Thursday, June 19, 2008

ذكرى الامام


ذكرى الامام الشعراوى كانت يوم 17/6 مر عشر سنوات على رحيله وانا حبى له لايوصف اشعر بالامان اول ما اشوفه او اسمع صوته بجد بعد فضل الله عليا كان فضل الشيخ الشعرواى لانى عرفت دينى بشكل يدخل القلب ومش يخرج منه ابدا اول مرة ليا مع الشيخ الشعراوى كان سنه 98فى يناير تقريبا كنت بادور فى القنوات على حاجه اتفرج عليها وطبعا كنت لما الاقى حديث الشيخ الشعرواى كنت باغير القناه لان كان عليه هجوم كتير وناس قالت عليه كلام كتير فطبعا من السمع مش كنت باحبه غير انى مش كنت ملتزمه فطبيعى كان اى حديث فى الدين كنت باغيره حتى مش افكر بيقول ايه المهم فى حديثه الاسبوعى يوم الجمعه وطبعا كان مايزال على قيد الحياه لفت سمعى تفسيره لفواتح القراءن الاحرف التى تبتدى بهابعض السور ولقد اصابنى الانبهار وقفت كأن على راسى الطير وشرح الله صدرى للدين ومعرفته اكتر ومن وقتها اصبحت ادمن حديثه اسمعه فى اذاعه القرءان الكريم واراه فى حديثه يوم الجمعه فى التلفزيون كان القراءن بالنسبه لى مبهم كتاب للتبرك لم اعلم انه دستور الحياه وانه يشمل كل نواحى الحياه وانه كلام الله المعجز الا عندما شاهدت تفسير الشيخ الشعراوى له كان يفسر لماذا جاء حرف الجر( مع) بدل (على) ولماذا جاءت الكلمه هنا معرفه وهناك غير معرفه كان تفسيره مذهلا لعقلى جعلنى اتعلق بدينى اكتر واحبه اكتر واكتر بدات اقرا عنه واتعلم منه تواضعه الجم عدم تعاليه على الاقل منه علما حسن ظنه بجميع المسلمين كان يقول انا احسن الظن بكل من يقول لا اله الا الله فموسى الذى رباه جبريل صنع اله من الذهب يقصد السامرى وموسى الذى رباه فرعون اصبح نبى قال عنه معظم العلماء انه مجدد الدين فى القرن الماضى ومازال هو المتربع فى هذه المكانه لانه لم يظهر احد حتى الان اجتمع عليه الناس فى المشرق والمغرب كما اجتمع الناس على الشيخ الشعراوى كان يوم وفاته ماساه بالنسبه لى وصدمه كبيره كنت كلما امسك المصحف اتذكره وابكى بشدة وقتها شعرت بفاجعه موت الرسول صلى الله عليه وسلم قلت كيف كان حال المسلمين عندما فقدوا الرسول صلى الله عليه وسلم وهذا حالى لفقد الشيخ الشعراوى وحال كثير غيرى شعرت بعد وفاته ان كل من هب ودب اصبح يتعدى على الدين لانه لم يعد هناك احد من الشيوخ ذو ثقل ومكانه بين الناس كما كان الشيخ الشعراوى لان كل العالم كان يحترم رايه اشعر انى لا اثق باى داعيه او شيخ كما كنت اثق فى الشيخ الشعراوى مع احترامى لجميع الشيوخ ولكنى اعتبرهم مجرد مبلغين للدين لا اكثر ولا اقل غير الشيخ الشعراوى والشيخ محمد الغزالى طبعا كنت اشعر انهم يستنبطوا امور مجهوله امور تثير الحيره كانوا يزيلون هذا الابهام بكل سهوله تتدخل العقل والقلب يكفى ان الشيخ الشعراوى ظهر فى وقت لم يكن للدين اى مكان كان الفكر الشيوعى والالحادى مسيطر بشدة لم يظهر الحجاب بقوه الا بعد ظهور الشيخ الشعراوى معظم من تحدث عنه من المقربين له كانوا يقولون انه كان ملهما اتذكر كنت استمع لتفسيره لسورة الاحزاب واقسم بالله ان انا سمعت دة وسجلت الحلقه وسمعتها اكتر من مرة كان يشرح غزوة الخندق وغزوة بنى قريظه وتجلى فى الشرح وكان ممتعا جدا فى الحلقه التى اتت بعد هذه الحلقه وكان مايزال يفسر سورة الاحزاب قال فى بدايه الحلقه احب ابشركم اننا راينا غزوة الاحزاب بام عيننا رؤيا لقد راى غزوة الاحزاب رؤيه كانه حضرها وراى الرسول صلى الله عليه وسلم وجاءه سعد ابن معاذ من اهتز له عرش الرحمن عندما قتل فى غزوة بنى قريظه ووضع يدة على كتفه وقال للشيخ الشعرواى لقد ذكرت ان فلان قتلنى ولكن فلان الاخر هو الذى قتلنى اعذرونى لا اتذكر الاسماء بس ممكن نسمع تفسيره لغزوة الاحزاب علشان تتاكدوا من الامر بجد مهما هاتكلم عنه هاكتب الف موضوع عنه من كتاب (الرجل والمحنه ) عن الشيخ الشعراوى قرات هذا الجزء
كان اعداء الاسلام فى الخارج يبغضون الشيخ الشعراوى بغضا شديدا وكانوا يجزلون العطاء لكل من يحاول ان يشوهه صورته لقد كانوا يموتون بغيظهم فى كل ثانيه وعندما رحل الشيخ الشعراوى عن الحياه كانت قلوبهم السوداء تزغرد فرحا فقد اصبح الجو خاليا امامهم لاغراء الناس بالانضمام لحزبهم لحزب الشيطان بدون قوة قويه مضادة ونسوا شيئا هاما هو ان الله يرحم الناس ويعطى البركه للناس جميعا البر منهم والفاجر ببركه وجود الرجل الصالح مثل الشيج الشعراوى واظن اننا فى خراب ونكسات من يوم وفاته رحمه الله عليه لان فعلا وجود الصالحين ينزل البركات غير وقفتهم للحق وربنا يعطى الرهبه فى قلوب اعداءهم منهم لانهم مؤيدين من الله سبحانه وتعالى فعلا احساسى ان بوفاه الشيخ الشعراوى الذي كان يدافع عن الدين بكل ما اوتى من قوة ولايخشى فى الله لومه لائم حتى اخر يوم فى حياته تتطاول الغرب والعلمانين والملاحدة على الدين ولا يجدون احد من الشيوخ الان يتصدون لهم بالعكس الشيوخ انبهروا بالشهرة والاضواء ومحاربه بعضهم البعض على الملاء واضحكوا علينا الحاقدين اسال الله الرحمه والمغفره للشيخ الشعرواى وان احشر معه لان المرء يحشر مع من احب وانا احبه فى الله حبا يفوق الوصف
واسال الله ان يرزقنا بشيخ مثله يعيد للاسلام عزة ويحميه من تتطاول الحاقدين
كان الشيخ الشعرواى رحمه الله عليه رجلا ذو همه احى امه

