ومرت سنه وانا بينكم

21/12/2007

دة تاريخ من التواريخ المهمه فى حياتى وهو دخولى هذا العالم الجميل اللى عرفنى امور كتير وعرفنى على ناس جميله قوى

انا مش مصدقه ان سنه مرت بسرعه حاسه انها لسه امبارح

انا حبيت اكتب البوست دة علشان اعبر عن حبى لكم جميعا بجد انا وجودى بينكم فرق معايا كتير يمكن ربنا قدر لى ادخل عالم التدوين

لانه عالم انى هامر باصعب سنين حياتى حتى الان كانت فعلا 2007 من اصعب السنين اللى مرت عليا فقدت اختى فى شهر يناير وبعدها بشهرين فى شهر مارس فقدت والدى رحمه الله عليهما وطبعا كانت وفاتهما لها تاثير فى حياتى وحياه من حولى وايضا مريت بظروف شخصيه صعبه جدا وثقيله على نفسى الحمد لله على كل حال ولكن وجودى بينكم كان له اكبر الاثر فى التخفيف عنى

بجد انتم وقفتم جنبى كتيييير جدا

اشكركم انكم تحملتونى وتقبلتونى بينكم يمكن عمرى ما كنت اتوقع انى اجد من يقرا لى بحبكم كلكم اللى عرفتهم فى الحقيقه كل بنت عرفتها من التدوين حبتها جدا وكلهم وقفوا جنبى كتير وكل اللى اعرفهم من مدونتهم وكل اللى بيعلق عندى او مش بيعلق وكل اللى اشعر انه متقبلنى فعلا وكل من اشعر انى غير مقبوله عندهم بحبكم كلكم انتم غيرتم منى كتير هونتم عليا كتير بجد كل كلمات الشكر لا تعبر عما بداخلى ناحيتكم يمكن انا مقله فى التعليقات على المدونات لانى ليا اسبابى

منها انى احيانا مش بافهم الموضوع او الموضوع اكبر من اللازم او فى امور لا تهمنى زى الكلام فى الدستور والسياسه والكلام دة

واحيانا اشعر بعدم قبول صاحب المدونه لو جودى لانه بيبان من الرد على التعليق

باعتذر لاى حد قصرت معاها باعتذر لو كنت زعلت حد

ومرة تانيه جزاكم الله خيرا لتحملى ولتشجيعكم لى ووقفكم جنبى المستمر

دة بوست تعبير منى عن حبى لكم جميعا

اللهم كما جمعتنا على محبتك فى الدنيا اجمعنا فى جنتك مع حبيبنا وسيدنا محمد صلى الله عليه وسلم وصحبيه

اللهم امين يارب العالمين

دة لينك اول بوست ليا بداياتى البسيطه علشان تعرفوا انى استفدت بوجودى بينكم كتير

بدايه

هل احنا صادقين ولا بنكدب على نفسنا

النهاردة قدرا دخلت مدونه لن اذكر اسمها صاحبها يتكلم عن التدوين والمدونين وكان قاسى قوى فى حكمه وفى كلامه ولكنه اثر فيا قوى لدرجه انى فكرت انى اغلق المدونه نهائى وكان تركيزة عن المدونات التى بتتكلم فى الدين وخصوصا البنات اللى بتكتب فى الدين

وقال هو ايه دة هى كل بنات مصر بقت متدينه وكلهم يبتكلموا فى الدين واذا تعاملت معاه لا تجد منها معاملات دينيه غير جزاك الله خير وبس كلامه اثر فيا انا من ضمن البنات المدونات اللى بتحاول تتكلم فى الدين كما عرفته وحسته فيه امور مازلت مقصره فيها لا اجرؤ انى اتكلم فيها وانا لا افعلها انا دائما بحاول اتعامل على قدر ضعفى البشرى انا عليا رقيب لا يغفل ولا ينام ولايهمنى احد غيره

ولكن كلام هذا المدون جعلنى اخشى ان اكون كما قال اخشى انى لا اكون صادقه فيما اقول لن اتكلم واقول اسبابى لعمل مدونتى

انا قلت قبل كدة فى بوست سابق ليه انا بادون بس خايفه تكون البدايات كانت طيبه وكانت النيه خالصه لله اخاف الان ان اكون نيتى تغيرت رغما عنى بجد انا خايفه وخايفه اكتب تانى الصحابه كانوا يخشون ان تنزل ايه تخبر الرسول ان منهم منافق

وكان سيدنا عمر بن الخطاب دائما يخشى ان يكون من المنافقين لما سيدنا عمر رضى الله عنه كان يخشى النفاق مابلنا نحن لا نخشى على نفسنا من الوقوع فيه وان يكون عملنا ليس خالصا لله هلى نحن فعلا نريد ان نعرف الاخرين بالدين ولا نريد الظهور والمكانه بين الاخرين

ونتعالى على الاخرين باننا نعرف اكثر منهم ( وما اوتيتم من العلم الا قليلا) بجد بقيت متلخبطه ومش عارفه اعمل ايه

الرسول الكريم صلى الله عليه وسلم قال بلغوا عنى ولو ايه

يبقى هل من يفعل دة غلطان وتتشكك فى نواياه ولنفرض انه فعلا يريد الظهور والمكانه بين الناس طيب ما تستفيد من معلومته الدينيه وكن انت احسن منه مش عارفه بجد هل التدوين دة مقصور على ناس معينه ليه نشكك فى نوايا الاخريين ليه نحجر على الاخرين ونسخر منهم انهم عايزين يعبروا عن اللى جواهم حتى لو كتب اى حاجه هو حر ان شالله يكتب هو اكل ايه النهاردة هو التدوين دة حكر على حد معين

بجد انا بقيت متلخبطه وبجد ومش عارفه اعمل ايه فعلا احنا مش مثالين قوى بس هو لازم نظهر القبيح علشان نكون كويسين الرسول صلى الله عليهم وسلم قال كل امتى معافى الا المجاهرين يعنى اللى بيجاهر بالمعصيه يبقى ازاى لو فيا صفه سيئه اعلنها على الملاء او باعمل معصيه معينه اعلنها يبقى سترنى الله وانا اكشف ستر الله على ليه كل حاجه جميله بنحاول نشكك فيها ونحبطها ونهاجمها بدل ما نفرح بيها ونشجعها ونحترمها طول ما احنا كدة هانفضل تحت ولن نرتفع ابدا ياريت نحب بعض اكتر من كدة طالما اننا هدفنا واحد وهو رضا الله وليس شئ اخر

لازم ابقى مع نفسى شويه واسالها واجدد نيتى تانى ليه انا بدون وعلشان مين

اللهم انى اعوذ بك ان اشرك بك وانا اعلم واستغفرك لما لا اعلم

تاج من روايح الجنه

وصلنى تاج جميل قوى من صانعه الحريه جزاها الله خيرا انها افتكرتنى انى ارد عليه لانه به روحانيات حبيتها قوى معلش هاتكون اجاباتى طويله شويه ياريت تتحملونى نبتدى باول نفحه

ماهى سورتك فى القران(اى احب سوره اليك تقرأها فى فرحك وفى حزنك)؟

هو القران عموما باقراه فى اى وقت واشعر اننى استنشق الاكسجين وانا اقراه الحمد لله بس سورة الانعام بحبها قوى لانها كلها بتتكلم عن قدره الله وعظمته ونعمه الكثيره علينا علشان كدة تستحق ان تنزل ومعاها 70 الف ملك وكمان سورة مريم قد ايه بحس انها سورة فيها ترقيق للقلب عالى جدا وخصوصا والحوار الراقى عند مناجاه الله والتذلل له عند طلب شئ كما فعل سيدنا زكريا وهو يطلب الولد
وكمان عظمه الله وهو ملك الملوك وهو يشيد ويمدح انبيائه مثلا ققوله تعالى عن سيدنا اسماعيل انه كان صديقا نبيا
دة كمثال وليس على سبيل الحصر

ماهى احب ايه اليك الايه التى دائما تتمناها؟
الايات اللى اتمنها كتير برضه بس على سبيل المثال هاذكر منها الذى يحضرنى الان
انما يوفى الصابرون اجرهم بغير حساب
ولا تهنوا ولاتحزنوا وانتم الاعلون ان كنتم مؤمنين ان يمسسكم قرح فقد مس القوم قرح مثله وتلك الايام ندوالها بين الناس وليعلم الله الذين امنوا منكم ويتخذ منكم شهداء والله لا يحب الظالمين
قل من ينجيكم من ظلمات البر والبحر تدعونه تضرعا وخفيه لان انجانا من هذه لنكونن من الشاكرين قل الله ينجيكم منها ومن كل كرب ثم انتم تشركون

ماهى اكثر ايه تخاف منها وتدعو الله الا تكون من اصحابها
من الايات اللى بخاف منها جدااا غير طبعا الايات اللى بتتكلم عن اهل النار هى ايه كل ما اقراه اترعب جدا
قل هل ننبئكم بالاخسرين أعملا الذين ضل سعيهم فى الحيوة ا لدنيا وهم يسحبون انهم يحسنون صنعا اولئك الذين كفروا بايات ربهم ولقائه فحبطت اعمالهم فلا نقيم لهم يوم القيامه وزنا
وايضا قوله تعالى من كان يريد العاجله عجلنا له فيها ما نشاء لمن نريد ثم جعلنا له جهنم يصلها مذموما مدحورا ومن اراد الاخرة وسعى لها سعيها وهو مؤمن فاولئك كان سعيهم مشكورا كلا نمد هؤلاء وهؤلاء من عطااء ربك وماكان عطاء ربك محظورا ... قد ايه بخاف جدا لما تفتح عليا الدنيا وتعطينى الدنيا ما اريد اخاف ان يكون دة عطاء الله اخذته فى الدنيا وليس لى فى الاخره شئ واخاف اكون من المفلسين فى الاخرة
ربنا اتنا فى الدنيا حسنه وفى الاخره حسنه وقنا عذاب النار اللهم امين يارب العالمين

ماهى الايه التى تشعر انها تتكلم عنك
اى ايه تتكلم عن ضعف الانسان فهى تتكلم عنى
بس هناك ايه تذكرنى باحاولى مع نفسى
وما ابرئ نفسى ان النفس لاماره بالسؤ الا ما رحم ربى ان ربى غفور رحيما
بس فيه ايه نفيى قووى اتصف بها
وعباد الرحمن الذين يمشون على الارض هوانا واذا خاطبهم الجاهلون قالوا سلاما والذن يبيتون لربهم سجدا وقياما

