Saturday, May 19, 2007

لاقوياء الملاحظه2..سلفنى 3 جنيه

انا ليه عملت البوست اللى فات تمهيد للبوست دة اصل حبيت تشوفوا مصر قد ايه كانت جميله وراقيه والشوارع تريح النظر والنفس طبعا كلكم اجابتكم صح انها فى مصر تحديدا الصور الاولى شارع سليمان باشا ثم قصر النيل ثم عماد الدين والصورة الاخيرة صورة البورصه المصريه زمان كان حاكم مصر فى تلك الفترة هو حاكم مسلم ولم يكن مصرى الاصل والنشأة ولكنه كان يحبها كثيراوكانت مصر مازالت تحت الخلافه العثمانيه الاسلاميه قبل ظهور كمال اتاتورك الذى قضى على الخلافه الاسلاميه فى تركيا يعنى المشكله هنا مش مشكله انه يكون حاكم من اهل البلد المشكله انه بيحكم ازاى وبيحكم بشرع الله ولا لا وهل بيحب مصلحه البلد ولا مصلحه نفسه وبس انا اخترت منطقه وسط البلد لان كل الناس تعرفها وتعلم ان هذه المبانى ما زالت شامخه لم تهتز ولم تتاثر مع انها تم بنائها من عهد الخديو اسماعيل هى وكوبرى قصر النيل وانظروا الى جمالها قبل ان تشوهها عوادم السيارات وعدم الاهتمام بصيانتها ولكنها مازالت تحتفظ بجمال الماضى انظروا الفرق بينها وبين مبانى اليوم التى تنهار من اى هزة ارضيه بسيطه انظروا الى كل الاثار الاسلاميه التى مازالت باقيه حتى الان
ايه بقى علاقه سلفنى 3 جنيه بالموضوع اتذكرون فيلم على الكسار سلفنى 3 جنيه الفيلم دة كان من التلاتينات وكان بطل الفيلم يبحث عن من يسلفه 3 جنيه ليه علشان يدفع قسط يفك بيها رهنيه البيت اللى مرهون ب20 جنيه!!!!! بيت مرهون بعشرين جنيه تخيلوا وعلى فكرة السينما كانت بتعكس واقع موجود فعلا قعدت وقلت بيت مرهون بعشرين جنيه عارفين يعنى ايه بيت بعشرين جنيه طيب لما سعر البيت عشرين جنيه يكون البيضه مثلا بكام ولا الفول بكام دة مثلا يعنى كان ببلاش بقى ولا ايه وحسبت الفارق الزمنى بين الفيلم وبين زمنا لا قيته حوالى سبعين سنه هل فى سبعين سنه ترتفع الاسعار بهذا الشكل الفظيع ايه سبب هذا مصر فى تلك الفترة كانت فى الصفوف الاولى للدول فى اشياء كثيره مع انها كانت تعتمد فقط على الزراعه لا بترول ولا صناعه ولاغيره كان الجنيه المصرى على ما سمعت من حكايات الاقدمين انه كان يساوى 3 دولار يعنى الجنيه كان اغلى من الدولار كان احسن قطن القطن المصرى احسن قمح القمح المصرى اول خط قطارات فى العالم بعد انجلترا كان فى مصر يعنى مصر تانى دوله بعد انجلترا شيوخ وعلماء مصر وقراء مصر كانوا الصفوة فى العالم الاسلامى كل حاجه كانت جميله الناس كانت جميله النفوس كانت جميله الاسره العلويه كانت مش مصريه بس كانوا بيحبوا مصر كانوا عايزنها من احسن بلاد العالم كان الملك فاروق يريد اعادة الخلافه الاسلاميه مرة اخرى ويكون مقرها فى مصرسمعت الشيخ احمد ياسين الزعيم الروحى لحركه حماس كان بيحكى عن حرب فلسطين والاسلحه الفاسدة كان بيقول الملك فاروق كان متحمس جدا لاعادة فلسطين للمسلمين تانى وكان فعلا خلاص الجيش المصرى هايدخل تل ابيب ولكنه كان يحتاج لاسلحه رفض كل العالم اعطائه سلاح اضطر يشترى الاسلحه من مخلفات الحرب العالميه فطبعا كانت كلها فقدت صلاحيتها للاستخدام يعنى مش تصدقوا انه هو السبب فى خسارتنا فى حرب فلسطين انه التاريخ المغلوط بدليل ان ربنا بالمرصاد اللى قالوا عنه انه هو السبب فى خسارتنا فى حرب فلسطين كانوا هما السبب

