Tuesday, June 24, 2008

كذلك كنتم من قبل فمن الله عليكم



انا للاسف عندى كسل شديد للكتابه وجدت هذا الموضوع فى الدرافت عندى قلت انزله كنت كاتباه من شهر يناير الماضى
لاحظت امر كدة لبعض المتدينين انهم بيكونوا بهم بعض القسوة والغلظه وعجرفه وتعالى حتى طريقتهم نفسها متعجرفه وخصوصا مع غير
الملتزمين او الذين لم ينعم الله عليهم بالهدايه بعد

وبصراحه اسلوبهم بيحزنى وبسال نفسى ليه مش بيفتكروا نفسهم وهما مازالوا لم ينعم الله عليهم بالهدايه الا يتذكرون
قول الله تعالى ( كذلك كنتم من قبل فمن الله عليكم) انا هاسال الانسان الذى من الله عليه بالهدايه هل ضمنت خاتمتك هل ضمنت ان تمر بالصراط هل ضمنت ان تزحزح عن النار هل ضمنت الجنه هل ضمنت ان تكون من اهل الاعراف( اهل الاعراف الناس الذين استوت حسانتهم مع سيائتهم فما زال لم يتحدد مصيرهم والاعرف المكان بين الجنه والنارالذى يقفون فيه) قال الرسول الكريم ( لن يدخل احد الجنه الا ان يتغمده الله برحمته قالوا ولا انت يارسول الله قال ولا انا حتى يتغمدنى الله برحمته) يعنى مش عملك هو اللى هايدخلك الجنه ليه بقى الكبر على الذين مازال لم يتلمسوا الطريق ليه النصح بعنف ليه تحسسه انه وضيع كل انسان فيه جانب خير وجانب شر وكل منا لديه نقاط ضعف واشياء هو ضعيف امامها محتاج يد حانيه تاخذه الى الصح النفس تميل الى الكلمه الطيبه تميل الى المعامله الحسنه

الله تعالى قال ( وجادلهم بالتى هى احسن)ليه الكبر والتعالى هل ضمنت ان الله قبل عملك كان احد الصالحين يقول لو علمت ان الله قبل منى ولو ركعه واحدة لكان خيرا لى من الدنيا وما فيها نحن نعمل ونسال القبول من الله توجد حكايه لرجل اخذ يعبد الله اربعين سنه ثم وقف للحساب بين يدى الله فقال الله ادخلوه الجنه برحمتى قال بلى بعملى قال الله بل رحمتى قال الرجل بل بعملى قال الله ادخله النار بعمله فقال الرجل بلى يارب ادخلنى الجنه برحمتك فقال الله ادخلوه الجنه برحمتى

وقصه اخرى عن اخين واحد عابد لله والاخر عاصى ويفعل كل المنكرات فقال العابد لاخيه العاصى والله لن يتوب الله عنك ابدا فكان فى يوم قال الاخ العاصى نفسى اذهب الى اخى واتوب الى الله واعبد ربنا وقال الاخ العابد انا هاذهب لاخى وشويه كدة اعمل زيه واتمتع شويه المهم تقابل الاثنان فى منتصف الطريق الاخ العاصى ذهب ليتوب الى الله والاخ العابد ذهب ليتمتع شويه ويعيش مثل اخيه فقبضت روحهما الاخ العابد ذهب الى النار بسؤ الخاتمه والاخ العاصى ذهب الى الجنه بحسن الخاتمه وهذا ينطبق على
حديث الرسول صلى الله عليه وسلم( مازال الرجل يعمل بعمل اهل الجنه حتى يسبق عليه الكتاب فيعمل بعمل اهل النار فيكون من اهل النار

ومازال الرجل يعمل بعمل اهل النار فيسبق عليه الكتاب فيعمل بعمل اهل الجنه فيكون من اهل الجنه) او كما قال الرسول صلى الله عليه وسلم

