الله كل خير"

سالى

أمــانــى said...

ربنا يرحمنا من عنده
ويرزقنا الثبات وحبه وحب من احبه باااااااااااااااارب آمـــــــــــين
جزاكى الله خيرا ياااااااااارب آمــــــــــين

appy said...

كل اللى قولته حلو قوى وتسلم ايدكى عليه وربنا يا رب يقدرنا ونقدر نعمل كده ونكتمل وينصرنا على الناس اللى بتلعب فى عقول الشباب كمان

الباحث عن الحقيقة said...

ما شاء الله ولا قوة إلا بالله
الحمد لله على نعمة الاسلام
بوست رائع جدا يا رفقة
ربنا يجعله في ميزان حسناتك وتشوفيه نور يوم القيامة
ربنا يكرمك وينفع المسلمين بيكى

المستنصر بالله said...

انا جاوبت التاج
ست رفقه هانم

حائر في دنيا الله said...

بسم الله ما شاء الله
موضوع جميل
وعرض شيق وخفيف وجميل

ربنا يهدينا يارب ويجعلنا من خلصائه وأتقيائه

السلام عليكم

أحمد كمال said...

قُلْ إِنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنْ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّى يَأْتِيَ اللَّهُ بِأَمْرِهِ وَاللَّهُ لا يَهْدِي الْقَوْمَ الْفَاسِقِينَ ((التوبة 24))

صدق الله العظيم

أحسنت في اختيار الموضوع و في العرض - أحييك .

Sally said...

تعالى يا قمر هنا لما أقولك حاجة فى ودنك عشان محدش يسمعنا

مبروووووووووووووووووووووووووووووووووك

ربنا يديم عليكى الفرحة والهنا ياااااااااارب

أكمل بعدين بقى بعد الاعلان
عشان محدش ياخد باله

دمتى بخير أختى
سالى

مروة الزارع said...

بجد تناولتى الموضوع بشكل جميل جدا

ربنا يجعلة ياارب فى ميزان حساناتك يا جميلة

وحشانى فعلا

ro7 said...

بوركتي يارفقه علي هذا المجهود الرائع
جعله الله في ميزان حسناتك
واثابك عليه الجنة
ومشكورة علي ترقيق القلوب
سلمت يمناكي
ونتمني علي الله ان نكون
ممن يستمعون القول فيتبعون احسنه
اللهم لا تعاملنا بعدلك وعاملنا برحمتك
ولا تنسيني من صالح الدعاء
احببتك في الله كثيرا

ro7 said...

رفقة معلش ليا طلب عندك
ربنا يباركلك يارب
كنت عايزة اعمل في مدونتي
البوكس اللي بيكون في اخر المدونات
اللي تابعتها
زي ما انتي عاملة كدة في مدوناتي
بس مش عارفة
اجيبه منين
ومحرجة اسأل اي حد
معلش هتعبك معايا

ا بـن عــمــر said...

جزاك الله خيرا
موضوع عنوانه شيق
موضوع رائع

allah-slave said...

بسم الله الرحمن الرحيم

اعتقادي العبد بيخطئ عشان حاجتين اول حاجة ان في شيطان بييزنله عمله ده وبيحطله المخرج من المعصية قبل المعصية ... مثلا لو واحد عايز يسرق هيفكر الاول ازاي يدارى جريمته وده من تزيين الشيطان للمعصية
تاني حاجة الن العبد وهوا بيعصى مش شايف عقاب لحظى لفعله ده يعني هوا ممكن يكون مؤمن بالعقاب وعارف ان اللى بيعمله غلط بس كون ان مفيش عقاب لحظى ده بيخليه يبدأ المعصية وده من رحمة ربنا بينا عشان يسيب فرصة للى عايز يستغفر ويتوب


وظيفة الشيطان في المعصية حاجتين من وجهة نظرى ... انو يزين المعصية زي ما قلت قبل كدة
تاني حاجة انو يحاول يقنعنا ان ربنا مش هيغفر لينا .. فاللى بيصدق بيزداد في المعاصي لحد ما قلبه يبقى حجر ويكون من الصعب انو يرجع تانى


