Sunday, July 29, 2007

يوميات صائم فاشل


عندما بدات الصيام وانا صغيره كان رجب وشعبان ورمضان كانوا بيجيوا فى الخريف والشتا وطبعا كان الصيام كان يسير جدا ومش بحس به نهائى واليوم قصير جدا حتى اكتشفت انا فاشله جدا انا متعودة اجهز نفسى لرمضان من رجب وشعبان بالصيام فيهم و الامردة منذ تعودت على الصيام من اول رجب وانا الحمد لله اصوم اتنين وخميس حتى جاءت الايام البيض وتصادف وجود موجه شديدة شديدة الحرارة واول مرة اصوم فى هذا الجو شديد الحرارة لااستطيع ان اوصف حالتى ناس كتيراعرفهم امتنعواعن الصيام بسبب هذا الجو شديد الحرارة بالاضافه لطول فترة الصيام حتى الثامنه مساءا وطبعا هما شايفين حالتى عامله ازاى زى ما تكون واحدة بتحتضر نفسى اشرب ميه ولما اشوف حد بيشرب قدامى ااقوله هاتروح من ربنا فين ارحمونى شويه بجد كانت حالتى صعبه

تذكرت يوم القيامه وقرب الشمس من رؤوسنا والعرق الذى سيتصبب مننا وعطش يوم القيامه لا يقاس بعطش الدنيا وفعلا اكتشفت انى فاشله ومش قادرة اتحمل الصيام فى هذا الحر الشديد ولكنى اقاوم بكل ما اوتيت من قوة

اللهم نجنامن حرجهنم وعذابهاوادخلنا الجنه بدون سابقه عذاب

وارحمنا من عطش يوم القيامه واجمعنا بنبينا محمد صلى الله عليه وسلم فى جنات النعيم واسقنا بيديه الشريفه شربه لا نظمأ بعدها
ولاتجعلنا ممن تقول فيهم وقتها انهم ليسوا من قومك انك لا تعلم ما احدثوا بعدك

رحماك يارب رحماك يارب

من يوميات صائم اثبتت التجربه فشله وانه ضعيف جداااااااااا

32 comments:

ma_3alina said...

انا بقا فاشل في الصيام في الحر وفي البرد ..

أول سنة صمت فيها كان عندي خمس سنين كده وقلت لازم اصوم وحصوم وعملت فرح إني حصوم ..

وفي أول يوم رمضان وأنا ماشي مع والدتي في الشارع ووالدتي بتشتري الكتافة رحت واخد حتة على بقي على طول .. والدتي قالت لي مش انت قلت حتصوم .. قلت لها آآآآه صحييييح .. قالت لي معلش كمل

بعد شوية اشتريت لي كيس كارتيه عشان أكله بعد الفطار .. فنسيت وأكلته برضه .. والدتي قالت لي انت مش صايم .. قلت لها آآآآه صحييييح .. قالت لي معلش كمل

اول ما دخلت عند جدتي كنت عطشان قوي عشان الكارتيه اللي كلته فرحت داخل شارب ميا على طول .. وكالعادة والدتي قالت لي فين الصيام .. قلت لها آآآآه صحييييح .. قالت لي خلاص بقى هي سيرة افطر وابقى صوم من بكرة ..

وطبعا لا صمت ولا حاجة ..

أمــانــى said...

رفقتى
ده التعليق الرابع ربنا يستر ما يفشلش
وانا برضو فشلت فشل ذريع لا حدود لها بعد ان كنت ناوية اصوم من اول رجب ولكن هأقول ايه الجو موت والشغل والزحمة اللى انا فيها
بس الحمدلله لحقت صومت الايام البيض وربنا يسهل هاكمل بقية الايام يااااااااارب آمـــــين ربنا يقدرنا ويقدرك ياااااااااااارب آمــــــــــين
اللهم اعنا على ذكرك وشكرك وحسن عباتك يااارب آمـــــــين

عصفور المدينة said...

أجرك على قدر مشقتك ونصبك
اجمدوا يا اخواننا
يا عباد الله فاثبتوا

BinO said...

فعلاً
يومين رجب وحرارة الجو أثبتوا حاجات كتيرة
بجانب الحر
والشوارع
والصيف
اللهم أرحمنا من عذاب النار
وادخلنا الجنة دون عقاب أو سابقة عذاب

Reemo said...