الحديث دة كان بيرعبنى لما امر عليه خوفا من الخاتمه حتى سمعت معنى الحديث فى اذاعه القران الكريم
قال الحديث يفيد ان الانسان العابد لله لا يغتر بعبادته ولا يتكبر بها على خلق الله ويجب دايما يكون على حذر ولا يامن على نفسه من الفتن

بالنسبه للعاصى لا يقطع الرجاء فى الله ان الله يتوب عليه فى يوم من الايام ويغفر له جميع ذنوبه ولا يياس من رحمه ربنا انه ممكن يقبله فى عباده الصالحين ويبدل سيائته حسنات ربنا بيقبلنا من باب التذلل له مش من باب الكبر ولا الغرور بالطاعه

رب معصيه اولدت ذلا وانكسار خير من طاعه اولدت عزا واستكبار
الاخ التحى طبعا( اللحيه تاسى يالرسول الكريم ودة شئ جميل ) يبقى خلاص ضمن الجنه وكل غير ملتحى الى جهنم وبئس المصير اخت انتقبت ( اعننا الله على ارتدائه اللهم امين) خلاص ضمنت الجنه وكل من لم ترتدى النقاب الى جهنم وبئس المصير انا لا اعمم على كل الملتزمين هناك من فى قلوبهم رقه ويعلمون انهم على خطر ايضا ان لم يقبلهم الله بالعكس منهم من مازال يبكى على ما ضاع من عمرة قبل ان يلتزم يعنى مثلا هااحكى قصه حجابى اذكر اخت ربنا يكرمها هى بعد فضل الله كانت سببا فى ارتدائى الحجاب ولن انساها ابدا مهما حييت كانت منتقبه وكانت زميله دراسه وانا فى سنه تانيه ثانوى وكنت اول مرة تكون معى فى الفصل الدراسى لاننا فى سنه اولى مش كانت معى المهم طبعا دخول الدراسه كان فى اخر سبتمبر المهم هى حاولت تتقرب منى بشكل غريب وانا بصراحه كنت بخاف قوى من اللى بيلبسوا نقاب لانى بحس انهم بهم قساوة وعنف المهم كانت شخصيه لذيذه قوى وقدرت تخلينى احبها مع انى مش كنت محجبه وبصراحه اطمنت ليها بدات تلح عليا فى امر الحجاب مع انى سبحان الله لم يكن فى بالى انى اتحجب نهائى الابعد تخرجى من الجامعه المهم استمرت فى محاولاتها كثيرا جدا حتى من الله علي بالحجاب فى شهر نوفمبر وبالظبط 11 نوفمبر وانا اتذكر هذا اليوم كويس جدا وهى كانت سعادتها لا توصف وسبحان الله زميلاتى فى المدرسه عملوا رهان انى هاخلع الحجاب والحمد لله لم افكر ولا مرة واحدة انى اخلعه وعرفت وقتها ليه هذه الاخت اختارتنى انا بالذات ولم تتطلب هذا الامر من اى بنت اخرى وكانت تلح عليا فى ارتداء الحجاب طبعا لان الله اراد الله لى الحجاب فى هذا الوقت بالذات بفضل الله ليه انا حكيت الامر دة يعنى مش لازم نكون قاسين على اهل المعاصى يمكن هو نفسه يلتزم بس مش عارف يعمل ايه واى انسان لا يحب احد يتعالى عليه او يتكبر عليه بالعكس ممكن يعاند ويبقى كدة ازداد بعد من التوبه والعودة من منا كامل الايمان من منا خالى من الاخطاء والعيوب
طبعا فى امر لا يمكن اتغافل عنه وهو الحب فى الله والبغض فى الله طبعا اكيد بس انا لا ابغض انسان ولكن ابغض فعله ومازلت حسنه الظن باى مسلم موحد بالله العبره بالخواتيم ممكن انصحه برفق يمكن هو مش عارف الصح ولكن اذا اصر انه مش بيعمل حاجه غلط وانه صح كما الملحدين او الذين يحاولو ا التغير فى الشرع طبيعى ابعد عنهم برضه بكل ادب وبرضه لا افقد الامل فى انهم ممكن يعودوا الى ربهم فى يوم من الايام ولنرى الفرق بين معصيه سيدنا ادم ومعصيه ابليس مع ان ابليس كان طاووس الملائكه سيدنا ادم لما عصى الله بكى وندم على فعلته ولكن ابليس ابى واستكبر وعاند ولم يعترف بخطئه وذنبه فطردة الله من رحمته فيه ناس كتير بعيدة عن ربنا ونفسها تقرب
فيه ناس جواها خير كتير بس لسه مش عارفه توصل لطريق الطاعه . ليه نتعالى عليهم ليه نتكبر ليه ننظر اليهم نظره احتقار

