Tuesday, July 21, 2009

دعوة للستر تحديث

تحديث مفرح
بفضل الله واحده من صديقاتى اتصلت بى امس كانت نفسها تلبس النقاب ولكنها كانت مترددة عندما علمت بارتدائى النقاب بفضل الله ستلبسه يوم الجمعه سالتها اشمعنا يوم الجمعه قالت لانى مش هاخرج الا يوم الجمعه سالبسه اول ما اخرج وفعلا هى اشترته بتجربه حتى تتعود عليه سعدت بخبر انتقابها جدا وحبيت اسعدكم معى ربنا ييسر لجميع بنات المسلمين اللهم امين ويستر ويعف جميع بنات المسلمين ربنا يثبتها اللهم امين
الموضوع دة كنت فعلا مش عارفه كيف ابداه الكلام بداخلى كثير والافكار متدافعه اريد ان اتحدث عن احساسى ومشاعرى ويقينى بهذا الامر

اتذكرون السيدة التى تم اختطفها من منزلها من قبل 11 شخص وتم اغتصابها لانها كانت تقف فى بلكونه بيتها وعجبت اصحاب النفوس المريضه الذين لا يرقبون فى مؤمن اله ولا ذمه وقضايا التحرش المنتشر انتشار النار فى الهشيم لماذا يحدث هذا ماذا تغير
لم اجد مبرر سوى خروج المرأة بسبب وبدون سبب ويالتيها تخرج فقط انها تخرج كانها ذاهبه الى غرفه النوم ماهذه الملابس الفاضحه ماهذا التبرج تبرج غلب تبرج الجاهليه ان تبرج الجاهليه اللى ذكرة الله فى القران ( ولا تبرجن تبرج الجاهليه الاولى) اهون بكثير كانت المرأة تكشف جزء من راسها وجزء من رقبتها دة اقصى تبرج يعنى فتيات اليوم غلبن تبرج الجاهليه الاولى

انا كنت بنت عاديه زى اى بنت احب البس وخصوصا التوكيلات العالميه الايطالى منها خصوصا واعشق البرفانات ولكن بفضل الله كنت التزم الحشمه ولا احب ان تكون الملابس فاضحه ولكنى كنت احب اشوف نفسى جميله زى اى بنت ولكن ما كان يؤرقنى نظرات الرجال لى وتعليقاتهم كيف امنع نظراتهم لى انا اخافهم كثيرا ان المراه بالنسبه لهم فريسه يريدون اصطيادها فى اى وقت الا ما رحم ربى او من يراعى الله ويخاف على اهل بيته فبيراعى بنات الناس ودة قله عندما بدات فى الالتزام اكتر وقرات فى الدين اكتر علمت ان حجابى هذا ليس بحجاب الحجاب له شروط الا يكون زينه فى نفسه الا يصف ولا يشف بدات ازهد فى ملابسى بدات شهوه حب التزين والتعطر تقل عندى رويدا رويدا حتى احببت لبس العبايات ولكن مازالت نظرات الرجال تلاحقين ليس لكم الحق فى النظر الى ربى خلقنى لشخص واحد فقط سالت انا لابسه العبايه لما ذا اذن هذه النظرات حتى وجدت ان وجهى مكشوف والوجه دائما فيه علامات الحسن والقبح لماذا يحب الرجال هيفاء وهبى ولا يحبون عائشه الكيلانى اكيد الفرق فى جمال الوجه والتزين الزائد عن الحد الحمدلله انا حتى من قبل التزامى لا اضع ميكياج لانى افضل انا اكون على طبيعتى وشعرت ان وضع الميكياج عدم رضا عن خلقه الله وكمان ملفت لانظار الرجال اكتر كانى باقول للرجل انظر لى اكثر

عندما وجدت النظرات مازالت تلاحقنى بعد وفاه والدى كنت لا احب الخروج كثيرا وتركت صحبتى ولقاءتنا سويا وايضا ابى كان يقوم بكل معاملتنا اصبحت انا ادفع فاتورة الكهربا ويرانى عامل الكهربا او عامل الغاز او غيره مما نحتاجه ونضطر اليه فى حياتنا فكرت كثيرا فى النقاب ولكن كنت خايفه جدا لانها خطوة شديدة جدا وهايطالبنى انى اغير كثير من تصرفاتى مثلا ازواج اخواتى البنات لازم اظهر امامهم بالنقاب لو اكلت خارج البيت فى مكان عام كمان موضوع الزواج هايكون لازم اشيله وقت ما يجى عريس حتى يرانى يبقى عملت ايه وتاجل موضوع النقاب كثيرا حتى التحقت بالجامعه اللى باحفظ فيها قران وجميع ما فيها منتقبات وقرات قصه انتقاب عاشقه الفردوس وتمسكها به وايضا قصه انتقاب الفنانه حلا شيحه هنا حتى استقرت نفسى الى قرار النقاب بفضل الله ومنته اشتريت النقاب واصبحت ارتديه واجربه فى البيت حتى اتعود عليه بالاضافه الى تشجيع احد الاشخاص لى بارتدائه هذا ما قوى عزيمتى اكتر جزاه الله عنى خيرا وسافرت وقررت فى سفرى هذا ان ارتديه لاعود به الى مدينتى وهو يزين وجهى والحمدلله من الله عليا به وتشبهت بامهات المؤمنين وحميت نفسى من نظرات الرجال ان لم يستطيع ان يتحرش بى بيده فسوف يتحرش بى بنظراته اليست النظرة سهم من سهام ابليس اليس الوجه هو ما نحدد به درجه جمال وقبح هذا الشخص اللى بيتزوج بيختار اى بنت من وجهها اول حاجه يبقى الاولى تغطيه الوجه

اقسم بالله العظيم لم يكن فى بالى اننى ارتدى النقاب فى يوم من الايام او حتى البس العبايه ولكن ذلك فضل الله يؤتيه من يشاء االملابس الكاجوال كانت معشوقى عندما ارتديت العبايه قالت لى صديقاتى انتى بهدلتى فى نفسك كدة ليه احنا كنا بننتظرك لما تيجى الجامعه علشان نشوف لابسه ايه النهاردة ولما راوا اعتزازى بالعبايه لبسن جميعا العبايه والاسدال كمان والان اتنين يفكرون ويهيؤون نفسهم لارتداء النقاب بفضل الله بس اكتشفت حاجه غريبه ان المنتقبه دى انسانه ممكن تغضب وتحب وتكره هى بشر وليس العيب فى النقاب ولكنها لم تستطع ان تتخلى عن بشريتها بحاول اكون انسانه افضل بعد النقاب بحاول اكون سفيره للنقاب لو لم يكن النقاب من الدين لا رتديته حمايه لى من المتطفلين ومن ان يتحرشوا بى بعيونهم عاوزين تعرفوا اهميه النقاب انظروا الى هذه الايه من سورة الاحزاب

يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا

انظروا الى ذلك ادنى ان يعرفن فلا يؤذين اليس انتى بخروجك متبرجه تؤذين كل يوم ويتحرش بك كل يوم الاصل فى النساء ان تقر فى بيوتهن ولكن الظروف اضطرتنا للخروج فلا تلومى الا نفسك اذا تحرش بك احدهم واذا لم يستطيع ان يتحرش بك وكانت نفسه مريضه تحرش باخرى او خطف اخرى واغتصابها او اغتصب طفله او حتى اغتصب امه او اخته او خالته والحوادث ملئ بهذه الاخبار

انت بتبرجك اختاه سببا فى كل ما يحدث الان من انفلات اخلاقى

ان فتنه النساء من اشد الفتن على الرجال واضرها وهى اول فتنه بنى اسرائيل قال عليه الصلاه والسلام اتقوا الدنيا واتقوا النساء فان اول فتنه بنى اسرائيل كانت فى النساء رواه مسلم

وعن اسامه بن زيدرضى الله عننهما عن النبى صلى الله عليه وسلم قال ماتركت بعدى فتنه اضر على الرجال من النساء رواة البخارى ومسلم
لقد خلقنا الله سبحانه وتعالى ولم نك شيئا وهو اعلم بما ينفعنا وما يضرنا ولهذا ارتضى لنا دينا مبنيا على قاعدة عظيمه وهى تحقيق المصالح وتكثيرها وتعطيل المفاسد وتقليلها
بفضل الله ارتديت النقاب باقتناع تام بالعكس اهلى معترضون بسبب الزواج ولكن كل شئ بقدر زى لا مفر من الموت فانه ايضا لا مفر من الرزق الزواج رزق مقدر منذ القدم

اختى فى الله جائتنى هذه الرؤيه بعد ارتدائى النقاب جاءنى رجلا كبير وكانت هناك فتاه ترتدى الحجاب كامل ولكنها تتضع كل مساحيق التجميل على وجهها فوجه الشيخ الكبير الكلام لى وقال قولى لاختك الم يقل الله فى كتابه العزيز
ولا يبدين زينتهن الا لبعولتهن
اين اختى امتثالك لامر ربك الذى خلقك فسواك فعدلك ورزقكى الزوج الذى تنعمين تحت جناحه

اسالك سؤال برئ اذا لم تستطيع حتى الان ان تلتزمى فى ملابسك فلماذا ترتدينها ولماذا تتضعين الميكياج ولماذاترتدين ملابس لا تلبس الا للزوج وماذا تفعلى اذا اغتصبت طفله بسببك تعلمين ان اكثر الناس صلاحا ممكن ان يفتن بك اتعلمين الامام الشافعى كان سريع الحفظ وانكشف يوما كعب امراه امامه ونظر اليه وهو من هو من الصلاح والتقوى والعلم تعلمين انه نسى الحفظ واستغفر الله من هذا الذنب مجرد رؤيه كعب امرأة كتب عليه ذنب واستغفر منه
سؤال الى الرجال لماذا تنظر الى المرأة ؟ لك مبرر فى النظر الى المراه المتبرجه ما مبررك فى النظر الى امراه محجبه ملتزمه تريد رضا الله ورسوله ولماذا تحاول اغوائها بكلماتك العابرة التى ليس لها اى مبرر مجرد انها مرت امامك او ركبت معك فى المواصلات العامه ولماذا تريد ان ترتدى زوجتك ملابس ملفته وتتزين لك فى البيت اليس لكى تتمتع بها فلماذا تنظر لامرأة غيرك

انظروا الى كلام الغرب لاننا لا نقتنع الا بكلام الغرب

هيليسيان ستانسيرى صحفيه امريكيه اعترفت فى زياره لها لاحدى المجتمعات الاسلاميه باضرار الاختلاط وكان مما قالت انصح بان تتمسكوا بتقالديكم واخلاقكم امنعوا الاختلاط وقيدوا حريه الفتاه بل ارجعوا لعصر الحجاب فهذا خير لكم من اباحيه وانطلاق ومجون اوربا وامريكا امنعوا الاختلاط فقد عانينا منه فى امريكا الكثير لقد اصبح المجتمع الامريكى مجتمعا بكل صور الاباحيه والخلاعه ان ضحايا الاختلاط يملؤون السجون ان الاختلاط فى المجتمع الامريكى والاوروبى قد هدد الاسره وزلزل القيم والاخلاق
ذَلِكَ أَدْنَى أَنْ يُعْرَفْنَ فَلَا يُؤْذَيْنَ
مايكل جاكسون فسر هذه الايه بطريقه عفويه سبحان الله لبس النقاب وهو فى البحرين خوفا من اذى المعجبين وحتى لا يعرفه احد
لم يجد سوى النقاب لتجنب تحرش المعجبين والمعجبات به وهو فى البحرين اليس هذا دليل على معنى الايه ذلك ادنى ان يعرفن فلا يؤذين تمشين فى الشارع لا يعرفك احد ولايعرف تفاصيل جسدك ولا لون بشرتك ولا ملامح وجهك فلا يؤذيك بتحرشه وتفحصك بنظراته
ايتها الجوهرة الثمينه ان لم تقدرين على ارتداء النقاب فارجوكى لا تتبرجى وارجوكى ارحمى اختك واخيكى من تبرجك اختك تحميها من ان يتركها زوجها او خطيبها بسبب تبرجك او ان يغتصبها لانه يراكى كل يوم معه فى العمل وتحمى اخيكى من انه يكتئب انه لا يستطيع الوصول اليك او انه يقع فى الرزيله
هذه التدوينه دعوه للستر حل للتحرش الذى تشتكين منه وتملئين الدنيا شكوى منه
هنا تفسير للايه سورة الاحزاب اقرايها بقلبك
كونى لرجل واحد فقط هو زوجك احمى نفسك من التحرش بالنظرات
الى من يعيبون على النقاب هل عندما يعيب الغرب فى الاسلام هل معنى كدة ان الاسلام وحش ولا احنا اللى وحشين يبقى يحق للغرب يعيب فينا كما يشاء لاننا نؤذى بعض ونخالف العهود ونخون الامانه واستحللنا الحرام يبقى العيب فى الاسلام ولا فينا ارجوكم كفايه هجوم على النقاب لماذا لا تهاجمون البنطلون الضيق والبدى لماذا لا تهاجمون العرى يادعاه الفضائيات امثال سعاد صالح نفسى تغضبى وتشتمى فى اصحاب الملابس الخليعه كما شتمتى فى النقاب
سعيدة بلقب كيس زباله كما يطلقونه العلمانيون على صحويبات النقاب افضل من لقب مزة
سبحانك اللهم وبحمدك اشهد ان لا اله الا انت استغفرك واتوب اليك
على فكرة دة المفاجأة التانيه اللى كنت قلتلكم عليها
انا حبيت اتكلم عن تجربتى فى النقاب علشان تعرف كل بنات ان المنتقبه كانت بنت عاديه زيها وكانت زى اى بنت الى ان من الله عليها بالهدايه مافيش حاجه مستحيله على الله وان المنتقبه ليست كائن غريب او كائن مرعب
كذلك كنتم من قبل فمن الله عليكم
دة فيديو ياريت تشوفوه

26 comments:

mohamed ghalia said...

ربنا يكرمك ويثبتك
ويسعدك دايما
بالتوفيق فى حياتك القادمة

Ahmed Al khashab said...

ألف مبروك لحضرتك
و ربنا يثبتك يا رب
--------
أصعب حاجة فى الموضوع هو الثبات
ربنا يثبتك يا رب

موناليزا said...

:) ماشاء الله والله اكبر
ياريتنى كنت معاكِ دلؤتى عايزة اسلم عليكِ اوى واقولك الف مبروووووووووك
وربنا يثبتك يارب

(صندوق الدنيا) said...

الله يسترك ويعزك ويكرمك يا رب

مجداوية said...

السلام عليكم
يا أحلى رفقة عمر
الحمد لله أن من عليك بفضله والحمد لله أنني رأيتك بالنقاب وهنأتك عليه بنفسي فهكذا تحفظ الجواهر الثمينة وأنتي بالفعل أحلى جوهرة وأغلى جوهرة

لكن صورة مايكل جاكسون سلاح ذو حدين فهو تشبه بالنساء وهذا حرام ومعيب وأساء استخدام النقاب فهو أظهر بصورة واضحة كيفية اساءة استخدام النقاب في التستر وهو ما تفعله الفاسقات والمجرمين رغبة فقط في التخفي وليس طاعة لله
فأعتقد أنه مثال غير موفق

وعلى فكرة النقاب أيضا كان أيضا للملكات والأميرات الغير مسلمات في عهد مضى لأن الشريفة هي التى كانت تغطي وجهها أما الوصيفة فكانت سافرة الوجه !!!

ربنا يثبتك ونسأل الله أن يهدينا لما هداك ويتم فضله علينا

وشكر خاص جدا جدا للآيات القرآنية

:)

مجداوية said...

أه نسيت اسمها مزّة مش موزة

:)
:)

smraa alnil said...

رفقتي
بجد مبسوطة اوي من البوست دة
وانا كنت من اوائل الناس اللي عرفت بالموضوع دة
مبروك يا ست البنات

وانا فرحنالك اوي علي فكرة
يارب يثبتك ويثبت قلبك علي الخير ومحبة الخلق ويرزقك بالزوج الصالح

علي فكرة انا جاتلي اعراض الولادة من يوم الخميس ولما حسيت بالوجع دعيتلك انتي وكذا واحدة بحبهم في الله برضه

وان شاء الله هولد بكرة ومش هنسي ادعيلك برضه
ادعيلي انت بس

وانتي اصلا قمر وكان ليكي حق تنتقبي
:))

abdo said...

أكرمك الله وجواكى الله خيرا
وثبتك وجعل ذلك فى ميزان حسناتك
حقا والله كل ما تقولين صدق
فوالله أنا أحد الناس إذا ما رأيت امرأة منتقبة النقاب الصحيح إلا دعوت الله لها بالثبات وكنت فيما سبق أدعوا الله بأن يرزقنى الله الزوجة الصالحة والحمد لله من الله على بها كما أريد منتقبة وحافظة اللهم بارك لى فيها واحفظ نساء المؤمنين

رفقة عمر said...

استاذ محمد غاليه

جزاك الله خيرا


*********************

استاذ احمد الخشاب

الله يبارك فى حضرتك نسال الله الثبات والاخلاص اللهم امين


*********************

موناليزا

كلامك ومشاعرك فرحتنى قوى ربنا يسعدك يارب ويفرح قلبك

*****************

د/ ام البنين

اهلا بحضرت
اللهم امين ربنا يستجب منك الستر دة نعمه كبيره قوى ربنا يسترنا فوق الارض وتحت الارض ويوم العرض عليه


**********************

استاذه مجداويه

دايما تعليق حضرتك بيضيف جديد نفسى التعليقات كلها تكون كدة ربنا يخليكى ليا يارب بجد حضرتك اخت جميله قوى وسعيدة بحضرتك جدا

بخصوص صورة ما يكل جاكسون
احيانا الغرب يلجأون لامور فى التشريع الاسلامى ليحلوا بها مشاكلهم وليس تقربا الى الله وليس التزاما ولكنهم وجدوا ان الحل فيها
وانا فكرتى مع ان مايكل جاكسون لم يلبسه امتثال لامر الله ولكنه لبسه حتى يتجنب الاذى ولا يعرفه احد
تعرفى حضرتك انا نفسى صورة مايكل اقنعتنى ان ربنا يقصد النقاب وليس الحجاب فقط فى هذه الايه
ذلك ادنى ان يعرفن فلا يؤذين
ازاى الناس لا تعرفنى الا لما اكون وجهى مغطى الوجه هو اداه التعريف الوحيدة للانسان من غير ان يعرف نفسه
وبخصوص اللى بيستخدمه ليعملوا بها امور اجراميه
برضه علشان مافيش حد يعرفهم وبالتالى لا يؤذون
بالعكس تصرفاتهم كلها تفسير ان الله يقصد من هذه الايه النقاب
يمكن انا كنت شايفه ان الحجاب كفايه بس بجد فى زمن الفتن اللى احنا فيه وكثره الاختلاط اصبح مهم جدا
اسفه طولت على حضرتك بس حبيت ابين لحضرتك وجهه نظرى ويارب تكون وجهه نظر مقبوله
ربنا يسعدك زى ما بتفرحينى بتعليقاتك الجميله
جزاكى الله عنى خير الجزاء
وبخصوص كلمه موزة سيتم التعديل حالا
وبخصوص الايات كنتى الحمدلله انى مش غلط فيها المرة دى
:)


*******************

سمراء النيل

ايه المفاجأة الحلوة دى فرحت قووووووى بتعليقك ويعتبر تعليق سبق
تعليق قبل ساعات من الولادة
ربنا ييسر لك اللهم امين وتيجى حنين بالسلامه وتقومى بالسلامه وجعلها الله لكى ولطارق قره عين ربنا يجعلها بره بكما اللهم امين
وتكون مدونه كبيره زى مامتها وبابها
بجد انجى تعليقك ادخل السرور على قلبى
ربنا يخليكى ليا ومش يحرمنى منك


********************

استاذ عبده

اهلا بحضرتك
وربنا يباركلك فى زوجتك ويجعلها قره عين لك ورزقكم الذريه الصالحه
انا بجد لم اكن اتوقع انى انتقب فى يوم من الايام كنت نفسى فيه بس كنت حاسه انه امر صعب حتى يسره الله لى بفضله
ذلك فضل الله يؤتيه من يشاء
الحمد لله الذى بنعمته تتم الصالحات
جزاك الله خيرا

وردة said...

والله مش عارفة اقولك ايه
غير ربنا يثبتك ويعزك وينصر الاسلام بأمثالك
انا فخورة بك لاقصي درجة
انا بنت عمتي منتقبة
واختي تتمني النقاب
اما انا فالحقيقة لم افكر به
كنت دوما افكر في الارتقاء بحجابي
ان التزم اكتر
ان ارتدي العباية
لكن النقاب الحقيقة لا
يمكن التقصير مني
بحاول والله اقرب من ربنا كتيير
يمكن القرب ده يزهدني في الدنيا وفي حب الملابس الجميلة
دعواتك يا اجمل اخت
اختي في الله
دعواتك ليا
بجد بجد
بحبك في الله

وردة said...

كل سنة وانتي بألف خير
بمناسبة ليلة الاسراء والمعراج
متنسيش اختك من جميل دعواتك
سلام

ديالا said...

بجد بجد انا فرحنالك اوي

عقبالي وعقبال كل بنات المسلمين

نفسي اوي اعملها ربنا يعني واكون زيك

وبجد ماشاء الله عليكي وربنا يحميكي

رفقة عمر said...

