Tuesday, September 04, 2007

هل تعلم له سميا

كان عندى حب استطلاع كدة وحبيت ادخل على مدونات اللادنين منكرى الله والديانات لانى بجد خفت قوى لان معظمهم بيقولوا انهم كانوا مسلمين ومتدينين سالت الله اللطف والتثبيت لان القلوب بين يدى خالقها يقلبها كيف يشاء اللهم يا مقلب القلوب ثبت قلوبنا على دينك اللهم اذا اردت بقوما فتنا فتوفنى اليك غير مفتون
قلت طالما ان هذا الكون بكل ما فيه وفى انفسهم ومش قادرين يعترفوا ان لهذا الكون صانع فتحت كتبى علشان ادوراتكلم فى ايه وربنا مش عايز دليل على وجودة وجدت كلام طيب قوى لفضيله الشيخ متولى الشعراوى رحمه الله عليه الذى احبه كثيرا وقد ايه كلامه مؤثر وجميل اتكلم الاول عن اللغه وان الناس لا تستطيع ان تتفاهم الا باللغه وكل شئ فى الدنيا موجود له مسمى لازم علشان تسمع لفظ تكون فاهم معناه فى هناك قصه طريفه على فهم الالفاظ كان هناك رجل اسمه ابا علقمه النحوى كان يتقعر فى الكلام ويقول الفاظ غير مفهومه استيقظ من نومه يوما ونادى على خادمه وقال له ( اصعقت العتاريف) لم يفهم الخادم ماذا يقصد ومن غيظه من ابا علقمه رد عليه اجابه غير مفهومه وقال له( ذ قعليم) فتعجب ابا علقمه ولم يفهم الكلمه وسال الغلام عن المعنى فساله الغلام عن معنى( اصعقت العتاريف) فقال
اباعلقمه اسالك( اصاحت الديكه) فقال الخادم وان اردت لا لم تصح الديكه
يعنى لو سمعت لفظ وانت لا تعرف معناه تقف وتتحير يعنى لكل شئ لفظ ومعنى ولازم يكون موجود قبل ان نطلق عليه الاسم لا يمكن يكون الاسم موجود قبل الشئ يعنى بعد اختراع التلفزيون اطلقوا عليه تلفزيون وبعد اختراع الراديو سموه راديو
سؤال هل توجد المعانى اولا ثم توضع لها الفاظ ام توجد الالفاظ اولا ثم تخترع لها المعانى قبل ان يوضع اللفظ لابد ان يكون المعنى متضحا فى الذهن حين لا يوجد معنى متضح فى الذهن لا توجد له فى اللغه لفظ
ناتى على لفظ( الله) لو كان امر عدميا لا وجود له فمن اين جاء لفظ (الله) على لغه الناس او من اين دخل اللفظ المقابل للفظ( الله) فى سائر اللغات ما دامت الامور العدميه يعنى اللى مش موجودة اصلا لا توجد لها الفاظ
ومادامت الالفاظ لا تسبق المعانى اذن فوجود تلك الالفاظ فى لغات الناس يدل قطعا على ان معانيها سبقت وجود اللغه وان المعنى الايمانى فى وجود( الله) امر سابق على ان يكون لنا لغه ومادام هذا اللفظ قد وجد فى لغات الناس يدل على ان المعنى كان موجودا
فى لغتنا (الله ) علم على واجب الوجود يعنى اسم الله اسم للقوة المطلقه بكل صفاتها ووضع اسم على مسمى امر تعودنا عليه لاننا نضع الاسماء على المسميات
لو حد ممكن يقول ممكن يكون لفظ الله يطلق على اى شئ مستحيل يكون هناك اسم يطلق على لا شئ
قال الله تعا لى ( هل تعلم له سميا) يعنى اعرفت احدا سمى اسم (الله ) على نفسه لا احد فما كان الذى يضمن لمحمد صلى الله عليه وسلم ان يتجرأ كافر ملحد ليقول ساتحدى القران وساتحدى محمد صلى الله عليه وسلم
وساضع اسم (الله) على اى شئ ولكن ذلك لم يحصل ابدا وظل اسم (الله) لم يسمى به احد ومعنى ان الكفار والملحدين والمعاندين لا يصفون ذلك دليلا قاطعا على انهم يطمئنون الى وجود تلك القوة والا فما الذى يخيفهم او على الاقل يجعلهم غير واثقين تمام الثقه فيما يعبدون لانهم لو كانوا واثقين مما يعبدون لرأوا فيما يعبدون حمايه لهم ان ينزل الله بهم غضبه فتحدى القران (هل تعلم له سميا) والمستدل عليه الان انه لم يوجد احد سمى نفسه الله من قبل وايضا لم يوجد بعد مع وجود المكابرين والمعاندين فى وجود (الله) تحداه ان يطلقها على نفسه لانه لا يريد ان يجعل التجربه فى نفسه ولو كان واثقا من موقفه العقدى لاطلق الاسم على نفسه ولم يهتم
كلمه الكفر نفسها دليل على الايمان لان معنى الكفر فى اصل اللغه الستر حتى فى اللغه الانجليزيه بنقول على اى غلاف كفر فمعنى كفروا اى ستروا شيئا كان موجود فالكفر طارئ على الايمان يعنى من الازل كان الايمان بالله موجود ثم جاء الكفر بعد ذلك
ممكن لمنكرى وجود الله يقولوا على من نطلق لفظ (الله) اذا كان غير موجود اصلا لازم نجد للفظ الله معنى عندكم
لا اله الا الله سيدنا محمد رسول الله
صلى الله عليه وسلم