ربنا قال لسيدنا موسى وسيدنا هارون ( اذهبا الى فرعون فانه طغى فقولا له قول لينا لعله يتذكر او يخشى ) انظروا الله يامرهم ان يدعوا فرعون الذى يعتبر اشر بنى ادم على وجه الارض ان يدعوه باللين ليه احنا قاسين مع بعض اتذكرون موقف الرسول صلى الله عليه وسلم وهو يصلى عند الكعبه ورمى عليه الكفار القاذورات هل دعا عليهم بالعكس رفع يدة وقال اللهم اهدى قومى فانهم لا يعلمون
انا ابغض الكبر ابغض القسوة كل شئ بالحب واللين بيكون تاثيره اقوى على النفس مش بتقولوا الرسول قدوتكم طب ليه مش قدوتكم فى التواضع فى الرحمه فى حسن االخلق اذكر لكم امثله كانت بعيدة عن الطاعه وسبحان الله ربنا هداهم مع كل الشهره التى تحيط بهم والنجوميه واذكر فقط اللى ثبتوا ولم يتزعزع توبتهم حلا شيحه اردت النقاب واعتزلت الممثله نسرين وزوجها محسن محى الدين ايضا ارتدت النقاب وطبعا غنيه عن التعريف شمس البارودى انا شوفت ليها فيلم من افلامهاوصعقت من الانحلال اللى كانت فيه وسبحان الهادى
مثلا مديحه كامل برضه غنيه عن التعريف عارفين ماتت ازاى طبعا كانت ارتدت الحجاب واعتزلت التمثيل المهم كانت تنتظر صلاه الفجر وكانت صائمه قبضت روحها بعد صلاه الفجر واظن ان المرء يبعث على ما مات عليه
ربنا رحيم بعباده وهو الاعلم بالنفوس واعلم بالنفس اللوامه واعلم بالمنافقين واعلم بالنفس الخبيثه اتركوا عباد الله لخالقهم قل دعوتك بطريقه فيها حب وخوف على الشخص اللى بتدعوه لا تشعره انك تحدثه من برج عاجى
قال الله تعالى ( لوكنت فظا غليظا لانفضوا من حولك) هكذا كان الرسول عند تبليغ دعوته ياريت زى ما بنحاول ننصح غيرنا نبحث على عيوب نفوسنا ونحسبها. حاسبوا انفسكم قبل ان تحاسبوا
لانك لو فعلا ضمنت الجنه فانى اهنيك ويحق لك ان تتعالى علينا جميعا
نعوذ بالله من شرور انفسنا ومن سيئات اعملنا

سبحانك اللهم وبحمدك اشهد ان لا اله الا انت استغفرك ربى واتوب اليك

33 comments:

مـحـمـد مـفـيـد said...