وردة

كل سنه وانت والاسرة بالف خير
انا عاوزة ااقولك حاجه علشان مش تزعلى خطوة النقاب جاءت بعد محاولات مستميه مع نفسى وسبحان الله فعلا القرب من الله والدعاء بييسر عليكى الطاعه وفعلا ان الصلاه تنهى عن الفحشاء والمنكر
عارفه وردة انا كنت بالبس عادى وعلى احدث موضه ولكنى طبيعتى الخجوله كنت مش احب البس ضيق ولا ملابس مكشوفه يعنى كان لبس على الموضه بس محتشم
حتى بدات فى قراه فى الدين ومحاولات لحفظ القران وجدت نفسى شويه بشويه بازهد فى الزينه وربنا يسر عليا لبس العبايه بعد 3 سنوات من بدايه الالتزام وبعد خمس سنوات من لبس العبايه ربنا من عليا بالنقاب كنت احبه واحب من تلبسه ولكن كنت ااقول لما اتزوج
فكرت انا لسه هاستنى لما اتجوز وايضا تشجيع احد الاشخاص لى بارتدائه قوى عزيمتى اكتر حتى اذن الله لى بارتدائه بفضل الله
خطوة النقاب بتكون صعبه شويه بس كل ما تقربى لربنا اكتر بحب كل ما هايهون عليكى الطاعات وهايسرها لك
لاتقلقى طالما ان بداخلك هذه المشااعر الجميله سييسر الله لك كل خير
ابشرى
ربنا معاكى ويكرمك ويحفظك من كل سؤ اللهم امين
ودة شرف ليا انى اكون اختك
وانا كمان احبك فى الله
احبك من احببتتنى فيه
وجمعنا دائما على محبته وطاعته اللهم امين


**********************

ديالا

اخبارك ايه دلوقتى يارب تكونى بقيتى احسن كنت زعلانه علشانك قوى ربنا يفرج كربك وييسر لك امرك ويفرح قلبك اللهم امين

شكرا ليكى قوى على مشاعرك الجميله
وطالما ان بداخلك الرغبه فى ارتدائه ان شاء الله ربنا ييسره لكى اللهم امين
ويرزقك بالزوج الصالح اللى يساعدك فى ارتدائه اللهم اميين

thirsty for free said...

عزيزتى واختى رفقة
الموضوع حقا جميل وموضوعى ولابد منة فقد كثرت البلايا بسسب العرى وتبرج السيدات والفتيات فلقد كثر زنا المحارم والاغتصاب والكارثة اغتصاب الاطفال .اللهم اسالك العفو والعافية ويارب يكون هذا المقال فى ميزان حسناتك اخيك
ابو عبدالله(عصام الاشرم)

سلوى said...

اكرمك الله رفقتي
وزادك قربا وتقربا

مبروك النقاب
ما شاء الله ولا قوة إلا بالله

الفقيرة إلى الله أم البنات said...

ربنا يثبتك ويسعدك ويحفظك انت وجميع بنات ونساء المسلمين

عصفور المدينة said...

فتح الله عليك
بارك الله فيك

حاول تفتكرنى said...

ما أجمل ان يكون القرار باختيار واقتناع

وفقك الله

تحياتي

م م said...

السلام عليكم ورحمة الله وبركاته
رغم قناعتي بأن الحجاب يكفي لكنني ايضا
لا امانع في لبس النقاب لكن ليس بالاجبار فمن وجدته ضرورة جزاها الله خيراً ..الف مبروك على النقاب

انا مختلف معك في ان النساء تتحمل مسؤلية شبه كاملة عما يحدث من حالات تحرش واغتصاب وغيرها..

فالمناخ كله يحرض ذلك واكثر

فقدان الامل في الحلال كارثة والمسببات كثيرة كلنا يعلمها..

نحن في زمن الجوع
اخشى انه لو غابت كل النساء قد يتحرش الرجال ببعضهم البعض.
والله المستعان

تحياتي لك واسأل الله لك الثبات

وردة said...

السلام عليكم ورحمة الله وبركاته
الف مبروك لصحبتك يارب ربنا يثبتها ويعزها يارب
وربنا يجعلك قدوة حسنة لكل بنت
وطريق هداية بأسلوبك الحسن
اشكرك علي ردك الجميل عليا
واتمنالك كل الخير يارب
السلام عليكم ورحمة الله وبركاته
سلام

فراشة said...

ربنا يثبتك ويقويكى ويحميكى يارب
بجد بقولك مبروك من قلبى
كلامك رائع
واكتر حاجه عجبتنى فى كلامك هو انك ماجعلتيش ان النقاب فرض وان هو الحل وبس لأ طالبتى من المسلمة ان لم تستطع النقاب فلا تتبرج

ده دليل على ارتدائك له عن فهم وعقيدة

ربنا يحمينا ويمن علينا بالتقوى واصلاح انفسنا اكثر

فى جملة عجبتنى جدا يا رفقة وهى
كونى لرجل واحد فقط هو زوجك

ما اجمله تعبير
ياريت كل بنت تتعامل مع الجملة دى بحب شديد
والله ده بيجعل المرأة نجمة وملكة مش اى حد يقدر يوصل اليها الا زوجها فقط

اللهم ارزقنا الهداية وابعد قلوبنا عن النفاق

دعواتك يا رفقة ان نحسن من انفسنا ونجتمع معا برسولنا الكريم فى الجنة

رفقة عمر said...