من احب صحابى واحب صحابيه

كل صحابى بجد كلهم خوارق وكلهم يستحقون الحب حقا طبعا الخلفاء الراشدون دول فى المقدمه ثم احب سيدنا حمزة رضى الله عنه وخصوصا موقفه عندما دافع عن الرسول ودخل الاسلام وقتها دون تحضير من اجل ان ينصر الرسول بعد الاذى اللى فعله فيه الكافرون عند الكعبه
مصعب ابن عمير رضى الله عنه اجمل شباب قريش واحسنه مظهرا واطيبهم ريحا عندما دخل الاسلام لم يلبس اللى البس الخشن الذى لايستر من بدنه قدر ما يكشف وهذا الفتى المدلل عند موته لم يكن ردائه ليسر جميع جسدة اذا غطوا راسه به كشفت ساقه واذا غطوا ساقه كشفت راسه
سلمان الفارسى رضى الله عنه الباحث عن الحقيقه الذى ترك الملك والجاه وعمل فى وظائف وضيعه حتى يصل للدين الحق ترك الجاه والملك من اجل الله ومن اجل الاسلام
من يفعل ذلك الان

احب صحابيه
الرميصاء رضى الله عنها التى كانت تدافع عن الرسول فى غزوة احد موقفها هذا ابكانى جدا

من احب نبى اليك بعد الحبيب صلى الله عليه وسلم
سيدنا ابراهيم عليه السلام يستحق يكون ابو الانبياء فعلا اقراوا قصته وشوفوا قد ايه امتثاله لاوامر الله وقد ايه صبره وتعقله كان امه فعلا كما قال عنه الله سبحانه وتعالى موقفه من ذبح ابنه وموقفه من ترك ابنه فى صحراء قاحله شوفوا قد ايه ا متثاله لاوامر االله صلى الله عليه وعلى نبينا محمد افضل صلاه وتسليم

اذا كنت على عهد رسول الله صلى الله صلى الله عليه وسلم فمن كنت تحب ان تكون ولماذا
لو مش اكون طماعه اكون السيدة خديجه طبعا من غير تفكير لانها كانت نعمه الزوجه ومثل للزوجه الوفيه حقا

ماهو منتداك وموقعك المفضل
اى موقع مايطلبشى منى انى اعمل حساب لانى بازهق بصراحه من كل شويه اشترك فى موقع وبنسى بعد كدة انا اشتركت فين

ماهى احب الاسماء التى تحب ان تنادى بها
حاليا انا بحب رفقه جدا بحس فيها بالالفه جدا حتى بقيت استغرب اسمى وهو اصلا اسم مش عربى وهو فارسى فتحسه مالوش معنى

من هو كاتبك المفضل
مصطفى محمود وانيس منصور

مدون له فضل عليك واستفدت منه

الله السؤال دة جميل قوى بعد فضل الله طبعا من غير تفكير طبعا استاذى الجعان اللى علمنى التدوين
وبعدين ماعلينا اللى عمل كتير لتشجعى ولنشر مدونتى كفايه انه اول واحد وضع مدونتى عنده فى المدونه و اول واحدة كمان وكنت لسه فى بدايتى خالص وايضا كبير المتشردين اللى مازال يشجعنى واول واحد بعت ليا تاج وكنت لسه بقالى اسبوعين ومش كنت اعرف يعنى ايه تاج وهو اللى عرفنى يعنى ايه تاج
امانى بنت الجنوب اللى فعلا وقفت جنبى كتييير جدا ودايما تخرجنى من حاله الاحباط اللى احيانا تصيبنى كثيرا
انسانه اللى علمتنى ازاى احط بلير على المدونه لتشغيل الاناشيد

معلش انا كنت باكتب البوست سريعا لانى داخله دايل اب نسيت اذكر استاذ مهند علمنى ازاى اشغل جوجل رايدر

واستاذ عصفور المدينه اللى بيحاول يعرفنا امور فى الدين كتير منا مش بيعرفها بجد باعتذر انى نسيت فعلاوانا باكتب البوست
جزاكم الله عنى خير الجزاء ويارب مش اتحرم منكم ابدا
وطبعا كل مدون او مدونه وضع تعليق هنا شجعنى فيه بجد تعليقاتكم فرقت معايا كتييييير قوى وانتم اصاحب فضل عليا انى اظل اكتب لغايه دلقوتى
كل مدون او مدونه كتب كلمه حق فى مدونته اثرت فيا وغيرت فيا او عرفتنى شئ لم اكن اعرفه صاحب فضل عليا
ربنا يكرمكم يارب ويزيدكم من فضله

من هو قارئ القران المفضل لك
الشيخ عبد الباسط وسعد الغامدى

ماهو منشدك المفضل
النقشبندى و طه الفشنى ومحمد عمران و ابو عبد الملك

ماهو نشيدك المفضل
هما كتير قوى بس فيه للنقشبندى مولاى ولابو عبد الملك كفى يانفس

اذا كان لك دعوه تتدعوه وستتحق باذن الله فبماذا تتدعو
طبعا من غير تفكير اكون من اهل الجنه دة الشئ الوحيد الباقى
ماهو الداعيه المفضل لديك او شيخك المفضل
طبعا الشيخ الشعرواى وبصراحه كل الدعاه دلوقتى بيقلدوا طريقه الشيخ الشعراوى فى الدعوه باسلوبه السلس المصاحب بالضحكه الجميله وبساطته وومع انه كان لا يتنازل فى الفتوى بس عمرك ما تشعر معه بالتشدد فطالما الاصل فهو من احب استمع اليه جدااااا اكيد كل الدعاه كويسين بس طالما الاصل موجود فهو يكفينى
وايضا احب الامام ابى حامد الغزالى رحمه الله عليهما

ماهى اكثر عبادة تشعرك انك قريب جدا من الله
لما ربنا يفتح عليا بالدعاء بحس انى قريبه قوى واشعر بالسكينه بعدها

من احب افراد عائلتك اليك
بعد امى وابى رحمه الله عليه اخى صاحب مدونه عطشان للحريه (عصام) بحبه جدااا
لانه حنون بطريقه غير عاديه واكتر واحد فاهمنى ربنا يخليه ليا يارب ولابنه عبدالله

ماهو املك فى الحياه
نفسى يرجع العزة للاسلام تانى والناس ترجع تحب بعضها اكتر وتكون اكثر رحمه من دلوقتى
تمرير التاج دة اجبارى مافيش تراجع عنه نهائى ولن اقبل اى اعتذار
امررة
لماعلينا
وصرخه حق (مجدى ابو المجد)
بينو
اهل الجنه (مسلم)
وعبدالله (خرم ابرة)
عطشان للحريه (اخى عصام) لو فاضى يعنى
وحائر فى دنيا الله مافيش اعتذرات لو سمحت
استاذ حامد
امانى بنت الجنوب
انسانه (ياسمين)
لحظه
الام وامال
استاذ محمد عبد الفغار لا تراجع ولا استسلام حضرتك هاتجاوبه اجبارى مش اختيارى

استاذ مهند

شمس الدين ربه السيف والقلم

no fear
مؤمنه
اميرة محمد
البنت الشلبيه

طال الليل

المهاجر الى الله وزوجته

الراقص مع الذئاب

رينا

سمراء النيل

الطائر الحزين

و ياريت كل الموجودين عندى فى المفضله يجاوبه لانى بجد محتاجه اعرف اجاباتكم

نفحات ربانيه

قال الله تعالى ( وهو الذى ينزل الغيث من بعد ما قنطوا وينشر رحمته وهو الولى الحميد)صدق الله العظيم

******************

الذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل فانقلبوا بنعمه من الله وفضلا لم يمسسهم

سؤ واتبعوا رضوان الله والله ذو فضل عظيم

********************

فستذكرون ما اقول لكم وافوض امرى الى الله ان الله بصير بالعباد فوقاه الله سيئات ما مكروا وحاق بال فرعون سؤ العذاب

*******************

وعلى الثلثه الذين خلفوا حتى اذا ضاقت عليهم الارض بما رحبت وضاقت عليهم انفسهم وظنوا انه لا ملجا من الله الا اليه ثم تاب عليهم ليتوبوا انه هو التواب الرحيم

******************

واشرقت الارض بنور ربها ووضع الكتاب وجائ بالنبين والشهداء وقضى بينهم بالحق وهم لا يظلمون ووفيت كل نفسا ما عملت وهو اعلم بما يفعلون

هذه الايات من الايات التى تنزل على قلبى سكينه غير عاديه وكلما قراتها وانا فى شدة ولا كرب الا وتتنزل على السكينه بفضل الله

واشعر بها فى حياتى كم من موقف وكم من ناس انقذنى الله منهم واظهر لى الصورة ونجانى كتير جدا

كم ياربى انقذتنى ونجيتنى وانا نظرتى ضعيفه للامور ولا اعلم الخير فين

ولكنك الهى تنقذنى من حيث لا ادرى ولا اعلم

بحبك قوى الهى

واشكرك على نعمك الكثيره

وراعيتك لنا دائما

ماهو همك فى الحياه

مررت بكذا موقف وهذه المواقف مرتبطه بالبشر وجدتنى لا انام من الحزن انى افقدهم او اخسرهم او انهم يبعدوا عنى وفى عز همى وكربى تذكرت حالى مع الله هل انا احزن كل هذا الحزن ببعدى عن الله ليه خايفه على زعل البشر ولا اخشى مقت الله لى او بغضه لى

ليه باحرص على ارضاء البشر وخايفه دة يزعل ولازم اجى على نفسى علشان خاطر فلان ليه بنخاف نفقد اشخاص مع انهم لن يفيدونا ولن يضرونا الا بامر الله ليه لما نزعل مع صديق او نفقده بتسود الدنيا فى وشنا ليه لو حرمنا من انسان كنا نفسنا نرتبط بيه ليه بيتملكنا الياس والحزن ويكون مظهرنا كالاموات ونفقد حيويتنا ونشاطنا مع انه ممكن يكون هذا الشخص شرا لنا وليس خيرا ليه نشكو الله من غدر الاحباب ليه مش بنحزن كدة لما نكون مقصرين فى حق الله ليه مش بنسعى لارضائه انكسفت من نفسى قوى لما وجدتنى لا استطيع النوم لبعد ناس اعزهم او تركهم لى وعلى العكس تماما مقصره فى حق الله وانام قريره العين مع ان فى كربى وشدتى لا اجد احد يرفع عنى ما انا فيه سوى الله هل امهاله لنا وصبره علينا ومع كل اثامنا مازال يعطينا هل دة كله سبب عدم اهتمامنا ازاى نرضى ربنا ازاى مش نعرف ننام من التفكير هل ربنا راضى عنا ولا لاهل عرفت الحكمه ان ربنا يبعد عنك انسان كنت تحبه ومتعلق بيه

