انصر اخاك ظالما

اللهم اشكو اليك ضعف قوتنا وقله حيلتناوهواننا على الناس

استيقظت كعادتى لاصلى الفجر انتظارا لصلاة العيد وافتح قناة الجزيرة واذا بى اسمع خبر لعدام الرئس صدام حسين والمفروض ان العيد للفرحه ولكنى اصبت بحاله من الاكتئاب الشديدة عند سماعى خبر اعدام الرئيس العراقى رحمه الله عليه ورزقه الشهادة يارب العالمين اعدام صدام حسين جعلنى ا شعر بنفس الاحباط والاكتئاب والخزى والمهانه الذى شعرت به عند سقوط بغداد انظروا ايها المتامريكين يا منضمين لحزب الشيطان امريكا هذه هى هديه امريكا للمسلمين فى عيد التضحيه انتم بضحوا بالخرفان وهى ضحت برئيس جمهوريه بلد تتدخلت فى شئونه دون اى حق وتركتهم يتقاتلون فيما بينهم واعادوا العراق لعصور ماقبل التاريخ هو دة رغبه الاسرائليين لان مازال الحقد يملأ قلوبهم من العراق بسبب ان الطرد الاول لهم وتشتيتهم كان على يد الاشوريين ملوك العراق السابقين مازال شعور الانتقام بداخلهم حتى نالوا ماتمنوا تحت سمع وبصر العالم الاسلامى وحكامه الرسول الكريم قال ( انصر اخاك ظالما او مظلوما قالوا ننصرة مظلوما كيف ننصرة ظالما قال تردة عن ظلمه) لوكان فعلا صدام ظالما الله اعلم كما صورته الميديا الامريكيه صورته للعالم انه شيطان وظالم لماذا لم ينصحه الحكام العرب بل بالعكس كانوا كلهم يضعون ايديهم فى ايديه وكان يساعدهم لان العراق كانت اغنى دوله عربيه واحسن دوله عربيه من ناحيه الاهتمام بشعبه والاهتمام بالعلم والعلماء انا اسمع كدة من اى شخص مصرى كان مقيم بالعراق وعن مدى اهتما م الرئيس صدام بشعبه حتى لو كان حازم وعنيف مع من يعارضوة بس كان العراق مستقر للعلم ان العراق به كل العقائد الاسلاميه والمسيحيه والشيعيه اليزيديه وعبدة الشيطان وعبدة النار وغيرهم وكان مستوعبهم العراق ولم نسمع عن مذابح للبشر كما نسمع كل يوم وكل دقيقه فى العراق الان اصبح العراق مكان للمذابح وليس مكان للحياة الشيعه كانوا يعيشون فى سلام الامر الوحيد الاكان لايمارسونه هو الاحتفال بعشوراء وما ادراكم طريقه احتفالهم بعشوراء اظن الفضائيات اظهرت دة قوى هى دة من الدين طبعا كانوا شايفنه فى نظرهم لا يراعى حقوق الانسان انظروا راعيه حقوق الانسان الهديه التى قدمتها لكم فى عيدكم المبارك حد بقى يتكلم ولا يعترض وطبعا الحكام العرب يلتزمون الصمت الرهيب صدام حسين رمز لكل الحكام المسلمين كما تركنا الرئيس عرفات رحمه الله عليه لاعدائه يعدموة بالبطئ تركتم لتانى مرة رئيس دوله اسلاميه يتحكم فيه اعدائه دون وجه حق غير حقدهم وغلهم فلينتظر دورة من عليه الدور امريكا هاتعمل قرعه وهاتشوف الدور على مين وان شاء الله تضحى بيه فى العيد الاضحى القادم واذا كان عجبنا انا مكتئبه وحزينه واشعر بالمهانه لما وصل عليه حال الامه من سئ لاسوأ قال الرسول الكريم تتكالب الامم عليكم كما تتكالب الاكله على قصعتها قالوا عن قله قال بلى عن كثرة ولكنكم كغثاء السيل علل الرسول ذلك بسبب حبا ا لدنيا وكراهيه الموت فاخرج الله المهابه من قلو ب اعدئنااصبحنا لانستحق الا الذل والاحتقارمن اعدائنا بسبب ضعف ايماننا بداخلنا وحب الدنيا هذه هى امريكا يا من تسبحون بحمدها التى تقولون عنها انها تريد مصلحتكم وحريتكم بالله عليكم فيه حد يترك بيته ويروح ينظم بيت جارة او يخاف على مصلحه بيت جارة اكتر من بيته طيب ازاى امريكا هاتخاف على مصلحه بلد اخرى وتترك مصلحتها يارب يامن رفع السموات بغير عمد اهزم الاحزاب وانصرنا عليهم انك على كل شئ قدير وبالاجابه جدير