36 comments:

ma 3lina said...

السلام عليكم

أنا مش بحب ادخل عند الملحدين خالص ولا حتى لحب الاستطلاع .. لأني لما بدخل عند حد منهم مش بكسب حاجة مفيدة .. وببقى مطالب ساعتها إني أرد على كلامهم الفارغ ..

همهماتهم دايما حوالين فكرة خيالية عن الوجود وإنه نشأ
By Luck

وغالبا بيهاجموا الشعائر الدينية زي الصيام أو الحج أو الحجاب أو القرآن أو تصرفات المسلمين .. يعني مش بيتكلموا عن أدلة تثبت إن الكون بلا إله زي ما بيزعموا .. كلها نقد لمظاهر مش عاجباهم وخلاص ..

يعني مفيش فكرة .. مجرد تنفيس عن غضب

ونفس الكلام بيتناقلوه عن بعض ويرددوه .. وياخدوا شبهات النصارى والشيعة كوبي وبيست ويقولها على المسلمين .. من غير حتى ما يراجعوا ردود المسلمين عليه ..

وهما كمان بيحاولوا يجروا أي حد يدخل عندهم لمناقشات وسفسطة على الفاضي من غير هدف .. عشان كده مش بحب ادخل عندهم ... لأنهم لو باحثين عن الحق فعلا .. كان حيبقى اسلوبهم مؤدب مع المختلف معاهم ودا مش حتلاقيه في أي ملحد ..

عموماً الملحد دا واحد بيخبط دماغه في الحيط .. وبيقنع نفسه بأوهام لو عنده عقل وفكر شوية يمسك كتاب زي وجود الله للقرضاوي مثلا ويحاول يرد على كل نقطة فيه .. ولو عرف يرد بأدلة معقولة .. يبقى ساعتها بيبحث عن الحقيقة فعلا ..

عصفور المدينة said...

الأخت الفاضلة فتاة الجنة .
.
.
.
.
.
.
.
.
أيوة عارف ان انتي رفقة
طلبت مني أن أدخل عند أحدهم وقالت لي حاول معاه ووجدته يكفر بالله وبالدين
وحاولت الاطلاع على سابق مقالاته واكتشف أنه شاذ والشواذ يلتفون حوله
فمش بقيت عارف أقول إيه وعجبني جدا تعليق الراجل المهندس ده اللي اسموووو ما علينا

وهما كمان بيحاولوا يجروا أي حد يدخل عندهم لمناقشات وسفسطة على الفاضي من غير هدف

وبعدين اعتذرت للفتاة وقلت لها الدنيا ضلمة وهي لازالت مصرة إني اهل لهذه المهة وأنا أرى نفسي غير أهل لها لأني فاشل في الحوار الذي هو من نوع
قولك كذا
الرد عليه كذا
زأحب النقاش المنطقي يكون على أساس منطقي مش تهاويم وكلام فاضي طب اناقشه في ايه اقول له انت بتقول كلام فاضي طب افرضي لطش لي يبقى ساعتها حتنفعني فتاة الجنة
:)
مشكلة عايزين لها حل ونحدد موقفنا من الناس دي عشان مش نشيل فوق طاقتنا مع العلم إن فيه ناس تانية محتاج ثبات عل الطريق محتاجة تشجيع محتاجة إيضاح لبعض النقاط محتاجة تعليم ودول اساسا
مش عايز أسقطهم بس المشكلة إنهم بيكونوا غرقانين في حاجات تانية ملبشة في بعضها
اعذريني يافتاة الجنة
ياريت هي تيجي تقرا هنا وياريت انت تقنعيها بالكلام ده أكثر مني

رفقة عمر said...

