عندما يتفق الرعاة مع الذئاب

المفروض الراعى مسئول عن رعيته والمفروض انه يحميها من الذئاب فماذا يكون حال الشاه عندما يتفق الراعى مع الذئاب على التهامها

هاهو الراعى يحمى الذئاب لا وكمان بيحيها على مجهودها وتعاونها على التهام غنمه

دة حال الرعيه اصبح لا حول لها ولا قوة ولا نصير لا ملجا لهم الا الله

اما حال الرعيه فى العراق فهو الذل والمهانه ولا نصير لهم وكيف يكون لهم نصير وقد اتفق الراعى مع الذئاب

قال الله تعالى ( ولن ترضى عنك اليهود ولا النصارى حتى تتبع ملتهم قل ان هدى الله هو الهدى ولا ن اتبعت اهوائهم بعد الذى جاءك من العلم مالك من الله من ولى ولا نصير) صدق الله العظيم

تحديث

هذه الكلمات

من مدونه الام وامال

ذلك الوجه الذي يلقى قضايانا كما يلقى الطرائف والنوادر

أيها التاريخ لا تعتب علينامجدنا الموؤود مبحوح الحناجر

كيف أشكو والمسامع مغلقات و الرجال اليوم همهم المتاجر

ثلة منهم تبيع الدين جهراً تلثم الحسناء والكأس تعاقر

ثلة أخرى تبيت على كنوز لا تبالي كان بؤسا أم بشائرلا تراعي ..

فالحقائق مترعات بالأسى يا أمتي و الدمع سائر

إنما العيش الذي نحياه ذلٌ نرتضي حتى وإن دنت الكواسر

هل ترى يا أمتي ألقاكِ يوماتكتبين لنا من النصر المفاخر

ذلك الحلم الذي أرجوه دوماأن أراك عزيزة والله قادر

هل نحن نستحق القدس فعلا

من يوم ما اتولدت انا اسمع عن مشكله فلسطين وكنت دايما اشوف ياسر عرفات وانا صغيره وهو بيلف العالم علشان القضيه الفلسطنيه وكان شكله بيصعب عليا قوى لانه كمان كان شكل عمى الكبير وكنت وانا صغيره باحسبه عمى واشاور عليه على انه هو

لما كبرت شويه بدات افهم واستوعب فيه ايه ومين دة وفرحت قوى لما رجعت سينا كامله لينا على راى شاديه قلت عقبال فلسطين وبقيه الاراضى المحتله وبعد كدة حزنت ان سينا رجعت لينا تانى عارفين ليه سينا دى ذكرت فى القران ربنا قال عليها انها وادى مقدس

قال تعالى (فى الوادى المقدس طوى) وواقسم بيها (والتين والزيتون وطور سنين )دة المكان اللى كلم فيه سيدنا موسى ربنا عارفين دة معناه ايه انها من اقدس الامكنه لان ربنا كلم فيه سيدنا موسى ولا ن ربنا فضل بعض الشهور على بعض وبعض الاماكن على بعض احنا بقى عملنا ايه لما اخدنا هذا المكان المقدس وربنا من علينا باسترداده تانى شواطئ عراه فنادق بها خمور وصالات قمار الزنا يحدث على ارضها عادى جدا بدل ما نحافظ على قدسيه المكان دنسناه بالكبائر لما شوفت اللى حصل لسينا لما رجعت لينا فكرت كتير قوى طوال سنين معاهدات السلام وايام اسحاق رابين

هل احنا لو اخدنا فلسطين والقدس المحتله هانعمل فيها كدة زى ما عملنا فى سينا بحجه السياحه وارض فلسطين والشام عموما كلها مباركه

قال تعالى ( سبحان الذى اسرى بعبدة ليلا من المسجد الحرام الى المسجد الاقصى الذى باركنا حوله لنريه من اياتنا الكبرى) شوفوا ربنا قال باركنا حوله دة مكان معراج الرسول الى السماء مكان التقاء الانبياء يعنى كل ارض الشام مباركه وارض محرمه زى مكه والمدينه