الله يريدك له وحدة لا يريد قلبك معلق باحد غيره هل احد فكر فى الحكمه فى موت السيدة خديجه رضى الله عنها وابى طالب فى عام واحد

مع انهم كانوا السند للرسول صلى الله عليه وسلم هل سالتم نفسكم ليه الرسول ولد يتيما ربنا لما يحب عبده يريدة لنفسه لايريدة يكون مشغول بغيره او يعتمد على غيره اويكون قلبه معلقا بغيره فقد الرسول للسيدة خديجه وعمه فى نفس العام حتى اذا حدثت الهجرة يكون النصر من الله وحدة وليس لبشرا دخل ولا تقول كتب التاريخ اصل

عمه ساعده او السيده خديجه ساعدته ( الا تنصروه فقد نصره اذا اخرجه الذين كفروا ثانى اثنين اذ هما فى الغار اذ يقول لصاحبه لا تحزن ان الله معنا)صدق الله العظيم

فلا تحزنوا لفراق او لبعد احد كنت فى يوم من الايام تعتقد انه خلك الوفى لان نيل رضا الناس لن تستطيع تحقيقه

فلا تطلب غير رضا الله مهما تخلى عنك من كنت تحسبهم احبابك

لا تكن عبدا لصديقك ولالمديرك ولا لزوجتك ولا لحبيبتك

وطول حياتى مر عليا بشر اشكال والوان وااقول دول عمرهم ما هايبعدوا ولكنهم بعدوا كلهم

والتقى بناس جديدة واكيد هانفترق مين بقى معايا على طول ومين اللى بالجا اليه ويسمعنى من غيرملل

الله جل جلاله

فهل نعيد تفكرنا بعلقتنا مع ربنا هل هايكون همنا الاكبر كيف نرضى ربنا وهل هو راضا عنا

هل هانبطل تفكير فى مين خايفين على زعله ومين بعد عنا وازاى نرضى فلان وغيره من البشر حتى ولو على حساب رضا ربنا

وعلى حساب نفسنا ايوة نعامل الناس بالحسنى ولا نؤذى غيرنا بس مش يبقى كل همنا ازاى نرضيهم ونهتم ونغتم ببعدهم عنا لان رضا كل الناس غايه لا ترتجى سال سيدنا موسى الله ان يجعل قومه يحبونه فقال له الله انى لم افعلها لنفسى وانا خالقهم

اللهم يا ربنا لا تجعل انسنا الا بك ولا حاجتنا الا اليك

عذرا الهى على ما كان منى فعفوك الهى ارجو

تدوينه مرتبطه بهذه التدوينه فى

مدونه اهل الجنه

ارقى حياه

اطفال المسلمين يحتفلون بيوم الطفوله السعيد

اطفال فلسطين

اطفال العراق

اطفال النيجر

عُـذري إليكـمْ أنـّني ..... لا عُـذرَ لـي

لكننى

أَدمَـى فـؤاديَ جرحُكمْ ..... و أهمـّـني .. و أغمّـني

فشعـرتُ أنـّي مُذنـبٌ ..... لـو أنّ طفـليَ ضَمّني

! أشلا ؤُكُـمْ منـثورةٌ ..... وننـامُ مـِلءَ الأعـينِ

! ودمـاؤُكـم مهـدورةٌ ..... ونـرومُ طيـبَ المَسكنِ

! عـذري إليكـم أنـّني..... ميـْتٌ و لمـّا أُدفَـنِ

! يـا أيّهـا الأطفـالُ : قد..... حـارتْ جميـعُ الألسُن ِ

! تـهوي الجبـالُ وتنحـني ..... وجبـاهكُمْ لا تنحـني!

أطفـالُنـا فـي قدسِنـا وعراقنا ..... ثبتـوا ثبـاتَ المـؤمِنِ!

مَـنْ يُنقذُ الأطفالَ ! مـَنْ ..... يَحمي الشَّذا في موطني؟!

لم يَـبقَ غيـرُك ربَّنـا ..... بحمـاكَ كـلُّ المـَأمَــنِ
هذه الكلمات من مدونه

جنين لن ننساك

تبارك الله احسن الخالقين

بهلوله فى جوار الله

انا لله وانا اليه راجعون

نسالكم الدعاء

للاخت بهلوله رحمه الله عليها

واسكنها الفردوس الاعلى اللهم امين يارب العالمين

اللهم اغفر لها و ارحمها و عافها و اعف عنها و اكرم نزلها ووسع مدخلها و اغسلها بالماء و الثلج و البرد و نقها من الذنوب و الخطايا كما ينقى الثوب الابيض من الدنس و ابدلها بدار خير من دارها و اهلا خير من اهلها و زوجا خيرا من زوجها و ادخلها الجنة و اعذها من عذاب القبر و من عذاب النار اللهم انت ربها و انت الذي خلقتها و انت الذي هديتها للاسلام و انت الذي اكرمتها بالايمان و انت علام الغيوب تعلم ما بسرها و علانيتها انت الكريم و لا كريم غيرك و هى الضعيفه الراجيه بكرمك و عفوك نزل بجوارك فاكرمها بمقعد صدق عندك يا جبار السماوات و الارض اللهم انت عفو كريم تحب العفو فاعف عنها اللهم انت عفو كريم تحب العفو فاعف عنها اللهم انت عفو كريم تحب العفو فاعف اللهم انك ان عذبتها فهى امتك و ان غفرت لها فانك انت الغفور الرحيم انت الغني و هو الفقير اللهم لا تحرمنا اجرها و لا تفتنا بعدها اللهم اجزها عنا خير الجزاء في الدنيا و الاخرة اللهم ان امتك في ذمتك و حبل جوارك راجيه عفوك و عظيم كرمك يا ارحم الراحمين اللهم انها امتك الضعيفه الفقيره و بنت عبدك اجعل القران نورا لها في قبرها و اجعل الغفران كرما لها من فضلك يا واسع الكرم و العفو يا ارحم الراحمين اكرمتها و اكرمتنا بالاسلام و القران فكانت تشهد بان ( لا اله الا الله وحده لا شريك له و ان محمدا عبده و رسوله ) و انت اعلم بها منا في ذلك يا علام الغيوب اللهم انها ضعيفه فقيره الى رحمتك و انت عظيم غني عن عذابها اللهم ان كانت محسنه فزد في احسانها و ان كانت مسيئه فتجاوز عن سيئاتها بكرمك و عفوك يا ارحم الراحمين اللهم و اجزها بالحسنات احسانا و بالسيئات غفوا و غفرانا الله نور له قبره و افسح لها فيه اللهم اجعل قبرها روضة من رياض الجنة برحمتك يا ارحم الراحمين اللهم آمنها من الخوف يوم القيامة و ثبتها عند السؤال في قبره اللهم و اعذها من فتنة المسيح الدجال اللهم انت قلت و انت اعز القائلين ( ان رحمتي سبقت عذابي ) فاجعلها من من المرحومين و المتجاوز عنهم بعظيم عفوك و كرمك اللهم و اجعل سيدنا و حبيبنا و قائدنا نبيك و رسولك و حبيبك محمدا ( صلى الله عليه و سلم ) شفيعا لنا و لها يوم القيامة يوم لا ينفع مالا و لابنون الا من اتى الله بقلب سليم و صلى الله على سيدنا و حبيبنا و شفيعنا محمدا ابن عبدالله عليه افضل الصلاة و التسليماللهم اغفر لجميع امواتنا و اجعل موتتنا على توبة و شهادةامييييييييين يا رب العالمين ...قولو امينيا مسلمين وادعوا لها الله يثبتها بالقول الثابت
اللهم امين يارب العالمين

الى كل التعساء والمكتئبين

طبعا بعد مدة الغياب اكيد افتقدت تواجدى معكم وكل سنه وانتم بالف خير ويااارب كل امانيكم تتحقق واذهب الله عنكم كل هم وكرب اللهم امين

بصراحه عندى حاله كسل للكتابه وانا مش باحب اكتب الا لما اكون حاسه اللى باكتبه ومتعايشاه مش احب اكتب وخلاص لاملاء فراغ او للتواجد وخلاص بس بجد سؤال بعض المدونين عنى بيحرجنى جدا واكيد باكون سعيدة بسؤالهم فكان عندى كذا موضوع وكنت محتاره ابدا باى موضوع كان فيه موضوع اثر فيه قوى وفعلا حبيت اكتب فيه واتمنى انه يفيدكم زى ما افادنى مش هاطول عليكم ندخل على الموضوع

