Sunday, May 06, 2007

وسقط صاحب بغداد


شا هدت فى احدى القنوات الفضائيه مشهد ضايقنى كتيرا جدا انا دايما بغداد فى خيالى البلد الساحرة بلد الف ليله وليله وعلاء الدين والسندباد وكل حاجه كانت تاخدنى لعالم الاحلام الساحر وجدت فى هذا البرنامج تقرير عن الاثار الاسلاميه فى العراق شاهدت تمثال ابى جعفر المنصور مهدم بيد الاحتلال طبعا انتم عارفين مين ابى جعفر المنصور او ل خليفه عباسى وهو الذى انشأ مدينه بغداد وطبعا معظم الاثار الاسلاميه والتى تظهر حضارة وامجاد المسلمين معظمها دمرت بشكل يدل على حقد وغل لدى الغرب انا لا ادافع عن تماثيل ولكنى ادافع عن رمز لعصور القوة للاسلام عندما قامت طالبان بتدمير تما ثيل بوذا قامت الدنيا ولم تقعد ومن ضمنها الدول العربيه ومنها مصر واعلنوا الحرب على طالبان لانها تدمر الحضارة الانسانيه وانهم غوغاء ورعاع وارهابيين اين العالم الان اين منظمه اليونسكو لماذا لم ينتفض لانقاذ الاثار الاسلاميه هناك . كنت سمعت ايام حرب العراق ان اليهود كل غرضهم من حرب العراق انها ترجع لعصور الجاهليه انتقاما لاجدادهم الذين طردهم الاشوريين من العراق وطبعا تم ذلك بمنتهى السهوله تحت مرأى ومسمع العالم وبمباركه امريكا طبعا وهذا يعتبر اقل شئ حدث فى العراق هناك ضحايا اخريين لا يشعر بهم احد هم اطفال العراق الذين اصبحوا يتمنوا الموت على ان يعيشوا مشوهين او يعيشوا فى قلق مستمر على حياتهم لماذا حاكموا صدام وتركوا هؤلاء السفاحين مصاصى الدماء يقتلون الناس كل يوم بالالاف ولا احد يتكلم او يعترض حتى انتم ايها المدونون انتم يا صوت الضمير ليه نسيتم فلسطين الجريح والعراق الحزين انشغلتم بفرح جمال وهل هايرث الحكم ام لا اولا هل تتدخلتم فى اقدار الله الحاكم هذا من الاقدار اتعتقدون ان ممكن لجمال ان يضمن عمرة غدا او بعد غد اذا لم يكن الحكم بشرع الله فكل من يحكمنا جمال لا اختلاف ايه الفرق بينه وبين غيره ممن يلهثون وارء الحكم كلهم سواء سواء من رفع شعار الاسلام او رفع شعار الديمقراطيه الحكم يسعى اليك لا تسعى اليه انت لان الحكم فتنه عظيمه لا يستطيع تحملها احد فمن يطلبها فهو منافق ويريد مصالحه الشخصيه فقط نسيتم قضايا المسلمين نسيتم اننا كلنا مسئولون امام الله عنهم هما يعانون وحدهم يذبحون كل يوم ونحن هنا منعمون مرفهون نجلس امام النت بالساعات او الفضائيات وكل اللى بنقوله ياعينى ربنا معاهم لاتنشغلوا عن القضيه الاساسيه بقضايا فرعيه نحن جميعا فى خطر ولا يبعد الخطر عنا سيدبر لينا سيناريو كما دبر لفلسيطين والعراق وافغانستان ولبنان اذا لم نستعد لذلك هانكون كالعراق بل اشد ولا يعانى من هذه الحروب الا الاطفال الا تخافون على اطفالكم حفظهم الله من كل سؤ ولاطفال العراق لم اجد غير هذه القصيدة المعبره لفاروق جويدة

