Thursday, January 31, 2008

عندما يتفق الرعاة مع الذئاب

المفروض الراعى مسئول عن رعيته والمفروض انه يحميها من الذئاب فماذا يكون حال الشاه عندما يتفق الراعى مع الذئاب على التهامها
هاهو الراعى يحمى الذئاب لا وكمان بيحيها على مجهودها وتعاونها على التهام غنمه










دة حال الرعيه اصبح لا حول لها ولا قوة ولا نصير لا ملجا لهم الا الله




اما حال الرعيه فى العراق فهو الذل والمهانه ولا نصير لهم وكيف يكون لهم نصير وقد اتفق الراعى مع الذئاب





قال الله تعالى ( ولن ترضى عنك اليهود ولا النصارى حتى تتبع ملتهم قل ان هدى الله هو الهدى ولا ن اتبعت اهوائهم بعد الذى جاءك من العلم مالك من الله من ولى ولا نصير) صدق الله العظيم
تحديث
هذه الكلمات
من مدونه الام وامال
ذلك الوجه الذي يلقى قضايانا كما يلقى الطرائف والنوادر
أيها التاريخ لا تعتب علينامجدنا الموؤود مبحوح الحناجر
كيف أشكو والمسامع مغلقات و الرجال اليوم همهم المتاجر
ثلة منهم تبيع الدين جهراً تلثم الحسناء والكأس تعاقر
ثلة أخرى تبيت على كنوز لا تبالي كان بؤسا أم بشائرلا تراعي ..
فالحقائق مترعات بالأسى يا أمتي و الدمع سائر
إنما العيش الذي نحياه ذلٌ نرتضي حتى وإن دنت الكواسر
هل ترى يا أمتي ألقاكِ يوماتكتبين لنا من النصر المفاخر
ذلك الحلم الذي أرجوه دوماأن أراك عزيزة والله قادر

28 comments:

عصفور المدينة said...

رى أن يتم تعديل العنوان إلى عندما يتفق الرعاة مع الذئاب
أو نشيل التاء ونحط مكانها أي حرف تاني

رفقة عمر said...

باشمهندس عصفور المدينه

مع انى مش فهمت قوى حضرتك تقصد ايه
بس عملت اللى حضرتك طلبته
جزاك الله كل خير

mo'men mohamed said...

حسبى الله ونعم الوكيل

لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءهُمْ أَوْ أَبْنَاءهُمْ أَوْ إِخْوَانَهُمْ أَوْ عَشِيرَتَهُمْ


هو ده اللى أقدر أقوله
السلام عليكم

صوت من مصر said...

والله انا زهقت وخلاص
لاننا احنا الى عملنا فى نفسنا كده بكره مبارك هيبوس الايادى برضه

الطائر الحزين said...

مخطىء من ظن يوما أن للثعلب دينا



تحياتى

اعتقد ان الباشمهندس عصفور يقصد
ان هناك خطأ املائى فى العنوان

الرعاة وليس الراعاة


الله اعلم


تحياتى

آلام وآمال said...

""قل هو من عند أنفسكم""

ضدقيني يا رفقة الوضع ده احنا بردو مشتركين في حدوثه
لو الناس والشعوب بقت صح
لازم الحكام اللي هيطلعوا منهم هيكونوا صح

وحسبنا الله ونعم الوكيل
ربنا يصلح أحوالنا

آلام وآمال said...

الأبيات دي بتوصف الحال المر اللي احنا فيه
------

ذلك الوجه الذي يلقى قضايانا
كما يلقى الطرائف والنوادر

أيها التاريخ لا تعتب علينا
مجدنا الموؤود مبحوح الحناجر

كيف أشكو والمسامع مغلقات
و الرجال اليوم همهم المتاجر

ثلة منهم تبيع الدين جهراً
تلثم الحسناء والكأس تعاقر

ثلة أخرى تبيت على كنوز
لا تبالي كان بؤسا أم بشائر

لا تراعي .. فالحقائق مترعات
بالأسى يا أمتي و الدمع سائر

إنما العيش الذي نحياه ذلٌ
نرتضي حتى وإن دنت الكواسر

هل ترى يا أمتي ألقاكِ يوما
تكتبين لنا من النصر المفاخر

ذلك الحلم الذي أرجوه دوما
أن أراك عزيزة والله قادر

أي جرح

أبو خالد said...