هناك بعض المفاهيم المغلوطه التي تجعل كثيراً من الملتزمين يتجهون الي هذا الطريق
فلنا في رسول الله صلي الله عليه وسلم أسوه حسنه
حيث كان ضحاكاً في بيته كما قالت السيده عائشه رضي الله عنها
وكثيراً من المواقف التي لا حصر لها
علينا ان نتعامل برفق ولين مع الاخرين حتي يتسني لهم معرفه الوجه الحقيقي للدين وللتدين والالتزام
وتصحيح تلك هذه المفاهيم المغلوطه

دمتي بخير
وكيف حالك الان

المهـ إلي الله ـاجر said...

السلام عليكم

كلامك ممتاز اختي رفقة عمر وهو بالمصادفة لسان حالي . وامس حتي كنت احدث في هذا الأمر مع زوجتي وحماي

الامر كما وصفتي أمر محزن . فهناك فئة فليلة من الذين يطلق عليهم افتراضيا بالملتزمين بناء علي أشكالهم فقط اعتقدوا انهم ملكوا صك الدخول غلي الجنة . او أن الغلتزام محصور في نبرة صوت او طريقة كلام أو زي معين أو او أو

إن مشكلة هذا الأمر وىفته أنه يشعر الناس بأن هذا النموذج متكلف في مظهره وكلامه واسلوبه . وعند التحقيقي تجدي ان هؤلاء هم ابعد البعد عن سنة الحبيب التي عرفناها وقرأنا عنها والتي كان قوامها الرفق وإلتماس الاعذار وحسن الظن بالناس

ودائما ما كانت لي جملة كنت اقولها وكان هناك من يفهمها وهناك من كان يسيئ فهمها :

فرق كبير بين الملتحي والملتزم. فليس بالضرورة أن يكون كل ملتحي ملتزم (وهذا ما لمسناه علي أرض الواقع) ولكن ينبغي أن يكون كل ملتزم ملتحي


نسال الله ان يصلح ظاهرنا وباطنا

لدي ملحوظة صغيرة اختي الفاضلة : الآية تقول : كذلك كنتم من قبل فمن الله عليكم

وليست : ولقد كنتم من قبل فمن الله عليكم


جزيت الجنة


والمفارقة الطيبة أني كتبت اليوم تدوينة وتحتوي بداخلها تلك الآية واشارة سريعة لفحوي تدوينتك فلتمري عليها

منى said...

ماشاء الله
تعرفى يارفقه اللى بيتكبر على غيره ده على اساس انه اكثر منه تدينا بعتبره مش متدين ولا حاجه
الجريمه اللى اخرجت ابليس من الجنه هى الكبر والعياذ بالله
محدش عارف اخرته ازاى
ربنا يحسن خواتيمنا

قرات قصه
عن سيدنا ابراهيم عليه السلام انه كان بياكل مع واحد وفى وسط الاكل اكتشف ان الراجل ده مجوسى فنهره ومرضاش ياكل معاه
فربنا عاتب سيدنا ابراهيم وقاله فيما معناه عبدى كفر بيه وانا صبرت عليه عمره كله انت مش قاعد تصبر عليه فى اكله
سبحان الله
اللين بدون تفريط ليه مفعول السحر
لو كنت فظ غليظ القلب لانفضوا من حولك
ربنا يجزيكى كل خير
تحياتى وحبى

المستنصر بالله said...

ماشاء الله
الموضوع دة مهم جدا لان فيه ناس فااهمه الالتزام خطأ
وفاهماه انه عبوس وغلظه وتقشف
ولكنه وجه طلق وقلب لين ولسان طيب
تحياتى لكى ست رفقه هانم

kochia said...

موضوع جميل
وفعلا فيه ناس كتير كدة نساء ورجال
بيتعاملوا بطريقة جافة جدا وكان الدين هو الشدة فقط ويناسون كل ماعدا ذلك
ويعتقدون انهم بئ من العلم الذي حصلوه اصبحت لهم المكانة التي يتعالون بها علي الاخرين لدرجة ان الاخرون لا يقبل منهم النصيحة بصدر رحب

تحياتي

لحظة said...