صدام حسين اعتبره عمر المختار هذا الزمان وقولوا عليه زى ماتقولوا بس لو فييه حاكم عادل فى ذلك الزمن يمتاز عنه حد يدلنى عليه يبقى الحكام اللى بيقولوا عليه ظالم يبطلوا كلام لان اللى بيته من زجاج لا يرمى الناس بالطوب

هذه هى الدنيا كل ماتعطى تاخذ فلا تتكالبوا عليها

قالى تعالى(انما الحياة الدنيا لعب ولهو وزينه وتفاخر بينكم وتكاثر فى الاموال والاولاد كمثل غيث اعجب الكفار نباته ثم يهيج فتره مصفرا ثم يكون حطاما وفى الاخرة عذابا شديد ومغفرة من الله ورضوان وما الحياة الدنيا الا متاع الغرور) صدق الله العظيم

انا لله وانا اليه راجعون احتسبه ان شاء الله شهيدا عند الله

..........................

انتهزوا الفرصه

كل سنه وانتم طيبين بكرة ان شاء الله وقفه عرفه وايضا يوم الجمعه واذا اجتمع وقفه عرفه مع يوم الجمعه فان ثواب الطاعه فيه كبير

حيث اجتمع يومين عظميين فى وقت واحد وايضا اجتمع فيه اركان الاسلام كلها الشهادة طبعا والصلاة والصوم وحج البيت وطبعا يفضل اخراج المال فيه علشان تكتمل فيه اركان الاسلام الخمسه فلا تنسوا فيه الصيام والاكثار من الدعاء لكم ولامه الاسلام وللمسلمين جميعا

والدعاء المتواتر فى هذا اليوم هو (لا اله الا الله وحدة لاشريك له له الملك وله الحمد يحى ويميت وهو على كل شئ قدير) تقبل الله منا جميعا ورزقنا حج بيته امين يارب العالمين

حلمى انى اااااكل مش اتعلف

طبعا العنوان غريب!!! انا عارفه بس فعلا دة اللى انا بحسه وانا باكل بحس انى بتعلف مش حاسه باى طعم للاكل

ذى علف البهائم بالظبط البهائم بتاكل العلف لا طعم له ولا لون علشان تكبر وتربى لحم وخلاص وتشبع

اظن احنا كمان كدة دلوقتى بطبيعه الاكل الغريبه اللى احنا بنأكله بالله عليكم انتم بتحسوا باى طعم للاكل اللى بناكلها الاكل ربنا خلقه مختلف علشان نتستمتع بيه ونتذوق هو من ضمن متع الحياةاللى وهبها الله لنا لنحمده ونشكرة عليها ولكن البشر تتدخلوا وغيروا من طبيعته اللى خلقها الله عليه علشان يزودوا خزائنهم ورصيدهم فى البنوك باطعام الناس مايسبب لهم الامراض وكمان حرمنهم من المتعه الوحيدة السهله لجميع البشر الغنى منهم والفقير بما اننا فى موسم وعيد اللحمه قرب بتحسوا بطعهما زمان كان رئحتها وهى بتنطبخ تشمه من على بعد

ويمكن تنتعش من جمال الرائحه يعنى انا فاكرة وانا صغيرة كان بيبقى يوم سعيد يوم ماهناكل اللحمه

دلوقتى اضع يدى على انفى وهى بتنطبخ من كتر ما ريحتها مش عجبانى واللا الشوربه مالهاش اى طعم

وطبعا لازم ندخل اختها الفراخ مش كفايه اننا بناكل كتكوت عندة 45 يوم بس منفوخ واخد شكل الفرخه

