Thursday, February 15, 2007

ومازال مسلسل الاهانات مستمر

كنت باتفرج على برنامج 90 دقيقه على قناة المحور االنهاردة الصبح وفجئت بخبر ان هناك عضو بالبرلمان الهولاندى يريد قال ايه تمزيق نصف صفحات القران التى تنادى بالجهاد والتى تتكلم عن اليهود والنصارى وقبل كدة شوفت على برنامج القاهرة اليوم انهم يحرقون القران فى معتقل جوانتينيمو والذى يقوم بحرقه يسب المصحف لا اريد ان اقول ماذا قال لانى لا احب ان اكرر ماقاله للدرجه دى اصبح لا قدر لنا وسط العالم لم يعد يحسب لنا حساب بالله عليكم مش عايزين مظاهرات ولا واحدة بتغنى فى ملهى ليلى تطلع وتقول الا رسول الله والكلام دة علشان العالم يحترم عقيدتنا لازم احنا الاول نعظم عقيدتنا بداخلنا مافيش حاجه اسمها انا بحب الاسلام او بحب الله وانا لا افعل ما يطلبه منى الله وما يدعو اليه الاسلام

تعصى الاله وانت تظهر حبه.........هذا لعمرى فى الفعال بديع

لوكان حبك صادقا لأطعته..........ان المحب لمن يحب مطيع

كم مرة نفتح المصحف ونقرأة ونتتدبر اياته ونعمل بما قرأناه سمعت تفسير الشيخ الشعراوى للايه الكريمه (الرحمن علم القران خلق الانسان) فسر الشيخ الشعراوى ليه ربنا بدأ بقوله تعالى علم القرأن ثم قال خلق الانسان مع ان كان ممكن يبدأ بخلق الانسان الاول قال الشيخ الشعراوى ربنا قبل مايخلق الانسان جعل له الكتالوج اللى يمشى عليه وهذا الكتالوج هو القرأن الكريم وشبه ذلك ولله المثل الاعلى ان اللى بيصنع التلفزيون مثلا لازم يكون عامل كتالوج لكيفيه تشغيله واذا لم تتبع التعليمات تحدث ذبذبه ويمكن يعطل التلفزيون احنا كدة ربنا خلقنا وجعل لنا المنهج اللى نمشى عليه وهو القرأن واذا لم نتبع تعاليمه كما يجب اكيد هاتحصل لنا ذبذبات وهانكون متخبطين فى حياتنا واظن احنا شايفين حالنا دلوقتى نتيجه بعدنا عن اتباع تعاليم القران الكريم بنطلع من مصيبه بندخل فى مصيبه اكبر منها واحنا عمالين نقول هما الغرب بيعملوا فينا كدة ليه واحنا اصلا اللى عاملين فى نفسنا كدة احنا عزتنا وانتصرنا بتفيذ اوامر ربنا وطاعتنا له طبعا تذكرون غزوة احد وعندما لم يستمع بعض الصحابه وليس كلهم لاوامر الرسول بعد ان كانوا منتصرين هب الكفار عليهم مرة اخرى وقتل فى هذه الغزوه كثير من الصحابه منهم سيدنا حمزة رضى الله عنه سيد الشهداء احنا خلق الله والغرب خلق الله والله عادل بين عبيدة رحمن رحيم ويوزع الارزاق بالعدل اعطانا نحن نعمه الايمان وخروج اخر الانبياء من العرب ولانه ربا عادلا اعطى الغرب التفوق العلمى والاخذ بالاسباب هما بينجحوا بالاخذ بالاسباب واحنا بننجح اولا بالايمان بدليل كل انتصارات الجيوش الاسلاميه زمان مع قله اعدادهم يعنى يمكن جيش عددة 10 الاف ينتصر على جيش عددة 100 الف بالايمان هو دة توزيع ربنا احنا ربنا جعلنا اقل منهم عدة وعتاد بس اقوى منهم ايمانيا طيب احنا دلوقتى ولا عدة ولا عتاد ولا كمان متبعين كلام ربنا هاتقول لا احنا مؤمنين طيب الربا اللى موجودة الم تسمعوا قول الله تعالى( ياايها الذين امنوا ذروا مابقى من الربا فان لم تفعلوا فأذنوا بحرب من الله روسوله) يعنى ربنا ورسوله هايحربوا اخذى الربا اظن الدنيا كلها دلوقتى ماشيه بالربا و الملاهى الليليه التى تملأ بلاد المسلمين محلات الخمور الزنا الذى كثر بدعوة لازم يكون ليا بوى فريند عدم التزام معظم النساء بالحجاب وحاجات كتير انتم عارفنها اكتر منى انا لا ادعى انى ملتزمه بكل شئ اعلم انى مقصرة بس مايكونشى التقصير لدرجه اباحه الكبائر والسكوت عنها بدعوة الحريه صلاح الدين علشان ينتصر على الصلبيين احيا الدين بداخل الناس تانى لانهم كانوا برضه زى ما احنا دلوقتى وايضا قطز حفزالايمان بداخل الناس علشان كدة انتصر على التتار المشكله ان الغرب عارفين دة اكتر مننا عارفين ان قوتنا فى ايماننا انظروا اقوالهم وانتم تعلموا جيد معرفتهم بينا ازاى من كتاب دمروا الاسلام وابيدوا اهله