ماينفعشى تكون عليها اى من الكبائر ولا اى ملاهى ليليه ولا اماكن ديسكو ولا صالات قمار ولا بيع للخمور ولا اى حفلات لهيفاء ولا روبى ولامورة الغريبه تفتكروا بقى احنا نستحق القدس هيهات هيهات لما توعدون انا باتفرج على حالنا وباكون عايزة اصرخ ياجماعه احنا مش اهل للنصر ربنا قال ( ان الله يحب الذين يقتلون فى سبيله صفا كانهم بنين مرصوص) احنا بقى بناين مرصوص انا باستغرب لما الاقى تسميات لمسلمين جماعه الجهاد جماعه التكفير جماعه الاخوان وغيره وغيره ودة شايف نفسه احسن من دة ودة شايف نفسه هو الحق عنده انا امامى الرسول ودستورى القران وراياتى لا اله الا الله محمد رسول الله انا مسلم وبس تفتكروا وكل واحد واخد له شويه اتباع وكل جماعه ليها فكر نتجمع امتى ونالف قلوبنا امتى مش عارفه ليه مش بتقراوا التاريخ كويس الرسول اول حاجه عاملها اصلح بين الاوس والخزرج واخى بين المهاجرين والانصار وبعد كدة اصبحوا قوه لا تقهر شوفوا صلاح الدين كنا كدة برضه متفرقين زى دلوقتى دعا كل امراء وحكام العالم الاسلامى واتحدوا تحت رايه واحدة لغايه ما انتصروا وكمان قطز عمل كدة ارجوكم اقراوا التاريخ كويس

وهانروح بعيد ليه فى حرب اكتوبر 73 لما اتفق كل العرب والمسلمين وصفيت النوايا انتصرنا يد الله مع الجماعه

ربنا قال ( ولا تكونوا كالذين فرقوا دينهم وكانوا شيعا لست منهم فى شئ ) اظن احنا بنعانى من فرقه وتمزق حتى توحيد الاهله للشهور مش عارفين شيوخ السعوديه مش بيحبوا شيوخ مصر والعكس صحيح الدعاه بيحربوا بعض وبيغتابوا بعض فين القدوة ضاعت القدوة مننا

المتدينين عندهم ازدواجيه كل واحد مع نفسه باستغرب لمما الاقى متتدينين بيغيروا من بعض او بيحقدوا على بعض ياجماعه اى حد هايوصل الفكرة والهدف لازم نكون وراه ونساعده مش لازم اكون انا او انت اى حد المهم يكون فيه حد يقدر ياثر ويجمع الناس قطز

وقف وهو لسه لم يكن حاكم وقال لرسول زعيم التتار هولاكو عندما سال من يتكلم بلسان مصر قام قطز وقال انا ووقف كل الناس وراءه لانهم وثقوا فى قدرته لو كانوا تخانقوا على السلطه كانت مصر بقت خراب من التتار مش عارفه حاجات كتير نقصانا قوى علشان نكون اهل للنصر يمكن اكون حزينه للى بيحصل فى بلاد المسلمين وخصوصا فى غزة والعراق بس شوفوا ربنا قال ايه فى الايه دى(او لما اصابتكم مصيبه قد اصبتم مثليها قلتم انى هذا قل هو من عند انفسكم ان الله على كل شئ قدير وما اصابكم يوم التقى الجمعان فباذن الله وليعلم المؤمنين وليعلم الذين نافقوا وقيل لهم تعالوا قاتلوا فى سبيل الله او ادفعوا قالوا لو نعلم قتالا لاتبعنكم هم للكفر يومئذ اقرب منهم للايمان يقولون بافواهم ماليس فى قلوبهم والله اعلم بما يكتمون ) الايات دى نزلت فى غزوة احد لما الرماه ما سمعوش كلام الرسول وتعتبر دى معصيه علشان كدة حصل اللى حصل فى غزوة احد مابالنا نحن ياخبر احنا بنعمل بلاوى لما اشوف برنامج بيتعرض على اراضى المسلمين اسمه هزى يانواعم مسابقه للرقص الشرقى رجعنا للنخاسه تانى بارداه البنت واهلها ربنا عفانا منها واحنا بنرجعلها تانى بارداتنا بس زمان كان سوق النخاسه للاماء دلوقتى الحرائر بارداتهم الحره بيعرضوا نفسهم انا مش بابرئ نفسى من المسئوليه كلنا مسئؤلون امام الله على حالنا اللى احنا فيه مش قادرة اتكلم على اللى بيحصل فى غزة دة بسبب هوانا ومعاصينا مش بسبب اعداءنا صدقونى عدونا اضعف مما نتصور ولكننا احنا العيب فينا بعد كل دة وزيادة هل ما زلنا نستحق القدس فعلا بعد ما بقى فى بلاد المسلمين اللواط والزنا والخمور والربا والعقوق والغش فى التجاره والبغض والحقد والفرقه مازلنا اهل لنصره الله لنا