عطشان للحريه

اخى العزيز عصام ربنا يخليك ليا انت وكل اخواتى ربنا يكرمك يارب ويفرحك بعبدالله وحبيبه اللهم اميين
مبسوطه قووى بتعليقك
مش تحرمنى من متابعتك وتعلقياتك الجميله

*********************

سلوى

ربنا يخليكى ويكرمك
وييسر لك كل الخير


*****************

العزيزة ام البنات

اهلا بحضرتك وشكرا لدعوتك الجميله
ربنا يستجب اللهم امين


********************

باشمهندس عصفور المدينه

اهلا بحضرتك وشكرا لدعوتك الجميله
جزاك الله خيرا ربنا يرزقنا الاخلاص ويثبتنا اللهم اميين


*********************

حاول تفتكرنى


اهلا بحضرتك
الحمدلله دة من فضل الله عليا
ان ضللت فانما اضل على نفسى وان اهديت فبما يوحى الى ربى
الهدايه من الله
ربنا يهدينا جميعا لما يحب ويرضى

*****************************

مسرور

وعليكم السلام ورحمه الله وبركاته
بصراحه انا شايفه كل تشريع من تشريعات ربنا هى فى صالحنا فى الاول والاخر ربنا ولا هاتفيده طاعتنا ولا هاتضره معاصينا
انا لبست الحجاب والنقاب لانه مفيد ليا وخصوصا فى زمن الفتن اللى احنا فيه
ومافيش اى مبرر اننا نعصى ربنا يعنى ايه اذا لم تتواجد المرأة فى الشوارع انا الرجال يتخذون بعضهم بعضا بديلا طبعا لا
ربنا قال
وليستعفف الذين لا يجدون نكاحا حتى يغنيهم الله من فضله
الايه دى فى سورة النور وسورة النور مفروضه ربنا فرضها كلها علينا
سورة انزلنها وفرضنها

احنا بدلنا نعمه الله فعلشان كدة ابتلينا بنكد المعيشه وتصعيب الحلال لاننا استحللنا الحرام
وخرجت المرأه لتزاحم الرجل فى كل الاعمال ربنا طلب من المرأ ان تقر فى بيتها وكتب على سيدنا ادم ان يشقى للسعى على المعيشه
احنا مش عجبنا تشريع ربنا واختارت البنت ان تشارك الرجل فى كل انواع العمل حتى الغير مناسبه ليه مع انى بنت بس سبب المشكله هو مزاحمه المرأه للرجل فى العمل لو هى اشتغلت فى الامور اللى تناسبها بس او عند احتياجها فقط هاتكون هناك وظائف خاليه كتير والرجال ستجد العمل وبالتالى هايعرفوا يتجوزوا لكن البنت لما اشتغلت فقدت حاجات كتير وخسرت الدنيا حاجات كتير
يبقى هى تتحمل الجزء الاكبر من المشكله
انا اعرف مهندسه وواحدةاخرى مأمورة ضرايب
الاتنين اخدين اجازة من غير مرتب علشان اولادهم يبقى استفاد ايه من نزولها مكانها فاضى ومحجوز لها وهناك شاب يبحث عن فرصه للعمل ولا يجد
الكلام فى الموضوع دة كتير جدا
ربنا قال ومن يبدل نعمه الله من بعد ما جاءته فان الله شديد العقاب
واحنا بدلنا نعمه الله لما حاولت البنت تكون زى الرجل وخرجت من بيتها ولم تمتثل لامر ربها بالخروج محتشمه دون زينه
ربنا يهدينا جميعا لما يحبه ويرضاه