مادام يحكمنا الجنون‏..سنرى كلاب الصيد تلتهم الأجنة في البطون
سنرى حقول القمح ألغاماً وضوء الصبح ناراً في العيون
سنرى الصغار على المشانق في صلاة الفجر جهراً يصلبون
وحين يحكمنا الجنون لا زهرة بيضاء تشرق فوق أشلاء الغصون
لا فرحة في عين طفل نام في صدر حنون لا دين‏..‏ لا إيمان‏..‏ لا حق ولا عرض مصون
وتهون أقدار الشعوب وكل شيء قد يهون مادام يحكمنا الجنون
أطفال بغداد الحزينة يسألون عن أي ذنب يقتلون يترنحون على شظايا الجوع يقتسمون خط الموت‏..‏ ثم يودعون
شبح‏ "الهنود الحمر"‏ يظهر في صقيع بلادناويصيح فينا الطامعون‏...من كل صوب قادمون
من كل جنس يزحفون .. تبدو شوارعنا بلون الدم والكهان في خمر الندامة غارقون
تبدو قلوب الناس أشباحاًويغدو الحلم طيفا عاجزاًبين المهانة‏..‏ والظنون
هذي كلاب الصيد فوق رؤوسنا تعوي ونحن إلى المهالك مسرعون
أطفال بغداد الحزينةفي الشوارع يصرخون جيش التتاريدق أبواب المدينة كالوباء
ويزحف الطاعون أحفاد "هولاكو"على جثث الصغار يزمجرون
جثث الهنود الحمر تطفوفوق أعمدة الكنائس والثرى يغلي ....صراخ الناس يقتحم السكون
أنهار دم فوق أجنحة الطيور الجارحات مخالب سوداء تنفذ في العيون
مازال دجلة يذكر الأيام‏..والماضي البعيد يطل من خلف القرون
عبر الغزاة هنا كثيرا‏ً..‏ ثم راحواأين راح العابرون‏هذي مدينتنا‏..‏ وكم باغ أتى ذهب الجميع ونحن فيها صامدون
سيموت "هولاكو"ويعود أطفال العراق أمام دجلة يرقصون لسنا الهنود الحمرحتى تنصبوا فينا المشانق
في كل شبر من ثرى بغدادنهر‏..‏ أو نخيل‏..‏ أو حدائق وإذا أردتم سوف نجعلها بنادق
سنحارب الطاغوت فوق الأرض بين الماء‏..‏ في صمت الخنادق إنا كرهنا الموت لكن في سبيل الله نشعلها حرائق
ستظل في كل العصور وإن كرهتم أمة الإسلام من خير الخلائق
أطفال بغداد الحزينة يرفعون الآن رايات الغضب بغداد في أيدي الجبابرة الكبار
تضيع منا‏..‏ تغتصب أين العروبة‏..‏ والسيوف البيض والخيل الضواري
‏والمآثر‏.. ‏والنسب أين الشعوب وأين كهان العرب في معبد الطغيان يبتهل الجميع ولا ترى غير العجب
البعض منهم قد شجبوالبعض في خزي هرب وهناك من خلع الثياب لكل جواد وهب
في ساحة الشيطان نقرأ ‏"‏" الدولار يسعى الناس أفواجاًإلى مسرى الغنائم والذهب
والناس تسأل عن بقايا أمة تدعى"‏العرب"‏كانت تعيش من المحيط إلى الخليج
ولم يعد في الكون شيء من مآثر أهلهاولكل مأساة سبب
باعوا الخيول‏..وقايضوا الفرسان في سوق الخطب فليسقط التاريخ‏ولتحيا الخطب
أطفال بغداد الحزينة يصرخون يأتي إلينا الموت في لبن الصغاريأتي إلينا الموت في اللعب الصغيرة
في الحدائق‏..‏ في الأغاني في المطاعم‏..‏ في الغبارتتساقط الجدران فوق مواكب التاريخ