أختى / أعتقد أن عصفور المدينة يقصد " عندما يتفق الرعاع مع الذئاب"
عليهم من الله ما يستحقون ..
أبو خالد

أبو خالد said...

أختى / أعتقد أن عصفور المدينة يقصد " عندما يتفق الرعاع مع الذئاب"
عليهم من الله ما يستحقون ..
أبو خالد

وضـّاح said...

عندما يتفق الرعاة مع الذئاب

لا ينتج إلا مزيدا من دماء

حسبنا الله ونعم الوكيل

mohand said...

السلام عليكم

:(:(:(:(

MerMaid said...

العزيزة رفقة

ازيك؟ فينك من زمان؟؟
--------------------
بصي يا رفقة ..انا ضد تدخل الدين في السياسة ..مينفعش العلاقات السياسية يتدخل فيها الدين
لان السياسة لعبة قذرة و ملتوية و نفاق خالص ..ولو تدخل فيها الدين هيفقد نقائه و مصداقيته و هيبته
العلاقات العربية مع امريكا او فرنسا او بريطانيا او اي بلد غير مسلم
يحكم هذه العلاقات مصالح دولية و اتفاقات و معاهدات و صفقات و خلافه
مصالح شخصية ربما
و لكن يجب الا يتدخل الدين في السياسة باي شكل من الاشكال
ثم انا مش شايفة ان الرؤساء الغربيين وحوش قوي كدة ..انا شايفة انهم رجال تحكمهم مصالحهم و مصالح بلادهم و بيتصرفوا علي هذا الاساس
محدش قال انهم عاوزينا نتبع ملتهم او نسيب ديننا ..هم بيتعاملوا من مبدأ المصلحة فقط
تحياتي ليكي يا قمر ومنورة دايما

رفقة عمر said...

مؤمن محمد

اهلا بحضرتك
المهم القران معرفنا كل حاجه واحنا برضه مصرين اننا نعمل الغلط
المهم كل واحد مصلحته الشخصيه وبس

*******************

صوت من مصر

اهلا بحضرتك
انا كمان زهقت بس هانعمل ايه مافيش قدامنا غير الكلام


****************

استاذ الطائر الحزين

اهلا بحضرتك
بجد انا مشتغربه قوى المسلمين بيدبحوا فى كل مكان واحنا لسه بنرحب بيهم وبنضحك فى وشهم
حسبى الله ونعم الوكيل
مافيش كلام نقوله غير كدة

*****************

الام وامال

اهلا بحضرتك
اكيد اينما كنتم ولى عليكم
يعنى اكيد لو احنا كويسين كان ربنا بعت لنا ولاه يعرفوا ازاى يجيبوا لينا حقوقنا
ربنا يهدينا لما يحبه ويرضاه اللهم امين يارب العالمين

جميله قوى اقصيدة ممكن تسمحلى اضيفها مع البوست بعد اذنك

****************


ابو خالد

اهلا بحضرتك
انا كنت كاتبه العنوان عندمما يتفق الراعى مع الذئاب فالاستاذ الفاضل عصفور المدينه صححه الى الرعاه وصلحت الخطا فى وقتها
جزاك الله خير
اسعدنى تواجد حضرتك


****************

وضاح

اهلا بحضرتك سعيدة باول زياره لحضرتك وسعيدة اكتر بتعليق حضرتك
اكيد مزيد من الدماء ولا مغيث ولا مجير
ربنا يرحمنا من عنده اللهم امين يارب العالمين

