Monday, February 18, 2008

حنان ترك من الظلمات الى النور

كنت باتفرج على برنامج القاهره اليوم واثار موضوع اسعدنى وفى نفس الوقت استفزنى جدا الموضوع

ان ممثله مشهورة ( حنان ترك) افتتحت مركز تجميل ملحق به كافيه والدخول للمحجبات فقط طبعا االدنيا هاجت واصوات مدعى العلمانيه ثارت والسيدات الغير محجبات بيقولوا انهم شعروا باهانه اتصلت حنان ترك لتتدافع عن فكرتها وانها تريد ان تاكل عيش من غير ان تغضب ربنا وانها لا تستقبل غير المحجبات او المنتقبات لانهن لن يخرجن الى الخارج ليكون مثار فتنه للاخرين وبعدين قالت هناك اماكن كتير تمنع دخول المحجبات ليه مافيش حد اعترض مثل كل هذا الاعتراض الذى اتعرض له مازالت حنان ترك تتحدث وتقول هناك اماكن كتير جدا لغير المحجبات من حق المحجبه ان يكون ليها خصوصيه وماينفعشى دخول غير المسلمه لان الغير مسلمه بتكون للمراه المسلمه كالرجل الاجنبى لا يحق لها رؤيه شعرها وبخصوص المراه الغير محجبه قالت انها مستعده تعمل لها حمام كريم لبشرتها او اى شئ اخير ولكنها لا تستطيع تصفيف شعرها حتى لا تفتن احد وهى تتحمل الوزر بسببها

استفزنى جدا الهجوم الشديد على حنان ترك ..انسانه تريد الله وتحاول ان ترضيه ازاى يكون الهجوم عليها ونحن بلد الاسلام والازهر فين الحريه اللى بيتكلموا عنها يعنى شواطئ العراه لا يعترض عليها احد نهائى محلات الخمور موجودة فى كل مكان ولا اى حد بيعترض

انا كنت على شاطئ خاص بالاسكندريه فى منطقه العجمى فى هذا الشاطئ ممنوع تماما نزول البحر الا بالمايوة سواء للرجل ااو للمراه لو اكتشفوا ان حد محترم ولابس بعض ملابسه ونزل البحر يلغوا اشتراكه ويدفع غرامه طبعا حرمت ادخل الشاطئ دة تانى لانى شوفت مهازل فيه بجد انا مش عارفه احنا فى بلد اسلامى ولا احنا فين اى فكرة جميله مجرد فيها شئ يخص معتقدات المسلمين الدنيا تقوم كلها ويهدوا اى شئ جميل ويحبطوه من حق اى امراه مسلمه محجبه انها تتزين لزوجها ولازم تشعر بالامان للمكان اللى تتزين فيه من حق زوجها يكون مطمن انها فى مكان امين سبحان الله حتى فى الامر دة بيحجروا على المراه المسلمه فيه

مش برضه حاجه مستفزة

بالنسبه للامر اللى اسعدنى حنان ترك نفسها قد ايه بجد سعيدة بيها سعادة غير عاديه حنان ترك ممثله جميله مشهوره انيقه اناقه غير عاديه متزوجه من رجل اعمال مشهور وصحتها كويسه جداااا ماشاء الله ظلت فى حيره كنت اسمع حوارها فى البرامج انها تصلى وكنت اسخر منها اقول ازاى بتصلى وازاى بتمثلى الادوار السيئه دى اخى كان بيحج سنه 2004 وكانت فى نفس الوقت حنان ترك تحج معه وشافها وهى تتطوف وبرضه سخرنا منها والان هى تركت الشهرة والملابس الملفته والاضواء حتى تركت زوجها وانفصلت عنه من اجل الله نادمه على ما كان منها نظرت لحالها وتذكرت ان منا من ياجل الصلاه منتظر لما يبطل سجاير واخر يقول ازاى اصلى وانا باعرف بنات واخرى تقول ماينفعشى اتحجب علشان الشغل لازم اكون مش محجبه او محجبه بس بالبس واكون متبرجه واضع مكياج سؤال ليه الميكياج علشان تكونى حلوة طيب تكونى حلوة علشان مين ليه تاجل الصلاه لخطا تقوم به ربنا له حسابات اخرى لا نعلمها تذكروا دائما الغانيه التى دخلت الجنه لانها سقت كلب
تعلمت من حنان ترك ان مهما يكون بى ذنوب ومهما اعمل من اخطا لازم اتقرب من الله اصلى حتى ولو انا باشرب سجاير لازم اصلى حتى ولو انا بواعد بنات لازم اصلى لو انا باسرق او باغش فى تجارتى لانك لن تستطيع طويلا انك تقف امام الله وانت مقصر يوم بعد يوم هاتنكسف من ربنا يوم بعد يوم الران اللى على القلب هايتغسل بكثره الحسنات

ان الحسنات يذهبن السيئات
ان الصلاه تنهى عن الفحشاء والمنكر
انا كنت من مدمنى التليفزيون حتى مع التزامى سبحان الله من غير ما اشعر اصبحت لا اطيق التليفزيون نهائى الا نادر جدا ولازم يكون امر اتكلم فيه ناس كتير بيكون مجرد عندى فضول لكن عموما اصبحت لا اطيق التلفزيون وليس هذا بفضل منى ولكنه من فضل الله

كما فى قوله تعالى ( قل ان ضللت فانما اضل على نفسى وان اهتديت فبما يوحى الى ربى انه سميع قريب) صدق الله العظيم
لا تتشتدوا على انفسكم وتسوفوا فى التوبه وانك لازم تكون صح فى كل حاجه لا مش كدة تكون التوبه
لا تشددوا على نفسكم كما شددوا بنى اسرائيل على انفسهم عندما امرهم الله بذبح بقره لو اخذوا اى بقره ودبحوها كانت احيت ميتهم ولكنهم شددوا على انفسهم فلم يجدوا البقره الا عند شخص واحد طلب فيها بوزنها كله ذهب

لا تجعل الذنوب تتراكم عليك ابدأ الان ولا تنتظر انك تصلح كل اخطائك مرة واحدة اللى تقدر عليه اعمله وكل شئ بعد كدة هايتصلح بعون الله وفضله
والذين اهتدوا زادهم هدى واتاهم تقواهم
حنان ترك كنتى من ابغض الناس الى قلبى اصبحتى من احب الناس الى قلبى
زادكى الله تقوى وثبتنا واياكى على الحق اللهم امين يارب العالمين
اللهم اعز الاسلام والمسلمين وانصرهم على عدوهم اللهم امين
تحديث
!!!!