لا يبقى لنا منها‏‏ جدار...عار على زمن الحضارة أي عار
من خلف آلاف الحدوديطل صاروخ لقيط الوجه‏..لم يعرف له أبداً مدارويصيح فينا‏:أين أسلحة الدمار
‏هل بعد موت الضحكة العذراء فينا سوف يأتينا النهار الطائرات تسد عين الشمس
والأحلام في دمنا انتحارفبأي حق تهدمون بيوتناوبأي قانون تدمر ألف مئذنة
‏ وتنفث سيل نار..تمضي بنا الأيام في بغدادمن جوع‏..‏ إلى جوع ومن ظمأ‏..‏ إلى ظمأ ووجه الكون جوع
‏ أو حصاريا سيد البيت الكبيرفي وجهك الكذاب تخفي ألف وجه مستعارنحن البداية في الرواية‏..ثم يرتفع الستار
هذي المهازل لن تكون نهاية المشوارهل صار تجويع الشعوب وسام عز وافتخار
‏هل صار قتل الناس في الصلوات ملهاة الكبار‏هل صار قتل الأبرياءشعار مجد‏ وانتصار
أم أن حق الناس في أيامكم نهب‏..‏ وذل‏..‏ وانكسارالموت يسكن كل شيء حولناويطارد الأطفال من دار‏.. ‏لدار
مازلت تسأل‏:أين أسلحة الدمار ‏أطفال بغداد الحزينةفي المدارس يلعبون
كرة هنا‏..‏ كرة هناك طفل هنا‏..‏ طفل هناك قلم هنا‏..‏ قلم هناك لغم هنا‏...‏ موت‏..‏ هلاك
بين الشظايازهرة الصبار تبكي والصغار على الملاعب يسقطون بالأمس كانواكالحمائم في الفضاء يحلقون
في الكوفة الغراءعطر من عبير المصطفى فجر أضاء الكون يوماً لا استكان ولا غفا
يا آل بيت محمد‏..كم حن قلبي للحسين‏.. ‏وكم هفا غابت شموس الحق والعدل اختفى
مهما وفى الشرفاء في أيامنا زمن‏"‏النذالة‏" ما وفى..‏مهما صفا العقلاء في أوطاننا بئر الخيانة ما صفا
بغداد يا بلد الرشيديا قلعة التاريخ والزمن المجيد بين ارتحال الليل والصبح المجنح لحظت ان نموت عيد
ما بين أشلاء الشهيد يهتز عرش الكون في صوت الوليد ما بين ليل قد رحل ينساب صبح بالأمل
لا تجزعي بلد الرشيد لكل طاغية‏.اجل.
العيد‏..‏دمع جامد يخفيه في الأحداق عن صورة الأب الذي قد غاب يوما
‏ لم يعدوانساب.. مثل الضوء في الأعماق يتعانق الطفل الصغير مع التراب يطول بينهما العناق
خيط من الدم الغزيريسيل من فمه يذوب الصوت في دمه المراق تخبو الملامح
‏ كل شيء في الوجوديصيح في ألم‏:‏ فراق والطفل يهمس في أسى‏:أشتاق يا بغداد تمرك في فمي
من قال إن النفط أغلى من دمي ‏بغداد لا تتألمي مهما تعالت صيحة البهتان في الزمن العمي
فهناك في الأفق البعيد صهيل فجر قادم في الأفق يبدو سرب أحلام يعانق أنجمي
ما تواري الحلم عن عينيك قومي‏..‏ واحلمي ولتنثري في ماء دجلة أعظمي
فالصبح سوف يطل يوماًفي مواكب مأتمي من جنون الموت بغداد لا تستسلمى بغداد لا تستسلمي
من قال إن النفط أغلي من دمي
لا حول ولا قوة الابالله وا اسفاه ماحل بك يابغدادولكن كلِ امل بان الصبح سوف يطل على ارضها السوداء يوما ما
الصور من مدونه صوت العراق