*************

استاذ مهند

اهلا بحضرتك

:(:(:(:(

******************

mermaid

ازيك هاجر عامله ايه انا عرفت اسمك من التعليقات اخبارك ايه وهاتسافرى امريكا امتى
اولا البوست مش بيتكلم عن الدين والسياسه
مع ان دينا كله سياسه بدليل ان الدوله الاسلاميه استمرت حوالى 500 سنه تحكم العالم ولا شفنا اضطهاد ولا حد اشتكى من حكمهم واخرجت ابن سينا وابن الهيثم والفارابى وابو بكر الرازى وغيرهم من علماء المسلمين
اللى الغرب بيدروسوهم دلوقتى فى مدارسهم وجامعتهم
والايه دة كلام ربنا مش كلامى واظن ربنا اعلم بحالهم وحالنا اكتر مننا يعنى لما ربنا يقول
ولن ترضى عنك اليهود ولا النصارى حتى تتبع ملتهم
يبقى اظن ان كلام ربنا حق
وبعدين من دخل اراضى التانى احنا اللى دخلنا اراضيهم ولا هما
مين بيحارب معتقدات المسلمين زى الحجاب
مين بيسئ الى نبينا محمد صلى الله عليه وسلم مش هما
لما بوش قال انها حرب صليبيه
لما اليهود عايزين يهدوا المسجد الاقصى علشان يبنوا الهيكل علشان ينزل نبيههم وهو المسيخ الدجال
لما تكون المدابح فى بلاد المسلمين بس
كل دة والدين مالوش دخل
هما عارفين اان قوتنا فى دينا وايمانا علشان كدة بيحاربونا وعايزين يبيدونا
حاولى تقراى كتاب دمروا الاسلام وابيدوا اهله وانت تعرفى الحقيقه المرة
وبخصوص المصالح
لما تلاقى حد بيضرب اختك
ولا بياذى عيلتك هاتحيه وتتعاملى معاه ضد اختك
ولا المفروض تاخدى موقف منه حتى ولو لفت نظر ولو معاتبه
صح ولا انا غلطانه
يارب تكون الفكرة وصلتلك
شرفتينى ونورتينى واسعدنى تعليقك جدا

Jana said...

سبحان الله
عندما يتفق الراعى مع الذئب
فيتهيأ مبتسما لينال مكافأته
فلا يجد الا وصمة عار يذكرها له التاريخ دوما...هذا ان لم يكن الذئب قد التهمه قبل رعيته

تحياتى الخالصة رفقة

مـحـمـد مـفـيـد said...

وماذا تركتي لنا نقوله بعد العنوان الموجع والصور التي لا تحتاج الي تعليق

MerMaid said...

رفقة

اولا اشكرك علي اسلوبك في التعليق وانا كمان سعيدة بيكي
بصي
احب اوضح ان انا مش علمانية اولا
انا بس مش عاجبني الفتاوي اللي بتتفصل علي مقاس الحكومة واللي بتتبع السلطان
برضه انا متمسكة بموقفي من ان السياسة لعبة قذرة ويجب اخلاء سبيل الدين منه

تحياتي ليكي
اشكرك

جمعاوى روش طحن said...

no comment

ض/خالد said...

tعلا زي ما الاخ عصفور المدينة قال
فيه ألف زايدة في العنوان....

بينما راع في غنمه عدا عليه الذئب فأخذ منه شاة فطلبه الراعي فالتفت إليه الذئب فقال من لها يوم السبع ليس لها راع غيري فقال الناس سبحان الله فقال رسول الله صلى الله عليه وسلم فإني أؤمن بذلك أنا وأبو بكر وعمر

الحديث رواه ابن ماجه والترمذي ورواه البخاري في الأدب المفرد...وهو صحيح
صححه الألباني -رحمه الله- إسناده...

والشاهد
...قول الذئب
(من لها يوم السبع ليس لها راع غيري)

فرنسا هانم said...

مش ضحوا بصدام حسين فى يوم العيد الكبير
يبقى خلاص
مات الشرف
وماتت الرجوله
وتاهت العرب
اللهم بارك لنا فى قرأنك الكريم
فلولاه لتاهت اللغه العربيه اصلا

smraa alnil said...

يا بنتي انتي بتفكري بنفس طريقتي
انا الصور دي عندي وكنت ناوية انزلها بوست
واكتب تقريبا نفس اللي انتي كاتباه

وجعتني الصور يا رفقة

الربان said...

تحياتي

لقد وضعت يدك علي الجرح ...

في رأيي ان الله لا يغير ما بقوم حتي يغيروا
ما بأنفسهم...فلنصلح ما بيننا وبين الله اولا....فتنصلح أحوالنا كلها...

وأن ما نحن فيه ما هو الاثمرة لضعف الاجداد و ابتعادهم عن الله فضاعت الدولة...وما الاندلس ...و سبته و ميلله...و فلسطين...و الان العراق ثم السودان...و ما خريطة الشرق الاوسط الجديد التي كشف عنها الجنرال الامريكي
الا دليلا علي ما يراد بنا....

نسأل الله ان يصلح سرنا و سريرتنا و أن
يولي أمرنا من يخافة و يتقيه فينا و يهيء له البطانه الصالحة التي تدله علي الخير و تعينه عليه.