فى نكسه 67وفقدنا بقيه فلسطين وكمان الجولان وسيناءعلشان يعرفوا انهم لفقوا التاريخ وكذبوا علينا ودلوقتى عرفنا مين اللى بيحب مصر ومين اللى بيحب نفسه بس على فكرة كان الملك فاروق محبوب جدا وكان دايما بيشارك الناس الفقراء فى اول يوم رمضان يفطر معهم ويذهب اليهم انا سمعت كدة برضه من الاقدمين فى اسرتى يكفى ان شيخ الازهر كان مقدما على الملك فى اى مكان يجمعهما يكفى نظام الاوقاف الذى كان ريعه يخرح للمحتاجين والاعمال الخيريه دلوقتى الجنيه المصرى ولا له اى قيمه وسط بقيه العملات القطن المصرى بقى بيرجع لينا تانى القمح خلاص راحت عليه ماذا قدم لنا حكمنا اللى من دمنا قدموا لنا الفساد فى كل شئ القبح لا ارى الا كل قبيح امامى كلها عشوائيات من غير تنسيق اسمدة مسرطنه رجال اعمال فاسدون معتقلات وتعذيب ياتى العالم ليتعلم احدث طرق التعذيب عندنا قهر وذل وفقر وعنوسه الاشياء الجميله بقت نادرة جدا او مستخبيه تخشى الظهور حتى لا تكون محل نقض من الناس لانهم تعودوا على القبيح بقى فيه تلوث بيئى وتلوث سمعى وتلوث بصرى مش ملا حظين ازياد اعداد الناس اللى عندهم قصر نظر علشان الاكل طبعا مش فيه تغذيه وغير كدة ان النظر بيقوى لما العين ترى مناظر حلوه وخضرة وتناسق انا قرأت كدة فى احد المجلات يعنى ضعف نظرنا مش غريبه بسبب اننا مش شايفين اللى القبيح وبس مافيش اى مظاهر جماليه السبب ان اللى بيحكم مش راغب من الحكم غير مصلحته وبس لكن لو حكم بشرع الله الدنيا هاتفرق كتير ساعات بقول احنا اللى فاسدين ونستاهل هؤلاء الحكام ولا علشان الحكام فاسدين فانتقل الفساد لينا لان الرأس لو فسدت فسد باقى الجسد الله تعالى قال(وان احكم بينهم بما انزل الله ولا تتبع اهواءهم واحذرهم ان يفتنوك عن بعض ما انزل الله اليك فان تولوا فاعلم انما يريد الله ان يصيبهم ببعض ذنوبهم وان كثيرا من الناس لفاسقون)صدق الله العظيم
بجد انا نفسى مصر ترجع جميله تانى وناسها يرجعوا تانى لاصالتهم مفتقده الحوار الراقى بين الناس مفتقده الحب الخالى من المصالح بين الناس مفتقدة الدفء انا بحب اتفرج على افلام التلاتينات والاربعينات وبعيش معهم فى بساطتهم واسلوبهم فى الكلام الخالى من اى الفاظ غريبه لا تحب ان تسمعها الاذن ليه احنا بقينا كدة ليه وصلنا من سئ لا سوأ مش دول برضه حكام من دمنا طيب ليه مش بيحبوا مصر ومش بيحبونا ليه خربوا مصر كدة انا بحب مصر قوى ومش ممكن اعيش فى بلد تانيه غيرها وحزينه على حالها اللى وصلت اليه
ربنا يبعت ليها واحد بيحبها بجد ويرجعها ام الدنيا من تانى
الصور لمحمد على والخديو اسماعيل والملك فاروق

33 comments:

Sharm said...

انا عن نفسي بحب الملوك السابقين لمصر و بحترمهم حتى الملك فاروق نفسه

يعقــــوب .... said...

موضوع تقديرة امتياز مع مرتبة الشرف
وياريت واحد كده يجي يراعي ربنا و يظهرلنا التاريح الحقيقي لملوك وخلفاء مصر مش التاريخ المضروب بتاع المدارس و الملك ابو سيجار وكاس

حامد said...

كل عصر وله ظروفه وكل حاكم وله اخطاءه..فالخديوى اسماعيل المفترى عليه من اكثر الشخصيات التاريخيه التى اكن لها كل احترام وتقدير ..اما باقى حكامنا..
ففاروق رغم حبه الشديد لمصر كان بإمكانه ان ينازع ضباط الجيش بحرسه الذى يشبه الحرس الجمهورى الان .. لكنه أثر حقن الدماء .. ان وضعت كل حسناته فى كفه ووضع اغتياله للبنا فى كفه لكانت اسواء افعاله ..وقد تحققت فيه دعوه البنا رحمه الله.. قال اللهم بدد ملكه وافضح عرضه وشتته فى البلاد.وطبعا لا يعلم اغلب الناس ان الشهيد سيد قطب رحمه الله ما عاد الى عقله الا بسبب فرح الغرب بإغتيال البنا وتفكيره بسبب هذا الفرح وذلك الصخب ..
وعبد الناصر لو وزنت كل محاسنه بإعدامه سيد قطب .. لكان اسواء ما فعله... والسادات عليه رحمه الله.. لو وضعنا كل افعاله فى كفه واختياره مبارك نائبا له فى كفه .. لكان اشر ما فعله بنا
ولله الامر من قبل ومن بعد

قنديل said...

الفارس جاي يا جماعة لا محالة وميعاده قرب أوي
أحييك علي هذا الموضوع الممتاز

BinO said...

هي فترة الملك فاروق او الثورة مقراتش عنها
ولكن اللي أعرفه أن محمد علي كان من أسباب نكستنا ايضاً لأنه أحد الذين أنفتحوا علي أوربا بلا تعقل و تبنوا
ان أوربا هي المعلم في كل شئ

وكان من محاربي الفكر الوهابي لوتعلمي أيضاً

رفقه عمر said...

شارم
اخبارك ايه فينك من زمان اكيد الامتحانات ربنا معاك
انا بقى بحب كل الماضى لان مساوئه ققل كتير من دلوقتى
وفعلا الملك فاروق بيقولوا كان بيحب مصرقوى بس لانه كان بيحكم وهو لسه صغير فسيطر عليه من حوله واثروا على قراراته

رفقه عمر said...

يعقوب
شكرا ليك على المجامله دى ربنا يخليك
اصلا التاريخ اللى درسناه كان مكتوب من ايام الثورة وطبعا لازم يشوه هذا التاريخ بس دلوقتى الناس بدات تعرف الفرق بين مصر زمان ومصر دلوقتى
والفلاحين اللى وزع عليهم الارض عملوا ايه فى الارض الارض بقت بور والمحاصيل بقت مش فى جودة محاصيل زمان

رفقه عمر said...

استاذ حامد
انا معاك ان كل عصر له مساوئ بس مساوئ عن مساوئ تفرق انا شايفه ان مساوئ الاسرة العلويه اقل كتييير من مساوئ ما بعد الثورة وانا مش يهمنى اشخاص قد ما يهمنى طريقه حكم وطريقه حياه كان الناس يعيشون فيها وظروف حياه افضل كثير مما نحن عليه الان

رفقه عمر said...

قنديل
واحنا فى انتظار الفارس ومحتاجين له بجد ربنا يخليك على رايك فى البوست جزاك الله خيرا

رفقه عمر said...

بينو
هاسالك سؤال لو شركتك ارسلت لبعثه خارج البلاد لتتعلم منهم ما ليس لدينا كما سافرت الى كوريا هل لو انت غيرت من عقيدتمك لقدر الله او من اسلوب حياتك يبقى العيب فى الشركه ولا العيب انك نسيت الهدف من ارسالك لهذه البلاد الرجل لم يخطأ فى ارسال الناس للتعليم والتزود مما سبقنا به غيرنا العيب من لم يراعى الله و اندمج مع عادات وتقاليد هذه البلاد الرسول كنا بيرسل الصحابه ليتعلموا من البلاد الاخرى يعنى مش عيب خالص انه كان عايز مصر تلحق باوروبا فى تقدمها ولكنه لم يتخلى عن الشريعه الاسلاميه فى الحكم يوما ما

عصفور المدينة said...

