Sunday, February 04, 2007

ديمقراطيه المدونين


التدوين دة شئ جميل فعلا الواحد بيقدر فيه يعبر عن اللى جواة من غير قيود ولا رقيب سوى ضميرة فقط وكمان هو اللى بيختار الموضوع اللى يكتبه باردته الحرة وانا سعيدة بانضمامى لمجتمع التدوين وصاحب الفضل فى ذلك هو صاحب مدونه انا جعان انا عمرى ماكتبت فى حياتى ولا حتى شاركت فى اى منتدى ولا بكلمه واحدة عندما كنت اتابع مدونه استاذى الجعان كانت بتسعدنى كتاباته الساخرة الناقدة وهو الذى نصحنى بعمل مدونه قلتله بس انا معرفش اكتب قال لى اكتب اللى تحسيه واكتبى زى مابتتكلمى قلتله خايفه الناس تضحك على كلامى قال لى انتى بتكتبى اللى بتحسيه اللى عايز يقرأ يقرأ واللى مش عايز خلاص هو حر وفعلا دخلت عالم التدوين ومازلت احبوا فيه متبعه نصيحه استاذى ومعلمى الجعان لا اتكلم الا باللى احسه فقط واكون على طبيعتى
شكرا استاذى فضلك على كبير لن انسى لك انك انت معلمى التدوين جزالك الله خيرا انى اصبح لى رأى وصوت
وطبعا لا استطيع انسى مساعدة صاحب مدونه ماعلينا وتشجيعه لى وايضا كبير المشردين
وصوت العراق وطبعا المدونين اللى اخذت
منهم بعض النصائح لتكمله الشكل اللى عليه المدونه دلوقتى مثل انسانه اللى اخذت منها البلير الخاص بالاغانى شكرا لكم جمعيا
المهم كان المدونه الوحيدة اللى بعرفها هى مدونه استاذى الجعان لما دخلت عالم التدوين وتأتينى تعليقات بدأت اكتشف ان هناك مدونات كتيرة قوى مش عارفه اتابعهم من كترتهم المهم وجدت حاجه غربيه معظهم بينادوا بالديمقراطيه وضروره الحكم يكون ديمقراطى المهم وجدتهم هما بعيدين تماما عن الديمقراطيه لو اظهر لهم احد اعتراضهم على بوست لديهم اولفظ غير لائق او صور غير لائقه تجدة يثور ويوعد بالويل والثبور لمن يعارضه او يناقشه او يعترض عليه غير الشتائم والالفاظ التى ما انزل الله بها من سلطان استغربت جدا وقلت كيف هؤلاء يطالبون بالديمقراطيه وحريه الرأى وهم لا يعترفون بحريه الرأى على مدونتهم اعذرونى لا يوجد فرق بينكم وبين حكامك الذين لا ترضونهم ولا بينكم وبين بوش لان نظريه بوش من معنا فهو محور الخير ومن ضدنا فهو محور الشر الرؤيه لديكم مزدوجه عايز الناس تصقف لكل ارائكم دون ابداء اى اعتراض وبدون نقاش سيدنا ابو بكر اول خطبه القاة بعد توليه الخلافه قال اذا اخطأت اصلحونى عايزين تعرفوا الديمقراطيه على حق

