Sunday, April 29, 2007

سؤال محيرنى


انا مازلت بعيد عن بيتى وحياتى اللى اتعودت عليها بس فيه موضوع دايما بيتعبنى وبيشغل تفكيرى وسؤال دايما بداخلى ومحيرنى وهويلح عليا بشدة فى الوقت دة ولسه مش هارجع بيتنا دلوقتى فحبيت انى اتكلم فيه ولانى بعانى منه كتير فى حياتى يمكن يكون عادى لناس كتير بس انا مش بعرف اتاقلم مع هذا العالم طبعا عايزين تعرفوا ايه هوالسؤال سؤالى هو ليه فيه ناس بتحب تاذى غيرها ايه المتعه فىرؤيه الغير يتالم ليه اللى بيكره انسان مش يبعد عنه وخلاص ليه يترجم الكرة دة لافعال ياذى بها غيرة ليه الصديق ياذى صديقه ليه الجارياذى جارة ليه الدكتور ياذى مريضه ومن الدكاترة اللى بيمارسوا الطب كتجارةويتلاعب بجسد المريض ويسرق جزء من اعضائه من اجل شويه ورقات حتى يعيش بها مترف فى الدنيا المسئول اللى بياذى مرؤوسينه .الشاب اللى بياذى بنت ويتسلى بيها ويجرح مشاعرها ليه فيه حروب فى كل مكان والانسان حياته محدودة فى هذه الدنيا ليه كل انسان يمارس الشر ليه مش يضع نفسه مكان من يؤذيه ليه ناسى انه ممكن تتدور الدوائر عليه الله تعالى يقول ( ان يمسسكم قرح فقد مس القوم قرح مثله وتلك الايام نداولها بين الناس) لو كل انسان جرب الاذى والجرح مش هايفكريجرح اويؤذى غيرةفيه ناس بتقولى انتى حساسه زيادة عن اللزوم
طيب ليه الناس مش تتعامل بنيه خالصه وصافيه ليه زى ما هما عايزين معامله حسنه ليه مش بيطبقوا دةعلى نفسهم الرسول صلى الله عليه وسلم قال عامل الناس كما تحب ان تعامل مشكلتى مش بعرف اتعامل بخبث ولابعكس ما بداخلى يمكن انا مش مثاليه وليا اخطاء كتير بس بينى وبين نفسى لا احب اخطائى تتعدانى لا احبها تصيب غيرى مش بتحمل اذيه بشر مش بتحمل اشوف انسان يتالم حتى ولو مش بسببى بجد احيانا مش بعرف اتعامل فى كتيرمن الاوقات مع ناس كتير وبضايق من كلمه انتى حساسه هولما اكون برفض الشر اكون حساسه ليه اصلا يكون فيه شر ساعات باحس ان هناك بشر غلبوا الشيطان فى شرة لان الشيطان لم يدعى الفضيله اويضع ماسك الفضيله ولكنه اعلن الشرصراحه واعلن بغضه لبنى ادم واقسم على اغوائه لكن البشر منهم من يدعى الفضيله وقلبه كله سواد ومنتظر الفرصه ليظهر شره واذيته لخلق الله

فيه حدعنده اجابه لسؤالى ليه فيه ناس تحب تاذى غيرها ليه الانسان الطيب يتقال عليه اهبل وعبيط وهل انا غلطانه فى طريقه تفكيرى وحتى ولوانا غلطانه مش هاقدراتغير ومش هاقدراتعامل غيربطريقتى اللى يمكن تعبانى كتير بس مش هاقدر اكون غيركدة
ياريت كل انسان بيفكر يؤذى غيره سواء ايذاء معنوى اومادى يقعد يفكر بينه وبين نفسه لو الايذاء اصابنى اواصاب احد ممن يهمنى امرهم هل هاتحمل هذا الاذى انا بتكلم عن الانسان السوى وليس المرضى النفسين لان فيه ناس عندها امراض نفسيه وتتلذذ بتعذيب الاخرين مثلا كما نرى فىالسجون هؤلاء ساديون هوايتهم فى الحياة ومتعتهم الوحيدة اذى مخلوقات الله ليس لهم حل الا مستشفى الامراض النفسيه والعصبيه عافنا اللهم منهم

27 comments:

كبير المتشردين said...