اختي
اصارحك القول
الحمد لله ليس بي غلظة لاحد
بل انني حريصه جدا على مشاعر الناس من حولي
الشكله في انا
الغلظة على نفسي والكابة وربما احيانا اعتزال الحياه
تحل علي هذه المشاعر كلما احاول زياده الطاعات والبعد عن المعاصي
هل هو شيطان
ام ضعف ايمان
المفروض ان المؤمن الحق يانس بالله
ويسعد بالقرب منه
هل اجد عندك اجابة؟

الطائر الحزين said...

من كان بلا خطيئة فليرمها بهذا الحجر

(اللهم استرنا فوق الارض وتحت الارض ويوم العرض)

هل لو كل الرجال ملتحين وكل النساء منتقبات لن تتواجد ذنوب؟؟؟؟؟؟؟؟

نونو said...

السلام عليكم حبيبتي
لنا في رسول الله اسوة حسنة
موضوع جميل نحتاجه كلنا
جزاك الله خيرا
تحياتي

الباحث عن الحقيقة said...

بسم الله ما شاء الله
موضوع جميل جدا يا رفقه
بسم الله ما شاء الله
ربنا يبارك فيكي ويجعلك كده داعية خير لكل المسلمات
وقدوة لغيرك من الفتيات اللي لسه غير محجبات وغير ملتزمات
وجزاكى الله كل خير على البوست الجميل ده

دكتور حر said...

ما شاء الله عليكي
دائما موضوعاتك قليه جميله

ربنا يرزقنا الثبات



بس في ملحوظة

ان الآيه

كذلك

وليست

وكذلك


وجزيت كل الخير

فاروتا المصرى said...

بارك الله فيكى اختنا
وفعلا مافى احسن من لين الكلام

Ma 3lina said...

ربنا يباركلك على المواضيع دى

دمتى بخير

لورنس العرب said...

على فكره الأمر ده كان زمان منتشر
لكن الآن الأمور تطورت الاساليب الدعويه تغيرت بشكل كبير
لكن يوجد مشكله كبيره في أمور معينه
واحد مثلا تقولي له صلي الخمس صلوات يقولك لأ انا هبدأ بأثنين وبعد فتره هاصلي 3 لغاية لما اتعود اني أصلي الخمس صلوات
يبقى ده يترد عليه يتقال له ايه؟
فيه أمر تاني
الناس أخدت أمر ادعو إلى سبيل ربك بالحكمه والموعظه الحسنه - بشكل خاطيء
وهو تسويف تنفيذ ما يجب ان يكون في الدين متبعا شعار حين ميسره
وعندما تتحدث معهم يقولوا " يا عم واحده واحده علينا - انت مالك شديد كده- الدنيا خلقت في 6 ايام" دي بردو مشكله كبيره من مستقبلي النصيحه أنفسهم

ياترى الحل معاهم يكون ايه؟؟؟

عاشقه الفردوس said...

رفقتي

انتي هتخوفيني

طيب انا منهم ولا ايه:((


بس موضوع روعه وفعلا مهم جدا ان كل الملتزمين ياخدو بالهم منه

جزيتي الجنه رفقتي

حنين.. said...

بسم الله ماشاء الله بوست جميل جدا والله يا رفقة العمر, انا كان نفسى اتكلم فيه اوى , جزاكم الله خيرا يا جميل, تقبلى مرورى

ربيــع said...

رفقتي وحشتيني اوي ^^
ازيك يارب تمام
معلش والله مكنتش بدخل وميرسي اوي على سؤالك
كنت شغاله مزاكره الترم الي فات
ازيك انتي يارب بخير

وايه الكسل دا احنا في الصيف
^^
يابنتي حتى لو طريقه عمل المهلبية حطيها في الحر دا بس بلاش كسل
^^

شوفي موضوعك اقدر اقولك فيه
"الدين المعاملة"

وانا حضرت قبل كده في ندوة ان صحيح بعض الدعاة عندهم اسلوب يحسسك ان المعصية تكفرك
وهي معصية ممكن تستغفري ودي ليها بدرجة الايمان
مش تكفير زي مفي بعضهم بيهولها

احنا مش هنقدر نقيم كل واحد
بس, نقدر نوعي نفسنا والي حوالينا بالصح

:)

رفقة عمر said...

استاذ محمد مفيد

اهلا بحضرتك
انا الحمدلله بخير جزاك الله خيرا
فعلا كلام حضرتك صح وللاسف انا صادفت ناس كانت جافه جدا فى التعامل لانى كنت بادرس فى معهد اعداد الدعاه
حتى السلام عليكم كانوا لا يقولوها
وكانت طريقتهم فظه وكانت معظهم منتقبات وعلى النقيض اعرف بنات منتقبات فى غايه الرقه والروعه وحسن الخلق
دول فهموا الدين صح وفهموا الدعوه صح
ربنا يرزقنا حسن الاتباع اللهم امين

رفقة عمر said...

المهاجر الى الله

اهلا بحضرتك
فعلا وللاسف علشان انا ليا تجربه سابقه وكنت باحزن جدا من طريقه الاحتقار اللى كنت احيان بيتعاملوا بيها معى لانى كنت محجبه ولكنى كنت لم اكن ارتدى العبايه او الاسدال
مع ان بداخلى كنت ناويه ولكن كل شئ بياتى بالتدريج لكن تقول ايه مش عارفين انهم كانوا كدة قبل الالتزام
اسعدنى مرور حضرتك

****************

منى الجميله

ازيك عامله ايه وحشتينى انتى فين

فعل الحب والكلام الطيب بلين الحجر
وانتى شوفتى تجربتى مع الحجاب لولا انها كانت تتدعونى بطريقه لطيفه يمكن كنت عاندت ومش اتحجبت وقتها
الحمد لله عل كل حال
ربنا يكرمك منى وييسر لك كل خير امين

رفقة عمر said...

المستنصر بالله

اهلا بحضرتك دائما يسعدنى مرورك جزاك الله كل خير
وطبعا كلام حضرتك صح
واتمنى من يدخل طريق الدعوه ان يتبع هذه النصائح الجميله
ربنا يكرمك ويقدر لك كل خير امين

رفقة عمر said...

كوشيا

اهلا بيكى بيسعدنى مشاركتك دايما
كل حاجه باللين اكيد بتوصل للقلب سريعا لا يوجد احد يحب من يتعالى عليه
ربنا يكرمك يارب ويوفقك


*********************

حبيبتى لحظه

اهلا بيكى

اعلم كم تشقين على نفسك هونى على نفسك وتذكرى دائما ان الله واسع المغفره
وانه رحمن رحيم
جاوبت على سؤالك عندك
ارجو ان اكون قدرت افيدك بشئ
ربنا يشرح صدرك ويرزقك راحه البال اللهم امين يارب العالمين


*****************

استاذ الطائر الحزين

اهلا بحضرتك
فعلا من كان بلاخطيئه فليرمها بحجر
ربنا يثبتنا ويرزقنا حسن الاتباع اللهم امين
اسعدنى مرور حضرتك
جزاك الله خيرا


************************

نونو

اهلا بيكى
من تجربتى مع بعض من كانوا يتعاملون معى بعنف قررت ان لا اكون مثلهم لانهم كانوا ينفرونى منهم
وانا لا احب ان انفر احد منى
لان الدعوه الاسلاميه انتشرت بالحب والمعامله الحسنه ابدا لم يكن العنف والغلظه اساسها
جزاكى الله خيرا على مرورك الكريم


******************

الباحث عن الحقيقه

اهلا بحضرتك
جزاك الله خيرا على كلامك الطيب
ربنا يبارك فى حضرتك اللهم امين



******************

دكتور حر

اهلا بحضرتك

شكرا لحضرتك جدا
الحمد لله عدلت الخطا واعتذر بجد
جزاك الله خيرا
اسعدنى مرور حضرتك

*****************


فاروتا المصرى

اهلا بحضرتك فى زيارتك الاولى
جزاك الله خيرا

*******************

د/ ماعلينا

اهلا بيك
ان بيسعدنى مرورك جدا
جزاك الله كل خير ويكرمك اللهم امين


*****************

صباح الخير يا مصر said...

