Monday, March 31, 2008

فى رحاب الرسول صلى الله عليه وسلم

جاءنى هذا التاج من الاخت الفاضله امه الله (نسيم الجنه) وطبعا من احلى التاجات اللى وصلتنى جزاها الله خير عليه وعلى تمريره لى
لو سألك غير مسلم عن نبي الإسلام بماذا ستجيبه في سطور

هاقوله لماذا نبيا محمدا صلى الله عليه وسلم الوحيد من الشخصيات التا ريخيه ( ذكرت التاريخيه هنا لانهم لايعتقدون انه صلى الله عليه وسلم مرسلا من رب العزة وانه اخر الانبياء بدليل انهم يقولون انه هو الذى الف القراءن علشان بس مافيش حد يزعل من الكلمه) الذى تهاجمونه لم اجد شخصيه اثرت فى فكر وعقيدة العالم وهجومت كما تهاجمون الرسول الكريم هناك افلاطون وسقراط واديسون والاسكندر الاكبر وغيرهم من الشخصيات لايجرؤ احد على مهاجمتهم او التقرب منهم كانهم شخصيات مقدسه فلماذا الرسول وانتم تعلمون انه مرسلا من الله سبحانه وتعالى وانه خاتم الانبياء
اعلم انكم تعلمون جيدا انه افضل البشر جميعا مع كونه بشر ليه مش تنظروا الى ايجابياته واعتقد ان ايجابياته لا تخفى على احد منكم
كفى وصف رب العزة له بقوله تعالى ( وَإِنَّكَ لَعَلى خُلُقٍ عَظِيمٍ )وياليتنى اجد الاجابه لديكم
اتيحت لك الفرصه لرؤيه رسول الله أى الاماكن تريد ان تقابله فيها ؟
مش عارفه بصراحه بس اى مكان المهم انى اشوفه بس احب انه يزورنا فى بيتنا علشان افتخر بهذا الشرف العظيم واتمنى ايضا اراه عند دخولى القبر بعد الموت حتى يطمنى ويرفع عنى الفزع من دخولى القبر ويشعرنى بالامان
وماذا ستقول له ؟
يااااه هاقوله كلام كتيرانا احيانا اصلا باتكلم معاها واشتكيله لان صلواتنا عليه بتوصله يبقى اكيد لما اكلمه كلامى بيوصله وهاعتذرله على تقصيرنا فى اتباع سنته وهاشتكيله من تصرفات المسلمين مع بعضهم وازاى مسلم يياذى مسلم مع انه وصى صلى الله عليه ان حرمه المسلم اكبر من حرمه الكعبه نفسها
اذكر مقوله قالها النبى صلى الله عليه وسلم كنت تتمنى ان يقولها لك
اتذكرون حكايه الصحابى جليبيب رضى الله عنه (القصه الكامله هنا) دة كان صحابى فقير دميم
فاراد الرسول ان يزوجه فعرضه على الصحابه ليزوجوه احدى بناتهم فقال جليبيب للرسول صلى الله عليه وسلم اترانى كاسدا يارسول الله فقال الرسول ولكنك عند الله لست بكاسد قد ايه الحكايه دى بتاثر فيا تاثير شديد لما فيها من الحنان والرحمه دة قائد ازاى بيهتم بواحد من اقل رعاياه وكمان عايز يزوجه وفعلا زوجه من اجمل بنات المدينه وبعد زواجه بقليل خرج فى غزوة مع الرسول بعد الغزوة سال الرسول اتفقدون احدا ذكر الصحابه معظم الناس ولكن الرسول رد عليهم ولكنى افتقد جليبب لكم تبكينى هذه المقوله ليتنى كنت مكان جليبيب لانعم بهذا الحنان والعطف من الرسول الكرييم
كيف تعرفت على سيرة سيدنا محمد ؟