بوست جيد وبشكل عام كل شيء له مساويء ومحاسن وطبعا هذا بالمقارنة بالارتباط بالخلافة أسوأ والآن أسوأ وأسوأ
والقاعدة قالها النبي صلى الله عليه وسلم
اصبروا فإنه لا يأتي عليكم يوم إلا والذي بعده شر منه

لي طلبين
الطلب الأول تصحيح الآية
وأن احكم بينهم بما أنزل الله
ولا تتبع أهواءهم واحذرهم أن يفتنوك عن بعض ما أنزل الله إليك
فإن تولوا فاعلم أنما يريد الله أن يصيبهم ببعض ذنوبهم

الطلب الثاني تزوري تدوينتي
http://ctybrd.blogspot.com/2007/04/blog-post_20.html
مرتبطة بهذا الموضوع

رفقه عمر said...

عصفور المدينه
جزاك الله خيرا لتبهى للايه انا باعتذر بس واضح وانا بنقلها من المصحف نقلتها خطأ باعتذر مرة اخرى
بس برضه مهما كانت مساوئ الماضى مش زى اللى احنا فيه دلوقتى من امراض وفساد اخلاقى وفساد اقتصادى وكثرة القتل والجرائم التى لم نسمع عنها فى الزمن الماضى لا نادرا جدا واالى كان بيقتل واحد كانوا بيقولوا عليه سفاح

أمــانــى said...

الســــلام عليكم
ازيك يا اختى العزيزة
انا طبعا نفسى مصر ترجع زى زمان الناس تسيب السلوك العشوائية اللى عايشين به بس لازم الاباء والامهات يعلموا اولادهم معنى الجمال ازاى الواحد يحافظ على الحديقة ازاى يحافظ على الشارع ثم ياتى دور الحكومة فى تنظيم المبانى دون من الناس لان عددنا زاد عن الاول انا طعلت من الموضوع مش صح مممممم
نجى بقى للتاريخ وبما اننى مش باحبه وياعزيزتى التاريخ اغلبه مغلوط هم طبعا ليهم بصمات ماحدش ينكرها وبرضو لهم عيوب لانهم بشر وبرضو فى بلاوى احنا عايشين فيها بسببهم لغاية دلوقتى ومكانش احسن من دلوقتى اوووى لان فى ناس كانوا مظلمومين اوووى فى عهدهم يعنى الشعب المصرى مكتوب عليه كده من ايام الفراعنة وهلم جر
وعلى فكرة تقدم اى دولة بيكون يا زراعى يا صناعى
واحنا بقى حاليا سياحى يبقى هيجى منين التقدم
معلش بقى طولت عليكى
تحياتى لكى

ma_3alina said...

معنديش تعليق يارفقة .. انتي قلتي كل حاجة ممكن تتقال

على فكرة أنا دخلت قريته وكان لسه مفيش حد علق خالص .. بس فعلاً مالقتش كلام يتقال بعد كلامك .. كل الكلام إنتي قلتيه

ربنا يبارك فيك .. بجد من أقوى مواضيعك

ma_3alina said...

معلش يارفقة .. أنا لسه شايف سؤالك دلوقتي ..

ربنا يخليك والله دايما فيكي الخير .. انا موجود .. بس حالة من الكسل كده مصحوبة بقليل من الزهق والأحباط .. لكن الحمد لله موجود ... ههههههههه .. بكافح للخروج من الحالة ....

وما دام سألتي عليا .. اسمحي لي اسأل عليكي برضه ... حتدخلي امتحانات المعهد السنة دي ؟؟

رفقه عمر said...

امانى
هاتزعلينى منك ليه سياحه ايه اللى بتقولى عليها دى السياحه اللى بتشجع على الفسق وشرب الخمور يابنتى احنا مستغنين عن الفلوس اللى تيجى بالطريقه دى يعنى الزراعه ولا السياحه ماشى يا امانى

رفقه عمر said...