انظروا قوله تعالى مخاطبا سيدنا موسى وهارون عند ذهابهم لفرعون وهو لم يكفر وطغى فقط بل ادعى الالوهيه وقال انا ربكم الاعلى قال تعالى( اذهبا الى فرعون انه طغا وقوللا له قولا لينا)انظروا طريقه النقاش انظروا ديمقراطيه الرسول الكريم عندما جذبه احد الاعراب من بردته حتى احدثت اثر فى رقبته وقال له انك لا تعدل فى العطيه يعنى عند توزيع الزكاة والصدقات هم الصحابه ان يفتكوا بالرجل لكن الرسول نهاهم واخذ الرسول الرجل واوضح له وجه نظرة فى اعطاء اهل مكه اكثر من اهل المدينه لانهم حديثى عهد بايمان ويريد ان يؤلف قلوبهم يعنى هو مش بيحابى اهل مكه علشان هم من عشيرته وقال ان اهل المدينه احب الناس الى قلبى لانهم هم الذين ناصرونى وطبعا الرسول كان حاكم يعنى لو حاكم اخر كان نحر هذا الرجل فى ثانيه انظروا وهو يخاطب الكفار فى قوله تعالى على لسان نبيه( قل لا تسئلون عما اجرمنا ولا نسئل عما تعملون , قل يجمع بيننا ربنا ثم يفتح بيننا بالحق وهو الفتاح العليم ) سورة سبأ25انظروا الرسول الكريم سماحته وهو يخاطب الكفار معارضى دعوته قال على دعوته انها جرم وعلى اعتراضهم انه فعل يعنى وهو رسول الله رفيق فى كلامه مع معارضيه اظن مافيش احسن من كدة ديمقرااطيه مع انه صلى الله عليه وسلم هو المصطفى من الله لهدايه العالم مش زى اللى بيختاروا نفسهم ليكونوا حكام موقف اخر لسيدنا عمر بن الخطاب كان واقفا يخطب بين الناس فوقف رجل وقال انت بتكلمنا عن العدل وانت غير عادل بكى سيدنا عمر وكان يخشى الله كثيرا وساله لماذ ا انا غير عادل قال لانك ترتدى عباءة اطول من عباءتنا اين العدل وكان يوزع كل شئ على المسلمين بالعدل يتساوى فيها الغنى والفقير فوقف عبد الله بن عمر بن الخطاب رضى الله عنهما وقال موضحا موقف والدة انى والدى رجل طوال يعنى طويل ولا يكفيه القماش الذى يأخذة فيأخذ جزء من قماشى ليكمل به ثوبه هل يوجد حاكم او مدون يقبل حد يقل له اى كلمه فى حقه الا وجد معارضيه كل اصناف الشتائم والاهانه مافيش مانع اننا نتناقش لكن من غير خناق او شتائم انا بجد بكون مذهوله من مستوى الحوار الموجود الا تعلمون ان كل كلمه تخرج من الانسان يحاسب عليها كفايه ذنوبنا اللى احنا شايلنها مش هايجى كمان جدالنا مع بعض ايها المنادون بالديمقراطيه لقد سقطت دعواكم لانكم غير جديرين بالمطالبه بالديمقراطيه احيوا الاول الديمقراطيه بداخلكم ثم نادوا بيها كونوا على قدر المسئوليه ولا يأخذكم الغرور بأنكم حماة الديمقراطيه والديمقراطيه بريئه منكم

اظن ان كل انسان مسئول عن رأيه فى مدونته فاذا ناقشه احد فى موضوعاته ياريت يكون الجدال بالحسنى لاما تقنع معارضوك لاما تتخذ منهم صحبه وصداقه والخلاف لا يفسد للود قضيه
بصراحه انا خايفه لو وصل احد منكم للحكم وانتم لا ترضون عن من يعا رضونكم وانتم مجرد بتقولوا رأيكم طيب لما تكونوا حكام هاتعملوا ايه فى من يعارضونكم الرأى؟؟؟؟؟؟؟؟؟

37 comments:

مـحـمـد مـفـيـد said...

السلام عليكم
اعتقد اني قد مررت هنا زمان ولكن مع زحمه البلوجات قد تاه مني تلك البلوج الرائع

بلوج رائع مليئ بالروائح والنفحات الدينيه التي قلما نجدها
استمري ولكي جزيل الشكر

Anonymous said...

السلام عليكم رفقة
بوستك هذا هام جداااااا
فعلا كثيرا ممن ينادوا بالديمقراطية يجدوا صعوبة في تطبيقها علي أنفسهم وكما قلتي فعلا احيوا الاول الديمقراطيه بداخلكم ثم نادوا بيها تحياتي لهذا البوست الهام

Anonymous said...

السلام عليكم

فعلاً يا رفقه للأسف كتير من المدونات تلاقيها بتنادي بالديمقراطيه و حرية الرأي لكن بيكون عايز يمشي رأيه على اللي بيقرءوا كلامه و انا كل ما اشوف مدونه بالشكل ده بقول ابعد عن الشر و غنيله ..

ممكن إن دي عاده اتعودتها الناس من مظاهر الحياه اللي بتخليهم ينادوا بمطلب ما و هم لا يطبقوه

ma 3lina said...

يا خبر .. اسمي دا اللي مكتوب ... يافندم دا شرف كبير ليا ..
بس يعني إحقاقا للحق أنا لم يتسن لي مساعدتك كما ينبغي وكما يليق بمدونتك الجميلة .. وإن كنت أشجعك دائماً وسأظل أشجعك إلى ما شاء الله ...
بالنسبة لموضوع البوست فأوافقك بصورة كاملة فيما ذكرتي وكنت كتبت عنه من قبل كده بعنوان .. وطني وكفاية ومزرعة الحيوان .. ياريت تقرأيه وتقولي لي رأيك فيه.

khaled said...