**********************

وردة الجميله

وعليكم السلام ورحمه الله وبركاته
الله يبارك فيكى بس انا مش قلت لصحبتى تنتقب هى كانت عندها الرغبه ولما لاقتنى مبسوطه بالنقاب ومعتزة به تشجعت و لبسته بفضل الله
صدقينى وردة احنا ااقل من العادى وكنا زى كل البنات نحب نخرج ونلبس يعنى مش فضل مننا اننا انتقبنا دة من فضل الله
ربنا يتقبل منا اللهم امين
وييسر لك كل خير ويوفقك لما يحبه ويرضاه اللهم امين
خالى بالك اوعى تتخيلنى لان كل اللى تخيلنى كنت بالنسبه لهم صدمه لانهم شافوا طفله قدامهم انا مشاعر الطفوله جوايا بس حبيت احمى نفسى واحافظ عليها
واتقرب من ربنا اكتر
ااقولك على حاجه واحده صديقتى انتقبت قبلى وقالت لو مش فرض اهو حمايه وتشبه بامهات المؤمنين
ولو فرض وكنت مش لبسته اروح يوم القيامه انكبس يعنى ولا ايه
كلمتها ضحكتنى بس اقنعتنى هى انتقبت قبلى بشهرين
ربنا يثبتها ويعزها اللهم امين
وشكراعلى حسن ظنك بى انا اعرف ناس ماشاء الله عليهم انا ولا حاجه جنبهم
اللهم اغفر لى مالا يعلمون انا بحاول اخطو على خطاهم احنا على الكتاب والسنه لا نحب الجماعات المسلمين كلهم واحد مافيش حاجه اسمها جماعات
قال تعالى
ولا تكونوا كالذين فرقوا دينهم وكانوا شيعا لست منهم فى شئ



*******************


الغاليه فراشه

والله فراشه كله بتوفيق ربنا ماليش يد فيه
الحمدلله
وطبعا انا باستغرب البنات اللى بتخرج عاريه جسمها مش غالى عليها دى بتحط جواهرها وذهبها داخل علبه داخل خزنه يبقى ازاى نعمه ربنا وجسدها تتركه يتفحصه كل من هب ودب ومن هم من غير ملتنا
وفين اهلها بيشتموا فى المنتقب انها ممكن يكون سلوكها سئ لكن اللى ماشيه عريانه محترمه جدا مافيش حد بيشوفها غير 1000 واحد فى اليوم بس
الرسول نفسه قال لا تلقى بنفسك فى مواضع الشبهات وخروج البنت عاريه شبهه فى حد ذاته
الحمدلله الذى عافانا مما ابتلى به غيرنا
نسال الله العفو والعافيه
ربنا يحفظك فراشه وييسر لك كل خير اللهم امين

بنت الصالحين said...

موضوعك رااائع مثلك يارفقتي

انا باركتلك عليه من زماااااااان *_^

مشروع انسان said...

بارك الله لكى يا فندم

وثبتك الله على طريقه

واسعدك دنيا واخرة

مدحت محمد said...

ذلك فضل الله يؤتيه من يشاء)

ربنا يثبت زميلتك ويثبتك يارب على النقاب وتستحملى كلام الجهلة وتصبرى على اذاهم فى الاستهزاء

ولقد استهزىء برسل من قبلهم)

اقلك اختى كانت مش لابسة نقاب برضه وكانت تخرج ببناطيل جينس وكدة
المهم جت بعد وفاة والدى فكرت انها تلبس النقاب
قعدت تفكر تلبسه ولا لا
كانت مترددة
المهم صحيت يوم واخدت ماما ونزلو اشتروه وقالت انا شفت رؤيا انى نزلت اشترى نقاب

ربنا يثبتها ويثبت كل المنتقبات
ويدافع عنهم
وخلى بالك الرسول الاكرم صلى الله عليه وسلم قال

القلوب بين يدى الرحمن يقلبها كيف يشاء

والله عز وجل قال
يثبت الله الذين امنوا بالقول الثابت فى الحياة الدنيا وفى الاخرة ويضل الله الظالمين ويفعل الله مايشاء


ربنا يثبتك مع المؤمنين وميضلكيش مع الظالمين

رفقة عمر said...

معلمتى العزيزة عاشقه الفردوس

فعلا انتى نعم الصحبه الصالحه لا انكر فضلك بعد فضل الله عليا
انتى ساعدتينى كثيرا جزاكى الله عنى خير الجزاء
ويارب يفرح قلبك ويفرج كربك اللهم امين

******************

استاذ امام الجيل

جزاك الله خيرا
ثبتنا الله جميعا وهدانا لما يحبه ويرضاه اللهم امين يارب العالمين


*******************

مدحت محمد

ربنا يباركلك فى اختك وجعلها من اسباب دخولك الجنه لان الله وصى بالبنات وحسن تربيتهم واكرامهم وعدم اهانتهم تعويضا لها عما قاسته قبل ظهور الاسلام

احنا لا نسيطيع ان نوفق الى طاعه الى بتوفيق من الله سبحانه وتعالى ذلك فضل الله يؤتيه من يشاء
انا كل امنيتى ان يرضى عنى ربى ويقبلنى فى عباده الصالحين