Wednesday, April 09, 2008

كااميرات المراقبه

انتشرت بشكل لافت للنظر كاميرات المراقبه فى المولات والمحلات والشركات وكل دة من اجل مراقبه من تسول له نفسه بسرقه شئ او لمراقبه المدير او صاحب الشركه للموظفين حتى يتاكد ان العمل يؤدى على اكمل وجه وانه ليس هناك تقصير او تجاوزات وطبعا الكل يخاف من هذه الكاميرات لان هناك من يراقبه فيخشى ان يراه احد وهو يفعل خطا ما فيتلقى العقاب على فعلته اذا كان سارقا مثلا او كان مقصرا او يستخدم كمبيوتر او تليفون الشركه فى امور شخصيه لا ترضى صاحب العمل يعنى ممكن الانسان يكون مخلص فى عمله ولا يمد يدة لشئ لا يحق له طالما هناك كاميرات مراقبه ام اذا كانت لا توجد هذه الكاميرات اصحاب النفوس المريضه هايمد يده وياخذ شئ ليس من حقه والموظف يستخدم الكمبيوتر كما يحلو له شاتنج محرما او دخول على مواقع سيئه السمعه ياه علشان كاميرا اصغر من كف اليد الكل ملتزم الكل يعمل بانتظام لا توجد سرقات ولا تخطى للاداب العامه انظروا كم تكلف هذه الكاميرات اصحاب العمل او اى دوله لان هذه الكاميرات اصبحت ضروريه فى المطارات والمحطات ومترو الانفاق وغيرها من الاماكن العامه فسالت نفسى هل خوفنا من بشر ضعيف مثلنا ممكن ينام او الكاميرا الخاصه به تعطل اكبر من خوفنا من رب البشر الذى لا تاخذه سنه ولا نوم وهو معنا اينما كنا ويرانا وليس هذا فقط ويعلم سرنا وعلانيتنا سرنا عارفين يعنى ايه سرنا ومااقبح ما بسرنا لولا ستر الله علينا ولكنه الكريم لا يؤخذنا بما اسررنا لماذا لا نخشاه هو وكل واحد منا يعلم ان هناك رقيب عليه
تفتكروا بدل ما نخاف من كاميرات المراقبه لتظهر فساد نفوسنا نخاف من الرقيب الذى لا تاخذه سنه ولانوم تفتكروا هايكون هناك سارق او قاتل او زانى او مرتشى او زوجه تخون زوجها او زوج ييخون زوجته او دكتور يستغل عمله انه يتحرش بمريضاته او يكون هناك كذب او غش او خداع
اوان يكون هناك حاكم ظالم يسرق شعبه ويكذب عليه هو حاشيته
قال الله تعالى ( اتخشى الناس والله احق ان تخشاه) لو تعاملنا مع مراقبه الله لنا كما نتعامل مع كاميرات المراقبه لم تكن هناك اسمدة مغشوشه ولا البان مغشوشه ولا اسمنت مغشوش وعمارات تقع فوق دمغنا
هانوفر تمن هذه الكاميرات هانوفر مجهود انك ازاى تتلصص حتى تفعل ما تريد دون ان يراك احد
هؤلاء البشر الذين تخشونهم لو سلط الله عليهم جندا من جنود الله كمرض او فيرس لا يرى بالميكرويسكوب هايحوله هيكل عظمى ضعيف لا حول له ولا قوة
مين فى نظركم اكتر طاغيه ظهر فى زماننا هذا من خشاه كل حكام العالم طبعا هو لا يخفى عليكم انه الطاغيه شارون كنتم تخافونه ولم تقدروا عليه ولكن قدر عليه جند من جنود الله سط عليه جسده رفضه جسدة وتمرد عليه زهق منه زهق منه مخه واصيب بنزيف فى المخ مازال مرمى لا حول له ولا قوة لا يفقه من هو هاهو من تخافونه اصبح جسدا بلا روح يعيش ولكنه لا يشعر باى شئ هذه صورته على فراش المرض