مش عارفه أقولك ايه يا رفقه بجد
بس الحر فعلا مش مساعد ابدا
وخاصه موضوع العطش
انا اصلا مش عارفه السنين الجايه لما يكون الصيام فى نفس الوقت ده ويكون اجبارى مش اختيارى زى رجب
مش عارفه بجد هعمل ايه
ربنا يعينا ويعين جميع المسلمين يارب
تحياتى

عصفور المدينة said...

أستاذة رفقة
صمت الثلاثة أيام بفضل الله وكنت ناوي أفطر اليوم وبسبب تدوينتك تلك نويت أصوم اليوم فلو صمته وأتممته يبقى أنت شريكة في الأجر

شفت بقة التدوين حلو إزاي

eldoctor said...

السنة دى ناوى اخلى ابنى يبدأ الصوم .. هو الحمد لله فهم موضوع الصلاة و انها تبقى فى وقتها .. المهم بقى افهمه الصوم ليه .. لان لو مفهمش ليه مش حيطاوعنى فى موضوع الصوم ده ...
السنة الجاية الصيام حيبقى فى اغسطس .. ربنا يعين الجميع ...
اللهم بلغنا رمضان

الطائر الحزين said...

السلام عليكم

الأجر على قدر المشقة
اللهم بلغنا رمضان
بارك الله فيك

طـعـمـة said...

سبحان الله يا رفقة عمر
الصيام في رمضان غير الصيام في غيره من الأيام
رمضان بيبقى سهل بطريقة غريبة
وبيبقى ليه روح جميلة تشجعك على الصيام
حتى الأيام إللي الواحد بيفطر فيها لعذر شرعي أو سفر أو مرض
بيبقى حزين فعلا عليها
بالرغم من إنه هيعوضها بعد رمضان

اللهم بلغنا رمضان
اللهم آمين

Future_Preacher said...

السلام عليكم
اختي و رفقتي في الله
أخوتي المعلقون علي البوست ده
أحنا و الله مش فاشلين و لا حاجة !!!!!صدقوني
ده وهم ...وهم
الشيطان بيقنعنا بكده علشان يحبط من همتنا و يخمد الطاقة الايمانية اللي جوانا ...الطاقة اللي بتعمل المعجزات مش بس تخلينا نصوم يومين أو تلاتة في سبيل الله
فعلا الجو كان حار ...عمره ما كان حار زي كده فعلا لكن بفضل الله في ناس صامت من الخميس للاثنين
أحنا فعلا محتاجين أننا نجدد الطاقة الايمانية دي و نجدد نوايانا و نطهر قلوبنا و لعل صيام الايام دي حيساعد علي كده
و أسمحولي أني أكتب رابط الموضوع اللي كنت كتبته في مدونتي المتواضعة عن تطهير القلب و تجهيزه لأستقبال هذا الشهر الكريم
دعوة لتطهير القلوب
و أتكمت بعدها عن تطهير القلب من الاغاني في التدوينة اللي بعدها علي طول
أسأل الله ان يرزقنا ايمانا لا يرتد و نعيما لا ينفد و قرة عين لا تنقطع
اللهم اجعل صيامنا هذا سببا في نجاتنا من حر جهنم و عطش يةم القيامة
اللهم اٌمين

رينـــــــــــا said...

عااااااااااااااااااااااااااااا
اه يارفقه اه
الحر والصيام فى الحر
معلش يابنتى ربنا بس يتقبل
ويقدرنا
المشكله بئا ان المفروووووووووووض يعنى
ان الصيام فى الحر دا اصدق صيام
لان فيه مشقه جامدة
ربنا يقدرنا
ويرحمنا
ويعين الرجاله اللى بتشتغل وتصوم فى الجو دا
والله بيصعبوا عليا جدااااااااااااا
على الاقل احنا قاعدين فى بيوتنا

انى احبك فى الله

الصارم الحاسم said...

اي فشل
!!!!!!!!!!!


كملتي الصيام في وقت عجز فيه رجال عن حتى الفكرة

وفزت بالثواب والحمد لله

اللهم اجعله خالصا لوجهه الكريم

smraa alnil said...

رفقا علي نفسك يا رفقة شوية

يا سيتي انا بقي كنت افشل من الفشل ذاته
علي الاقل مش اتعلمت اصوم ازاي
وكنت لفترة قريبة بفتكر ان الصوم عن الاكل وبس


وثوابك علي اد مجهودك

وربنا عالم وشايف

بس انتي مش فاشلة

خمسة فضفضة said...

السلام عليكم ورحمة الله وبركاته

جزاك الله خير يا رفقة

بس عارفه صيام رمضان حاجه تانيه خالص
مش عارفه ليه بيبقي سهل ومش بنحس بيه ، وتقدري تعرفي كده لما الواحد يجي يقضي الايام اللي عليه بعد رمضان تلاقيها صعبه مع ان سبحان الله مابنحسش بيها في رمضان

اللهم ارحمنا يوم العرض عليك يارب

نفسنا said...