63 comments:

Anonymous said...

اللهم رد المسلمين والمسلمات و المؤمنين و المؤمنات إلى دينك ردا جميلا اللهم أنصر دينك ،وأستر بناتنا و نسائنا و زد العفة فى قلوبهن يا رب العالمين و أنت ولى ذلك و القادر عليه..
أبو خالد

s@gi l'ombre said...

جزيتى خيرا
انا فرحت قوى لما قريت كلام بتلقائيه كده .. ومكتوب بغيره علىى الاسلام
انا بتابع مسلسل اولاد الشوارع لحنان ترك
هى الوحيده المحجبه فى الفيلم
بس مش معنىىكده انى مقتنع بالموضوع ككل
وفكره تصميم حنان دى نقطه حلوه ىف صالحها
بجد مناقشه حلوه

عصفور المدينة said...

بارك الله فيك وثبتنا جميعا على دينه

No Fear said...

السلام عليكم
ربنا يهدينا جميعا و يرزقنا التوبة و يبدل سيئاتنا حسنات

ma_3alina said...

ربنا يثبتنا ويثبتها ..

أحسب الناس أن يتركوا أن يقولوا آمنا وهم لا يفتنون

اللي بتتعرض له حنان ترك دا من الفتنة .. ودا اختبار طبيعي لأي حد قال إنه آمن .. زي ما قالت الآية الكريم .. لابد أن يفتن ويبتلى عشان يظهر الصادق في إدعائه الإيمان من الكاذب

ولقد فتنا الذين من قبلهم فليعلمن الله الذين صدقوا وليعلمن الكاذبين

A.SAMIR said...

من حق كل انسان ان يفعل ما يحلو له طالما لايؤذي مشاعر الاخرين
و اعتقد ان كافيه للمحجبات فقط او للرجال فقط او للاقباط فقط لا يؤذي الاخرين وبالتالي قلم لا؟
تحياتي

خمسة فضفضة said...

السلام عليكم ورحمة الله وبركاته

ربنا يهدي الجميع ويثبتهم علي طريق الحق

سكــر said...

ربنا يثبتها على التوبه

ويتقبل منها يارب

موضوع الشاطىء الخاص فكرنى بحكايه حصلت قدامىى من كم سنه
وتقريبا ف نفس الشاطىء الخاص

كانت واحده شبه لابسه هدومها ههه
ربنا يحفظنا كانت تقريبا من غير ملابس
حتى المايون من نوع الفتله

المهم دون الخوض فى وصفها

واحد من الشباب كان متنح اوى

>>>>>>>>>>>>> حد يشوف لحمه ومش يتنح

ههههه
المهم يستى الراجل عجبه المنظر وقام ايه
طلع الموبيل بتاعه ابو كاميرا

وقعد يصورها
من بعيد طبعا
واحد من بعيد شافه وجرى عليه واخد منه التليفون وبقت هيصه
المهم الامن جه
وحصلت طبعا مشكله
اتارى الواحد اللى جاه من بعيد دا كان جوز الست
وقعد يقول لبتوع الامن
هو ايه دا
ازاى يصورها
احنا فين هنا
هو محدش يعرف ياخد راحته ههههه
>>>>> ال يعنى طوب الارض عمال يتفرج عليها هتفرق فى ايه يعنى الصوره هبل وحياتك

هههههههه

زعلان اوى حضرته انه صورها

طب ياحمش من الاول نزلها بهدومها او متخليهاش عريانه كدا

معلشى طولت عليكى

تقبلى مرورى
احمد سكر

العراق صوت الحق said...

كيف حالك يارفقة
شئ عجيب أن نسمع أن مسلمة تتعرض للهجوم لانها تريد الالتزام مع العلم أنها تعيش في بلد مسلم أصلا . لاحول ولاقوة الا بالله . ها هو حديث الرسول أنه سيجئ زمن على أمته يكون الممسك على دينه كالممسك على جمره من نار
اللهم ثبتنا جميعا وجنبنا شر الفتن والمحن
عمر

صوت من مصر said...

عايز اقولك انى فعلا مش من مكحبى حنان ترك ولا انا ابو العنين شعيشع فى دينى لكن كل انسان حر فى الى بيعمله

خطــ المصري ــاب said...

جزاكم الله خيرا علي الموضوع الطيب

وثبتها الله علي طريقه المستقيم

ولكن بصراحه أنا مش فاهم يعني ايه مركز تجميل للمحجبات فقط

بس فعلا أنا سمعت اتصال حنان ترك بالشيخ محمد الصاوي علي قناة الناس تقريبا أو الحكمه

وأسأل الله أن تكون قدوة لغيرها من الممثلات

وياريت حضرتك تشرفيني مدونتي عندي موضوع يهمني رأيك فيه

وجزاكم الله خيرا

الطائر الحزين said...

تتشتدوا على انفسكم وتسوفوا فى التوبه وانك لازم تكون صح فى كل حاجه

اكرمك الله

لا تجعل ذنب يصدك عن طاعه ابدا مهما كان عظم الذنب


(ساصرف عن أياتي الذين يتكبرون في الارض بغيرالحق و إن يروا كل ايه لا يومنوا بها و إن يروا سبيل الرشد لا يتخذوه سبيلا و إن يروا سبيل الغي يتخذوه سبيلا ذلك بأنهم كذبوا بايتنا و كانوا عنها غافلين )

تحياتى

أحمد رفعت said...

الناس زعلانه منها علشان بتتكلم على ربنا عارفه لو عملت خمارة مش هتهاجم كده ...

انا شايف نجيب رقم حنان وبتعتلها رساله نقولهم احنا بنحبك اثبتي ..

علشان الضغوط عليها عتيفه ...

رينـــــــــــا said...

السلام عليكم
ربنا يثبتها يـــــــارب ويبعد عنها الشياطين اللى بيحاولوا يأثروا عليها
ويثبتنا ويهدينا احنا كمان يارب
تسلمى يارفقتى على الموضوع الجميل دا

حـريــة الــفـكــر والابــداع said...

مقالة رائعة
بس انا مش عايزك تزعلى من نقدى
بصى يا رفقة عمر اولا اى حد فنانة او غير فنانة تفتح مركز تجميل او كافية او اى مزار عام مينفعش انها تحدد نوعية زائريها - يعنى مينفعش محل او نادى مثلا يمنع دخول المحجات اوالعكس
احنا مجتمع واحد
السيدة المحترمة - حنان ترك - انا من وجة نظرى واللى ممكن تكون غلط - اخطات لية؟ لما عملتة للمحجبات بس - لو الامر اتعكس - اكيد هيزعل ولما اطبق فعلا زعل كل الناس
تمام
وبعدين لو ست مش محجبة دخلت اشترت من عندى انا ذنبى اية لو كانت فلوسها حرام انا مش هتحاسب على فلوسها
وبعدين دا بيمهد للفرقة فى المستقبل - شوية هيجى واحد مسيحى ويقول ممنوع دخول المسلمين والعكس -
هنعيش فى كنتونات - بس اجتماعية
تحية لكى وبعتزر على انقطاعى
تحياتى

محمد شعير said...

صدقت هي حاجة مستفزة ولكنها جميلة ربنا يثبت كل انسان ويهدينا جميعا تحياتي

رفقة عمر said...

استاذ ابوخالد

اهلا بحضرتك
اللهم امين ربنا يستجب الدعاء اللهم امين


***********

S@gi L`omber

اهلا بحضرتك
وجزيت مثله وشكرا قوى على كلامك
بس مش مقتنع بانهو موضوع يعنى فكرة مركز تجميل للمحجبات ولا فكرة البوست نفسه
لانى مش عارفه احدد لو فكرة مركز تجميل للمحجبات انا شايفها حريه شخصيه زى كل اللى بيمارسوا حرياتهم من غير ما اى حد بيضايقهم واذا كان البوست ككل مش مقتنع بيه فاكيد من حقك ولا الوم عليك مش لازم كل حاجه اكتبها يقتنع بها الاخرين

سعيدة بزيارتك الاولى
جزاك الله خيرا


*******************


استاذ عصفور المدينه

اهلا بحضرتك
جزاك الله كل خير
ربناا يبارك فى حضرتك


******************

no fear

وعليكم السلام ورحمه الله وبركاته
اللهم امين يارب العالمين
ربنا يهدينا جميعا لما يحبه ويرضاه اللهم امين


*****************

ماعلينا

اللهم امين يارب العالمين
اكيد دة تمحيص ليها بس بجد مستغربه من التناقض فى الحريات اللى بينادوا بيها كل واحد حر ليه سايبين امور كتير بتتعمل باسم الحريه ومافيش حد بيتكلم ولما يجى حد عايز يعمل شئ للاسلام الدنيا تقف كلها ضده
احنا فعلا فى زمن الغربه
ربنا يرحمنا من عنده
بس ايه موضوع الوردة دة
معلش دة مش تتطفل دة فضول مش اكتر
:)


****************
a.samir

لا ازاى للشواذ حريتهم للبهائين حريتهم اى شئ سئ ليه الحريه الوحدين اللى مش ليهم حريه هما المسلمين ممنوع انهم يحترموا شعائرهم لان دة يبقى تعصب وتفريق للامه سبحان الله شئ بقى لا يحتمل

******************

دكتورة فضفضه

وعليكم السلام ورحمه الله وبركااته

اللهم امين يارب العالمين


*****************


استاذ سكر

اهلا بحضرتك
اللهم امين يارب العالمين
اسعدنى مرورك على مدونتى لاول مرة
جزاك الله خيرا


***************

عمر


ازيك اخبارك ايه
ربنا يحفظك ويحفظ كل اهل العراق وكل المسلمين فى كل مكان اللهم امين يارب العالمين

شوفت ياعمر المهاذل اللى بتحصل فى بلد المفروض انها اسلاميه المسلمين بقوا مضطهدين فيها
ربنا يرحمنا من عنده

أبو خالد said...

السلام عليكم

والله موضوع الهجوم اللى من النوع ده بقى بيضحكنى
انا ماانساش أول ما حنان ترك اتحجبت الناس اللى قعدت تقول: دي مؤامرة مدبرة ضد السنيما المصرية
ويقولوا: إن الإسلاميين لما ما عرفوش يتحكموا في الرقابة، بقوا بيدفعوا فلوس للممثلات عشان يتحجبوا
(وش واحد بيضحك ساخرا)
ارجعوا لأول تدوينة في مدونتي المتواضعة، متعلقة بالموضوع

بس الموضوع جميل
وعجبني الدروس المستفادة اللي كتبتيها في الآخر
وأدعوا الله لنا جميعا بالهداية، ولحنان ترك بالثبات
وأتنمى بصراحة يكون حجابها اتحسن عن آخر مرة شفتها

ردا على
حرية الفكر والإبداع
هو الموضوع مش تفرقة أو تحديد نوع أو فتنة طائفية
الموضوع بكل بساطة (على حد فهمي) كالآتي
حنان ترك عايزة تعمل مشروع
ومش عايزة تاخد ذنب من ورا المشروع ده
وهي لو كانت سبب في تبرج أو تزين النساء أمام غير محارمهن فده فيه ذنب عليها
عشان كده وضعت شرط يضمن لها عدم الوقوع في هذا المحظور
بس كده

معلش انا آسف لو كنت كتبت كلام كتير
بس الموضوع ظريف بصفة عامة

والسلام عليكم

حـريــة الــفـكــر والابــداع said...

اعتزر للجميع
اعتقدت ان الامر على مطعم لا على مركز تجميل فى هذة الحالة الامر يختلف جزريا وان فى ذلك عدم تاثير نهائيا على الحياة الاجتماعية المصرية
وان هذة حرية للسيدة حنان وهذا حق لها وحرية فى اتخاذ قراراتها
وشكرا لاخى - ابو خالد
الاخ اسامة
لابانة اللبس لى فى الموضوع
فتحية لة
واعتزر على كثرة الحذف

s@gi l'ombre said...