يقول غلادستون رئيس وزراء بريطانيا سابقا (مادام هذا القرأن موجودا فى ايدى المسلمين فلن تستطيع اوربا السيطرة على الشرق)يقول الحاكم الفرنسى فى الجزائر فى ذكرى مرور مائه عام على استعمار الجزائر (اننا لن ننتصر على الجزائريين ماداموا يقرؤون القرأن ويتكلمون العربيه فيجب ان نزيل القرأن العربى من وجودهم ونقتلع اللسان العربى من السنتهم)الصهاينه بقى حبايبنا قالوا ايه لما دخلوا قوات اسرائيل القدس سنه 1967 تجمهر الجنود حول حائط المبكى واخذوا يهتفون مع موشى ديان

هذا يوم بيوم خيبر يالثاارات خيبر وقالوا حطوا المشمش على التفاح دين محمد ولى وراح وهتفوا وقالوا محمد مات خلف بنات صلى الله عليك وسلم حبيبى يارسول الله فنظم الشاعر محمد الفيتورى قصيدته نبينا محمد صلى الله عليه وسلم قال فيها

ياسيدى عليك افضل الصلاة والسلام

من امه مضاعه تقذفها حضارة الخراب والظلام

ياسيدى منذ ردمنا البحر بالسدود وانتصبت ما بيننا الحدود

متنا وداست فوقنا ماشيه اليهود

شوفتم ازاى هما عارفين قوتنا فى ايمانا واتباع تعاليم القرأن لو عالم فيزياء او كيمياء وهو يحضر لتجربه ما ولم يحافظ على المعايير الخاصه بالمكون اللى بيحضرة هل ستنجح تجربته احنا برضه اذا لم نتبع تعاليم قرأنا كما يريد ربنا منا عمرنا ما هننجح وكل محاولتنا للنجاح هاتكون مصيرها الفشل افضلوا اتكلموا للصبح اعملوا مظاهرات من هنا لغايه اخر الدنيا ولا هاينفع بشئ الحل بسيط جدا بس انتم للاسف مصدقين الغرب ان دينا دين الارهاب بلاش ندافع عن نفسنا بلاش نحمى اعراضنا مش عارفه امتى بقى نحى القران فى نفوسنا ونبعد بقى على التفاهات اللى احنا متصدرين فيها لسه عندكم نفس لهذه التفاهات

اللهم ابعث لهذه الامه رجال ونساء يدافعون عن كتابك وعن نبيك ويعيدوا للاسلام مجدة وعزة

اللهم امين يارب العالمين

اللهم انك تعلم انى اعصاك ولكنى احب من يطيعك فاجعل حبى لمن يطيعك سببا لنزول رحماتك على

اللهم استخدمنا ولا تستبدلنا

23 comments:

Anonymous said...

هان عليننا ديننا فهنا على كلاب الأرضقال عمر بن الخطاب
نحن قوم اعزنا الله بالأسلام فان ابتغينا العزه في غيره اذلنا الله
وقد حجث

Anonymous said...

وقد حدث

eldoctor said...

.. انا واحد من الناس الذين استشرفوا خيرا فى دوشة الكاريكاتير .. والدوشة اللى حاصلة ...
انا أرى فيها تحيق لنبؤة الرسول صلى الله عليه و سلم .. بان الاسلام والدعوة ستصل الى كل شق .. وكل بيت .. وكل ارض .. فالمنطقى ان يحدث شىء يجعل البشر الذين لا يهتمون الا بالطعام و المال و الجنس .. يبحثون عن الاسلام .. و قد كان .. الاسلوب مختلف ,, وهم أرادوا مكرا .. والله خير الماكرين .. ليكون حجة عليهم .. لا لهم ...