لن اجد رد خير من قول الله تعالي لا يضركم من ضل ان اهتديتم صدق الله العظيم

رفقه عمر said...

كبير المتشردين
مرحبا بعودتك اللى اسعدتنى كثيرا
الايه تخص على ما اعتقد من تكون ضلالته وافسادة فىنفسه فقط فكيف من يؤذينى او يؤذى غيرة ان الله يغفر الذنوب التى بينه وبين عبدة ولا يغفر الذنوب التى بين العبد والعبد الا اذا عفا العبد عن من اذاه ليه اصلا الناس مش تتتقى الله فى تعاملتها

Memo said...

سئلت مره شيخ ليه الشيطان ربنا غضب عليه ولعنه و احنا لما بنغلط ربنا بيسامحنا رد و قالي الشيطان عصا الله دون ان يوسوس له ابتدع المعصيه ولم يسبقه بها احد

ma_3alina said...

حمد لله ع السلامة يا رفقة .. نورتي مدونتك .. وياريت كده كل ما تقدري نزلي بوست برضه لغاية ما ترجعي بيتك بالسلامة

موضوع الأذية دا واسع وفيه حاجات كبيرة زي اللي قلتيها وحاجات تانية صغيرة .. وفيه ناس بتأذي وهي حتى مش واخدة بالها إنها بتأذي .. الراجل اللي بيشرب سجاير في مكان مغلق والسواق اللي شغال بالكلاكسات .. والست اللي برتمي العلب الفاضية في الشارع .. والواد اللي في الشارع اللي بيأذينا بشتايمه والبت اللي بتلبس عريان وتأذي الشباب .. واففتاح المحلات وسرادقات العزاء .. وأفراح الشوارع .. كل واحد منهم بيأذي بطريقة شكل وعنده مبرر .. يعني مش كلهم ليهم نفس المبرر للأذية .. اللي شايف إنها حرية واللي شايف إنه الضرورة وظروف الحياة هي اللي بتخليه بيعمل كده واللي شايف إنه بيحمي البلد بالأذية .. كل واحد شايف إنه صح .. حتى فرعون كان بيقول للناس اللي حواليه سيبوني اقتل موسى عشان أنا خايف إن موسى يفسد في الأرض

وقال فرعون ذروني اقتل موسى وليدع ربه إني أخاف أن يبدل دينكم أو أن يظهر في الأرض الفساد

وإنتي مش غلطانة ولا حاجة في تفكيرك .. لأن اللي بيحصل هو اللي غير طبيعي .. عشان كده اوعي تغيري طريقة تفكيرك .. حتى لو كانت حتتعبك ..

أمــانــى said...

السلام عليكم
فى ناس كده فعلا وللاسف ممكن يكون فى اوحش من كده اذا كان الانسان مش بيخاف ربه فيبقى لازم تعملى له حساب لان اذية اللى مش بيخاف ربنا بتكون كبيرة اووى
وكمان عادى جدا تفتكرى واحدة صاحبتك وهى مقربة ليكى وعند اقرب فرصة ممكن تطعنك وتقتلك وكمان تخلص عليكى
لان فى ناس اصلا عندهم المصلحة الخاصة قبل كل شئ
وباستغرب اووووى من اللى بيأذى الناس وهو مش حاسس بكده ولا بيستهبال الله اعلم
وخليكى زى مانتى فى كل حاجة لانهم هما اللى المفروض يتغيروا مش انتى
وكمان مالكيش دعوة بيهم لان الواحد لو عامل البنى ادمين هيكون وحش والحمدلله اننا بنعامل ربنا وبنتقي الله فى معاملتنا ليهم
ربنا يرحمنا من عنده ويحمنا منهم ويبعدهم عنا ياااااااارب امين ويكرمك يااااا جميل وترجعى لينا وتكونى دايما معانا يااااااارب امين
وطبعا زى مانتى عارفه انى دايما رغاية هههه معلش بقى

حائر في دنيا الله said...