لا وكمان بقت حامله الانفلونزا ندخل بقى على الخضار والفاكهه حد فاكر طعم الملوخيه الحقيقيه وطعم الباميه

اصل انا نسيت طعمهم الاصلى ايه هو انا باكل ملوخيه وباميه شكلا بس موضوعا لا خالص دى حاجه

ودى حاجه تانيه خالص زمان وانا صغيرة كنت اعرف دخول الصيف لما اشم رائحه الفلفل الاخضر وهو بيتحمر

ورائحه الخيار ولا البطيخ الا البطيخ النمساوى راح فينا البطيخ النمساوى دى للى مايعرفوش بطيخ بس بدل

مايكون مدور بيكون مستطيل مش مستطيل قوى بس يعنى مش مدور ولا الشمام اللى سخطوة وقلبه نيو لوك اسمه كانتالوب

غير بقى اليوسفى اللى طالع غريب اليومين دول والبرقوق اللى تاكله من هنا يجيلك اسهال من هنا

كل دة بسبب الهرمونات والهندسه الوراثيه اللى غيروا بيها كل حاجه علشان يزودوا الانتاج والحاجه تنمو سريعا ويبيعوا ويكسبوا

علف الحيوان كله هرمونات الاسمدة مسرطنه وطبعا كل دة بيدخل جسمنا عمركم شوفتوا او سمعتم زمان هذة الارقام المهوله

من مرضى الفشل الكلوى والسرطان والفشل الكبدى الافى الزمن اللى احنا عايشين فيه دة

والا منظر الاولاد والبنات تلاقيهم لسه فى اعدادى او ثانوى وتلاقيهم بسم الله ماشاء الله هيبه كدة طبعا بقوا كدة من الاكل اللى مليان هرمونات منفوخين زى الفراخ البيضا بتكون البنت محتارة وهى بتكلمنى بتبصلى من فوق طبعا

لانى انا بالنسبه لها تحت كتير وبتكون مش عارفه تقولى ياطنط ولا تندهلى بايه ماهى مستقليانى فى نظرها

بس انا بحاول ابين انى كبيرة بالشخصيه مش مهم المظهر الخارجى هى بتعدى الموقف بس وهى غير مقتنعه بس بتحاول تراضينى بدل الاحراج من الفرق اللى بينا فى الاطوال طبعا المهم مش نفسكوا تاكلوا ذى بجد وحشكم الاكل زى انا سمعت ان فى خضار ولحمه خاصه بيقولوا عليها اورجانيك دى بقى بتاكل اكل طبيعى خالى من الهرمونا ت والخضار متغذى بالسماد الطبيعى الخالى برضه من الهرمونات

بس مش عارفه هانقدر على تمنه ولا لا لان بيقولوا سعر اللحمه الاورجانك 250 جنيه وكيلوا الخيار الاورجانك 15 جنيه

يعنى ممكن تاكلوا مرة فى الشهر بالمرتب كله طبعا يدوب واذا كفى كمان بس وبقيه الشهر تعيشوا على ذكرى اليوم دة او عندى حل تانى ممكن نعمل جمعيه ونجمعها ونقوم باكل مرة فى السنه الاكل الاورجانيك دة علشان نحس اننا بناكل بجد

ونسترجع ذكريات الاكل الجميل مش قلتلكم الانسان كل مايدخل فى شئ بيفسدةودة ذكرة الله فى القران الكريم فى قوله تعالى

( ظهر الفساد فى البر والبحر بما كسبت ايدى الناس)

يعنى ياريت الانسان ينشغل للى اتخلق علشانه ويبطل يدخل فى تغير خلق الله ونفسه يأله نفسه مش عارفه ليه

وهو اصلا ممكن برغوث يجننه يخليه مش قاعد على بعضه مش قادر على برغوث وعايز تغير فى خلق الله

