Wednesday, September 17, 2008

الغربه



ليا اخت اكبر منى بسنتين بحبها حب كبير قريبه منى حنونه بشكل غير عادى لو طلبت منى عيونى لن امنعها عنها ولان الدنيا مكتوب فيها الفراق وخصوصا من نحب تزوجت اختى منذ 9سنوات وسافرت مع زوجها السعوديه واختى هذه تنزل اجازة كل سنتين لان ظروف شغل زوجها كدة ممكن تكون الاجازة شهرين او شهر كانت هذا العام شهر علشان المدارس بعد رمضان على طول ولقد سافرت بفضل الله
ولكن ماذا فعلت الغربه بها عادت وجدت البيت خالى من والدى رحمه الله عليه توفى والدى وهى بعيد لم تراه ثم سالت عن اختى الكبرى التى كنا مخبين عنها وفاتها وصعقت عندما علمت بالخبر وتجدد الاحزان مرة اخرى فى البيت اخى الكبير عمل عمليه قلب مفتوح كبيره وشفى بفضل الله وكانت هى ايضا بعيد توفى زوج اختى اايضا وهى بالخارج لم تراه وخالاتى واعمامى كلهم للاسف لم تراهم قبل وفاتهم
هذه هى الغربه نظل نعيش مطحونين فى الخارج لشراء السيارة الفاخره والفيلا ونترك احبابنا وراءنا لانعلم هانلقاهم مره اخرى
ام سنعود لا نجدهم او نجدهم وعوامل الزمن اثرت فى ملامحهم نشعر بالغربه بينهم ونبقى بيقينا فى الغربه بين اهلنا والغربه فى الخارج
مامااثرت فيا قوى بعد سفر اختى وجدتها تبكى بشده على غير عادتها حاولت اهديها وجدتها تقول ياترى هاترجع بعد سنتين هاتلاقينى
الامتنى كلمتها ولم استطيع الرد غير ربنا يطولنا فى عمرك ماما ويديكى الصحه ويلم الشمل تانى قد انى انتظر اجازة اختى بفارغ الصبر قد باكرهه اجازتها لانها تنزل لتزيد الشوق لها ولاولادها اللى عاملين زى الملايكه لانهم بعيد عن اى تلوث موجود هنا بنكون عاملين زى العاطشنين تيجى تعشمنا بالميه وتتركنا تانى عطشانين لابنشرب ولا بنرتوى اعرف ان من تنكتب عليه الغربه غصب عنه
لان بلدنا بقت مش بلدنا بقينا عبيد فيها بنشتغل بالسخره وناخد الفتات كتبوا على الاب يتربى ابنه بعيد عنه وكتبوا على الابن ابوه وامه يتوفوا وهو بعيد عنهم ولا تقر عينهم بابنهم اللى انكتبت عليه الغربه
لى قريب من سنه74 فى السعوديه بيشتغل خبيربترول مش بينزل خالص ولاده بيروحواا يشوفوه ويرجعوا وزوجته متقطعه بين اولادها
وبينه شويه هنا وشويه هناك
فين لما كان البيت بيجمع الاسره كلها واللى يتجوز بيتجوز فى نفس البيت مع اسرته كلهم مع بعض كان اللى بيسافر زمان كان للتعلم والدراسه بس دلوقتى الحل للاسف بقى فى السفر والغربه والبعد عن الاهل والوطن مافيش حد يقولى مصر وحشه هو لما يكون بيتك مش مترتب يبقى العيب فى البيت ولا العيب فى اصحاب البيت اللى سايبينه مش مترتب باكرهه وجودى فى هذا الزمن اللى ضاعت فيه مشاعر حلوة كتير ضاعت فيه الاحساس بالالفه وسؤال الجيرا ن على بعض او سؤال الاقارب ياتى رمضان والكل وحيد يغلق عليه بابه
وياتى العيد اللى زمان وانا طفله قبل ما تتطغى الماده على نفوس الناس كان بعد صلاه العيد بيتنا يمتلاء بالاهل والجيران يالله لكم اشتاق لهذه الايام بيتنا كان لا يخلو من الاقارب والاهل الان الاهل اما فى غربه او مشغول بالمعيشه وضنكها واللهث وراء المزيد او توفى معظمهم
انتشر الاكتئاب وكل ناس زهقانه لاننا مش لاقين قلوب تحب بعض مش لاقين ناس تسال على بعض كل يحمل همه لوحده لا يجد من يواسيه يخرجه من احزانه او يحل له مشكلته
اعشق افلام زمان وخصوصا اللى بتمثل الحارة المصريه وتلاقى لو حد عنده مشكله تلاقى الكل بجواره الفتوه دة كان شئ مهم بيدافع عن الضعيف وعلى فكرة انا اكتشفت ان الفتوة دة موجود فى الشرع واتفجات بيها موجودة فى كتاب فقه السنه للسيد سابق
ليه اصبح فيه قساوه بين الاهل وقطيعه رحم حزنى كل يوم بيزيد لان الوضع كل يوم بيسؤ
قال رسول الله صلى الله عليه وسلم
بادروا بالموت ستا (اى تمنوا الموت ) امرة السفهاء وكثره الشرط(بمعنى الشرطه ) وبيع الحكم واستخفافا بالدم وقطيعه الرحم ونشأ يتخذون

