Tuesday, December 30, 2008

عييييييييييب


طبعا ان شاء الله بكرة ليله راس السنه وما ادراك ما ليله راس السنه فياريت الناس اللى بتحضر لها وبتستعد للاحتفال بها بسهرات ماجنه ورقص وخمور اتقوا الله وعييييييب عليكم يكونوا اخوانكم المسلمين بيبادوا وتهدم البيوت فوق رؤوسهم وهم نائمون والمساجد تهدم وتقذف عربات الاسعاف بالطائرات وانتم تعبثون وتسهرون سهرات ماجنه لا يرضى عنها الله

قال رسول الله صلى الله عليه وسلم من لم يهتم بشئون المسلمين فليس منهم يعنى مش مسلم يعنى خرج عن المله لان دة من صميم العقيدة الاهتمام بشئون المسلمين

يارب كل سهراتكم تصير نكدا ووبال عليكم اللهم حول سهراتهم حزنا والما

بحق قولك وتلك الايام نداولها بين الناس

عييييييييييب عليكم
قال رسول الله صلى الله عليه وسلم (اذا عملت الخطيئه فى الارض كان من شهدها فكرهها وانكرها كان كمن غاب عنها ومن غاب عنها فرضيها كان كمن شهدها )9
وقال ايضا صلى الله عليه وسلم (ان الناس اذا راوا الظالم ولم ياخذوا على يديه اوشك ان يعمهم الله بعقاب من عنده )9
اقراوا هذا الخبر

قررت بلدية مدينة إسطنبول التركية اليوم إلغاء الاحتفالات برأس السنة الميلادية الجديدة التي كانت مقررة بعد غد الأربعاء، وذلك بسبب الاعتداءات الإسرائيلية على قطاع غزة.

ونقل موقع صحيفة حريت عن بيان أصدرته البلدية "تقرر إلغاء برنامج الاحتفالات الذي أعدته بلدية إسطنبول في 31 ديسمبر/كانون الأول في ساحة تقسيم بسبب التطورات الأخيرة في منطقتنا" وذلك في إشارة إلى الهجمات الإسرائيلية على قطاع غزة المتواصلة منذ السبت بقيه الخبر هنا.


انا مستغربه بجد ازاى بتقدروا تتضحكوا اساسا كل ما اجى اضحك انكسف من نفسى

يبقى ازاى هاتقدروا تحتفلوا وترقصوا وتغنوا


6 comments:

سلوى said...

للأسف في ناس هتحتفل

التنويه عن الحفلات شغال في القنوات الفضائيه


ربنا يهدي

romansy said...

ياريت فيه حد يسمع وحد يشوف

بس احنا والدول العربيه بيموتوا فى الحفات دى
لانها لاسف بتكون بزنس كبير ليهم


ربنا يرحمنا برحمته

AHMED SAMIR said...

وهو معقول برضة لسة في حد بيسهر ليلة رأس السنة و حفلات ماجنة وكدة....
بصرف النظر عن غزة
محدش لسة بيعمل كدة
انا بيتهيأ لي ان اخر حد حضر حفلة ماجنة في رأس السنة كان سنة 92 او 93 بالكتير
تحياتي

موناليزا said...

مش الكل واضع الموضوع فى دماغه
اتفرجى على التليفزيون مفيش ولا برنامج اتلغى

رفقة عمر said...

سلوى

ايوة عارفه وكل ما اشوف الاحتفالات اتغاظ قوووى
ربنا لاتؤخذنا بافعالهم


*********************

رومانسى

للاسف هما متبعين سياسه
لا اسمع لا ارى لا اتكلم
انا باتخيل نفسى لو مصر جه عليها الدور واصحى من النوم الاقى نفسى السقف وقع عليا وانا فى الشارع والناس بطلعنى من تحت الانقاض
طفله فلسطينيه كانت كدة واخوها جنبها ميت

فعلا ربنا يرحمنا برحمته


******************

احمد سمير

انا اعتقد انها زادت مش قلت دة بيحتفلوا بعيد الحب يبقى مش هايحتفلوا بليله راس السنه
شوف شجره الكريسماس موجودة فى كل المحلات كانه عيد اسلامى
دة السنه الهجريه مرت مرور الكرام ولا حد فكر يحتفل بيها
بكرة تشوف القنوات هاتتحتفل ازاى وهاتشوف السهرات وبرامج الضحك والهزار

*****************

موناليزا

فعلا انا شوفت ومتغاظه قوى بجد طيب احنا مش عارفين نساعدهم
اضعف الايمان نشاركهم احزنهم ونحزن لحزنهم
ربنا يستر

الميكروباص said...

ولله الناس عاوزه تهيص
وفيه ناس كتير محدش فيهم على باله اي حاجه
طالما انه عايش في امان يبقى خلاص
يطبق مبدا انا ومن بعدي الطوفان