حرام عليكم حرمتونا من الاستمتاع بالاكل ربنا يصبرنا وهافضل اصرخ

عاااااااايزة ااااااااااكل

اتيكات اسلامى

• كل سنه وانتم طيبين طبعا احنا ساعات قليله ويحل علينا عيد الاضحى المبارك اعادة الله علينا وعلى امه المسلمين جميعا بالخير واليمن والبركات وطبعا المتعارف عليه انه عيد الاكل واللحمه وكدة يعنى وطبعا تكثر فيه العزومات طبعا لازم يكون هناك اتيكت معين لو انت ضيف او انت المستضيف وطبعا اتيكت خاص بالاكل انا شخصيا كنت بحب جدا اتعلم الاتيكت و احب اتعامل فيه شياكه وكنت بحب اقرأ فى فن الاتيكت فى كل المجلات اللى ممكن تتكلم فى الامر وطبعا المجلات عربيه بس منقوله المقالات من مجالات غربيه وكنت احب قوى اعرف اكل ازاىاتكلم ازاى فى المواقف المختلفه واتعامل مع كل فئه ازاى مثلا مع الناس اللى اكبر منى او الناس اللى اصغر منى الناس اللى اقل منى او لو لو احدة موجودة لتساعدنافى شغل البيت اتعامل معاها ازاى وكدة يعنى من الامور دى والغريبه مش انا بس اللى كدة اخواتى وبابا كمان كدة الوحيدة اللى بتعامل باى طريقه تعجبها وبعفويه هى ماما هى الوحيدة المختلفه عننا المهم ماعلينا لما اتخرجت من الجامعه فكرت انى اشتغل وانا طبعا باسلوبى دة اللى هو التعامل بشياكه الخالى من اى الفاظ غريبه طبعا فاهمين الخالى من اى الفاظ غريبه يعنى مافهوش كلام روش بالمفهوم الموجود دلوقتى اصل فى الزمن دة بيسموا كل حاجه سيئه باسم مدلع يعنى الالفاظ البذيئه بيقولوا عليها كلام روش والباقى انتم عارفينه عارفين بقى اول مادخلت مكان العمل عارفين اليس فى بلاد العجائب اتفجأت بمعامله وكلام غريب وطبعا اناا مش بحب اتعامل بالاسلوب دة طبعا كنت انا كانى كائن جاى من الفضاء الخارجى المهم لم اعمر طويلا فى العمل وهما حوالى تلات شهور وكنت من العاطلين عن العمل ومن يومها حرمت اشتغل فى اى مكان لانى ماحبتشى اغير طريقتى اللى انا معتبرها هو دة اللى المفروض يتعامل بيها الناس مش الطريقه الموجودة دلوقتى الخاليه من اى ذوق والفاظ بتتقال ما انزل الله بها من سلطان المهم ندخل فى الموضوع بعد تخرجى لاقيت عندى فراغ قلت اعمل ايه ذهبت مرة لحضور درس دينى فى الجامع والحمد لله كانت دى بدايه معرفتى دينى لم اعد حامله اسم مسلمه وبس عرفت معنى مسلمه يعنى ايه وشرح الله صدرى وحسيت انى بجد طايرة من على الارض وعهدت الله وعهدت نفسى انى اكون مسلمه احبب الناس فى الاسلام لا ابغضهم فيه لانى وجدت نماذج انا عارفه يتميزون بالعنف ومش لازم اتكلم عنهم اكيد انتم عارفين من غير ماقول طبعا حبيت اقرا كتير قوى وكان دايما الشيوخ ينصحوا بقرأة كتاب احياء علوم الدين انا قررت اقتنى هذا الكتاب هو خمس مجلدات المهم فى ربع العادات حصلى ذهول لما قرات احاديث الرسول وطريقته فى الاكل ودعوة الضيوف والاستضافه وكل حاجه قراتها قبل كدة عن الاتيكت وجدتها موجودة فى دينا الاسلامى انا على فكرة انا كنت من الناس اللى كانت بتعتبر الدين عبارة عن صوم وصلاة وقراءة قران للبركه وبس اكتشفت ان الدين لم يترك شئ فى الدنيا حتى لو كان صغير جدا الا واتكلم فيه عارفين فعلا علشان ربنا هو اللى خلقنا وعالم ايه هو الاسلوب المناسب لنتعايش به علشان كدة لما الانسان حاول يتدخل ويغير من تشريع الله كل حاجه باظت والدنيا بقت كلها دم وقتل وخراب اقتصادى وخراب اخلاقى ندخل بقى فى موضوع الاتيكت الاسلامى عندكم مثلا