28 comments:

المستنصر بالله said...

ما شاء الله موضوع جميل كالعادة
انا كمان بحب الشيخ الشعراوى زيك لانه افاد دينه وامته بالكثير
جزاكى الله كل خير
تحياتى

رفقة عمر said...

سعيدة انك اول تعليق
ودايما سعيدة بتوجيهاتك ليا
الحمدلله اننا مشتركين فى حب الشيخ الشعراوى
لانه يستحق كل الناس تحبه
نورتينى واسعدتنى بتواجدك
ربنا يكرمك اللهم امين

جمعاوى said...

رحمه الله رحمه واسعة

صاحب المضيفة said...

اللهم ارحمه وتقبله في الصالحين


الأيام بتعدي زي الريح

مازلت اذكر يوم وفاته وكأنه امس او اول امس

رحم الله موتانا وموتى المسلمين

الطائر الحزين said...

اللهم ارحمه وتقبله فى الصالحين

شكر الله لك التذكرة

(الاضواء مسلطه على الفنانين )

جزاك الله خيرا

رحمه الله تعالى

بنت الصالحين said...

بحب ا لشعراوي جدا
رحمه الله رحمه واسعه

جزاكي الله خيرا يارفقه

kochia said...

هو فعلا امام
كنت بحس لما بشوفه امه فاهم كل حاجة وعارفة كل حاجة وبيقدر بكل بساطة انه يوصل لاي عقل كبير كان او صغير
وابتسامته كنت بحس فيها بالثقة وان الدين منتصر لا محالة
مكنتش بشوفه كتير لكن كنت في كل ازمة او تفكير ابحث عن رايه في هذه الموضوع او ذاك وكان رايه هو الذي يحسم القضية
رحمه الله والحقنا به ان شاء الله
تحياتي لك

Hisham Sadek said...
This comment has been removed by the author.
abdallah mortada said...
This comment has been removed by the author.
Hisham said...