سؤالك جميل يا رفقة
هناك ناس تؤذي الناس كيف عندها ومزاج
وناس تؤذيهم تخليص حق وإخرج كبت
وناس تؤذي ناس وهي لا تعرف أنها تؤذيهم ومتخيلة أن ما يحدث منها ليس سوى ممارسة حقها الطبيعي

ربنا يهدينا ويهديهم..

Mohamed A. Ghaffar said...

الأذيه للأذيه دول مرضى ويحتاجون العلاج

اما الباق وهم السواد الأعظم فيقدمون عليها لمصالحهم الشخصيه كبرت او صغرت

ftataljanna said...

عزيزتى رفقه وحشتيني والله
واسفه بجد على انى مش بكتب لك من زمان

بالنسبه لحكاية الاذية دى بقى فانتى جيتى فى ميعادك
ماكنتش مصدقه وانا بقرا لانى عايشاها فعلا وباسوا حالاها

فى ناس بتاذى لان الاذيه عندهم مرض مش قادرين يتحكموا فيه

وفى ناس بتاذى من باب انك اخدت حاجة انا كنت عايزها لو مش بتاعتى فمش بتاعت غيرى وانا هاتطلع عينك علشان اخدتها

وفى ناس بتاذى لمجرد انها عندها زوجهة نظر معينه فى حد معين فتاذيه بكلامها وهى مش قصدها الاذية بس من غير ما تقصد بتاذى فى مقتل

والمشكله فى حكاية الاذية دى بقى لو واحد بيتاذى بسبب طيبته وعفويته
لدرجة انها ممكن تخليه يكره نفسه من كتر ماهو طيب

هاقول لك حاجة

كل ميسر لما خلق له وفى ناس اتخلقت علشان تاذى ناس جايز ربنا يتوب عليهم وجايز لا بس الى اقصده ان فى ناس موجوده علشان تخلص من ناس تانيه


انا هاقول لك انا بعمل ايه فى حكاية الاذية دى

اولا :

انى بقول حسبي الله ونعم الوكيل بمعناها يعنى يكفينى الله وهو نعم الوكيل تركت له كل حاجة يصرفها كما يشاء

ثانيا:

بحط فى بالى ان انا باخد حسنات وده كفاية وصدقينى بيخفف عنك كتير

ثالثا
ده لو انتى يا عينى محروقه اوى صبري نفسك بانك يوم القيامه ربنا هاياخد لك حقك منه

رابعا بقى واخيرا اعرفى ان ربنا هايسلط عليه واحد يعمل فيه اللى عمله فيكى والاكتر لو سلط عليه نفسه

والاهم انك تاخدى عهد على نفسك زي ما انا عملت ان مهما حصل مش هاتتنازلى عن صفة الطيبه مهما حصل من الناس حتى لو كانت سبب مشاكل

بيني وبينك اخدت القرار ده لانى ما استحملش اكون شريرة ولا اتصور نفسي اصلا

وربنا يحمينا ويحميكي اللهم امين

عصفور المدينة said...

أختي الفاضلة
إحذري أن يكون استنكار وقوع الأذى والخداع يدفعك ألا تتوقعيه فالحقيقة إن توقع الشيء يقلل من ضرره النفسي يعني في البداية توقعي الأذى وسوء الظن هنا فطنة
أقصد سوء الظن الذي لا يؤدي إلى معاملة الناس بهذا الظن بل يؤدي للحذر

وبعدين اللي يغيظك هو هؤلاء القوم الذين يعتقدون أنهم بأذيتهم للآخرين والاعتداء عليهم قد حققوا كمال الفهلوة والفتاكة

وفي النهاية يجب ألا يمتنع الإنسان عن مخالطة الناس والصبر على أذاهم

elbostagy2 said...