السلام عليكم
لم أقصد مطلقا طريقه تداول الموضوع
فهو بجد متاخد ببراعه مطلقه واستدلالات فظيعه
عاجبنى اللغه بتاعته قوى
فعلا أثرنمى ولم يشعرنى أبدا بالملل او انى اسيب سطر واعدى للآخر
يعنى ارتشفته لآاااخر قطره
بس اللى قصدته هنا
الموافقه على سلوك حنان ترك ككل
يعنى مثلا فى مسلسلها .. هى اتحجبت .. ولم تحتجب بالكليه عن الناس
يعنى لسه بتثمل .. ودى فيها كتير قوى من التنازلات او فنقل المخالفات
يعنى لفت نظرى ان اهم حاجه تغطى شعرها ..فين لمس الايد لغير المحرم
طب فين الرجل اللى بانت ولا الايد ولا تجسيم الهدوم ع الجسم مثلا
بتهيألى ان التمثيل او الدور بيفرض عليا طبيعه معينه
انا لازم اتصرف من خلالها
يبقى الدور بيتحكم فيا مش انا اللى بحكمه
يبقى اكيد فى تنازلات
بتعجبنى قوى ممثله شيك جدا جدا
متحجبه برده
بتشارك فى مسلسلات محمد صبحى
مش فاكر قوى
بس حاجه .. عبد الغنى
رائعه بمعنى الكلمه
أدوارها هادفه وموجهه ومرسومه على شخصيتها
بتبقى زي رساله لأى ىواحده تحب تبقى كده
ع العموم بالنسبه للموضوع نفسه
اهم حاجه تلغى فكره الاختلاط السافر اللى بيبقى فى السناتر اللى زى دى
السعوديه مثلا بيمنعوا اى واحد شاب يدخل لوحده
لازم ست او ست بمحرم ببطاقه
بعتبر ده تعسف جدا ..بس فى نفس الوقت بيمنع اى خطر.. على البنات يعنى
من حق اى حد يطبق القوانين اللى تعجبه فى مكانه
بس السناتر كتير وماجتشى على قد ده
جايز عايزه كافى شوب خاص بالبنات المحجبات علشان تداول المواضيع الجيده
بس لو واحده مش محجبه هتقتنع ازاى مثلا وتتحجب
يبقى الفكره انو يبقى حريم بس
والمحجبات تقنع غيرهم وحتى النصارى وماله تبقى مركز دعوى كمان
تانى بكرر
مناقشه الموضوع هايله
والمدونه ككل فكرته هافه فعلا
سعدت بمعرفه صفحاتك
تحياتى

masrtany said...

عارفة اكتر حاجة عجبتني انها ردت بكل صراحة اه همنع المسحيات من الدخول الا الراهبات ومحاولتش تصتنع دور تاني مش حقيقي عن الحرية المزعومة

الربان said...

تحياتي

الموضوع ببساطة انهم يرون هذا تمييز ..
كما ذكرت حضرتك...اماكن كثيرة ممنوعه
للمحجبات ..بل ووظائف ايضا...و حكومية...و التليفزيون خير دليل.

و ايضا هناك فئة من الناس هوايتهم الجدل....يعني لو ترك الموضوع بدون تعليقات و لا اثارة في برامج...لمر مر الكرام مثله مثل غيره.

بالمناسبة انا نفسي يكون فيه نادي رياضي اجتماهي ثقافي للنساء و البنات فقط.....


تحياتي و تقديري

المهـ إلي الله ـاجر said...

كذلك كنتم من قبل فمن الله عليكم

سورة النساء


كلما تدبرت تلك الآية تذكرت فضل الله علي وعلي كل من رجع أليه .. وتذكرت بها حال حنان ترك الىن . نسال الله ان يثبتها ويخلص توبتها ويعزها

ولك بمثل هذا ان شاء الله

شريف طلال said...

بارك الله فيها حنان ترك
و وفقها لما فيه الخير
شكراً و تحياتى

صاحب المضيفة said...

جميل انه يكون في بديل عن السلوكيات المنخرفة المتفشية في البلد حاجه بالشكل ده

ربنا يثبتها ويثبتنا على الحق


دمت بخير

رفقة عمر said...

صوت من مصر

اهلا حضرتك
اكيد عندك حق ان كل واحد حر فى تصرفاته مش هما بينادوا بالحريه طيب ليه بيحجروا بقى على كل شئ اسلامى


******************

خطاب المصرى

اهلا بحضرك
مركز تجميل يعنى كوافير للنساء المحجبات فقط
علشان يكون فلوسها حلال مافيهاش شبه حرام
ربنا يهدينا جميعا لماا يحبه ويرضاه اللهم امين


******************

استاذ الطائر الحزين


اهلا بحضرتك
ربنا يكرم حضرتك يارب ويزيدك من فضله ونعمه
جزاك الله كل خير


******************

احمد رفعت

اهلا بحضرتك
يااريت بجد هى قالت عنوان مركز التجميل ان شاء الله ناويه اروح اشوفه وياريت تكون هى هناك
بجد نفسى اتعرف عليها
ربنا يهدينا ويهديها ويثبتنا ويثبتها اللهم امي يارب العالمين


****************

رينا

ازيك ياجميله عامله ايه يارب تكونى بخير
اومن لى دعاءك
اللهم امين
ووربنا يحسن خاتمتنا جميعا اللهم امين ويرزقنا الاخلاص وابتغاء مرتضاته هو وحدة ويس غيره اللهم امين يارب العالمين
شكرا ليكى قوى دايما بترفعى من روحى المعنويه جزاك الله كل خير


********************

حريه الفكر والابداع

اهلا بحضرتك

حضرتك اسمك حريه الفكر والابداع
يعنى كل واحد حر فى فكرة ليه نحجر عليه وليه مش بنعلق مثلا على الاماكن المخصصه للمدخنين فقط واماكن مخصصه للشواذ وغيره من الحريات اللى بينادوا بيها وبعدين هى زى ما استاذ ابو خالد قال لحضرتك انها عايزة تكسب حلال خايفه تتحمل وزر
يبقى نسااعدها ولا نحاربها
على فكرة انا مش بازعل من النقد نهائى
لان كل شخص ليه حريته وله فكره والمفروض مش نحجر على حد فى فكرة

شرفتى واسعدنى وجود حضرتك


******************


محمد شعير

اهلا بحضرتك
حضرتك فين مختفى وغايب بقالك كتير نرجو ان ترجع لمدونتك تانى وتسعدنا بكتاباتك

رفقة عمر said...