39 comments:

ma_3alina said...

والله يا رفقة بتحرجينا وتكشفينا قدام نفسنا

بس ارجع واقول ليكي إن كله منفد على بعضه .. توريث الحكم منفذ على سقوط بغداد .. منفذ على حال الغلابة في البلد .. منفذ على عزوف الناس عن الدين

وضياع كل آثار المسلمين وعمارتهم وما بنوا أهون عند الله من سفك دم مسلم واحد

إنتي بقى ليكي في الشعر ولا إيه ؟

ma_3alina said...
This comment has been removed by the author.
عصفور المدينة said...

ما بالك بتفجير قبور الصحابة

العــــراق said...

السلام عليكم اختنا الحبيبة رفقة عمر
اشتقنا اليك والله الكل بسلم عليك هنا وتسلم ايدك على البوست الرائع والله الاختيار صحيح طبعا انت عارفة انا اقصد اختيارنا لك في الكتابة
ربنا يحفظك يااصيلة ياابنة الاجاويد

BinO said...

عموماً لاتحزني
فالتاريخ لا يسقط بسقوط تمثال
والحمد لله علي سقوطه
{يُرِيدُونَ لِيُطْفِؤُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ }الصف8

أسف علي تقصيري

خالد وليس بخالد said...

جزاك الله خيرا

ومقالك به كلمة طيبة جدا
وهي ان معظم المدونون اهتموا بجمال وخديجة ...ومسلسل التوريث
يعني ممكن نعبر عن ده ب (السياسة)

انا باشعر كصير ان فيه مدونين مستعجلين

يعني المفروض ان اللي بيدون بيكون انسان بيقرأ ومثقف وهكذا..
يعني عارف ان سنة الله عزوجل في الكون
انه لابد ان نعود نحن اولا الى الله-عزوجل- وخلاص بقه الباقي مش مهم
يعني ممكن اقولها بالعامية: ربنا-عزوجل- مش هيسألني ليه الاسلام لم يمكن له في الارض وانت عايش...؟؟
لان اجابة السؤال مش من اختصاصي
انما السؤال : انت عملت ايه للدين ؟؟ قدمت ايه يساعد على تمكين الاسلام من تاني؟؟

فبنقول يا اخواننا الكرام
متستعجلوش
الأول أقيموا دولة الاسلام في قلوبكم تقم لكم على ارضكم كما قال الاستاذ سيد قطب-رحمه الله-

وتعالوا نقرأ تاريخ امة الاسلام منذ بعثة النبي-ص- لغاية يومنا ده
معمرناش شوفنا ان المظاهرات كانت حل...او الخروج بالسلاح كان الحل...أو العنف كان الحل
طبعا لا...لان الحل هو في الامر بالمعروف والنهي عن المنكر ...واتباع الكتاب والسنة وعلى منهج الصحابة والتابعين (السلف يعني)

الأخطر يا استاذة من احتلال الارض
هو احتلال الفكر

ان واحد عايز يزعزع عقيدتك..ويمحوها من قلبك ...وينشر مكانها الاباحية والجنس والفجور تحت مسمى الحرية ...

الخطر كمان يا استاذة..ان بعض المدونين اللي بيعتبروا نفسهم ثوريين...بقت تصرفاتهم مش مظبوطة...مشكوك فيها يعني...يسافروا بلاد اوروبا وامريكا...يتفسحوا ويوزوروا اماكن وكمان الكفار (امريكا يعني واعوانها) يقدموا لهم منح دراسية...
وتلاقيه في مدونته او في مدونتها بيقولوا ..هما عملوا كده معانا بصفتنا مدونين

الغرض واضح...والسكة اللي الناس دي ماشية فيها كلنا عارفين اخرها ايه...