القران مزاميرا يقدمون الرجل ليغنيهم بالقران وان كان اقلهم فقها
يعنى باطن الارض ارحم من فوقها
طول عمرى ااقول انى اكرهه الفراق وانكتب عليا انى دايما افارق من احب

واضح ان فعلا اللى بيخاف من العفريت بيطلعله

خلاص هاحب الفراق ومش هاخاف منه علا وعسى يبعد عنى
فليكن بينا معاهده سلام ايها الفراق فاحبك انا ولا اخافك على ان تعاهدنى ان تكون رفيقا بىويكون بيننا هدنه
حتى استرد انفاسى واسترجع قواى التى انهكتها كثره الفراق التى اعانيها طوال حياتى

21 comments:

شــــمـس الديـن said...

السلام عليكم و رحمة الله و بركاتة

تدوينتك عميقة اوي يا رفقة بجد

حالة من الاغتراب اللا محدود

بس مش عايزة اقوللك ان دا بقي نسقا لحياة الحديثة اللي بنعيشها
دلوقتي قوليلي لو الناس هتقعد جنب بعضها هتاكل ازاي ولا منين ؟؟؟

هو هل فيه وظيفة محترمة اصلا في بلدك تأكل و تحافظ علي مستوي كريم و تعلم عيال ؟؟؟

هو عامة الغربة انا بقول انها شعور جوانا احنا لاننا اتعودنا نرتبط بالاشياء زيادة عن اللازم و لكن الحقيقة الازلية بتقول عش ما عشت فانك ميت و احبب من شئت فانك مفارق


حاولي تصنعي انت حياتك لنفسك علشان فعلا بجد محدش بيبقي فاضي لحد , و حتي لو اختك جت قعدت معاكي الاسم انها جنبك لكن مشاغل الحياة طاحنة و اكيد كتير اوي بتشمعي ان الاقارب اللي لا يفصل بينهم غير شارع واحد لكن نادرا ما بيفوتوا يسئلوا علي بعض

مش بلوم حد معين و لكن دا اسلوب و سمة الحياة الحديثة

اجعلي وظنك بين ضلوعك و ضعي كل ذكرايتك داخلك و ارحلي ولا تخافي ولا تهابي الرحيل ...

نفسي اساعد بجد علشان تتغلبي علي نفسك دي و لكن ربنا يكون في عونا جميعا

في حفظ و رعاية الله

سلوى said...

هوني على نفسك عزيزتي

هونيها تهون

اللي بيسافر بإرادته بيكون عارف
إنه زي ما هيكسب فهو هيخسر برضه

واللي بيفارق الدنيا ويلبي نداء ربه
فهذا لا نملك له إلا الدعاء

هوني على نفسك ولا تحمليها أكثر مما تحتمل

أمــانــى said...

رفقتى الحبيبة
لا تحزنى هكذا وهونى على نفسك
هذه الدنيا نلتقى علشان نفترق على الرغم اننى اعلم جيدا ان الفراق صعب
ولكن ماذا نفعل فى هذه الحياه ونحن مجبرين على الفراق
سواء بالموت او السفر او البعد
هدى من روعك يا رفقتى ان الله معاكى لا تحزنى واصبرى
رفقتى ربنا يكرمك ياااارب آمـــــــــــــــــــين

عالم حبيب said...