السلام عليكم ورحمة الله وبركاته

طبتم وطاب ممشاكم وتبوأتم جميعا من الجنة إخوة الخير منزلا

قد يتفق معي البعض وقد يختلف آخرون

لكنها الحقيقة

يا جماعه احنا قاعدين نقول ان الناس أصبحوا وحشين ..
ما فيش أمان ولا أمانه.. مافيش تقدير للي احنا بنعمله..
ما فيش حب .. ما فيش حنان .. ما فيش أمل


الدليل على وجود الحاجات دي ان انتم
اتفقتوا على الحاجات دي
رغم اختلاف أماكنكم وانتمائاتكم

يبقى ازاي مش موجوده

أنا معاكم ان كتير بنعطي وما نلاقيش
بس تصدقوا



متعة العطاء ألا تنتظر المقابل
أعلم أن الكثيرين سيقولون أني أعيش في عالم المثاليه وووو
لكنها حقا متعة

المتعة ألا تنتظر المقابل من البشر
لانه مهما كان سيكون به تقصير

المتعه أن تنتظر المقابل من الله

يا جماعه احنا كل حياتنا لله

الحركة والسكنة .. الكلمة والجملة
كلها لله


الرسول صلى الله عليه وسلم لما وضع اليهودي الشوك أمام بيته
وفي يوم الرسول لم يجد الشوك سأل عن اليهودي

ولما علم انه مريض ذهب وزاره


ده في رايي لسببين


الأول طبعا ابتغاء مرضاة الله

الثاني لان الإسلام نزل لمداواة القلوب والتأليف بينها

الرسول صلى الله عليه وسلم لم يغضب لنفسه قط إلا إذا انتهكت حرمات الله


هي دي أخلاقنا يا اخواننا

أخلاق الإسلام

اللي ارتضينا في يوم ان احنا نحملها ونتعامل بيها

ولو كنا شايفين ان الناس في الزمن ده ما يستاهلوش وما يستحقوش

أعتقد انهم أولى من اليهودي جار الرسول صلى الله عليه وسلم

وتاني هقول

متعة العطاء ألا تنتظر المقابل


هي دي أخلاقنا ومش هنغيرها

الحقيقه ان النفس السليمه بتسكن بذكر الله
اون المقابل أو النظير هو رضا الله

وفعلا وقتها لو استشعرنا ده
ستقر نفسي بالسكينة ناسيا
ما كان لي في الناس من ثورات


أعتذر للإطالة ويارب يكون المعنى وصل

أسألكم الدعاء.....البوسطجي 2

خمسة فضفضة said...

السلام عليكم ورحمة الله وبركاته

في ناس عدنها اضطرابات في السلوك بما يعرف بالشخصية السادية
ودي هي الشخصية اللي بتستمتع بإيقاع الأذى الجسدي والمعنوي على الغير وده بيوصلها لاقصي متعه في الدنيا
علشان كده دايما تلاقي الشخصيات دي بتدور علي شغل يخلي اذيتها للآخرين حاجه مشروعه ( ظباط البوليس والمدرسين ،..... )
وفيه ناس تانيه بيعملوا كده مع عليتهم وجيرانهم وزوجاتهم وحتي ولادهم

ربنا يكفينا شرهم


تحياتي

خالد وليس بخالد said...

موضوع طيب
والحقيقة ان المصابين بمرض السادية (sadism) اللي هو حب تعذيب الاخرين
منتشرين اوي اوي وفي اماكن احنا عارفينها اوي

وربنا يهديهم
او ينتقم منهم ان لم يرد لهم هداية

لكن ليا تعليق على الاخت ميمو
وهو ان ربنا ملعنشي ابليس علشان السبب اللي الشيخ قالهولك
انما لعنه لان ابليس تكبر على الله
وخالف أمره ليس عصيانا فقط..وإنما استكبارا منه
(إلا إبليس استكبر وكان من الكافرين)
يللا الله المستعان

khaled said...

امين يا رب
اجاوبك بقى
لاننا دلوقتى واقفين بالشقلوب
يعنى على دماغتنا
بنقول
اخرجوا آل لوط من قريتكم انهم اناس يتطهرون
يا للسخرية

رفقه عمر said...

ميمو
الفرق بين معصيه سيدنا ادم ومعصيه الشيطان ان الشيطان استكبر انه يتوب وتوبته انه ينفذ امرالله بالسجود لسيدنا ادم عليه السلام لكنه استكبر واستعلى لكن سيدنا ادم عليه السلام بكى وندم على فعلته فتاب الله عليه هناك من البشر متكبرين على التوبه ومصرين على المعصيه زى الشيطان واكتر واكيد انتى عارفه النماذج دى منها ابى جهل وابى لهب وفرعون موسى وقارون وعبدالله بن سلول والنمرود وملك اصحابالاخدود يااااااااه لو عديت لك مش هاخلص التعليق يعنى فيه بشرغلبوا الشيطان فى شرة ربنا قال ان كيدالشيطان كان ضعيفا
وقال على النساء ان كيدهن عظيم هذا فى النساءما بالك فى كيد الرجال

رفقه عمر said...

