Friday, May 04, 2007

ليه انت بتدون


السؤال دة انا سالته لنفسى قبل ما ابتدى تدوين لانى اصلا مش كنت اعرف ايه تدوين لولا استاذى الجعان اللى عرفت منه التدوين ولما قلتله مش بعرف اكتب قالى اكتبى اللى بتحسيه وبس واكتبى زى ما بتتكلمى برضه فكرت كتير انا بحب ايه ايه اللى احب اكتب فيه افتكرت امر وهو انى كنت اخذت دورة فرونت بيدج او تصميم صفحات الانترنت انى اعمل سايت اتكلم فيه عن دينى لانى اريد تحقيق الايه الكريمه (ولتكن منكم امه يدعون الى الخير ويامرون بالمعروف وينهون عن المنكر واؤلئك هم المفلحون) سورة ال عمران

وحديث الرسول صلى الله عليه وسلم (بلغوا عنى ولو ايه) كنت بخاف ان ربنا يحاسبنى انى عرفت الصح ومش ابلغه زى ما انا عرفته وبما انى خجوله جدا مستحيل اعرف اتكلم بكل اللى عايزة اوصله لحد علشان كدة كنت نفسى اعمل سايت اتكلم فيه بحريتى بس للاسف توقف الحلم لانى انشغلت فى امور اخرى او يمكن لم اجرؤا على هذه الخطوة لانها محتاجه ناس معايا ومش عرفت ابتدى ازاى حتى اراد الله لى ان افعل ما تمنيته عن طريق المدونه وجزا الله كل خير من دلنى على هذا الامر وانتم عارفين طبعا مين هو استاذى الجعان بجد كل كلمه قلتها هنا فى المدونه لم تخرج منى الا وانا احسها واتعايشها دائما الايه الكريمه هذه فى بالى( كبر مقتا عند الله ان تقولوا ما لا تفعلون)وايضا الايه الكريمه (مثل الذين حملوا التوراة ثم لم يحملوها كمثل الحمار يحمل اسفار بئس مثل القوم الذين كذبوا يايات الله والله لا يهدى القوم الظالمين)كم من الناس من يحفظ ايات الله ويعرف احاديث الرسول ولكنه للاسف لا يعمل بها ولا يعلمها لاحد خفت ايضا انا اكون كالحمار الذى يحمل الاسفار اكيد انا مقصرة فى كثير جدا فى حق الله ولكن بجد اللى فعلا حسيته وشعرت بحلاوته بقوله على المدونه يمكن اكتر وقت حسيت فيه قيمه القرب من الله عند وفاة والدى رحمه الله عليه بجد لما اتوقع ما حدث عندما خرج الطبيب يخبرنا بتوقف القلب وااستحاله اعادته مرة اخرى انتظرت انى ابكى لم ابكى انتظرت احد من اخواتى يبكى لم يبكوا والهمنا الله لقول انا لله وانا اليه راجعون ونحتسبه الى الله ليست شجاعه منى ولا قوة تحمل ولكنها رحمه الله والسكينه التى ينزلها الله عند وقوع المصيبه الحمد لله على كل حال

وهكذا كان غرضى من عمل هذه المدونه لم اهتم انى اتعرف قدر اهتمامى ان يصل ما احسه للاخرين كما حسيته انا انى ابلغ ما تعلمته بنفس الطريقه اللى حاسيته بيه وتعايشته يمكن كل همى انى اكتب كل حاجه عرفتها او بمعنى اصح كل حاجه بحسها واتعايشها اكيد سعدت انى اجد من يقرأ لى ويثنى على المدونه واشكر كل من يضع تعليق ولانى اريد من يقرأ المدونه يقرأ فقط لغرض القراءة وليس لصاحبه المدونه تعمدت انى مش حد يعرفنى من المدونين وان يكون معرفتنا فقط من خلال المدونه يمكن تلاثه من المدونات البنات اللى تعرفت عليهم فعلا ومش هاقول هما مين هما عارفين نفسهم تعليقاتى كلها فى حدود لا احب اتعدى حدودى مع احد ولا احب احد يتعدى حدودة معى