اخرها افكار..بيزرعوها في ناس عايزين يلاقوا لهم قاعدة شعبية ويشدوا الناس ليهم بالاحداث الغريبة

يعني احتلال فكري تمهيدا لاحتلال على الارض

أنا طولت
بس في كلمة جميلة أوي مش فاكر سمعتها فين بس هي صحيحة ميه بالميه
(فلسطين وبغداد وافغانستان والصومال وكشمير..و.... ما هي إلا أعراض لمرض كبير أصاب المسلمين..وهو البعد عن الله-عزوجل- )
والله المستعان

Mohamed A. Ghaffar said...

اوجعتينا

رفقه عمر said...

ماعلينا
اخبار الوالد ايه يارب يكون بخير والف سلامه عليه ابقى طمنا دايما من فضلك
والله انا طلب منى انى اعمل بوست عن اطفال العراق بعد وفه والدى رحمه الله عليه وبجد مش كنت عارفه اكتب ايه لان العايش الحاله مش زى اللى بيسمع عنها لغايه ما شوفت منظر تمثال ابى جعفر المنصور وهو مهدم حاسيت انه ممكن يكون بدايه لكتابه البوست والحمد لله ربنا اعانى على ما طلب منى

رفقه عمر said...

عصفور الجنه
اكيد هما غلهم حتى استباح لهم حرمه القبور بس دة كله بسبب ضعفنا وعدم نصره دينا بداخلنا اولا
ربنا يغفر لنا ويرحمنا

رفقه عمر said...

ماعلينا تانى
نسيت اقول على موضوع الشعر مش بحبه والله يعنى مش مهتمه انى اقرا شعر لانى مش بحب الشعر اللى فيه تشبيهات واستعارات والكلام دة والمعنى فى بطن الشاعر لازم يكون الشعر لو حبيته انه يكون مفهوم ومفهوم قصده زى شعر ايمان البكرى وبعدين انا كان مطلوب منى عمل بوست عن اطفال العراق عملت بحث عن اى حاجه تتكلم عن اطفال العراق وجدت هذه القصيده المعبرة ولم اطيل البحث مسكت فيها ووضعتها على البوست دى كل الحكايه مش تطلع عليا اشاعات انى بحب الشعر

رفقه عمر said...

العراق
اخى المعتصم والله انا محرجه منك جدا اولا لتاخرى لكتابه البوست ثانيا لانه بجد مش على قدر ما تعانون بس اللى بيسمع مش زى اللى عايش الحاله اعذرنى بجد وشكرا على مجاملتك ليا ربنا يجازيكم خير وينصركم قريبا اللهم امين يارب العالمين

رفقه عمر said...

خالد وليس بخالد
ايوة بيطالوا بحاكم صالح طيب هل هما صالحين فى نفوسهم وفى معاملتهم فى مقوله بتقول اينما كنتم وليا عليكم الفساد بقا هو دلوقتى اللى واضح ووظاهر من غير استحياء وبتبجح معلن انا مش شايفه اى فرق بين اى واحد يحكمنا طالما انه لا يحكم بشرع الله كلهم سواء فى نظرى

رفقه عمر said...

الاخ الكبير استاذ محمد عبد الغفار
اسفه انى او جعتك بجد بس احنا فى وادى واللى بيعانوا من المسلمين فى وادى يعنى لازم نذكر بعض بيهم كل فترة علشان مش ننساهم

رفقه عمر said...

بينو
اسفه انا مسحت تعليقك لانى كنت كاتبه كلمه غلط وبجد انكسفت من ان تقرا الرد ولكلمه دى غلط علشان كدة الرد على تعليقك جاء فى الاخر اعذرنى ودة تعليقى عليك بعد تصليح الكلمه
بينو
المعنى مش فى سقوط تمثال المعنى ايه اللى يقصدوة بنسف هذا التمثال وغيرها من الاثار اللى بيدل على اى شئ اسلامى هما عايزين يطمسوا تاريخنا زى ما التتار عملوا
تقصير ايه انا مش شايفه اى تقصير من نا حيتك اعانك الله على عملك ووفقك الله لكل خير
الخطا كان فى كلمه سقوط كنت كاتباها سكوت المعنى بعيد جدا ويظهر جاهل دفين عندى فى اللغه العربيه

حائر في دنيا الله said...

كل الطرق تؤدي لما يحدث لنا، فالرئيس وابنه والفساد وأهله والعراق وما يحدث فيه، وفلسطين وحقها المسلوب، كلها شكبة واحدة بخيوط متصلة شئنا أم أبينا ودوما رأيي أن إصلاح درج السلم يبدأ من الدرجة الأولى وليس من فوق
من أنفسنا ومطالبتنا بحقوقنا من أسرتنا الصغيرة من مجتمعنا من حقنا في دولتنا ثم بالمنطق أمتنا الكبيرة

قد يكون الطريق طويل ولكن يستحق


مع تحياتي

أمــانــى said...

الســلام عليكم
انا مش عارفه اقول ايه
لان العراق وفلسطين باحس ناحيتهم احنا قد ايه صغرين قد ايه اننا لم يعد لينا لازمة قد ايه قلةالحيلة اللى احنا فيها وما يزيد حزنى شــعور الناس ناحيتهم ان ده قدرهم ولازم يتحملوا كل ما فيه معرفش ليه لانهم اهم حاجة عندهم بياكلوا ويشربوا وعايشين وعيالهم جنبهم اكــيد هيجى عليكوا اليوم

واللى يوجع بجد لما تقول لحد قاطع علشان حرام تخليهم يشتروا بفلوسك سلاح وانت مش قادر تساعدهم يقول لك يعنى جات عليا
هنقول ايه بس
ربـــنا معاهم ويكون بعونهم هو ارحم مننا عليهم
اللــهم انصر المسلمين فى العراق وفلسطين اللهم انصر الاسلام واعز المسلمين اللهم انتقم لهم يـــاااااااااارب آمــــــــين

واحد من الناس said...

احيانا يكون الكلام عاجز عن التعبير
فأافضل السكوت

www.1minelnas.blogspot.com

رفقه عمر said...

حائر فى دنيا الله
اكيد تخيل لو كل واحد صلح من داخل نفسه
هاتلاقى كل حاجه اتصلحت دون مجهود لان كل واحد هايعمل عمله بامانه هايجيى منين بقى الفساد
احنا اصلا المفروض نصنع ثوب جديد مش نفضل نرقع فى الثوب القديم ونفضل نضع عليه العطور وهو اصلا محتاج الغسيل

رفقه عمر said...

امانى الطيبه
يا بنتى هانقاطع ايه ولا ايه هما عملين لينا استعمار اقتصادى ونحن لا ندرى تفتكر تقدرى تقاطعى شركه ما يكرو سوفت تفتكرى تقدرى تقاطعى شركه جلاكسو للادويه يا بنتى هما مضفرين فى حياتنا لازم نبتدى من الصفر علشان نقدر على المقاطعه والرسول لم يقاطع بضايع الكفار لان دة حياه ناس لكن لو احنا احترمنا دينا هما هايحترمونا اكيد

رفقه عمر said...

واحد من الناس
عارفه ان احنا اتكلمنا كتير قوى وبقينا امه كلام وبس
ومش فيه اى فعل
بس برضه بنفكر نفسنا

ana ga3an said...

شوفي العراق و فلسطين وغيرهم و غيرهم
لو انحلت مشاكلهم سيظهر غيرهم ثم غيرهم و هكذا
سوف يظل دائما و ابدا نخذ في ضمير العرب الي ان يفوقو مما هم فية

سياسات الدول اكبر مما نتخيل و نتوقع
فالحروب الان تشتعل بامر ولاغراض
وتنتهي لمصالح ايضا
فالحرب الان صناعة

تحياتي لكي علي البوست الرائع

رفقه عمر said...