استاذ ابو خالد

هى فعلا حسنت من حجابها بفضل االله ظهرت فى قناه الرساله بحجاب قمه فى الاحتشام
وشكرا لحضرتك لتوضيح الفكرة
لحريه الفكر والابداع
جزاك الله كل خير


*****************

s@gi L'ombre


اهلا بحضرتك
وشكرا ليك كتير على رايك فى الموضوع والمدونه حضرتك بتجبر بخاطرى وبترفع من معنوياتى جزاك الله كل خير
بخصوص مسلسل اولاد الشوارع كانت اتفقت عليه قبل الحجاب وكانت مضطره تصورة علشان كدة ظهر بالطريقه اللى شوفتها
هى الان ترفض اى اعمال فنيه ولو حد سالها معرفششى حاجه عن الفن لانى مشغوله باهتمامات تانيه
هى عايزة تاكل عيش وتعيش فى نفس مستواها المادى بس من غير ما تغضب ربنا
هى مش رافضه عدم دخول غير المحجبات ى رافضه انها تصفف شعرهم حتى لا يخرجوا من عندها يفتنوا غيرهم وتاخد هى الوزر
وبخصوص غير المسلمات المراه الغير مسلمه فى حكم الرجل الاجنبى لا تجوز ان ترى عوره المرا المسلمه فطبيعى مش ينفع يدخلوا وبعدين ما عندهم محمد الصغير والكافيهات المتخلطه فى كل مكان يعنى جات على كافيه حنا ترك والدنيا هاتقف
لا حول ولا قوة الا بالله
فعلا احنا فى زمن الغربه ربنا يسلم
شكرا مرة اخرى على مجاملتك الجميله فى حق مدونتى
جزاك الله كل خير


****************

مصر تانى

اهلا بحضرت
مبروك المدونه الجديدة
مدونه رائعه ياارب تحقق منها ما ترجو اللهم امين

ايوة فعلا هى ماشاء الله لم تخشى فى الله لومه لائم
ربنا يثبتنا ويثبتها اللهم امين يارب العالمين


******************

الربان

اهلا بحضرت
ايوة فعلا هى بتقولوهم شكرا قوى عملتولى شهره للمكان مكنتش احلم بيها
وانا كمان نفسى يكون اماكن مخصص للفتيات فقط
او للعائلات يعنى اللى داخل مكان تكون معاه مراته واولادة
مش زى ما احنا بنشوف وخصوصا يوم الحبدة بتحصل فيه مهازل
ربنا يلطف ويسلم

****************


المهاجر الى الله

حمد ا لله على سلامتك
سعيدة بعودة حضرتك
كلنا كنا فى غفله الحمد لله ان منا الله علينا بالهدايه
ربنا يثبتنا جميعا ويرزقنا الاخلاص اللهم امين يارب العالمين

****************


شريف طلال

اهلا بحضرتك
اللهم امين يارب العالمين


**********

صاحب المضيفه

اهلا بحضرتك
اكيد فى الاخر لايصح الا الصحيح
والحق مسيره يظهر ويبان باذن الله وعونه

allah-slave said...

السلام عليكم ...

مش اول واحدة ولا اخر واحدة

طب حنان ترك على حد علمى مكنتش بتستهبل اوي في الافلام والمسلسلات اخرها كان لبس ونظرات
ما بالكم بقى باللى كانت اكتر منها فسادا ودلوقتى والله اعلم بقت اكثر فنانة تدينا انا بقول الله اعلم طبعا
واكيد كلكوا عارفين انا قصدي مين

الجزئية التانية

حكاية انى مصليش الا لما ينصلح حالى ... طب هينصلح حالى ازاي
يعني دايما بيقولوا مكنوش هيعرفوا ان التفاحة فاكهة مسممة الا لما داقها واحد وممتش

يعني امتى هتحس بحلاوة الايمان والطاعات وانت اساسا مش عايز تجرب ... يعني حتى التجربة مش عايز تجربها
الجزئية الفرعية من الجزئية التالتة وهيا ان اهم حاجة في العبادات في نظرى الصلاة ويليها الصوم
وده مش كلامى ده كلام رسولنا محمد صلى الله عليه وسلم قال :(( الصلاة عماد الدين )) تشبيه رائع جدا للى يفكر فيه
يعني اساسا مش هيبقى فيه بيت الا بعمود يستند عليه .. ممكن البيت ده يبقى من غير شبابيك او من غير دهان او ديكور بس في الاخر بيبقى بيت ... بالظبط الصلاة كدة بتبقى عاملة زي الملجأ الانسان اللى بيصلى ويعصي بيفضل ينحدر لحد ما يوصل لحد معين بعدها تبدأ ترده صلاته
طيب اللى مبيصليش بقى هيجيب مناعة منين ؟

الجزئية التالتة
انا مبقتش اقتنع باي منادى للحرية حاليا طلاما اللى بينادي ليه مش عايز يمشيه على الكل
زي مثلا اللى يقلك انو بيشمئز من شكل اللى مربي دقنو او اللى تقل انها بتقرف من اللى لابسة النقاب .... انا برضو بجد وبأمانة بشمئز من الىل مبينة ضهرها وبقرف من اللى مسقط البنطلون والبوكسر بتاعه باين عن قصد
ده مثال بسيط اوي تجاه المنادون بالحريات

الجزئية الرابعة
اي حد قرى كلامى ياريت يدعيلي بحسن الخاتمة

رفقة عمر said...

عبدالله

طبعا بعد اضافتك الجميله مافيش عندى كلام ااقوله بعد كلامك الجميل
وبما انى قرات التعليق
فاسال الله لك حياه فى طاعته وموتا فى سبيله وراحه بال وسكينه ورضا فى القلب ونجاحا دنيا ودين وان يرزقك حسن الخاتمه وان تحشر فى زمرة الانبياء والصديقين والشهداءربنا يستجب منا ومنك اللهم امين يارب العالمين

غراب said...

السلام عليكم و رحمة الله و بركاته

فعلا الموضوع دة مستفز بشكل غير طبيعي
ز زي ما انتي قلتي في اماكن كتير بيحصل فيها بلاوي و مبسمعش حد بيقول حاجة و لا بيتحرك
اشمعنا يعني لما حد بيحاول يعمل حاجة محترمة الدنيا تقوم و متقعدش
حسبي الله و نعم الوكيل
و بجد يعني المفروض واحدة زي حنان ترك اللي انا شخصيا معجب بيها جدا
المفروض اننا نساعدها انها تكون محترمة و تعمل حاجة محترمة
نتخيال كدة لو كانت متحجبتش و قالت هتفتح كافيه لمش عارف ايه و مسخرة و كلام من دة
و لا كان اي حد فتح بؤه و نطق باي حرف
ربنا يهديها و يثبتها و يرزقها الاخلاص

تقبلي مروري :) :)

حـريــة الــفـكــر والابــداع said...

