Sunday, January 27, 2008

سنه الحياه

ساعات أقوم الصبح، قلبي حزين أطل برا الباب، ياخذني الحنيــــن
اللي إشتريتو إنباع واللي لقيته ضاع و اللي قابلتو راح وفات الأنيــــــــــن

وأرجع واقول و ارجع و اقول لسه الطيور بتحن والنحليات بتطن والطفل ضحكو يرن مع إن مش كل البشر فرحانيــــــــن-

حبيبي سكر مر طعم الهوىفرق ما بينا البين ما عدناش سوا

حرام عليك يا عذاب نبقى كده أغراب دا البعد والله جرح من غير دواو

أرجع واقول و ارجع و اقول لسه الطيور بتحن والنحليات بتطن والطفل ضحكو يرن مع إن مش كل البشر فرحانين

أدي اللي كان وأدي القدر وأدي المصيرنودع الماضي وحلمه الكبيــــــــــــرنودع الأفراح نودع الأشجان

راح إللي راح ومعدش فاضل كتــــــــيرإيه العمل فى الوقت دا يا صديق غير إننا عند إفتراق الطريق

نبص قدمنا على شمس أحلامنانلقاها بتشق السحاب الغميق

وأرجع واقول و ارجع و اقول لسه الطيور بتحن والنحليات بتطن والطفل ضحكو يرن مع إن مش كل البشر فرحانــين
أقسى اللحظات **&& أن تقف أمام شخص يبكي ولا تملك الشجاعه لأن ترفع يدك وتعانقه
أقسى اللحظات **&& أن تشعر بالغربه بين أهلك
أقسى اللحظات **&& أن يعطيك شخص كل معاني الحب من قلبه وتعجز عن أعطائه معنى واحد من قلبك او العكس
أقسى اللحظات **&& أن تشعر بالألم وتجهل الأسباب
أقسى اللحظات **&& صداقه دامت سنوات وأنتهت بلحظة غضب
الكلامات الاولى من اشعار صلاح جاهين طبعا
ودة لكل انسان بعد عنه انسان عزيز عليه قوى بس نعمل ايه دة من اقدار الدنيا
وليس لنا الا تحملها والصبر عليها

16 comments:

محمد عبد الغفار said...

اقسى اللحظات أن تشعر بتوقف حياتك على اعتاب الأخرين

واقسى منها ان تكتشف ان الأمر ليس كذلك

الطائر الحزين said...

كل يوم نكتشف فى انفسنا وفى غيرنا اشياء لا نعلمها ونضحك منها مرة ونثنى عليها مرات

واقسى لحظة ان تجد نفسك ليس الشخص الذى تريد


تحياتى

mo'men mohamed said...

بال ظبط كده
هو ده حال الدنيا
الأطفال فى غزة بيموتوا من الفشل الكلوى و الجوع
والناس هنا فى مصر بيتفرجوا على الدورى الأفريقى بإبتسامة بلهاء تدل على الجهل والسطحية
السلام عليكم

مـحـمـد مـفـيـد said...

ما أقسى الحياة عندما تقرأ هذه الكلمات و ترى أنها تعبر عن ما في قلبك
ليه كده بقي

No Fear said...

السلام عليكم
بالرغم من إستغرابي من البوست بتاعك بس
فعلا الألم صعب خصوصا في الصداقة
بس كنت قريت بوست قريب من ده قبل كده و قريت تعليق لواحد هأستعيره منه و أقوله لك
لو ينفع تصلحي اللي حصل يكون أحسن و أجمل
و يارب تقدري فعلا
الصداقة عملة نادرة و تقريبا مش موجودة دلوقتي

صاحب المضيفة said...

أقسى حاجه في الدنيا انك تحس انك عاجز عن تقديم المساعدة لحد انت بتحبه جدا

وأقسى احساس انك تشعر انك عاجز عن فعل خير ممكن تعمله ومش عارف تعمله


يارب قدرنا على فعل الخير ومش تحرمنا من عمل المعروف


امين

ma_3alina said...

الحمد لله على السلامة
تسلم إيدك يا رفقة

nonoymm said...

حمدالله على السلامة
جيتي على الوجيعة فعلا
الاصعب ان الشخص المتالم يكتشف انك كنت قادرة انك تقدمي المساعدة ولاي سبب ان كان ما قدمتيهاش
اصل لازم يكون فيه مراقب دولي اوربي يكون موجود على المعبر علشان ما يبقاش في خرق للاتفاقية
نقوم نقتحم المعبر واللي يحصل يحصل ويرجع ناس تقولك ايه العمل الاجرامي دة يقتحموا المعبركدة ما هو كنا هنفتحه
حاجة تفرس

ftataljanna said...