أبكيتي عيني أختي بكلماتك والله المستعان

استشعر ما تقولين .. كم أشعر بالألم عندما وانا في رمضان صائم وتأتي ساعة الافطار فأجد نفسي وحيدا .. افطر على تمرات وجرعة ماء وتعاف نفسي الطعام .. لا أمتلك دموعي أوقاتا كثيرة .. أفكر بالرجوع .. لم أكن أحب السفر أصلا من البداية .. ولعل الله يقضي أمرا كان مفعولا

جزاكي الله خير

سها السباعي said...

السلام عليكم

اشعر بك تماما
الغربة مفروضة علينا وعلى من نحب
اخي اولاد عمي اصدقائي
ل من يجد فرصة ليهرب بجلده فعل
ولو على حساب كل ماقلت
ولو ان تعبان في غربته
تعبه هنا اقل من هنا

وهتروح بعيد ليه
ماحنا متغربين هنا حتى عن اللي معانا في نفس المدينة
يمن بنقعد مع بعض ونتكلم ونضح واحنا برضه اغراب

بنتغرب حتى عن نفسنا
دي غربة روح

ربنا يهونها علينا

ِِAdem El-Mahdy said...

السلام عليكم

اوعى تستسلمى للظروف اعملى عالم و اهل خاصين بيكى

فى العيد اتفقى انت و اصحابك انكوا تتأبلوا

و تفوتوا على بعض

و انوى انى لما تعملى اسرتك انها تكون مترابطة

وبس

allah-slave said...

بسم الله الرحمن الرحيم

سلامو عليكو

نكأتى جرحا لستى له بمداو

انا قضيت في السعودية 6 سنين والحمد لله انى جيت هنا على اولى ثانوي ولما كنت بقولهم في البيت كل سنة يا جماعة مصر احلى رغم انى كنت لسة صغير اخواتى كانوا بيتريقوا عليا
الحمد لله والشكر لله ... ربنا له حكمة في الست سنين اللى قضيتهم هناك دول ... ولكن في ناس اعرفهم معرفوش يتكيفوا مع الوضع في مصر بعد مارجعوا وبقوا حاجة من اتنين يا انحرفوا يا اكتئبوا والمحصلة في الالخر مبقاش فيه عيلة

-------------------

شخص مقرب ليا اوي بيحكيلي عن اسرة خالتو كانوا مسافرين برة رجعوا لقوا ابنهم مدمن جميع انواع المخدرات وبيصرفوا عليه حاليا في علاجه اضعاف اضعاف اللى جمعوه برة

--------------------
الواحد بيتعلم هناك الاكتئاب من غير ما حد يعلمهولك ... انت دايما مواطن درجة تانية حتى في بلدك انت مواطن درجة تانية بس يا مرحب بالدرجة التانية البلدى


:( :( :(

سلام

الطائر الحزين said...

هكذا الحياه
وهكذا معادلتها
لابد ان نضحى باشياء مقابل اشياء
الكياسة فى الموازنة والمفاضلة
=====
احبب من شئت فانك مفارقة

amr said...

السلام عليكم ورحمه الله وبركاته

رفقه

جزاك الله خيرااا

على الطرح الرائع لموضوع موجود فى معظم البيوت المصريه

وعلشان أنا واحد من الناس دى أكيد حاسس الكلام اللى حضرتك كتبتيه

واذا كان انتى ليكى أخت عزيزه عليكى فى غربه أنا ليه أربعه أشتاق اليهم

وأفتقدهم كل يوم

لكن ربما هو القدر كل واحد عايز يكون نفسه ويعيش حياه كريمه على أمل
يجى بعد كده يعمل مشروع ويستقر

واكيد صعب ان هو يعمل كده من غير ما يسافر فى أحوال البلد دلوقتى

ربنا يرجع كل مسافر لأهله سالما

ويصلح حا ل البلد

خالص تحياتى

صاحب المضيفة said...

ربنا يرحم الأموات ويطول في عمر الأحياء



ويارب دايما يسعدكم بطاعته وقربه



تحياتي

yoyo said...

عزيزتى
هونى على قلبك ولا تحزنى كلماتك اوجعت قلبى بالفعل بس انها الحياة الى نحياها وما اقساها من حياة

رغم قسوة ظروف الحياة لكن يجب ان نتغلب عليها لاننا من نخلق تلك الظروف الصعبة

احساس الفراق صعب و مؤلم ولكن اذا كانت فى الغربة النجاة فليكن هذا هو الاختيار
فى مقولة بتقول ( الفقر فى الوطن غربة والغنى فى الغربة وطن ) اعتقد ان ذلك اصبح حالنا اصبحنا اغراب فى وطننا بس مهما بعدنا عنه نرجع له بكل لهفة وشوق مرة تانية نرجع للاهلنا وناسنا وذكرياتنا

مش عارفة هو بقى العيب فى ايه فى البلد واللى فى النظام نفسه ولا فينا ولا فى الزمن اللى خلى الناس مش عارفة تعيش حقوقها فى الحياة آآآآآآآه منك وعليك يا بلد

ادعى لاختك ربنا يوفقها ويساعدها فى غربتها وحاولى انك تندمجى فى الحياة مهما كان البعد بكم ان شاء الله يدوم بينكم الحب والتواصل مهما كان البعد

ربنا يكون فى عونك يارب
قلبى معاكى

تــحياتى
يويو

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

عاشــــــ النقاب ـقــــة"نونو" said...

السلام عليكم
ياريت اللي بيختار الغربة ويكون بيديه ما يتغربش
ما يعملهاش ابدا
سمعت من ناس اتغربوا كلمتين معبرين اوي
هما الغربة تربة
للاسف ساعات كتير ظروف المطحنة اللي في البلد بتجبرنا على الغربة لكن فيه كتير ما بيقدروش يتخلصوا منها
ياريت يارفقة تحاولي تجمدي وتجمدي ماما
وربنا يبارك فيكم
وتدوينتك اد ايه عميقة اوي
كل عام وانتم الى الرحمن اقرب

No Fear said...

السلام عليكم
أنت من فترة طويلة قوي كلماتك بتوجع قوي لدرجة إني أحيانا كتير مش باعلق أو بأكتب كلمتين بس
مش عارف أقولك أية بس فعلا الدنيا بقيت صعبة قوي و أكيد إحنا مقصرين قوي
صعوبة في كل حاجة حتي المشاعر اللي مش بتكلفنا غير إننا نحرك لسانا و نظهرها للناس اللي قدامنا في تعاملنا معهم
الدنيا قاسية
و أتمني ربنا يرحمنا و يخفف عنا
علشان كده كده أحنا غرباء في هذه الدنيا
ربنا يرحمنا برحمته

Beram ElMasry said...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار

نبراس العتمة said...

مودتي..
كنت هنا بين هذا الحنان والحب الدافق الغامر..اذا كانت هذه ذكرياتك فشدي عليها بالنواجد
مودتي

منى said...

رفقتى الغاليه
لا حرمك الله من احبتك
ومنحك دوما من الخير ما هو اهل به

دعائك جميل

اللهم تقبل

سادعو به كثيرا
تحياتى الدائمه

مجداوية said...

السلام عليكم
كل عام وأنت بألف خير يا رفقة العمر الجميلة
تقبل الله منك صيامك وقيامك ودعائك وجعل أحسن اعمالك خواتمها
اللهم آمين
أنا فى أحسن حال غاليتى دمت لى ودام سؤالك الرقيق عنى

وأدام الحب بيننا فى الله يا ابنتى الغالية

طمنينى أنت عنك كيف هى الأحوال ؟؟؟؟

تــــــــــ(حـنة)ـــــــر said...

{}{}{}{}{سـيد الأخـلاق}{}{}{}{}
تتشرف اسرة هذه المدونه بدعوة سيادتكم لحضور افتتاح المدونه فى شكلها الجديد و لكم منا جزيل الشكر
www.4islamic.blogspot.com
وتقبل الله منا ومنكم صالح الأعمال

الراقص مع الذئاب said...

السلام عليكم
كل عام وأنت بخير وصحة وسلامة
وفي طاعة لله عز وجل

(احمد سكر ) said...

السلام عليكم ورحمة الله وبركاته

اختى الفاضله

هونى عليكى

وهونى على امك ربنا يديها الصحه يارب

هو دا حال الدنيا

وقدرنا اننا ف بلد

زى ماقلتى الاب يتغرب

والابن بردو بيتغرب

قدرنا نروح نشتغل برا ونبقى سخره

علشان هنا بردو فى سخره

ربنا يرحمنا برحمته


كل سنه وانتى طيبه

عيد مبارك سعيد عليكم يارب

كل سنه ومامتك طيبه

كل سنه واحتك واولاد اختك طيبين

اخيكى

احمد