Saturday, March 03, 2007

مرت الازمه الحمد لله


الحمد لله رب العالمين بدأ والدى فى التحسن بفضل الله وعدت الازمه على خير والحمد لله تم اللطف من الله ولطف بينا الحمد لله وكتب له النجاة

احب ان اشكر كل من دعا لوالدى واهتم بالسؤال عنه جزاكم الله خيراوبارك لكم فى احبابكم اللهم امين اعذرونى انى تقلت عليكم بس فعلا والدى كان محتاج لدعواتكم وطبعا كل من وضع تعليق بالدعاء لوالدى اصبحوا يحتلون مكانه خاصه عندى جزاهم الله خيرا لان وقت الازمات هى فعلا التى تمحص وتظهر معادن الناس وهى فعلا نعمه لكى يعلم الانسان الخبيث من الطيب من المحيطين حوله ومن كان يعتبرهم احبابه او اقرب الناس اليه واعذرونى احب ان اوجه شكرا خاص لصاحب مدونه ماعلينا لانى اشعر بمدى حبه للكتابه ولا انسى موقفه معى وانه امتنع عن الكتابه تضامنا معى جزاك الله كل خيرا وبجد موقفك دة ابكانى واسعدنى فى نفس الوقت لان الانسان فى وقت الشدائد بيكون فى امس الحاجه الى من يحنو عليه وان هناك من يتألم لالامه اسفه لازعاجك معى بجد ربنا يكرمك ولا انسى اختى فى الله وحبيتى صاحبه مدونه انسانه لانها ايضا كانت دائمه السؤال عنه ربنا يبارك فيكى ويعطيكى كل كا تتمنيه ويبارك ليكى فى صحه الوالد والوالدة لانك فعلا نعم الاخت

اللهم لا تسؤ احد فى محبوب لديه واشفى جميع مرضى المسلمين

23 comments:

ma 3lina said...

الحمد لله على سلامة الوالد

والله فرحتيني بخبر تحسن صحته .. ربنا يبارك لكم فيه ويطيل في عمره

ما تكبريش موضوع توقفي عن الكتابة .. دي الحكاية كلها يومين .. وبعدين دي أقل حاجة ممكن اعملها .. وما تنسيش إنك صاحبة الفكرة

المهم قولي للحاج يخلي باله من صحته شوية .. عشان خضنا عليه جامد

khaled said...

اختى
اولا اؤمن على دعائك
امين امين امين
الحمد لله ان احنا اطمننا على والدك ربنا يديه الصحة و عدت الازمة على خير
و الحمد لله ان احنا اطمننا عليكى انتى كمان علشان ايام الحزن عدت و الحمد لله
ربنا يجعل ايامك كلها فرح

محمد عبد الغفار said...

الحمد لله

Anonymous said...

انا اول مرة ادخل مدونتك وعرفته عن طريق مدونة الاستاذ خالد لان موضوع النهاردةعن والدك ووالوالد أنسانة لان من لايعرف قدر الوالدين فليذهب مكانآ اخر غير هذه الدنيا
بعد اذنك هأعلق
الف الف ســلامة عليه والحمدلله ان والدك بخير ويارب دايما بخير وربنا يعطيه الصــحة والعافية ويباركلك فيه يااااااااارب امين

Anonymous said...

الف الف الف ميروووك
ويارب يمتعكم بالصحة والعافية انتى وأهلك وجميع المسلمين

عودا أحمد

العراق صوت الحق said...

الاخت رفقة الحمدلله على سلامة الوالد
نسأل الله الصحة والعافية له ولجميع المرضى المسلمين

حائر في دنيا الله said...

الحمد لله الذي إذا ابتلانا رحمنا بعفوه وشافانا من عنده
الحمد لله على شفاء والدك الذي لم أعرف بسابق مرضه سوى وأنا أقرأ من لحظة

ودعائي له بدوام الشفاء ودوام الصبر على البلاء
ولا تنسى أن توصيه يدعي لنا فالمريض دعاؤه أقرب

مع تحياتي لوالدك

eldoctor said...

الف حمدا لله على سلامته
و رزقه برك .. واعانك الله على بره لتجتمعا فى رضا الله و جنته

رفقة عمر said...

ماعلينا خالد استاذ محمد عبد الغفار ربنا يكرمك وعلى فكرة قلت لوالدى يدعو لكم هو دة اللى ااقدر اعمله ليكم ربنا يارب يبارك لكم وترزقون سعادة الدنيا والاخرة اللهم امين
امانى
سعيدة بزيارتك الاولى ربنا يكرمك ويجازيكى خير ويبارك ليكى فى صحه الوالد والوالدة اللهم امين يارب العالمين
حائر فى دنيا الله
ولايهمك حصل خير وجزاك الله خيرا وقلت لوالدى يدعو لك ولكل المدونين والله ربنا يجعل الدعاء من نصيبكم اللهم امين يارب العالمين
الدكتور
شكرا وجزاك الله خيرا وبارك الله لك فى احبابك وفى والديك وفى صحتك اللهم امين يارب العالمين
استاذ حسن محمود وصوت العراق
جزاكم الله خيرا ومتعكم الله بالصحه والعافيه اللهم امين يارب العالمين

Unknown said...

رفقة حبيبتى
ألف حمد الله على سلامة الوالد ويارب يديله الصحة وطولة العمر ويفرح بيكى
اللهم آمين

وعوداً حميداً للمدونة بتاعتك تانى
انا والله اسفة جدا انى مش كنت بزورها كل يوم مع انك صجبتى أوى بس اوعدك من النهاردة لازن اعدى عليها يوميااااااا
لأن بجد وربنا هو اللى عالم غلاوتك عندى قد ايه .. وقد إيه بحبك فى الله

اللهم يا جامع الناس ليوم لا ريب فيه اجمع بينى وبين رفقة فى الفردوس الأعلى فى صحبة كل من تحوط بهم شفقة قلوبنا فى صحبة سيد الخلق
اللهم امين

وبعدين مش تشكرينى يابنتى ده مايجيش بعد ذوقك وسؤالك عليا فى أزمة مرض بابا .. من إيميلات وماسجات ومكالمات ... إنتى بجد إنسانة جميلة جداااااااااا وصافية من جواكى وبنت حلال أوىىىىى... ولا نزكى على الله أحد

من معاميييييق قلبىىىىىىىى
بحبك فى الله

Anonymous said...

الحمد لله انك رجعتى بالسلامة وبخبر احلى من العسل اللى هوا سلامة والدك


انا متابعك من فترة وصراحة مدونتك بحس فيها براحة نفسية غريبة
وساعات بفضل فاتحها كدة عشان الاغاني اللى بتحطيها


ربنا يحفظك يارب ويثبت الايمان في قلبك
انا بشكرك لانك في فترة من الفترات كنتى الملجأ الوحيد ليا لتفريج همي

الف الف الف شكر
تحياتى

BinO said...

الحمد لله علي سلامة الوالد
ورنا يطمئنكم عليه دائماً
وبنا يزيد حب الناس لبعض
وأهتمامهم ببعض
أمين

كلام لوجيك said...

حمدلله على سلامة الوالد وربنا يحفظهولك من كل مكروه
احنا سعداء جدا بتحسن حالته وربنا يجعل ايامكم كلها سعادة وراحة نفسية انشاء الله
دمتم جميعا بخير

رفقة عمر said...

انسانه
يابنتى مش عارفه اعملك ايه على كلامك الجميل دة اتمنى اكون عند حسن ظنك
احبك من احببتنى فيه

رفقة عمر said...

allah_slave
ربنا يكرمك على كلامك الجميل وجزاك الله خيرا وعايزة ااقولك حاجه ولو لم يكن قلبك نقى وجميل كان مش اتاثر باى حاجه هى مساله قلوب علشان انت جواك حلو علشان كدة انت شايف ان مدونتى ممكن تكون زى مانت بتقول تشعرك براحه نفسيه وعلى فكرة دة من احسن التعليقات اللى سمعتها عارف ليه لانى بجد نفسى كل الناس تشعر بحلاوة هذ الدين وحلاوة القرب من الله سبحانه وتعالى جزاك الله كل خير

رفقة عمر said...

بينو
جزاك الله خيرا ويستجيب لدعائك ويبعد عنا المنافقين واصحاب النفوس السيئه اللهم امين

رفقة عمر said...

سكاماكا نيوز
ربنا يكرمك ويعطيك كل ماتتمنى ودايما كدة تكون بخير وفى احسن حال اللهم امين يارب العالمين وجزاك الله خيرا لاهتمامك بالسؤال عن والدى ربنا يكرمك اللهم امين

مـحـمـد مـفـيـد said...

السلام عليكم
الاخت الغاليه
الحمد لله الذي شفا وعفا والدكي وارجو من الله عز وجل ان يجعله في ميزان حسناته او علو درجات في الجنه بأمر الله

raspoutine said...

دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له


وذلك يوم


الجمعه الموافق 9/3/2007


بدار الاوبرا المصريه


كوفى شوب الابداع


بجوار دار الابداع بداخل الاوبرا


والدخول للمكان من البوابه الخلفيه للاوبرا امام النادى الاهلى


والحضور بالملابس الشتوية


واوجه الدعوة خاصة الى الاخوات المدونات


لحضور اللقاء لان لحضورهم دور فعال فى نجاح تلك اللقاءات

وشكرا
انا واحد من ضمن ناس بتنظم للقاء الشهرى ده
ياريت تشاركينا اللقاء لانكم ليكم دور مهم اوى

رفقة عمر said...

استاذ محمد مفيد
جزاك الله خيرا على سؤالك ورغم انك مش كبير قوى فى السن بس باشعر انك الاب الروحى للمدونين ربنا يكرمك

رفقة عمر said...

راسبوتين
سعيدة بدعوتك ليا بس اكيد فرصه تانيه لان اكيد انت ملاحظ ان عندى ظروف فى البيت ليس لدى استعداد نفسا نهائى ان شاء الله فرصه تانيه
جزاك الله خيرا انك فكرت فيا ربنا يكرمك اللهم امين يارب العالمين

BinO said...

مش مصدق يا راسبوتين أنت يابني بتجري ورانا

يا رب مفيش حد يحضر الأجتماع ده
أمين أمين أمين

رفقة عمر
مش عارف أقولك أيه ربنا يكون في عونك أنت و كل الأخوات
أمين

HebA said...

حمد الله على السلامة