ساعات بيبقى فى حاجات اقسي من لحظة الغضب اللى تحليكي تخسري حد

الدنيا مليانه ناس والناس انواع وكل واحد وله شخصية وليه ظروف وكل واحد خرج في بيئة اثرت عليه

الناس مش بقوا كويسين والناس اتغيرت و بقى صعب تلاقى حد ايا كان و تلاق معاه الامان انا بتكلم عامة

حتى العيلة الواحدة بيكون بينهم مشاكل وف عائلات كتير مقطعة لاسباب كتير

بصي الدنيا دي علشان تعيشي فيها وتمشي فيها لازم تبقى عامله حسابك على خسارة وجروح

او تبعدى عن الناس وماحدش يقدر يعيش من غير ناس

لازم تتقبلى الواقع وتعرفى ان كل انسان فى الدنيا دى هاتقابليه او هاتتعاملى معاه هاتتعلمى منه حاجة

حتى ولو كان جرح او اهانه او ظلم او غدر ده كمان هاتتعلمى منه

لانه هايعلمك ان المرة الجاية نعرف ده من اى نوع
وهاتلاقى اللمبة الحمرا اللى جواكى بتنور

وبتقول لك احترس هناك مطب ادمى امامك هدء السرعة او تثقب الاطارات وجايز تتقلب العربية كلها

الدنيا دي ممر ماحدش هايمر منه الا ولازم يخسر في الطريق

اهم حاجة تحافظى على نفسك بلاش تخسريها

اى حاجة غيرها بقى فينطبق عليها المثل اللى ييجي فى الريش بقشيش

وما لايقتلك يجعلك اقوى

كرياكو said...

كل اللحظات الصعبه اللي اتكلمتي عليهادى مش من سنة الحياة دى من سنة البشر الحياة مش بتظلم حد بس البشر دايما هما اللى ظالمين

وشكرا اوى على البوست الجميل بتاعك

رفقة عمر said...

استاذ محمد عبدالغفار

اهلا بحضرتك
بجد حضرتك مع ان كلماتك بسيطه بس بتجيب المفيد فعلا
وتكتشف انك كنت غلطان جدا فى حزنك وتالمك
لبعدهم عنك

***************

استاذ الطائر الحزين

اهلا بحضرتك
انا مش فاهمه التعليق قوى
بس فعلا بخصوص ان الواحد بيتصدم فى نفسه ويكتشف انه مش هو
وانه شخص تانى
وبيظهر قوى فى مواقف معينه بتظهر حقيقه الانسان فعلا
وتكشفه قدام نفسه


*******************

مؤمن محمد

اخبارك ايه يارب تكون بخير
سعيدة بعودتك للتدوين تانى
بس معلش سامحنى انا ااقصد حاجه تانيه خالص من البوست
وحاسه ان تعليقك عن حاجه تانيه
بس بعيدا عن البوست
فعلا كان المفروض مصر تعتذر عن البطوله علشان اللى بحصل فى غزه وتضامننا معهم
ربنا يرحمنا من عنده اللهم امين يارب العالمين


******************

استاذ محمد مفيد

اهلا بحضرتك
اكيد لان كل واحد منا اكيد فقد شخص عزيز عليه واكيد احيانا بياخدنا الحنين ليهم بين الحين والاخر
والكلمات دى من الكلمات المؤثرة جدا لما نكون فى الحاله دى


*****************

no fear

اخبارك ايه يارب تكون بخير
مستغرب ليه للبوست
ممكن يكون مش موقف شخصى قد ماهو لاقيت بعض المدونين من فراق بعض الاصدقاء او انفصال ارتباط
وانا مريت بفقد بنات صديقاتى
او مشروع ارتباط لم يتم
وتذكرت كلمات اغنيه ماجدة الرومى كنت باسمعها زمان دورت على كلماتها على النت لغايه لما لاقيتها
حاسه قوى انها مناسبه للموضوع
يارب تكون خلاص مش مستغرب
ويارب تكون فكرة البوست وصلت مش عارفه حاسه انه غريبه على صح
بس دة الجانب الاخر لرفقه
وحش ولا ايه


*****************

صاحب المضيفه

اهلا بحضرت
بل من الاشد قسوة لانك بتكون نفسك ترفع الالم عنه وانت مش عارف وليس لك حيله
وحصلى دة لما كان بابا رحمه الله عليه فى العنايه المركزة كان بيتالم وكنت مش عارفه اعمل حاجه
بتكون من اقسى الامور على النفس


***************

ماعلينا

ازيك يارب تكون بقيت احسن

الله يسلمك ربنا يخليك يارب
دة بس من ذوقك
ربنا يكرمك يارب وييسر لك كل امورك
اللهم امين يارب العالمين


*******************

nonoymm


ازيك عامله ايه وجه جديد فى التدوين ربنا يوفقك يارب مدونتك جميله قوى ربنا يكرمك يارب
والاشد قسوة اننا بتتفرج عليهم واحنا تحت البطانيه وبنشرب حاجه سخنه وبتاكل ساندوتش هامبروجر
لا وايه زعلانين عليهم
على راى احمد حلمى
تعاطفك واحده مو كفايه
ربنا يغفر لنا تقصيرنا فى نصرتهم اللهم امين يارب العالمين

****************


فتاه الجنه

اخبارك ايه ياحبيتى وحشتينى قوى
واخبار الامتحانات ايه
شوفى بقى انا دايما تعليقك بيعلمنى كتير قوى مع انك اصغر منى بكام يوم كدة
بس باتعلم منك
ربنا يبارك فيكى يارب
انتى طبعا عندك حق
بس احيانا فيه ناس بتبدع فى لبس الاقنعه وتتخيلى انهم ملائكه وفى لحظه تلاقيهم اختفوا عنك
ولا كانهم كانوا موجودين
ويسبوكى فى حيره ايه حصل
وليه وطبعا لا توجد اجابه يمكن الزمن هو اللى يجاوب وممكن نفضل مش عارفين ايه حصل

خمسة فضفضة said...

السلام عليكم ورحمة الله وبركاته

حمد الله علي السلامه

اذا كانت صداقه حقيقه فلن ثؤثر فيها كلمات الغضب وستعود العلاقه طبيعيه بعد قليل بعد ان تهدأ النفوس

العراق صوت الحق said...

مائة هلا برجوعك .. و أقول لــــك

لســـــــــــــــــــــــــــــه
الطيور بتحن والنحليات بتطن والطفل ضحكو يرن مع إن مش كل البشر فرحانــين
***********************************
الدنيا تسير ولا تتوقف وعلينا فقط
التعلم منها ومن البشر الذين أصبحوا أصعب ما في هذة الدنيا
عمـــر

No Fear said...

السلام عليكم
أنا مش مستغرب من موضوع البوست و لا فكرته هو بوست رائع بجد
بس و أنا بقراه كنت مش مصدق أنك أنت اللي كاتباه مش حاسس أنه أسلوبك و طريقتك بس هي دي الفكرة
ياريت تكون وصلت
بس لو ده الجانب التاني منك يبقي كويس علشان أحس أنك زينا كده يعني
:)

رفقة عمر said...

كرياكو

اهلا بحضرتك
هو اكيد عندك حق بس احيانا بيحصل فراق غصب عنك بالموت مثلا بالسفر
يعنى الفراق مكتوب علينا شئنا اما ابينا
اسعدنى تواجدك جدا



******************


دكتور فضفضه


اهلا بحضرتك سعيدة بحضرتك جدا ربنا يكرمك يارب ويبارك فى حضرتك
واحيان مش بترجع نهائى
وتمر السنين وتبقى ذكرى مجرد ذكرى


****************


ساعد نسرين الايمن


اهلا بحضرتك
ليه بس انا عملت ايه
طيب ليه مش تبص قدامك وتحاول تتدور على نسرين تانيه ممكن تكون احسن وافضل كتير وتعوضك عن نسرينك
ربنا يريح قلبك يارب ويزيل همك اللهم امين يارب العالمين


*******************


عمر

كيفك اخبارك ايه
ربنا يخليك يارب ودايما معانا بتشاركنا ربنا يحفظك يارب وكل اهل العراق اللهم امين يارب العالمين


******************

no fear


لا والله مش ااقصد ان البوست حلو ولا وحش ااقصد انه جانب رفقه الاخر وحش ولا كويس ويعنى ايه اكون زيكم
انا يمكن ااقل منكم كلكم انا واحدة زى اى بنت ممكن تنصدم وتنجرح وتتالم بس انا مش باحب اظهر ضعفى الا للمقربين جدا واللى بيعرفونى كويس لانهم هايعرفوا وقتها ان اللى حصلى اكبر من احتمالى وهايقدروا اللى انا فيه
انا بنكسف على فكرة ااقول حاجات شخصيه عنى
يارب تكون شخصيتى وضحت ليكم اكتر
ومش تكون غامضه

mohand said...

السلام عليكم

ايه المود الحزين دا بقي

هو فيه ايه حصل ؟