ماعلينا

وعليكم السلام ورحمه الله وبركاته بقالك كتير مش اول تعليق مبسوطه انك اول تعليق بصراحه دة بمناسبه رمضان و لا ايه كل سنه وانت طيب
انا كمان مش بحب ادخل عندهم لانهم بيلفوا وبيدوروا ولما تحرجهم بشئ مش بيردوا عليك او يردوا على حاجه تانيه خالص
بس عارف اللى باستغرب ليه فعلا انهم بيقولوا انهم كانوا مسلمين متتدينين
شفانا الله وعافنا مما ابتلى به غيرنا
فبتسال ايه اللى وصله لكدة
رزقنا الله الثبات ونساله حسن الخاتمه اللهم امين يارب العالمين
وغير كدة ليه مش بيعرضوا افكارهم بدل ما هما مستمرين فى مهاجمه الاسلام
مش هما بيطالبوا بالحريه طيب ما يسبونا نمارس شعائرنا بحريه
ربنا يهدينا جميعا الى سواء السبيل ويحسن ختمتنا جميعا اللهم امين يارب العالمين

رفقة عمر said...

باشمهندس عصفور المدينه

انا اتخضيت قلت الباشمهندس نسانى ولا ايه حصل خير
اولا انا احسبك على خير واكيد حضرتك ان شاء الله اهلا لذلك
واذا حضرتك تركت لهم الساحه مش يمكن يضلوا ناس تانيه لانهم هايقولوا اننا مش عندنا حجه نرد عليهم
رد باسلوبهم باسلوب سيدنا ابراهيم
لما قال ان الله ياتى بالشمس من المشرق فات بها من المغرب
على فكره هما حجتهم داحضه وبحس فعلا انهم متخبطين
ويمكن واحد ربنا يهديه ويرجعه الى دينه وتكون حضرتك سببا فى ذلك
طالما ان حضرتك مخلصا النيه
مش لازم تروح وتعلق اقرا افكارهم واستنبط منها الافكار التى ترد بها على مدونه حضرتك وتبقى كدة حضرتك افدتنا معهم
لانهم هايجيوا عند حضرتك وهايجادلوك لانهم هايعرفوا انك بتكتب لترد عليهم
على فكرة مثلا موضوع زواج السيدة عائشه من الرسول وهى صغيرة وهو اكبر منها
يعنى حاجات كتير ممكن توضحها على مدونه حضرتك
ياريت حضرتك تشوف طريقه تفكيرهم ومش تعلق عندهم لا وضح الامور على المدونه علشان كلنا نستفيد وتعم الفائدة
جزاك الله خيرا مقدما

karamella said...

وَلَئِنْ سَأَلْتَهُمْ مَنْ خَلَقَ السَّمَوَاتِ وَالأَرْضَ لَيَقُولُنَّ اللَّهُ قُلِ الْحَمْدُ لِلَّهِ بَلْ أَكْثَرُهُمْ لا يَعْلَمُونَ


فَإِنَّهُمْ لا يُكَذِّبُونَكَ وَلَكِنَّ الظَّالِمِينَ بِآيَاتِ اللَّهِ يَجْحَدُونَ

هم عارفين ومش مكدبين لكن جاحدين نعمه الله
جزاكي الله خيرا

حياة الأحلام said...

بجد موضوع جميل فعلا وأحلى حاجه تحليل الشيخ الشعراوى ربنا يرحمه بجد تحليل عقلانى طالما هما بيتكلموا بالعقل لآن الكلام بالدين معاهم ما بيجبش نتائج

بجد بوست جميل
وربنا يرزقنا الثبات والهدايه يارب

وكل سنه وانتى طيبه وألى الله أقرب يارب

تحياتى

http://kasperb4.blogspot.com/ said...

والله الناس دي بتصعب عليا جدااا
وبلاقي متجسد فيهم قول الله عز وجل

" وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ "


ومش بقدر اعمل حاجة غير اني بدعي ربنا يهديهم وينور بصيرتهم
لأن مش بايدي غير كده

وفي نفس الوقت بردو بلاقي نفسي بقول الحمد لله على نعمة الاسلام والايمان وكفى بهما نعمتان

ftataljanna said...

السلام عليكم اهل الدار

قصدي اهل المدونة :)


ازيك يا رفقتى

ازيك يا باشمهندس عصفور :)

انا لجأت لحضرتك لانى لما دخلت عنده بجد قلبى وقع فى رجليه زى ما بيقولوا

يعني الشذوذ اخرته كفر

يعني بعد ما كنت بتقول هاخد الدين كله هاتسيبه كله

الغريب ان الانسان ده كان هو نفسه كاتب بوستات رائعة بجد كلام عن ربنا ينم عن انه مؤمن بالله وعن انه بيطيع ربنا بجد مش نفاق زى ماهو بيقول دلوقتى
الغريب

انى لقيته شايل البوستات دى

يعني بيشيل اي دليل على ايمانه القديم

افتكرت كلمه قالها الشيخ الشعراوى فى تفسير لآية

كان بيقول ان اللى بيرتد كفر بس مش بالله لانه امن بالله من قبل انما كفر بايمانه

فباللى هو بيعمله هو لا يثبت ان الاسلام ليس الدين الحق ولا يثبت غير ذلك وانما يثبت انه هو مفتون

انا اللى خلانى الجأ للباشمهندس عصفور انى بجد وجدت ان علمى لا يسع وهما سفسطائيين واساتذة مجادلة وتحوير كلام

فخفت انى بدل ما احاول ارجعه اكون سبب لفتنته زيادة بضعف علمى

بس

فطلبت مساعدة أخى عصفور المدينة واحسبك على خير ولا ازكى على الله احدا وحضرتك كنت لتكون اهلا لها وجزاك الله خيرا على اى حال

-_- said...

لا اله الا هو سبحانه تعالى مجده و عظمت قدرته

جزاكي الله خيرا اختى رفقة

رفقة عمر said...

كارميلا
جزانا الله واياكى

*************


حياه الاحلام

اخبارك ايه منورانى
شوفى الشيخ الشعراوى رحمه الله عليه بجد ربنا كان معطيه علم وكان مجدد الدين فى هذاالزمان رزقنا الله بشيخ مثله اللهم امين يارب العالمين
وانت بالف خير وربنا يتقبل منك الصلاه والصيام والقيام
وجعلك من الفائزين بليله القدر اللهم امين يارب العالمين


*******************


الالام وامال

ربنا يكرمك ويثبتك اللهم امين
ولا تعلم ممكن يفوقوا لنفسهم تانى ويرجعوا الى طريق الهدايه
وهذا ليس على الله بعزيز
ربنا يرزقنا الاخلاص
اللهم امين يارب العالمين


*****************

فتاه الجنه

الله يسلمك

رفقة عمر said...

شارم
ازيك اخبارك ايه
كل سنه وانت طيب
جزانا الله واياك
ربنا يكرمك يارب

Anonymous said...

يقول عصفور المدينة

أيوة عارف ان انتي رفقة
طلبت مني أن أدخل عند أحدهم وقالت لي حاول معاه ووجدته يكفر بالله وبالدين
وحاولت الاطلاع على سابق مقالاته واكتشف أنه شاذ والشواذ يلتفون حوله
فمش بقيت عارف أقول إيه وعجبني جدا تعليق الراجل المهندس ده اللي اسموووو ما علينا

ربما أكون انا من تقصده في مشاركتك هذه

صحيح يجتمع عندي المثليين وغيرهم ولكني لست مثلي وحتى انت وصاحبك ماعلينا شرفتم في المدونة رغم انكم غير مثليين على ما اعتقد

رغم ان المثلية متأصلة في الأدبيات العربية والاسلامية الا ان اتهامك لي بالمثلية يدل على سفسطائيتك وتبسيطك للأمور وما احب ان اسميه بشمولية الفكر الإسلامي

مثلا سابقا كان الاسلاميين يطلقون على كل واحد لايؤمن بأفكارهم لقب شيوعي وهم لايعرفون اصلا ماهي مباديء الشيوعية. وهذا بشكل عام يدل على مدى اضمحلال الفكر العربي والاسلامي بشكل خاص وانحسار دور العقل. حتى اصبح من يقرأ جريدة الأهرام مثلا في القهوة يعتبر مثقف حسب المعايير السائدة.

أرجع مرة ثانية الى موضوع المثلية ولفت انتباهي انكم تستشهدون بالشيخ الشعراوي ولا أدري هل يخفى عليكم أن الشعراوي اتهم بالمثلية وهناك العديد من التهم له في هذا المجال ووصل الحال ببعضهم ان اتهمه بالركوع لضابط شرطة لكي لايفضحه

لا ادري ماهي صحة هذه الاتهامات ونتركها للزمن لكي يثبتها او ينفيها. الملاحظ بشكل عام انتشار المثلية بين المتدينين خاصة جماعة الدعوة التي تنتشر بينهم ليس المثلية فقط وانما ايضا المثلية مع صغار السن عندما يخرج معهم الكبار في مايسمى ب "الخروج" وينصبون الخيام في العراء

أخيرا مرحبا بكم جميعا في بيتكم الكبير المدينة الفاضلة مثليين كنتم او أسوياء

رفقة عمر said...

صلعم

على فكرة هو لا يقصدك ابدا ولو حبيت اجيب لك لينك المدونه اللى يقصدها علشان تصدق
شوف لو فيه حد مسلم او متدين زى ما بتقول وبيمارسوا المثليه احب ااقولك ان فيه فى مذاهب شذت عن تعاليم الاسلام الحقيقيه ومش معنى كدة ان العيب فى الاسلام
وناس كتير حرفت فى العقيدة زى الشيعه واليزيديه والصوفيه
انا باتكلم عن القران والسنه ولا يهمنى من يطبق الاسلام بطريقه خطأ
وبالنسبه للشيخ الشعرواى رحمه الله عليه
اتقال عليه كلام كتير قوى وقالوا انه راسبوتين
وذموا فيه كتير جدا
وهل سلم الرسول صلى الله عليه وسلم من كلام المغرضين
هل سلمت الطاهرة السيدة عائشه رضى الله عنها
هل سلم سيدنا لوط من قومه
يعنى الشيخ الشعراوى كان اكيد فيه ناس بيكرهوا ومش حابين انه يكون له تاثير على المسلمين وناس كتير بفضل الله اهتدت على يديه وكانت اسرائيل وامريكا بتكرهه جدا يعنى عادى ان يطلق اعدائه عليه الاشاعات
وكان يقول لا تحرمونى من ميراث النبوه لان ولا نبى جاء الا اؤذى من قومه

على فكرة الانسان المثلى دة هو الخسران فى النهايه عارف ليه
الانسان فى كبره يحتاج ابناء يعينوه على شيخوخته
قلى كيف لهذا الانسان المثلى ان يحصل على ابناء
هاتقول يتبنى
تفتكر فى حد يتسحمل شيخا عجوزا مريض سوى ابناءه
بجد ربنا يهديهم
لانهم هما اللى خسرنين
مش احنا

ma 3lina said...
This comment has been removed by the author.
ma 3lina said...

صورة أخري جديدة يثبت بها الملحدون عدم تثبتهم من الحقيقة قبل الجدال .. وتسرعهم المبالغ فيه في اتخاذ مواقف غير سليمة بناء على رؤية شخصية بحتة دون إمعان النظر في الأدلة الواضحة

radwa said...

سلام عليكم
كنا محتاجين حضرتك هنا
http://bentmoslema.blogspot.com/2007/09/blog-post.html

حائر في دنيا الله said...

لقلة علمي وضعف خبرتي وهوان حجتي في مناقشة تلك الأمور أفضل دوما تركها لمن هو أكثر علما ودراية وفهما وقدرة على المحاورة لأمثال العلماء ولذوات الطرح المتميز مثل حضرتك
لذا فعلا أهيب بمن كل من ليس لديه علم وأدب (والاثنين معا لا يفترقان لأن قلة الأدب لا تغني عنه زيادة العلم)لذا أهيب بهم عدم الإساءة للإسلام حتى لو خلصت نيتهم لأن بعض الطرق للجحيم مفروشة بالنيات الطيبة
هذا ما لدى في عموم تلك النقطة
وأحييك على طرحك الرائع واستشهادك بالشيخ الشعراوي الذي له في تلك المسائل آراء هي فعلاً بأمانة حجج رائعة تسكت من له عقل و..قلب

لك تحياتي
السلام عليكم

لحظة said...

مرود مع ابراهيم عليه السلام وقصة موته الشهيرة
بسبب حشرة
اتخيل ماذا سيكون وقف احدهم اذا ابتلي بداء مؤلم لدرجة ان يتمنى معه الموت ؟ بمن يستغيث؟
او اذا شلت اطرافه واصبح جيفة ملقاة على سريرها ينتظر من يقوم له بابسط الشياء؟
بمن يستعين؟
اللهم احينا مسلمين وتوفنا مسلمين وعافنا من الختم على ابصارنا وقلوبنا واسماعنا

أميرة محمد محمد محمد said...