بصراحه من الافلام وانا صغيره لما كبرت عرفت من الكتب وكمان من الدروس فى المساجد وبجد مع انى عمرو خالد بعد عن طريق الدعوه من افضل مااااا سمعت عن الرسول برنامج على خطى الحبيب بجد روعه لانه جعلنا نشاهد الاماكن الحقيقه بجد عمرو خالد احسن الناس سردا للاحداث اسال الله ان ييعود مره اخرى لسابق
عهده فى الدعوه
اذكر خلق من اخلاق النبى صلى الله عليه وسلم واستشهد بموقف
هاذكر ايه ولا ايه يكفى ان السيدة عائشه قالت عنه كان خلقه القرءان صلى الله عليه وسلم بس فيه موقف بصراحه ببيبهرنى فيه من تواضع الحاكم وعدم استبداد ه برائييه وهو موقفه فى غزوة بدر عندما اختار موضع للمعركه وجدة احد الصحابه غير مناسب فسال الرسول الموضع دة بوحى من الله ام هى الحرب والمكيدة فقال له الرسول بل هى الحرب والمكيدة فاقترح عليه الصحابى موضع اخر فوافق الرسول ولم يستبد برائيه وهو من هو صلى الله عليه وسلم
هل هناك تأثير لرسول الله صلي الله عليه وسلم على "شخصيتك أو حياتك أو بيتك "
إذا كانت الإجابة نعم فاذكر مثالاً واحداً لكل منهم
اكيد لازم تكون الاجابه بنعم دايما لما اتعرض لاى موقف او ابتلاء او اذى من الاخرين اتذكر الرسول صلى الله عليه وسلم واقول اذا كان حبيب الله تعرض لاكثر من هذا فمبالى انا بجد بتصبر كتير قوى لما اتذكر ما تعرض له الرسول فى حياته
صلى الله عليه وسلم
امرر التاج دة
لمجداويه
ولفرنسا هانم
والمستنصر بالله (اليقيين)
وكرياكو
وساعد نسرين الايمن
وعبدالله
وقوت القلوب


no fear
هبه المحبه للاسلام
مصر تانى
بجد مش عارفه مين اللى جاوب على التاج لانى كنت الفترة الاخيرة مش كنت بدخل النت ومش بتابع المدونات
ارجو من لم يجاوب عليه ياريت يتفضل بالاجابه عليه

33 comments:

صاحب المضيفة said...

أول تعليق


ماشاء الله تبارك الله على مساهماتك الجميلة

اجابات جميلة رقيقة

دمت بود

المستنصر بالله said...

اجاباتك مؤثرة جدا
وجزاك الله خيرا لتمرير التاج لى

الطائر الحزين said...

جميل بارك الله فيك



وانك لعلى خلق عظيم

تحياتى

mohand said...

تحياتي اختي العزيزه

ان شاء الله تكوني بخير

قريت التاج واجابتك كالعادة


جميله

بنت الصالحين said...

رفقه عمر ربنا يصلح حالك ويرزقك برؤيه الرسول اللهم امين



:::::::

اجابه السؤال الاول غريب اوي


بس تعرفي برده بيدل علي شخصيتك الطيبه اللي بتطلع الكلام بعفويه وتلقائيه

عصفور المدينة said...

اللهم صل وسلم وبارك على عبدك ورسولك محمد
إجابات مرهفة الحساسية بارك الله فيك

Empress appy said...

ربنا يبارك فيكى بجد

فرنسا هانم said...

حبيبه قلبى رفقه عمر
الله الله الله على اجابتك
كنت مستنيه اجابتك انتى بالذات على التاج ده
روعه بجد روعه
تحياتى لكى رفقه عمر
وشكرا على تمرير التاج لى
لكن انا جاوبته من اسبوع

http://kasperb4.blogspot.com/ said...

ما شاء الله عليكي
مش هقول اكتر من اللي قبلي قالوه

اللهم صلي وسلم وبارك على سيدنا محمد
ربنا يرزقنا شفاعته ولا يحرمنا رؤيته ويسقينا من يديه الشريفة شربة لا نظمأ بعدها ابدا

-------
معلش يا رفقة انا اسف
راجعي الآية اللي ذكرتيها في اول اجابة

وَإِنَّكَ لَعَلى خُلُقٍ عَظِيمٍ
:)

محمد said...

جميل أن أجد بين العدد المهول من المدونات مدونة تتحدث عن الرسول صلى الله عليه وسلم

جزاك الله خيرا على إجاباتك الطيبة
:)

المهـ إلي الله ـاجر said...

اللهم صلي وسلم وبارك عليك يا حبيب قلوبنا يا رسول الله

اجاباتك أكثر من رائعة .. وذكرتيني بقصة جليبيب التي تبين مدي رقة وحنان وروعة هذا النبي سيد ولد بني آدم


جزاك الله خيرا (:

عاشــــــ النقاب ـقــــة"نونو" said...

صلى الله عليه وسلم
بارك الله فيك

كرياكو said...

السلام عليكم

جزاكى الله خير

على اجاباتك الجميلة


ومتشكر اوى على تمرير التاج

مـحـمـد مـفـيـد said...

اجابات مميزه ومختصره وعميقه
جزاك الله خيراً

مجداوية said...

