Friday, November 20, 2009

شويه اسأله محيرانى


هل ياترى لو مصر كانت وصلت لكأس العالم كانت هاتأخذ الكأس ؟

هل المباراه اهم ام الصلاه كان المؤذن يؤذن والمشجعين ملازمين الاستاد والناس امام شاشات التلفزيون فى البيوت والمقاهى ؟

هل فوز مصر فى التأهيل لكاس العالم لتسافر الى جنوب افريقيا وترجع بعد يومين سيحل مشاكلنا الاقتصاديه ويحل مشكله الفقر والمرض فى مصر؟

هل الجزائر تخيلت مصر انها اسرائيل علشان كدة استخدمت العنف والسلاح وهاجمت المصريين فى السودان؟

هل هزيمه مصر يسبب ان صديقان يخسران بعض ويكون بينهم خصومه بسبب ان احدهم توقع الهزيمه لمصر ؟
شويه اساله كدة حد عنده اجابه ليها

نفسى مصر ترجع مناره وهاديه لكل البشر نفسى ترجع ام الدنيا تانى

بحبها قوى ولا احب احد يهينها بس احنا اللى حملنا الموضوع فوق طاقته ولو كنا سبنها لله يمكن كنا اخدنا الكاس كمان

تذكروا ان المسلمين هزموا فى احد وبينهم الرسول لانهم عصوا اوامر الرسول

ازاى بس عاوزين النصر فى اى مجال واحنا مش ناصرين نبينا بداخلنا

ان تنصروا الله ينصركم ويثبت اقدامكم


ومع كل دة مصر عندى اغلى واحلى بلد فى الدنيا كلها


على اسم مصرالتاريخ يقدر يقول ما شاء أنا مصر عندي أحب وأجمل الأشياء

بحبها وهي مالكة الأرض شرق وغرب وبحبها وهي مرمية جريحة حرب

بحبها بعنف وبرقة وعلى استحياء واكرهها وألعن أبوها بعشقها زي الداء

واسيبها واطفش في درب وتبقى هي فى درب وتلتفت تلاقيني جنبها في الكرب

والنبض ينفض عروقي بألف نغمة وضرب على اسم مصر

مصر النسيم في الليالي وبياعين الفل ومرايه بهتانة ع القهوة أزورها واطل

القى النديم طل من مطرح منا طليت والقاها برواز معلق عندنا في البيت

فيه القمر مصطفى كامل حبيب الكل المصري باشا بشواربه اللي ما عرفوا الذل

ومصر فوق في الفراندة واسمها جولييت ولما جيت بعد روميو بربع قرن بكيت

ومسحت دموعي في كمي ومن ساعتها وعيت على اسم مصر

النخل في العالي والنيل ماشي طوالي معكوسة فيه الصـور مقلوبة وانا مالي

يا ولاد أنا فى حالي زي النقش في العواميد زي الهلال اللي فوق مدنة بنوها عبيد

وزي باقي العبيد باجري على عيالي باجري وخوطايا وئيد من تقل احمالى

محنيه قامتي .. وهامتي كأن فيها حديد وعينيا رمل العريش فيها وملح رشيد

لكني بافتحها زي اللي اتولدت من جديد على اسم مصر

مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج

وعجيج حوافر خيول بتجر زغروطة حزمة نغم صعب داخلة مسامعي

مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج

وجميع خيوط النسيج على نبرة مربوطة أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة على اسم مصر

وترن من تاني نفس النبرة في وداني ومؤشر الفرحة يتحرك في وجداني

وأغاني واحشاني باتذكرها ما لهاش عد فيه شيء حصل أو بيحصل أو حيحصل

جد أو ربما الأمر حالة وجد واخداني انا اللي ياما الهوى جابني ووداني

وكلام على لساني جاني لابد أقوله لحد القمح ليه اسمه قمح اليوم وأمس وغد

ومصر يحرم عليها .. والجدال يشتد على اسم مصر

شعرصلاح جاهين

9 comments:

موناليزا said...

أهنئك على عودة نشاطك التدوينى مجدداً:)
أما عن إجابة أسئلتك فالموضوع بعد اللى حصل من الجزائر لينا فى السودان تخطى كل هذه الأسئلة لسؤال واحد فقط
لصالح من ما حدث؟

winner said...

أؤيد وجهة نظرك
الموضوع حُمّل أكثر مما يحتمل
تم صنع معركة طاحنة من شجار عابر

ربنا يهدينا جميعاً

لورنس العرب said...