ماعلينا
اولا انا مشااقصد ازعلك ابدا انا بس عايزاك تكون احسن وتفضل على اسلوبك المتميز عارف كل مدون له اسلوب متميز به ولوقرات له فى اى مكان هاعرف انه هو اللى كاتب واحنا اتفقنا مش حد فينا يزعل من التانى وبعدين اشمعنا انا اللى دايما بتزعل منى مش بقول الطيب فى الزمن دة دايما مضطهد المهم مش تزعل انا مش اقصدبجد اضايقك
وفعلا على رايك فيه ناسبتاذى وهى مش عارفه انها بتاذى واحيانا بتكون هناك كلمه تقتل الانسان

رفقه عمر said...

امانى الطيبه
اخبارك ايه ربنا يخليكى وشكرا ليكى كتير فعلا لوالانسان اللى بياذى بيخاف ربنا عمرة ما يفكر ياذى اى حد اويظلم حد انا اعتقد انهم خالين من المشاعروالاحساس اصلا

رفقه عمر said...

حائر فى دنيا الله
عارف اكترحاجه بضايقنى لما تلاقى واحدغشاش وبيعامل الناس بشكل سئ ويقول على نفسه انه قريب من ربنا وان ربنا بيحبه
ربنا قال
ومن الناس من يعجبك قوله فى الحياه الدنيا ويشهد الله على ما فى قلبه وهوالد الخصام واذا تولى سعى فى الارض ليفسد فيها ويهلك الحرث والنسل والله لا يحب الفساد واذا قيل له اتقى الله اخذته العزة بالاثم فحسبه جهنم ولبئس المهاد
تلاقيه يدعى الصلاح وهو غشاش فى تجارته اليس اطعام الناس خضار مسرطن دة من الظلم اللبن اللى بيصنع ببودرةالسراميك مش دة ظلم الناس اللى عايشه تحت خط الفقر ومش لاقيه حد يساعدها مش دة ظلم
حسبى الله ونعم الوكيل

رفقه عمر said...

استاذ محمد عبد الغفار
ايوةفيه ناس دى متعتهم الوحيدةفى الحياة اما اللى بياذوا لمصالحهم الشخصيه بقى ممكن الانسان يبيع والديه واولادة علشان مصلحته وبس ودةطبيعى لبعدالناس عن ربهم اللهم اجعلنا مفتاحا للخيرواجرالخيرعلى يدينا اللهم امين

رفقه عمر said...

فتاه الجنه
وانتى كمان وحشتينى جدا ومفتقداكى بجد ربنا يكرمك عارفه اصل فيه ناس من حولى بيقولولى انى حساسه وعاملى الناس زى ما بيعملوكى اااقول لهم مش بعرف اتعامل زيهم يمكن ابعد عنهم بس مش ااقدر اتعامل وانا فى قلبى شئ من حد يمكن بتعب كتير فى حياتى بس احيانا بجدبقابل ناس فيها خير كتير يمكن قليلين جدا بس برضه خيرلكن للاسف الصفه السائدة القلب الغير نقى اللى بيتعامل بعكس ما فى قلبه ودول اللى بخاف منهم قوى ربنا يعافينا منهم اللهم امين

رفقه عمر said...

عصفور الجنه
فعلا عندك حق لازم توقع الاذى من اى حد وخصوصا من لا تتوقع الاذيه منه وايضا هناك ناس لا تعلم ان ممكن كلمه تؤذى اكثر من الفعل
ربنا قال
الم تر كيف ضرب الله مثلا كلمه طيبه كشجرة طيبه اصلها ثابت وفرعها فى السماء ومثل كلمه خبيثه كشجره خبيثه اجتثت من فوق الارض ما لها من قرار
صدق الله العظيم
وسبحان الله تجد ناس عماله تقول كلام ولا تعلم انه ممكن يؤذى غيرها ويقولوا احنا بنهزر او مش نقصد خلاص الكلمه خرجت وانتهى الامر

رفقه عمر said...