صح يا عائشة
فيه ناس بيمثلوا انهم ديموقراطيين او بيمارسوا حاجة بعيد عنها و فاكرينها ديموقراطية
دى اسمها ديموقراطية مزيفة
بوست جميييييييييييل

Anonymous said...

اعتقد قبل انا ننادي بالديموقراطية علينا ان نعرف كيف نفكر وكيف نناقش وكيف نتعامل وكيف نحترم الاخر وما هو الحد الادني للأحترام من بعدها يمكننا ان نطالب بالديموقراطية فكيف ابدي رأي وانا جاهل بكل قواعد الادب والعلم


اما بالنسبة للي قلتيه عني اعتقد اني اقل من كده بكتير وده تعظيم كبير ليه اني اكون موجود في بوست زي ده وبجد انتي هايلة وبجد انتي تفوقتي علي استاذك بكثير

حائر في دنيا الله said...

من الشائع في وسط الناس تجدي شخصا ينادي بالنزاهية وهو لص والآخر عن الحرية وهو متسلط في بيته والآخر عن الشرف وهو بدونه
فمن الطبيعي ان يكون هؤلاء أيضا في مجتمع المدونين وفي مسألة النقاش والديمقراطية وقبول الرأى الآخر قد يكون سببها أننا لم نتعلم أونتعود على أن يكون هناك رأى مخالف لنا لا نعرف أننا قد نكون خطأ وغيرنا هو على الصواب
في النهاية نحن نقول كلامنا رضي به أحد أم لا دام نبغي سوى الحق والفضيلة ورضا الله
=
مع تحياتي

رفقة عمر said...

بجد اشكركم جميعا مش عارفه اعبر سعادتى بكل الكلام الجميل دة بس على فكرة انا بشعر باحراج والله واشكركم انكم بتجبروا بخاطرى جزاكم الله كل خير
دة تعليق عام لكل من تفضل وشرفنى بوضع تعليق على مدونتى

رفقة عمر said...

استاذ محمد مفيد
طبعا مدوتك بجد بتزيد وبتكبر بتشريفك ليها ولك انسان حظ من اسمه حضرتك اسمك مفيد وفعلا مدونتك دايما بتعمل سبوتات على حاجات الناس مش واخدة بلاها منها وقد ايه بتكون مواضيع مفيدة جدا بس ياريت الناس تعمل باللى بتقوله حاجات كتير هاتتغير شكرا لك استاذ مفيد

رفقة عمر said...

عمر
ايوة ياعمر الواحد نفسه يشوف قبل مايموت حد بيحكم بالديمقراطيه والعدل الدنيا هاتفرق كتير

رفقة عمر said...

stylish
اهلا بيك ليه كل ما ادخل مدونتك لا اجد موضوع جديد كسلان ليه ولا مشغول عايزة اشوف لك حاجه جديدة انا كمان المدونات اللى عليها خناقه مش بحب ادخلها تانى

رفقة عمر said...

ماعلينا
اكيد طبعا لازم يكون اسمك مكتوب على فكرة انت اول بنى ادم يعلق لى على اول بوست ودايما بتشجعنى ومن لا يشكر الناس لا يشكر الله

رفقة عمر said...

خالد
بجد بسعد بتعليقك وبنتظرة كل ما اعمل بوست جديد بس انا نفسى تختبرونى اعمل كدة بوست وتعترضوا عليه واشوف هاغضب وهااثور ولا هاكون ديمقراطيه واتقبل النقد

رفقة عمر said...

كبير المشردين
عارف ايه اللى بيضيقنى اكتر حاجه الشتائم والاهانه والسخريه من صاحب الرأى الاخر طيب ليه مانحاولشى نوضح وجهه نظرا للاخر ليقتنع لاما لا المهم نحافظ على الاسلوب الراقى فى الحوار

رفقة عمر said...

حائر فى دنيا الله
سعيدة بزيارتك الاولى لمدونتى وارجو الا تكون الاخيرة انا عارفه ان فى الزمن اللى احنا عايشينه النفاق اصبح متفشى واصبح يكرم اللئيم والظالمين ويقدم على الصالحين ودة من علامات يوم القيامه كما ذكر الرسول الكريم فى الحديث الشريف
( اذا اوسد الامر الى غير اهله فارتقب الساعه) يعنى الانسان الغير الامين يعتلى مركز لا يناسبه ولا يستحقه ودة احنا ملا حظينه جميعا ولازم فعلا الانسان اى فعل او قول يقوم به يجب ان يكون يبتغى به وجه الله تعالى

ana ga3an said...