استاذى الجعان
طبعا دى شهادة تقدير ليا من استاذى انه يعجبه البوست ربنا يخليك دايما بتجبر بخاطرى
يعنى الحرب بقت صناعه واحنا الضحايا وفئران التجارب طيب هانخرج من الدايرة اللى احنا فيها ازاى
طيب من نحاول نقلدهم فى الصناعه دى بدل ما نقلدهم فى ماكدونالدز وكنتاكى

khaled said...

اختى العزيزة
جزاك الله خيرا على انك مانستيش العراق و جميع بلاد المسلمين
الغرب قام على طالبان علشان تماثيل بوذا و ظهر كدبهم و زيفهم فى العراق
و لكن اختى مش معنى ان القضية شبيهة ان احنا ندافع عن الاثار و التماثيل
شكرا ليكى على تذكرك و تذكرتنا بمعانات اهلنا فى كل مكان

khaled said...

صحيح حمدا لله على السلامة انتى رجعتى خلاص؟

رفقه عمر said...

السلام عليكم خالد
اخبارك ايه يارب تكون بخير انا مش بدافع عن تمثال بس التمثال دة رمز لعصر القوة للدوله الاسلاميه وهما بقى من حقدهم على الاسلام اعتقدوا انهم بتدميره انهم بيدمروا الاسلام هو دة اللى استفزنى وكمان استفزنى انهم متناقضين فى اففكارهم تماثيل بوذا اعتبروه تدمير للتراث الانسانى لكن لابى جعفر المنصور يستحق
شكرا على سؤال اكيد واضح من الكيبورد انى رجعت البيت الحمدلله علشان كدة برغى برحتى
جزاك الله خيرا

3adow azzolmah said...

جزاكم الله خيرا أختنا الفاضله على موضوعك القيم والمؤلم ...العراااق!!!!!وما أدراك مااالعراق جرح يأبى أن يندمل أختنا الفاضله نعم هناك قتل نعم هناك مئات الشهداء يوميا مابين قتل على الهويه لأهل السنه من قبل الرافضه أو قتل على أيدى الأمريكان لكن أختنا متى تفيق هذه الأمه!!!!لاتفيق هذه الأمه الا بالركل بالأقدام ونشكر أمريكا على ركلاتها المتتاليه التى أيقظتنا وأيقظت الأموات فتذكرى أننا أمة لا تنام على الضيم وأن ضريبة النصر لابد أن تكون غاليه انها ضريبة الدم....وكلمة بأذن كل مشفق على الأمه بداية من العراق...ان العراق أصبح شعلة بمقاومته وجهاده أضاءة للكثير الطريق وعرفتهم العدو من الرفيق....فلا تجزعى ولاتيأسى فالنصر على الأبواب وان بكيت الرشيد والمنصور دموعا فانهم لو خرجوا لبكوا دما بدل الدموع على الحال والمآل....
أنا لا ألوم القاتلين لأننـا *** سلفا فرشنا الدرب بالحنّاء
نحن من فرشنا الطريق بقواعد الكويت والسعوديه ومصر والأردن ياأختنا الفاضله.....
نتمنى منكم زيارتنا بمدونتى الجديده...وفقكم الله وبارك فيكم...السلام عليكم ورحمة الله وبركاته

رفقه عمر said...

عدو الظلمه
سعيدة بزيارتك الاولى
اكيد من اعمالكم سلط عليكم
احنا طبيعى لنا يد فى اللى بيحصل لينا دة
وما ربك بظلام للعبيد

شباب روش طحن said...

يعني ضاقت فلما أستحكمت حلقاتها فرجت وكنت أظنها لا تفرج أعتقد أنها هانت الموضوع محتاج شويه عما مننا وإيمان ودعاء وربنا حايخلصنا المهم نطبق الإسلام علي نفسنا وبعدين نطبقه علي حياتنا وبعدين ربنا حاينصرنا الموضوع سهل بس التنفيذ صعب وعلي فكرة عجبني الشعر بتاع فاروق جويدة جدا رجل ممتاز

عمرو المصري said...