مين فين راضى بحاله مين فينا بيقول انه بيحب ربنا ويقبل اختبار الله له من فينا واثق فى ايمانه تمام الثقه كنت كانت مرت بى شويه امور ضايقتنى وكانت ثقيله على نفسى من وجه نظرى وكنت اشعر باحساس نوعا بالضيق ولكن اراد الله ان يعلمنى درسا ومن انسانه المفروض فى نظر كثير من الناس انها كاانت تعصى الله علمنى ربى اكثر من شئ اولها لا تنظر لاحد على انه عاصى او انه دونك لانك لا تعلم عبادته السريه بينه وبين الله او قلبه ماذا يحمل من ايمان ويقين بالله المهم تحدثت الممثله شريهان مع عمرو اديب فى القاهره اليوم عن مرضها النادر جداجداجدا الذى لا يصيب سوى 9 من كل مليون شخص وهو مرض السرطان الذى اصاب غددها اللعابيه واثر على الحنجرة وجعلها لا تتحدث الا بالاشارة ولا تستطيع الحركه وفقدت معه الذاكرة او بمعنى اصح فقدت التركيز وضعفت ذاكرتها
شريهان التى كانت تملاء الدنيا رقص وغناء وضحك وضجيج اغنى ممثله مصريه فجأة تعانى من مرض خطير نادر جدا انظروا الى ايمانها وثقتها بالله ثقه ويقين بالله ليس عند احد بتقول انها حجت كثير وعملت عمرة كثيره لتتقرب الى الله وكان هناك امل وحيد للشفاء انها تجرى عمليه لا ستئصال الاورام التى انتشرت بالمخ وخصوصا اعصاب المخ والحاجب والخد وكان الاطباء يرفضون العمليه لان مافيش حد نجا من هذه العمليه
ولكنها تقول كنت سعيدة بالعمليه لانها سوف تقربنى من ربى كنت نفسى اذهب الى ربى ولكن ارادة الله شاءت ان اعيش بفضل الله وفكركم بعد العمليه انها خفت لا المفروض كل شهرين تذهب الى فرنسا لتتدخل حجره معدنيه على روبوت لوحدها لمدة 3 ايام ليتم حقن المخ بطريقه صعبه جدا عن طريق الرويوت بالكيماوى تخيلوا التعذيب
ولكنها راضيه وسعيدة بجد احرجت من صبرها ورضاها كثير منا يعانى من مشاكل بسيطه ولكنها فى نظره ضخمه يكفيك نعمه الصحه التى تستطيع بها فعل اى شئ حتى لو اصابك مرض تحمل وكن على يقين بان الذى خلق الداء خلق الدواء وقادر ان يعافيك شريهان تقول انها لازم تاخذ دواء فى الصباح لتستيطيع تذكر بنتها وزوجها
انظر الى المعناه التى تعانيها هل انت تحتاج لمجهود للتذكر زوجتك او اولادك هل تحتاج لمجهود لتحريك يديك او رجليك كم يغيظنى من يقول او تقول انا زهقانه انا مكتئبه وتسال يمكن فيه مشكله كبير بيمر بيها تلاقيه مجرد عنده فراغ وخلاص ودة يا حرام اللى مسبب الاكتئاب والحزن ابتلائات الدنيا عظيمه ارضى بحياتك واثبتوا لانكم لو علمتم الغيب لا خترتم الواقع ليه دايما مش بننظر للنعم اللى احنا فيها وننظر للى لسه مش فى ايدينا انا جربت احساس لما تزول منك نعمه وانا حين كانت موجودة لم اشعر بها نهائى الا عندما راحت منى ايها المكتئبون من لا شئ اعذرونى انا مش متعاطفه معاكم
شريهان علمتينى كتير من تجربتك علمتينى ان ممكن ربنا يجعل من انسان فى نظرى عاصى ايه وعبره لناس كثير صبرك ويقينك فى الله وانه قادر انه يزيل عنك الغمه علمتنى ان الدنيا بها ابتلائات لا يعلم مداها الا الله ولكنه صبره علينا وامهاله لنا حتى نرجع ونتوب بجد كشفتينى امام نفسى وتعلمت منك دروس كتير قووووى غفر الله لك بابتلائك هذا ما سبق من حياتك وملاء قلبك بالايمان
ارجوكم لا تكونوا قاسين فى حكمكم على احد ربى له حسابات اخرى لا نعرفها وكل منا له شئ يفعله بينه وبين الله فلا تتدخلوا بين علاقه العبد وربه هناك من يدخلون الجنه بسبب انهم سقوا قطه مجرد سقو ا قطه
ياريت كل منا يفعل عملا صالحا بينه وبين الله حتى ولو كان فى نظره صغيرا عسى ان يكون سببا لتفريج كرب الدنيا وكرب الاخره
الرسول الكريم صلى الله عليه وسلم يقول ان اعمال البر تقى مصارع السؤ او كما قال صلى الله عليه وسلم لا تامن لدنيا واقبالها عليك هذه شريهان مثال حى لاقبال الدنيا وفى نفس الوقت قسوتها وادبارها
من فضلكم لتسمعوا القصه كامله من شريهان نفسها وبشكل مفصل
ياريت تشوفوا اللينك دة
كنت نفسى ارفعه مع البوست حوارها بصوتها بس للاسف مش باعرف ازاى اعمل ده على العموم ده اللينك الخاص بحديثها عن مرضها والحوار على اجزاء موجود على يوتيوب
http://www.youtube.com/watch?v=FnYlvG-H9kA

انا عارفه فيه ناس كتير هاتقول اشمعنا اخترتى شيريهان فيه ناس فى ظروف اصعب منها لانها مثال لاقبال الدنيا بكل حاذفيرها على شخص صغير السن اعطته الدنيا الشهرة والمال والجمال والزوج والذريه والسلطه وهى الان محرومه من ممارسه حياتها بشكل طبيعى الا بوجود ادويه بمئات الالوف من الجنيهات شوفوا بقى انتم بتمشوا وتتنفسوا وتتحركوا وقلبكم شغال ببلاش ازاى من غير ولا مليم

الا يستحق من اعطنا هذا بغير حساب ومن غير مقابل ان نحمده ونشكره ونبطل نكون مكتئبين ووجوهنا عابسه على طول من غير سبب ياريت يكون الحزن والهم لحدث جلل مش مجرد علشان حاسس بفراغ وملل

على فكرة بقى علشان تكونوا فاهمين الهم بيعجز الناس بدرى انتم حرين وقد اعذر من انذر
اللهم اشفى جميع مرضى المسلمين وازل عنهم الهم والغم والحزن

اللهم امين

المؤمن القوى خير واحب الى الله من المؤمن الضعيف

كل سنه وانتم طيبين عيد سعيد

كل سنه وانتم بالف خير اعاد الله عليكم هذه الايام بكل خير

اللهم امين يارب العالمين

مررت سريعا كعادتك وتستعد للرحيل لتتركنى لاحزانى لفراقك

خلاص حان الرحيل وهاتتركنا ياضيف عزيز خفيفا على النفس دائما تاتى ونحن نشتاق اليك وقبل ان نشعر بوجودك تستعد للرحيل

ودائما نحن مقصرين فى استقبالك ومقصرين فى اداء الواجب علينا ولكنك علشان تعوضنا عن حزننا لفراقك تترك ورائك العيد

بس بعد اول يوم نعود لمراره فراقك على امل ان نلتقى مرة اخرى

فهل سنلتقى

اعلم انى قصرت فعذرا على تقصيرى لعلى حبى لبقاءك يشفع لى تقصيرى

اللهم بلغنا رمضان اعواما عديدة وارزقنا فيه حسن العمل

اللهم امين يارب العالمين

اللهم تقبل منا رمضان

كل سنه وانتم جميعا بخير

اللهم اهل شهر رمضان على امه الاسلام بالخير واليمن والبركات

اللهم امين

الدعاء هو العبادة

بما اننا قربنا من شهر رمضان الكريم والدعاء فيه مستحب لان ايامه كلها نفحات وبركات وللاسف نحن مقصرين فى الدعاء مع ان الدعاء

هو الذى يصل العبد بربه وهو الذى يثبت العبوديه لله طالما ان الانسان رفع يديه وعلم انه قليل الحيله و انه ضعيف لا يستطيع قضاء حوائجه الا بقوه عليا وهو الله سبحانه وتعالى دة اكبر دليل على صدق ايمانك وخضوعك للواحد الاحد قاضى الحاجات ومفرج الكربات وبما انى من المقصرين جدا فى الدعاء فحبيت اقوى نفسى على الدعاء وعلى تنشيطها حتى تستطيع ان تتدعو كما يجب ان يكون الدعاء فحبيت اشارككم معى لننشط معا فى الدعاء وخصوصا مع قدوم ايام الخير تقبل الله فيها دعائكم وصالح الاعمال
قال تعالى (واذا سالك عبادى عنى فانى قريب اجيب دعوة الداع اذا دعان ) صدق الله العظيم
نبدا الاول ونعرف فضل الدعاء
قال رسول الله صلى الله عليه وسلم (الدعاء هو العبادة) ثم تلا قوله تعالى ( وقال ربكم ادعونى استجب لكم ان الذين يستكبرون عن عبادتى سيدخلون جهنم داخرين) فالدعاء هو اعلى انواع العبادة وارفعها واشرفها وقد دلت الايه ان الدعاء من العبادة قال الله تعالى (ان الذين يستكبرون عن عبادتى ) افاد ان الدعاء عبادة وان ترك الدعاء هو استكبار وكيف يستكبر العبد عن دعاء من هو خالقه ورازقه وموجده من العدم
والدعاء من اقوى الاسباب لدفع المكروه وحصول المطلوب ولكن بشروط اقبال القلب على الله واالاكل الحلال وعدم الغفله والدعاء من انفع الادويه وهو عدو البلاء يدافعه ويمنع نزوله ويرفعه او يخففه اذا نزل
وهو سلاح المؤمن قال رسول الله صلى الله عليه وسلم (الدعاء سلاح المؤمن ) وللدعاء اداب وهى
اداب الدعاء
تجنب الحرام ماكلا ومشربا وملبسا
الاخلاص لله تعالى لقوله تعالى ( فادعو الله مخلصين له الدين ) صدق الله العظيم بمعنى لا يكون فى قلبك احد غير الله تعتقد انه هو الذى يستطيع قضاء حاجاتك
تقديم عمل صالح ويدل على هذا حديث الثلاثه الذين انطبقت عليهم الصخرة وهم فى الغار كل منهم دعا بافضل الاعمال التى يظن انها فعلها لله عز وجل حتى ارتفعت عنهم الصخرة لذلك اذا كنت او كنتى تظنين انك فعلت شيئا ابتغاء وجه الله وفعلتيه باخلاص وصدق نيه فقدمه بين يدى دعاءك وتوسل الى الله به مثلا كبكاءك من خشيه الله او اعانه محتاج او تفريج كربه فاسال الله به ان يفرج به كربك ويستجب به دعوتك
الوضؤ واستقبال القبله والصلاه ركعتين يستحب ذلك فى الدعاء
الثناء على الله سبحانه وتعالى وقول الحمد لله وشكرة على نعمه السايقه عليك ثم اطلب بعد ذلك ما تشاء
الصلاةعلى سيدنا محمد صلى الله عليه وسلم فى اول الدعاء واخرة لان الله يقبل الصلاة على الرسول صلى الله عليه وسلم وهو اكرم من الا يقبل ما بين الصلاتين
بسط اليدين ورفعها حذو منكبيه لقول الرسول صلى الله عليه وسلم ( ان الله حيى يستحى اذا رفع الرجل يديه فيردهما خائبيتين)
التاادب والخشوع والمسكنه وان يسال الله باسمائه الحسنى

ويدل على ذلك (ولله الاسماء الحسنى فادعوه بها) ومن الادعيه الماثورة دعاء لا اله الا انت سبحانك انى كنت من الظالمين
الدعاء بالادعيه الماثورة عن الرسول صلى الله عليه وسلم والصحابه والتابعين رضوان الله عليهم
يخفض صوته لحديث ( اربعوا على انفسكم فانكم لا تدعون اصم ولا غائبا) والاعتراف بالذنوب
البدء فى الدعاء يالنفس ويسال بعزم ورغبه وجد وجهد ويحضر القلب ويحسن رجاءه

قال رسول الله صلى الله عليه وسلم (القلوب اوعيه وبعضها اوعى من بعض فاذا سالتم الله تعالى ايها الناس فاسالوة وانتم موقنون بالاجابه فان الله لا يستجيب لعبد دعاه عن ظهر قلب غافل) ويكرر الدعاء ويلح فيه
لا يدعو ياثم ولا قطيعه رحم ولا بمستحيل قال الله تعالى ( ادعوا ربكم تضرعا وخفيه انه لا يحب المعتدين ) يعنى مش حد مثلا عنده 70 سنه يدعو انه يصغر ويبقى عنده 30 سنه
يسال حاجته كلها لقوله صلى الله عليه وسلم ( ليسال احدكم حاجته كلها حتى يسال شسع نعله اذا انقطع) ويؤمن الداعى والمستمع ولا يستعجل الاجابه
وللدعاء اوقات مفضله يستحب فيها الاكثار من الدعاء منها

ليله القدر
يوم عرفه
شهر رمضان
ليله الجمعه ويوم الجمعه وساعه الجمعه
جوف الليل ووقت السحر
عند النداء للصلاه وبين الاذان والاقامه وعند الاقامه
دبر الصلوات المكتوبه وفى السجود لقوله صلى الله عليه وسلم ( اقرب ما يكون العبد من ربه وهو ساجد فاكثروا الدعاء)
عند تلاوة القران وخصوصا عند الختم
عند قول الامام ولا الضالين
عند صياح الديكه
وفى مجالس العلم
عند نزول الغيث
عند تغميض الميت والحضور عند الميت
ولكى تعرف هل استجيب لدعاءك ام لا هناك علامات لاستجابه الدعاء
علامه استجابه الدعاء
الخشيه والبكاء والقشعريره وربما تحصل رعده وبعد الدعاء يحدث سكون للقلب وبرد الجأش وظهور النشاط باطنا والحق ظاهرا حتى يظن الداعى كان على كتفيه حمل ثقيل فو ضعها عنه حينئذ لا يغفل عن التوجه والاقبال والصدقه وحمد الله والابتهال ويقول الحمد لله الذى بنعمته تتم الصالحات
قال رسول الله صلى الله عليه وسلم ( مايمنع احدكم اذا عرف الاجابه من نفسه فشفى من مرض او قدم من سفر ان يقول الحمد لله الذى بعزته وجلاله تتم الصالحات) وقال ايضا صلى الله عليه وسلم (اذا سال احدكم ربه مساله فعرف الاستجابه فليقل الحمد لله الذى بعزته وجلاله تتم الصالحات) صدق رسول الله صلى الله عليه وسلم
ان شاء الله البوست القادم هايكون عن ادعيه ماثورة عن الرسول صلى الله عليه وسلم والصحابه والتابعين رزقنا الله حسن الدعاء ورزقنا القبول اللهم امين يارب العالمين

الحمد لله فيه ناس لا يعانون من اى شئ رزقهم الله الصحه والمال والبنون ربنا يتم عليهم نعمه

بس لازم الدعاء ايضا لقول الرسول الكريم( من سرة ان يستيجب له فى الشدة فليدع الله فى الرخاء) او كما قال الرسول صلى الله عليه وسلم
من كتاب ففروا الى الله للشيخ ابى ذر القلمونى

تحديث

انا اسفه مش هاقدر اكتب بوست عن الادعيه الماثورة لان فيه ظروف اسفه بجد

كل سنه وانت بخير وتقبل الله منكم الصيام والصلاه والقيام وجعلنا جميعا من الفائزين بليله القدر

لا تنسونا فى دعائكم

بس دى لينكات

للادعيه الماثورة

http://www.islamweb.net/ver2/aramadan2006/subpage2.php?menu=a2,bac,Historical640&id=135609

ادعيه ختم القران

http://www.islamweb.net/ver2/aramadan2006/ramadan_do3ah.php

هل تعلم له سميا

كان عندى حب استطلاع كدة وحبيت ادخل على مدونات اللادنين منكرى الله والديانات لانى بجد خفت قوى لان معظمهم بيقولوا انهم كانوا مسلمين ومتدينين سالت الله اللطف والتثبيت لان القلوب بين يدى خالقها يقلبها كيف يشاء اللهم يا مقلب القلوب ثبت قلوبنا على دينك اللهم اذا اردت بقوما فتنا فتوفنى اليك غير مفتون
قلت طالما ان هذا الكون بكل ما فيه وفى انفسهم ومش قادرين يعترفوا ان لهذا الكون صانع فتحت كتبى علشان ادوراتكلم فى ايه وربنا مش عايز دليل على وجودة وجدت كلام طيب قوى لفضيله الشيخ متولى الشعراوى رحمه الله عليه الذى احبه كثيرا وقد ايه كلامه مؤثر وجميل اتكلم الاول عن اللغه وان الناس لا تستطيع ان تتفاهم الا باللغه وكل شئ فى الدنيا موجود له مسمى لازم علشان تسمع لفظ تكون فاهم معناه فى هناك قصه طريفه على فهم الالفاظ كان هناك رجل اسمه ابا علقمه النحوى كان يتقعر فى الكلام ويقول الفاظ غير مفهومه استيقظ من نومه يوما ونادى على خادمه وقال له ( اصعقت العتاريف) لم يفهم الخادم ماذا يقصد ومن غيظه من ابا علقمه رد عليه اجابه غير مفهومه وقال له( ذ قعليم) فتعجب ابا علقمه ولم يفهم الكلمه وسال الغلام عن المعنى فساله الغلام عن معنى( اصعقت العتاريف) فقال

اباعلقمه اسالك( اصاحت الديكه) فقال الخادم وان اردت لا لم تصح الديكه
يعنى لو سمعت لفظ وانت لا تعرف معناه تقف وتتحير يعنى لكل شئ لفظ ومعنى ولازم يكون موجود قبل ان نطلق عليه الاسم لا يمكن يكون الاسم موجود قبل الشئ يعنى بعد اختراع التلفزيون اطلقوا عليه تلفزيون وبعد اختراع الراديو سموه راديو
سؤال هل توجد المعانى اولا ثم توضع لها الفاظ ام توجد الالفاظ اولا ثم تخترع لها المعانى قبل ان يوضع اللفظ لابد ان يكون المعنى متضحا فى الذهن حين لا يوجد معنى متضح فى الذهن لا توجد له فى اللغه لفظ
ناتى على لفظ( الله) لو كان امر عدميا لا وجود له فمن اين جاء لفظ (الله) على لغه الناس او من اين دخل اللفظ المقابل للفظ( الله) فى سائر اللغات ما دامت الامور العدميه يعنى اللى مش موجودة اصلا لا توجد لها الفاظ
ومادامت الالفاظ لا تسبق المعانى اذن فوجود تلك الالفاظ فى لغات الناس يدل قطعا على ان معانيها سبقت وجود اللغه وان المعنى الايمانى فى وجود( الله) امر سابق على ان يكون لنا لغه ومادام هذا اللفظ قد وجد فى لغات الناس يدل على ان المعنى كان موجودا
فى لغتنا (الله ) علم على واجب الوجود يعنى اسم الله اسم للقوة المطلقه بكل صفاتها ووضع اسم على مسمى امر تعودنا عليه لاننا نضع الاسماء على المسميات
لو حد ممكن يقول ممكن يكون لفظ الله يطلق على اى شئ مستحيل يكون هناك اسم يطلق على لا شئ
قال الله تعا لى ( هل تعلم له سميا) يعنى اعرفت احدا سمى اسم (الله ) على نفسه لا احد فما كان الذى يضمن لمحمد صلى الله عليه وسلم ان يتجرأ كافر ملحد ليقول ساتحدى القران وساتحدى محمد صلى الله عليه وسلم
وساضع اسم (الله) على اى شئ ولكن ذلك لم يحصل ابدا وظل اسم (الله) لم يسمى به احد ومعنى ان الكفار والملحدين والمعاندين لا يصفون ذلك دليلا قاطعا على انهم يطمئنون الى وجود تلك القوة والا فما الذى يخيفهم او على الاقل يجعلهم غير واثقين تمام الثقه فيما يعبدون لانهم لو كانوا واثقين مما يعبدون لرأوا فيما يعبدون حمايه لهم ان ينزل الله بهم غضبه فتحدى القران (هل تعلم له سميا) والمستدل عليه الان انه لم يوجد احد سمى نفسه الله من قبل وايضا لم يوجد بعد مع وجود المكابرين والمعاندين فى وجود (الله) تحداه ان يطلقها على نفسه لانه لا يريد ان يجعل التجربه فى نفسه ولو كان واثقا من موقفه العقدى لاطلق الاسم على نفسه ولم يهتم
كلمه الكفر نفسها دليل على الايمان لان معنى الكفر فى اصل اللغه الستر حتى فى اللغه الانجليزيه بنقول على اى غلاف كفر فمعنى كفروا اى ستروا شيئا كان موجود فالكفر طارئ على الايمان يعنى من الازل كان الايمان بالله موجود ثم جاء الكفر بعد ذلك
ممكن لمنكرى وجود الله يقولوا على من نطلق لفظ (الله) اذا كان غير موجود اصلا لازم نجد للفظ الله معنى عندكم
لا اله الا الله سيدنا محمد رسول الله

صلى الله عليه وسلم

لماذا كل هذا الحزن

على مدونه حائر فى دنيا الله قرات تعليق بيقول ان رئيس مصر حسنى مبارك مات

يوم 23 اغسطس ومكتمين الخبر حسيت احساس بالحزن فظييييع وبكيت وزادت نبضات قلبى وجريت على التلفزيون لا بحث على القنوات الاخباريه هل الخبر مؤكد ام اشاعه سبحان الله استغربت قوى انا ليه حزنت قوى كدة قلت معقوله حسنى مبارك مات وخصوصا انى شوفت رؤيه من اسبوعين وانا والله لا افكر فى حسنى ولا تشغلنى السياسه نهائى لانى شايفه انه مافيش فايدة ايوة عملوا احزاب وجرايد معارضه بس بجد هو فيه حاجه تغيرت فعلشان كدة مش بحب السياسه نهائى حتى المدونات اللى بتتكلم فى السياسه مش بحاول ادخلها نهائى لان علشان الدنيا تتغير من حولينا لازم احنا نتغير الاول الرسول صلى الله عليه وسلم لما نزلت الرساله نظم نفوس الناس الاول وبعد كدة نظم الدوله مش قام وقال لاهل مكه ولقريش انا عايز اغير فى الاحكام والاعراف االى اتعودوا عليها لا لما هذب النفوس استقبلت كل احكام جديدة وقامت الدوله الاسلاميه بنفوس متقبله اى شرع وسياسه جديدة دة الشئ الكويس بقى نادر لدرجه ان الناس بستغرب لما تجد احد صالح وامين كما حدث مع العمال الامناء اللى ذكرهم كل من استاذ عصفور المد ينه وبينو وداعيه المستقبل يعنى المهم نغير نفسنا الاولى علشان نعرف نغيرالسياسه لان هايكون رجال السياسه وقتها منكم ناس صالحين وهايستجيبوا لرغابتكم طالما ترضى الله ولمصلحه الناس ( لايغير الله ما بقوم حتى يغيروا ما بانفسهم ) اعود للرؤيه رايت ان احد ما يقول لى حسنى مبارك لن يتعدى الثمانين عام وهايموت عند حلوله الثمانين وهايموت مريضا وليس مقتولا وهاتحدث فوضى فى البلد ووقتها الناس هاتقول احنا عايزين جمال مبارك وهايمسك جمال مبارك الحكم والله العظيم انا شوفت الرؤيا كدة وانا لاتفرق معى مين يحكمنا اصلا لانى بصراحه اريد حكم اسلامى ياتى باختيار مجموعه من الاشخاص يتوسم فيهم الخبره والتقوى والامانه عن طريق مجموعه من العلماء ويقومون باختيار واحد من هؤلاء الاشخاص وليس واحد يرشح نفسه مين قاله انه يستحق انه يحكم اوجدير بالحكم اصلا المهم ربطت الرؤيا بخبر الوفاة واستغربت ليه حزنت يمكن علشان خلاص اتعودت على وجودة طول عمرى لم اجد احد غيره رئيسا لبلدى طفولتى ومراهقتى وشبابى كبرت وهو من اجده امامى اتعودت على وجوده مع كرهى لافعاله وللحال اللى وصلت عليه البلد من تردى فى كل شئ اخلاقيا واقتصاديا واجتماعيا بس مع كل دة حزنت هل انا فيا حاجه غلط وخصوصا عرفت انه مريض قووووى جاء دة على احد الفضائيات ولكن وزير السياحه قال انه بخير وبيستجم شويه فى شرم الشيخ بس طبعا مش مصدقه وزير السياحه لانه خلاص السن يحكم برضه
ومافيش حد كبير على المرض والموت.. يمكن لو كان خرج من الحكم وهو مازال على قيد الحياه لما كنت حزنت ولكن الموت ليس فيه شماته وفرح ابدا الموت يسبب شفقه ويحدث تعاطف مهما كان الميت ظالم
انا عارفه انا هاصدم ناس كتير بس انا حزينه وبجد لو مات هاكتئب وهافتقده كتير وعلى فكرة احنا مش ضامنين اللى هايجى بعده هايعمل فينا ايه علشان معلش يعنى احنا لا نستحق حاكم عادل لاننا اصلا محتاجين تغير من جوانا واصلاح ذات البين اولا لان الرسول قال صلى الله عليه وسلم (اينما كنتم ولى عليكم ) انا لا ادافع عنه لانى فعلا لا احبه او حد يقول انى من مؤيديه لا والله ولكنه التعود لا اكثر يعنى لو احنا كويسين جاءنا حاكم عادل واذا كنا غير ذلك جاءنا حاكم ظالم واى حكم غير الشريعه الاسلاميه يبقى كلهم حسنى مبارك او جمال عبدالناصر او السادات

نفسى مرة حاكم يرحل عنا من غير موت يقول كفايه كدة عليا يمكن يجى حد احسن منى حتى لا نتعاطف معه عند موته وننسى كل ما فعله معنا

الى كل فتاه تؤمن بالله ورسوله...حجابك

فيه موضوع عارفه انا فيه ناس كتير اتكلموا فيه اول لما بدات التدوين كان موضوع الحجاب مثار وكل الدنيا بتتكلم فيه بسبب كلام وزير الثقافه عنه فقلت مالوش لازمه اتكلم فيه طالما فيه ناس كتير اتكلمت فيه لانى مش باحب اتكلم فى موضوع اتكلم فيه ناس كتير باكتفى بكلام الاخرين وخلاص لانه زى فرض الكفايه طالما واحد اتكلم فى موضوع مالوش لازمه الدنيا كلها تتكلم بس كنت على مدونه الصارم الحاسم ووجدت تعليق بيقول ان فيه ناس لسه بتذم فى الحجاب دخلت عندهم اتفجأت بالكلام واتصدمت منه طبعا مش هاقول هما مين ومش هاقول قالوا ايه
لاقيت نفسى استفزنى الكلام فقلت لازم اتكلم فى الموضوع بس مش هاتكلم عن اثبات القران والسنه للحجاب وفرضيته
لان ناس كتير اتكلمت فى الامر دة هاتكلم عنه بطريقتهم فى التفكير لانهم بيحبوا يمنطقوا كل حاجه وبيحبوا استخدام العقل والكلام دة مجرد وجهه نظرى

ليه اصلا الحجاب مهم بالنسبه للمرأه بدايه كدة هاسال سؤال بسيط للرجل المتزوج كيف تحب ان ترى زوجتك وهى فى البيت هل تحب ان تراه لابسه طرحه ولابسه عبايه باكمام طويله ولا ترى منها اى شئ ام تحب ان ترى زوجتك فى كامل زينتها وفى احسن ملابس وياريت لو ملابس تظهر جمالها
هاتكون سعيد بيها قوى وهى عامله فى نفسها كدة فى البيت علشان تتمتع بيها و بالنظر اليها دة حقك لانها زوجتك
يعنى الرجل يستمتع بالمراه ويفتن بها لما تكون فى كامل زينتها طيب اللى بيطالب المرأه بالتحرر من الحجاب انت عارف ان نواياك سيئه لانك تريد تستمتع برؤيه المرأة سافره وتستبيح لنفسك كل النساء انك تريد متعتك انت فقط انك من اعوان الشيطان تشجع المرأة لرغباتك الشخصيه فقط
سؤال للمراه بالله عليكى انت لما بتخرجى وتتزينى وتذهبى الى الكوافير وتلبسى الملابس الفاضحه على راى انيس منصور ان فتاه اليوم بتلبس ملابس وهى خارج البيت كانت تستحى امها تلبسه فى غرفه النوم شوفى مين بيقول الكلام انيس منصور وانتم عارفين انيس منصور ولا متدين ولا شيخ نرجع للسؤال ليه بتخرجى بالمنظر دة اوعى تقولى علشان نفسك مش هانضحك على بعض انتى بتتزين كدة علشان تلفتى نظر الرجال اليكى
قال الشيخ الشعراوى مرة ان المرأه اللى بتخرج فى كامل زينتها تلح على الرجل لينظر اليها بتقوله بص يا اعمى دة كلام الشيخ الشعراوى يعنى انتى بتتزين ليستمتع بكى الرجال مهما تقوليلى انا على خلق وباصلى متفقه معاكى ولا اعيب على خلقك اى شئ بس ايه ذنب انسان لا يستطيع الزواج ولا يستطيع الوصول اليك ان تفتنيه وتسببى فى افسادة هاتقوليلى ربنا قال غضوا البصر يبقى هو يغض بصرة بيبص ليه طيب ياللى بتقولى ربنا قال طيب ليه انت مش سمعتى كلام ربنا وغطيتى نفسك ورحمتى الشباب من الفتنه
انتى مش عارفه انك لما تخرجى كدة وكل انسان يفتن بيكى يبقى دة بيزيد فى عداد سيائتك وبتحملى وزره
انت مش عارفه ان الرجل غير المرأه الرجل بيفتن بالمراه ايا كانت لكن المراه تفتن بالكلمه الحلوة

اضافه بسيطه(عارفه لو فتن بكى انسان ملتزم وعارف ربنا هايكتم فى نفسه خوفا من الله لكن لو واحد مش ملتزم ولا يعرف ربنا هايخطف اى طفله ويغتصبها لانه مش قادر عليكى ولكنه هايقدر على طفله لا حول لها ولا قوة او اضعف الايمان هايتحرش باى بنت تقابله ليفرغ الشحنه التى اتشحنها بسببك ) عرفتى بقى سبب التحرش والاغتصاب وخالى بالك هاتشاركيه الاثم لانك كنت السبب فى اثارته وجعله يقوم بهذه الجريمه يعنى المفروض تتحاكمى معه لانك مشاركه فى الجريمه
انت مش عارفه انك ممكن تجعلى رجل يبغض زوجته بسببك لانها اكيد فى البيت مش هاتكون فى كامل زينتها مثلك يبقى انتى كدة تسببت فى خراب بيت وزاد عداد سيئاتك اذا كنت يعنى مهتمه بالحسنات والسيئات
ام اذا كنت غير مهتمه ومش فارق معاكى فاعملى اللى انتى عايزاه بس لازم تعرفى حاجه زى ما فتنتى رجل وجعلتيه يبغض زوجته ربنا هايسلط عليكى نفس اللى عملتيه فى غيرك وزوجك هايفتن بواحدة تانيه غيرك
لانه تزوجك فى الاول علشان شكلك ومظهرك فلما يزهق منك هايدور على شكل تانى وهايلاقى بسهوله جدا
بالنسبه للرجل اللى بيترك ابنته او زوجته او اخته تخرج بهذا الشكل ولا يغار عليه عارفين الرسول قال ايه عن الرجل الذى لا يغار على اهل بيته انه ديوث والديوث لا يدخل الجنه مش انا اللى بقول دة الرسول صلى الله عليه وسلم اللى بيقول مثلا واحدة تقول نفسى اتحجب بس مش قادرة انت لو مؤمنه بالله ورسوله والحساب هاتنفذى الامر فورا انت لو قال ليكى مديرك افعلى كذا لاما اذا لم تفعليه هاتتجازى واذا فعلتيه هايكون لكى حوافز تفتكرى هاتنفذى الامر من غير تفكير ولا لا طيب ليه بتفكرى كتير فى اوامر ربنا هاتقولى مش قادرة طيب انتى احسن من حلا شيحه ولا حنان ترك ولا رانيا علوانى اللى تركوا الشهرة واللبس المبهر علشان ربنا انتى تكونى ايه جنب شهرتهم وعلى فكرة هما ولا كبار فى السن ولا مرضى عارفه حنان ترك اتطلقت من زوجها بسبب الحجاب لانه رافض حجابها نيجى بقى للى لبست الحجاب ومش حجاب الحجاب مش مجرد قطعه قماش تضعيها على راسك انتى عارفه شروط الحجاب انه يكون سابغ يعنى مغطى الجسم كله لا يشف ولا يصف ولا يكون زينه
يعنى ولا بنطلون ضيق يصف جسمك ولا بادى مش عارفه لبستيه ازاى اصلا ولا 15 كيلو ميكياج على وجهك
ولا برفان زاعق يشمه الناس على بعد كيلو متر مربع طالما اتحجبتى يبقى التزمى الرسول قال علمت فالزم
يعنى طالما عرفتى الحجاب يبقى لازم تلتزمى بضوابطه والا انا افضل تشيلى قطعه القماش اللى ما لهاش اى لازمه نهائى وخليكى من غير حجاب علشان لا تنحسبى على المحجبات وتكونى حجه للعلمانين على المحجبات
طبعا فيه ناس بتقول ان الرقى والتقدم فى السفور طيب حنان ترك وحلا شيحه دول مش المفروض من المجتمع الراقى وصفوة المجتمع طيب اتحجبوا ليه اصلا طالما ان الحجاب ضد الرقى هاتقولى عليا انى معقدة ولا متخلفه او اتحجبت لظروف خاصه اوانضغط عليا علشان اتحجب الحمد لله اتحجبت وانا فى سنه تانيه ثانوى والحمد لله كنت متفوقه محبوبه من مدرسين ومعظم بنات المدرسه كانوا صديقاتى وكنت محبوبه منهم جدا اصغر واحدة فى اخواتى والحمد لله اسرتى مترابطه جدا وبنحب بعض بفضل الله ولا اعانى اى مشاكل فى شعرى لاحسن حد يقول انى اتحجبت علشان عندى مشاكل مع شعرى ولا حاجه امى اتحجبت بعد زواج اختى الكبيره واخواتى فيه اللى اتحجب بعد الزواج وفيه اللى اتحجب بعد الجامعه يعنى الحمد لله ولا كنت بمر بظروف سيئه

ولا حاجه ولكنى عندما عرفت الامر بالحجاب الحمد لله ارتديته مع ان كان كل صحباتى كانوا مش محجبات والحمد لله ربنا من عليا ان فيه ناس منهم تشجعوا وارتدوا الحجاب بفضل الله والحمد لله مازلت ارتديه ولم افكر يوم فى عدم ارتدائه ربنا يديمها عليا نعمه اللهم امين الحمد لله لا يعوقنى فى اى شئ نهائى بالعكس انا كنت الاول لما امشى فى الشارع مع صديقاتى لان كان حجابى كان حجاب امريكانى يعنى كان ملفت فى الاول كنت بامشى مرووشه خايفه حد يقرب منى ويعمل اى حركه مش لطيفه لما لبست العبايه ( الحجاب بضوابطه الشرعيه) لا اجد الا كل احترام ومعامله طيبه بفضل الله يعنى انا واحدة زيكم مش من المريخ ولا حاجه باروح النادى وبتعامل مع النت ومش متخلفه ولا حاجه وفيه بنات صديقاتى منتقبات برضه حياتهم طبيعيه ولا يعوقها اى شئ نهائى
فكرى كدة اختى وراجعى نفسك هل اشيائك الثمينه تتركينها فى العراء ام تخافين عليها وتبعديها عن عيون الناس هكذا انت جوهرة ثمينه يريد الاسلام حمايتك من الاخرين هل تاكلين الحلوى المكشوفه اما تاكلين الحلوى المتغلفه شوفتى الشئ المغلف بيكون محمى من التلوث ليه ترخصى نفسك ويكون جسمك مستباح لكل الناس الا تعلمين انه يستمتع بكى الكناس والغفير وغيرهم وغيرهم وطبعا ببلاش من غير ما يدفع ولا مليم الله اكرمك وجعلك حرة لا تباعين فى سوق الرقيق ليه مصره تكون جاريه ليه مصرة تظهرى ان جمال المرأه فى الشكل فقط والزينه لا المرأة افضل من كدة بكتيرواهم من ان تنحصر فى الشكل الخارجى

اخيرا كلامى الى كل فتاه تؤمن بالله ورسوله وكتابه هل عندك شك ان الله لايريد بك الخير المفروض لما الله ورسوله يقولوا امر نقول نحن سمعنا واطعنا ولا حتى نفكر مجرد تفكير فى الامر هل تشكين فيمن كان يرزقك وانت جنين فى بطن امك انه لا يريد لك الخير عندما امرك بالحجاب لازم تاخدى كل اوامر الله من غير تفكير ولا تردد كما تثقين فى دكتور التخسيس وتاخدى كلامه وانتى مستسلمه تماما ليه مش بتاخدى اوامر الله بنفس الطريقه بالاستسلام التام للامر

هدانا الله واياكى الى سواء السبيل ورزقنا حسن الاتباع

اللهم اجعلنا من الذين يستمعون القول فيتبعون احسنه

اللهم ارزقنا الاخلاص فى القول والعمل

موضوع مرتبط بهذا البوست على

مدونه حائر فى دنيا الله

قصه ولا مناظر

ايضا عند الباشمهندس ماعلينا موضوع

الى اختى المنتقبه

اليوم العالمى للحجاب

حديث حلا شيحه عن الحجاب

يوم رزق زكريا الولد

اقترب نبى الله زكريا من نهايات العمر اصابه الكبر وكانت زوجنه عاقرا لكنه دعا ربه ان يرزقه الولد لم يكن زكريا ليشك لحظه فى قدرة الله لكن ربما دفعه ليرفع دعاءه بالولد ما راى من رزق بلاحساب او سبب فى المحراب عند العذراء مريم وقد كان يكفلها كان يجدعندها فاكهه الصيف فى الشتا وفاكهه الشتا فى الصيف فدعا زكريا وقال ( رب هب لى من لدنك وليا يرثنى ويرث من ال يعقوب واجعله ربى راضيا) ولبى الله نداء زكريا ونادته الملائكه بان الله يبشره بولد اسمه يحى ( ونادته الملائكه وهو قائما يصلى فى المحراب ان الله يبشرك بيحى مصدقا بكلمه من الله وسيدا وحصورا ونبيا من الصالحين) وهنا يتسال زكريا وهو اعلم بحاله بانه طاعن فى السن وزوجته ايضا عجوز وعاقرا (قال ربى ان يكون لى غلاما وقد بلغنى الكبر وامراتى عاقر) تعامل زكريا مع الامر كبشر يتناول اى مساله بمنطق السبب والنتيجه وبهذ ا المنطق لايمكن له ان يامل فى الانجاب وذكره ربه ان تحقيق امله فى الذريه امر هين كيف لا ( وقد خلقتك من قبل ولم تك شيئا ) ولكن لماذا لم يدعو زكريا ربه بالذريه قبل كدة لماذا كانت دعوته فى ايام العذراء مريم هناك حكمه من ذلك حكمه ان يرى زكريا الرزق عند مريم من غير حساب فيطمع فى كرم الله ويدعوه مع عجز الاسباب عنده ولتثبت مريم العذراء شاء الله ان يثبتها عندما يهبها المسيح عيسى ولم يمسسها بشر فالقادر على ان يهب زكريا برغم كبر سنه وعقم زوجته الولد قادر على ان يهبها غلاما بغير زوج لانه وحدة الذى لا تستند قدرته الى مسببات فسبحان الوهاب القادر العظيم

انظروا الى قصه سيدنا زكريا والسيدة مريم ادعو الله واجملوا فى الطلب لان الله لا يعجزه شيئا فى الارض ولا فى السماء

اوعى تتدعو الله وانت شاكك فى ان دعائك لن يستجاب

او تستعظم امر مهما كان على الله ثق انه هو الوهاب الذى راعاك وانت جنين فى رحم امك قادر ان يراعك

اطلب فوق قدرتك ان الله يحب ان تعظموا فى الطلب اطلب التى تعجز يدك عن الوصول اليه

اطلب كل شئ اطلب الجنه بصدق تنالها ان شاء الله

هل لما تطلب شئ من عامل بسيط كما تطلب شئ من رئيس الدوله

فما بالك وانت تطلب من الله القادر على كل شئ خالق الارزاق ومقسمها

فهل سوف يعجزة طلبك

اسال الله ان يحقق لكل صاحب حاجه حاجته مهما كانت عظيمه فى نظره ومستحيل الوصول اليها

اكثروا من الدعاء فى هذه الايام قال رسول الله صلى الله عليه وسلم ( ان فى ايام دهركم لنفحات الا فاغتنموها ) صدق رسول الله صلى الله عليه وسلم

مهما كان طلبك كبير فالله اكبر

شكرا لكل من اهتم بالسؤال عنى جزاكم الله عنى خير الجزاء

بابا و حشتنى

خمس شهور على رحيلك والدى لسه مش قادرة استوعب انك مش موجود حاسه بعدم اتزان حاسه انى ضعيفه قوى كنت انت مصدر قوتى ومعرفتش كدة الا بعد رحيلك انا مش معترضه على ارادة ربنا بفقدك ولكنه الحزن والافتقاد الرسول عندما فقد عمه وزوجته السيدة خديجه سمى هذا العام بعام الحزن وانا فقدت اختى وبعدها بشهرين فقدتك والدى يبقى دة عام الحزن بالنسبه لى ليه استعجلت كدة على الرحيل ليه ماستنتش علينا شويه لما نفوق من صدمه فقد اختى اعلم انها ارادة الله وراضيه بقضائه بس فراقك صعب علينا الحمد لله على كل حال

بابا رمضان قرب كنت باكون فرحانه بقدومه بهجته مش حاسه بيها مين هاينافسنى فى كم مره نختم القران مين هايقوم ماعيا يصلى قيام الليل ازاى هافطر وانت مكانك على السفره فاضى مين هاكل من ايده التمر باللبن اللى كنت لازم تعمله لنا من بدايه شعبان تجيب لنا كل احتياجات رمضان عمرك ما قطعت هذه العادة قطعتها هذا العام رغما عنك انا اتمنى انك تكون فى مكان افضل وفى رفقه وصحبه افضل منا

بس يابابا حسيت قد ايه كنت انت الامان كنت انت الاستقرار دلوقتى كل يوم احناعند حد من اخواتى فقدت استقرارى فقدت عاداتى اللى اتعودت عليها كان وجودك الامان والاستقرار الخوف يتملكنى مفتقده الحنان قبل ما اطلب الحاجه بتكون جايبها ليا بابا انت كنت الولى فى جواز كل اخواتى ليه مش انتظرت لما تكون ولى فى زواجى ازاى حد غيرك اسمه يكون مكتوب على عقد زواجى

انا بقيت باكره انى اخر واحدة فى اخواتى لانى مشبعتش منك زيهم بقيت بحب الموت قوى لانه هايقربنى من انى اكون بقربك

يمكن مقلتش لك كتير انى بحبك قوى يمكن كنت بانسى ياريت تكون حاسس قد ايه انا بحبك سامحنى على تقصيرى معك

سامحنى على جهلى معك بابا الدنيا وحشه قوى من غيرك

وربنا يلطف بينا لما يجى اول رمضان وانت مش معانا

رمضان سامحنى اول مرة مش اكون فرحانه بقدومك غصب عنى

مين يستحق صحبتك

اولا كل سنه وانتم بالف خير اول شهر شعبان المبارك الذى ترفع فيه الاعمال وكان اكثر صيام الرسول صلى الله عليه وسلم بعد شهر رمضان كان فى شهر شعبان والحمد لله الجو اتحسن شويه ياريت بقى نستن بسنه الرسول ونجتهد فى الصيام فى هذا الشهر تقبل الله منا صالح الاعمال اللهم امين يارب العالمين

انا هاكمل بوست فى ظل الرحمن علشان نعرف من يستحق ان نصحبه وهل نحن فعلا نستحق ان نكون من الصحبه الصالحه كل واحد يدور فى نفسه هل هو فعلا يعرف حق الصحبه بحق واذا كان فعلا يتصف بهذه الصفات فمن يستحق صحبته

البوست دة هايتكلم عن حقوق الصحبه

اكيد مش كل انسان يصلح للصحبه قال صلى الله عليه وسلم ( المرء على دين خليله فلينظر المرء الى من يخالل) ولازم يتميز بصفات يرغب بسببها فى صحبته تكون فوائد من هذه الصحبه وهى فوائد دينيه ودنيويه من الفوائد الدينيه للصحبه منها الاستفادة من العلم والعمل ومنها الاستفاده من الجاه تحصنا به من اى شئ ممكن يصد عن العبادة ومنها التبرك بمجرد الدعاء ومنها انتظار الشفاعه فى الاخره فقد قال السلف استكثروا من الاخوان فان لكل مؤمن شفاعه فلعلك تدخل فى شفاعه اخيك وروى فى غريب لبتفسير فى قوله تعالى (ويستجيب الذين امنوا وعملوا الصالحات ويزيدهم من فضله ) قال فيشفعهم الله فى اخوانهم فيدخلهم الجنه معهم ويقال اذا غفر الله للعبد شفع فى اخوانه ولذلك حث السلف على الصحبه والالفه والمخالطه قال احد الصالحين لاتصحب من الناس الا من يكتم سرك ويستر عيبك فيكون معك فى النوائب

ويؤثرك بالرغائب وينشر حسناتك ويطوى سيئتك فان لم تجده فلا تصحب الا نفسك

حقوق الصحبه والاخوه

الحق الاول : فى المال

قال رسول الله صلى الله عليه وسلم ( مثل الاخوين مثل اليدين تغسل احداهما الاخرى) وانما شبههما باليدين لانهما يتعاونان على غرض واحد فكذا الاخوان انما تتم اخوتهما اذا ترافقا فى مقصدواحد فهما من وجه كالشخص الواحد وهذا يقتضى المساهمه فى لسراء والضراء والمشاركه فى الحال والمواساه بالمال مع الاخوة واحد السلف قل الا نفاق على الاخوان افضل من الصدقات على الفقراء قال على رضى الله عنه لعشرون درهم اعطيها اخى فى الله احب الى من ان اتصدق بمائه درهم على المساكين وقال ايضا لان اصنع صاعا من طعام واجمع عليه اخوانى فى الله احب الى من ان عتق رقبه قال رسول الله صلى الله عليه وسلم (ما من صاحب يصحب صاحبا ولو ساعه من النهار الا سئل عن صحبته هل اقام فيها حق الله ام اضاعه ) وقال ايضا صلى الله عليه وسلم ( ما اصطحب اثنان قط الا كان احبهما الى الله ارفقهما بصاحبه)او كما قال الرسول صلى الله عليه وسلم

الحق الثانى :فى اللسان بالسكوت

وهو السكوت عن العيوب فى غيبته وحضوره بل يتجاهل عنه بالسكوت عن الرد عليه ولا يتجسس عليه واذا راه فى الطريق لا يساله عن وجهته حتى لا يضطر الى الكذب وليسكت عن اسراره ولا يبثها الى غيره ولا يكشف شيئا منها ولو بعد القطيعه فان ذلك من لؤم الطبع وخبث النفس

الحق الرابع : على اللسان بالنطق

النطق باللسان تشمل التودد اليه والسؤال ان احواله اذا حدث له عارض فمعنى الاخوة المساهمه فى السراء والضراء وقال صلى الله عليه وسلم ( اذا احب احدكم اخاه فليخبره ) وانما امر بالاخبار لان ذلك يوجب زياده الحب فن عرف انك تحبه احبك بالطبع ومنها ايضا ان يناديه باحب اسمائه اليه فى غيبته وحضوره قال عمر رضى الله عنه ثلاثه يصفين لك ود اخيك ان تسلم عليه اذا لاقيته اولا وتوسع له فى لمجلس وتدعوه باحب اسمائه اليه وتثنى عليه بما تعرف من محاسن احواله فان ذلك من اعظم الاسباب فى جلب المحبه ومن اعظم ذلك تاثيرا الدفاع عنه فى غيبته وكذلك التعليم والنصيحه وتنبهه الى عيوبه ويكون ذلك فى السر لا يطع عليه احد

العفو عن الزلات والهفوات

وهفوه الصديق ممكن تكون فى دينه بارتكاب معصيه او فى حقك بتقصيره فى الاخوة اما ما يكون فى الدين واصراره على المعصيه فعليك يالتلطف فى نصحه بما يعيد له الصلاح واذا اصر على معصيته فابغضه من حيث احببته

اما زلته فى حقك فى الاولى العفو والاحتمال وخلق الاعذار فقد قيل ينبغىان تستنبط لزله اخيك سبعين عذرا فان لم يقبله قلبك فرد اللوم على نفسك فتقول لقلبك ما اقساك يعتذر اليك اخوك سبعين عذرا فلاتقبله فانت المعيب لا اخوك ومهما اعتذر لك اخوك كاذبا او صادقا فاقبل عذره

وقال صلى الله عليه وسلم المؤمن سريع الغضب سريع الرضا ( علشان مش حد يزعل انى عصبيه ) فلم يصفه بانه لا يغضب وكذلك قال الله والكاظمين الغيظ ولم يقل والفاقدين الغيظ وهذا لان العادة لا تنتهى الى ان يجرح الانسان فلا يتالم بل تنتهى الى ان يصبر ويحتمل

الحق السادس: الدعاء

الدعاء للاخ فى حياته وبعد مماته بكل ما يحبه ولا هله وكل متعلق به فتدعو له كما تتدعو لنفسك ولا تفرق بين نفسك وبينه فقد قال صلى الله عليه وسلم (اذا دعا لرجل لاخيه فى ظهر الغيب قال الملك ولك مثل ذلك )

وفى حديث ( يستجاب الرجل فى اخيه مالا يستجاب له فى نفسه ) صدق رسول الله صلى الله عليه وسلم اسالكم االدعاء لانى فى حاجه شديدة لدعائكم هذه الايام من فضلكم

الحق السابع: الوفاء والاخلاص

ومعنى الوفاء الثبات على الحب وادامته الى الموت وبعد الموت مع اولاده واصدقائه فان الحب انما يراد للاخره فاذا انقطع قبل الموت حبط العمل وضاع السعى ويقال ماتاخى اثنان فى الله فتفرق بينهما الا بذنب يرتكبه احدهما وكان احد الصالحين يقول اذا قصر العبد فى طاعه الله سلبه الله من يؤنسه وذلك لان الاخوان مسلاه للهموم وعون على الدين ومن ثمرات المودة فى الله ان لا تكون مع حسد فى دين ودنيا وكيف يحسده وكل ماهو لاخيه فاليه ترجع فائدته وبه وصف الله المتحابين فى الله فى الله تعالى فقال ( ولا يجدون فى صدورهم حاجه مما اوتو ويؤثرون على انفسهم ولو كان بهم خصاصه) ووجود الحاجه هو الحسد ومن الوفاء ان لا يتغير حاله فى التواضع مع اخيه وان ارتفع شانه واتسعت ولا يته وعظم جاهه فالترفع على الاخوان بما يتجدد من الاحوال لؤم قال الشاعر

ان الكرام اذا ما ايسروا ذكروا من كان يالفهم فى المنزل الخشن

دة جزء بسيط من حق الاخوة فى الله فهل نحن فعلا نقوم بحق الاخوة ولا كلا منا مقصر فى حق اخيه ولا يعطى للاخوة حقها

كم صديق عرفته بصديق صار احظى من الصديق العتيق

ورفيق رايته فى طريق صار عندى هو الصديق الحقيقى

من كتاب احياء علوم الدين جزء حقوق الصحبه

لا تنسونى بالدعاء لانى فى ظروف احتاج فيها الى دعائكم

جزاكم الله خيرا مقدما