Saturday, December 23, 2006

نبتدى منين الحكايه

فكرت كتير ابتدى باى حلم عندى اتكلم عنه بس لاقيت ان اهم حلم عندى وخصوصا انى مسلمه موحدة بالله واؤمن بوجود اله واحد لاشريك له وانا محمدا رسول الله كان حلمى ان ترجع للاسلام عزته ويرجع للمسلمين قو تهم ومجدهم لان الاسلام قوى ولكن المسلمين هما اللى ضعاف كغثاء السيل كما قال الرسول المعصوم محمد صلى الله عليه وسلم هذا الزمن الذى فيه المسلم يخبر عن هويته وهو خائف او مكسوف انه يقول انه مسلم وفى هذا الزمن اللى تجرأ فيه كل من هب ودب على الاسلام او على الله هناك من يقول انه هناك دين جديد اسمه البهائيه وهناك من يقول انه لايوجد اله ايه كلام التخاريف دى نبتدى من اللى بيقولوا لا يوجد اله نقعد كدة ونتكلم بالعقل يدل السير على المسر ويدل البعرة على البعير صح ولا غلط اولا لما تشوف عربيه حلوة ولا موبيل امكانيته كويسه بتسال صنع مين ومعمول فين صح يعنى كل شئ له صانع طيب مسالتش نفسك مين صنعك وخلاك بالتركيبه دى ومافيش حد قادر لغايه دلوقتى يصنع مثلك شوف الاختلاف بين الرجل والمرأة وتركيبه كل منهم اللى لازم يكونوا كدة علشان يعرفوا يتجوزوا بعض ثانيا السماء والنجوم والكواكب والاكل اللى بتاكله كل دة مالوش خالق وصانع الخالق دة هو الاله هو الله الواحد الاحد طيب هاتقولوا يمكن معاه اله ربنا قل (لو كان فيهما اله الاالله اذا لفسدتاولذهب كل اله بما خلق) صدق الله العظيم يعنى لو كان فيه اله اخر كان حصل بينهم اختلاف ولكن الكون ثابت منذ بدأ الخليقه يعنى كدة بطريق بسيطه عرفنا ان للكون خالق وانه اله واحد يعنى مش معاه الهه ندور بقى ونشوف الله عايز مننا ايه علشان يعرفنا عايز مننا ايه بعت لنا الرسل لغايه ماختم الرسالات بسيدنا محمد صلى الله عليه وسلم وطبع فيه ناس كتير بتذم فى الرسول وتقدح فيه انا وجدت حديث للرسول صلى اله عليه وسلم حديث معجز بجد يدل انه لاينطق على الهوى ان هو الاوحى يوحىالحدبث هو(لياتين على الناس زمان لايسلم لذى دين دينه الامن فر بدينه من قريه الى قريه شاهق الى شاهق ومن حجر الى حجر كالثعلب الذى يراوغ قالوا الصحابه طبعا ومتى ذلك يارسول الله ؟ قال( اذا لم تنل المعيشه الابمعاصى الله فاذا كان ذلك الزمان حلت العزوبه) قالوا وكيف ذلك يارسول الله وقد امرنا بالتزوج؟ قال(انه اذا كان ذلك الزمان كان هلاك الرجل على يد ابويه فان لم يكن ابوان فعلى يد زوجته وولدةفان لم يكن له زوجه ولا ولد فعلى يد قرابته )قالوا وكيف ذلك يارسول الله قال( يعيرونه بضيق العيش فيتكلف مالايطيق حتىيوردوه موارد الهلكه) صدق رسول الله صلى الله عليه وسلم با لله عليكم الحديث دة من 1400 سنه واكيد مش محتاج شرح مش دة اللى حاصل دلوقتى ازمه جواز معظم المساجين من المتتدينين الناس معظهم بيغتنوا بالحرام سواء ببيع الاشياء الفاسدة او النصب على الناس او بالقروض ويهربوا بيها دة دليل على صدق الرسول انه خاتم النبين والدين الاسلامى هو اخر شريعه انزلها الله على الارض ليه بقى يامسلمين مكسوفين تقولوا انكم مسلمين ليه بدافعوا عن نفسكم كل الدنيا عارفه انكم افضل امه اخرجت للناس بس هو الحقد والكبر كما تكبر ابليس ورفض يسجد لسيدنا ادم يامسلمين الاسلام قوى بس هو ضعيف جوانا احنا اللى ضعاف مش الاسلام انا هقف عند كدة النهاردة لسه ليا كلام فى لاموضوع دة لانى قرات فى كتاب احياء علوم الدين للامام ابى حامد الغزالى هذا الامام الجليل من سنه 600 هجريا هاتلاقوا كاتب فى جزء العادات كل الاتيكات اللى بيحاول الغرب ياخدة مننا وبعدين يرجع يصدروة لنا والله كل الاتيكات اللى اتعلمته من المجلات الغربيه وجدته فى احاديث للرسول الكريم صلى الله عليه وسلم على فكرة انا بنت عاديه جدا جدا وخريجه جامعه عاديه بس بحب دينى قوى واللى بيحب حاجه قوى باخلاص بيتكلم عنها بحماس ودة ابتغاء وجه الله فقط
السلام عليكم ورحمه الله

6 comments:

ma-3lina said...

ما شاء الله ..
دا انا مش حزور المدونة وبس ...
دا انا حكون بإذن الله زبون دائم ..
ودي هدية بسيطة موقع الدرر السنية رابط تيسير الوصول إلى أحاديث الرسول والتحقق من صحتها .. اسأل الله أن ينفع به كل مسلم
http://www.dorar.net/mhadith.asp
ولو فيه أي مساعدة أقدر اقدمها .. أنا في الخدمة
وفي انتظار المزيد

eldoctor said...

موفقة باذن الله
ياريت تشوفى عندى الموقع .. برضه قريب من الخط اللى انت ماشية فيه

رفقه عمر said...
This comment has been removed by the author.
رفقه عمر said...

eldeoctor
انا اشكرك لزيارتك مدونتى وانا قرأت مدونتك بس عارف اكيد الناس بتقرا مدونتك علشان تاخد منها معلومات دينيه بس هى لا تفرق كتير عن المواقع الاسلاميه لو فعلا عايز فكرتك توصل اتكلم عن امور تهم الناس زى زى موضوع الحجاب ووزير الثقافه المصرى عن موضوع البهائيين وكدة يعنى وطبعا هايكون كلام يخص المسلمين لان معظم رواد النت والمدونات خصوصا ناس عايزة تتسلى وممكن برضه تستفيد فبيكون عايزين يشوفوا مواضيع تشدهم انا اوعدك اتابع مدونتك من هذة الساعه

الديب said...

ما أجمل التعبير

وما أجمل ما عبرتي عنه

جزاكي الله خيرا

رفقه عمر said...
This comment has been removed by the author.