عزيزتي
اتعرفي ما هو اول المستحيلات
ان يتفق العرب
وثانيها ان يتقبلو اختلاف الاراء بصدر رحب
وثالثها احترام رأي الاخر
ورابعها السبانخ بالباشاميل

تلاقي الواحد منهم لما يبقي عندة رأي ماسك فية و متبت خايف لحد ياخدة
ولا ممكن ابدا تقنعية بالرأي الاخر
وللعلم النوعية دي من البشر بتروح في غياهب النسيان
ولا يتذكرها احد لانهم يقضو عمرهم في عناد مع اي شخص ولاي سبب
زي واحد نضم لاي حزب سياسي
يفضل يهاتي ويحلف بحياة الحزب التابع لة
وربما يكون ميعرفش نص اهداف الحزب دة اية
بس هو واخدها وجاهة
وحد يجرب يبدي رأي مخالف لحزبة
يبقي زنديق و مرتد ولازم ينضرب بالقديمة
فانا و من مدونة العزيزة رفقة
اناشد كل واحد عندة رأي يتبت فية ويحطة تحت باطة ويلوش اي حد يقرب منة


من استطاعو الخروج من هذة الدائرة
وتقبلو اراء الاخرين و تعلمو منها
هم الان مفكرين و علماء ودعاة الي الله

Anonymous said...

أنا أحسدك
أنا أحسدك
أنا
أ
ح
س
د
ك

رفقة عمر said...

الرزرافه الحسودة
ليه بس بتحسدى انت مش عارفه ان الحسد حرام طيب تتخيل انى ممكن ادخل مدونه واحدة حسودة هو انا ناقصه انا هاحط على مدونتى سورة الفلق والناس طالما ان التدوين دخل فيه الحسودين كمان

eldoctor said...

سبحان الله .. حباك الله بحب الناس .. يا بختك .. اغبطك و لا احسدك .. ليت الناس تقرأ لى و تكتب عندى مثلما يأتون اليك ..

eldoctor said...

على فكرة رديت على التاج

Unknown said...

يا ناس يا شر كفاية قرررررررررر


ربنا يحميكى يا حبيبتى ويا اختى وياللى بحبك فى الله
قريب كدة هتلاقى قصيدة من نصيبك هههههههههه

والله يابنتى معملتش حاجة ده مجرد كاسيت مش حكاية يعنى

بس بذمتك مش إسمى منور فى البوست؟؟؟؟؟
عارفة عارفة


بصى مش تستغربى من موضوع الديمقراطية ده لانه نتيجة طبيعية للإزدواجية المصرية الشعبية المهلبية

وتحيا بلدنا الحلوة ديا
:D

رفقة عمر said...

الدكتور
يسعدنى زيارتك لمدونتى والتعليق عليها

رفقة عمر said...

اجمل انسانه
احبك من احببتنى فيه ايوة ياختى ارقينى من الزافه الحسودة دى ربنا يلطف

Anonymous said...

شوفى ياستى كلامك مضبوط تماما. وانا عارف نفسى انى مش هاقبل أى حد يختلف معايا فى الرأى عالشان كده مش عامل مدونة. فى ناس كده مش بتتقبل الاخر وانا منهم. بس انا بحاول أفهم انما مش أتقبل. على كل حال ربنا يوفقك ويهدينا
سلام

Anonymous said...

مدونه جميله

Anonymous said...

مدونه جميله

Anonymous said...

الى رفقه عمر الرقيقة اهنيك على هذة المدونه الرائعة فهى تعبر عما بداخلنا ونعلمه وغير قادرين على كتابته او التعبير عنه فانت محدثة قلوبنا تجاه قضايا الحياة الى الامام دائما ومزيد من النجاح (صاصا الاقرب اليك

العراق صوت الحق said...

السلام عليكم

رفقة
أين أنتي ... وينــــك

BinO said...

السلام عليكم و رحمة الله و بركاته
الاخت العزيزة عائشة
كيف الحال
أتمني أن تكوني بخير

لقد قررت قراءة مقالتك الجميلة
و التي أعتبرها طفولية الي حد كبير
ربما تتناسب مع شخصيتك الرقيقة
أنا أسف لو أن كلماتي تبدو في بعض الاحيان حادة
و لكنها في نظري تبدو كمدح
فنادراً ما أجد من يقول الحقيقة مجردة في وجهي
و هو أبسط ما أريده
رغم أن الحقيقة قد تذهب ببعض حمرة الغضب الي الوجنات
الي أنها تأتي بالحلول
و طفولية مدح لو تفكرتي فيها ككلمة عميقة و ليست سطحية ستعلمين ما أقصده
أنا طفولي مثلاً