موضوع متميز يارفقه وكما قال الباشمهندس ماعلينا من غير المستحب الدخول للمواقع التافهه دي لانك لن تستفيدي شئ بجدالك معهم المشكله انهم عارفين الحق وبيقروا القرانومع ذلك والعياذ بالله قلوبهم مقفوله ويستمرون في غيهم وضلالهم

كان في مدونه لشخص مثلي دخلت فيه وطول ماهو بيتكلم بيستشهد بالقران الكريم ووصل بيه الحد انه يقول انا قريت القران وصليت الفجر ودعيت اني الاقي واحد احبه ويحبني ونعيش في استقرار لما قريت الكلام الفارغ ده اللي اقسم بالله انه حقيقي كنت هتجن وفضلت ابكي ان القران اتنجس مع شئ زي ده

الناس دي عارفين كل حاجه والملحدين اكتر ناس عارفه الحق ولكنه الكبر والرغبه ان الانسان يعيش بلا ضبط او قوانين في وضع اقرب للحيوانات

اللهم اهدي كل الناس وامتنا علي الاسلام

رفقة عمر said...

ماعلينا

معلش خليك انت الاحسن واستحمل شويه يعنى انت شوفت فرعون كان بيجادل ازاى مع سيدنا موسى
وكفار قريش وعنادهم
ربنا يهدينا الى سواء السبيل
والحمد لله عن نعمه الاسلام وكفى بها نعمه


******************

رضوى

ان شاء الله ربنا ييسر وجزاكم الله خيرا على مجهودكم ربنا يكرمكم يارب
ويجعل هذا العمل فى ميزان حسناتكم اللهم امين يارب العالمين


********************

حائر فى دنيا الله

جزاك الله خيرا على كلامك الذى لا استحقه اولا انا مجرد واحدة بحب ربى ورسولى ودينى جدا هو اللى بيحب فريق الاهلى او الزمالك مش بيدافع عنهم بكل ما اوتى من قوة وبيكون متحمس لهم جدا مع ان ولا الاهلى ولا الزمالك بياكله ولا بيشربه مابالك ممن ارى نعمه عليا ليل نهار وهو الذى يطعمنى ويسقينى واذا مرضت فهو يشفين الا يستحق منى ان احبه انا ولا عالمه ولا شئ ويمكن ااقل منكم كلكم بس انا بتكلم من دافع الحب فقط وطبعا الكلام اصلا منقول كله من كتاب الفتاوى للشيخ الشعراوى بس انا تاثرت بالكلام واستفدت كتير فخبيت انقله ليكم

وعلى فكرة كلمه حضرتك دى بتضايقنى جدا كلمه حضرتك تتقال لانسان يستحقها وانا لا استحقها انت لو شوفتنى فى الحقيقه هاتحسبنى لسه فى ثانوى كان دايما دكتور الادارة عندنا فى الكليه لما يشوفنى يحب دايما يستفزنى ويقول مش انا بقول محدش يجيب اخواته الصغيرين معاه انت داخله المحاضره مع مين لانه مش كان مصدق انى فى البكالوريوس ابدا
يعنى ياريت مافيش حد يقولى حضرتك لانها والله بتضايقنى جدا


****************

لحظه

ازيك اخبارك ايه انت عارفه انا بحبك جدا ربنا يكرمك يارب
انتى عارفه وقت الابتلاء لا يجدون سوى الله يلجأون اليه
بس هو الشيطان زين لهم سؤ اعمالهم
نعوذ بالله من شرور انفسنا ومن سيئات اعمالنا
اللهم امين يارب العالمين


***************

اميره محمد

انتى عارفه بجد بحس انهم مرضى لان تقدرى تقولى لحد ان العربيه اللى بيركبها مصنوعه بالصدفه هايقولك انتى مجنونه فيه عربيه تتصنع بالصدفه
ازاى بقى كل هذا الكون بسمائه ونجومه وكواكبه وبحارة ونباتاته وحيواناته وطيورة بمختلف اشكلها وتكون الصدفه اللى صنعتها
ايه الصدفه الذكيه دى