لانى لا يهمنى شئ غير انى اعمل شئ لدينى ولو هذا العمل الضعيف يمكن هو مش دينى بحت ووعظ وكدة لانى مش اهل للوعظ بس انا بقول اللى عايشاه وبس ولكنى ارجو الله ان يقبله منى
فهل كل واحد فينا سال نفسه قبل ما يبتدى تدوين ليه ابتدى التدوين ايه اللى عايز يقوله لان الانسان هايحاسب على كل كلمه ينطقها
انا عملت البوست دة علشان الناس تعرف ليه انا بكتب ليه مش حابه اعمل صداقات عن طريق المدونه مش عايزة حد يهتم بشخصيه صاحبه المدونه قد ما يهتم باللى بكتبه مش عايزة حد يقرا علشان يجاملنى ويضع تعليق من غير حتى ما يفكر يقرأ البوست
فكرت بجد بعد وفاة والدى رحمه الله رحمه واسعه انى مش اكتب تانى بس قلت فى نفسى اغلبى شيطانك انتى عملتيها لله يمكن حد يقرأ مرة شئ ممكن ياثر فيه او يجعله يعيد تفكيرة مرة اخرى
انت بقى بتدون ليه؟؟؟؟؟؟؟
قل ان صلاتى ونسكى ومحيا ومماتى لله رب العالمين

24 comments:

عصفور المدينة said...

أتحسس من كلمة أتعدى حدودي مع احد أو يتعدى أحد حدوده معي شيئا ما
وبغض النظر جزاك الله خيرا أستاذة على التنويه لموضوع النية
ورأيي أنه يجب أن يكون لكل مدونة ميثاق شرف ويكون بمثابة الخط المحدد لاتجاهها ونيتها
لماذا أكتب وضعت لنفسي هذه الأهداف وأضعها أمامي دائمافي شريط في مدونتي

لماذا أكتب؟ رغم أن الكلام الذي أكتبه عادي وشبه مكرر وموجود في الكتب وفي أفكارنا إلا أنني أحتاج أن أكتبه, أحتاج أن أؤكد لنفسي على القيم التي ألتزم بها وأدعو إليها, أحتاج أن أثبت التجارب والخبرات, أحتاج أن أتخلص من حاجتي لتكرار الفكرة على مر السنين دون أن أصطادها مكتوبة أحتاج أن أحفز الآخرين أن يخرجوا ما عندهم مهما كان بسيطا وعاديا ومن قبيل لام "القمر" لام قمرية أما لام "الشمس" فهي ليست قمرية بل شمسية لكي نقول جميعنا لبعضنا نحن موجودون, أحتاج أحيانا أن أصدم الآخرين بالمعادلات الغريبة التي تحرك سلوكي ربما أكون مخطئا فيها وربما يراها أحدهم تستحق النظر. لا أحتاج لأن أكتب في السياسة وحقوق الإنسان لفشو المعرفة بها لدى الجميع. أحتاج أن أتمثل القدوة وأدعي المثالية ربما يدفعني ذلك لتطبيقها واقعا وأن أقول لنفسي أنت الذي كتبت كذا . أحتاج أن أترك ميراثا مكتوب

ma_3alina said...

ماشاء الله .. موضوع مميز كعادتك أختي رفقة ..ربنا يبارك فيك لاهتمامك بهذا الأمر الذي يحتاج إليه المدونون كثيرا قبل كتابة مواضيعهم وقبل إضافة تعليقاتهم ..

وأرجو منك أختي في الله .. و ما دمت تطرقت لما يحتاج المدون أن يستحضره عند التدوين وهو الموضوع الثاني بعد موضوعك الأول ديمقراطية المدونين .. فأرجو منك أن تكتبي في موضوع سلامة الصدر وتقديم حسن الظن في الآخرين .. وآداب الآخوة في الله .. والنصح في السر .. والتبين والسؤال قبل الحكم على الآخرين ..