المهم يعني عشان أنت بتعتبريني من الناس الحادة في النصح

علي كل حال

احنا دينا مافيهوش ديموقراطية
احنا عندنا قواعدنا
الشرعية
التي أنزلت من فوق سبع سموات

{كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ وَلَوْ آمَنَ أَهْلُ الْكِتَابِ لَكَانَ خَيْراً لَّهُم مِّنْهُمُ الْمُؤْمِنُونَ وَأَكْثَرُهُمُ الْفَاسِقُونَ }آل عمران110

{ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ }النحل125

{إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ }القصص56

{إِنَّا أَنزَلْنَا التَّوْرَاةَ فِيهَا هُدًى وَنُورٌ يَحْكُمُ بِهَا النَّبِيُّونَ الَّذِينَ أَسْلَمُواْ لِلَّذِينَ هَادُواْ وَالرَّبَّانِيُّونَ وَالأَحْبَارُ بِمَا اسْتُحْفِظُواْ مِن كِتَابِ اللّهِ وَكَانُواْ عَلَيْهِ شُهَدَاء فَلاَ تَخْشَوُاْ النَّاسَ وَاخْشَوْنِ وَلاَ تَشْتَرُواْ بِآيَاتِي ثَمَناً قَلِيلاً وَمَن لَّمْ يَحْكُم بِمَا أَنزَلَ اللّهُ فَأُوْلَـئِكَ هُمُ الْكَافِرُونَ }المائدة44


انا طبعاً أعرف من تقصدينهم بمقالتك الجميلة وربما أكون انا أحدهم و ربما لا و لكن أختاه ان هذا الزمان من السهل أن تختلط الحقائق , و بسبب أنتشار الجهل
الجهل الذي أصبح نسبته أعلي من نسبة النيتروجين في الهواء

أختلطت الاوراق
وتتعددت المصادر
وكثرت المنابر
وكل أقلية أصبح لها صوت و يافطة
فالديموقراطية المزعومة
لن تأتي الا بشواذ علي رؤس الاشهاد

أتعلمين
أحياناً عندما أطالع
أحد المدونات
التي يتبنها
العلمانيون
هداهم الله
أشعر كأني أطالع كلمات يملائها الجفاف
لا عقل و لا قلب
أفكار أنانية

حتي ديموقراطيتهم
لا يستطيعون ارتدائها ولو أجزاء الثواني أثناء ملامسة أطراف أصابعهم للوحات المفاتيح

و لكني لا أستطيع أن ألوم صاحب أي مدونة

فكل البشر عندهم هذه
في داخلهم
حب الامتلاك
:)
حتي لو أمتلكوا شوية أراء
حوريكوا :)

أسف أذا أسأت
وشكراً لتحملي
وعذراً لتأخري

رفقة عمر said...

استاذ حسن محمود
انا عارفه ان كل انسان له راى وبيكون مؤمن بيه انا ااقصد ان صاحب الرأى لازم يحترم الرأى الخر ويجادل معه بالحسن مش يقول للرأى الاخر انت مش بتفهم حاجه او يسبه ويشتمه دة اللى اقصدة يعنى نتفاهم باداب الحوار علشان مش بحب حد يهان او يستهزأ به لمجرد انه بيقول رأيه

رفقة عمر said...

هبه المحبه للاسلام
احبك فى الله وسعيدة بزيارتك واتمنى انك تزورينى دايما ربنا يوفقك السنه وتتخرجى بتفوق امين يارب العالمين

رفقة عمر said...

الدكتورة صاصا
منورة المدونه يا جميل ربنا ينجحك السنه دى وتبقى دكتورة قد الدنيا وترفعى راسنا

رفقة عمر said...

بينو
انا والله مش ااقصدك وانا معاك ان الديمقراطيه ممكن تجيب لينا واحد ذى بوش ولا هتلر او موسولينى لان الناس مش بتعرف تختار علشان كدة يااريت يكون هناك ناس ذات خبرة ونزاهه وتقوى هما اللى يقوموا باختيار من يحكمنا ويكونوا على علم بانه يستحق انه يكون حااكم

رفقة عمر said...

عمر
انا موجودة لسه عايشه وشكرا لسؤالك ربما جزاك الله خيرا

Ahmed said...

السلام عليكم سيدتي العائشة في الأحلام
مدونتك سحرتني
أتمنى لك التوفيق
تحياتي

Ahmed said...
This comment has been removed by a blog administrator.
رفقة عمر said...

gayofsun
شكرا لزيارتك واشكرك على رايك فى المدونه