ماعلينا
انا سالت عليك مش علشان تعلق عندى انا بس لا حظت اختفاء من كل المدونات وكمان مش رديت على التعليقات عندك وكمان فين جمهوريه الرغى ايه اللى حصل ليها حسدوك بعد ما كان بوست كل يوم شوف عارف لما اكون زهقانه بكتب و اخرج شحنه الزهق فى الكتابه ويارب فك كربك اللهم امين ومش تقلق حاله الزهق دى مستمرة عندنا كلنا مش بتخلق لا تقلق مش انت لوحدك يعنى اطمن على نفسك خالص بس برضه بنيجى على نفسنا ونحاول نتعايش فى هذه الدنيا وان عارف ان الدنيا سجن المؤمن انا هاقولك وانت اللى بتعلم الناس
بجد عايزة اشوف بوست دلووقتى حالا
وعايزة ااقولك حاجه انا بدخل على مدونتى من مدونتك وبدخل بقى على بقيه المدونات من عندك خالى بالك فانت مراقب 24 ساعه

eldoctor said...

عذرا و لكن الملك فاروق كان شخص .. لا اجد وصفا محترما له .. مصايبه كتير ... و لو لمعنت فى قراءة التاريخ لوجدت ان هذا الرجل اضر بمصر كثيرا ...
دى نقطة الاعتراض على البوست .. غير كده
البروست نفسه جميل

Stylish said...

أنا فعلاً نفسي أيام زمان ترجع .. حتى برضه لو كان فيها شىء سلبي بس أكيد هتكون أفضل لحد ما من الأيام دي

قول للزمان ارجع يا زمان

رفقه عمر said...

الدكتور
والله انا لا يهمنى اشخاص انا اتكلم عن حياه افضل كانت بتعيشها مصر والله اعلم التاريخ اللى زصلنا صح ولا لا احنا مش عشنا الفتره دى طيب ما فيه ناس كانت بتذم فى هارون الرشيد وبعد كدة عرفنا انه كان يحج عام ويغزو عام المهم مصر زمان كانت احسن كتير من دلوقتى

رفقه عمر said...

stylish
اخبارك ايه فينك من زمان مش باين ليه يارب يكون خير
فعلا قول للزمان ارجع يا زمان
عامل ايه فى الامتحانات والمذاكرة ربنا ينحجك اللهم امين يارب العالمين

حائر في دنيا الله said...

يكفي ما قبل الثورة انه لم يكن هناك فساد بهذا الزخم ولا احباط بتلك الطريقة، قد يكون الاحتلال نوعا ما، ولكن لم يحدث تزوير في عهد الملوك الوحشين الكخة كالذي يحدث الان في عهد الفكر الجديد او بالأصح الُفجر الجديد بضم الفاء
موضوعك جميل ويعيد لنا الثقة في مصرنا التي تسرق منا ويقول انه هناك أشياء جميلة علينا الكثير والكثير والكثير حتى نستعيده

أحب مصر جدا جدا وأتمنى ان أراها تقود العالم الاسلامي لنقف جميعاً على القمة

والله المستعان

elbostagy2 said...

السلام عليكم ورحمة الله وبركاته

أختي الكريمة

أتفق معك تمام الاتفاق

لكن فيه جمله جميله أوي عجبتني بتقول

الناجح ينظر إلى المستقبل ويتطلع إلى ما هو ممكن... الفاشل ينظر إلى الماضي ويتطلع إلى ما هو مستحيل


لو فعلا فهمنا موضوعك وربطناه بالمجمله دي

هنجد ان لازم كل واحد فينا يغير من نفسه
ويبص للمستقبل

وفيه جمله انجليزيه بتقول
if you fail to plan , you plan to fail.
لو فشلت في التخطيط فأنت تخطط للفشل