فكلها أمور أظن اني احتاجها ويحتاجها المدونون كثيرا ..

لي طلب عندك يارفقة ..
أن تدعي لوالدي بالشفاء لأنه بالمستشفى وسيجري له الأطباء عملية .. فاسألك الدعاء له كثيرا ..

إن مد الله في أعمارنا بعدها فاسمحي لي أن اناقشك في تعليقك الأخير عندي .. لعل هناك سوء تفاهم أو ما فهم بصورة غير صحيحة كما حدث من قبل .. ولكي حرية رفض المناقشة بالطبع

وعلى كل فلكي مني خالص التحية والتقدير وجزاكي الله كل خير

واحد من الناس said...

التدوين....ما هو ؟
بالنسبه لي هو وسيله للتعبير عما اشعر به
وما يتنفسه صدري
ممكن تقولي
فضفضه
تبادل اراء
باب للراحه النفسيه
يعني بعد مبكتب اي بوست بحس براحه غريبه مبيحسهاش الا الي بيحب يكتب
زي ما يكون هم و اتزاح عني وخرجته من جوايه
بقا ادامي بتفرج عليه و اعرضه للناس يشوفوه ويتكلموا عليه
ودي اكتر وسيله لتخفيف الهموم
وهي المشاركه

وجزاك الله خيرا على مدزنتك وجعل كل حرف فيها في ميزان حسناتك

http://1minelnas.blogspot.com

elbostagy2 said...

السلام عليكم ورحمة الله وبركاته

أختي العزيزة
جزاكم الله خيرا على تلك التذكرة الرقيقة

ما لبثت أن قرأت تدوينتك حتى أجهشت بالبكاء

السبب الرئيس في اهتمامي بالتدوين هو أستاذي العزيز عبد المنعم محمود

فك الله أسره وشفا والده

تذكرت قول الله عز وجل في سورة ق
" ما يلفظ من قول إلا لديه رقيب عتيد"


اللهم يا مقلب القلوب والأبصار ثبت قلوبنا على دينك
اللهم اني أعوذ بك من أن أشرك بك شيئا أعلمه وأستغفرك لما لا أعلمه


دمتي بكل ود


أسألكم الدعاء ... البوسطجي 2

elbostagy2 said...

أستاذي العزيز ما علينا

شفا الله والدك وعافاه

اللهم رب الناس أذهب البأس اشف انت الشافي لا شفاء إلا شفاؤك شفاء لا يغادر سقما

أسأل الله العظيم رب العرش الكريم ان يشفيه


دمت بكل ود

أسألكم الدعاء ... البوسطجي 2

حائر في دنيا الله said...

سألني أحدهم مرة وأجبته بصراحة وبكل صراحة
أعتقد ليس الآن وقت ذكر كل ما قلته، لسبب في صداعي، المهم أن يكون في عقلك وقلبك ونيتك شيء تريد توصيله
هدف تراه ولو كان بعيد
جبل تتسلقه ولو كان صعب
ميت توقظه ولو كان مستحيل

مع تحياتي

الديب said...

جزاكي الله خيرا اختى الكريمة ..

فعلا .. تذكرة لا بد لنا منها بين الحين والاخر .. فنما سمي القلب قلبا لكثرة تقلبه .. اللهم ثبتنا لى دينك
!!

ارجو قراءة اخر تدويناتي .. ففيها شبة ما بما كتبتيه

السلام عليكم

أمــانــى said...