انه من كان يخشاه حكامنا العرب انظروا اليه الان بعد ان رأينا صورة اشهر طاغيه فى زمننا هذا مازلنا
نخاف البشر ولا نخشى رب البشر هل السبب اننا نستبطأ اليوم الاخر والحساب ام اننا نقول قولتنا المتكررة ان ربنا غفورا رحيم..غفور رحيما لمن؟؟ لمن يسالها ويطلبها بصدق مش من يستهين بنظر الله اليه مش من يصر على معصيه ربه الذى وهبه الحياه وهو الذى يرزقه
سيدنا ابى بكر رضى الله عنه كان يقول ياليت امى لم تلدنى سيدنا عمر بن الخطاب كان يقول ياليتنى كنت شعره فى صدر ابى بكر مابلنا نحن اصبحنا نفعل الخطأ وننام قريرى العين نؤذى غيرنا ونظلمهم وننسى ان الله يغفر ما بينه وبين عبده ولكنه لا يغفر ظلمنا لغيرنا الا اذا عفا عنا من ظلمناه لماذا لا نخشى عقاب الله لنا فى الدنيا والامثله كثيرة نعلمها جدا ان الله يمهل للظالم حتى اذا اخذه لم يفلته
لو تعاملنا بخوف من مراقبه الله لنا كما نتعامل من خوفنا من كاميرات المراقبه
لن يكون هناك غش فى الامتحانات ويخرج لنا دكتور غشاش يقتل المرضى ولا مهندس غشاش يبنى عمارات ايله للسقوط ولا هناك قاضى يحكم ظلما ولا نائب يغش فى الانتخابات فاذا صلحت القاعده وقتها هاتكون القمه صالحه لانها هاتخرج من هذه القاعده التى راقبت ربها وعلمت ان هناك من يراقبها فاتقنت عملها واحسنته اعتقد وقتها يمكن نحصل على حياه افضل مما نحياه الان

قال صلى الله عليه وسلم( لم تظهر الفاحشه فى قوم الا ظهر فيهم الطاعون والاوجاع التى لم تكن فى اسلافهم ولا نقصوا المكيال والميزان الا اخذوا بالسنين وشدة المؤنه وجور السلطان ولم يمنعوا زكاه اموالهم الا منعوا القطرمن السماء ولولا البهائم لم يمطروا ولم نقضوا عهد الله ولا عهد رسوله الا سلط عليهم عدوهم فاخذ بعض ما كان فى ايديهم واذا لم يحكم ائمتهم بكتاب الله جعل بأسهم بينهم ) اخرجه ابن ماجه فى سننه

ليس بعد كلام رسول الله صلى الله عليه وسلم كلام انما كنتم ولى عليكم

ان الله لا يغير ما بقوم حتى يغيروا ما بانفسهم

ان ما حدث يوم 6 ابريل يظهر فى قول الرسول الكريم واذا لم يحكم ائمتهم بكتاب الله جعل بأسهم بينهم

45 comments:

ma 3lina said...

ما شاء الله يا رفقة .. موضوع جميل جدا
جزاكي الله خيرا وجعله في ميزان حسناتك .. وجعلنا وإياكم ممن يراقبون الله تبارك وتعالى في أقوالهم وأفعالهم

اتمنى لو كان عندك رأي بناء على ما شاهدتيه في 6 ابريل إنك تنشريه وتعرفينا بيه

mo'men mohamed said...

موقع مصراوى كان عامل استفتاء حول اذا ما كنت تملك خاصية خارجة
ماذا تحب ان تكون
كانت اكثر من 75 % ان أعلم ما يدور بأنفس الأخرين
من نعمة الله علينا الستر
جزاك الله كل خير
اما عن شارون فهو صعبان عليا
نفس تفلتت الى النار
السلام عليكم

http://kasperb4.blogspot.com/ said...

لما شوفت صورة شارون (وإن كنت أشك انها صورته) افتكرت الأية الكريمة

وَمَن يُهِنِ اللَّهُ فَمَا لَهُ مِن مُّكْرِمٍ إِنَّ اللَّهَ يَفْعَلُ مَا يَشَاء
------------

موضوعك فكرته حلوة والرسالة منه وصلت وربنا يكرمك ويجازيك خير يا رفقة

محمد عبد الغفار said...

احنا فالحين كل واحد يراقب غيره بس انما يراقب هو نفسه لا

احسنتى فى صياغتك لموضع كله واختيار لأخر جملة عن لسان رسول الله مسك الختام

المستنصر بالله said...

سبحان الله فعلا ليه بنخاف من نظرات الناس لينا ومراقبتهم
ولا نخشى من نظر الله الينا
يمكن صبره وامهاله لنا هو السبب
اللهم اجعلنى اخشاك حتى كانى اراك

رفقة عمر said...

ماعلينا

جزاك الله خيرا ربنا يكرمك يارب
مبسوطه انك اول تعليق
فاكرتنى ببداياتى كنت دايما اول تعليق ودايما بتشجعنى

بخصوص ان اكتب عن 6 ابريل
انا اعتقد ان المدونات كلها بلا استثناء اتكلمت عنه وانا لاافههم فى السياسه خايفه ااقول حاجه تتطلع غلط مش باحب اتكلم غير اللى باعرفه وبس ومقتنعه به
بس عندى سؤالى بسيط تفتكر و كان نواب الشعب بيؤدوا عملهم على اكل وجه وبيقفوا امام قرارات الحكومه اللى ضد الشعب او يعملوا اعتصام واضراب فى المجلس بالنيابه عن الشعب مش كان احسن من خروج الناس وبهدلتهم البهدله دى كانهم كانوا بيحاربوا اسرائيل
اعتقد لو كان فيه نواب بحق كانت الناس عرفت تاخد حقوقهم
ياريت الناس تمتنع عن ترشيح اى حد لانه لم يعد احد يستحق يمثل الشعب


********************


مؤمن محمد

صعبان عليك شارون
ربنا قال( لاتاخذكم بهم رافه فى دين الله) دة بالنسبه للزناه مابالك فى رجل سعى فى الارض فسادا
اخذ من الله مايستحق

ربنا يحفظك اللهم امين


******************

الام وامال

مش عارفه انا حاسه انها صورته
على العموم هو على فراش المرض حتى الان اكيد شكله كدة واكتر
ربا ينتقم من الظالمين جميعا اللهم امين


*******************

استاذ محمد

اهلا بحضرتك مقاطع مدونتى من مدة على العموم اسعدنى وجود حضرتك واسعدنى اكتر ان التعليق اكتر من سطرين
سعيدة جدا براى حضرتك
جزاك الله كل خير

**************

المستنصر بالله

هو دة سبب مشاكلنا كلنا هو عدم مراقبه الله فى السر والعلن
بجد الحياه هاتفرق كتير قوى
لو كل واحد راعى ربنا فى تعاملاته

فرنسا هانم said...

سلمتى وسلم قلمك المبدع دائما اختى الكريمه وابنه اختى رفقه عمر
الناس للاسف نسيت حكايه الرقابه الالاهيه
وحطت كل تفكيرها فى المراقبه الدنياويه

مسلم said...

السلام عليكم

غريب و الله أمرك يا رفقه

إنت عايزه الناس؛ تراقب نفسها كأنها أمام كاميرات مراقبه

ده معناه إن إنت عايزه الناس يعني؛ يعيشوا حياتهم من خلال شرع ربنا

غريبه قوي

طيب و الدوله المدنيه؛ و الدستور؛ و حقوق المواطنه

كلامك ده يا رفقه كلام خطير

أعتقد إنك لازم تراجعي نفسك

ربنا يوفقك

صاحب المضيفة said...

بجد

هي صورة معبرة


لكن

لو كانت حقيقية


معذرة


فبخبرتي المحدودة في عالم الجرافيكس

استطيع القول ببطلان الصورة بشكل واضح جدا


وان كان المعنى وصل فعلا


جزاكم الله خيرا

ساعد نسرين الايمن said...