العائشه فى الاحلام

***************
النفس تميل الى الكلمه الطيبه تميل الى المعامله الحسنه

كلامك فى الصميم...و انا لسه قارئ حكمه بمدونة المضيفه بتقول
الكلام اللين يغلب الحق البين-فما بالنا اذا كان هذا الكلام اللين يراد به حق بين

و الفيصل هنا كما ذكرتى قول الله عز وجل "وجادلهم بالتى هى احسن" صدق الله العظيم
جزاكى الله خيرا

سبهللة عالاخر said...

معنديش تعليق على كلامك غير قول الله سبحانه وتعالى
وادعو الى سبيل ربك بالحكمة والموعظة
الحسنة

ftataljanna said...

يااااااااااه كلامك ده بيوصف احساسي فعلا

بجد ماحدش ضامن انه لا يفتن ماحدش ضامن انه يحشر فى الصالحين ماحدش ضامن نفسه

عندنا بيقولوا مثل شعبي انا مش مغسل وضامن جنة

ماحدش عارف هو رايح فين ولا ربنا هايقبل منه ولا لا

الكبر بالطاعة ..... اعوذ بالله
عارفه دعاء جميل اوى بيقول اللخم لا تجعل مصيبتنا فى ديننا

اعظم مصيبة ماحدش يتكبر بدينه ..ولا طاعته ... لان فى باب من ابواب البلاء بتبقى فى الدين ووالله على قدر ما الواحد بيكون مرتبط بربنا على قدر ما ربنا بيعينه على انه يقرب منه تانى

ريمان said...

السلام عليكم

ولو كنت فظاً غليظ القلب لانفضوا من حولك

بوست رائع جدا يا اخى

دى اول زيارة ليا فى مدونتك

وانا سعيده جدا بيها

استمر
ربنا يوفقك ويجعل المدونه دى فى ميزان حسناتك

egyboy said...

كلامك منطقى ورائع وساعات الإنسان بيكون متعصب اكثر من الازم والله هو الأعلم بما فى القلوب

مصطفى

صاحب المضيفة said...

انا من زمان نفسي اقول الكلمتين لكل واحد متعجرف فعلا

ربنا يرحمنا برحمته ويرزقنا حسن الخاتمة ويرزقنا الهدى والتقى يارب


تحياتي وشكرا لموضوعك الجميل ده

appy said...

والله تسلمى انا بجد بقولهم دايما كده يا جماعه بالترغيب مش الترهيب
تسلم ايديكى وربنا يكرمك يا رب

أمــانــى said...

رفقتى
انا عندى وجهة نظر فى المتديين مش كلهم وحشيين فيهم طباع حادة ممكن لظروف نشأة مش اكتر وكمان يا رفقتى فى منهم بيخافوا الفتنة ممكن يكون نفوسهم ضعيفة علشان كده بيفضلوا الانعزال وده من حقهم
وبرضو الاعلام خرب كل شئ وشوه صورة الملتزميين والمتدينين
وبرضو مش هنرضى للمتدينين المتعصبين انهم يشوه صورة الباقيين
وربنا ينور لنا طريقنا الى الحق
تحياتى

Dr- Hema said...

بارك الله فيكم

فالله لا ينظر لصورنا ولا أجسامنا ولكن ينظر إلى قلوبنا وأعمالنا

ويأمرنا الرسول بعد م التشدد فى الإسلام

ولم ينتشر الأغسلام فى عصور المسلمون الأوائل إلا بأخلاق

الإسلام ورحمته بالناس وعدم قسوته فقد أزال الجهل فلا يجب نحن أن

نرجع لعصور الجاهلية والإسلام يحتاج منا لفهم...

د/هيما

مؤمنه said...

السلام عليكم ورحمة الله وبركاته
اختى فى الله رفقه اخبارك ايه دومتى بخير
موضوع جميل جدا جزاكى الله كل خير عليه فعلا تميل النفس الى الاسلوب الهادئ والمنطق والموعظة لحسنه خاصة وان كان فى امر لا تميل اليه النفس دائما لذلك جمهور الدعاه الشبان والمتحلين بالابتسامه ورقة القول اكبر من جمهور المتشددين
وفقنا الله واياكم الى صالح الاعمال
وتقبل الله منك
والسلام عليكم ورحمة الله وبركاته

رفقة عمر said...

لورنس العرب

اهلا بحضرتك
اعتقد ان الصلاه بتكون فى الاول عادة وشويه شويه تصبح عبادة فعادى ممكن نخليه يبدا بصلاه فرضين او تلاته ومع التعود اكيد هايكمل ويستمر
الصلاه بتكونن فى الاول ثقيله
فلازم اننا نفضل ورائهم طالما انهم متقبلين النصيحه لكم من لا تنفع مع النصيحه باللين فتركه لنفسه افضل حتى يعود هو ينفسه

اسعدنى مرور حضرتك


****************

عاشقه الفرددوس

ازيك ياحبيبتى انتى قمرايه
ازاى تكونى متشددة انا اتعلمت منك كتير
ربنا يبارك فيكى اللهم امين
ويثبتك على الحق


*********************

حنين

اهلا بيكى اسعدنى زيارتك الاولى
ربنا يبارك فيكى
جزاك الله خيرا


****************

ربيع حبيبتى

ازيك وحشتينى جدااااا ايه الغيبه الطويله دى
طب انا مش باعرف اعمل مهلبيه تفتكرى اعمل ايه
فعلا الدين المعامله واكيد بالمعامله الحلوة هاتكسبى القلوب النقيه لان فى قلوب لا تفيد فيها اى معامله حسنه
ربنا ينجحك يارب ونسمع الاخبار حلوة قريبا


******************

صباح الخير يامصر

اهلا بحضرتك
جزاك الله خيرا
على مرورك الكريم


*****************

سبهلله على الاخر

اهلا بحضرتك اسعدنى مرورك جدا
جزاك الله خيرا

رفقة عمر said...

فتاه الجنه الجميله

ازيك حبيتى اخبار الدراسه
ربنا ينجحك الله امين
فعلا عندك حق
ربنا يحسن ختامنا جميعا
ربنا يكرمك يارب


*******************

ريمان


وعليكم السلام ورحمه الله وبركاته
على فكرة انا بنت مش رجل
نورتينى


******************

egyboy

اهلا بحضرتك

شكرا على مرورك الكريم

*****************


صاحب المضيفه

اهلا بحضرتك
الحمدلله ان الموضوع عجب حضرتك
جزاك الله خيرا


********************


العزيزة ابى

دايما مرورك بينور المدونه
ربنا يكرمك يارب اللهم امين


*******************

رفقة عمر said...

امانى الطيبه

منوره التدوين كله
انا معامى فى كلامك
بس بجد فيه ناس عندها كبر فظيع
عافانا الله ان نكون منهم اللهم امين
اسعدتينى جدا امانى
ربنا يكرمك يارب


*******************

dr hema

اهلا بحضرتك
اسعدنى مرورك الكريم
ربنا يكرمك يارب


***************

مؤمنه

اخبارك ايه يارب تكونى بخير
اتمنى انك مش تغيبى تانى
ربنا ييسر لك الامور اللهم امين