صاحبة المدونة
للاسف لم تفهمى ما كنت اعنية - كنت اتكلم على مطعم واعتقدت تتكلمين على مطعم
لكن المقالة تحدثت عن مركز تجميل وهنا كانت نقطة التحول
لا احب الكلام الكثير
اعتقد ان راى وصل
تحياتى للجميع

ma_3alina said...

مفيش تطفل ولا حاجة يا رفقة .. دي المدونة مدونتك قبل ما تكون مدونتي والوردة حطيتها في المدونة عشان شكلها حلو

أنا إنسان said...

أنا بموت فيها
طبعا بالمفهوم الصح
:)
وحاطط صورتها عندي كمان
ربنا يهدي كل الناس يارب

ام الابناء said...

السلام عليكم ورحمة الله وبركاته

العزيزة رفقة

اثابك الله وجزاك خير الجزاء
موضوع غايه فى الروعة
حفظك الله من كل شر وسوء
وجعل ما تكتبين وما يتنفع الناس به فى ميزان حسناتك
وانا معك فيما قلتى
لابد ان ننتقرب الى الله قدر استطاعتنا
مهما عظمت ذنوبنا
جزاك الله خيرا

فرنسا هانم said...

الاستاذه الجميله
رفقه عمر
ثبتك الله على الهدى
وثبت حنان ترك الى ما هداها اليه
غيرتك على الاسلام ليست بالجديده عليكى
احييكى
واحييكى
واحييكى
اما عن الشاطىء بتاع المايوه
ده بؤره فساد داخل السياحه فى مصر
تحياتى لكى

عاشقه الفردوس said...

ماشاء الله
ربنا يباركلك يارفقه ع الخبر الحلو ده

ربنا يزيدك ويرزقكي الاخلاص في القول والعمل


تعرفي
واحده صحبتي فكرت الفكره دي
ان يبقي فيه كافيه للبنات او النساء محجبات او غير محجبات حتي العاملين نساء


ربنا يبارك فيها ويثبتها ويزيدها نور وبصيره وهدي وتقي

أنسانة-شوية وشوية said...

الله ولي الذين امنوا يخرجهم من الظلمات الي النور" اللهم اجعلنا من الذين امنوا واثابك الله حبيبتى

ا بـن عــمــر said...

خبر جميل
عايز اقول ان الذل اللى احنا فيه ده من تركنا لقرآنا وسنة نبينا
نحن قوم اعزنا الله بلاسلام فان ابتغينا العزة فى غيره أذلنا الله

آلام وآمال said...

هي بصراحة حاجة مفرحة ومبشرة وتخلي الواحد ايمانه يزيد أكتر

ربنا يثبتنا جميعا ويبعد عنا الفتن ويقينا شر شياطين الإنس والجن

عبدٌ من عباد الله said...

first i'am sorry i have no arabic letters in my keyboard

kol wahed fena feh goz2 mn elfetra gowah
lkn yekbar w ys3'ar

el mohem
rabna ysabbetne
w yerzoqna 7osn al7'atema

لحظه من فضلك said...

ارجو الاهتمام بذلك الموضوع الموجود بالمدونه وارجو التضامن معى وشكرا

ض/خالد said...

بين إصبعين من أصابع الرحمن

الباحث عن الحقيقة said...

لسلام عليكم ورحمة الله وبركاته
والله زمان يا رفقة عمر
انا كنت منقطع عن التدوين فترة صغيرة حوالى خمس شهور كده مكنش فيها غير موضوع واحد هو العوده من الاستدعا
فانا فى الاصل جاى اسلم على حضرتك
اما الموضوع فنا قريته هنا وقريت زيه فى بعض المنتديات
رد الفعل تجاه حنان ترك رد فعل غريب جدا ومستنكر ..يعنى ايه اللى مضايقهم فى حاجة زى كده مش عارف
انما هى الكراهية والضلال عمى عنيهم

mo'men mohamed said...

السلام عليكم
بخصوص سخريتك منها
كان الأصمعى رحمه الله مسافرا فخرج عليه قطاع طرق فأخذوا كل ماله و طعامه وتركوه وبينما هو دون أى شىء إذ سمع أحد رجال العصابة يقول لزعيمهم ألا تأكل معنا فرد عليه بالنفى إذ أنه صائم فسخر منه الأصمعى و قال له تسرق الأموال وتروع الناس وتقول صائم !! فرد عليه الأصمعى قائلا لا تغلق كل الأبواب لعلك تعود يوما فتجد أحدهم مفتوحا
وبعد أعوام كان الأصمعى يحج فوجد ذلك الرجل يتعلق بأستار الكعبة و يقسم على الله أن يغفر له
فقال له يا هذا أنا رأيتك من قبل ألست أنت اللص ، فقال له نعم ألم أقل لك لا تغلق الأبواب كلها


أما عن الديمقراطية المزعومة فلا تنتظرى منها سوى ما حدث
جزاكم الله كل خير
السلام عليكم

ساعد نسرين الايمن said...

رفقة عمر

جزاك الله كل خير
ما اسعدني اكثر من الخبر نفسه
هو انتي نفسك
فانت لا تكفين بفعل الخير
بل وتساعدين الناس التي تريد فعل الخير
تتقبلين النقد
وتواجهين الحجة بالحجة

ايضا اسعدني تفكيرك ان تدعمي مشروع حنان ترك بان تذهبي اليه
بجد فكرتك في دعمها قوية جدا

اما عن حنان ترك نفسها
فاتذكر لها قولها لاحمد زكي وهو مريض
ياليت نبص للامور من فوق
وبدل ما نقول يا رب احنا عندنا مشكلة كبيرة
نقول يا مشكلة احنا عندنا رب كبير
وفعلا رغم انني قرات لها هذه الكلمات منذ اكثر من سنتين ونصف
الا انها بجد اثرت فيا وتمنيت لها ان تهتدي من اجل كلماته هذه
حنان ترك
ارجو ان يكون عملها هذا خالصا لوجه الله وان يرزقها به الجنة
وشكرا لك اولا واخيرا رفقة عمر
وارجو ان تسامحيني علي التاخير
فانتي اول من يعلق عندي
وانا اخر من يعلق حتي الان
لكن والله بجد غصب من عني
ارجو المسامحة حقيقي
وفي انتظارمواضيعك الممتازة

رفقة عمر
انتي بجد رفقة عمر

walaa said...