لا استطيع ان اكتب اي كلمة اتحسر بها علي حال المسلمين لان ذلك واقع نحسه في كل لحظة
لكن كا اللي هقوله
حسبي الله ونعم الوكيل في كل واحد ساعد الصليبيين انهم يدخلوا اراضينا ويعملوا فيها كده
وربنا يسامح كل مسلم شايف اوضاع المسلمين بالشكل ده ومش عايز يعمل اي حاجة

قنديل في قلبي said...

والله لو صرخاتنا طالت السماء
ومهما أجهش عيوننا البكاء
لن نسير في أوطاننا بكبرياء
حتي نخلص من فساد الأمراء
فهبوا من غفلة طالت أيها الأشقياء
أنفضوا عنكم الظلم أيها التعساء
كيف ترضون عن حياة الأذلاء
فالله لا يرضي عن عباد جبناء

رفقه عمر said...

شباب روش طحن
ايوة طبعا معاك حق الحل فى ايدينا بس مين يسمع ومين يشوف
بجد مدونتك رائعه وطريقه جديدة فى تقديم المعلومه الدينيه ربنا يكرمك اللهم امين يارب العالمين

رفقه عمر said...

عمرو المصرى
سعيدة بزيارتك الاولى
تفتكر لولا وجود ناس عميله للغرب كان حد قدر يدخل بلاد المسلمين كل مشاكل ومصائب المسلمين من الخيانه والغدر

رفقه عمر said...

قنديل فى قلبى
اهلا بيكى فى زيارتك الاولى
لاتقلق اكيد المسلمين هايصحوا من غفلتهم قريبا بس لما يبيعوا الدنيا الاولى

david santos said...

I offer to my friend Esmeralda


MOTHER OF THE WORLD

Egypt , gather your children
Even the most unwelcome
And show them the facts

All of them are dear then
But for the most fearsome
It will undo their evil acts

رفقه عمر said...

ديفيد سانتوس
حضرتك بتحرجنى وعارف انى مش بحب الانجليزى وعارف انى مش هاعرف ارد عليك
على العموم شكرا لزيارتك بجد انت تعبان معانا قوى
وبجد احنا تعبانين علشان مش فاهمينك

خمسة فضفضة said...

السلام عليكم ورحمة الله وبركاته

كلام في الصميم بجد

كل حكامنا بيقولوا يلا نفسي وما حدش مهتمالا بالكراسي اللي قاعدين عليها
ونسيوا ان مقولة :

أكلت يوم أكل الثورالابيض
صحيحه100% وان الدور قادم لا محاله

رفقه عمر said...

خمسه فضفضه
بجد اول اسمع عن مقوله اكلت يوم اكل الثور الابيض بجد ياريت تفسريها ليا

الطائر الحزين said...

السلام عليكم ورحمة الله
المرة الاولى ادخل مدونتك
كتب فاروق جويدة من ايام البوسنة والهرسك
من طفلة مسلمة الى بوش العظيم
وقبلها مرثية ما قبل الغروب ولم يسمع احد
فى اى شىء امام الله قد عدلوا تاريخنا القتل والارهاب والدجل
نبكى على امة ماتت عزائمها وفوق اشلائها تساقط العلل
هل ينفع الدمع بعد اليوم فى وطن من حرقة الدمع ما عادت له مقل
فى جرحنا الملح هل يشفى لنا بدن وكيف بالملح جرح المرء يندمل
طبعا الباقى اجمل ومعبر اكثر
تحياتى عذرا على الاطالة

رفقه عمر said...

الطائر الحزين
سعيدة بزيارتك الاولى ربنا يكرمك
جميله قوى قصيدة فاروق جويده اللى عن البوسنه ياريت كنت كملتها