ندعوكم لزيارة العدد الثالث من مجلة نفسنا
ولمن لدية هواية الكتابة ويريد المشاركة معنا نرجو منه مراسلتنا
nafsena@gmail.com

ftataljanna said...

رفقتى

معلش نا عرفتش ارد بدرى شوية علشان كان فى ظروف

بصي يا رفقتى

عصفور المدينة قال يا عباد الله فاثبتوا

فعلا

لو جيتي تفكرى هاتلاقى في صحوة ولو جيتي تفكرى برضه هاتلاقى فى ناس صامت السنة دى لو كان الكلام ده السنه اللى فاتت ماكانوش صاموا

فايه

الحكاية وما فيها ان فيه صحوة والناس ابتدت تتغير ومعنى ان الناس ابتدت تتغير يبقى ربنا كمان هيعدنا للاكبر

للجهاد يا رفقه

فكل ده قدر علشان الناس تتعلم تجاهد نفسها وجهاد النفس اعظم زى ما انتى عارفه وبكده يبقوا اد الجهاد الايسر وهو الحرب

جنـه said...

علي الاقل اني كسبتي ثواب المحاوله

فيه غيرك فكروا وماقدروش ينفذوا يوم واحد

سبحان الله علي الجو السنه دي

اختبار كبير فعلا للاراده

طيب انا عندي فكره

ماتيجي كلنا نشجع بعض

وزي ماذكرتي نذكر انفسنا بوقفه يوم القيامه وحرها الشديد

واكيد الصيام لوحدك شئ والصيام مع مجموعه اعتقد هيفرق

ايه رايكوا
وراي المدونين جميعا

مين جاهز يبدا معايا يوم الخميس باذن الله

رفقه عمر said...

ماعلينا

ماشاء اله اول صيامك كان وانت عندك خمس سنين
انا فاكرةاول بدايه صيامى
كانت وانا تقريبا سبع سنين مع بدايه تعليمى الصلاه
وكانت ماما تقولى الصغيرين المدفع بتاعهم الظهر وكانت تفطرنى علشان تعودنى على الصيام واحدة واحدة حتى سنه خامسه ابتدائى كنت خلاص باصوم الشهر بفضل الله
ربنا يعينك يارب والله يكون فى عون اللى بيصوم وبيزل شغله فى الحردة
ربنا يعفو عنا ويتقبلنا فى الصالحين اللهم امين يارب العالمين

**********
امانى الطيبه
شوفىالرسول الكريم قال من صام فى يوم شديد الحرارة ابتغاء وجه الله باعد الله بينه وبين جهنم سبعين حريفا
اوكما قال رسول اله صلى الله عليه وسلم والاجر علىقدرالمشقه
نسال الله قبول
وهوالاعلم بينا
واكيد هانتعود بعدكدة على الصيام فى هذا الحر
************

استاذى عصفور المدينه
والله انا كنت سعيدة وانا تعبانه من الصيام
بس المشكله انى كنت نايمه مش قادرة اتحرك ومش قادرةاتكلم حتى
كنت نفسى اكون اقوى من كدة وااقدر اكون فى نشاطى العادى
بس سبحان الله الميه برضه لها عامل قوى بجد بتدى للجسم طاقه
وانا مشكنت حاسه بجوع قد ما كنت حاسه بعطش فظيع
لدرجه انى اول مافطرت شربت ميه لغايه ما بقيت عامله زى القربه المليانه ميه
ربنا يعنا على حسن طاعته اللهم امين ياربالعالمين

حضرتك صومت الاتنين ولا لا علشان طمعانه بالثواب معاك
*************

بينو
شوفت احنا مش متحملين حر الدنيا هانعمل ايه فى حر يوم القيامه
ربنا يلطف بينا

******************

الدكتور
بس انا اعتقدانا الاطفال بتحب تقلد ابائها فى موضوع الصيام دة
يعنى هو اكيد هايستجيب ان شاء الله
اعانك اله على حسن تربيه اولادك وبارك لك فيهم اللهم امين يارب العالمين

*************
ريمو
اهلا بيكى يارب تكونى بخير
علشان كدة لازم نعود نفسنا من دلوقتى مافيش حد عالم الجو هايكون ازاى بعد كدة
وربنا يعنا على حسن عبادته اللهم امين

***********
الطائرالحزين
اهلا بحضرتك
اللهم امين ياربالعالمين
ويهون علينا الصيام فيه ويعنا على حسن القيام والصيام

*************

طعمه
منورانى بجد
ربنا يكرمك يارب
فعلا كلامك صح الصيام فى رمضان ربنا بيعنا عليه فعلا
ربنا رحيم بعبادة
سعيدةبوجود

رفقه عمر said...