بصراحه لو رجع لينا القدس وعملنا فيه زى ما عملنا فى سينا يبقى يفضل فى الاسر اكرمله واكرملنا

ولنحتسب ضحاياه شهداء عند الله فهو ارحم بيهم منا

معلش دى وجه نظرى ومش بالزم حد بيها بس طول عمرى وانا بافكر لو رجعنا القدس هايكون فيه ملاهى ليليه وصالات ديسكو بجواره

تحديث

انا عايزة اوضح انى ااقصد من البوست اننا مش اهل لنصر الله لنا واى ابتلائات ولا مصائب بتصيب الامه الاسلاميه فبما كسبت ايدينا حتى اعدءانا نفسه عارفين اسباب النصر عندنا وهى الرجوع الى دينا وتالف قلوبنا وتوحدنا

بدليل ان جولدا مائير قالت لو وصل عدد المصلين صلاه الفجر فى المسجد وصل زى عددهم فى صلاه الجمعه يبقى ده معناه نهايه وجودنا على ارض القدس لانهم عارفين ان اللى بيحافظوا على صلاه الفجر فى المسجد هم المخلصين حقا لان صلاه الفجر شديده على المنافقين

يعنى ااقصد من البوست بدل ما نقعد نلف حوالينا نفسنا وناخد طرق غلط للوصول لهدفنا من النصر الطريق معروف وسهل جدا بس احنا اللى برضه معاندين ومعتمدين على الحلول البشريه وتركين الحل الالهى

يبقى ازاى هاترجع لينا القدس

انا سمعت مقوله ان القدس بتكون مع المسلمين فى قو تهم وفى ضعفهم اول حاجه بتروح منهم هى

سنه الحياه

ساعات أقوم الصبح، قلبي حزين أطل برا الباب، ياخذني الحنيــــن

اللي إشتريتو إنباع واللي لقيته ضاع و اللي قابلتو راح وفات الأنيــــــــــن

وأرجع واقول و ارجع و اقول لسه الطيور بتحن والنحليات بتطن والطفل ضحكو يرن مع إن مش كل البشر فرحانيــــــــن-

حبيبي سكر مر طعم الهوىفرق ما بينا البين ما عدناش سوا

حرام عليك يا عذاب نبقى كده أغراب دا البعد والله جرح من غير دواو

أرجع واقول و ارجع و اقول لسه الطيور بتحن والنحليات بتطن والطفل ضحكو يرن مع إن مش كل البشر فرحانين

أدي اللي كان وأدي القدر وأدي المصيرنودع الماضي وحلمه الكبيــــــــــــرنودع الأفراح نودع الأشجان

راح إللي راح ومعدش فاضل كتــــــــيرإيه العمل فى الوقت دا يا صديق غير إننا عند إفتراق الطريق

نبص قدمنا على شمس أحلامنانلقاها بتشق السحاب الغميق

وأرجع واقول و ارجع و اقول لسه الطيور بتحن والنحليات بتطن والطفل ضحكو يرن مع إن مش كل البشر فرحانــين