مصر بالفعل هي منارة كبيره للبلاد العربية
ولكن المشكله أن الأخوه العرب لا يريدون تلك المناره
بل ويسخرون منا عندما نتحدث عن أنفسنا بأننا كبار
وليكن ما يريدون
نحن لسنا كبار العرب
وليكن كل واحد منهم هو الكبير
وليرينا احدا منهم -ويهز طوله- ويقوم بحل المشكلات في فلسطين مثلا
فهذا مثال صارخ على أنهم معاقين
يتهمون مصر باستمرار وهم لا يفعلون أي شيء
بالفعل كل واحد عنده بلده أهم شيء
ونكاد نكون اننا الشعب الوحيد الذي يحب كل العرب
لكن مع الأسف العرب ادري لماذا ردود افعالهم علينا سيئه دائما

عمرو said...

السلامـ عليكم ورحمة اله وبركاته

شكرا ع التوبك الطيب

فعلا الموضوع اخد اكثر من حجمه

ونسينا ان كرة القدمـ ميدان لترفية وليس ميدان للحرب

وكأن المبارة حياة او موت

صراحة ردة فعل من الشعب الجزائري لم اكن اتوقعها صراحة شىء للاسف قذر جدا وغير مسئول

قدر الله وما شاء فعل

خالص تحياتي ,,

كلمات من نور said...

إجابة أسئلتك كلها يا رفقة العمر جملة واحدة إنتي كتبتيها وهي من القرآن الكريم:
إن تنصروا الله ينصركم ويثبت أقدامكم ...إحنا سيبنا الدين و لم نعد يليق علينا لقب أمة محمد و قادر كريم ربنا يردنا لدينه ردا جميل

عاشقة الفردوس said...

وبرده بعد اللي حصل في السودااان

معاكي حق يارفقة


دمتي بكل خير رفقتي الرقيقة

:)

رفقة عمر said...

العزيزة موناليزا

والله فرحتينى كويس ان فيه حد لسه فاكرنى اساسا
جزاك الله خيرا على لفتتك الجميله
اكيد معروف لصالح مين
اسرائيل نجحت نجاح منقطع النظير لازم نرفع لها القبعات
دائما يسعدنى مرورك الكريم
كل سنه وانت بالف خير
وعيد مبارك عليكى وعلى الاسره


*****************

winner

اهلا بحضرتك

بجد شئ يحزن الناس نسيت كل مشاكلها وركزت فى كرامتها هى فين الكرامه اساسا
المشكله ان علشان صفوه المجتمع فى الدنيا لانهم ليسوا صفوه الاخره
بما انهم اتهانوا علشان كدة الدنيا قامت
لكن لو كان مهور الدرجه التالته اللى حصل له كدة كانت الحكومه لم تهتم كعادتها دائما مع شعبها الغلبان
كل سنه وحضرتك طيب
عيد مبارك عليكى وعلى الاسره الكريمه


******************

لورانس العرب

استاذتى الفاضل اهلا بحضرتك
بس احنا فعلا للاسف كنا رواد زمان الان احنا فى مرحله الاضمحلال للاسف
وكل قوة لها عصور اذهار وعصور اضمحلال كما اخذنا فى التاريخ
ولن تظل مصر تغنى على الاطلاال وتحكى امجاد الماضى وتنسى الان والمستقبل محتاجين فرمته علشان نبتدى من جديد ونعمل عصر اذهار جديد حتى يحترمنا الاخرون

كل سنه وحضرتك بالف خير
عيد مبارك على حضرتك وعلى الاسرة الكريمه


*****************

استاذ عمرو

وعليكم السلام ورحمه الله وبركاته

يمكن رد فعل الجزائرين اظهر وضعنا الحقيقى ومكانتنا وسط الامم
احنا صفر زى صفر المونديال ليس لنا ثقل وسط الامم والسبب قيادتنا الحكميه
فعلا قدر الله وماشاء فعل
كل سنه وحضرتك بالف خير
عيد مبارك عليك وعلى الاسره الكريمه


****************

كلمات من نور

اهلا بحضرتك

اللهم امين ويثبتنا على صراطه المستقيم

كل سنه وحضرتك بالف خير
عيد مبارك على حضرتك وعلى الاسره الكريمه


********************

عاشقه الفردوس الغاليه

يااااااااه اخيرا نورتى مدونت المتواضعه
دى اكيد عيديه العيد
كل سنه وانت بخير وصحه وسعاده دايما يارب
ويفرحك باحبابك عاجلا غير اجلا
اللهم اميين

(المهاجر الى الله) said...

السلام عليكم ورحمة الله وبركاته :
كل عام وحضرتك بخير بمناسبة حلول عيد الاضحى المبارك اعاده الله عيانا وعلى الامة الاسلامية بالخير واليمن والبركات
عيد سعيد:

(المهاجر الى الله) said...

السلام عليكم ورحمة الله وبركاته :
كل عام وحضرتك بخير بمناسبة حلول عيد الاضحى المبارك اعاده الله عيانا وعلى الامة الاسلامية بالخير واليمن والبركات
عيد سعيد: