Saturday, January 05, 2008

كيف تواجه النقد الاثم

الرقعا ء السخفاء سبوا الخالق الرازق جل فى علاه وشتموا الواحد الاحد لا اله هو فماذا اتوقع انا وانت ونحن اهل الحيف والخطأ انك سوف تواجه فى حياتك حربا ضروسا لا هوادة فيها من النقد الاثم المر ومن التحطيم المدروس المقصود ومن الاهانه المتعمدة ما دام انك تعطى وتبنى وتؤثر وتسطع وتلمع ولن يسكت هؤلاء عنك حتى تتخذ نفقا فى الارض او سلما فى السماء فتفر منهم اما وانت بين اظهرهم فانتظر منهم ما يسوؤك ويبكى عينك ويدمى مقلتك ويقض مضجعك ان الجالس على الارض لا يسقط والناس لا يرفسون كلبا ميتا لكنهم يغضبون عليك لانك فقتهم صلاحا او علما او ادبا او مالا فانت عندهم مذنب لا توبه لك حتى تترك مواهبك ونعم الله عليك وتنخلع من كل صفات الحمد وتنسلخ من كل معانى النبل وتبقى بليدا غبيا وصفرا محطمامكدودا هذاما يريدونه بالظبط اذا فاصمد لكلام هؤلاء ونقدهم وتشويههم وتحقيرهم (اثبت احد) وكن كالصخره الصامته المهيبه تتكسر عليها حبات البرد لتثبت وجودها وقدرتها على البقاء انك ان اصغيت لكلام هؤلاء وتفاعلت به حققت امنيتهم الغاليه فى تعكير حياتك وتكدير عمرك الا فاصفح الصفح الجميل الا فاعرض عنهم ولا تك فى ضيق مما يمكرون ان نقدهم السخيف ترجمه محترمه لك وبقدر وزنك يكون النقد الاثم المفتعل انك لن تستطيع ان تغلق افواه هؤلاء ولن تستطيع ان تعتقل السنتهم لكنك تستطيع ان تدفن نقدهم وتجنيهم بتجافيك لهم واهمالك لشانهم واطراحك لاقوالهم (قل موتوا بغيظكم) بل تستطيع ان تصب فى افواههم الخردل بزياده فضائلك وتربيه محاسنك
ان كنت تريد ان تكون مقبولا عند الجميع محبوبا لدى الكل سليما من العيوب عند العالم فقد طلبت مستحيلا واملت املا بعيدا
طبعا طبعا دة مش كلامى انا مش باعرف اكتب باللغه العربيه باكتب عامى دة جزء من كتاب رائع ااسمه لا تحزن للشيخ الفاضل عائض القرنى فعلا انصحكم باقتنائه كتاب كنز جزاه الله كل خير وجعله فى ميزان حسناته
سبب نقلى هذا الجزء من الكتاب اولا دة لكل انسان محترم بيقول كلمه محترمه وبيتعرض لنقد اثم او سخريه من الاخرين
ثانيا دخلت عند دكتور خالد اخونا فى الله وزميل تدوين ووجدت هناك من يسخر منه واستفزنى جدا الكلام وايضا من يتعرضون للسخريه كثير اخونا الصارم الحاسم ومن قبل تعرضت اختنامروة زارع لنقد من شخص لم يذكر هويته لان دول خفافيش لا يستطيعون الظهوركل همه النقد الاثم فقط
واخيرا قرات تتدوينه قريبا اثارت فى ضيق لانها ترمى الناس بالاثم وتشكك فى نوايا الاخريين قال الرسول صلى الله عليه وسلم لا تتبع عورات اخيك فيفضحك الله ولو فى عقر دارك
كلنا فينا من الاخطاء والمعايب مالا يعلمها الا الله فلماذا نهاجم بعض ونسخر من بعض ونصنف هذا محترم و هذا غير محترم
عندك كلمه طيبه قولها مش عندك يكفيك السكوت
قال الله تعالى ( يايها الذين امنوالا يسخر قوما من قوم عسى ان يكونوا خيرا منهم ولا نساء من نساءا عسى ان يكن خيرا منهن ولا تلمزوا انفسكم ولاتنابزوا بالالقاب بئس الاسم الفسوق بعد الايمان ومن لم يتب فاولئك هم الظالمون يايها الذين امنوا اجتنبوا كثيرا من الظن ان بعض الظن اثم ولا تجسسواولا يغتب بعضكم بعضا ايحب احدكم ان ياكل لحم اخيه ميتا فكرهتموة واتقو الله ان الله تواب رحيما) صدق الله العظيم
اظن الايات كلنا عاارفينها وبنقراها كويس بس للاسف مش بنطبقها
ارجو الا يسؤ الظن بى وليه بتدافع عن دكتور خالد والصارم الحاسم واى احد يتعرض للنقد الاثم
لان سؤ الظن بقى هو السايد وللاسف بين ناس مسلمين والمفروض متدينين
ياريت تتذكروا دفاع السيدة الرميصاء عن الرسول صلى الله عليه وسلم فى غزوة احد وهو رجل وهى امرأة وياريت تقراو كويس فى السيره علشان تعرفوا كيف كان التعامل بين الصحابيات والصحابه رضوان الله عليهم
وهم من هم
اخيرا اقول شكرا لكل من يهدى الينا حسانته باغتيابه لنا
نحن فعلا محتاجين حسنات كتير لاننا مقصرين جدا
فلم الضيق اذن لا مجال للضيق ابدا
نفسى بجد يكون الحب اكتر من كدة بين المسلمين وطبعا الحب والكره دة مش بايدينا بس ياريت لو مش حبينا حدمش نذمه ولا نتصيد له الاخطاء بجد من اسباب النصر ان نكون صفا واحدا يجمعنا هدفا واحد