اولا الضيف

لازم اولا يستاذن ثلاثه قبل الدخول ولو حد قال مين لازم يقول فلان مش يقول انا وبعدين لما يدخل لازم لا ياخذ افضل الاماكن لازم ينتظر لما صاحب البيت يجلسه وطبعا لازم ياتى فى ميعادة يعنى ولا يتاخر عليهم ودة دليل تكبر طبعا اذا كان لم يكن لديه عذر قهرى ولا ياتى قبل اتمامهم للطعام وتجهيزة لانه برضه احراج لهم وطبعا لاينظر الى المكان الذى يخرج منه الطعام

ثانيا المضيف

لازم طبعا يرحب بالضيف يعرفه مكان القبله والحمام ان يبدا بغسل يدة دة دليل على بدايه الكل ويجب ان يكون اخر واحد يغسل يدة بعد نهايه الطعام حتى لايحرج من يزال ياكل تعجيل الطعام حتى لو تاخر احد من المدعوين لان الاولويه فى التعجيل الا اذا كان المتاخر رجل فقير فيخشى ان ينكسر قلبه يمكن تتاخر فى تقديم الطعام فى هذه الحاله تقديم الوان عديدة من الطعام من غير ان يتكلف مالا يطيق حتى لا يكرة اقامه الولائم لانه تؤلف القلوب لا يقوم صاحب الوليمه قبل الضيوف حتى لايشعرهم بالاحراج يخرج مع الضيف الى باب البيت لتوديعه عند انصرافه

اداب الاكل

طبعا غسل اليدين قبل الاكل طبعا ياكل باليمين يبدأ بالملح وعلى فكرة الطب اثبت فائدة كل الملح والبدأ به يصغر اللقمه ويمضغها كويس علشان تكون سهله الهضم ودة برضه اثبت الطب اهميته للمعدة لا يمد يدة لياخذ الاخرى الا بعد ابتلاع الولى لا ياكل من وسط الطبق ياكل من طرفه لا ينفخ فى الطعام الساخن لايترك ما خرج من فمه من طعام فى الطبق مرة اخرى حتى لا ياكله غيرة اذا شرب لايتجشأ لا يبدأ بالطعام اذا كان من هناك اكبر منه سنا يجب التحدث اثناء الطعام لا ينظر الى الاخرين وهم ياكلون لا ينفض يدة على الطبق ومازال الناس ياكلون ولا يمد راسه للامام وهو يضع اللقمه فى فمه وانا اخرج شئ من فمه صرف وجه عن الطعام واذا قطع لقمه بسنه لايغمسها مرة اخرى بالطبق ولا يتكلم بالمستقذرات حتى لا يتاذى غيرة وينصرف عن الطعام

طبعا دة جزء من كل فيه كلام كتير اوى فى الموضوع دة لو عايزين تعرفوا اكتر عندكم كتاب احياء علوم الدين كتاب العادات انا بس حبيت اعرفكم ان الدين الاسلامى شامل كل حاجه فى الحياة يعنى ولا هايعطلنا عن التقدم والمدنيه ولا حاجه لو كان كدة كانت تكون الخلافه الاسلاميه وصلت لغايه الصين ازاى يعنى احنا بس اللى مصدقين الغرب والتكنولوجيا بتاعتهم بهرانا بس لعلمكم منذ احداث سبتمبر وتزايد الغرب فى الدخول للاسلا م مستمر لانهم بداوا يقراوا وعرفوا انه الدين الحق وعلى فكرة كمان انا قرات حديث للرسول ومش عارفه هو حديث صحيح ولا ضعيف بس الحديث فيما معناه ان الاسلام يشرق مرة اخرى من الغرب عارفين يعنى ايه انه هايظهر تانى بصورته الصحيحه من الغرب واحنا لسه عايزين نقلد الغرب فى طريقه لبسه وحياته وعاداته السيئه وفخورين بيها قوى وانه يكون عندكم جيرل فريند وهى عندها بوى فريند وجواز الفريند وغيرة وغيرة من الحاجات الغريبه اللى بنسمعها من ناس المفروض انهم مسلمين وقال ايه الحريه الشخصيه ياجماعه الحريه الشخصيه فى كل شئ الا فى اوامر الله انت هاتكون ند لله وتناقشه فى اوامرة احنا لازم نكون من الذين يقولون سمعنا واطعنا مش سمعنا وعصينا اشمعنا لو فيه واحد مننضم لمنظمه او لحزب بينفذ كل حاجه ينادى بها الحزب مع انه من صنع بشر وتفكير بشرى يحتمل الخطأ ليه بقى تيجوا على اوامر ربنا وعايزين تناقشوا فيها وانتم لو جالكم فيروس لايرى بالعين واصابكم باى مرض ذى الايدز او فيرس سى او السرطان ساعتها بس بتعرفوا ربنا ان مخلوق صغير من مخلوقات ربنا لاترى بالعين هزمتكم وكسرتكم

؟؟؟؟؟؟؟؟؟؟؟؟؟؟؟؟

نبتدى منين الحكايه

فكرت كتير ابتدى باى حلم عندى اتكلم عنه بس لاقيت ان اهم حلم عندى وخصوصا انى مسلمه موحدة بالله واؤمن بوجود اله واحد لاشريك له وانا محمدا رسول الله كان حلمى ان ترجع للاسلام عزته ويرجع للمسلمين قو تهم ومجدهم لان الاسلام قوى ولكن المسلمين هما اللى ضعاف كغثاء السيل كما قال الرسول المعصوم محمد صلى الله عليه وسلم هذا الزمن الذى فيه المسلم يخبر عن هويته وهو خائف او مكسوف انه يقول انه مسلم وفى هذا الزمن اللى تجرأ فيه كل من هب ودب على الاسلام او على الله هناك من يقول انه هناك دين جديد اسمه البهائيه وهناك من يقول انه لايوجد اله ايه كلام التخاريف دى نبتدى من اللى بيقولوا لا يوجد اله نقعد كدة ونتكلم بالعقل يدل السير على المسر ويدل البعرة على البعير صح ولا غلط اولا لما تشوف عربيه حلوة ولا موبيل امكانيته كويسه بتسال صنع مين ومعمول فين صح يعنى كل شئ له صانع طيب مسالتش نفسك مين صنعك وخلاك بالتركيبه دى ومافيش حد قادر لغايه دلوقتى يصنع مثلك شوف الاختلاف بين الرجل والمرأة وتركيبه كل منهم اللى لازم يكونوا كدة علشان يعرفوا يتجوزوا بعض ثانيا السماء والنجوم والكواكب والاكل اللى بتاكله كل دة مالوش خالق وصانع الخالق دة هو الاله هو الله الواحد الاحد طيب هاتقولوا يمكن معاه اله ربنا قل (لو كان فيهما اله الاالله اذا لفسدتاولذهب كل اله بما خلق) صدق الله العظيم يعنى لو كان فيه اله اخر كان حصل بينهم اختلاف ولكن الكون ثابت منذ بدأ الخليقه يعنى كدة بطريق بسيطه عرفنا ان للكون خالق وانه اله واحد يعنى مش معاه الهه ندور بقى ونشوف الله عايز مننا ايه علشان يعرفنا عايز مننا ايه بعت لنا الرسل لغايه ماختم الرسالات بسيدنا محمد صلى الله عليه وسلم وطبع فيه ناس كتير بتذم فى الرسول وتقدح فيه انا وجدت حديث للرسول صلى اله عليه وسلم حديث معجز بجد يدل انه لاينطق على الهوى ان هو الاوحى يوحىالحدبث هو(لياتين على الناس زمان لايسلم لذى دين دينه الامن فر بدينه من قريه الى قريه شاهق الى شاهق ومن حجر الى حجر كالثعلب الذى يراوغ قالوا الصحابه طبعا ومتى ذلك يارسول الله ؟ قال( اذا لم تنل المعيشه الابمعاصى الله فاذا كان ذلك الزمان حلت العزوبه) قالوا وكيف ذلك يارسول الله وقد امرنا بالتزوج؟ قال(انه اذا كان ذلك الزمان كان هلاك الرجل على يد ابويه فان لم يكن ابوان فعلى يد زوجته وولدةفان لم يكن له زوجه ولا ولد فعلى يد قرابته )قالوا وكيف ذلك يارسول الله قال( يعيرونه بضيق العيش فيتكلف مالايطيق حتىيوردوه موارد الهلكه) صدق رسول الله صلى الله عليه وسلم با لله عليكم الحديث دة من 1400 سنه واكيد مش محتاج شرح مش دة اللى حاصل دلوقتى ازمه جواز معظم المساجين من المتتدينين الناس معظهم بيغتنوا بالحرام سواء ببيع الاشياء الفاسدة او النصب على الناس او بالقروض ويهربوا بيها دة دليل على صدق الرسول انه خاتم النبين والدين الاسلامى هو اخر شريعه انزلها الله على الارض ليه بقى يامسلمين مكسوفين تقولوا انكم مسلمين ليه بدافعوا عن نفسكم كل الدنيا عارفه انكم افضل امه اخرجت للناس بس هو الحقد والكبر كما تكبر ابليس ورفض يسجد لسيدنا ادم يامسلمين الاسلام قوى بس هو ضعيف جوانا احنا اللى ضعاف مش الاسلام انا هقف عند كدة النهاردة لسه ليا كلام فى لاموضوع دة لانى قرات فى كتاب احياء علوم الدين للامام ابى حامد الغزالى هذا الامام الجليل من سنه 600 هجريا هاتلاقوا كاتب فى جزء العادات كل الاتيكات اللى بيحاول الغرب ياخدة مننا وبعدين يرجع يصدروة لنا والله كل الاتيكات اللى اتعلمته من المجلات الغربيه وجدته فى احاديث للرسول الكريم صلى الله عليه وسلم على فكرة انا بنت عاديه جدا جدا وخريجه جامعه عاديه بس بحب دينى قوى واللى بيحب حاجه قوى باخلاص بيتكلم عنها بحماس ودة ابتغاء وجه الله فقط