أقسى اللحظات **&& أن تقف أمام شخص يبكي ولا تملك الشجاعه لأن ترفع يدك وتعانقه

أقسى اللحظات **&& أن تشعر بالغربه بين أهلك

أقسى اللحظات **&& أن يعطيك شخص كل معاني الحب من قلبه وتعجز عن أعطائه معنى واحد من قلبك او العكس

أقسى اللحظات **&& أن تشعر بالألم وتجهل الأسباب

أقسى اللحظات **&& صداقه دامت سنوات وأنتهت بلحظة غضب

الكلامات الاولى من اشعار صلاح جاهين طبعا

ودة لكل انسان بعد عنه انسان عزيز عليه قوى بس نعمل ايه دة من اقدار الدنيا

وليس لنا الا تحملها والصبر عليها

السلام عليكم ورحمه الله وبركاته

اخباركم ايه يارب تكونوا كلكم بخير

انا باعتذر جدا ليكم لانى مش قادرة اتابع مدونتى ولا المدونات لانى مسافرة

اسال الله للجميع السعادة والرضا

والاخلاص والقبول من الله

اللهم امين يارب العالمين

كيف تواجه النقد الاثم

الرقعا ء السخفاء سبوا الخالق الرازق جل فى علاه وشتموا الواحد الاحد لا اله هو فماذا اتوقع انا وانت ونحن اهل الحيف والخطأ انك سوف تواجه فى حياتك حربا ضروسا لا هوادة فيها من النقد الاثم المر ومن التحطيم المدروس المقصود ومن الاهانه المتعمدة ما دام انك تعطى وتبنى وتؤثر وتسطع وتلمع ولن يسكت هؤلاء عنك حتى تتخذ نفقا فى الارض او سلما فى السماء فتفر منهم اما وانت بين اظهرهم فانتظر منهم ما يسوؤك ويبكى عينك ويدمى مقلتك ويقض مضجعك ان الجالس على الارض لا يسقط والناس لا يرفسون كلبا ميتا لكنهم يغضبون عليك لانك فقتهم صلاحا او علما او ادبا او مالا فانت عندهم مذنب لا توبه لك حتى تترك مواهبك ونعم الله عليك وتنخلع من كل صفات الحمد وتنسلخ من كل معانى النبل وتبقى بليدا غبيا وصفرا محطمامكدودا هذاما يريدونه بالظبط اذا فاصمد لكلام هؤلاء ونقدهم وتشويههم وتحقيرهم (اثبت احد) وكن كالصخره الصامته المهيبه تتكسر عليها حبات البرد لتثبت وجودها وقدرتها على البقاء انك ان اصغيت لكلام هؤلاء وتفاعلت به حققت امنيتهم الغاليه فى تعكير حياتك وتكدير عمرك الا فاصفح الصفح الجميل الا فاعرض عنهم ولا تك فى ضيق مما يمكرون ان نقدهم السخيف ترجمه محترمه لك وبقدر وزنك يكون النقد الاثم المفتعل انك لن تستطيع ان تغلق افواه هؤلاء ولن تستطيع ان تعتقل السنتهم لكنك تستطيع ان تدفن نقدهم وتجنيهم بتجافيك لهم واهمالك لشانهم واطراحك لاقوالهم (قل موتوا بغيظكم) بل تستطيع ان تصب فى افواههم الخردل بزياده فضائلك وتربيه محاسنك

ان كنت تريد ان تكون مقبولا عند الجميع محبوبا لدى الكل سليما من العيوب عند العالم فقد طلبت مستحيلا واملت املا بعيدا

طبعا طبعا دة مش كلامى انا مش باعرف اكتب باللغه العربيه باكتب عامى دة جزء من كتاب رائع ااسمه لا تحزن للشيخ الفاضل عائض القرنى فعلا انصحكم باقتنائه كتاب كنز جزاه الله كل خير وجعله فى ميزان حسناته

سبب نقلى هذا الجزء من الكتاب اولا دة لكل انسان محترم بيقول كلمه محترمه وبيتعرض لنقد اثم او سخريه من الاخرين