كاميرات كاميرات كاميرات
فعلا كاميرات في كل مكان

الجوال
اللاب توب
الاخ الاكبر
الجزيزة
ستار اكاديمي
صحيح انتي ليه نسيت كاميرا استار اكاديمي ديه ؟
عارفة رفقة ؟
في قول مشهور لسارتر بيقول الجحيم هو عيون الاخرين

مرة من حوالي ست سنوات كده قبل ما تحدث هوجة البرامج اللي علي غرار الاخ الاكبر وستار اكاديمي
شوفت فيلم امريكي علي اوربت
بيحكي حكاية شاب فاشل جدا
لكنه تلقي عرض مجنون من شركة اعلانات ان يكون البطل الاوحد وان يكون تحت الاضواء لمدة 24 ساعة في قناتها الفضائية
وخلال فترة قصيرة اتشهر جدا لدرجة ان الممثلات المغمورات كانوا يطلبون وده لكي يظهرهن معه في القناة وكل شركة الساعات والسيارات اديته هدايا عشان يبقوا بيعملوا اعلانات من خلاله
المهم الرجل ده بعد الشهرة تعب اوي عشان مش كان عنده اي وقت تكون عنده حياة شخصية والشركة كانت ماصية علي عقد احتكار ومكنيش يقدر يوقف تصوير حياته علي الهواء مباشرة
وبالطبع كانت كل لحظات حياته مشاع
وتركته البنت اللي كانت بتحبه فلا يمكن ان تمارس معه الحب عل الهواء وكانت تعمل في وظيفة حساسة
اخوه حاربه ونشر كتاب يفصحه فيه مستفيدا من شهرته
امه اعترف انها مش امه دون ان تعرف انهم يصورنه
المهم دخل في حرب مع الشركة عشان ياخد حريته
لدرجة ان طرح مسابقة علي الجمهور وسالهم ازاي اقنع الشركة انها توقف بث حياتي علي الهواء
ولما توقفت الكاميرات عن ملاحقته فقط وقتها شعر انه حر الفيلم ده مش اتمحي من ذكراتي ابدا لان تمثيله كات مقنع اوي وهي بيعاني من الالام الاضواء

احنا كمان في الشغل عندنا كاميرات ولكننا لا نبتسم ونخن نراها ابدا

انا كمان نفسي يكون عندي كاميرا مراقبة عشان اعرف ازاي بتقدري تنشري كل هذا النقاء والطهر في العالم

بالنسبة للذنوب فمعظم الناس يجعل الله اهون الناظرين اليه
اتمني الا نكون منهم
وان يزرقنا مراقبته في السر والعلن

وجزاكي الله كل خير علي الموضوع
وحقيقي يا رفقة انا متاكدة انك لو علي كل حاجة كويسة عمتيلها تم اعطاءك ريال واحد لا صبحتب الان ملياديرة

رفقة عمر
انتي بجد رفقة عمر

مجداوية said...
This comment has been removed by the author.
مجداوية said...

رفقة العمر الجميلة
والكلام الرائع
انت وضعت يدك على بؤرة الفساد وهو انعدام الضمير ,,الكاميرا كانت بديلا للضمير عندما غاب
ولكن عديمى الضمير يتحايلون أيضا على الكاميرات لا رادع لمن لا ضمير له ولا الموت
لأن الله يزيدهم فى طغيانهم يعمهون ,هم لا يرون شرور أفعالهم ولديهم دائما المبرر لكى يستمروا فى افساد الأرض قال تعالى :واذا قيل له اتق الله اخذته العزة بالاثم فحسبه جهنم ولبئس المهاد
صدق الله العظيم

جزاك الله خيرا على طرح هذا الموضوع الهام والحيوى بهذا الشكل الرائع
.انا لم أقرا تعليقك عندى الا الآن
الايميل
magimdawy@yahoo.com

أعتذر لأنى مسحت التعليق كان هناك حرف خطأ فى الآية الكريمة

الطائر الحزين said...