السلام عليكم
اختى فى الله
لماذا ادون اننى قبل ما اكتب قى البلوجر كنت باكتب فى الاسبيس انا اكتب كل ما يدور بداخلى وبعد كده غيرت على البلوجر برضو باكتب كل ما يدور بداخلى
حتى اتمكن من التعليق فى بعض المدونات اللى هى فعلا فى حاجة للتعليق انا باحس ان التعليق واجب لان فى ناس كتاباتهم كويسة جــدآ ذو هدف ولازم الواحد يكون معاهم لاننا اجد الراحة فى مدوناتهم لمجرد فتحها وعلى الرغم من ذلك فى موضوعات مش باقدر اعلق عليها على الرغم انهابتكون كويسة بس باحسها اكبر من تعليقى وانا مش بأحسها مجاملة باحسها واجب لان للاسف فى ناس اقل منهم فى اشياء كثيرة وبتلاقى عندهم تعليقات كتير وكمان بيكتبوا دايما لان فى ناس بتشجعهم وانا من وجهة نظرى واجب عليا اشجع كل واحد احسه بيقول كلمة حق من وجهة نظرى لازم نكون جنبهم ومعاهم لاننا كلنا اخوه
ربــنا يوفق اخواننا المســـلمين لما يحب ويرضى آمـــــين ويجعلهم اقوياء على الظلم ويكونوا دايمــا مع الحــق وربنا يثبتهم ويثبتنا جمــيعا يااااااااارب آمـــــين

مـحـمـد مـفـيـد said...

جزاكي الله خيرا عن هدفك من هذا البلوج

رفقه عمر said...

عصفور المدينه
اهلا بيك فعلا الانسان لما يكتب عن قيم معينه بينكسف من نفسه انه مش بيتصف بيها وبيحاول انه يكون زى ما بيقول اعانك الله على تحقيق فكرتك وان يستفيد بها الاخرون
جزاك الله خيرا

رفقه عمر said...

ما علينا
شفا الله الوالد عفاه وبارك له فى صحته وفى عمره اللهم امين
انا شايفه انا فى هذا الزمن تقديم سؤ النيه هو الاولى فى البدايه واذا اثبت الشخص حسن نواياه تحولت الى حسن نيه لانه كتير جدا ناس اتخدعت بسبب تقديم حسن النيه فى البدايه

رفقه عمر said...

واحد من الناس
يااااه فينك من اخير بوست ليه بتغيب كدة فى الكتابه كل شهرين بوست ولا ايه ربنا يكرمك ساعات انا برضه بكتب لان فيه حاجه جوايا عايزه اخرجها وفعلا مش برتاح ال لما اكتبها
وجزاك الله خيرا

رفقه عمر said...

البوسطجى2
ليه بس بكيت انا مش ااقصد ان حد يبكى اكيد زعلان على استاذك فك الله اسرة وردة الى اهله سالما اللهم امين وجعل اسره فى ميزان حسناته اللهم امين يارب العالمين

رفقه عمر said...

حائر فى دنيا الله
اخبار الصداع ايه شفاك الله وعافاك
المهم الانسان يكون مقتنع باللى بيكتبه لانه لو مش مقتنع عمره ما هايوصل لحد

رفقه عمر said...

الديب
اهلا بيك سعيدة بزيارتك فعلا ربنا يثبت قلوبانا على الايمان ويرزقنا الاخلاص اللهم امين

رفقه عمر said...

امانى الطيبه
انا كمان احب اعلق عند ناس معينه لانهم بيكونوا كا تبين موضوعات جميله قوى ولا حد حاسس بيهم لازم يحسواان فيه حد بيقرا ليهم علشان مش يحصل لهم فتور او احباط ومش بحب اعلق على المدونات الز حمه لانه مش ناقص تعليقى

رفقه عمر said...

استاذ محمد مفيد
وجزاك مثله ربنا يكرمك ويجازيكى عنا خير الجزاء اللهم امين

Mohamed A. Ghaffar said...

انا جاوبت على السؤال ده قبل كده فى تاج سابق وقلت انى بدون عشان اغير المجتمع

ولكنى بعيد عن هدفى بفراسخ

رفقه عمر said...

الاخ الكبير استاذ محمد عبد الغفار
انت هدفك تغير المجتمع دة هدف جميل المهم لا تياس من السعى لتحقيقه حتى لو غيرت شخص واحد دة دليل نجاح
الرسول الكريم قال لان يهدى بك احدا خيرا لك من حمر النعم اكيد هايوجد شخص ولا اتنين ولا عشرة غيرت فيهم واثرت فيهم بجد وربنا بيجازى على النوايا

koukawy said...