Anonymous said...

كنت باتفرج على برنامج 90 دقيقه على قناة المحور االنهاردة الصبح وفجئت بخبر ان هناك عضو بالبرلمان الهولاندى يريد قال ايه تمزيق نصف صفحات القران التى تنادى بالجهاد والتى تتكلم عن اليهود والنصارى?????????????????????????
بجد ده حصل

Ahmad Hegab said...

انا عرفت قبل ما تظهر على قناة المحور من ناس صاحبى برة و العالم مقلوب عليهم بس زى ما قالوا اللى قبلى هان علينا ديننا فهنا على العالم

اللهم احفظ المسلمين و المسلمات

اللهم ثبت القوى منهم و زد من قوة الضعيف

تبنا الى الله و رجعنا الى الله

عسى الله ان يتقبل منى و منك

رفقة عمر said...

واحد من الناس
هو دينا هان عليه بشئ شويه دة هان علينا كتير بالعكس وفيه ناس بتخاف تقول انها مسلمه للناس تقول عليه ارهابى او وهابى او راجعى حسبى الله ونعم الوكيل انا خايفه ان ربنا يستبدل بنا وينصر الدين بناس غيرنا وخصوصا انى قرأت حديث للرسول صلى الله عليه وسلم مش عارفه حديث صحيح ولا لا بس الرسول الكريم قال ان الدين الاسلامى يشرق مرة اخرى من الغرب يعنى من اوروبا وفعلا الاسلام بدأ ينتشر هناك كتير وكمان بيلتزموا بكل تعاليم الدين بمجرد دخولهم الاسلام لكن احنا هنا فى المسلمين العرب عمالين ناخد كل مساوئ الغرب وفرحانين بيها والغرب للاسف بدأ هناك يعلن حمله للفضيله والعودة لها مرة اخرى واحنا لسه بنتفرج على هاله واخواتها واوعى تغمض عنيك

رفقة عمر said...

الدكتور
فعلا فى حديث للرسول صلى الله عليه وسلم فيما معناه ينصر هذا الدين بالرجل الفاجر بس للاسف الاسلام بدأ يظهر بصورته الصحيحه فى الغرب وبدأ العرب فى البعد عنه الا ما رحم ربى

رفقة عمر said...

كبير المشردين
والله العظيم دة حصل وكمان ذهب وفد من البرلمان المصرى هناك لمناقشه الامر معهم

رفقة عمر said...

احمد
سعيدة بمرورك ربنا يتقبل منا يارب والمسلمين يعرفوا انهم خير امه اخرجت للناس وهذا ليس عنصريه دة كلام ربنا مش كلمنا

ftataljanna said...

اختى العزيز رفقه عمر
لم أقرا من مدونتك سوى هذا الموضوع وسوف ان شاء الله أتابع باقى كتاباتك دائما بارك الله فيك

لقد ارتعبت عندما قرات ما كتبتى عن ان الاسلام سوف يشرق من الغرب مرة أخرى وعن أن الاسلام سوف ينصر بالرجل الفاجر

حقا انهم يكونون فجرة فاذا ما أسلموا أضائت قلوبهم قبل وجوههم بالإسلام ونحن للأسف لسنا كذلك

ولكن أختى العزيزة رفقه كيف نحيى الدين فى قلوبنا هل فقط بقراءة القرآن لا ولكن سوف تكون هناك خطوات عمليه لذلك مثل ماذا اذن؟؟؟؟؟؟؟؟

Anonymous said...

اعذريني اختي الغالية فقد اسأتي فهمي لما اتسأل لكي اكذبك او لاني احتاج لدليل ولكنه اسلوب الافهام الانكاري اسف لكي سيدتي

رفقة عمر said...