بارك الله فيك

قرأت ولا اعلم هل هذا الامر حق أم لا


انه اذا اذنب الشخص ايام بنوا اسرائيل ظهر على وجهة اثار الذنب


تخيلى او ان هذا حالنا



بارك الله فيك


تحياتى

الراقـــص مع الذئـــــاب said...

السلام عليكم

تدوينة جميلة اوي يا رفقة
تخلينا نخجل من انفسنا
لو تصورنا مراقبة الله لنا من فوق سبع سموات وعلمه وحلمه وغفرانه وإمهاله لنا لما عصيناه ابدا
ولكن الجرءة التي اصابتنا نحن البشر في انتهاك محارم الله
والخوف من البشر

جميل الجزء بتاع شارون قبحه الله
اللهم زده عذابا فوق العذاب

دمتي في خير

موناليزا said...

الله عليكى يارفقة ياجميلة الموضوع بجد ممتع وفيه حاجات كتير حلوة ربنا يكرمك ويجعله فى ميزان حسناتك

ma 3lina said...

جزانا الله وإياكم يا رفقة .. ربنا يبارك فيكي .. انا اللي سعيد بكوني أول تعليق
بالنسبة لما قلتيه عن 6 ابريل فأوافقك عليه .. والموضوع مش محتاج علم كبير بالسياسة عشان الواحد يقول رأيه في اللي بيحصل حواليه ..

واحــ الفكر و القلم ــة said...

بارك الله فيكى أختى " رفقة عمر "
رزقكِ الله سبحانه وتعالى مرافقة نبينا محمد صلى الله عليه وسلم فى الفردوس الاعلى

دمتى بكل الخير
::سالى::

أحمد سعيد علي الدين said...

بارك الله فيك أختنا الكريمة

فعلا نحن جعلنا الله أهون الناظرين إلينا
ولو إستشعرنا نظر الله إلينا ومراقبته لنا لتبدل الحال وفزنا بسعادة الدارين

mohamed said...

تذكرة جميلة نفعنا الله بها وجعلها فى ميزان حسناتك

dr. Ahmed Sakr said...

بارك الله فيك أختى الكريمة

ربنا جعله عبره وعظه ولكن من الذى يتعط ويعتبر

لا حياة لمن تنادى

أحمد بكر said...

الصوره و التشبيه بفرعون و الموضوع كله بجد هايل
تحياتى

Unknown said...

فعلا والله
الواحد لما بيقرأ عن اتلناس دول بيحس انه مش بني آدم حتى
...........
أنا مش فاهم اخر جملة عن الاضراب
؟؟؟؟؟؟؟؟؟؟؟؟؟؟

Unknown said...

على فكرة
بابا لما بيحب يدعي على مبارك
بيقول ربنا يديله الصحه
علشان ما يتغفرلوش بالمرض
تفتكري شارون مرضه ممكن يكون عذاب ولا غفران
؟؟؟؟؟؟؟؟؟؟؟؟؟؟؟
اعتقد انه كافر
فده عذاب ليه في الدنيا
صح
؟؟؟؟؟؟؟؟؟؟؟؟؟

رفقة عمر said...

فرنسا حبيبتى

منورانى دايما
ودة فعلا سبب كل مشاكلنا
ربنا يرزقنا الخشيه منه فى السر والعلن اللهم امين يارب العالمين


*************

مسلم

تفتكر انى لازم اغير فكرى
خلاص هاعمل اللى بتقولى عليه
انا غريبه مش كدة
:)
ربنا يوفقك اللهم امين
جزاك الله خيرا


**************


صاحب المضيفه

اهلا بحضرتك
هانفرض انها مش صورة حقيقيه بس ايه المانع انها تكون صورته تعتقد رجل تخطى الثمانين مريض بنزيف فى المخ يعيش على المحاليل لانه فى غيبوبه منذ سنتين تفتكر هايكون شكله ازاى
وفيها ايه لما يصورة طيب ما هما صوروا عرفات وهو على فراش المرض وسربت صورة السادات وهو مقتول
حتى ولو الصورة غير حقيقه اعتقد انه ينتظره من الله عذابا شديدا لانه لم يتب عما فعله بالمسلمين