انا بدون عشان اخلي الشخصيه اللي جوايا تتكلم تتكلم في كل حاجه حلوه و طفوليه و عبيطه و حتي لو في الدين علي قدي
و لو حاجه بسيطه بس اهم حاجه اني معملش اسفاف و قلة ادب و عارفه ان حتي لو مبدونش للدين بس مبدونش حاجه تغضب ربنا

رفقه عمر said...

كوكو الكميل
منوره انتى عشتك جميله وبوستاتك جميله يا حبيبتى انا لم اقصد ان كل واحد لازم يدون مثلا علشان الدين لا ابدا انا كل غرضى من السؤال انا قلت انا بدون ليه طيب كل واحد ايه اللى يجب يتكلم فيه علشان كدة بيدون شوفى اى هدف كان للتدوين فهو حافز للاستمرار حتى ولو كان تدوين لمجرد الكتابه او تضيع وقت الفراغ دة هدف فى حد ذاته طالما انه لا يفعل شئ يسئ للاخرين اويؤذى مشاعرهم والدنيا مش كلها ناس بتتكلم فى الدين فيه ناس خلقت للعلم وناس خلق للسياسه وناس خلقت للادب والشعر لازم الاختلاف علشان تكون هناك متعه وتغير انا بستمتع بمدونتك وبستمتع بكل مدونه بدخله وخصوصا اللى ليهم لينكات عندى وفيه ناس مش ليهم لينكات عندى بس بحب ادخل لهم وانا مش حاطه لينكات ليهم علشان هاحس المدونه هاتكون زحمه قوى فا دخلهم من مدونات اخرى ومش كلنا اهدفنا واحدة بالعكس لازم تختلف الاهداف علشان الحياه تستمر

eldoctor said...

التدوينة دى محتاجة تحطيها فى أول المدونة .. علشان كل واحد يقرأها قبل ما يرد على اى كتابة لك ...

بس فى ثنايا الكلام معانى تقلق.. عسى ان لا يكون أحدهم تعدى الحدود .. وعسى ان لا يكون احدهم و انا منهم قال كلمة فسرت على معنى خاطىء

رفقه عمر said...

الدكتور
حضرتك من المدونين الخلوقين المحترمين جدا جدا ازاى حضرتك ممكن تغلط فى حد ربنا يكرمك لا بس اكتر من مرة سمعت تعليق فيه سخريه وانا لا احب اسلوب السخريه فى الحوار وكنت فعلا فى حاله شعوريه جعلتنى اكتب هذا البوست وانا بداخلى غضب شديد ممن سخر منى
مع انى التزم حدودى مع الجميع

خمسة فضفضة said...

السلام عليكم ورحمة الله وبركاته

رفقة عمر ...جزاكِ الله خير

لما يكون الواحد حاطط هدف قدام عنيه وعاوز يحققه ان شاء الله ربنا بيعينه عليه ويوفقه فيه خاصة لو كان خالص لوجه الله تعالي


عن نفسي انا عملت مدونة لاني زهقت من المنتديات ، كنت بحط كل اللي انا عاوزه اتكلم فيه في المنتديات بس زهقت منها ، كمان من الاعضاء اللي بيحبوا يفرضوا رايهم، والناس اللي عاوزه تتعرف وتتكلم علي الماسنجر بالعافيه والرسايل الخاصه وسخافتها ، وده السبب الرئيسي اللي خلاني اسيب عالم المنتديات وادخل عالم المدونات ، الواحد حر يكتب اللي هو عاوزه وقت ماهو عاوز و كمان كل حاجه تبقي في حته واحده مش متفرقه ، واللي في نفسي اقوله ......افضفض براحتي يعني

كذا حاجه كانت السبب في بداية المدونة بس دول اهمها


تحياتي