فتاة الجنه
سعيدة بزيارتك وبجد مع انك لسه صغيرة بس بجد ماشاء الله عليكى ربنا يوفقك ويكرمك اما ازاى ونعمل ايه دة اكيد سهل جدا انا مش بقول نقرأ القرأن انا بقول نطبق كل القرأن على حيياتنا لانه هو الكالتلوج اللى نمشى عليه لما كل واحد فينا يمشى على منهج الله هاتلاقى المسلمين انتصروا بكل سهوله وسلاسه لانهم اصبحوا على قلب رجل واحد بدليل الرسول الكريم مكث يثبت الايمان فى قلوب الصحابه لمدة 13 عام قبل الهجرة وسنتين بعدها حتى تمكن الايمان من قلوبهم وباعوا الدنيا واشتروا الله ورسوله فكانوا بينصروا بكل سهوله واصبحنا لقرون طويله احنا اسياد العالم حتى انفرط منا عقد الايمان فنفرط منا كل شئ وطبعا الرسول قال ولتكن منكم امه يدعون الى الخير ويامرون بالمعروف وقال ايضا بلغوا عنى ولو ايه لو كل واحد منا دعا الى سبيل ربه بالموعظه الحسنه ان شاء الله الناس واحدة واحدة هاترجع لربها مافيش حد يقول انا مالى خلينى فى حالى لا اللى يقدر يعمل حاجه يعملها وانت عندك مدونتك ربنا يسرلك طريق ممكن توصلى بيها لناس كتير ممكن من خلالها تعرفيهم صورة الاسلام الحقيقه واكيد ربنا بيعين مع النوايا الحسنه

رفقة عمر said...

كبير المشردين
يعنى قولى يعنى ازاى ممكن ازعل من الكبير وانا كنت فاهمه الغرض من السؤال وبعدين للكبير لا توجد خطوط حمرا يتكلم زى ماهو عايز انا ديمقراطيه

khaled said...

امين امين امين
وحشنى كلامك الجميل
و الدين مش امانى و احلام
الدين افعال

يريدون ليطفئوا نور الله و الله متم نوره و لو كره الكافرون

-_- said...

اين انت يا عمر .. كلاب الروم تنهى و تأمر

ma 3lina said...

طبعاً أنا قريت البوست من أول يوم .. بس مش كنت ح اعلق خالص لأني ما عنديش كلام أقوله .. فعلاً عجزت أو بمعنى أدق خجلت إني أقول أي كلام ... عشان كده حتكلم بس مش ع البوست .. حتكلم على تعليقك الأخير اللي تشرفت بوضعك ليه في مدونتي
أنا فعلاً بحاول أعبر عن رأيي لكن بخاف جداً ومش بحب أختلف مع أي حد ..
بشكرك جداً عل مدحك لكتاباتي ومجاملتك الرقيقة وحقيقي رفعتي معنوياتي جداً .. ومسألة إنك بتكتبي بالعامية ومش بتنظمي الكلام وإن اللي بيطلع من دماغك بتكتبيه .. فأظن إن دا مش صحيح .. لأني أظن إنك بتكتب اللي بيطلع من قلبك مش من دماغك وعشان كده بيوصل لقلوب الناس وهو دا المهم .. مش مهم الترتيب ولا التنظيم ... المهم الكلام يوصل .. صدقيني دي نعمة .. أعرف ناس في ورطة لأنهم عايزين يعيدوا تهذيب كتاب مدارج السالكين للإمام ابن القيم بحيث إنه يكون سهل على الناس .. ومش عارفين ؟؟ .. مش عارفين يوصلوا كلامهم للناس ..
فيمكن يكون كلامي مش من قلبي أو بقعد انسق وارتب الكلام فبيفقد عفويته وبراءته .. فمش بيوصل لقلوب الناس .. عشان كده مش زعلان إن عدد اللي بيعلقوا قليل .. لأني بحاول استمتع بالكتابة نفسها .. وما اكدبش عليكي ساعات بتضايق لما مش بلاقي حد علق على حاجات بحبها .. زي يا نائح الطلح .. اللي قعدت اشغلها يوم كامل على جهازي قبل ما انزلها .. وأنا في حالة ما بين الحزن والبكاء طوال اليوم .. وبعد التنزيل لم يعلق عليها سوى رفقة عمر .. لكن برغم كده مش عايز أوصل لحالة الإحباط اللي تمنعني من الاستمرار في الكتابة .. وكفاية عليا واحد بس من الناس المحترمة اللي بقدرها يعلق عندي.
عايز اقول لك برضه ما تشغليش نفسك إن وجدت لا أحد يعلق عندي .. وما تجبريش نفسك على التعليق على كل بوست ما حدش بيعلق عليه .. يمكن يكون ربنا سبحانه وتعالي بيعلمني حاجة.
طولت عليكي .. معلش

العراق صوت الحق said...

السلام عليكم رفقة
من سنن الله عز وجل أن يكون دائما قبل الصدمات الكبرى بين الحق والباطل أن تمر الامة الاسلامية ببعض الاختبارات وتكون بمثابة أمتحان صعب لكل المؤمنين فالكلام سهل . الناس كلها تقول نحن مؤمنين ولكن الصادق قليل فلابد من الامتحان الذي يميز المؤمن من المنافق و أن ما تمر به الامة الان هو ذلك الامتحان ليظهر الصادقون وينصروا الله فينصرهم وبارك الله فيك على هذا البوست

محمد عبد الغفار said...

لا ادرى ما هو سبب العجب والغضب بالضبط

هل من أقوال الرجال ؟ هم يدافعون عن عقيدتهم واهدافهم مستخدمين وضعهم القوى فما العجب فى ذلك

هل من ردود أفعالنا الضعيفه والواهنة ؟ طب وهو احنا عملنا ايه عشان نستحق افضل من كده

انا اعتقد اجنا دلوقتى فى الفرن عشان يميز الله الخبيث من الطيب ويأتى الحق فيزهق الباطل أزاهقاً

رفقة عمر said...

خالد
فينك طبعا مشغول بالمدونه الجديدة ربنا يبارك فيك ويجعلها فى ميزان حسناتك امين يارب العالمين انا عارفه انا ربنا ناصر المسلمين ولو بعد حين بس هل نحن المسلميين اللى نستحق هذا النصر

رفقة عمر said...

شارم
ان شاء الله هايظهر عمر جديد انا متأ كدة من نصر الله لدينه واخر الرسالات بس انا نفسى يكون فى الزمن الذى احياه وارى هذا اليوم بعينى امين يارب العالمين

رفقة عمر said...

ماعلينا
لازم تعرف انه اكيد هناك من يدخل مدونتك ويقراها واكيد بيسفيد واكيد بيخرج بحاجه وانت بتكتب لله ومش معنى انك لا تجد تعليقات كتير مش معنى كدة ان مدونتك لا قراها احد بس يمكن مش عارفين يعلقوا يقولوا ايه وانت اكيد بتشوف ان الناس مش بتهتم قوى بالمواضيع الجادة بدليل فى مدونات جادة جدا وبتقول حاجات كويسه ولا حد بيفكر يعلق عندهم مثلا مدونه حامد ومدونه اهل الجنه ومدونه عيون بس هما مش همهم دة هما همهم يقولوا للى عايزينه واللى يسمع يسمع واللى مش عايز هو اللى خسران وبعدين انا مش بعلق علشان مجرد التعليق عندك وخلاص لا انت فعلا بتكون كاتب كلام يستحق انى اعلق عليه مش يعنى غصب عنى ولا حاجه

رفقة عمر said...

عمر صوت العراق
ايوة ياعمر انا مش ناسيه حال الامه ايام التتار والحمد لله ربنا نصؤنا عليهم اين هم الان لا اثر لهم وان شاء الله ربنا هايرجع للمسلمين عزتهم تانى انا واثقه من كدة لان الله وعد رسوله الاتستبيح بيضه المسلمين ولا ينصر عليهم عدوهم

رفقة عمر said...

استاذ محمد عبد الغفار
اكيد انا مش غضبانه من قولهم لانى متأكدة انا ربنا هايحفظ كتابه انا حزينه لان ضعفنا هو اللى جعلهم تتطاولوا علينا انت ابنك مثلا لو حد ضربه هاتزعل من ابنك انه سمح للطفل الاخر انه يضربه وهو ساكت له لو كان ابنك قوى ما استطاع الطفل الاخر ان يتطاول عليه واى حد بيعمل حساب للى اقوى منه ربنا اعطنا الدين امانه واحنا فرطنا فيه انا عارفه انك شايف الاحوال ومضايق الاسلام بقى غريب والشيوخ بقوا بيعطوا الفتاوى وهما خايفين مع ان والله الدين ليس فيه اى شئ يعيق مسيرة الحياه هو دين للحياة والمشكله ان احنا بنمن على ربنا اننا بنصلى مثل الةاحد يقول نش كفايه انى بصلى كانوا الصحابه يبكون ويخشون انهم ممكن يكونوا مقصرين فى حق الله واحنا هنا بنقول كفايه قوى كدة علينا وربنا غفور رحيم