طاعة ربنا قمة الحلاوة .... محدش بيحس بكدة اللى بيعملها باخلاص مين فينا كدة راح صلى الفجر باخلاص ومحسش بروحه خفيفة وجسمه نشيط ...
لو الناس صلت وتصورت انهم واقفين قدام عرش كبييييييييير وكل اللى حاوليه ساجدين مش خوف لكن تعظيم

من اله غير الله علاقته بعبيده زي الله ... مفيش طبعا ... حقا لا اله اا الله ... لا معبود بحق الا الله
مين كدة وهوا حاطط جبهته على الارض في السجود بيفكر انو دلوقتى ساجد لربنا اللى خلقه وخلق كل حاجة حواليه .... متهيالى الموضوع محتاج فلسفة خاصة بكل واحد في حكاية العبادات دي
ولكن في الاخر كله بيصب في حاجتين يا جنة يا نار

اللهم ارزقنا الجنة في فردوسها الاعلى مع حبيبك المصطفى وصحابته واتباعه الاخيار



اسف انى طولت



سلام

ro7 said...

بوركتي يارفقة علي المساعدة
ويارب ييسرلك كل امورك
ويرضي عنكي كنت بجد محتاجة المساعدة
بحس انك قريبة مني بجد
وسبحان الله والله لما قريت اجاباتك
علي التاج حسيت ان انا اللي
بتكلم سبحان الله العظيم
تآلف الارواح دة شيء مش سهل
احبك في الله اخيتي الغالية

ro7 said...

رفقة انا عملت الريدر الحمد لله
بس عايزة اعرف ازاي
هيضاف فيه كل مدونة انا تابعتها؟؟
بيضافوا تلقائيا ولا انا
اللي بضيفهم بنفي
ولو هضيف بوست معين
من مدونة اضيفة ازاي
بوركتي

أبو خالد said...

السلام عليكم

تدوينة متميزة ما شاء الله
ومؤثرة جدا
جزاكِ الله خيرا

سؤال بسيط ونأسف للإزعاج
هل اتأكدتي من مصادر الأحاديث دي سواء قدسية او غير قدسية
واضح ان بعضها من الإسرائيليات
فاعتقد من الافضل انك توضحي وتؤكدي اننا لا نصدقها ولا نكذبها

انا اسف ومش قصدي مجرد الانتقاد وخلاص
لكن احنا بنخاف اوي من انتشار الكلام ده دلوقتى وأقوال كثيرة تنسب إلى الله عز وجل وإلى رسوله (صلى الله عليه وسلم) وليست صحيحة

أنا اصلي باحضر دلوقتى في المطبخ تدوينة جديدة خاصة بالموضوع ده تبع متولي هاينزمان
www.metwallyheinzmann.blogspot.com

جزاكِ الله خيرا

سارة said...

جزاك الله خير مدونة جميلة جدا

مجداوية said...

السلام عليكم

يا رفقة العمر الجميلة

جئنا نبارك ونعلق الزينات
قد اعلن الخبر السعيد
فأين هو الشربات

يا أحلى العرايس يا رفقة
يا زينة البنات

تن ترارللاا لااا تن تن

الف مبروك حبيبة قلبى وربنا يسعد كل أيامك

رفقة عمر said...

منى الرائعه

منورانى وجزاكى الله خيرا على كلامك الجميل فى حقى احنا اللى بنتعمل من احاسيسك الجميله وانا كمان باحبك فى الله
بجد سعيدة بيكى جدا وااتمنى اكون كمان تظنين


****************

سلوى


اهلا بيكى اول مرة تزورونى مبسوطه بمروره جدا
جزاكى الله خيرا

*************


كوارث

اهلا بحضرتك
جزاك الله خييرا على مرورك الكريم


******************

شمو نشادر

اهلا بحضرتك
انا اردت من العنوان ان اللى جب ربنا فعلا مش يجادله فى اوامره
واننا لا نحب الله كما ييجب ان يكون الحب


***********************

احلى سالى

انتى اللى رائعه جدا ودود على فكرة ماشاء الله امور قوى ربنا يخليه لكى ويبارك لك فيه ويكون بارا بكى اللهم امين
الله يبارك فيكى حبيبتى جزاكى الله خيرا

*****************

امانى الطييبه

ازيك حبيبتى
جزاك الله خيرا انتى على كل اللى بتعمليه علشانى


******************

ابى

ازيك عامله ايه
ربنا فعلا يقدرنا على الطاعه ويرحم ضعفنا ويغفر تقصيرنا
منورانى

*************


الباحث عن الحقيقه

جزاك الله خيرا
ربنا يبارك فى حضرتك
اسعدنى مرورك

*******************

رفقة عمر said...