لو زعلانين من اوامر ربنا
نفكر كدة ايه الفروض المفروض علينا خمس صلوات تستغرق كلها اقل من ساعه وبقيه اليوم 23 ساعه اعملى فيهم كل حاجه مارسى حياتك بطبيعيه
شهر صيام واحد فى السنه
الحج كام يوم وللمستطيع بس
تحريم الخمر مش دة لمصلحته هى الناس لاقيه تاكل لما تشرب خمر هايقول انا غنى طيب هى مش الخمر لها اضرار كتير ه جدا وبداوا يقللوا منها فى اوروبا
وغيرها من المحرمات كلها لها اضرار لينا
لان الصانع هو الاعلم بصنعته وهو الاعلم بما يصلح لها لتحيا فى سلاموتمارس حياتها بطبعيه
هدانا الله واياهم الى سواء السبيل وشرح صدورنا للايمان ورزقنا الاخلاص اللهم امين يارب العالمين

مؤمنه said...

السلام عليكم ورحمة الله وبركاته أختى فى الله رفقه
ما شاء الله أزادك الله من علمه وجزاكى عنا كل خير على هذه اللفته الطيبه
اللهم اجعلك رد قاطع لكل من عاد الاسلام والمسلمين
دومتى بخير أختى فى الله
والسلام عليكم ورحمة الله وبركاته

الطائر الحزين said...

{ قل هذه سبيلي أدعوا إلى الله على بصيرة أنا ومن اتبعني وسبحان الله وما أنا من المشركين}

استاذة رفقة الخط المستقيم طريق واضح بين النقطتين لا يتم الا رسم خط مستقيم واحد فقط هذه هى الطريقة

اعاننا الله على السير على الصراط المستقيم
أرى انه أهم من الوقوع فى الخطأ هو معرفة أننا نفعل خطأ اما اذا اصابنا الكبر وزين لنا الشيطان اعملنا فرأيناه حسنا هذه هى الطامة الكبرى

بارك الله فيك

الراقـــص مع الذئـــــاب said...

السلام عليكم ورحمة الله وبركاته
بصرف النظر بقي عن موضوع الملحدين ومدوناتهم اللي اتكلمنا عليها كتير
الموضوع جميل جدا يا رفقة وسرده جميل
سبحان الله
جل جلاله وتقدست اسمائه
جزاكي الله خيرا يا رفقة
بجد الموضوع جميل جدا ربنا يجعله في ميزان حسناتك
الله بلغنا رمضان

قلب أبيــض said...

السلام عليكم
بصراحة لم يصادفنى الدخول الى واحدة من هذة المدونات
ولكن اقول
لا ايه الا الله
والله على كل ش قدير
وقادر على هدايتهم

أمــانــى said...

رفقتــى
والله يا اختى حتى لو دخلت بطريق الخطأ بطلع بسرعة لان اعصابى بتتعب من فكر الناس دول
ربنا يرحمنا من عنده
ويبثتنا ياااااااااااارب آمـــــــــــين

eldoctor said...

انا بس داخل أقول للناس .. رجاء لا يدخل أحد عند الملحدين .. من فصيلة بن كريشان .. و أبو لهب .. كانت لى معهم صولات و جولات و لم نصل الى شىء .. اذا رددت على شبهة .. يجادل فى الرد نفسه .. فلا مجال .. الا ان يهديهم الله أو يهدهم باذنه ..
فيه فرق بين من يسعى لمعرفة الحقيقة .. و بين الجاحد المنكر للحقيقة نفسها .. انا طلبت من واحد يقرأ كتاب مصطفى محمود .ز حوار مع صديقى الملحد .. لان كثير من الاسئلة متكررة و مهما تم الرد عليها يعود السؤال فالهدف ليس الحقيقة بل التشويش ...
دول ناس فاكرين نفسهم صح .. فلا تجادلى .. لان الجدل مجهود ضائع ..
بدون نشر للتفاصيل المختل ابو لهب عامل ما يسمى بقرأن ابولهب ..
هل واحد منكم يظن انه فرد ؟؟ بل مجموعة و من فى الصورة هم أفراد .. فالجدل ليس بين فرد و فرد .. فلا مجال لاضاعة الوقت ..
اما من يبحث عن الحقيقة فان كان يبحث بصدق فربنا سيهديه اما ان كان يبحث عن التشويش فالموعد يوم القيامة بس مش حنتقابل هناك .. لانه حيكون فى جهنم باذن الله .. و احنا فى مكان افضل كما نامل من الله


تعليق على التدوينة .. احسنت و بارك الله فيك

eldoctor said...