انا شوفت البرنامج ده
اداى مصر بلد الاسلام مش عايزه الاسلام ينتشر ومش عايزه البلد تبقى محترمه
هى فعلا حاجه تنرفز
ولاء

شهرزاد said...

أولا جزاك الله خيرا
أنا أحب أعلق على جزئيتين
أولهم حكمنا على الآخرين من حيث الملابس اللي بيرتدوها أو غيرها من المظاهر الدنيوية على الرغم من أن بعضهم قد يكون أفضل عند الله عز وجل ممن يحاكمونهم
ثانيا المحجبات للأسف مهضوم حقهم جدا في المجتمعات المتحررة وهي بالفعل حاولت توجد طريقة للاستمتاع وفي نفس الوقت لا تغضب الله عز وجل...اللي مش عاجبه حنان ترك مايوحرش لها وانتهى الموضوع..
ربنا يثبتها ولا تتأثر بكلام الآخرين
لأن من راقب الناس مات هما
وشكرا

رفقة عمر said...

غراب

اهلا بحضرتك
اصل احنا بقينا فى زمن الغربه
ويكرم فيه اللئيم
طبعا حنان دلوقتى بعد ماكانت شيكولاته السينما بقت عدوتهم دلوقتى ولازم يحاربوهاويحبطوها
ربنا يثبتنا ويثبتها اللهم امين يارب العالمين
اسعدنى مرور حضرتك

**************

حريه الفكر والابداع

اهلا بحضرتك انا فعلا مزعلتش خالص وانا كنت مجرد بتناقش مع حضرتك
اسعدنى مرورك حضرتك جدا
جزاك اله كل خير


******************


ماعلينا

هى فعلا شكلها حلو
ربنا يسعدك يارب وتشوف كل حاجه جميله
:)


********************

انا انسان

اهلا بحضرتك
ربنا يهدينا جميعا لما يحبه ويرضاه اللهم امين يارب العالمين


*******************

اختنا العزيزة ام الابناء

اهلا بحضرتك
جزانا الله واياك
ربنا يكرم حضرتك على كلامك الجميل
اسعدنى وجود حضرتك على مدونتى جدا
دمتى بكل خير
تحياتى لحضرتك


****************

فرنسا حبيبتى

ربنا يخليكى ليا يارب
وربنا يسعدك زى ما بتسعدينى بكلامك الطيب وتشجيعك ليا دايما
جزاك الله عنى خير الجزاء

*******************

عاشقه الفردوس

ازيك ياحبيبتى عامله ايه ليه غيبه يارب خير
فاضل عليهم شويه شويه يقولوا اننا نعمل دور عبادة واحدة للمسلمين والمسحين واليهود منعا للتعصب
بجد حاجه غريبه
ما كل واحد حر فى اختيارته لا ازاى العلمانين اللى معاهم دة حلو واللى مع الاسلام دة وحش ولازم يتحجر عليه
حسبى الله ونعم الوكيل
ربنا يرحمنا من عنده


******************

اانسانه

اهلا بحضرتك المدونه شرفت بحضرتك
ربنا يرزقنا النور ويثبتنا على الهدى اللهم امين يارب العالمين


*******************


ابن عمر

اهلا بحضرتك
اكيد هو الذل والهوان اللى احنا فيه دة جاى منين جاى من تركنا للقران والسنه واتباعنا لافكار الاخرين
ربنا يرجع المسلمين الى رشدهم والى اصولهم تانى
انه ولى ذلك والقادر عليه


*****************


الام وامال

اهلا بحضرتك
عندك حق فعلا حاجه تفرح قوى وتسبب العزة وتعلى الهمه بجد المؤمنين بعضهم اولياء بعض
ربنا يثبتنا ويثبتها اللهم امين يارب العالمين


*****************


عبد من عباد الله

اهلا بحضرت
حضرتك ولا يهمك اكتب باى لغه تحبها
اكيد كلنا فطررتنا على الايمان ولكن النفس والشيطان والدنيا بتعمل حاجز ولكن الفطره الطيبه بتكسب فى الاخر وتتغلب على كل دة
رزقنا الله حسنا الخاتمه جميعا اللهم امين
اسعدنى مرور حضرتك


***************


لحظه من فضلك

اهلا بحضرك
اكيد موضوع مدونتك مهم بس بجد احرجت جدا اعلق ربنا يعينك وييسر لك الخير اللهم امين يارب العالمين

رفقة عمر said...

د/ خالد

اهلا بحضرتك
اللهم يامقلب القلوب ثبت قلوبنا على دينك
ثبتنا الله واياك على دينه اللهم امين يارب العالمين


*******************


الباحث عن الحقيقه

اهلا بحضرتك افتقدنا تواجد حضرتك
ارجو الله الا تغيب عن التدوين مرة اخرى
لا اسكت الله لك حسا
وازال عنك الهم والكرب اللهم امين يارب العالمين
شكرا لحضرتك لزيارتك الكريمه
جزاك الله خيرا


*******************


مؤمن محمد

اخبارك ايه يارب تكون بقيت احسن ربنا يحفظك ويحميك اللهم امين
على فكرة الحكايه اللى ذكرها جميله قوى
بجد دايما تعليقك بيضيف ليا امور مش كنت اعرفها خالص
جزاك الله كل خير


*****************


استاذ ساعد نسرين الايمن


اهلا بحضرتك
بجد شكرا لحضرتك لكلامك الجميل فى حقى الذى لا استحقه فعلا
احنا اللى نفسنا فعلا نقرا لحضرتك مواضيعك القيمه لان واضح ان حضرتك ثقافتك عاليه جدا جواك كتير قوى محتاجين يخرج حتى نستفيد منه
حضرتك بجد ومشاعرك ناحيه نسرين بتدينى امل ان لسه فيه اخلاص وحب بجد فى الدنيا الماديه اللى بنعشها
جزاك الله خيرا
ويارب تلتقى بنسرينك قريبا جداااا
انه على كل شئ قدير
جزاك الله عنى خير الجزاء


*****************

ولاء الرقيقه

اهلا بحضرتك
عبيد الغرب والعلمانيه
مش عايزين اى اثر لاسلام على ارض مصر
لكن هيهات هيهات لما يوعدون
الله متم نورة ولو كره الكافرون