ثانيا دخلت عند دكتور خالد اخونا فى الله وزميل تدوين ووجدت هناك من يسخر منه واستفزنى جدا الكلام وايضا من يتعرضون للسخريه كثير اخونا الصارم الحاسم ومن قبل تعرضت اختنامروة زارع لنقد من شخص لم يذكر هويته لان دول خفافيش لا يستطيعون الظهوركل همه النقد الاثم فقط

واخيرا قرات تتدوينه قريبا اثارت فى ضيق لانها ترمى الناس بالاثم وتشكك فى نوايا الاخريين قال الرسول صلى الله عليه وسلم لا تتبع عورات اخيك فيفضحك الله ولو فى عقر دارك

كلنا فينا من الاخطاء والمعايب مالا يعلمها الا الله فلماذا نهاجم بعض ونسخر من بعض ونصنف هذا محترم و هذا غير محترم

عندك كلمه طيبه قولها مش عندك يكفيك السكوت

قال الله تعالى ( يايها الذين امنوالا يسخر قوما من قوم عسى ان يكونوا خيرا منهم ولا نساء من نساءا عسى ان يكن خيرا منهن ولا تلمزوا انفسكم ولاتنابزوا بالالقاب بئس الاسم الفسوق بعد الايمان ومن لم يتب فاولئك هم الظالمون يايها الذين امنوا اجتنبوا كثيرا من الظن ان بعض الظن اثم ولا تجسسواولا يغتب بعضكم بعضا ايحب احدكم ان ياكل لحم اخيه ميتا فكرهتموة واتقو الله ان الله تواب رحيما) صدق الله العظيم

اظن الايات كلنا عاارفينها وبنقراها كويس بس للاسف مش بنطبقها

ارجو الا يسؤ الظن بى وليه بتدافع عن دكتور خالد والصارم الحاسم واى احد يتعرض للنقد الاثم

لان سؤ الظن بقى هو السايد وللاسف بين ناس مسلمين والمفروض متدينين

ياريت تتذكروا دفاع السيدة الرميصاء عن الرسول صلى الله عليه وسلم فى غزوة احد وهو رجل وهى امرأة وياريت تقراو كويس فى السيره علشان تعرفوا كيف كان التعامل بين الصحابيات والصحابه رضوان الله عليهم

وهم من هم

اخيرا اقول شكرا لكل من يهدى الينا حسانته باغتيابه لنا

نحن فعلا محتاجين حسنات كتير لاننا مقصرين جدا

فلم الضيق اذن لا مجال للضيق ابدا

نفسى بجد يكون الحب اكتر من كدة بين المسلمين وطبعا الحب والكره دة مش بايدينا بس ياريت لو مش حبينا حدمش نذمه ولا نتصيد له الاخطاء بجد من اسباب النصر ان نكون صفا واحدا يجمعنا هدفا واحد

البنت المسلمه فى قفص الاتهام

انا كلامى هنا هايكون اللى اى بنت مسلمه المفروض تكونه مش هاقول الملتزمه لان فى الاسلام مافيش حاجه اسمها ملتزمه ولا مش ملتزمه المفروض كلنافى خانه الديانه فى البطاقه اننا مسلمين فالمرفوض يعنى نكون بنمثل الصفه دى بكل معانيها المهم انا حبيت اتكلم فى موضوع يمكن بيمر على كل بنت عايزة تكون مسلمه اسما وصفه اللى بتحاول ترضى رباها وبس على قد ما تقدر

البنت المسلمه متهمه انها جافه المشاعر انها بلا قلب يشوفوا بنت منتقبه او لابسه الاسدال او العبايه وبتتعلم دينها يبقى خلاص انعدمت الاحساس وهاتكلمنا بالنحوى ايه اللى يربط بين ان البنت المسلمه تحاول ترضى ربها وانها مازالت بداخلها مشاعر جميله