داعيه المستقبل
اخبارك ايه والصيام عامل معاكى ايه
انا معاكى فى كلامك
بس بجد الحر دة اختبارللارادة
علشان كدة من رحمه ربنا بينا
جعل الفصول الاربعه علشان تتدورفيها شهور الخير زى شهررمضان ويام الحج
حتى يكون هناك ايام لعبادة بمشقه
اوقات اخرى منغيرمشقه عندما تاتى فى الشتا
ودةرحمه من ربنا
لانه هواعلم بينا سبحانه

************
رينا الجميله
ازاى مزاجك دلوقتى يارب تكونى بقيتى احسن
فعلاالله يكون فى عون الناس اللى بتشتغل شغل شاق فى الصيام
بس اعتقد انهم ليهم رخصه للافطار
مع دفع كفاره
ربنا يرحمنا ويقبلنا اللهم امين ياربالعالمين

*****************

الصارم الحاسم

اهلا بحضرتك ازاى صحتك دلوقتى يارب تكون احسن
جزاك الله خيرا على كلامك المشجع
وربنافعلا يرزقنا الاخلاص
ويجعل كل اعملنا خالصه لو جه الكريم اللهمامين ياربالعالمين
*************

سمرا النيل الرقيقه

وحشتينى جدا
على فكرةعندى ليكى مفاجأه
الحمد لله انا ربنا جعل شهررمضان يدور بين المواسم
حتى ييسرلنا العمل فيه
كلنا كنا نعتقد انالصيام عباره عن صيام عن الاكل بس
الحمدلله ان ربنا هدانا للحق قبل فوات الاوان
ربنا يكرمك يارب ويثبتك على الحق اللهم امين ياربالعالمين

************
خمسه فضفضه
اخبار حضرتك ايه يارب دايما بخير
عارفه حتى الجو فيه بيكون جميل سبحان الله
اللهم بلغنا رمضان
وتقبل منا فيه صلالح الاعمالاللهم امين ياربالعالمين

allah-slave said...

يارفقة انتى اللى بتعمليه ده احسن تدريب للاخرة ان شاء الله
عشان لما تعطشي يوم القيامة تقولى لربنا يارب انا عطشت ابتغاء مرضاتك وغفرانك

وزي ماانتى عرافة طبعا من عرف الله في الرخاء عرفه الله في الشدة وربنا من صفاته الكريم
وانتى قدمتى خطوة ملايين غيرك مفكروش فيها انا اههه ربنا ادانى صحة وقدرة على الصوم بس ولا فكرت حتى اصوم تفتكرى ربنا يكون زعلان منى ... ان اعارف انو مش فرض .. بس على الاقل تكفير للبلاوى المتلتلة اللى الواحد بيعملها

يااااااااااارب اعنى على عبادتك كما تستحق
اللهم ان الخبير بخالى وبنيتي فوفقنى الى ما تحبه وترضاه
وارجع اقلك ربنا يجمعنا في الجنة ان شاء الله ونستظل تحت عرش الرحمن مع المتاحبين فيه باذن الله

سلام

kasperb4 said...

جزاكي الله خيرا يا رفقة

ويمكن دي حكمة من ضمن حكم الصيام
إن الواحد يتذكر وقوفه يو الحساب وانتظار أمر الملك بأن يقضي بين العباد
هيكون يوم صعب جدااا
ربنا يرحمنا ويعافينا ويغفر لنا ذنوبنا ويخفف عنا في هذا اليوم العظيم

جزاك الله خيرا على التذكرة


---------------------------
::على الهامش

انا عامل استقصاء في مدونتي ياريت تشرفيني بإضافة رأيك

عصفور المدينة said...

صمت يا اختي ودعيت لك والله

عصفور المدينة said...

أنوه أن عبارة

يا عباد الله فاثبتوا

هي ليست عبارتي نعم أنا وضعتها ولكنها جزء من حديث الدجال
يخاطب النبي صلى الله عليه وسلم بها أمته

لحظة said...