الله يرحمه ..
و للأسف لن يتوقف البعض عن مهاجمته .. و لكن يكفي أن رأيه و تفسيره كان بداية للملايين لفهم الدين ..

abdallah mortada said...

بسم الله الرحمن الرحيم

سلامو عليكو

ازيك يا رفقة ويارب دايما تبقى في سعادة ورضا من الله
وفي ذل وخشوع لله

انتى عارفة طبعا انا بحب الشعرواي قد ايه
وكل الناس بتحبه لان ربنا كان رازقه القبول... غير كدة لانه كان بيبقى دايما ليه راي في التفاسير
الحمد لله كنت بحب الشعراوى اول ما عرفته انا وعيت عليه سنة 92 مكنش لسة عمل البرنامج بتاعه ده متهيالى كنت لسة صغير وكنت فاكره انو بيخطب في المسجد اللى جنبنا وكفاية اوي انو عمل الحلقات دي للتلفزيون بدون اجر

وهوا الوحيد اللى قال لحسنى مبارك اتقى الله فينا
وايام السادات السادات اسرئيل كانت بتقول للسادات ان الشيخ الشعراوي بيقلب علينا الناس ودايما يقول ان اليهود عصوا الله وانهمملعونين فلما السادات قاله حاول متتكلمش عن اليهود الشيخ الشعراوي قال : " يا سيداة الريس انا بفسر القران مش بفصله "
وده نقلا عن كلام ابنه

مكنش متكلف في كلامه لهجته الريفية وعدم تصنعه ده اللى حبب الناس فيه ده طبعا بعد حب الله اللى حبب فيه الناس

ليه مؤلفات فلسفية جميلة اوي
انا اول ما عملت المدونة دي عملت فيها موضوع ليه
وانا الحمد لله مبنساهوش خالص من دماغى واذاعة القران الكريم مش مقصرة معانا دايما تجيبله خطب وندوات

---------------
الحاجة التانية بقى احب اقلك ان الاسلام بخير والائمة لسة بخير فاضل ان المسلمين هما اللى يبقوا بخير
دلوقتى فيه ائمة برضو كويسين جدا في فكرهم
على رأسهم الشيخ محمد يوسف القرضاوي

وفيه الداعية الحبيب على الجفرى

وفيه الشيخ العراقى الجميل الشيخ احمد الكبيسي

وفيه كذا واحد انا ناسيهم

بس دايما الحمد لله الاسلام لسة بخير وعايز اقلك ان زمان ايام محمد على كان الامام محمد عبده مجدد شباب الاسلام ساعتها وكان منارة العلم في عصره

اللى اقصده ان عم الاسلام ان شاء ما هيبطل يطلع دعاة وعمره ما هيبطل يبهر الناس ... الاسلام لوحده يقدر يدعي الناس من غير داعية
وده سر بقاؤه واختياره يكون خاتم الديانات


اسف على الاطالة

سلام

وادعيلنا ينوبك ثواب
:)

No Fear said...

السلام عليكم
رحمه الله و أسكنه الفردوس الأعلي مع الأنبياء و المرسلين
أنا كمان كنت مرتبط به جامد جدا بس للأسف في أواخر أيامه
و الحمد لله ربنا كرمني و أشتريت السيديهات اللي مسجل عليها تفسير القران
بس اللي مضايقيني فعلا إنهم معرفش ليه منعوا إذاعة الدرس يوم الجمعة الناس كلها كانت بتسمعه
حسبنا الله و نعم الوكيل

الباحث عن الحقيقة said...

ايه البوست البركة ده
ما شاء الله وبعدين الصورة اللى وضعتيها للشعراوي هي اول صورة عندي في المدونة
الشيخ الشعراوي رحمه الله امتاز بأنه يغرف من بحر
فقد كان العلم بالنسبة إليه بابا يلج منه متى شاء لا يعجزه فيه فتح بأذن الله
انا كمان شعرت بصدمه قوية عند وفاة الشيخ الشعراوي لانه كان يمثل حائط سد قوي ومنيع لكل من يفكر ان يوجه سهما للاسلام فقد كان هو الدرع وجعبة السهام المضادة
نسأل الله اماما جليلا مثله

الحمقاء المضلله innominate x said...

الله يرحمه كان من اصدق الدعاة

روح said...