البنت طبيعتها وربنا خلقها انها طبيعى تحب انها تتزين وتكون حلوة عارفين يعنى ايه تتنازل عن كل ده بارادتها يعنى ايه تسيب احدث موضه احدث صيحه فى الالوان وتكتفى بارتداء الاسود او التى يعينها ربها وترتدى النقاب الامر مش سهل زى ما انتم فاكرين بالعكس خالص شوف اصعب شئ ممكن تقدر تستغنى عنه ممكن تستغنى عن الهوا عن الميه زى صعب ان اى حد يستغنى عن الميه والهوا برضه البنت من اصعب الامور عليها انها تستغنى عن زينتها وعن اناقتها متعتها وسعادتها شعورها انها تكون مصدر اعجاب ونظرات الجميع لما تستغنى عن كل دة بفضل الله عليها ثم بارادتها من غير اى ضغط عليها مش تستحق التشجع ولا كل اللى بتشوفه الاحباط وبس وكلمات بدل ما تشجعها على قوة ارادتها انها استغنت عن كل دة عن رائحه البرفان الباريسيه الى تسعدها عن ارتدئها احدث صيحات الموضه ان تترك لشعرها الحريه الا هو المفروض تاج البنت الذى يزيدها جمال وتسعى لارضاء ربها بدل ما نحيها على دة لا نحبطها ونشككها فى انوثتها ومشاعرها انها متحجره انها متبهدله وعامله ليه كدة فى نفسها واحد يقول ممكن اوافق على الحجاب بس اللبس العادى اللى على الموضه ماله دة بس انا عايزة اكون احسن والتزم بالحجاب الشرعى مش عايزة اكون ملفته واحد تانى يقول ممكن لو طلبت منك تقلعى الحجاب بعد الزواج ينفع يعنى ايه ينفع ليه مش تخلينى احسن بدل ما ترجعنى ميه خطوة لورا واحد تانى يشترط ممنوع النقاب نهائى

باستغرب جدا هو البنت لما تلتزم بالحجاب الشرعى بمواصفاته اللى الرسول صلى الله عليه وسلم قال عليها تبقى كدة فقدت اناقتها بالعكس بتكون مشتاقه انها تظهر انا قتها بس لمين لشخص واحد بس مش لكل الدنيا يستمتع بيها ومش معنى انها محتفظه بمشاعرها ولا تعطيها الا لمن قدره الله لها فى اللوح المحفوظ يبقى كدة هى جافه المشاعر وانها مش بتشعر ومش بتحس هو لما تشرب من بير ميه لسه انت اول واحد تقرب منه لسه لم يعكرة بشر لسه لم يكتشفه بشر ولا لما تشرب من بير اتمدت ليه الاف الايادى واتعكر من كتر الاستعمال ايه الاحسن يالنسبه لك هو اى واحد بيكون لسه بيتعرف على بنت للارتباط المفروض كدة تعبر عن مشاعرها وتقول كلام حب لشخص لا يحق له دة تبقى كدة هى مش رومانسيه ومش لها قلب بجد مش عارفه هو فعلا زى ما بيقولوا الرجاله ماتت فى الحرب ولا انا اللى حظى سئ وبقابل نماذج غريبه

ولا انا فى زمن انا مش مناسبه ليه تذكرت سيدنا يوسف والضغوط عليه من النساء فدعا ربه انه ينقذه منهم وهو من هو

قال (الا تصرف عنى كيدهن اصب اليهن واكن من الجاهلين ) بجد مش عارفه هى بقت البنت اللى بتتقى ربها فى الزمن دة متهمه

انها جماد لا يشعر انها معقده انها نسيت كونها انثى تريد دائما ان تكون جميله ولكنها فى جهاد مع نفسها بدل ما تشجعوها ليه يتحبطوها هو الحياء بقى تهمه فى الزمن دة

انا بجد بقيت باعذر البنات اللى بتتزين زيادة عن اللزوم لانها عارفه ان دة اللى بقى بيرضى معظم الرجاله

مش عارفه ااقول عليهم رجاله ولا ايه

؟؟؟؟؟؟؟؟؟