Tuesday, January 09, 2007

ايها الرجال رفقا بالقوارير



حبيت اكمل البوست اللى فات بهذا البوست لانه مرتبط بنفس الموضوع تقريبا واقصد بالقوارير طبعا البنات طبعا الرجال هاتضحك لانهم انا عارفه ممكن يكون بعضهم بيعانى من بعضهن بس مش انا اللى بقول كدة دة كلام الرسول صلى الله عليه وسلم لما قال للجمال الذى يقود الجمال التى تحمل زوجاته وكان يغنى بعذوبه صوت فقال له الرسول صلى الله عليه وسلم رفقا بالقوارير لان النساء تتأثر بالكلمه الحلوة والحنان وايضا قال الرسول صلى الله عليه وسلم استوصوا بالنساء خيرا وايضا قال ما اكرمهن الا كريم وما اهنهن الا لئيم فارجو من السادة الرجال التعامل مع النساء كأن كل واحدة منهن اخته, امه, بنته بس انا بتكلم لانى بنت واعرف مشاعر البنت وقد ايه هى بتتاثر بالكلمه الحلوة وقد ايه قلبها بينكسر لو اتخدعت فيمن تحب ممكن يقول الرجال بس النساء قال عنهم الله تعالى ان كيدهن عظيم ايوة كيدهن عظيم لما تنجرح بتتحول من الوداعه الى قمه الشراسه يعنى انتم ايها الرجال اللى بتجعلوها تتحول الى شرسه لانها بتصدق كل كلمه تقال لها وتحسن الظن بكم ثم تتفاجأ انه كله كلام وخداع وانا طبعا بتكلم على البنات السويه التى مازالت تحتفظ بالمعنى الحقيقى لكلمه انثى لا اقصد التى غيرت خلق الله وتشبهت بالرجال فى جرائتها وتفعل مايحلو لها مثل الرجل بدعوة ان البنت ذى الولد لا البنت مش ذى الولد ابدا ربنا خلقنا مختلفين وميز كل واحد عن الاخر ووهب كلا منهما نعم تميز كلا منهما عن الاخر انا سعيدة انى بنت ومش عايزة اكون ذى الولد ولا عايزة اقلدة فى اى شئ يعمله افعل الامور التى تناسبنى كبنت حتى لا اغير خلق الله مجرد ان البنت تحاول تقليد الرجل فى تصرفاته هى تغيرخلق الله ربنا خلق المرأة كأن رقيق حنون هادئ الحياء صفتها الاساسيه هى دى اللى بقول للرجال رفقا بها

10 comments:

Anonymous said...

السلام عليكم ورحمة الله وبركاته
أولا بالنسبة للبوست .. فكويس جداً إنك ميزت بين البنت الحقيقية والبنت المسترجلة .. لأن القوارير أصبحن قلة حتى يترفق بهن الرجال ويعاملهن بالكلمة الحلوة فيتأثرن بها ..
والأوصاف المذكورة عن البنات أصبحت ذكريات في طي النسيان ..
بالنسبة لسؤالك الأول انت عملت ايه علشان تكوني صاحبه فضل ..
كونك عملت مدونتك ابتغاء وجه الله وعشان نفسك تعملي حاجه لدينك .. دا في حد ذاته يخليكي صاحبة فضل على كل واحد يدخل المدونة .. وكفاية الأفكار الجميلة اللي موجودة .. ومن أجملها فكرة ارتباط السعادة والتعاسة بصحة الجسد كله .. مثل هذه الأفكار الخالصة تخليني اتشرف بأن أدخل مدونتك وأساعد على نشرها .. وإن كنت اتمنى منك امر واحد فقط وهو مراجعة أحاديث النبي صلى الله عليه وسلم من حيث الصحة والضعف .. عشان يبقى كل حاجة في مدونتك رائعة .. فيه موقع بسيط جدا اسمه الدرر السنية ممكن تكتبي فيه كلمة أو كلمات من الحديث فيجيب الحديث مع درجته.
أما بالنسبة لطلبي رفع الصور من على البوست
لأني رأيت أول صورة وضعتيها ورفعتيها مباشرة وكانت مؤلمة جداً .. وأظن أن للأموات حرمة لا يصح تجاوزها بنشر صورهم .. ويكفي إن أردتي تذكير أمثالي .. يكفي إظهار الوجه .. وهذا أرق للقلب حتى لا يعتاد .. دا كان مجرد رأي خاص ليس أكثر
تحياتي لك .. وأعانك الله علينا.

مـحـمـد مـفـيـد said...

عزيزتي
اشكرك علي كلامك الرقيق عندي وبدون مجامله انتي تستحقي هذا

اعتقد ان كان لي بوست سابق بعنوان النساء النساء
رجاء القراءه لتعرفي تعليقي علي موضوعك

العراق صوت الحق said...

جزاكم الله خيرا علي الاطلاع علي مدونة العراق ومساندة اخواتكم اهل السنة بالعراق فوالله ان الخطب عظيم ورجاء نشر المدونة في اوساط اخواننا المصريين لمعرفة ما يدور لاخوانهم وشكرا للاهتمام يابنت الكرماء

Anonymous said...

للأسف المفهوم وصل غلط لنا و هو المساواة بين المرأة و الرجل.. الناس فاكره المساواة في كل شىء في الحياة ..

فعمر ما هيكون في مساواة فعلاً لكن في جوانب من الحياة لابد إنه يحصل فيها المساواة زي العمل و غيره ...

و للأسف البنات المسترجله أصبحوا وبال سواء على البنات أو الولاد .. ربنا يعيننا و يعينك

رفقة عمر said...

صوت العراق
شكرا على تعليقك وانا دايما بدخل المدونه الخاصه بيك بس هاطلب طلب فى صور صعب حد ينظر لها ياريت بجد ترفعها علشان الناس تعرف تتدخل المدونه وبعد احنا كلنا مسلمين والعراق دى ارض الخلافه ربنا يرجعهلنا تانى احسن من الاول ربنا معاكم

الأغاني للرأفتاني said...

العزيزه رفقـــه
شكرا عى زيارتك ودعوتك الجميله..قادر الله ان يتقبل
انقلى اى شئ انت محتاجه ولا داعى للسؤال
تحياتى

الأغاني للرأفتاني said...
This comment has been removed by the author.
واحد من الناس said...

للأسف هناك خلط عند الكثير من البنات بين المساواه والأسترجال
وشيء جيد انك اشرتي الى ذلك

أُكتب بالرصاص said...

بس برضه

عايزك توصيهن هن علينا

لان دول مش قوارير ابدا..

الله يسامهن


: )
كل عام وانت بخير

رفقة عمر said...

اكتب بالرصاص
لو قرأت البوست كويس هاتعرف انى ااقصد القوارير بالبنت اللى لسه محتفظه بخلقه الله ولم تبدلها وتصبح تقلد الرجال فى كل شئ واكيد البنت اللى عارفه وظيفتها فى الحياة اكيد مش محتاجه توصيه لانها هى عارفه واجباتها كويس انا عارفه انهم اصبحوا نادرين ادعو الله ان يكون لك نصيب فى واحدة منهن