السلام عليكم ورحمه الله

بدايه

السلام عليكم ورحمه الله
كل سنه وانتم طيبين كويس ان بدايه كتابه مدونتى المتواضعه لانى بجد معنديش خبرة بالكتابه بس حبيت اعبر عن اللى جويا ودى كانت نصيحه احد المدونين ليا فكتبت وحبيت اشارك فى الامر دة على العموم مع بدايه شهر ذى الحجه وقرب وقفه عرفه ادعو الله فى هذه الايام والمباركه ان يقبلنا عندة ويرحمنا ويعفو عن امه الاسلام ويكشف عنها الغمه وربنا وعد نبيه محمد صلى الله عليه وسلم انه لن يهلك هذه الامه ابدا ولن ينصر عليه عدوها فلا تياسوا من وضعها هو ابتلاء من الله حتى ينصلح حال المسلمين ويرجعوا الى ربهم والى شريعتهم ولا يتمسكوابسلوكيات الغرب الذين يعتقدون انها من المدنيه والتحضر مع انى لا اجد فيها اى تحضر بالعكس اجدها من عصور ماقبل التاريخ والعصر الحجرى لانها تنادى بكل ماهو بذئ الانسان قبل التحضر كان لا يجد شئ ليستر جسدة لانه كان غير متحضر الان الانسان يحاول يرتدد الى الوراء بالتخلى عن ملابسه وخصوصا البنات الذين يردون ان يعودوا الى عصر الاماء الذين يباعون فى الاسواق وكان البائع يعرض مفتنها ليشتريها الرجال لكن الان هى بنفسها من غير ان تتعرض فى سوق النخاسه تعرض جسدها لكل من هب ودب كل البشر يستمتع بها من غير مايدفع ولا مليم العربجى والزبال ...الخ المهم انا اسمى العائشه فى الاحلام لانى هافضل احلم لغايه مايتحقق حلمى فى عودة كل شئ جميل لانى لم اعد ارى سوى القبيح هو الغالب وكل شئ جميل نقطه صغيرة قوى سواء جمال الاخلاق جمال المكان جمال النفوس الجمال فى كل شئ كفايه كدة النهاردة وربنا يعنى فى اللى جاى