البوسطجى
عندك حق انه فيه ناس فيهم خير بس قليلين او مش باينين السائد هو اصحاب النفوس السيئه وطبعا لازم مش نعمل الناس بمثل معاملتهم وكمان عندك حق فانا من اعطاه نعمه العطاء فهى من امتع النعم بس هل نترك الظالمين هل اترك من يؤذينا من غير اى تنبيه من غير اى اشارة من ناحيتنا ان الاسلوب دة لازم يغيروه الرسول صلى الله عليه وسلم قال انصر اخاك ظالما او مظلوما قالوا ننصرة مظلوما كيف ننصرة ظالما قال صلى الله عليه وسلم ترده عن ظلمه
انا بقى اللى بقدر اعمله انى اتجنب من اذانى ولا اتعامل معه مرة اخرى
سعيدة بزيارتك الاولى وسعيدة بتعليقك جزاك الله خيرا

رفقه عمر said...

خمسه فضفضه
اخبارك ايه منورة المدونه بجد ربنا يكرمك
عارفه اللى بيخالينى باستغرب للناس دى ايه المتعه فى رؤيه انسان يتالم ايه المتعه فى الاذيه هل مش عندهم مشاعر تحس هل هم بلا قلوب هدانا الله واياهم وكفا عنا اذاهم

رفقه عمر said...

خالد وليس بخالد
فعلا المشكله انهم بقوا منتشرين جدا وفى كل مكان وللاسف ممكن تتعامل معهم بحسن نيه وفجأة تكتشف اخلاقهم الغريبه وتصرفاتهم الاغرب

رفقه عمر said...

خالد
ايوة فعلا وبقى الخير بيدارا فى هذا الزمن وبيظهر على استحياء ربنا يهدينا جميعا الى سواء السبيل

elbostagy2 said...

السلام عليكم ورحمة الله وبركاته

أختي العزيزة رفقة عمر

هذه ليست زيارتي الأولى فأنا متابعك من فترة ليست بالقصيره

بالنسبة لموضوع النقاش

أنا لم أقل أن أتنازل وأتحمل أخطاء الغير

المشكلة في الشعب العربي أنه يتنازل عن حقوقه ظنا منه أنه يعفو

النظريه دي غلط

علشان أعفو لازم يكون موقف قوه مش ضعف

بشرط ان أنا أكسب القلوب مش المواقف
ودي بتبان من قول الرسول صلى الله عليه وسلم " العفو عند المقدرة"

المقدرة دي معناها القوة والعزة

ياريت ما نتنازلش عن حقوقنا
وفي نفس الوقت نكسب القلوب

ولو ده هيسبب مشاكل لينا يبقى نحاول نتجنبه
لكن لو حصل احتكاك يبقى هرجع وأقول

حاول تكسب القلوب

سبحان الله القول بين إصبعين من أصابع الرحمن يقلبها حيث يشاء

اللهم ألف قلوبنا يا أرحم الراحمين


دمتم بكل ود وخير

أسألكم الدعاء ... البوسطجي 2

ana ga3an said...

الاجابة في منتهي السهولة
ولهذا خلقت الجنة و لهذا خلقت النار
ولهذا نحن خلقنا بشر

رفقه عمر said...

استاذى الجعان
دايما بيسعدنى تعليقك وبتسعدنى زيارتك جزاك الله خيرا
ايوة احنا بشر وايوة ربنا خلق الجنه والنار بس ربنا لما حذرنا من النار وقال على اسباب دخول النار دة لانه مش يريد ان احد يدخل النار لانه حذرنا منها فلو اتقينا اله فى كل اعمال وكل ما نخطأ فى حق الله او حق الناس نرجع ونتوب يبقى المستكبر بس المصر على المعصيه هو اللى هايكون مصيره النار وربنا وضع اسس وقواعد الموجود فى القران والسنه لتنظيم حياه الانسان وكلها تتدعو للخير والحب بين الناس وحب الايثار