نسيت اضيف دى
(قُلْ هَلْ نُنَبّئُكُم بِالأخْسَرِينَ أَعْمَالاً, الّذِينَ ضَلّ سَعْيُهُمْ فِي الْحَيَاةِ الدّنْيَا وَهُمْ يَحْسَبُونَ أَنّهُمْ يُحْسِنُونَ صُنْعاً) [سورة: الكهف - الأية: 104]

Anonymous said...

شكرا على التوضيح يارفقة.

عصفور بلا أجنحة said...

من راى انة مش المفروض ندخل غلى هذة المدونات لأنها مليئة باأراء الخاطئة و نصيحيتى ماتدخليش تانى و لا حتى لحب الأستطلاع

مـحـمـد مـفـيـد said...

السلام عليكم
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا

رفقة عمر said...

مؤمنه
اهلا بيكى دايما سعيدة بوجودك وربنا يجعلك اسما على مسما وجعلك من المؤمنين المقربين اللهم امين يارب العالمين وجزاك لله خيرا على دعوتك الجميله

كل سنه وانت طيبه


************

الطائر الحزين

اهلا بحضرتك
سعيدة بمرورك
كل سنه وحضرتك طيب

**********************


الراقص مع الذئاب

حمد الله على السلامه
كل سنه وانت طيب ورمضان كريم
ويارب تقضى رمضان كله طاعه وخشوع اللهم امين يارب العالمي
موضوعك الاخير عن التدوين فى رمضان جميل قوى عجبنى جدا تخيل اقنعتنى فعلا انى لازم ابطل تتدوين فى رمضان
جزاك الله خيرا
ربنا يكرمك يارب
جعلك الله من الفائزين بليله القدر اللهم امين يارب العالمين


*****************

قلب ابيض

كل سنه وانت طيب
تقبل الله منك الصلاه والصيام والقيام
وجعلك من الفائزين بليله القدر اللهم امين يارب العالمين

رفقة عمر said...

امانى

ازيك عامله ايه اجازة سعيدة ان شاء الله
انا عارفه انتى متعقده منهم قد ايه لانك شوفتى منهم كتير فى الواقع
رزقنا الله حسن الايمان ونساله التثبيت وحسن الخاتمه اللهم امين يارب العالمين

رفقة عمر said...

استاذى الدكتور

مرور حضرتك بيسعدنى كتير وبستفيد منه كتير جدا جزاك الله خيرا
وطبعا حضرتك عندك حق انهم مش بيدورا على الحقيقه هما عايزين يجالوا وبس لتحقيق مصالح شخصيه لهم للظهور والشهرة وتحقيق مكانه بين اتباعهم
مثل الشيطان الذى كابر وعاند لانه لم يرد ان يكون هناك من هو افضل منه
اعاذنا الله منهم وثبتنا على الحق اللهم امين يارب العالمين
كل سنه وحضرتك طيب
وادام الله عليك نعمه الصحه والعلم اللهم امين يارب العالمين

رفقة عمر said...

صلعم

اهلا بيك فى اى وقت
هدانا الله واياك الى سواء السبيل اللهم امين يارب العالمين


********************

عصفور بلا اجنحه

اهلا بحضرتك فى زيارتك الاولى التى اسعدتنى بالتاكيد
وطبعا حضرتك صح فى كلامك بس بجد انا كنت باحسبها مدونه اسلاميه لانه دايما بيكتب عناوين البوستات اسلاميه
بس المحتوى بيكون فى هجوم على الاسلام
فاستفزنى الكلام ومن حقى انى ارد على قدر معلوماتى البسيطه

كل سنه وحضرتك طيب
رمضان كريم


*****************
استاذ محمد مفيد

اهلا بحضرتك وكل سنه وحضرتك بالف خير
وتقبل الله منك صالح الاعمال
وجعلك من المقبولين الفائزين فى رمضان اللهم امين يارب العالمين

صاحب البوابــة said...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

شباب روش طحن said...

ما تصدقيش إن في حد منهم كان متديين نادر جدا منهم من كان متديين غالبيتهم كان مسلم عادي معلوماته عن الإسلام قليله جدا ثم أطلع علي شبهات ضد الإسلام فصدق بها وأعتقد أن الإسلام خطأ لتلك الشبهات وأعتقد أنه بما أنه لم يجد لتلك الشبهات تفسير إذن فهي لا رد لها إذن الإسلام خطأ هذا حال معظمهم