حائر فى دنيا الله

اهلا بيك
جزاك الله خيرا
اسعدنى مرورك

***************


استاذ احمد كمال

اهلا بحضرتك
شكرا لحضرتك جدا
جزاك الله خيرا


*****************


مروة


حمدا لله على سلامتك والف مبرووك
وانتى كمان وحشتيينا
منتظريين الجديد


***************


روح الجميله

ازيك حبيبتى منورانى
انا كمان احبك فى الله
وباشكرك على ذوقك وعلى حسن ظنك بى
جزاكى الله كل خيرا ادام الله علينا نعمه الحب فى الله
حتى نكون ممن يظلهم الله فى ظله يوم لا ظل الا ظله
ربنا يكرمك اللهم امين


*******************

ابن عمر

اهلا بحضرتك والف مبروك الزواج
ربنا يتمم بخير اللهم اميين


******************


عبدالله

اخبار الامتحانات ايه يارب خير
تفتكر عبدالله هاقد ااقول كلمه بعد كلامك
دايما تعلييقك بيكمل الموضوع
جزاك الله خيرا
ربنا يوفقك ويقدر لك الخير ونسمع اخبار حلوة اللهم امين


******************

ابو خالد

اهلا بحضرتك
جزاك الله خيرا
ان شاء الله اوعد حضرتك انى هاشوف صحه هذه الاحاديث شكرا لتنبهى لهذا الامر


******************

ساره

سعدت بمرورك
جزاكى الله خييرا

رفقة عمر said...

استاذتى الغاليه على قلبى جدااا

كنت باحب التدوين بس حبيبته اكتر واكتر علشان قابلت حضرتك فيه
بجد مش عارفه ااقول لحضرتك انا فرحانه قد ايه بتهنئتك وبفرحتك علشانى بجد حضرتك اختى الكبيرة التى اعتز بها جدااااا
مهما قلت الكلام لن يوفى حق حضرتك
عقبال يارب ما تفرحى بنسمه بزوج صالح اللهم امين

دعاء مواجهات said...

ربما توارد افكاار الذى جمع بين عقلينا

انا كمان كنت بفكر فى بوست بنفس الفكرة لكن قلمك سبق قلمى

وفقنا الله لما يحب ويرضى

اللهم إغفر للمسلمين والمسلمات الأحياء منهم والأموات.....

شريف طلال said...

بجد فعلاً كلامك جميل جداً و قريب من القلب جداً
جزاكى الله كل خير
و ربنا طالب منا فعلاً حاجات بسيطه و قليله
و يجى واحد يقول لحبيبته ولا لأى حد بيحبه
أأمر و لو عايزنى اطلع لك القمر هطلع
يا خويا طب اسمع كلام ربنا البسيط أسهلك
شكراً ليكى
و تحياتى

Tamer Nabil said...

جزاكى الله خيرا

بوست مميز بجد

ربنا يصلح الحال للجميع

تحياتى

smraa alnil said...

بعيدا عن الموضوع

ياريت تشاركوني في موضوع علي مدونتي
وتنشره معانا
تحياتي

ادم المصرى said...

لسلام عليكم بسم الله مشاء الله على مدونتك جميله جدا ياريت تشرفينى فى مدونتى

مجداوية said...

السلام عليكم

محتفية ليه رفقة العمر الجميلة؟؟؟؟

لعل المانع خيرا

ولم تردى على وقد تركت لك رسالة ؟؟؟؟

يا رب يكون كل شىء تمام

طمنينى عليك غاليتى