أضرب مثال بسيط للتغيير السليم من الناحيه الإدارية

منهج الإخوان المسلمين
بغض النظر عن الاتفاق أوالاختلاف
أنا بتكلم عن ناحية إدارية

وضعوا منهجهم على ايه

الفرد المسلم الذي بدوره يكون الأسرة المسلمة

مجموعة الأسر المسلمة تكون مجتمعا مسلما

فحكومة مسلمة فخلافة إسلامية
وصولا إلى أستاذية العالم

يبقى المنظومة بتبدأ من الفرد
منك انت ومني انا

الناجح يصنع الأحداث... الفاشل تصنعه الأحداث

ممكن أكون بعدت شوية عن الموضوع

لكن أنا شايف ان دي الناحيةالعملية نسبيا

وفيه حاجه كمان
جمله مشهورة أوي

كل أمة تستحق حاكمها


اللهم اهدنا واهد بنا واجعلنا سببا لمن اهتدى

اللهم ول أمورنا خيارنا ولا تولها يارب من لا يخافك ولا يرحمنا


اللهم آمين
دمتم بكل ود أخوة الخير

أسألكم الدعاء .... البوسطجي 2

Stylish said...

رفقة عمر,

الحمد لله تمام الواحد لسه في جو الامتحانات و ربنا يوفق الجميع
و آسف على الاختفاء :)

.:.-=- ELGaZaLy-=-.:. said...

هممممممممممممممم

الموضوع جميل بجد واضافة الصور حلوة

بس تاريخ مصر الحقيقى الى بيكتبة مش دول الناس الى بتموت كل يوم تحت الارض


بجد جميل موضوعك اوى

تعرفى ان فاروق كان يقدر يهدم الثورة من الاساس لو فضل
لان مش كل الجيش كان موافق على الحركة

بس هوا اثر السلامة!!

لحظة said...

بوست رائع
بس سامحيني انا مش متفائلة
والدليل الحديث الذي ذكره عصفور المدينه
انا مستنيه النهاية
وعايشة في الماضي لحد ماتيجي
وكل يوم اقول يا رب يعدي اليوم ده على خير

رفقه عمر said...

حائر فى دنيا الله
بجد انا بحس ان مصر ماسكها عصابه معتقدين انها عزبتهم اللى ورثنها زمان كانوا بيقولوا على الاسرة العلويه انهم بيسرقوا البلد وكل خير البلد ليهم طيب اللى موجودين دلوقتى مش رجعونا لعصر الملكيه تانى
بس الملكيه زمان كانت استقراطيه وراقيه ولكن الملكيه دلوقتى شعبيه همجيه

رفقه عمر said...

البوسطجى
تخيل مش فهمت تقصد ايه بس انا بحب الماضى جدا وايه يعنى لما نرجع لاخلاقيات الماضى ايه الصعب فى دة

رفقه عمر said...

stylish
ربنا ينجحك اللهم امين يارب العالمين
ولايهمك المهم الدراسه والامتحانات

رفقه عمر said...

الغزالى
اهلا بيك فى زيارتك الاولى واشكرك على رايك فى البوست الحمد لله مش انا بس اللى بحب الماضى فيه ناس كمان بتحبه زى
فاروق اثر السلامه علشان بحيب مصر مش كان بيحب الكرسى زى ناس كدة

رفقه عمر said...

لحظه
لا اوعى تتشائم لان فيه حديث للرسول صلى الله عليه وسلم ببيبشر بالخلافه الراشدة فى اخر الزمان وتعود الدنيا جميله تانى لا تقلقى

الطائر الحزين said...

السلام عليكم
جهد مشكور
ارى ان كل شىء نسبى يعنى كل عصر له مساؤه وعيوبة كما له مميزاتة

خمسة فضفضة said...

السلام عليكم ورحمة الله وبركاته

رفقه ، هايل جدا ،كلنا نفسنا نرجع نعيش تاني لايام زمان ، مرض نفسي معروف اسمه نستالجيا Nostalgia
كنت كتبت بوست عنه من فتره

عارفه جدي دايما يقول ان ايام الملك فاروق دي ما تتعوضش كان فيه عز ورخاء اكتر من دلوقت بكتير وان الثوره لما جت بدأت تشوه فيه وتوصفه باوصاف ماكانتش فيه اصلا
للاسف دي عادة مصر حتي من ايام الفراعنه كل فرعون يجي يبقي عاوز انه يشوه اللي قبله ويمحي تاريخه من علي الارض

لك الله يا مصر


تحياتي