ديمقراطيتهم المزيفة

الى كل من قال ( لا ) فى الاستفتاء راجع ديمقراطيتك فقد اثبت انك ديكتاتور ولا تمت للديمقراطية بصلة دة استفتاء شعبى لو كان الاستفتاء بنعم مطلب من المسلمين فالاغلبية مسلمة مستغربين ليه القساوسة طالبوا النصارى بالتصويت (بلا) فلماذا لم تهاجموهم

ربنا يستر على مصر من كل الديكتاتوريين

انا الوحيدة فى اسرتى اللى صوت( بنعم) كلهم كانوا (لا) وكنت ناوية لا اصوت بأى شئ اى حاجة لصالح مصر انا موافقة عليها لانى مش بافهم فى السياسة نهائى

لكن لما لاقيت القساوسة بيطالبوا النصارى بقول لا والعلمانيين ايضا حتى لا يكون هناك دولة اسلامية فى مصر

قلت فهى الحرب اذن يا ريتشارد

وصوت بنعم من اجل عيون القساوسة

انتم من جعلتم التصويت دينى وليس نحن

تحملوا النتيجة علشان تتأكدوا ان الاغلبية فى مصر مسلمون حتى لو مش ملتزمين ولكن الاسلام فى دمهم وعلى فكرة ناس كتير كانت هاتصوت بلا ولكن الاستفزاز بتاع النصارى والعلمانيين جعلوهم يصوتوا بنعم ولسه واحدة صديقتى قالتلى كنت مش هاصوت نهائى لكن صديقة لها نصرانية قالتلها القسيس قالنا نصوت بلا علشان الاخوان المسلمين

قامت قررت صديقتى بالتصويت بنعم

بيقولوا ان اللى صوتوا ( بنعم) من الجهلة والعوام وغير المثقفين والله هم دول اللى الثورة قامت علشانهم ولا هانرجع تانى نميز الطبقة العليا اللى هى قلة فى مصر على طبقة الفقراء والمهمشين

احنا هانفضل فراعنة ومش هانتغير الدين بس هو اللى هايغير التفكير الفرعونى دة

بيقولوا ان نسبة المصوتين قليل على فكرة فيه ناس كانت عاوزة نعم بس ظروفها لم تسمح لها زى ماما مثلا لانها تعبانة وفيه ناس امتنعت علشان عاوزين الحكم كله لله بمعنى ان الشريعة تتطبق كاملة واحدة صديقتى منهم

الحمدلله ان الاستفتاء مر على خير واقول للعلمانين اعرفوا مقداركم فى مصر وبلاش تتدخلوا نفسكم فى المنطقة المحذورة انا لست من الاخوان ولكنهم يستحقوا كل تقدير لانهم لم ييأسوا وتحملوا ظلم طوال 80 سنة محرومين من وظائف مهمة محرومين من السفر مهددين بالاعتقال عاوزين نشوف كدة حد ليبرالى ولا علمانى ولا نصرانى معتقل كل المعتقليين اسلاميين يبقى مين المضطهد ومهضوم حقة المسلمين ولا النصارى والليبراليين مين اللى مش متقبل الاخر المسلمين ولا العلمانيين بيطالبوا برئيس نصارانى وهايمووتوا لو جاء رئيس اخوانى او سلفى عجبت لك ياديمقراطية

الاخوان ربنا وفقهم

فقد احسنوا العمل و ( ان الله لا يضيع اجر من احسن عمل) من حقهم يجنوا ثمار صبرهم وعملهم الذى لم يملوه كما فعل الاحزاب الاخرى

يارب انصر مصر واحفظها امنة مطمئنة وحكم فيها شرعك يارب العالمين