تحياتي و دمت بألف خير.

آلام وآمال said...

طبعا يا رفقة تقدري تحطيها ومن غير استئذان كمان

ربنا يصلح أحوالنا

أميرة محمد محمد محمد said...

الرعاه هم أنفسهم اسوأ من الذئاب
ربنا ينتقم منهم

No Fear said...

السلام عليكم
حسبنا الله و نعم الوكيل

رفقة عمر said...

jana

اهلا بحضرتك وحشنتيى بجد

كلماتك جميله قوى
وهى بتعبر على حالنا اللى وصلنا ليه فعلا
نورتينى وشرفتينى بجد


*******************


استاذ محمد مفيد

اهلا بحضرتك يكفينى تواجد حضرتك دة بيسعدنى كتير
جزاك الله كل خير

******************

mermiad

اهلا بيكى
مين دة اللى يقدر يقول عليكى علمانيه انتى ليكى الحريه انك تقولى رايك وانا باحب اللى يناقشنى فى موضوع البوست اكتر من اى حاجه تانيه
وانا معاكى فى تتضارب الفتاوى اكيد شئ يحزن
ويمكن دة سبب هوانا وصعفانا
ربنا يرحمنا من عنده
شرقتينى واسعدنى تواجدك مره تانيه

*******************

جمعاوى روش طحن

اهلا بحضرتك
شرفتينى
ربنا يكرمك يارب ويبارك فى حضرتك


***************

د/ خالد

اهلا بحضرتك
جميله قوى المقوله دى اول مرة اسمعها
جزاك الله خيرا بجد بافرح جدا لما اتزود بمعلومات واضافات جميله زى اللى حضرتك اضافتها
جزاك الله كل خير
شرفتنى بجد


***************


فرنسا هانم

ازيك ياحبيبتى عامله ايه ايه التواضع دة الريسه بنفسها عندى فى مدونتى
هى دى الديمقراطيه فعلا
عندك حق
وربنا سمع منك اللهم امين يارب العالمين


*******************


سمرا النيل الجميله

ازيك ياقمر عامله ايه
انا متاكدة انك كنتى هاتكتبيه احسن منى مليون مرة
ربنا يكرمك يارب ويزيدك من فضله اللهم امين يارب العالمين


*************


الربان

اهلا بحضرتك
ماهو الاصلاح فعلا لازم يبدا كل واحد بنفسه
اكيد لما كلنا نصلح من نفسنا الطبيعى ان القائد اللى هايطلع مننا هايكون هو كمان صالح والحاشيه صالحه
والرعيه صالحه
فاكيد وقتها هايتحقق النصر والعزة
اعزك الله واكرمك اللهم امين يارب العالمين



*****************


الالام وامال

اهلا بحضرتك
شكرا ليك كتير وجزاك الله كل خير


***************

اميره محمد

ازيك وحشتينى قوى يارب نسمع اخبار حلوة وربنا يوفقك اللهم امين يارب العالمين

**************

no fear

وعليكم السلام ورحمه الله وبركاته
ازيك اخبارك ايه
يارب تكون بخير
فعلا حسبيى الله ونعم الوكيل
ربنا يكرمك يارب ويحقق ليك كل ما تتمناه اللهم امين يارب العالمين

المجاهدة said...

حسبنا الله و نعم الوكيل

ربنا يحيي الشعب و يعيدهم جميعاً إليه..
لأني لا ارى الخير من القادة... إنما من الشعب نفسه
ربنا يهدينا جميعاً لنفوق من غفلتنا

MĕŢø & ŘǿŖêĔ said...

تبا لغدر الزمان فطالما رقصت على جثث الاسود كلاب
لا تحسبن برقصها تعلو على اسيادها فالاسود اسود والكلاب كلاب

والله نادى علي دم الشهيد يقول لي
أترى تمد يدا تصافح قاتلي
والقدس انبتت الجراح زهورها
ثأرا وان تسقى الخيانة تذبلي

روري

nonoymm said...

البعد عن دينا يا اختي هو السبب
قل هو من عند انفسكم
يا جماعة احنا اسائنا لنفسنا لما بعدنا عن منهجنا
الحكام اشتروا الدنيا واشغلوا الرعية باللقمة
حسبي الله ونعم الوكيل
بوست معبر اوي ومؤلم
عزف على اوجاع الامة
دمتي بخير اختي