******************

شهرزاد

اهلا بحضرتك
اسم مدونتك جميله قوى ليه مش بتفتح
بخصوص ان المظهر مش مهم اكيد عندك حق
بس اعذرنى اختى الحبيبه لما تلبس بنت لبس غيرلائق يثير غرائز الشباب وهى ممكن تكون كويسه جدا وافضل من بنت منتقبه بس ليه توضع نفسها موضع شبهه
الرسول صلى الله عليه وسلم قال
لا توضع نفسك موضوع الشبهات ولا تلومن الا نفسك
يعنى لو حد فكر فى البنت المتبرجه فكر سؤ يبقى لا تلوم الا نفسها لانها وضعت نفسها موضع الشبهات
كان الرسول يقف مع السيده صفيه رضى الله عنها وهى زوجتهافمر عليه بعض من الصحابه واستحوا ان يسلموا عليه لانهم مش عارفين انه مع زوجته فلحق بهم الرسول وقال لهم انها صفيه
شوفت وهو الرسول لم يحب ان يظن الصحابه شئ من وقوفه مع امراه وهو مين هو الرسول صلى الله عليه وسلم
احنا للاسف لينا الظاهر بس والله عليه السرائر
يبقى البنت هى المتبرجه للاسف هى اللى بتحط نفسها موضوع للشبه
ربنا لما امرنا بالحجاب
قال تعالى
ذلك ادنى ان يعرفن فلا يؤذين
يعنى الحجاب حمايه للبنت من الاذى وسؤ الظن بها
اسفه طولت عليكى
اسعدنى مرورك جدا
ارجو ان اراك كثيرا

Abd-Alrahman & NOUR said...

اللهم اهدي المسلمين والمسلمات الي ما تحبة وترضاه
وردهم اليك ردا جميلا يارب العالمين

عبدالرحمن

حطم القيود said...

اختى رفقة عمر

انا سعيده بمعرفتى مدونتك
-----
الواحد مبسوط والله من حنان ترك واللى زيها
بجد بيبقوا قدوه حلوه للشباب..بس لازم برضه هتلاقي اللى يقول عليهم كانى ومانى...سبحان الله مش كده احسن م الاول!!
------
مدونتك فيها جو اسلامي جميل...ربنا يجعله في ميزان حسناتك

أمـ الله ـة said...

بارك الله فيكِ وفيها أختى الحبيبة

الخبر أسعدنى جدا وأتمنى أن يثبتها الله وأن يهدى جميع المسلمين وخاصة الممثلات أمثلها

virus said...

السلام عليكم
بعد التحيه
حنان من الظلمات الي النور
موضوع كويس جدا وعبره لكل لالمسلمين
بس تفتكري هيه هتبقا كده علي طول
هيه دي المشكله
ويارب تكون كده علي طول
علي فكره انا محمد عامل مدونه جديده باسم فيرس ياريد تشرفيني بزيرتك
يا ساره
اخوكي فيرس

دوحة said...

عارفة
انا ضد التمييز او صناعة الفتنة
داخل مصر جدا
ولو كانو بيعتبرو
انى اللى عملته حنان ترك يعد من الفتنة فانا اعتبره
امر شخصى جدا
ولكن فى الحقيقة اثارة هذا الموضوع فى برنامج مهم هو عين الفتنة
لانها
ده محلها تدخل فيه من تشاء وتمنع من تشاء
فهى حرية شخصية بحتة
اما انا فضد المقارنة
بأنه يوجد بشرم الشيخ او عين السخنة او اسكندرية
او اى مكان
اماكن تمنع دخول المحجبات
فهذا رد لا استسيغه
بل هو حرية شخصية
محلها بيتها
وهى التى تقرر
والا لما لم يحرم القانون هذا
الوضع
تحياتى

مؤمنه said...

السلام عليكم ورحمة الله وبركاته
ازيك يات رفقه ايه اخبارك وحشتينى جدا معلشى ظروف النت وحشه
موضوعك جميل أشرتى لحاجه مهمه اوى
دايما التدين مدافعيه قليلين خضصوصا فى جو غير ملتزم
وربنا يهدينا جميعا
منتظرين الجديد
والسلام عليكم ورحمة الله وبركاته

عمر محمود said...

أنا آسف للدخول بدون رد ولكن غدا الصيام والقيام والدعاء ضرورى

http://yalaya3mlak.blogspot.com/2008/02/blog-post_24.html
يوم الاثنين صيام وقيام

وانتظرونى بعد غد

لحظة said...

امال لو عرفتي ان الصحفية سحر الجعارة قالت ان الاماكن المغلقة اللي زي دي بتشجع على المثلية
ما امريكا ودول اوروبا كلها مفتوحة على الهبوللي والمثليه ما فيش اكتر منها هناك
يبقى حته صالون او مقهى حريمي يشجع المثليه
حسبنا الله ونعم الوكيل

كرياكو said...

السلام عليكو

لا اله الا الله كمان فى اعتراض على فعل الخير ربنا يستر علينا

جزاكى الله خيران

وضـّاح said...

تعلمت من أحد أصدقائي في المرحلة الثانوية - ولم يكن ملتزم - أن أصلي مهما فعلت من معاصي وآثام .. سبحان الله كانت سببا لهدايتي

في الماضي كنت أقول أن منى زكي أفضل من حنان ترك .. فمنى زكي أدوارها كذا وهي كذا وكذا

ولكن الله يهدي من يشاء .. فتاب الله على حنان وانتقدتها منى زكي

اللهم ثبت حنان ترك على دينك وألهمها الرشد والصواب

أرجو ألا نتعجل الحكم فالحكم ليس من شأننا

جزاك الله خيرا


ساعات تفصلنا عن الحكم في المحكمة العسكرية .. نسألك الدعاء

thirsty for free said...

سلام عليكم
اخبارك اية انتى من يوم 18/2/2008 لم تكتبى شىء لعلة خير

على فكرة فية مواضيع كتير انا كتبتة فى مدونتى ياريت تقرأية وتقولى لى رايك
اخيك ابو عبدالله

ساعد نسرين الايمن said...

العزيزة رفقة عمر

لم نعتاد كل هذا الغياب
طولتي علينا
لعل المانع خير

رئيس جمهوريه نفسى said...

انا حعلق على موضوع السخريه من كونها بتصلى وياريت نفتكر كلنا انا بتكلم عموما مش بتكلم عليكى انتى بس
(" ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "
وفى الختام الله ما ثبتنا على دينك

monaliza said...

اللهم ارزقنا حلاوة الايمان وارزقنا الثبات