احلى كلام سمعته من عمرو اديب

بما ان الموضوع منتشر كالطاعون والغريبه ان البنات لسه بتصدق الرجاله مع ان نماذج الغدر والنداله كتييير جدا والغريبه ان البنت اللى على شاكله هؤلاء الرجال مش بيقدروا عليها ويمكن تذلهم كمان وهى اللى تكون ندله معاهم المهم مش دة موضوعى انا عجبنى كلامه عن اخلاق البنات اليومين دول وعن انه رافض لعمل المرأة ودة نفس كلام مرشحى للرئاسة دكتور حازم ابو اسماعيل امامكم واحد ليبرالى وبيتكلم ان الصح ان المرأة تعود لبيتها اولادها اولى بيها ولا تخرج للعمل الا لعمل يفيد نساء المجتمع الاسلامى فعلا مش مجرد قاعده على مكتب وخلاص وبتاخد اجازة اكتر ما بتشتغل سبحان الله عمرو اديب او من استضاف الدكتور حازم وكان بيسخر من الدكتور حازم لانه عاوز مصر تطبق الشريعه ويتم تحليل ما احله الله وتحريم ما حرمه الله الان عمرو نفسه يؤيد افكار الدكتور حازم حتى فى موضوع فرض لبس الحجاب على جميع نساء مصر من مضمون كلامه بيتكلم على نفس الموضوع

نفسى اشوف مصر متقدمه ومعروفه وسط العالم بتقدمها وصناعتها وسياستها وليس بنسائها ورقصاتها ومغنيتها وممثلاتها دينا الراقصه بتقول ان نص السياح بيجيوا علشانها وانها هى الى مخليه مصر معروفة فى العالم شوفوا حلقتها مع طونى خليفه فى برنامج الشعب يريد

نفسى يعود الانضباط والاخلاق للشارع المصرى نفسى اشوف الرجل عندما يرى امرأة فى الشارع يحترمها مش يعاكسها لانها وقتها ستستحق الاحترام لانها غالية ولا تتواجد فى الشوارع الا قليل

نريد ثورة تصحيح لوضع المرأة فى المجتمع وهدم كل ما جاء به قاسم امين وهدى شعراوى هؤلاء الذين لا ينقطع الدعاء عليهم من كل النساء لانهم هم فى سبب نكسة المرأة الان لا انسى عندما كنت فى الثانوية العامة وكانت الامتحانات شديدة الصعوبة دعونا جميعا نحن وصديقاتى على قاسم امين وعندما التحقنا بالجامعة دعونا عليه ايضا بسبب البهدله اللى كنا بنشوفها فى زحمه المدرجات والمواصلات

الاسلام لم يحرم المرأة من التعليم ولم يحرمها من الخروج قال رسول الله لا تمنعوا اماء الله مساجد الله ولكن للاسف المجتمع لم يوفر للمرأة خروج امن وتعليم امن انا شوفت بنات بسبب الاختلاط فى الجامعه كانت ترتبط عاطفيا بزميل وطبعا العلاقه تفشل كانت البنت ترسب وتظل ترسب فى الدراسه بسبب تجربتها الفاشلة وتظل متألمه وتتذكر هذا الجرح حتى بعد زواجها وهناك من تحاول الانتحار كانوا يعاتبونى اننى لا احادث الرجال فى الجامعة فكنت اخبرهم اننى ابعد عن الشر مافيش حاجة اسمها صداقة بريئه لن اقول للرجال ارحموا البنات ولكنى اقول للبنات احذرى الرجال فكم من كلاما معسولا ممزوجا بسما مميت لو تجنبت البنات الرجال هايتعلم الرجال الادب وممكن تعود له رجولته وتعود له شهامته ومرؤته المفقودة من سنيين