45 comments:

عصفور المدينة said...

ده تعليق صادف إني حطيته اليوم عند محمود الدوح في موضوع شبيه
============
كم الاستفزاز اللي موجود ده كنت بانفعل منه لكن لما كثر أصبحت أتعايش معه وأحاول الاستفادة منه
يعني لما تدخل مدونة تلاقي واحد كاتب تدوينة بيشتم فيك شخصيا بدون أي سبب مقنع وبعدين تلاقي ناس بتحاول تقنعه وهو مصمم مش يسمع وبعدين تسقط الكلام ده على الواقع تلاقي إن انت ممكن بتتعامل مع ناس داخلهم مثل هذا القدر من الغل مع علمك إن في الواقع لو قابلته حيبتسم في وشك وياباشا وكدة فدي بالنسبة لي خبرة

لما اكتب عن الحكماء ودورهم في المجتمع والاقي تعليق بيقول كلمتين
"يابن العبيطة"
فدي بالنسبة لي خبرة إني مبسوط ومستمتع ومحتسب الأجر ومشغل مخي وفيه ناس نفسيتها تعبانة من الغل والحقد

لما تلاقي زي مانت قلت إن واحد بيعلق لمجرد التعليق وتسقط ده على الواقع تعرف إنك بتتعامل مع ناس ممكن توددهم إليك يكون عشان هدف شخصي وبس

لما تشوف ناس بتتكلم حوار طرشان تحس إن كل واحد بيتكلم وما حدش بيسمع وتسقط ده على الواقع وتلاقي إنك بتدخل في نقاشات من هذا النوع في الواقع وإن اللي قدامك مش سامعك وتتعلم تقول له لو سمحت اسمعني يا إما نوقف النقاش

لما تلاقي ناس بتتناقش ويخرج الموضوع للسباب والاتهامات وانت كاره لده تعرف قيمة العقل والإنصاف اللي ربنا من عليك بيه

لما تحط تحذير تقول ما تعلنش عن حملة إلا لما تعلق على موضوعي ويجيلك واحد يقولك إعلان أهو واحذفه لو كنت عايز تحذفه

لما تشوف ده كله حتلاقي معاه جرعات جميلة من الحب والتفاهم والعقلانية وأدب الخلاف برضه حاجة تعدل الدماغ برضه


وهكذا انا بقيت استمتع بالظواهر المستفزة ما انكرش إني كنت باتضايق

===============
تعليق إضافي
سواء أخويا خالد أو أخويا الصارم أو أنا أعصابنا جامدة ما تقلقيش علينا بعون الله
وأحب أضيف ظاهرة شفتها ألذ من ده كله

واحد دخل مدونة بيختلف مع أصحابها أخونا الصارم وحط تعليق باسمه بيستظرف تخيلي وابتسمت جدا لما شفته وهو الصارم دخل ورد عليه وانا أول ماقريته عرفت إنه مش هو

مـحـمـد مـفـيـد said...

بارك الله فكي
بجد كتاب الدكتور عائض من الكتب القيمه جدا

صاحب البوابــة said...

تحددالافتتاح لدار الكتب الخاصه بي يوم الخميس القادم - 10 يناير - الساعة 6 مساءا في مكتبه البلد , ندعو الجميع لكي نقص سوياً شريط افتتاح الموقع ونطلق شراره انطلاقه نحو خدمه كل المثقفين والمهتمين بالقراءة

العنوان / مكتبه البلد - ميدان التحرير بوسط البلد - 31 ش محمد محمود أمام الجامعة الأمريكيه

تليفون مكتبه البلد / 27922768

نتمني منكم أن تشاركونا هذه اللحظات والتي لن تنجح إلا بوجودكم

إيمان الحسيني said...