******************

ساعد نسرين الايمن


اهلا بحضرتك

بالنسبه لكاميرات ستار اكاديمى دى كاميرات تريد ان تشبع الفاحشه لا تريد منعها
وشكرا لحضرتك جدا على كلامك الجميل الذى لا استحقه
جزاك الله كل خيرا
على كل ما تفعله من اجلى ربنا يكرمك اللهم امين


**************

استاذى مجداويه

شكرا لحضرتك كتير على تشجعيك ليا ربنا يبارك فى حضرتك
جزاك الله خير على كل شئ
بجد حضرتك من الشخصيات التى سعدت بوجودها جدا فى اللتدوين
نفع الله بك اللهم امين


*****************

استاذ الطائر الحزين

اعتقد ان بنى اسرائيل حصل فيهم كل شئ ممكن نتوقعه
مسخوا قرود ماتوا ثم احياهم الله
مش بعيد ابدا انهم كان اثر الذنب يظهر على وجههم
وعلى فكرة احنا كدة برضه حضرتك كدة شوف انسان بعيد عن ربنا تلاقى وجهه غير مريح
وعندما يبدا فى الالتزام تجد النور ملاء وجهه واصبح وجهه مريح

جزاك الله خيرا


*******************

الراقص مع الذئاب


اسعدنى مشاركتك الجميله
جزاك الله كل خير
ربنا يكرمك اللهم امين


******************

موناليزا الرقيقه


انتى اللى جميله
ربنا يخليك يارب
وجزاك الله كل خير

الباحث عن الحقيقة said...

جاء في الاثر: ولا تجعل الله أهون الناظرين إليك
اعتقد هى دى المشكلة
جعلنا الله اهون الناظرين إلينا فلم نخشاه وخشينا سواه
لا حول ولا قوة إلا بالله
نستغفرك ربنا ونتوب إليك

منى said...

فلتبحث عن الضمير
اذا وجد صلح الحال
واذا فقد
ستجد من يحاول التحايل على كاميرات المراقبه بقدر ما يستطيع

بارك الله فيكى يا رفقه
وجزاكى على خير عن موضوعاتك الجميله المفيده
تحياتى

Anonymous said...

حمد الله علي السلام الله ونورتي المدونة يا رفقة عمر من تاني
ثانيا يا ستي فكرتيني بزمان لما بعتلك التاج وكنتي مستغربة لما حسيت انك بتقولي الي جواكي مش بتكتبي لمجرد الكتابة وكنتي مستغربة بجد يا رفقة ربنا يباركلك

مواطن مصرى نايم said...

بوست جميل
تحياتى ليكى
و شكرا على زيارتك لمدونتى و التعليق
و يا رب متكنش الزيارة الاخيرة
سلامى ليكى

Anonymous said...

يا سلام علي هذا الربط الجميل يا رفقة بين كاميرات المراقبة واستشعارنا اسم الله الرقيب

يارب فعلا كلنا نستفيد من المعاني الجميلة اللي انتي ذكرتيها

بارك الله فيكي

Ahmed Al-Sabbagh said...


بجد موضوع جميل

تسلم ايديكى

احمد

رفقة عمر said...

ماعلينا

اسعدتنى مرتين بتعليقك مرتين
شوف بخصوص موضوع 6 ابريل فوجئت ان مدونين باحترمهم جدا محتلفين فيه مثلا ماعلينا مش متفق معاه
الصارم الحاسم مع الاضراب
وقيس على هذا المثلين معظم المدونين وكل المدونين انا احترمهم جدا وبما انى مش ضليعه فى السيااسه كنت محتاره فين الصح
كنت نفسى حل شرعى يفصل بين الرايين وانا للاسف لست مؤهله انى اتكلم فى الامر الشرعى للاضراب علشان كدة اكتفيت بالقراءه والفرجه من بعيد

جزاك الله خيرا على حسن ظنك بى


****************


سالى

اهلا بحضرتك اسعدتنى زيارتك الاولى
ارجو ان تتكرر ان شاء الله

جزاك الله خيرا على دعوتك والجميله ولك بمثل اللهم امين


*************


نور الازهر

اسعدتنى زيارتك الاولى
ارجو ان تتكرر
جزاك الله خيرا


****************


محمد

اهلا بحضرتك
جزاك الله خيرا على زيارتك


*************

الحشرى

اهلا بحضرتك
اسعدتنى بمشاركتك جزاك الله خيرا


***************

baker

اهلا بحضرتك
جزاك الله خيرا
اسعدنى زيارتك الاولى


****************

انا انسان

بخصوص معنى الكلمه الخير
دة جزء من حديث الرسول انهم لو مش حكموا بكتاب الله جعل باسهم بينهم
يعنى مش يكونوا متفقين حكام ومحكومين دايما بينهم خلاف ومنازعات واظن يوم الاضراب كان خير دليل على كلام النبى صلى الله عليه وسلم
وبخصوص ان المرض ممكن يخفف من ذنوب شارون طبعا لا
اقرا القران وهاتلاقى ان الظالمين ممكن يعجل لهم العذاب فى الدنيا
اولئك لهم خزى فى الدنيا ولهم فى الاخره عذابا عظيم
اتمنى اكون قدرت اوضح الامر


**************

الباحث عن الحقيقه

اسعدنى وجود حضرتك واسعدتنى اكتر بالتعليق
جزاك الله خيرا


*****************

رينـــــــــــا said...

السلام عليكم
ازيك يا رفقه انا مقصرة معاكى بجد سامحينى
انتى بجد وحشانى اوى
على فكرة انا باجى اقرأ ومتابعه بس مش بسيب تعليق احيانا بحس ان كلامك كافى اوى عن اى تعليق

بس البوست دا خلانى خجلت من نفسى :(

تقبلى خالص مودتى يا جميل

الربان said...

تحياتي

صدقت و الله...صلاح دنيانا و آخرتنا في
تقوي الله....و اذا راقبنا الله...و علمنا انه مطلع علينا...لما كان هذا
حالنا....

البوست جميل...بارك الله فيك...و جعلنا
ممن خافه واتقاه في السر و العلن.

اشكرك مرة اخري علي التذكرة ... فما احوجنا ان نتذكر الله دائما...

دمت بالف خير.

Anonymous said...

اتخشى الناس والله احق ان تخشاه

هذه هى

Tamer Nabil Moussa said...

بوست مميز


ربنا يوفقك ويكرمك


تحياتى

شريف طلال said...

بجد كلام جميل جداً و مؤثر لدرجه انه يخوف
و الصوره نفسها تخوف
بس انتى متأكده من مصدر الصوره ان هو ده شارون؟؟
جزاكى الله خيراً
تحياتى

أحلام عمرنا said...

ربنا يكرمك بوست جميل فعلاا موضوع رائع
ربنا يكرمك بجد ويهدي أمتنا الاسلامية

Anonymous said...

RAFKA
I AM OMAR
DO NOT WARRY ABOUT ME I AM OK
BUT I AM NOW WITH MY MATHER AT HOSPTAL I WILL COME BACK SOON
THANK YOU
OMAR

دنـيـا محيراني(ايناس لطفي said...

رفقه ازيج اولا دعيني اشيد بكتاباتك برغم قله تعليقاتي عندك بس احيانا اجد الصمت ابلغ رد علي الكلمات الجميله بعد اذنك انا لم اصل الي ايميلك عشان كده الدعوه ليكي ولاي حد يحب يشارك
-----------------
السلام عليكم ورحمة الله وبركاته ،،،
احب اعرفكوا بنفسي انا مدونة زميله لكم اسمي ايناس لطفي
مدونتي اسمها عايزه اتكلم واسمي المستعار عليها دنيا محيراني www.3azatklm.blogspot.com
و يشرفني ان اكون ضمن فريق مدونات مصريه للجيب وهي فكرتها ببساطه انها ستقوم ان شاء الله بنشر كتابات المدونينين المصريين في كتاب يجمعهم بالمشاركه مع دار اكتب للنشر
ويشرفني ان ندعوا كل مدون مصري للمشاركه معنا ويسعدنا اننا نشاركه في خروج كلماته للنور
وللمشاركه ارجو كتابه مايلي علي الايميل المرسل لنا :

1- عنوان الميل تصنيف البوستات الخاصه بك التي تريد ان تشارك بها ادبي – اجتماعي – سياسي
او انك لاتريد تصنيف بوستاتك يكتب اسم مدونتك ولكن يفضل التصنيف لسهوله الفرز و التحديد

2-بياناتك الشخصيه في الميل هكذا :
*الاسم :------- * هل ترغب في نشره (نعم / لا )-----
*الاسم المستعار: ------
*اسم المدونة : -----
*عنوان المدونه :www -----
*الايميل الشخصي : ------
*رقم الموبايل :-----(يفضل لسهوله الوصول اليك مع التاكيد علي سره البيانات وعدم تدوالها)
*تليفون ارضي : ---------
*تاريخ الميلاد: ------
*نعم اوافق علي النشر----
*اهم نقطه : لينكات البوستات المختاره مع كتابتها ضروري جدا لا تكتفي بوضع اللينكات فقط ارجو كتابتها
---------------------------------------------------------------
هنا ايميلات باقي الفريق وهما
احمد المهني ahmed_mahana_me@yahoo.com
احمد البوهي ahmed.elbohy@yahoo.com
ايناس لطفي enas_lotfy_4@hotmail.com
عنوان الجروب علي الفيس بوك http://www.facebook.com/group.php?gid=13820826455
ان اردت الاستفسار عن اي شيء يرجوا المراسله وكتابه كلمه استفسار في عنوان الميل
ليرد عليك اعضاء المجموعه
وللعلم فقد تم تقليص المده المفتوحه للعدد الاول
فاخر وقت لتلقى الاعمال للنشر بالعدد الاول هو 22/4/2008 اى فى خلال 6 ايام واى عمل بعد تلك الفتره يرحل للعدد الثانى وما بعده
---------------------
وفي النهايه ادعو كل مدون مصري ان يثق في كلماته و يشارك معنا في ان تخرج افكاره وكلماته في كتاب مطبوع ويساهم معنا في نشر الفكره ودعواه الاخرين للمشاركه معنا
مع تمنياتي بالتوفيق دائما
تحياتي
ايناس لطفي
هاستني ردك

أنسانة-شوية وشوية said...

الله يا رفقة انت دايما كده الموضوع يكون في منتهى الاهمية وسلس وجميل وتحس منه انه ينساب برقة فعلا ، انت عارفة كأنه زى النفس في الاكل يبقي ليكى طعم تانى بجد بجد نفسك حلو
اثرت فيا جدا "ان الله احق ان تخشاه" الله يبارك فيكى ويزيدك من فضله

د/اجدع بنوته said...

يخافون م البشر ولايخافون م رب البشر

لاحول ولاقوة الا بالله

جزاكى الله خيرا

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Estabilizador e Nobreak, I hope you enjoy. The address is http://estabilizador-e-nobreak.blogspot.com. A hug.

حاجات جوايا said...

حبيت ازورك تانى ملقتش موضوع جديد
انتى فين يا قمر ؟؟واخبارك ايه ؟
بقالك فترة مش باينة

طمنينا عليكى

سالى

بنت الصالحين said...

علي فكره يارفقه

انا بجد بحب اقرا مواضيعك اوي ومكسوفه منك اوي بجد

كل اما اتغيب بتكوني كتبتي تدوينه جديده وانا مبقاش من المعلقين عليها بس برجع واقرا اللي كتبتيه


التدوينه دي اتكلمتي فيها عن حاجات كتير

تعرفي احنا ناقصنا كتير اوي


سبنا الاخلاقيات اوي

نسيناها او تناسيناها


ربنا يهدينا ويصلح حالنا

bastokka طهقانة said...

ربنا يكتر من امثالك و يبارك فيكي