ياه مرت عشر سنين علي انتقاله!!
ربنا يبارك فيكي يارفقة بوست
اكثر من رائع ذكرتينا بشيخنا
رحمة الله عليه واللي هيفضل شيخنا
اتذكر ان الشيخ الشعراوي في يوم زار المسجد النبوي وولما دخل من الباب
وعرف الشيخ الحذيفي امام
المسجد النبوي بقدومه أبي
أن يؤم الناس في حضرة الشيخ الشعراوي
وقدمه للامامة استحياءا منه
رحمة الله عليه ونسال الله ان يحشرنا معه
________
حسة انك بقيتي احسن دلوقتي
صح يارفقة؟؟؟ طمنيني عليكي
وانا بخير طول ما انتي بخير
بس مشغولة شوية وياريت تتذكريني
بالدعاء ياغالية
ربنا يباركلي في حبك
تحياتي

حاجات جوايا said...

بسم الله ما شاء الله
موضوع رااااائع
بارك الله فيكِ اختى الحبيبة
ورحم شيخنا وحبيبنا الشيخ الشعراوى وأبدلنا عنه خيرا

دمتى بخير حبيبتى

سالى

.:.-=- ELGaZaLy-=-.:. said...

الشيخ الشعراوى ليس رجل ذو همة فحسب..

ولكنة شيح جليل فى وقت كان الازهر ازهر بحق...
وكان شيوخنا شيوخ بحق.؟..لا عبيد السلطان...

لم يخش لا هو ولا الشيخ محمد الغزالى قول كلمة حق لدى سلطان جائر..بجد كان الشيوخ ليهم هيبة..ومكانش فى امثال كلاب السكك المتوفرين الان بقوة...


رحمك الله يا امام والحقنا بك على الدرب

رفقة عمر said...

جمعاوى روش طحن

اهلا بحضرتك
اللهم امين
ويرزقنا بشيخ جليلا مثله اللهم امين

***************

صاحب المضيفه

اهلا بحضرتك
فعلا انا مش مصدقه ان مر 10 سنين كلمح البصر
ولكنى استشعره موجود الحمد لله مازالت اذاعه القران الكريم تذيع احاديثه يوم الثلاثاء والخميس
رحمه الله رحمه واسعه وحشرنا معه اللهم امين

****************


استاذنا الطائر الحزين
اهلا بحضرتك
فعلا لو كان ذكرى فنان كان زمان كل القنوات ولمدة اسبوع تحتفل بذكراه لكن العلماء الاجلاء ولا حد بيفتكرهم نهائى
الحمد لله انهم فى قلوب من يحبوهم لا ينسوهم ابدا مهما طال الزمن

اسعدنى مرور حضرتك

****************


عاشقه الفردوس

اهلا بيكى حبيبتى
من احبه الله احبه الناس
الشيخ الشعراوى احبه كل الناس فى المشرق والمغرب
رحمه الله رحمه واسعه اللهم امين

**************

كوشيا

اهلا بيكى
المرءيحشر مع من احب
حشرنا الله معه
وجمعنا به مع نبينا محمد صلى الله عليه وسلم فى الفردوس الاعلى اللهم امين


*****************

رفقة عمر said...

عبدالله

اهلا بيك ربنا ينجحك يارب ونسمع اخبار حلوة قريبا الهم امين
دايما تعليقك بيضفلى معلومات بتفدنى كثيرا
لا غبار على الشيوخ الذين ذكرتهم
هم محدثين يشرحون الدين ويبلغونه لكن هل احد منهم اثر فى الحياه الدينيه يعنى هل لديهم شئ يخص الدين يذكرهم التاريخ بهم
يعنى الامام الشافعى والامام مالك والامام ابن حنب والامام ابى حنيفه والبخارى ومسلم وغيرهم من اثروا فى الفقه الاسلامى وعلوم الحديث والكل ياخذ من علمهم مازلنا ناخذ من علمهم حتى الان انا اعتبر الشيخ الشعرواى مثلهم سيدرس تفسيره لاجيال كثيره وتخلد ذكراه كالبخارى والامام الشافعى وغيرهم لانه كان تفسير جديد وبطريقه مختلفه تواكب العصر الذى نحياه
لكن من ذكرتهم هم شيوخ اللحظه التى نحياه وبوفاتهم لن يذكر لهم تجديد للدين او اضافه
وطبعا معاك ان الدين مش محتاج لاحد ولكن محتاج من يبلغه بطريقه تصل للقلوب بكل سهوله محتاج قدوة نسير خلفها ونحترمها
ربنا يكرمك عبدالله ويزيدك من فضله اللهم امين


*******************


هشام

اهلا بحضرتك
طبعا الحاقدين ليس لديهم غير الهجوم الاثم الذى لن يضره اكتر ما هيضرهم
هو الان فى مكانه افضل منهم عند رب العزة
رحمه الله رحمه واسعه وجزاه الله عنا خير الجزاء


***************

no fear

وعليكم السلام ورحمه الله وبركاته

اهلا بحضرتك
كلنا للاسف لحقناه فى اخر ايامه بس الحمد لله ان ربنا قذف حبه فى قلبنا لانك اذا احببت شخص تعلمت منه وحاولت تقليدة وكمان تحشره معه يوم القيامه
شرفتنى

***************

كاشف الاوهام said...

واخيرا عرفت المجهووووول
هو مفيش غير
العصفور
عاوز تتاكد عاوزة تتاكدى
خشى على اللنك دا
واقروا اواخر الكومنتات
http://scandal--blogger.blogspot.com/
--------------
u deleted my comment delete it or not your are now known
ya se3edy
-------------
يلا خش واعرف الحقيقة والحق
http://scandal--blogger.blogspot.com

رفقة عمر said...

الباحث عن الحقيقه

اهلا بحضرتك فعلا كلام حضرتك صحيح
رزقنا الله بشيخنا مثله اللهم امين
شرفتنى


*******************

الحمقاء المضلله

اهلا بحضرتك
اسعدنى مرورك لاول مرة

*************


حبيبتى روح

اهلا بيكى وحشتينى
الحمدلله بقيت احسن بفضل الله
ربنا ييسر لك كل الامور ويحقق لكى كل ما تتمنين
ورزقك حلاوة القرب منه اللهم امين


******************


سالى القمر

اخبارك ايه يارب تكونى بخير
ربنا يكرمك يارب ويزيدك من فضلك
شكرا لسؤالك الدائم عنى
جزاكى الله خيرا


*************


استاذ غزالى

اهلا بحضرتك
فعلا لا اجد شيخا يكون قدوة لى بصراحه غير الشيخ الشعراوى
للاسف الفضائيات افسدت الشيوخ ربنا يهدينا ويهديهم اللهم امين

ftataljanna said...

حبيبتي رفقه

من كتر كلامك عن الشيخ الشعراوى حاسه اني حبيته :)

بس هو بييجي على راس كل مائة عام رجل يجدد الدين

فاستني ميت سنة بقى على ما ييجي حد تانى

الباحث عن الحقيقة said...

شكرا على زيارتك وتعليقك في موضوعي الاخير
لاني مهتم جدا بمعرفة رأي الجميع في الموضوع واسلوب عرضه

مدحت محمد said...

اللهم امين

انا ابتدى تعلقى بالشيخ الشعراوى من 2 ثانوى

وكان بيعجبنى رده العقلانى على المستشرقين اللى حبو يشكككو فى القرءان وكان رده دائما يفحمهم

ربنا يرحمه
ويرزقنا بامام مثله

الميكروباص said...

تخيلي
لم ألاحظ ذكرى رحيل مولانا الشعراوي نهائي
اتذكر انه - رحمه الله- توفي وانا في اجازة 2 كليه
ولكن على الرغم من اني تقريبا بقرأ الجرائد كل يوم
وبفتح جميع مواقع الاخبار عن مصر وغير مصر
لكن مع الأسف لم اجد خبر عن وفاة شيخنا الجليل
ولكني لاحظت فقط ان التليفزيون كان عامل برامج كثيره الايام الماضيه احتفالا بذكرى وفاة سعاد حسني
!!!!!!!!!!!!!!!!!!!!!!!!!!!
ولا تعليق

عاشــــــ النقاب ـقــــة"نونو" said...

رحمه الله رحمة واسعة
تصدقي ما لقتش حد افتكره اعلاميا بنا يليق
بارك الله فيكي

blue-wave said...

ربنا يكرمك لأنك خليتينى لأول مرة اخد بالى ان ذكرى الإمام الشعراوى فى نفس يوم ذكرى والدى الله يرحمه
ربنا يكرمك بجد

أميرة محمد محمد محمد said...

جميل الموضوع يا رفقه والاجمل منه هذه الشخصيه الرائعه
اللهم اسكنه فسيح جناته