المشكلة فعلا يا رفقة عُمر بتبقى في مدى إمكانية تمالكك لأعصابك
أحيان كتيرة جدا أعصابي بتفلت مني
وفي أحيان أخرى بأقدر أتحكم فيها
بس من جوايا بابقى حزينة جدا

جزاكِ الله كل خير
وجزى الله شيخنا القرني خير الجزاء
اللهم آمين

محمد الجرايحى said...

الأخت الفاضلة : رفقة عمر
السلام عليكم ورحمة الله وبركاته
أحييك على حسن الاختيار والطرح

أختى: لايلقى بحجر سوى المثمر من الشجر
ونسأل الله الثبات على الحق

بارك الله فيك وأعزك
أخوك
محمد

فرنسا هانم said...

رد غيبه المسلم ايا كان رجلا ام امرأه
والدفاع عن المسلم من وجباتنا تجاه انفسنا
لذلك لايجب ان تشرحى او تحاولى اظهار موقفك لانكى ببساطه
صح جدا
انا متعرضتش لهذه الانواع من السخافات
وادعوا الله الا اتعرض لها لانى منفعله بطبيعتى
وربنا يبعد عنى وعنك وعن اخونا الصارم والاخت مروه كل الخفافيش

خمسة فضفضة said...

السلام عليكم ورحمة الله وبركاته

فكرتيني يارفقه بايام حمله مدونات نظيفه ، ياما شفت من التعليقات دي واللي مش عاجبه الحمله ويدخل يتكلم مش كويس واللي يكتبوا بوستات يهاجموا
ولا مدون تونسي عمل تجمع من التوانسه للهجوم عليا
يووووه كان موال
بس ولله الحمد باعرف اتحكم كويس اوي في اعصابي ومش بسمح لحد انه يشدني لمهاترات
واهو كله بيعدي
الناس دي بتنسي ان المفروض يبقي فيه حوار رايي قدام رايك ياتقنعني يا اقنعك

جزاك الله خير علي طرح الموضوع

محمد عبد الرحمن said...

الأخت الكريمة رفقة عمر
هونى عليك فهم أهون شأنا من أن تشغلى بالك بالرد عليهم
وكنت قد كتبت عن مثل هذا مقالا هذا رابطه ويسعدنى أن تطالعيه
http://shahadaty.blogspot.com/2007/09/blog-post.html
ولعل هؤلاء السبابين يؤكدون المثل القائل كل إناء ينضح بما فيه

مدحت محمد said...

رفقة عمر
اولا كل سنة وانتى طيبة
بمناسبة بداية السنة الهجرية طبعا
ثانيا بجد ربنا يجازيكى خير
على نقلك لجزئية فى كتاب الدكتور عائض القرنى
على فكرة انا الكتاب ده
اكتر كتاب بيهدى نفسيتى بعد القرءان
طبعا السخافات دى طبعا اى انسان اكيد بيتضايق منها
ومفيش انسان ناجح
الا ولازم يتعرض لهجوم
والطبيعى انى الانسان بطبعه
بيتاثر بالهجوم
حتى سيدنا النبى كان بيتاثر بكلام الكفار
والله عز وجل قال لسيدنا النبى
قد نعلم انه ليحزنك الذى يقولون
صدق الله العظيم
فده شىء طبيعى
ولكن الحقيقة انا مؤمن بأن الرد على السفيه اهانة
خالص تحياتى

šσяšαяαα said...

السلاااااااام عليكممم

رفقتى الجميلة

وانا بشوف موضوعك قلت دا شبيه اوى باللى دكتور كان كاتبه وانا حتى كتيت تعليق عنده وبصراحة مش لاقيه كلام ازوده عن اللى قلته

بس هو لازم يكون الحال كدا
ناس ناجحة وعلى قدر كبير من الاحترام والخلق
وناس تانية فى المقابل كل شغلها انها تحقد عليهم وتسىء اليهم

ليه بقى

علشان الناس دى نفوسها ضعيفة ومش قادرين يحققو لنفسهم ربع اللى الناس دى عملته

بالتالى بيخترعو اى حجج لاعلان الحرب عليهم والاساءة ليهم

للاسف الخير والشر دول من الاقطاب الرئيسية فى الحياة

على فكرة يارفقتى انا عندى الكتاب دا كنت جايباه السنة اللى فاتت من معرض الكتاب

وفعلا يستاهل ان الكل يقتنيه

وجزاكى الله كل خير

ma 3lina said...

المقدمة خلتني اسبق السطور لأتأكد من إنك كاتبتها .. لكني وجدتها فقرة منقولة .. لكن اللي جيه بعديه تعبير جميل واختصار للموضوع ..

بس حقول لك انتي ظنيتي فينا وحش لما ظنيتي إننا ممكن نظن فيكي حاجة وحشة ..

هههههه .. عموما ربنا سبحانه وتعالى يقول :

وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ * وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ

المهـ إلي الله ـاجر said...
This comment has been removed by the author.
المهـ إلي الله ـاجر said...

من الطبيعي جداً أن نجد من يحارب دعوي الدين والفكر الصحيح من اناس لا تنتهج هذا الفكر .. وهذا أمر مشاهد جدا وحدث معي شخصياً ومع اخواني . رغم ان الهدف كان النصح وليس الهجوم أو التحقير من شان الآخر . ولكنها أمور أصبحت في هذه الآونة طبيعية ان يجد المرء من يهاجمه دون مبرر

ومنذ شهر ويزيد طلع علينا أحد المدونين بمشاركة طويلة عريضة عنوانها مدونات تاخذك (للجاهلية) وكانت تلك المدونات مدونتي ومدونة عصفور المدينة ومدونة دكتور خالد !!!!! وعندما طالبناه بمنتهي الهدوء أن يشرح لنا بكل موضوعية عن الاسباب تهرب كما هو المتوقع

فلا يعنينك أختنا طالما أنت علي الحق وتعملي من اجل

صاحب المضيفة said...

جميل هذه الغيرة الحميدة على الله ورسوله

ليتنا نعرف ندافع بشرف عن المقدسات المعروفة في حياتنا

مشاعر فياضة واسلوب جميل

دمت بخير

Anonymous said...

كنت اقرأ منذ قليل في احد الملفات التي اجمع بها كلمات اعجبتني فوجدت من بينها

"طوبى لمن شغله عيبه عن عيوب الناس"

فذكرتني بتدوينتك اخية

abdallah mortada said...

بسم الله الرحمن الرحيم


بصي يا رفقة النقد الاثم ده
مش بيأثر غير في اللى مش واثق من موقفه وقضيته
يعني انا لو بتكلم في موضوع لمجرد الكلام اقل نقد او تريقة هتهزني
انما لو واثق من موقفى
ومؤمن باللى بقوله بجد بجد مش هيأثر فيا حاجة

سها السباعي said...

زي ما قالوا الاخوة الافاضل انه موضوع اعصاب
وقوة شخصية
وعقل وخبرة

اختك بقى ضعييييييفة قوي
واعصابي هواااااا

ادعيلي

david santos said...

Nice posting, thank you,


Happy New Year! And best wishes for a healthy and successful 2008

رفقة عمر said...

استاذنا باشمهندس عصفور المدينه

اهلا بحضرتك
بصراحه انا لما دخلت عالم التدوين
شوفت حاجات عجيبه وغريبه يمكن علشان انا طبيعتى مش باشوف ناس كتير وعلاقاتى فى حدود اسرتى وقله قليله من الاصدقاء حاسيت بجد انى باتعلم من اول وجديد وبتتشكل شخصيتى من جديد باستغرب لما حد يسخر من حد ن غير اى سبب سوى انه قال رايه فى امر معين يمكن انا بفضل الله لغايه دلوقتى مش فيه اهانى او جرحنى بشكل مباشر بس انا لاقيت الامر لازم اتكلم فيه لانى احترم كل المدونين وكل انسان له الحريه فى التعبير عن رايه طالما لايجرح فى احد ولا يتعدى حدودة فى امور الشرع او فى الذات الالهيه ومع دول برضه لاما باتجنبهم او اتكلم معهم بالحسنى من غير سخريه او اهاانه
واالى اثار عندى هذا الموضوع ان فيه ناس بتشكك فى النوايا بين المدونين والمدونات وبتقول ان هناك تجاوز فى العليقات بين المدونين الرجال والمدونات البنات ووبصراحه لم يعجبى الطرح ولا الاسلوب
فحبيت اعبر على مدونتى كما عبروا على مدونتهم
صحيح هو حضرتك كمان بتتعرض للاهانه انا اعتقد ان كل المدونين بيحترموا حضرتك جدا
على العموم دة ميراث النبوه
لم يكرم نبى فى قومه
كل سنه وحضرتك طيب



****************


استاذ محمد مفيد

اهلا بحضرتك
جزاك الله كل خيرا
وكل سنه وحضرتك والاسره بخير


****************

صاحب البوابه

ربنا يوفقك يارب واسال الله لك النجاح والتوفيق اللهم امين يارب العالمين
الف مبروك
كل سنه وحضرتك طيب


****************

الاخت الفاضله طعمه

:)
اهلا بيكى سعيدة بمرورك جدا ربنا يبارك فيكى
وانا كمان والله فيه ناس عندهم القدرة على الاستفزاز لغايه ما تخرجى عن شعورك
ربنا يسامحمهم ويهديهم اللهم امين يارب العالمين
كل سنه وانت طيبه ويارب تحقق هذه السنه كل ماترجوه من الله وتامليه
اللهم امين يارب العالمين


*******************

استاذ محمد الجرايحى

اهلا بحضرتك كم اسعدنى توااجد حضرتك
جزاك الله خيرا
وربنا يكرم حضرتك ويبارك فيك
كل سنه وحضرتك بخير
شرفتنى


*************


فرنستنا الجميله

اهلا بيكى
المشكله ان في ناس بقت بتشكك من مجرد العليقات فى ناويا المدونين والمدونات وبيصنفوا دة مدون محترم ودة مش محترم
فبحذراصحاب النفوس المريضه من انهم يشككوا ولا يسؤ الظن ويقعوا فى الاثم
وربنا يستجيب منك يارب
كل سنه وانت بالف خير
ويارب نسمع احلى اخبار عنك فى السنه الهجريه الجديدة اللهم امين يارب العالمين



*******************


دكتور فضفضه


اهلا بحضرتك
ياااه وحضرتك تحملتى كل الهجوم دة
بجد انا باستغرب جدا لفكرهم
كل واحد حر فى فكرة وفى مدونته
دايما الافكار النبيله لها من يحاربها
رسولنا الكريم حوربت دعوته بكل شراسه فى بدايتها
وفى الاخر لايصح الا الصيحيح
ربنا يجعل كل ما اصابك منهم فى ميزان حسانتك اللهم امين
كل سنه وحضرتك بخير
سنه سعيدة اللهم امين



*************************

اخونا الفاضل طال الليل

اهلا بحضرتك
المشكله اللى بتزعلنى لما يكون الهجوم او السخريه بين المسلمين وبعضهم دة بيحزنى قوى
وخصوصا ممن يعرفون الدين كويس وكدة
ليه نكون كدة مع بعض ليه مش نكون بنحب بعض ونساعد بعض ونعلى همه بعض بدل ما نحبط بعض ونحارب بعض
اسال الهدايه للجميع اللهم امين
كل سنه وحضرتك بخير
سنه سعيدة

mohand said...

السلام عليكم
اسف للتاخير

عائض القرني عندي كتابه لا تحزن
وهو اكيد عنده حق



وعموما النخل يقذف بالطوب فيلقي بثماره

دا العادي

نقطة مية said...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

الفقيرة إلى الله أم البنات said...

رفقة عمر يا حبيبتى
النت العالم الافتراضى هذا مثله مثل العالم الحقيقى
ستجدى منه ما تجدى فى العالم الحقيقى فلا تحزنى وابتعدى عن من تجدى انه لايناسك وعاملى الناس بطريقتهم ولا تتوقعى ان يعاملوك بطريقتك وابتعدى عن السئ منه
واحيانا تكتبى تدوبنه وتجد احدهم يدخل يبث فكر مختلف عن ما تقصدى وتأخذ التدوينه منحى آخر وحدثت معى عندما كتبت عن احدى الفنانات لما خلعت الحجاب
دخل واحد غير معروف وقال لى انى شمتانه
وغير اتجاه التدوينه وهكذا هم خفافيش الظلام
ولكن احيانا يا حبيبتى يحدث ان افهم تدوينه عكس ما يقصد صاحبها...ولكنى انتظر إلى ان اقرأ التعليقات لاتأكد من مقصده
واوقات اجد نفسى فهمت التدوينه خطأ
واحيانا" اجد التدونيه مستفزة والناس تدافع عنها
لذا يا حبيبتى عندما تجدى ما يستفزك انتظرى...حتى تهدأى وحتى تتضح الرؤيا
اطلت عليك
زادك الله حلما" ونقاء وصبر

ftataljanna said...

رفقتى

جزاك الله خيرا على ردك ده

وفعلا الناس اللي زي دول مش هايسكتوا حتى يتخذ اللى بيعملوا لله نفقا فى الارض او سلما فى السماء

وعلى العموم ده اكيد ابتلاء من ربنا وعليه ثوابه وبينزل من سيئاتهم ويرفع من حسناتهم

وحشتيني واتمنى اكون وحشتك كمان :)

زورى مشكلة وحلها فيها مشكلة جديدة وكمان غيرت اسمها بقت شارك همومك

مؤمنه said...

السلام عليكم ورحمة الله وبركاته
جزاكى الله كل خير على هذا الموضوع الهام جدا جدا
ولا اجد ما اتقول
سوى جزاكى الله كل خير الموضوع كل جزئيه فيها ترد على نفسها
ان كان سب ديننا فالعلاج هو التجاهل وبذلك نطمس ما يقولونه
والغيبه فمن يغتابنا يعطينا الله ن حسناته وياخذ من سياتنا
الحمد لله على نعمة الاسلام
اللهم لا تجعل مصيبتنا فى ديننا
والسلام عليكم ورحمة الله وبركاته

الربان said...

تحياتي

للاسف ،الاسفاف و قلة الأدب اصبح ظاهرة
ملفته...و افضل حل هو الصبر و الاحتساب و الا ندير بالا الي السخافات و البذيء من القول.

الصبر و الاحتساب هو من صميم الدين و الاكثار من الدعاء " اللهم اجعلني من الكاظمين الغيظ العافين عن الناس ..
و اجعلني من المحسنين..."
و أيضا ..لا حول ولا قوة الا بالله العلي العظيم...

كتاب الدكتور عائض القرني " لا تحزن " من أفضل ما قرأت...و انصح من يستطيع ان يقتنيه...

تحياتي...و خالص تقديري..

حاول تفتكرنى said...

عرض رائع لمفردات الموضوع

سرقنا لمتابعته حتي أخر حرف

بارك الله فيك

تحياتي

رينـــــــــــا said...

السلام عليكم
انا بعشق كتاب لا تحزن ومبقدرش ابدا استغنى عنه
ربنا يلهمنا الصبر والقدرة على التحكم فى اعصابنا


وحشتينى

DR.HAMAS said...

يااااااااه

ده كتير يا أختنا

أنا أول ما بدأت أتصفح المدونات

وجدت من هذا الكثير

و بصراحة رغم انى مش صاحب المدونة

و كنت لأول مرة اتصفح المدونة

الا انى رديت على الخفاش اللى طلع ده

و حصل ده 3 مرات حتى الآن

و الموضوع فى الاول و الآخر أخلاق

و فيه بيت شعر بيقول

لو كل كلب عوى ألقمته حجرا***لأصبح الصخر مثقالا بدينار

فأفضل تعامل مع هؤلاء
هو التجاهل التام

لأن الرد عليهم يعطيهم قيمة أكبر
و يجعلهم مسرورين أن كلماتهم لاقت صدى


جزاكم الله خيرا


د.حمـــــاس

أبو عمر - الصارم الحاسم said...

يا اخت عائشة حضرتك على الراس من فوق ربنا يكرمك

وما فيش اي حد ممن يدخلوا هنا او ممن هو على نفس النهج بأمر الله يخطر بباله اي شئ تخشي ان يظن منه


وزي ما قالك الاخ عصفور ...ما تقلقيش علينا بامر الله...سلي الله لنا جميعا كلنا معا الثبات


فقط طالما ذكرتي الأمر...أرجو الا يضايق اخواني انهم احيانا "بييجوا في السكة " في الاستهزاء والكلام....واني اتغاضى احيانا عن ذلك لاني اعلم اننا كلنا مثل بعضنا البعض نتغاضى عن مثل هذا

رفقة عمر said...

doha

وحضرتك بخير
وسنه سعيد عليك وعلى الاسره وامه الاسلام اللهم امين يارب العالمين
هو طبعا عندك حق فى كلامك هو مش رد اد ما هو لفت نظر علشان يمكن من شدة غضبهم بيغلطوا فى الناس من غير وجه حق
هدانا الله واياهم الى سواء السبيل اللهم امين


*******************


صورصاره( الفراشه)؟


ازيك ياحبيبتى عامله ايه يارب تكونى بخير
كلامك دة تفسيرى الوحيد لرميهم الناس بالباطل
وفعلا كتاب لاتحزن جميل قوى تحسيه حد بيطبطب عليكى
كل سنه وانت بالف خير ويارب تحققى كل ما ترجوه فى هذه السنه اللهم امين يارب العالمي


******************


ماعلينا

اهلا بيك
اسفه بس بجد للاسف اكتشفت ان فيه ناس بتسؤ بالنوايا بتتبع تعليقات المدونين وكدة حتى لو فى حدة بيغلط مش اتهمه من غير بينه ولا دليل
نفسى كل واحد يكون فى حاله والنقاش يكون بطريقه موضوعيه لتقنعنى لا قنعك من سخريه واهانه وجرح للاخرين
نسال الله العفو العافيه والقبول والاخلاص اللهم امين يارب العالمين
كل سنه وانت بخير
وعايزن نحتفل بزواجك انت وبينو قريبا ان شاء الله
ربنا يبارك لكما اللهم امين يارب العالمين وعقبال كل المدونين والمدونات اللهم امين يارب العالمين


*******************


الاخ الفاضل المهاجر الى الله

سبحان الله مع ان حضرتك واستاذعصفور المدينه ودكتور خالد ومسلم وبينو وماعلينا ودكتور حر وطال الليل وداعيه المستقبل وكارميلا ومناجاه ومؤمنه وغيركم كتير لو عدتت هاقول كتير قوى ممن نحسبهم على خير ولا نزكيهم على الله وكل اللى بعملوه تظهروا حلاوة دينا اللى عايز يدخل ويستفد كانا بها ومش عايز هو حر هو اللى خسران
بس نقول ايه خايفين ان الخير يسود والحق يظهر ووقتها مش هايقدروا يمارسوا موبقاتهم على العلن
كما بالظبط محاربه كفار مكه لدعوه سيدنا محمد صلى الله عليه وسلم
لخوفهم على عدم ممارسه موبقاتهم تانى
ربنا يبارك فى حضرتك
وفى كل من يحاول ينشر كلمه الحق والخير
جزاك الله كل خير
كل سنه وحضرتك بالف خير


************


صاحب المضيفه

اهلا بحضرتك
لو عرف المسلمين يحبوا بعض بجد ويكون يد واحده
اكيد وقتها هانقدر ندافع على مقدساتنا بس للاسف كل واحد مشغول بحاله وبس
كل سنه وحضرتك بالف خير
اسعدنى مرور حضرتك


******************

همسه قلم

اهلا بحضرتك اسعدنى مرورك اول مرة تشاركينى
كل سنه وحضرتك بالف خير وسنه سعيدة عليكى وعلى الاسره اللهم امين يارب العالمين


****************

عبدالله

اهلا بيك
ربنا قال لنبيبينا محمد صلى الله عليه وسلم( قد نعلم انه ليحزنك الذى يقولون) وقال ايضل ( ولا تكن فى ضيقا مما يمكرون)يعنى الرسول صلى الله عليهم وسلم كان احيانا بيضايق من النقد الاثم
مع انه يعلم انه مؤيد من رب العزة
مابالك نحن واحنا ضعاف وطبعا لازم يؤثر فينا الكلام باى شكل من الاشكال

كل سنه وانت طيب
ويارب يوفقك فى الامتحانات اللهم امين يارب العالمين


*********************

سها

اهلا بيك ازيك وعامله ايه واخبار الدنيا معاكى ايه
انا زيك برضه هوا وبتاثر قوى من اى كلمه جارحه ولا نقد جارح
بس الحمد لله على كل حال
كل سنه وانت بالف خير
ويارب تحققى كل ما تتمنيه اللهم امين يارب العالمين


*******************


david santos

thank you,

Happy New Year! And best wishes for a healthy and successful 2008

Jana said...

السلام عليكم
عزيزتى رفقة

من أحبه كل الناس فهو منافق
ومن أبغضه كل الناس فهو فاجر
ونحمد الله اننا لسنا كهذا او كذاك
فما سميته نقدا اثما ليست الا رياح خفيفة تذهب وتجىء دون التأثير حتى فى ذرات التراب
فقد عاهدتى الله قبل اى شىء حين بدأتى

ثبتك الله على الحق

على فكرة انا مش باعلق كتير اليومين دول ..اعذرينى مشغولة فى امتحانات ابنى
لكن ده ميمنعش انى متابعة من حين لآخر

دعواتك يا جميلة
دمتى طيبة

حائر في دنيا الله said...

لا يقذف الحجارة سوى النخل المثمر

لك تحياتي
السلام عليكم ورحمة الله

حياة الأحلام said...

موضوع مهم بجد أوى

والجزء اللى نقلتيه فعلا يستحق النقل لانه جميل ومفيد جدا

وفعلا مش لازم نخلى النقد يرجعنا لورا أو يقلل من نشاطنا بس نخلى النقد الأثم يقوينا أكتر وأكتر

ومن أكثر الجمل اللى عجبتنى

كن كالصخره الصامته المهيبه تتكسر عليها حبات البرد لتثبت وجودها وقدرتها على البقاء

جمله ياريت كلنا نخلى دايما فى فكرنا

وفعلا مش لازم حد يسخر من حد أبدا لان مش كلنا كاملين الكمال لربنا بس

أما اللى بينقد نقدأثم أحسنتى التشبيه هما زى الخفافيش معندهمش القوه أنهم يظهروا أو يقولوا رأيهم بطريقه محترمه

فى الأخر أنتى قولتى أهم حاجه ما نخليش النقد الأثم يأثر فينا النقد البناء فقط

ربنا يجازيكى خيرا ويكرمنا جميعا يارب

بنت الصالحين said...

رفقه ياحبيبتي سلام الله عليكي


كتاب لاتحزن ده رائع بجد
وفعلا قريته وكنت دايما بشتريه هديه لصحباتي واخواتي في الله



يااختي في الله منذ ان دخلت مدونتك عهدت فيكي الاخلاص والصدق والعمل الصالح

اختي رفقه لو كنتي تتحدثين عن تدوينه ام الابناء فانا عاتبه عليكي لسبب واحد فقط

كل واحده وواحد من المدونيين بيدخل وبيقول رايه موقف استفزه او شئ ن هذا القبيل
ام الابناء فيه موقف استفزها

ياريتك تفهمي قصدها
وماتزعليش وانتي نفسك قولتي ان اختلاف الراي لايفسد للود قضيه
ده كان رايها وانتي عرضتي رايك
باذن الله مايكونش فيه سوء تفاهم


ربنا يباركلك

بوست رائع وربنا يكرمك

الطائر الحزين said...

الامر بسيط ولا يدعو للانفعال لان هذا ما يودة من يعلق بسخف


فى تعليق لم يعجبك احذفية ويا دار ما دخلك شر


تحياتى

Anonymous said...

اختي العزيزة
النقد الاثم ليس من صفات الاسلام وانما النقد البناء لانه يجعلك تعرف اخطائك وتصلح منها بدون اي تجريح في نقد الشخص
وكما نعرف الشجرة المثمرة هي دائما التي ترمي بالحجارة

بحبك يامصر said...

موضوع حلو بس مش لازم ياخد من فكرنا كتير
لانه لو اخد من فكرنا كتير فعلا هيرجعنا بفكرنا للخلف

بنت الصالحين said...

رفقه
انتي تعبانه اليومين دول ولا ايه


رفقه طمنينا عليكي

اتمني ان تكوني بخير

وكل عام وانتي بخير ادعو الله ان يجعله عاما مليئا بالسعاده والطاعات والعبادات اللهم امين

Anonymous said...

النقد موضوع حتمي مرتبط بالبني ادمين من زمان اوووي بس في فرق كبير بين النقد والهجوم المشكلة يا رفقة في الغالب بتكون في المنقود وليس الناقد

العراق صوت الحق said...

السلام عليكم ورحمة الله وبركاته رفقة
كل عام وانت بخير
النقد عندما يكون اثم فقد دخل في معصية والله اعلم فالمسلم ليس بفاحش لا في كلامه ولا علاقته مع الاخرين . سبحان الله بعض المسلمين شغلوا انفسهم بتجريح بعضهم ونسوا انه ما من كلمة والا عليها رقيب حسيب . حسبنا الله ونعم الوكيل

لحظة said...

عن ‏ ‏أبي هريرة ‏
أن رجلا شتم ‏ ‏أبا بكر ‏ ‏والنبي ‏ ‏صلى الله عليه وسلم ‏ ‏جالس فجعل النبي ‏ ‏صلى الله عليه وسلم ‏ ‏يعجب ويتبسم فلما أكثر رد عليه بعض قوله فغضب النبي ‏ ‏صلى الله عليه وسلم ‏ ‏وقام فلحقه ‏ ‏أبو بكر ‏ ‏فقال يا رسول الله كان يشتمني وأنت جالس فلما رددت عليه بعض قوله غضبت وقمت قال إنه كان معك ملك يرد عنك فلما رددت عليه بعض قوله وقع الشيطان فلم أكن لأقعد مع الشيطان ثم قال يا ‏ ‏أبا بكر ‏ ‏ثلاث كلهن حق ما من عبد ظلم ‏ ‏بمظلمة ‏ ‏فيغضي عنها لله عز وجل إلا أعز الله بها نصره وما فتح رجل باب عطية يريد بها ‏ ‏صلة ‏ ‏إلا زاده الله بها كثرة وما فتح رجل باب مسألة يريد بها كثرة إلا زاده الله عز وجل بها قلة

جزاك الله خيرا

لحظة said...

وحشتيني اوي

منى said...

بجد موضوع مهم ونادرا لما حد متعرضش ليه بصوره او باخرى
انا شخصيا بحب الاختلاف فى وجهات النظر لان ده بيعطينا فرصه لمزيد من النعرفه
لكن
يالمنى جدا اسلوب السخريه والاستهزاء بكرامه وعقليه الاخرين
لكن فعلا المفروض اللى شايف نفسه على حق
يهدى ويحاول يتحكم فى رد فعله
لكن الامر ليس هين
خصوصا للاخوه والاخوات اللى بيتعرضوا لهجوم شديد
تحياتى

عاشــــــ النقاب ـقــــة"نونو" said...

اختي العائشة في الاحلام
الشجرة المثمرة تقف بالطوب
هل كفت عن الاثمار ابدا
جزاكي الله خيرا اختي وجعل مدونتك حجة لكي لا عليكي
هبقى مبسوطة لو طليتي على مدوناتي ودة رابط مدونتي التانية
http://nonoymm.maktoobblog.com/

شباب روش طحن said...

كتاب لا تحزن فعلا كتاب رائع
انا شخصيا بعتبر النقد الجارح والغستهزاء الصارخ دليل إنتصار ودليل تحقيق شيء فعلا ذو قيمة ويستحق الإحترام

أكبر دليل علي رقي الغنسان هو قدرته علي التعامل مع المختلفين عه في الرأي