المشكله عندي كانت في الهبوط
مش عارفة اشيل دراعي
وطبعا فطرت على ازازة مية
وبقين زابادو عشان حاجة مسكرة وساقعة وتتشرب بس
وما فكرتش اكل الا الساعة 10 ونص
المشكله هصوم الولاد السنه دي ازاي
هيطاوعوني
هيستحملوا
طب والسنه الجاية
واللي بعدها
ادعولهم

Fedaa AL Eslam said...

امين ربنا ينقذتا من عذاب القبر ومن جحيم يوم القيامة يا رب

وعلى فكرة انا هقولك نصيحه

كانت واحده صاحبتى قالتلى عليها لما تحسى ان عطشانه اوى
اغسلى وجهك بالماء بس كتير

صدقينى هتحسى ان العطش قل كتير

لان انا كنت صايمه فى يوم وراجعه من الجامعه تعبانه جدا وعمملت جدا حسيت ان انا بقيت كويسه

david santos said...

Nice child, thank you

AlShiMaa said...

أكيد طبعاً صيام رمضان مُختلف تماماً ، سبحان الله ، ربنا بيعين الواحد فيه وبيقدّره على الصيام ، حتى لو كان رمضان ستين أو تسعين يوم ، ماكنّاش هنحس بيه برضو ، قبل الصيف كنت مواظبة برضو على صيام السنن ، ولما الصيف دخل والحر بدأ يشتد شوية ، ماكنتش بقدر بصراحة وكنت مضايقة جداً من نفسي بسبب الموضوع ده لأني المفروض أجاهد نفسي شوية أكتر من كده

وبعد ما قرأت البوست بتاعك هنا ، نويت إني بإذن الله أرجع أصومهم من تاني خصوصاً إن رجب خلاص على الأبواب

ربنا يعينا جميعاً ويقدّرنا على الصيام وصالح الأعمال

جزاك الله خيراً عزيزتي ، ويارب يجعله في ميزان حسناتك :)

mo'men mohamed said...

أولا جزاك الله كل خير على حرصك على طاعة الله
فعلا أختى الواحد لما بييجى يصوم
وفجأة يجد ان يوم الصيام يساير موجة حر
او ان اليوم طويل
يشعر بدها برغبة فى الإفطار
على العموم
لا يثبت الله الا من كان صادق فى نواياه
السلام عليكم

ŞoŖśậŖấầ said...

السلااااام عليكممم
كيف حالك رفقة؟ اتمنى تكونى بخير وربنا يتقبل منا ومنكم الصيام وصالح الاعمال

زمان كانو بيقولو الصيام ايام الحر دا ربنا يستر فيه..واحنا لغايت دلوقت متدلعين ومجربناش صيام الحر دا غير الايام دى وكمان دا مش رمضان

امال بقى لما يهل علينا كدا فى الفرن اللى عايشين فيه دا هنعمل ايييه

ربنا يعينا على فعل كل اللى يرضيه ويبلغنا رمضان على خير

تحياتى ليكى اختى الكريمة وجزاكى الله خيرا

Future_Preacher said...

رفقااااااااااااااااااا
يا رفقاااااااااا
فييييييييينك
مش باينة لييييييييييييييه
و حشتيييييييييني والله
انتي يعني تحبيبينا فيكي و بعد كدة تغيبي عننا
عيب عليكي ده انتي حتي اسمك رفقة
اتمني ان كل شيء عندك يكون تمام
و طمنيني عليكي بقي لما ترجعي بالسلامة
و ربنا يقويكي يارب و يؤجرك علي جهادك و صيامك و كل صالح اعمالك
سلام يا قمر

مصراوي أوي said...

معرفتش قيمة الصيام ومدي تقصيري الا لما ربنا ابتلاني او عاقبني بمرض

وبقيت اقول اه لو ربنا يشفيني واصوم

فعلا الصحة نعمة لازم نستغلها قبل المرض والهرم

وربنا يتقبل منك

رفقه عمر said...

فتاه الجنه
**********
جنه
*******
عبدالله
*******
كاسبر
*******
استاذى عصفور المدينه
***********
لحظه
*******
فدا الاسلام
************
الشيماء
**********
مؤمن محمد
**********
صورصارة
**********
منورنى بجد وجزاكم الله خيرا
وكل سنه وانتم طيبين
والى الله مقربين اللهم امين ياربالعالمين

**********
داعيه المستقبل
**********
جزاكى الله خيرا على السؤال
وشكرا كتير ليكى على شعوركالجميل الى اسعدنى فعلا
ربنا يكرمك ياارب واشكركعلى حسن ظنك بى
************
مصراوى اوى
***********
اهلا بحضرتك فى زيارتك الاولى ربنا يكرمك يارب
وجزاك الله خيرا