رفقة عمر
ورفقة الى الجنة باذن الله
جزاك الله خيرا غاليتى على أنك تذكرتينى بهذا التاج الرائع وهو الأول الذى يصلنى ولكم أفخر أن يكون الكلام فيه عن رسول الله صلى الله عليه وسلم وسوف أجيب عنه ان شاء الله
جزاك الله الفردوس ورفقة الحبيب فى الجنة

تــــ(حـنة)ــــر said...

اللهم صلى وسلم وبارك على أمام أنبيائك وسيد رسولك
محمد الطاهر الأمين المصطفى المختار
......
صلى الله عليه وسلم

abdallah mortada said...

السلام عليكم


ربنا يثبتك يارفقة وان شاء الله تشوفى الرسول في المنام ويارب اطلع معاكو في المنام :))

اجاباتك على التاج مش حلوة .. لان ده الطبيعي انو يتجاوب بيه... فالاجابات مكنتش حلوة خالص ... دي كانت رائعة


بالنسبة للتاج بقى ايديني مهلة كدة عشان الواحد مشغول في الدرساة اليومين دول

دعواتك

محمد عبد الرحمن said...

إجابات روعة
وليست بالغريب عليك مثلها

قصة جليبيب عبرة لمن كان له قلب وأنا بعد أن قرأتها أعد لدراستها لإستخلاص بعضا من فيض دروسها حتى هذه اللحظة وجدت فيها نيفا وعشرين درسا

بارك الله فى حضرتك وأعزك

Anonymous said...

كل سنة وانتي طيبة بمناسبة المولد النبوي الشريف ولو انها متأخرة وكل سنة بمناسبة يوم اليتيم ولو انها بدري يوم
كنتي مستني التاج بس يلا مفيش نصيب بقا
بهرج قبل ما تزعلي

Makeawish said...

السلام عليكم
ازيك يا(رفقة عمر )دي مدونتي الجديدة وعليه العوض في القديمة دي
ahmed-makeawish

الراقـــص مع الذئـــــاب said...

السلام عليكم
التاج جميل والاجابات روعة
ربنا يثبتك يا رفقة ويجازيك خير إن شاء الله


اللهم صلي وسلم وبارك علي محمد وانزله المقعد المقرب عندك


دمتي في خير

Anonymous said...

تصدقي بقا كده انا فعلا زعلت لاني حسيت انها شحاتة انا اسف ليكي بس انا كنت بهرج وانا برفض التاج وشكرا لاهتمامك

ma 3lina said...

السلام عليكم ورحمةالله وبركاته
الحمد لله على السلامة يارفقة
لعل سبب انقطاعك عن مدونتي هو خير .. واسعدني كثيرا تعليقك ..

أما عن تساؤلك عن قصدي من الموضوع .. ففيه موضوعين أحب انك تطلعي عليهم في نفس الموضوع .. وهما لمدونين آخرين
فالموضوع الأول .. للباشمهندس عصفور المدينة في مدونته قطاع الأخبار

الموضوع الأول

والموضوع التاني تعليق إبراهيم أبو سيف في مدونة بنت سعد
الموضوع الثاني

أرجو أن تكون كلماتهم أوضح من كلماتي .. ولا تنسيني من صالح دعائك

صوت من مصر said...

اجابتك جميله جدا

منى said...

ماشاء الله
ربنا يبارك فيكى
ويوعدنا جميعا بصحبه الحبيب المصطفى
تحياتى

شريف طلال said...

تاج جميل
و بجد ما شاء الله على اجاباتك
شكراً ليكى
تحياتى

ا بـن عــمــر said...

جميلة جدا قصة جليبيب
جزاك الله خيرا

Anonymous said...

لا الاه الا الله
محمد رسول الله
ان تنصروا الله ينصركم و يثبت أقدامكم
ثبتك الله على الدين

حائر في دنيا الله said...

صلى الله على محمد صلي الله عليه وسلم

مجداوية said...

يا رفقة العمر

هل هناك اخبار سعيدة قادمة ؟؟؟؟

Empress appy said...

بسم الله ماشاء الله حلو اجابتك ربنا يهدى الجميع

dr. Ahmed Sakr said...

ما شاء الله

إجابات رائعة

وكلماتك ممتازه

جزاك الله الجنة أختى الكريمة

Anonymous said...

بارك الله فيك وثبتك على الدين وان شاء الله تكون اجابتك عن نبيك هى نفسها اجابتك للملكين لما يسالوكى من نبيك